Post: #4 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 07:56 AM Parent: #2
تراجى .... ست العرس
التهنئة لك اولا
ولحيدر قاسم ولراشد الحاج والصاوى
اما الكرومبا وثروت ما اااااااا عايزة معاهم !
مغرضين !
ياخ دا طلع ود عجيييييييييب لما حيرنا ذاتو
وجعل قلوبنا تخفق كما لم تخفق من القبل
ـــــــــــــــ دا الكلام البجيب لينا المشاكل مع تراجى
ويخليها مااا تنوم
Post: #3 Title: Re: اوباماااا يا ود يا خطييييييييييير !! Author: Hussein Mallasi Date: 11-05-2008, 07:49 AM Parent: #1
اسه فرقكم شنو من فضل الله قلووز المنحاز هو و شلتو لفريق برشلونة!!
_____ فرصة سعيدة يا دينا
Post: #5 Title: Re: اوباماااا يا ود يا خطييييييييييير !! Author: عزاز شامي Date: 11-05-2008, 07:58 AM Parent: #1
دندون ...
مبروك فوز "الديموقراطية" و فوقها مبروك لانتصار الكفاءة على ما عداها من موروثات كرست لصفوية "الابيض" على ما عداه ...
اوباما اكثر من "رئيس اسود"
اوباما صفحة جديدة "بيضا" في كتاب صفحاته كلها "سوداء"
Post: #6 Title: Re: اوباماااا يا ود يا خطييييييييييير !! Author: nadus2000 Date: 11-05-2008, 10:28 AM Parent: #5
دندووون عاش من شافلك بوست يا ستي
عزوز انا بلعن حظي من يومها....بنرد ليييك الخيانات دي... وما بنمشي لي ناس ما بجووونا.
Quote: اوباما صفحة جديدة "بيضا" في كتاب صفحاته كلها "سوداء
وشنو يا ستي ما زلتي تستبطنين افضلية الأبيض وتأكيد رمزيته للخير والفأل والأمل...وسوادنا لون الشر...
أعلم أنه ارث ثقيل واعلم أن قناعاتك تنطلق الى رحاب المساواة والعدل...وأعلم أنها مجرد زلة كيبورد جرته العادة والسائد الى هكذا خطاب...وأثق في حساسيتك..
كوني ودينا وتراجي وضيوفكم بألف خير
Post: #7 Title: Re: اوباماااا يا ود يا خطييييييييييير !! Author: شهاب الفاتح عثمان Date: 11-05-2008, 10:38 AM Parent: #1
فوز اسعدنا وهو فــوزتاريخ .. ويستحق اكثر من قراءه !.
اقلها شخص لو ترشح في مسقط والده كينيا لن ينجح لان والده من قبيله اقليه يستطـيع عبر الديمقراطـيه الفوز و هو في عز شبابه برئاسه الولايات المتحده الامريكيه !!.
دينا العزيزه.. اوبامــا صفحه جديده من كتاب فضائل الديمقراطـيه. _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
Post: #8 Title: Re: اوباماااا يا ود يا خطييييييييييير !! Author: عزاز شامي Date: 11-05-2008, 11:01 AM Parent: #1
يا نادوس انا ذنبي شنو انو انت كنت حايم في البراري و الفيافي ؟؟
عموما ابنوستنا ما قصرت تب و نردها ليكم في الافراح ..
Quote: يا ستي ما زلتي تستبطنين افضلية الأبيض وتأكيد رمزيته للخير والفأل والأمل...وسوادنا لون الشر...
هي سجمي!
صفحة بيضاء معنها صفحة جديدة ,, السواد كان رمزية للعرق الافريقي .. كدي وريني وين رمزية الشر؟؟
ما تستغلوا فرصة انو انا ما نايمة من امبارح مبارية الانتخابات و تقعدوا تلولو لينا راسنا
Post: #9 Title: Re: اوباماااا يا ود يا خطييييييييييير !! Author: العوض المسلمي Date: 11-05-2008, 11:05 AM Parent: #1
دينا سلام
يا سلام عليك ,,
بوستيك يشهي الزول انه الزول يقول مبروك لاوباما هذا الفوز
كل الود
Post: #10 Title: Re: اوباماااا يا ود يا خطييييييييييير !! Author: Hussein Mallasi Date: 11-05-2008, 11:48 AM Parent: #9
Quote: وشنو يا ستي ما زلتي تستبطنين افضلية الأبيض وتأكيد رمزيته للخير والفأل والأمل...وسوادنا لون الشر
Post: #11 Title: Re: اوباماااا يا ود يا خطييييييييييير !! Author: ibrahim kojan Date: 11-05-2008, 01:46 PM Parent: #10
دينا يا جميله...
امس بعد نبطشيه كاربه ( دم وعمليات) رجعت البيت وساهرت للصباح متابع الانتخابات الامريكيه
المهم كتبت خاطره صغيره كدا بقلم الرصاص وقلت اضيفا ليك في البوست .. ما عارف ليه ...
ويمكن تكون حاجه مجنونه
بس خليني انوم واجيك راجع
بي مهله ....
Post: #12 Title: Re: اوباماااا يا ود يا خطييييييييييير !! Author: Hussein Mallasi Date: 11-05-2008, 01:56 PM Parent: #11
Quote: دينا يا جميله...
Post: #13 Title: Re: اوباماااا يا ود يا خطييييييييييير !! Author: ibrahim kojan Date: 11-05-2008, 02:03 PM Parent: #12
مالك يا حسين ما اقول جميله ولا شنو ؟؟؟
انت شايف شنو ؟؟؟؟؟؟؟؟
Post: #14 Title: Re: اوباماااا يا ود يا خطييييييييييير !! Author: Mohamed E. Seliaman Date: 11-05-2008, 02:13 PM Parent: #13
Quote: السواد هو لون بشرتنا السواد هو اللون الذي يستمد منه السودان اسمه لانه لون بشرتنا السواد هو لون التفائل والخير في الاديان الصينية القديمة ؛ ولون المودة في افريقيا السواد هو رمز الجمال الافريقي النقي السواد اصل الخلقة الانسانية ولون الروح ولون القدر لون الرحمة ولون الحق في الاسلام اختار الله السواد كساء لكعبته واختاره ليخط به اقداره في اللوح المحفوظ في بعض الافكار المسيحية السواد هو لون القدر وخاتم سليمان وكنوز الملك المرصود في اليهودية السواد
هو ما يبصر في العين عند الانسان
والعهدة على منعم سليمان
Post: #15 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 03:00 PM Parent: #13
حسين !
Quote: اسه فرقكم شنو من فضل الله قلووز المنحاز هو و شلتو لفريق برشلونة!!
لكن لو عرفت سبب انحياز فضل الله قلووز وشلته لبرشلونه لزال عجبك عنه وعنا ففضل الله قلووز وشلته ينتعلون الاحذية ويلبسو ملابسهم الرياضية ويدقدقو فى اذقتهم بكور من فضل ظهر وبطن وارجل وكوور برشلونه اخوان قللووز واخوان شلته صارو يحملون جنسيات لعيبة برشلونه اغنياتهم السودانية الجميلة تغنى وتعبا فى الاشرطه ويسمعونها تحت شجرة النيم الكبيرة تاتيهم فى الاشرطه من برشلونه ... قلووز وشلته يتابعون ويحفظون عن ظهر قلب كل لعبات برشلونة فى وقت لا يدرون فيه هل فى حيهم نادى رياضى اما لا ,,, انها العولمة .. وثورة الاتصال ماضية لا ريب فيها اها ناس على قلووز ديل يا اشتراهم برشلونه ودا يوم المنى او ظلو يتمرغون فى الميرى !! فان مس برشلونه ضر اوخير انعكس على قلللوز وشلته .. فمن اراد لهذه الشلة متابعة
دورى التالته دى تبقى حساده ساااااااى !!! منك
ـــــــــــــــ هل ما سقناه من اسباب فى حق قلووز ابانت وافصحت عن اسبابنا .. ولا عايز بيان بى حالنا برضو ؟؟
Post: #16 Title: Re: اوباماااا يا ود يا خطييييييييييير !! Author: JOK BIONG Date: 11-05-2008, 03:01 PM Parent: #15
Post: #17 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 03:20 PM Parent: #13
عزاز ونادوس ؟؟
حولاااااااااااااااااا
شرفتو ... البوست بوستيكم قولو خلونى اسمع ..
ــــــــــــ عزاز دايرة اعمل صورتى كدا مع اوباما وهيلرى ما قدرت !!
Post: #18 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 03:26 PM Parent: #13
ابراهيم عبد الله
ازيك ومشتاقين وسلامة قلوب ناس لندن ياخ
مالك قمت تشررط فيها بى مقصك ؟؟ عملت شنو؟
Quote: امس بعد نبطشيه كاربه ( دم وعمليات) رجعت البيت وساهرت للصباح متابع الانتخابات الامريكيه
المهم كتبت خاطره صغيره كدا بقلم الرصاص وقلت اضيفا ليك في البوست .. ما عارف ليه ...
ويمكن تكون حاجه مجنونه
لالالا عليك الله ما تضيف اى حاجه ,,, هو انت كدا نحن ما عارفين
نوديك وين .... لما تجى تجن لينا هنا كمان ؟؟؟
قلوبنا تماااااااام التمام ولا نشكو الا من عدم رؤياكم الغالية
Post: #19 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 03:30 PM Parent: #13
العوض المسلمى
الراجل البركة
شكرا لتبريكك للبوست شكرا كثيرا
واوباما مننا وفينا
Post: #20 Title: Re: اوباماااا يا ود يا خطييييييييييير !! Author: العوض المسلمي Date: 11-05-2008, 03:34 PM Parent: #19
شكرا دينا خالد
Quote: شكرا لتبريكك للبوست شكرا كثيرا
واوباما مننا وفينا
نتمني اننا كمان نكون منو وفيهو برضو ,,,
لو الزول ده فهمنا صاح .,,,نقول للفلس والفقر باااااااااااااي
Post: #21 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 03:35 PM Parent: #13
شهاب الفاتح
الراجل المستنير كيف حالك
عقبال ما يترشح ابنك لرئاسة ماليزيا قريبا
اصلو ذى ما قلت انت هنا ما عندنا طريقة !!
بلداننا دى ختينا ليها القدرها ,,,
مرورك اسعدنى *********
Post: #22 Title: Re: اوباماااا يا ود يا خطييييييييييير !! Author: Zoal Wahid Date: 11-05-2008, 03:39 PM Parent: #1
اوباما دا سحر الناس عديل كدا... يكون عندهم ابكر مسلاتي؟؟؟
Post: #23 Title: Re: اوباماااا يا ود يا خطييييييييييير !! Author: عزاز شامي Date: 11-05-2008, 03:46 PM Parent: #1
دندون ...
جبتي ليك صورة طااااازة من الفرن بعد خطاب النصر
يا دندون ديل مجسمات بالحجم التبيعي للمرشحين و نوابهم .. اختك استضافتهم في المكتب و من كترت ما حبيتهم قرررررررربت اعزمهم عشاء عندنا في البيت ..
Post: #24 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 04:39 PM Parent: #23
عزاز ؟
بتكاوى فينى مش ؟ عشان ماعارفة اعمل صورتى
ذى دى ؟ وتكون مناسبة انزلها بيها هنا ...
ما تخافى على روحكم من الصدمة !
قررت ان اكون عند حسن ظنكم
Post: #25 Title: Re: اوباماااا يا ود يا خطييييييييييير !! Author: khaleel Date: 11-05-2008, 05:29 PM Parent: #24
دندنة
انشاء الله اوباما
اعمل لينا طريق الانقاذ الغربي
يا اخوانا ما تخلونا في سوداننا وانتخاباتنا والفانوس حرق القطية
مالنا ومال اوباما وحسن ماكردة
Post: #26 Title: Re: اوباماااا يا ود يا خطييييييييييير !! Author: سارة علي Date: 11-05-2008, 06:05 PM Parent: #1
اوباما اوباما اوباما
فرح في فرح في فرح يا دينا اوباما فاز في ولايات ما متوقع انو يفوز فيها.. انا امبارح بعد النتيجة طلعتا بي فهم انو مافي شئ اسمو مستحيل.. من يوم اميارح انا بخطط لي ود اختي يكون رئيس الولايات المتحدة!! ومافي زول يجي يقول لي بتبالغي...
اوباما اوباما اوباما
Post: #27 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 09:19 PM Parent: #26
جوك بيونق !
صاحبك خطير والله كان قبل لينا
على الجينوسايد دا شوية واترو لينا بنكون شاكرين
شديد ,,,
Post: #28 Title: Re: اوباماااا يا ود يا خطييييييييييير !! Author: دينا خالد Date: 11-05-2008, 09:25 PM Parent: #26
خليل يا اخوى كيف حالك
لعلو خير ؟؟
ما تدفنو راسكم فى الرملة نحن البشكل
حياتنا وسياستنا هم الناس ديل
مفاصل ادارة الحياة اصبحت فى يد الدول العظمى
واعظمها والعظمة لله امريكا ,,,,,,,,
ومستقبلنا من مستقبلها رضينا ام ابينا !!
والفانوس بحرق القطية من واشنطن وليس من امدرمان ( جيب اى وش ) ..
Post: #35 Title: Re: اوباماااا يا ود يا خطييييييييييير !! Author: زياد جعفر عبدالله Date: 11-06-2008, 08:30 AM Parent: #1
دينا خالد..تحياتي أوباما شخص غير ساهل و غير عادي..هذا الرجل قد دخل التاريخ من أوسع أبوابه لم يحيز على تأييد الشعب الامريكي فقط..و أنما تأييد غالبية الناس في مختلف دول العالم!! هل تعلمي أن أستطلاعات الرأي هنا في أستراليا (عن لمن ستصوت أذا اعطيت الحق في الانتخابات الامريكية)- أعطته الغالبية الساحقة (أكثر من 85% )!! أحساس غريب ملكني حين شاهدت بعيني في الاخبار صورة جدته (لا أذكر لأي من والديه) صورتها وهي ترقص في قرية في كينيا و يرقص معها أهل القرية!! في جامعة سيدني كان هناك يوم مفتوح نقلته كاميرات التلفزيون حيث تجمعت الحشود لترقب ثم تحتفل أحتفالا صاخبا بفوز هذا الاوباما الافريقي الاصل. ما فعله الرجل أنجاز غير عادي...و أي شخص يقول غير ذلك ..فهو مكابر ليس الا...
Post: #36 Title: Re: اوباماااا يا ود يا خطييييييييييير !! Author: Hussein Mallasi Date: 11-06-2008, 08:33 AM Parent: #1
تجي منك مقبولة؛ بس تجي من كوجان أهو دا اللي مش ممكن أبداً.
Post: #37 Title: Re: اوباماااا يا ود يا خطييييييييييير !! Author: nadus2000 Date: 11-06-2008, 09:07 AM Parent: #36
Quote: وجعل قلوبنا تخفق كما لم تخفق من القبل
مقروءة مع الصورة.....
Post: #38 Title: Re: اوباماااا يا ود يا خطييييييييييير !! Author: دينا خالد Date: 11-06-2008, 09:24 AM Parent: #37
نادوس ؟ خلينها لى فطنة القارىء ,,, ما صلحتها
بث القارىء طلع خبيث ياخ
الواحد ما يخلى ليكم اى حاجه ؟؟؟
ــــــــــــــــــــ لكن يانادوس خاتى كان خفق ؟ شفت الود دا عجييييب كيف ؟؟
Post: #39 Title: Re: اوباماااا يا ود يا خطييييييييييير !! Author: محمد عبد الماجد الصايم Date: 11-06-2008, 09:39 AM Parent: #1
وين يا؟
Post: #40 Title: Re: اوباماااا يا ود يا خطييييييييييير !! Author: عثمان دغيس Date: 11-06-2008, 10:02 AM Parent: #1
مبروك لك محبي التغيير .. مبروك ليك يا دينا .. ومبروك لي تراجي .. ولي صبري الشريف زاتو !!!
بس عليك الله يا دينا تكلمي لي قريبك ده يشوف لي قطعة واطة إن شاء الله في أم دغيبيشة ...! ولا حتى في كجومورو الفي أقاضي كينيا زاته ...
فعلاً ده إنتصار للديمقراطية ويبشر بعهد جديد و ( يمكن ) يكون مختلف شوية ..!!
Post: #41 Title: Re: اوباماااا يا ود يا خطييييييييييير !! Author: نصر الدين عثمان Date: 11-06-2008, 10:19 AM Parent: #40
الأستاذة دينا ... تحياتي ألف مبروك لأوباما وهو يصنع التاريخ ..
(إحتفال أهالي قرية كوغيلو الكينية بفوز أوباما) - قناة الجزيرة
Post: #42 Title: Re: اوباماااا يا ود يا خطييييييييييير !! Author: طلعت الطيب Date: 11-06-2008, 01:59 PM Parent: #41
A record 131 million people cast their vote and exercised one of the most fundamental of human rights. But as Barack Obama said last night,
"This victory alone is not the change we seek--it is only the chance for us to make that change. And that cannot happen if we go back to the way things were. It cannot happen without you
(النصر الانتخابى الذى حققناه لا قيمة له فى حد ذاته ، اذا لم نتعامل معه كفرصة لاحداث التغيير المطلوب ، ذلك النوع من التغيير لن يحدث اذا رجعنا واستخدمنا ذات الاساليب القديمة ، ولن يحدث مطلقا بدون مشاركة الجميع)
براك اوباما عشية فوزه بالانتخابات الامريكية
سلام دينا خالد
Post: #43 Title: Re: اوباماااا يا ود يا خطييييييييييير !! Author: nadus2000 Date: 11-06-2008, 03:01 PM Parent: #42
دندون
انتي في كسيرك ولا كسيييير أوبرا ودموعها........ نبكي بس
(نادوس بعد مبارات الوغد دكين)
Post: #44 Title: Re: اوباماااا يا ود يا خطييييييييييير !! Author: Kostawi Date: 11-06-2008, 09:27 PM Parent: #43
Post: #45 Title: Re: اوباماااا يا ود يا خطييييييييييير !! Author: سارة علي Date: 11-07-2008, 02:38 AM Parent: #1
ولييه ود اختك ... عشان راجل ؟؟
انت مالك ؟؟
دندون ازيك.. سالتيني انا مالي؟
انا ما مولودة في امريكا..جليت منها... ود اختي امريكي عشان كدة العشم عليه...
ولو قاصدة حكومة السودان....لالالالالالالالالا تعليق..
المهم لو ربنا رزقني بالبنات بجتهد فيهم من قولة تيت الدنيا ما معروفة يمكن واحدة فيهم تطلع اوبامية...
اوباما اوباما اوباما
Post: #46 Title: Re: اوباماااا يا ود يا خطييييييييييير !! Author: HAYDER GASIM Date: 11-07-2008, 05:31 AM Parent: #45
Quote: انتي في كسيرك ولا كسيييير أوبرا ودموعها
نادوس الرائع ... تسلم إنت فى دموع أوبرا ... ول إتكلت على منو لامن كانت بتبكي وتتكسر ... تخيل ده بقى موضوع بطوله وعرضه ... ويا ريت زول أنجض مني إجيب الفيديو الخاص بهذا الموضوع.
دينا خالد ... بقيتي ما زي زمان
لكن ... أستبقيك ودا طاعما.
... وأوباما فعلا خطيييييير
... وإستاهل كل خيييير
... وتستاهلي كل نضيير
Post: #47 Title: Re: اوباماااا يا ود يا خطييييييييييير !! Author: دينا خالد Date: 11-07-2008, 04:23 PM Parent: #46
داليا
دايرين ليكم فوندك كبييير ندق ونديكم
الكسييير كتر كدا استغفرى وتابعى معانا ,,
ضوقى البكاء انتى المره دى
خلييل موسكو ما خليناها لكن قلنا الدول العظمى
واعظمها امريكا ... كدا حلوة ما كمان العظيم عظيم
ولا شنوو ؟؟
زول واحد ...
دى خارج قدرات ابكر مسلاتى ,,, واسعه شوية المرة دى .. قولى قوود لك فى مجاهل افريقيا واوكار الدجل
Post: #48 Title: Re: اوباماااا يا ود يا خطييييييييييير !! Author: دينا خالد Date: 11-07-2008, 04:36 PM Parent: #46
حيدر قاسم ؟ وينك؟؟
قالوا خير وسيله ..........
او بالعامية يا (قول داليا) ... الفيكـ بدربو ,,
اها اوباما وفاز تجى ولا نجى ؟؟
نادوس
انا مع النسخة الاصلية ... شيخ عرب واخو اخوان ***
وابقى عششششششششششششششرة على المباااااااااااااادى ,,, و( الثبات ) سكة حياتنا مهما عمر السكة طووووووول
خليك ( كما كنت ) ...
Post: #49 Title: Re: اوباماااا يا ود يا خطييييييييييير !! Author: دينا خالد Date: 11-07-2008, 04:51 PM Parent: #46
زياد جعفر
شكرا للمرور والمداخلة الدسمة
فى عرسك انشالله .. اوباما غير مجرى التاريخ ,,,
لا فض فووك ..
الصايم ؟
وين يا ,, انت دا
Post: #50 Title: Re: اوباماااا يا ود يا خطييييييييييير !! Author: دينا خالد Date: 11-07-2008, 05:07 PM Parent: #46
عثمان دغيس
هو ذاك هو ذاك ...
مختلف كتير يا عثمان كتيييييير ما شويه ,,
ابشروا *
نصر الدين عثمان ..
شكرا كتير على الفيديو الحنين
قالوا يا عثمان الما عندو قديم ما عندو جديد ..
النصر لكل الافارقة مش حلتو بس ...
Post: #51 Title: Re: اوباماااا يا ود يا خطييييييييييير !! Author: دينا خالد Date: 11-07-2008, 05:13 PM Parent: #46
طلعت الطيب ؟
شفت الكلام دا كيف ؟؟ ؟
ياخ الراجل دا عقد تراجى عدييييييل كدا !!!
عليك الله شد ليها سلك قول ليها .. عبرينا
بالتلفون يا شئون الرئاسة وكدا
الكرومبا
ما عايزة معاك ... لكن صورتك كعادتك
برضو خطيرة ... ياخ فترنا من السيده الاولى البتشااااابهو ديك ... التغيير حتى بتاع المناظر مهم ..
Post: #52 Title: Re: اوباماااا يا ود يا خطييييييييييير !! Author: عزاز شامي Date: 11-07-2008, 05:23 PM Parent: #1
صورة البارافايل الليلك رهيبة يا مسخوتة .. نان ديل قرايبينك؟
Post: #53 Title: Re: اوباماااا يا ود يا خطييييييييييير !! Author: ثروت سوار الدهب Date: 11-08-2008, 00:08 AM Parent: #52
مبروك
يادينا
و عقبال شلسي كلينتون
علا قولي لي
صورة هيلاري مع مقطوع الرئيس في بروفايلك مالا لون شوكلاتة و سماحة كدا؟
يا ود حسونة تلحقنا
Post: #54 Title: Re: اوباماااا يا ود يا خطييييييييييير !! Author: دينا خالد Date: 11-09-2008, 05:11 AM Parent: #53
