Post: #1
Title: يا ناس السعودية طلب عاجل اجراءات استقدام
Author: محمد عمر الفكي
Date: 11-04-2008, 09:15 AM
يا ايها المغتربين المتزوجين والمقيمين باسرهم حديثا في السعودية، عندي استفسار عن اجراءات تخليص معاملة استقدام اسرة في السودان
السفارة السعودية في الخرطوم بتطلب شنو للتاشيرة؟ يعني نوع الفحص الطبي شنو وللزوجة والاوالاد، ايدذ وفايروس سي والمركز المعتمد عندهم شنو؟ ولا ايبولا وكرت حمي صفراء من القمسيون؟ وللمراجعة هل يشترط اصل ورقة الاستقدام الصفراء ام ان طباعةالاستقدام من الانترنت تكفي؟وهل هناك اي متطلبات اخري للحصول على التاشيرة؟
اما تاشيرة الخروج فهل يشترط الحصول عليها من المغتربين او اي مركز جوازات؟ وهل هناك اي اشتراط غير ورقة موافقة السفر للزوج الغائب؟
|
Post: #2
Title: Re: يا ناس السعودية طلب عاجل اجراءات استقدام
Author: بشير حسـن بشـير
Date: 11-04-2008, 09:23 AM
Parent: #1
الأخ / محمد عمر
حمدا لله بالعوده للمنبر أولا
ثانيا ،، هنالك مكاتب فى الخرطوم وجنب السفاره بتقوم بكل شىء
بس الأشياء المطلوبه إجمالا هى : ـ
جواز السفر سارى المفعول
وثيقة الزواج مصدقه من وزارة خارجية السودان ، ثم من سفارة المملكه فى الخرطوم
الفحص الطبى ، وده بيتم فى القومسيون ومعمل إستاك بالخرطوم
تذكرة سفر ون وى
هذه هى الأشياء المطلوبه فى سفارة السعوديه فى الخرطوم
أما بالنسبه لك هنا فى السعوديه ، الطريق السهل إنك تقدم عن طريق الإنترنيت وتأخذ الطلب وتتوجه به لمكتب الإستقدام حتى تستوفى بقية المعامله ، والمطلوب منك هو صورة جواز المدام زائدا وثيقة
الزواج ، زائدا الشهادات الدراسيه الخاصه بك ، زائدا صورة الإقامه ، والأهم هو أن تكون الوظيفه
فى الإقامه هى من وظائف الموظفين أو الأطباء أو المهندسين وتكون مطابقه فى الجواز والإقامه .
أمنياتى لك بالتوفيق
بشير حسن / جده
|
Post: #3
Title: Re: يا ناس السعودية طلب عاجل اجراءات استقدام
Author: محمد عمر الفكي
Date: 11-04-2008, 09:30 AM
Parent: #2
الاخ بشير
شكرا للمرور والتوجيه
انا الاستقدام خلصته وطلعته واستلمت الورقة الصفراء وبقيت على اجراءت السفارة هناك بس. وعايز الحق الحج باسرع وقت ممكن
بعدين يا ناس مكة عليكم الله العارفله سكن مناسب يدينا خبر
|
Post: #4
Title: Re: يا ناس السعودية طلب عاجل اجراءات استقدام
Author: زهير حيدر صديق
Date: 11-04-2008, 09:53 AM
Parent: #1
إرسال الورقة الصفراء بالفاكس يفي بالغرض وممكن يعملوا ليها هم برنت من الموقع في السودان يدخلوا موقع وزارة الخارجية السعودية (أول خيار بطلع ليك عندما تعمل بحث في قوقل وتكتب فيهو الخارجية السعودية) تختار خدمات التأشيرة الإلكترونية - البحث عن تأشيرة صادرة ومن ثم تدخل رقم التأشيرة ورقم الأقامة.
بالنسبة لمتطلبات السودان الجواز لو جاهز في مكاتب خدمات جوار السفارة وفي السوق العربي هم بوروك المطلوب أنا غايتو رسلت بالفاكس وفي خلال 6 أيام -ما شاء الله- كانت المدام بهنا.
أمنياتي لك بالتوفيق وإقامة سعيدة.
|
Post: #5
Title: Re: يا ناس السعودية طلب عاجل اجراءات استقدام
Author: ابراهيم محمد الحسن
Date: 11-04-2008, 10:07 AM
Parent: #4
| Quote: إرسال الورقة الصفراء بالفاكس يفي بالغرض وممكن يعملوا ليها هم برنت من الموقع في السودان |
حاول انت استعلم عن التأشيرة بإدخال الرقم في موقع وزارة الخارجية للتأكد من نزولها في الإنترنت ..
وإلا ،،
أعتقد بقى في إجراء إنك تمشي وزارة الخارجية ومعاك الورقة الصفراء ..
في مكاتب جنبها بيعملوا ليك إجراء إدخال بيانات في الحاسب ... ويطلعوا ليك print
ثم تدخل بعدها إلى وزارة الخارجية للختم والإعتماد ..
بعدها تكون التأشيرة معتمده ..
الإجراءات دي سريعة جدا وما بتاخد وقت ..
|
Post: #6
Title: Re: يا ناس السعودية طلب عاجل اجراءات استقدام
Author: محمد عمر الفكي
Date: 11-04-2008, 10:12 AM
Parent: #4
الاخ زهير
كتر خيرك على الاضافة والتنوير، الجواز جاهز بس انا بحب اخلص حاجاتي بنفسي، والله مرات برسل زول لحاجة قبل ما يمشي بسبقه عليها، تعرف لما كنت شغال في اجراءات الاقامة لنفسي جيت لبتاع الوكالة شايل الفيش والفحص الطبي ومكتب العمل والخدمة الوطنية وتاشيرة الخروج (دي ما متاكد منها بس لو قبل السفارة معاهم) عشان يعمل لي تاشيرة السفارة، فالراجل قال لي "انت لما قضيت دا كله براك جاي داير عندي شنو؟
|
Post: #7
Title: Re: يا ناس السعودية طلب عاجل اجراءات استقدام
Author: عبد الدائم سيد أحمد
Date: 11-04-2008, 10:44 AM
Parent: #1
اها يا عمر الناس ديل وروك الاجراءات بتم كيف
يلا بعد ده جهز الكرتونة ... 
|
Post: #8
Title: Re: يا ناس السعودية طلب عاجل اجراءات استقدام
Author: محمد عمر الفكي
Date: 11-04-2008, 10:57 AM
Parent: #7
يا ابراهيم
البرنت طلعته من موقع وزارة الخارجية والورقة الصفراء رسلتها بالفاكس وخطاب عدم ممانعة السفر رسلته، وجزاكم الله خير وريتونا الدرب ادعوا لنا بالتوفيق نلقى السكن بس.
ياتوا كرتونة؟ الكراتين كترت الايام دي؟ اوعى تكون كرتونة زمان ديك
|
Post: #9
Title: Re: يا ناس السعودية طلب عاجل اجراءات استقدام
Author: محمد عمر الفكي
Date: 11-04-2008, 10:58 AM
Parent: #7
ابراهيم
البرنت طلعته من موقع وزارة الخارجية والورقة الصفراء رسلتها بالفاكس وخطاب عدم ممانعة السفر رسلته، وجزاكم الله خير وريتونا الدرب ادعوا لنا بالتوفيق نلقى السكن بس.
عبد الدائم
ياتوا كرتونة؟ الكراتين كترت الايام دي؟ اوعى تكون كرتونة زمان ديك
|
Post: #10
Title: Re: يا ناس السعودية طلب عاجل اجراءات استقدام
Author: زهير حيدر صديق
Date: 11-04-2008, 12:21 PM
Parent: #9
صورة الإقامة أيضاً مطلوبة على ما أذكر ..
|
Post: #11
Title: Re: يا ناس السعودية طلب عاجل اجراءات استقدام
Author: محمد عمر الفكي
Date: 11-04-2008, 12:32 PM
Parent: #10
اها دي يا حيدر مافي زول كلمني بيها، احتياطيا الاسكانر قاعد وايميل المستلم جاهز، ان بقت عليها بسيطة
|
Post: #12
Title: Re: يا ناس السعودية طلب عاجل اجراءات استقدام
Author: ismeil abbas
Date: 11-04-2008, 04:36 PM
Parent: #1
ألأخ/محمد عمر
نسأل الله ان يجمع شملكم ويحفظكم ويرد غربتكم ونحن جميعآ ...ونرجع بلدنا ونحن سالمين غانمين ملمومين فى امن وإستقرار
رينا يسهل عليك.....................................
الجماعة ديل ماقصروا معاك..كنت عايز اضيف ليك حاجة لكن خفت عليك..................هسى عامل فيها محتاج لينا أول مايجو تلبدو كأنو مافى حاجة....
مودتى...إسماعيل محمد احمد عباس................
|
Post: #13
Title: Re: يا ناس السعودية طلب عاجل اجراءات استقدام
Author: jini
Date: 11-04-2008, 05:34 PM
Parent: #12
Quote: الاخ بشير
شكرا للمرور والتوجيه
انا الاستقدام خلصته وطلعته واستلمت الورقة الصفراء وبقيت على اجراءت السفارة هناك بس. وعايز الحق الحج باسرع وقت ممكن
بعدين يا ناس مكة عليكم الله العارفله سكن مناسب يدينا خبر |
الف حمدلله على سلامة العودة
اولا يبدو انك انهيت معاملت من الاستقدام فقط!
عليك بتقديم الطلب الى الخارجية عبر الانترنت وانتظار الموافقة والتى تتراوح بين 12 ساعة الى 24 ساعة على الأكثر ومن ثم طباعة برنت وتوقيعه وارفاقه بصورة من الاقامة وتقديمه الى الخارجية ومراجعةا الموقع فى لانترنت اليوم التالى واخذ برنت منه وارساله بالفاكس او اتاشمنت الى عنوان بريد فى السودان للزوجة او اشقائها!
ضابح سواكنى يا بختك حلال علك!
جنى
|
Post: #14
Title: Re: يا ناس السعودية طلب عاجل اجراءات استقدام
Author: jini
Date: 11-04-2008, 05:45 PM
Parent: #1
مواقع مفيدة
https://visa.mofa.gov.sa/%5CSrhVisa.asp
https://visa.mofa.gov.sa/
جنى
|
|