Post: #1
Title: الحسن كيتا الغيني الي الهلال السوداني في الانتقالات الشتويه...!
Author: Alyasa Nourain
Date: 11-04-2008, 07:32 AM
دخل هلال السودان في مفاوضات حقيقية مع المهاجم الغيني الحسن كيتا الذي لعب للإتحاد السعودي الموسم الماضي وقدم عطاءً متميزاً قبل أن يتم إبعاده بقرار من الرئيس العام لرعاية الشباب حيث أجرى السيد صلاح إدريس رئيس نادي الهلال إتصالات مكثفة لدعم خط المقدمة ...
ويتوقع وصوله إلى العاصمة السودانية يوم غداً أو بعد غداً حسب ما أشارت أليه مصادر (الرياضي) الخاصة ... (منقووول من صحيفة الرياضي السعودية)
|
Post: #2
Title: Re: الحسن كيتا الغيني الي الهلال السوداني في الانتقالات الشتويه...!
Author: عماد محمود علي
Date: 11-04-2008, 07:37 AM
Parent: #1
اليسع أخوي صباحك فل
بصراحة ياريت الهلال يبعد عن هذااللاعب ، لن يجلب للهلال سوى المشاكل ... مشاكله كانت كثيرة جداً في الاتحاد رغم نجاحه الكبير ... إدارة الاتحاد عرفت كيف تحتويه بس إدارة صلاح إدريس لن تستطيع وح يطرد في أي مباراة ... وبيني وبينك الايام إن عشنا ....
مودتي
عماد محمود
السعودية
|
Post: #3
Title: Re: الحسن كيتا الغيني الي الهلال السوداني في الانتقالات الشتويه...!
Author: Alyasa Nourain
Date: 11-04-2008, 07:58 AM
Parent: #2
عمده
صباح الخير
اللاعب ممتاز دي ما فيها كلام
وان كان ما واصل مع الاتحاد مع انه ما فشل
فدا ما بيمنع انه ينجح في مكان تاني
وعندك امثله كتيره للاعبين فشلوا في انديه وحققوا نجاحات مع اخري
بس كيف تهيأ ليهم بيئه جيده للابداع والتألق
امتنانياليسع
|
Post: #4
Title: Re: الحسن كيتا الغيني الي الهلال السوداني في الانتقالات الشتويه...!
Author: abuguta
Date: 11-04-2008, 08:19 AM
Parent: #3
ان شاء الله ما يكون غالى
اللاعب ممتاز وهداف ,,بس اخلاقو خربوها ناس جدة
قاعد يجبلهم اهداف ...وهم يسئوون اليه
نفس العقدة التى تواجه محمد نور
رجعو قودون وخلاص
|
Post: #5
Title: Re: الحسن كيتا الغيني الي الهلال السوداني في الانتقالات الشتويه...!
Author: عامر تيتاوى
Date: 11-04-2008, 08:53 AM
Parent: #4
لاعب جيد ومميز لا جدال فى ذلك
لكن كما اشار عماد وابوقوتة
فهو صاحب مشاكل اينما حل ورحل
وليس فى السعودية بل مع فريق
ام صلال القطرى
اتمنى ان يبتعد عنه الهلال فما زالت
مشكلته معلقة
|
Post: #14
Title: Re: الحسن كيتا الغيني الي الهلال السوداني في الانتقالات الشتويه...!
Author: Alyasa Nourain
Date: 11-04-2008, 10:48 AM
Parent: #5
استاذنا/ عامر
علي حسب معلوماتي البسيطه انه اتحاد جده باع اللاعب لام صلال القطري
وام صلال بدوره باعه او اعاره لريال مايوركا الاسباني، المعلومه دي صحيحه
ولا انا غلطان
شكر مرورك
اليسع
|
Post: #13
Title: Re: الحسن كيتا الغيني الي الهلال السوداني في الانتقالات الشتويه...!
Author: Alyasa Nourain
Date: 11-04-2008, 10:43 AM
Parent: #4
أبقوته
الغالي بي غلاتو.......
وبعدين قودوين قال ما عايزنا
والمابينا .... ولا بلاش الضرب في الميت حرام
شكرا علي المرور
يسع
|
Post: #6
Title: Re: الحسن كيتا الغيني الي الهلال السوداني في الانتقالات الشتويه...!
Author: haroon diyab
Date: 11-04-2008, 08:59 AM
Parent: #1
المصيبة انوا مشاكلوا اخلاقية
وخاصة الاشارة بالاصبع....!!!
اها اكان بتستحملوها جيبوه
خربانة ام بناين قش....!!!
|
Post: #10
Title: Re: الحسن كيتا الغيني الي الهلال السوداني في الانتقالات الشتويه...!
Author: abas
Date: 11-04-2008, 10:01 AM
Parent: #6
هارون دياب يا صديق
نسيتو انتو
عمليت السعودي ولا نزكركم ليها
ما تتكلمو في الحته دي
|
Post: #15
Title: Re: الحسن كيتا الغيني الي الهلال السوداني في الانتقالات الشتويه...!
Author: Alyasa Nourain
Date: 11-04-2008, 10:55 AM
Parent: #6
ياهارون
انا اؤيد انه الحركه اللي عملها دي ما حركه جميله
بس ما اخف من حركه ايفوسا الل (....) جوه الميدان
ودا ما بيمنع انه لعاب...هسع لو عاوزين تسجلوهو كان اعلام (النفخ)
بتاعكم عمل منه كريستيانو رونالدو
بعدين امبارح لا جيت ولا اعتذرت
كدا ما لذيذ
أخوك
يسع
|
Post: #7
Title: Re: الحسن كيتا الغيني الي الهلال السوداني في الانتقالات الشتويه...!
Author: بهاء بكري
Date: 11-04-2008, 09:43 AM
Parent: #1
Quote: المصيبة انوا مشاكلوا اخلاقية
وخاصة الاشارة بالاصبع....!!!
اها اكان بتستحملوها جيبوه
خربانة ام بناين قش....!!! |
برضو احسن من البلطجي باولينو
|
Post: #8
Title: Re: الحسن كيتا الغيني الي الهلال السوداني في الانتقالات الشتويه...!
Author: طلحة عبدالله
Date: 11-04-2008, 09:49 AM
Parent: #1
سلام لليسع نورين وضيوفه الكرام
يا بهاء بكري والله حيرتنا في دماغنا دا ..
ياخ فرضنا أنو باولينو دا بلطجي رابط بي عكازو في الشارع للغاشي والماشي فهل دا مبرر أنو الهلال يجيب لاعب أخلاقو صفر ..؟
|
Post: #9
Title: Re: الحسن كيتا الغيني الي الهلال السوداني في الانتقالات الشتويه...!
Author: حسين يوسف احمد
Date: 11-04-2008, 09:55 AM
Parent: #8
هههههههههه
بتقدرو تجيبوهو ؟ ولا كلام ساي ؟؟
تخريمة :
يا طلحة قالوا صلاح ادريس اتصل برئيس أنيمبا
عشان يفاوضو في أوتروغو ، رئيس أنيمبا قال ليهو
لو بتدفع زي المريخ مرحب بيك ، ولا أدينا عرض أكتافك ..
|
Post: #11
Title: Re: الحسن كيتا الغيني الي الهلال السوداني في الانتقالات الشتويه...!
Author: طلحة عبدالله
Date: 11-04-2008, 10:03 AM
Parent: #1
يا حسين يوسف والله العظيم ليك شوق عظيم يا راجل
وقسما أمس جا علي بالي أنو أفتح بوست أسأل فيهو عنك والعزيز أحمد الريح ..
أري أنكما أفضل من يكتب ويطرح المواضيع الرياضية في المنبر .
اريتك عافية يا زول
العتبي للعزيز اليسع لهذه التخريمة .
|
Post: #12
Title: Re: الحسن كيتا الغيني الي الهلال السوداني في الانتقالات الشتويه...!
Author: حسين يوسف احمد
Date: 11-04-2008, 10:12 AM
Parent: #11
تسلم حبيبي طلحة ..
نحن بخير بس شوية مشغوليات حمراء وكدا ..
اضافة لمشكلة كانت تواجهني في الدخول ..
والعزيز شيبا يعاني حتى الآن من مشكلة
الدخول للمنتدى ..
سنواصل معكم من اليوم يا غالي باذن الله ..
|
|