لو كان المتوفى (باقان اموم او ياسرعرمان ) لرفع النعى فى الواجهة

لكن المتوفى احمد الميرغنى


الرحمة لهم ولنا جميعا

بالمناسبة الاذاعة والتلفزوين وضعا الفقيد فى مقامه كرئيس سابق وقائد وطنى - تتفق او تختلف معه - والصحف اليوم وكذا غدا لم ..تقصر

يا جماعة الحق حق والواجب واجب والصح ... واااااااااااااحد

كخبر الامر مهم ، كتعبير معنوى عن مشاركة المنبر للاتحاديين الامر مهم ، ذوق مهم ، باى منطق مهم

رفع الان (مانشيت ) النعى الساعة الرابعة والنصف عصر اليوم الاثنين (بتوقيت السودان )

شكرا جميلا

Quote: يا جماعة الحق حق والواجب واجب والصح ... واااااااااااااحد

!!

ولو كان عمر البشير ونافع على نافع لسودنا المنبر والله

كدي اللي يموتوا أول

يا اخوى زى ما بقول ملاسى انت الظاهر عليك بتقرا باذنيك ، انا بتكلم عن اتجاه وانت ماشى لى للبشير ونافع ، حيموتو ويشبعو موت ، زى قرنق

Quote: رفع الان (مانشيت ) النعى الساعة الرابعة والنصف عصر اليوم الاثنين (بتوقيت السودان )

الاخ محمد
عندما جاء الخبر كانت الساعه حوالى الواحده صباحا .. ورفع المانشيت تم الساعه 8 صباحا ( كلو بتوقيت المكان الفيهو بكرى )
وعلى اهنا فى الاقاليم مراعاه فروق الوقت

Quote: وعلى اهنا فى الاقاليم مراعاه فروق الوقت

شكرا للتوضيح والشكر للاخ بكرى

يامحمد حامد سلام مافائدة النعي الآن في الإذاعة والتلفزيون وخلافهما?إذا كان الكثير هنا من الشباب ممن لم يعاصر فترة الديمقراطية الأخيرة فنحن مازلنا نتذكر بذاءآت الراية وغلمان حلمنتيش وألوان وتفاهاتهم وحتى إطلاق الرصاص على نزله وإهانته. هل تتذكر عندما كانوا يرسمونه ويطلقون عليه أنبوبة الغاز وأحمد منتشة والمتخلف وتحمل الرجل كل ذلك ولم يرد مما إستعدى عليه المزيد من الإساءآت من متربي الشوارعـ والذين لايعرفون شيئآ إسمه قيم وإحترام الكبير. نفسهم هم يامحمد القائمون على الأمر الآن ممن يزرفون دموع التماسيح ويتصنعون الحزن وىخدعون الناس, لكننا سنكون جميعأ يومآ بين أيدي من لاينخدع وسيرى كل ماإقترفت يداه

Quote: للبشير ونافع ، حيموتو ويشبعو موت

أمين ,تقبل الله دعائك .

Quote: لو كان المتوفى (باقان اموم او ياسرعرمان ) لرفع النعى فى الواجهة

يا جمعة كلامك جوة البوست وطلب رفع الخبر صاح إلا العنوان ما لافق .. ولا أعتقد رفع البوست إكرام أو حداد .. بل لأهمية الخبر .. يعنى كان المتوفى بوش كان مانشيت كبير ..

ولا شنو؟

تحياتى

و ليه اخترت باقان اموم اوياسر عرمان!!!!!!!!!!
الرحمة المغفرة لمولانا احمد الميرغنى

انشاء الله تموت انت يا محمد حامد جمعة
قول آمين



لومت حنقول هلك
ما مات
رايك شنو؟

Quote: لو كان المتوفى (باقان اموم او ياسرعرمان ) لرفع النعى فى الواجهة

wishful thinking
يا محج ما تفكر بى صوت عالى
وحسب المنايا ان يكن امانيا!
جنى

Quote: Re: لو كان المتوفى (باقان اموم او ياسرعرمان ) لرفع النعى فى الواجهة (Re: محمد حامد جمعه)

و اذ تلقونه بالسنتكم و تقولون بافواهكم ما ليس لكم به علم و تحسبونه هينا وهو عندالله عظيم

لطفي

ده كلام زول داير باقان وياسر عرمان يموتو سسسسسسسسسسااااكت
له الرحمة احمد الميرغني
وحياة اطول للقائد باقان اموم وياسر عرمان

أنا غير راض عن الطريقـة التي تعاملت بها إدارة المنبـر مع خبـر وفاة الرئيس السوداني السابق في العهـد الديمقراطي السيد أحمد الميرغني,

ليكتب الله الحياة النافعة للسادة باقان أموم وياسـر عرمان ولكن القياس المنطبـق يمكن أن يكون مع حالـة وفاة وفقد الأسـتــاذ


الخـــاتــم عـــدلان


لــو كان ذلك التعامــل مجاملـة لعدد من الأعضــاء في هــذا المنبــر من حزب الاستاذ الخاتــم فالكتاب هنا من حزب السيد الميرغني ومن طائفتـه يماثلون ذلك العــدد,

والأهـــم أن الالتزام الوطني والديمقراطي الذي يتمــيــز بــه المنبــر (وهــو سبب تواجــدنا هــنـا) هــذا الفقيد هــو أحــد رمـوزه,

فهــو آخــر رئيـس سـوداني في فترة الديمقراطيـة الأخيــرة تصــعــد بصــورة شــرعيـة

كما أن الرجــل أحـد أهـم الاقتصاديين السودانيين ومن العاملين النافعين في القطاع الخاص وهــو من المؤسسين لعدد من الشركات السودانية والبنــوك الهادفــة.


وقـد احتفظ السيد الميرغني بحيادية منصـب مجلس السيادة في نظام برلماني ينبغي أن يوفـر كامل الحرية للبرلمان وللسـلطـة التنفيذيـة (مجلس الوزراء ورئيسـه) في إدارة شئون البــلاد , (تماماً مثـل ملكة بريطانيا - يســود ولا يحكــم ) وقد أدى ســوء فهـــم الكثيرين لهــذه الحكمـة الدسـتوريـة إلى الكثيـر من التجـريـح والهجمات الصحفيـة الاستفزازيـة والتي قابلهـا السيد الميرغني بحلــم كبيــر ومشــهــود....


يبــدو أن أجيالاً من الساسـة الحكماء بدأت تنقــرض في بـلادنـا ....


أحمـد الشايقي

Quote: لو كان المتوفى (باقان اموم او ياسرعرمان ) لرفع النعى فى الواجهة

صدقت يا كومندان صدقت والله

Quote: فهــو آخــر رئيـس سـوداني في فترة الديمقراطيـة الأخيــرة تصــعــد بصــورة شــرعيـة كما أن الرجــل أحـد أهـم الاقتصاديين السودانيين ومن العاملين النافعين في القطاع الخاص وهــو من المؤسسين لعدد من الشركات السودانية والبنــوك الهادفــة.

لك التحية أحمد الشايقي

للفقيد الرحمة والمغفرة والقبول الحسن

انت يا محمد حامد بتتمنى فاقان وياسر يموتو و لا شنوا يعنى كلامك


انتو حتى الموت دة عندكم راى توجهوه و لا شنو


شكرا يا اخوى على غيرتك ( الامنية) اقصد الوطنية؟


انت مش فى ال اس ام سى


ما تعمل نعى كبييييييييييييييييييييير كدة من هسة لى ناسك بتاعين لا هاى و لا هاى دى يعنى بالشايقية كدى معناها لافوق .


وتعرف ايه الاس ام سى ..

يموت حيلك انشاء الله!



تاعازينا لكل آل الميرغنى فى رحيل الرجل القامة احمد الميرغنى احد اركان الحركة الاتحادية فى السودان.

يا اخوانا الرحمة والمغفرة لفقيد البلاد السيد احمد المرغنى ولاله و السودان اجمع الصبر والسلوان ..
-----





اخوانا محمد حامد جمعة استعجل (وعايز يورط بكرى بالشينة) وما لفقت معاهو ..يعنى وقت الوفاة كان باليل وبكرى نايم واول ما صحى من نومو وقشى عيونو رفع البوست ( فرق التوقيت يعنى ) واعتقد محمد حامد وصلو (المسج) معنى كده الموضوع انتهى وقضى الامر الذى كنتم فيه تستفتيان ..نقلب الصفحة يعنى ..لكن يا ابوحميد العجلة ندامة والفيكم اتعرفت ..كل الود

الرحمة والمغفرة له




يا دفعة زعلان مالك
تتذكر يا دفعة لمن مشينا دورة فى كيفية بث الاكاذيب واختلاق القصص
وتانى دورة المشينا ليها فى تعلم كيف تعذب المعتقلين
سامع انك مشيت دورة كدة اسمها ما بقدر اكتبو (صحيح) الكلام دة

تحياتى لكل الزملاء بجهاز الامن
دفعتك : عقيد امن (دوت مجاك)
الملحق العسكرى بسفارة (تنهبون) ثم تعودون