Post: #1
Title: ممدوح أبارو ... أين أنت ؟؟؟
Author: بشير حسـن بشـير
Date: 11-03-2008, 10:47 AM
أفتقدك بشده ، والبورد أيضا بفتقد
|
Post: #2
Title: Re: ممدوح أبارو ... أين أنت ؟؟؟
Author: نعمات حمود
Date: 11-03-2008, 12:43 PM
Parent: #1
ود ابارو ....
افتقدك بشدة ....
ولك وصاحب البوست مودتي
|
Post: #4
Title: Re: ممدوح أبارو ... أين أنت ؟؟؟
Author: فيصل محمد خليل
Date: 11-03-2008, 02:39 PM
Parent: #2
عاوز بيهو شنو
بيكون دلف لودشيقوق
|
Post: #10
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 03:58 PM
Parent: #4
Quote: عاوز بيهو شنو
بيكون دلف لودشيقوق |
ود الهليل سلامات يا ناس السقط الصاح
ود شيقوق والله طولت منو باقي كان عامل ليه أمور بنيان وكدا
بس بعدا فضيت وبجيب ليك خبرو
|
Post: #9
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 03:38 PM
Parent: #2
Quote: ود ابارو ....
افتقدك بشدة ....
ولك وصاحب البوست مودتي |
نعمات ياصديقة وأنا أفتقد حرفك وشخصك معاً
طولت ما قريتك وينك ياخ؟
|
Post: #3
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 02:34 PM
Parent: #1
| Quote: ممدوح أبارو ... أين أنت ؟؟؟ |
الحبيب أبو جمانة
يسلم علي السؤال يازوق
| Quote: أفتقدك بشده ، والبورد أيضا بفتقد |
وأنا كمان مفتقد البورد وناسو
موجود والله بس مع الشغل والحمد لله بالامس أكملنا الجزء الاول من المهمه
كنا في دورة تنشيطية عن الحاسوب بالريف
البرنامج تحت رعاية وزارتي الصحة الاتحادية والولائية
بالتعاون مع منظمة الصحة العالمية كراعي للبرنامج
ومنظمة الإغاثة الاسلامية كممول له
|
Post: #5
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 02:51 PM
Parent: #3
البرنامج يهدف لتنمية المجتمع الريفي والمرأة عل وجة الخصوص
حيث يتم فيه تدريب 50 دارساً في كل منطقة يتم أختيارهم بمعدل فرد من كل أسرة
علي مبادئ الحاسوب والصحة الغذائية وصحة البيئة.
وفي نهاية الدورة التدريبية يتم إختيار 15 دارس من بين الخمسين ليتم تأهيلهم
ليتولوا تدريب بقية أهالي المنطقة.
|
Post: #6
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 03:04 PM
Parent: #5
تتكون أهداف البرنامج من عدة محاور
محو الامية الاولية (تعليم الكبار) وكانت من نصيب وزارة التربيه والتعليم
محو الامية التقنية وقد تم الاستعانة بنا في مركز SHC لتدريب الدارسين
الصحة الغذائية وصحة البيئة وهذه قامت علي أمرها وزارتي الصحة الاتحادية والالولائية
وشاركت منظمتي الصحة العلمية والإغاثة الإسلامية بالتمويل والاشراف علي البرنامج
|
Post: #7
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 03:25 PM
Parent: #6
والحمدلله أتممنا المرحلة الاولي وتبقي تأهيل النمازج المختارة كمرحلة ثانية
وقد شرف ختام البرنامج وزير الصحة بولاية الجزيرة ومدير الرعاية الصحية الاولية
ومدير برنامج مبادرات المجتمع التنموية بوزارة الصحة وجمع من أهالي المنطقة
وقام السيد الوزير بتكريم المتفوقين وتسليمهم الشهادات
|
Post: #8
Title: Re: ممدوح أبارو ... أين أنت ؟؟؟
Author: بشير حسـن بشـير
Date: 11-03-2008, 03:34 PM
Parent: #1
ود خالتى .....
حمد الله على السلامه وجيدا جيد
نشاط مفرح وربنا يوفقك
تحياتى ، ودم بألف خير ....
بس أنا خفت عليك من الشيمه ، الهكر وكده يا باش مهندس !!!!!
|
Post: #11
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 05:35 PM
Parent: #8
شكراً يابشير زمانك
سلمي لجوجو ومحمد وأمهم وشنو مافي جية قريب؟
| Quote: بس أنا خفت عليك من الشيمه ، الهكر وكده يا باش مهندس !!!!! |
لا الحمد لله نحنا محصنين نفسنا كويس
ما تشوف شر ياغالي
|
Post: #12
Title: Re: ممدوح أبارو ... أين أنت ؟؟؟
Author: عبدالعزيز الفاضلابى
Date: 11-03-2008, 07:25 PM
Parent: #11
| Quote: بالتعاون مع منظمة الصحة العالمية كراعي للبرنامج |
كراعك للبرنامج ليه ما تديه ضراعك
|
Post: #13
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 07:44 PM
Parent: #12
| Quote: كراعك للبرنامج ليه ما تديه ضراعك |
ضراعك يابا في مخلاية الجزار
حسي يافقر ملفت إنباهك في الموضوع كلو غير دي؟
الله يجيبك يا محي الدين ياخ
|
Post: #14
Title: Re: ممدوح أبارو ... أين أنت ؟؟؟
Author: عبدالعزيز الفاضلابى
Date: 11-03-2008, 08:15 PM
Parent: #13
| Quote: حسي يافقر ملفت إنباهك في الموضوع كلو غير دي؟ |
لا. لفت انتباهى الصورة الـ ـ ختيتها محل صورتك الخايف عليها تخاف من ضلك
|
Post: #15
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-03-2008, 08:23 PM
Parent: #14
| Quote: لا. لفت انتباهى الصورة الـ ـ ختيتها محل صورتك الخايف عليها تخاف من ضلك |
شكرن يا معجب
يختوك في النار قول يامين
|
Post: #16
Title: Re: ممدوح أبارو ... أين أنت ؟؟؟
Author: rosemen osman
Date: 11-03-2008, 08:31 PM
Parent: #15
بركة البقيت طيب يا ود أبارو
بس لو ما مشيت الدندر تكون أتلومت
سلامنا لود شيقوق ومحى الدين جبريل
وكمان للباشمهندس أبو بكر الراسو مقطوعة من غير ود شيقوق
شكرا أخى بشير
|
Post: #17
Title: Re: ممدوح أبارو ... أين أنت ؟؟؟
Author: عبدالعزيز الفاضلابى
Date: 11-03-2008, 09:30 PM
Parent: #16
أنا عجبى خليه ,, ان شاء الله تكون عاجباك انت وبيت مال ,, والعيال ديل انت ومجهودك ,, وختتى فى عرسك كى بورد .. ولنكات.
|
Post: #19
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-04-2008, 08:07 AM
Parent: #17
| Quote: أنا عجبى خليه ,, ان شاء الله تكون عاجباك انت وبيت مال ,, والعيال ديل انت ومجهودك ,, وختتى فى عرسك كى بورد .. ولنكات. |
ياخ في زول أمو ما بتعجبو؟
وفكرك مشي لي بعيد
بعد يجي ود شيقوق زكرني عشان نعمل ليك كورس في أدبيات التعامل مع الجكس وكدا
اللنكات ما بناباها علا الفيك إنعرفت
|
Post: #18
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-04-2008, 07:22 AM
Parent: #16
كتبت الانيقة روزنا
Quote: بركة البقيت طيب يا ود أبارو
بس لو ما مشيت الدندر تكون أتلومت
سلامنا لود شيقوق ومحى الدين جبريل
وكمان للباشمهندس أبو بكر الراسو مقطوعة من غير ود شيقوق
|
والله اللوم ما مني من ود شيقوق ذاتو لأنو ما قاعد في الدندر
عمك شغال بيبني في بيتو في الخرتوم والدندر ختي ليها القدرها
تسلمي يا مبدعة ياسمع وشوف يا مترعة
أو كما قال الفنان الغاوي
|
Post: #20
Title: Re: ممدوح أبارو ... أين أنت ؟؟؟
Author: عبدالعزيز الفاضلابى
Date: 11-04-2008, 04:16 PM
Parent: #18
Quote: وفكرك مشي لي بعيد
بعد يجي ود شيقوق زكرني عشان نعمل ليك كورس في أدبيات التعامل مع الجكس وكدا |
ياخى اللوم بجى بالغفلات ,, ولك العتبى حتى ترضى ,, أنا والله قصدت بيها خفة دم لكن دمى طلع اثقل من زيت السمسم البكرى ,, وأرجو المعذرة ,, والله أنا أعز شئ عندى فى الدنيا ان يكون لى صديق غير ذى إرب ...
بس عليك الله بعد تعفو عنى عندى طلب كان داير تعلمنى أدبيات التعامل مع الجكس ابعدنى من شيقوق الزول ده ود حفرتى وانا عارف الفيه,,
مرة أخرى لك منى العذر ...
|
Post: #21
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-04-2008, 04:38 PM
Parent: #20
Quote: ياخى اللوم بجى بالغفلات ,, ولك العتبى حتى ترضى ,, أنا والله قصدت بيها خفة دم لكن دمى طلع اثقل من زيت السمسم البكرى ,, وأرجو المعذرة ,, والله أنا أعز شئ عندى فى الدنيا ان يكون لى صديق غير ذى إرب ...
بس عليك الله بعد تعفو عنى عندى طلب كان داير تعلمنى أدبيات التعامل مع الجكس ابعدنى من شيقوق الزول ده ود حفرتى وانا عارف الفيه,,
مرة أخرى لك منى العذر ...
|
فاضلابي ياحبيب ده شنو البتقول فيه دا؟
لوم شنو يابا؟ مافي بين الاخوان لوم وعتاب
الصورة للملكة مني عوض خوجلي
وأنا بعتبرها والدتي الإسفيرية
وبالنسبة لدروس الجكس فود شيقوق أحسن من يعتمد عليه
|
Post: #22
Title: Re: ممدوح أبارو ... أين أنت ؟؟؟
Author: عبدالعزيز الفاضلابى
Date: 11-04-2008, 05:15 PM
Parent: #21
| Quote: وبالنسبة لدروس الجكس فود شيقوق أحسن من يعتمد عليه |
بعد يجي ود شيقوق زكرني عشان نعمل ليك كورس في أدبيات التعامل مع الجكس وكدا
ياخى انت كان كدى شيقوق ده خاميك ساكت ,, ياخى الزول ده زمن الدنيا كانت بيخيرها ,, ومجالسنا كانت ليها شنة ورنة ,, رسلناه قلنا ليه يختف كراعه يشترى لينا ديك ,, نظام عشا وكده.. زولك غتس يجى زى ساعتين كده نامن الشمش غابت ,, وجانا راجع ,,
يازول ات غتست وين ? ووينو الديك ?
زولك قال لينا انتوا بدوروه سعاية ولا أكل.?
أها ده زول تختو لى تعلمجى?
النهار ده أخوك قام الصباح من دغشا بدرى مشيت صوت أول زول , قبل ما أمشى المكتب ( زى الزول الضبح ضحيته قبل الإمام ) وراجين النتيجة ,,
|
Post: #23
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-04-2008, 05:44 PM
Parent: #22
Quote: ياخى انت كان كدى شيقوق ده خاميك ساكت ,, ياخى الزول ده زمن الدنيا كانت بيخيرها ,, ومجالسنا كانت ليها شنة ورنة ,, رسلناه قلنا ليه يختف كراعه يشترى لينا ديك ,, نظام عشا وكده.. زولك غتس يجى زى ساعتين كده نامن الشمش غابت ,, وجانا راجع ,,
يازول ات غتست وين ? ووينو الديك ?
زولك قال لينا انتوا بدوروه سعاية ولا أكل.?
أها ده زول تختو لى تعلمجى?
النهار ده أخوك قام الصباح من دغشا بدرى مشيت صوت أول زول , قبل ما أمشى المكتب ( زى الزول الضبح ضحيته قبل الإمام ) وراجين النتيجة ,, |
كويس إنو ما جاب ليكم ديك العدة
تعرف ود شيقوق ده غير عواطف بت أدريس مافي زول خرب طبعو !!!
وصاحبك شاف روحو ترنتي علي قول عمنا كمال عطا
|
Post: #24
Title: Re: ممدوح أبارو ... أين أنت ؟؟؟
Author: عبدالعزيز الفاضلابى
Date: 11-04-2008, 05:56 PM
Parent: #23
يا خى انا حاقيف هنا ,, جنى وجن زول يفتح ليه بوست ويروح يخليه ,, زى التقول البوست جنا حرام.
|
Post: #25
Title: Re: ممدوح أبارو ... أين أنت ؟؟؟
Author: ممدوح أبارو
Date: 11-04-2008, 07:05 PM
Parent: #24
| Quote: يا خى انا حاقيف هنا ,, جنى وجن زول يفتح ليه بوست ويروح يخليه ,, زى التقول البوست جنا حرام. |
فاضلابي معليش بس والله معصور بجهز في ربورت للشغل
بس جنا حرام دي بالغت فوكا هههههههههههههههههههه
بالنماسبة خليني أفضي عندي ليك موضوع جامد وبعجبك
|
|