Post: #1
Title: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-01-2008, 10:31 AM
الاتصالات السعودية تتيح لعملائها التحدث مجاناً محليا و دولياً
أعلنت شركة الاتصالات السعودية – في أكبر عرض من نوعه على مستوى شركات الاتصالات العاملة في المنطقة - عن تقديمها مكالمات مجانية لكافة عملائها بعد الدقيقة الخامسة من المكالمة وذلك لجميع المكالمات المحلية في إطار شبكتها أو الدولية لأي دولة من دول العالم وفي جميع الأوقات.
وأوضحت الشركة أنه بإمكان عملاء الاتصالات السعودية في خدمات الجوال أو البطاقات مسبقة الدفع (سوا و لنا) إجراء المكالمات المحلية المجانية داخل شبكة الاتصالات السعودية، أو إجراء المكالمات المجانية الدولية على أي رقم في العالم بعد الدقيقة الخامسة من الاتصال الواحد.
بالاضافة الى الجوال يشمل هذا العرض عملاء الهاتف للمكالمات الدولية حيث أن المكالمات المحلية داخل المملكة و داخل شبكة الاتصالات السعودية أو لأي مشغل آخر هي مجانية للعملاء عبر باقتي (جود، و جود بلس).
كذلك يعتبر عرض المكالمات المجانية فرصة ثمينة للراغبين في نقل أرقامهم من المشغلين الآخرين إلى شركة الاتصالات السعودية، علاوة على أنه يجسد مصداقية وشفافية الاتصالات السعودية ووضوحها في التعامل مع عملائها في تقديم هذا العرض بدون شروط أو قيود على الاستخدام.
ويأتي تقديم هذا العرض بعد سلسلة من الحملات القوية والمميزة مثل عرض سوا الذي يمنح العميل رصيدا إضافيا يصل إلى 66% و التي استمرت لمدة شهرين كاملين دون أي شروط او قيود تقديرا من الاتصالات السعودية لعملائها من فئة البطاقات المسبقة الدفع، وايضاً حملة مع الجوال أنت الرابح الفريدة من نوعها التي توجت بتوزيع ملايين الهدايا والجوائز للعملاء، إلى جانب عدد من سيارات BMW، وأجهزة الحاسب الآلي المحمولة، بالإضافة إلى أحدث أجهزة الهاتف الجوال دون أي مقابل و بدون أي عناء فبجرد كونك عميلاً للجوال فأنت رابح.
وذكرت الشركة أن عرض المكالمات المجانية بعد الدقيقة الخامسة يشمل جميع مشتركي الاتصالات السعودية عملاء الهاتف الثابت للمكالمات الدولية فقط، والجوال المفوتر و عملاء سوا ولنا دون قيود أو شروط، مشيرة إلى أن العرض يسري لمدة شهر ابتداء من تاريخ 2/11/2008م
****
وبالنسبة للسودان حيكون سعر المكالمة كاملة لمدة ساعة مع العرض 6.75 ريال
فى حين كانت سعر المكالمة لمدة ساعة بدون العرض 81 ريال
المصدر
http://www.stc.com.sa/cws/portal/ar/stc/stc-news-1?5-mentis
|
Post: #2
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عماد محمود علي
Date: 11-01-2008, 11:19 AM
Parent: #1
شكراً ياعبده ... إن كان كده النجري نحصل ...
مشتاقين وكده ....
مودتي
عماد
|
Post: #3
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: خالد حامد الجزولي
Date: 11-01-2008, 01:55 PM
Parent: #2
دا كلام زي الجبادة
|
Post: #4
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 08:38 AM
Parent: #1
جارى مالك يا عمدة قدامك شهر كامل
اتكلم مع من تحب براحتة بـ 6.75 ريال
|
Post: #5
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 08:41 AM
Parent: #1
خالد الجزولى
| Quote: دا كلام زي الجبادة |
المهم السنارة تغمــز .... 
|
Post: #6
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: حمزاوي
Date: 11-02-2008, 08:56 AM
Parent: #1
اخي عبدالدائم
مسكاقمي
فعلاً عرض مذهل وجميل قبل شوية اتكلمت مع الاهل في السودان لغاية ما ذهجوا اتونست حتى الجيران باقل من سبعة ريال اكثر من اربعين دقيقة .
شكراً للاتصالات السعودية وسوا
|
Post: #7
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: الطيب عبد الرحيم خلف الله
Date: 11-02-2008, 09:42 AM
Parent: #6
أخي عبدالدائم
سلام
وشكراً للتنوير بالخبر اليقين والشكر موصول للإتصالات السعودية www.stc.com.sa
|
Post: #8
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 09:48 AM
Parent: #1
والله يا حمزاوى ونسه جنس ونسة
لا خلينا كبير لا صغير
ولما يقولوا ياخى ما عاوزين نطول عليك
اقول ليهم لالالالا .. اخذوا راحتكم الليلة مشتاق ليكم شوق شديد
طبعا" من غير ما اجيب سيرة التخفيض
احسن بكره يتعودوا ... 
ويفلسونا ... 
|
Post: #9
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبدالله كع
Date: 11-02-2008, 10:31 AM
Parent: #1
عبده ... ازيك ..
الخط مشغوووووووووووووووووووووووول طوالي
لي ساعه خاتي التلفون في اضاني .. ما في حاجه
امكن حظي كدي ............. انا عارفو زفت !!
معقولة بس ناس الاتصالات السعوديه يفتحوه الماسورة كدي بدون رغيب !!!!!!
وسوف امدك بالكلام النجيض بعد اتمام مكالمه وااااااااحد انشالله !!
|
Post: #10
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 10:33 AM
Parent: #1
الطيب نعلك طيب
الشهر ده ناس الدويم ما جاتهم راااااحـة
غايتو اى زول متلوم معاهو الحقو
وما تجيب سيرة التخفيض ...
سمح
|
Post: #11
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: الرفاعي عبدالعاطي حجر
Date: 11-02-2008, 10:39 AM
Parent: #1
وبعد الخمسة دقائق نجيب كلام من وين ونتكلم في شنو ...
رسلوا اولادكم السودان خلال فترة العرض يرحمكم الله ؟؟؟
خمسة دقائق من كل مكالمة ام خمسة دقائق في اليوم
يا ابوعناب حفظكم الباري ؟؟؟
..................................................................................حجر.
|
Post: #12
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: الرفاعي عبدالعاطي حجر
Date: 11-02-2008, 10:40 AM
Parent: #1
وبعد الخمسة دقائق نجيب كلام من وين ونتكلم في شنو ...
رسلوا اولادكم السودان خلال فترة العرض يرحمكم الله ؟؟؟
خمسة دقائق من كل مكالمة ام خمسة دقائق في اليوم
يا ابوعناب حفظكم الباري ؟؟؟
..................................................................................حجر.
|
Post: #13
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: الرفاعي عبدالعاطي حجر
Date: 11-02-2008, 10:40 AM
Parent: #1
وبعد الخمسة دقائق نجيب كلام من وين ونتكلم في شنو ...
رسلوا اولادكم السودان خلال فترة العرض يرحمكم الله ؟؟؟
خمسة دقائق من كل مكالمة ام خمسة دقائق في اليوم
يا ابوعناب حفظكم الباري ؟؟؟
..................................................................................حجر.
|
Post: #14
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 10:48 AM
Parent: #1
يا كع
| Quote: الخط مشغوووووووووووووووووووووووول طوالي |
اكيد واحد من ناس السعودية اتصل على ناس بيتكم وشاغل الخط
غايتو املي بطاطيرك واستعد
ماسورة ســــاعة بوصة قال ليك .... 
كان لقيت طريقة خليهم ينادو ليك فايز محى الدين ...
خليهو يرسل صعوت وقصب سـكر ....  
|
Post: #15
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 11:02 AM
Parent: #1
حجر
| Quote: رسلوا اولادكم السودان خلال فترة العرض يرحمكم الله ؟ |
لكييين دى صعيدى ما بسويها ...
بعد الخمسة دقايق الاولى من نفس المكالمة تواصل لمدة ساعة مجانا"
واذا خلص كلامك ، خليهم ينادو ليك بنات الجيران اتونس معاهم
ولا بتخافوا ..... 
غايتو المكالمة انا ما نهيتها الا لما بدت الطلبات
|
Post: #16
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد اللطيف السيدح
Date: 11-02-2008, 11:45 AM
Parent: #15
| Quote: دا كلام زي الجبادة |
لا دي جبادة عديل وسنها حادة خلاص
اسال مجرب
بكل تداوينا ولم ينفع ( زين موبايلي stc ) وما نفع
|
Post: #17
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-02-2008, 12:03 PM
Parent: #16
السيدح
ما انتظرنا العشرة شرائح الوعدتنا بيها
ولما ما لقينا حاجة قلنا نمشى stc
حتى لو ساعة زمن
|
Post: #18
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: ABUHUSSEIN
Date: 11-02-2008, 05:28 PM
Parent: #1
الأخ عبدالدائم سلام
العرض على المكالمات الدولية فقط
لكن حسب الإعلان المكالمات الداخلية في عرض جود و جود بلس فقط و دا عرض خاص بالخط الثابت
أما مجانية الدقائق بعد الخمسة دقائق الأولى دا خاص بالدولي فقط
مع تحياتي
|
Post: #21
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-03-2008, 06:04 AM
Parent: #18
آبو حسين
ناس stc شكلهم حياكلوا رأسنا
بعد ما نسينا التلفون الثابت
لفوا وجونا بخدمة جود وبلس
وفى الاخير كلوا مارق من الجيب
شكرا" للمرور ... والنضارة ما عندكم ...
|
Post: #19
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: Eng. Mohammed al sayed
Date: 11-02-2008, 07:20 PM
Parent: #1
للاسف بعد 23 دقيقة بقطع لوحده الخط
علي اي حال كلوا خير
|
Post: #22
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-03-2008, 06:10 AM
Parent: #19
باشمهندس محمد السيد
امس الخط قطع معاى فى مكالمتين
الاولى بعد 24 دقيقة والتانية بعد 30 دقيقة
ننتظر بقية الناس اللى حتتصل
هل فى واحد تمت معاهو المكالمة لمدة ساعة
ولا ذى ما قال اخونا الجزولى (( كلام ذى الجبادة ))
|
Post: #20
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: قيقراوي
Date: 11-02-2008, 10:45 PM
Parent: #1
| Quote: غايتو المكالمة انا ما نهيتها الا لما بدت الطلبات |
ما دا المجنن بوبي ذاتو . . .
و في رواية مجيدة دا الجنن عبد القادر
تتخفض قيمة المكالمة . . . تطول مدتها . . . و تطول لستتها و يقصر عمرك
سبعة ريال مكالمة و طلبات بكمين الف المجموع = راتبك مع الاضافي و تتكس بعربيتك و تدرس كم طالب في اوكات فراغك
81 ريال مكالمة و طلبات بكمين الف ناقص 74 = راتبك مع الاضافي و تتكس بعربيتك و تدرس كم طالب في اوكات فراغك
تعرف الحل
مكالمة بالقديم بسبعة ريال و تعمل رايح . . . تشخشخ بخشمك و تقول ليهم بقيت ما سامعكم . . . و تدوس الـ C
عبد الدائم
ازيك ياخ
و ما تنسونا من صالح التلفونات " الما فيها جيب و رسل " ديك
|
Post: #23
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-03-2008, 06:22 AM
Parent: #20
قيقز
عشان تتلغى لسته الطلبات وحكاية التلفونات
لازم تتقلب نظرية المغترب هو ( المفروض ) يضرب
ويبطلوا المس كولات البيعملوها دى
ونتعامل مع ناس السودان المقرشين ( سيم سيم )
نصيحة يا قيقز تدرس طلاب اه
لكيين تتكس بعربيتك لا ... الحكاية بقت فيها ترحيل ...
دايرين لينا لمة يا اخوانا
|
Post: #24
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: الرفاعي عبدالعاطي حجر
Date: 11-04-2008, 09:52 AM
Parent: #1
Quote: لكييين دى صعيدى ما بسويها ...
بعد الخمسة دقايق الاولى من نفس المكالمة تواصل لمدة ساعة مجانا"
واذا خلص كلامك ، خليهم ينادو ليك بنات الجيران اتونس معاهم
ولا بتخافوا .....
غايتو المكالمة انا ما نهيتها الا لما بدت الطلبات |
ههههههههه هههههههه والله بالجد طلعت خدعة وقمنا كدا عبينا الشريحة
وتتصل لما تصل 25 دقيقة يفصلو ليك الخط عشان تتصل تاني يعني ناس الاتصالات
حاسبين الشغلة بالدقة والدقيقة .
خداع الرأس مال .
................................................................حجر.
|
Post: #25
Title: Re: الاتصالات السعودية تتيح لعملائها التحدث مجانا" محليا" ودوليا" ...
Author: عبد الدائم سيد أحمد
Date: 11-04-2008, 10:53 AM
Parent: #24
الرفاعى
قالوا الكحـة ولا صـمت الخشــم
ترانا اتسترنا مع كم زول كده
الغريبة وصلتنا رسائل من stc دعاية للتحريض ...
فانوسك ده بقى صغير ذى الداير يطفئ
|
|