Post: #1 Title: و أخيرا.... إنهد ركن عصي من العزوبية...طارق شنقة عريسا.... Author: Azhari Nurelhuda Date: 11-01-2008, 10:25 AM Parent: #0
و أخيرا سقط الفارس المقدام الموسيقار الشاب الجذاب ملك الإيقاعات طارق التجاني عبدالوهاب بسهام إحدى حسناوات حي العرب بأم درمان, فأردته صريعا في الحال, ثم أسرته... و إحتفل آل حجاز بعقد قرأن فارسهم المغوار طارق شنقة عصر أمس الجمعة 31 اكتوبر 2008 بعد معركة دامت لشهور و إستمرت بين كر و فر تم تتويجها بإنتصار حاسم بضربة قاضية إلى قلب فارسنا المغوار فسقط صريع الحب و إستسلم...
ألف مبروك يا طارق شنقة و إنشاء الله بيت مال و عيال و سعادة و هناء...
و تهانينا للوالدة بخيتة و الوالد العم التجاني و لجميع الأهل بحي العرب بأم درمان....
Post: #2 Title: Re: و أخيرا.... إنهد ركن عصي من العزوبية...طارق شنقة عريسا.... Author: Azhari Nurelhuda Date: 11-01-2008, 10:54 AM Parent: #1
أبشر يا ط....
طق طق طق
معليش من البعد يا حبيب و الله المفروض كان عجاجتنا تكون لاوية هسي في حي العرب بس الفرحة ممكن تسافر و تصلك قبلنا يا أبو الط يا حبيب ألف مبروك و هاك العرضة دي....كبا كبا.... كبا كب
Post: #3 Title: Re: و أخيرا.... إنهد ركن عصي من العزوبية...طارق شنقة عريسا.... Author: حمد اسماعيل Date: 11-01-2008, 11:41 AM Parent: #2
حبيبنا الغالى جدا أبو الطا
الف مبروك يا طا وان شاء الله بيت مال وكمية عيال
والتهانى لآل حجاز بحى العرب أمدرمان
والتهانى الخاصة للخاله بخيته والعم التجانى
وان شاء الله تفرحو بأولاده ..
الشباب يهنوك ويبعثو الامانى الحاره جدا من كندا البارده خالص
ومنتظرنك لتتم البهجة..
Post: #4 Title: Re: و أخيرا.... إنهد ركن عصي من العزوبية...طارق شنقة عريسا.... Author: tmbis Date: 11-01-2008, 11:54 AM Parent: #3
شنقــة عريس ؟؟ مبرروك يا ابو الطـا .. مبرووك شديد جدا يا أبو الزهـور في امكانية للسيرة معاكم .. واللا ح تمسحوهو ساااكت كدا ..؟ يا حمد .. بلاي اي نقارة تعملوها لي شنقة جيبوها لينا هنا دا .. ياكمان رسلو لينا حقنا مع فطور العريس .. سلامات ليكم كلكم .. ون باي ون
Post: #5 Title: Re: و أخيرا.... إنهد ركن عصي من العزوبية...طارق شنقة عريسا.... Author: حمد اسماعيل Date: 11-01-2008, 01:14 PM Parent: #4
0 0 يا علاء صاحبك الحكاية ما واقعه ليه
أمس بتكلم معاهو بعد العقد مبسوط ونفسياتو فى السما
غاينه انحنا ربطنا الساوند و الشباب وازنين العدة بس
منتظرين ظهور البطل من المطار للصاله , بس الله يوصله بالسلامه ..
ما حننساك من صالح الدعوات بس ساعده بجكه .
Post: #7 Title: Re: و أخيرا.... إنهد ركن عصي من العزوبية...طارق شنقة عريسا.... Author: محمد الجزولي Date: 11-01-2008, 01:26 PM Parent: #5
يا علاء مكانك محجوز...عسى و لعل.... تصيبكم العدوة السيرة يوم ستة الساعة ستة من هيثرو بالكندية و عقبال ليك و لي أخوك الركن الثاني.....
Post: #23 Title: Re: و أخيرا.... إنهد ركن عصي من العزوبية...طارق شنقة عريسا.... Author: tmbis Date: 11-03-2008, 07:19 AM Parent: #9
Quote: يا علاء مكانك محجوز...عسى و لعل.... تصيبكم العدوة السيرة يوم ستة الساعة ستة من هيثرو بالكندية و عقبال ليك و لي أخوك الركن الثاني.....
يا ابو الزهـور والورد .. يا ابوي انا عدوة الشوفت ديل ما بناباها .. لكن نقارة وسيرة بي الطيارات ومطارات بجيبوها في النشرة الجوية .. ما حبابه نحن يا ابو الزهور ناس نقاره وحننوهو وفرحت امو .. والجيران في بيتو اتلمو .. أهم حاجة تفرتق حفلتك بي نفسك طبعا بعدما تنبسط للدين ..
إن كانت سهام الحب قد أردت شنقة قتيلا, فنحن أردانا صوت الرصاص وفجائية الخبر. ويا له من خبر ... والذي من شدة قيمته فأرجو إدخاله لبورصة الأوراق المالية { السائلة } هذه الأيام, حتى يستعدلها ويحسن أداءها المتدهور.
ماذ يحدث فى مدينتنا يا أزهري؟ فقبل شوية أسابيع تأهل أبوسنينة, واليوم أخونا طارق ويبدو أن دوالي العرس وحماه ما تزال مستعرة, وما بعيد شويتن ونسمع بحمد إسماعيل عريسا, وحتى ناس هيبة وياسر طيفور ما إعملوا لينا فيها سغار .
سوف نحتفي بطارق شنقة لمدة عام أو ... حتى إبقوا تلاتة ... أيهما أقصر ... فأستعدوا يا أهل المدينة وأحباب طارق ... فقد بدأ موسم الفرح ... وعقبال كل العزاب.
تمبس ... شايفك سألت من الغنا وحق فطور العريس, لكن ما سألت من { كشف العرس } ... زايغ ول شنو؟
أهلنا زمان كانوا بقولوا في زي كلامك السمح ده: إنه خشمك فيهو اللبن و اللبن وجبة كاملة و لونه أبيض و اللون الأبيض عند تحليله يعطي كل الألوان.. و إنت كما عهدناك رجل لبق تحسن إيراد العبارة الأنيقة و في عبارتك أدناه ورد إسم اللي في بالي و إنشاء الله حمأة العرس في مدينتكم تظل مستعرة و تطاله و يسقط اللي في بالي يارب...... و هو ما بعيد على ربنا إنشاء الله تشنكل ليه واحدة تجيب خبره الليلة قبل بكره العنيد القاسي... قادر و مريد يارب... قولوا: آميييييييييننننننننننننن
Quote: ماذ يحدث فى مدينتنا يا أزهري؟ فقبل شوية أسابيع تأهل أبوسنينة, واليوم أخونا طارق ويبدو أن دوالي العرس وحماه ما تزال مستعرة, وما بعيد شويتن ونسمع بحمد إسماعيل عريسا, وحتى ناس هيبة وياسر طيفور ما إعملوا لينا فيها سغار .
Post: #15 Title: Re: و أخيرا.... إنهد ركن عصي من العزوبية...طارق شنقة عريسا.... Author: بله محمد الفاضل Date: 11-01-2008, 08:06 PM Parent: #1
بيت مال وعيال مبارك أن تغلبت بالحب والإقدام على مباهج ومفاتن العزوبية
ربنا يهنئكم ويسعدكم وعقبال من لم يقتنصه الطريق إلى العش
خبر جميل يا أزهري تهانينا القلبية العميقة للأخ الفنان الإنسان شنقة ربنا يوفقهم و من جانبنا سوف نعد العدة للإحتفاء بعريس العرسان , شنقة الفنان و عقبال شيخ العزاب حمد
Post: #19 Title: Re: و أخيرا.... إنهد ركن عصي من العزوبية...طارق شنقة عريسا.... Author: عادل التجانى Date: 11-02-2008, 04:13 PM Parent: #18
خبر سعيد بعد كل هذه السنوات
صديقي الجميل طارق شنقه عريس
تهنئة خالصة من القلب
عادل التجاني
Post: #20 Title: Re: و أخيرا.... إنهد ركن عصي من العزوبية...طارق شنقة عريسا.... Author: ميسرة غاندي Date: 11-03-2008, 03:56 AM Parent: #19
ابو الزهور
يا جالب الاخبار الجميله
كيف انك والعيال والله طولنا منك كتير
انا عارف انقطعطه منك لكن النفس قايم
التحيه لك والي الاخ الخطير جدا جدا جدا
ابو الطا والف مبروك وبيت مال وعيال انشاء الله
خبر حقيقي افرحني شديد والعقبال لي .........
انت عارف طبعا راسو ناشف والله يلينو ليه
تحياتي ليك شديد يا ابو الزهور والاسرة الكريمه
لك مني كل الود
غاندي
Post: #21 Title: Re: و أخيرا.... إنهد ركن عصي من العزوبية...طارق شنقة عريسا.... Author: Yassir Tayfour Date: 11-03-2008, 04:18 AM Parent: #20
أبو الزهور يا حبيبنا.. شفت بالله كيف وقع صاحبنا في خير أعماله وجميل أمانيه! هذا الصاحب والإنسان النقي يستاهل كل الخير.. __ بيت مال وعيال يا صديقي..
Post: #22 Title: Re: و أخيرا.... إنهد ركن عصي من العزوبية...طارق شنقة عريسا.... Author: HAYDER GASIM Date: 11-03-2008, 04:29 AM Parent: #21
مجموعة الأصدقاء و الزملاء الموسيقيين و المعجبين من الجنسين بالمملكة المتحدة و إيرلندا يهنئون العريس طارق و عروسه بزواجهم الميمون متمنين لهم حياة زوجية سعيدة مكللة يالنجاح و الفلاح و المال و البنون إنشاء الله...
الكومندان وليد محمود و أسرته يهنئون العريس أبو الط و عروسه بزاوجهم الميمون متمنين لهم سعادة تدوم و تدوم.. مع أجمل الأمنيات للعروسين السعيدين إنشاء الله
Post: #27 Title: Re: و أخيرا.... إنهد ركن عصي من العزوبية...طارق شنقة عريسا.... Author: حمد اسماعيل Date: 11-04-2008, 02:06 AM Parent: #26
0 0 الصديق العزيز وليدعبد الحميد وعروسته بيهدوك زهرة النيلوفر وبيقولو ليك ان شاء الله بيت مال كتير و عيال كتار و حياة زوجية سعيده باذن الله .
Post: #28 Title: Re: و أخيرا.... إنهد ركن عصي من العزوبية...طارق شنقة عريسا.... Author: طلعت الطيب Date: 11-04-2008, 03:47 AM Parent: #27
الاخ العزيز ابو الزهور تحية وسلام وتشكر جدا على الاخبار الطازجة السمحة دى .. لاننا بقينا ما بنثق فى وعود طارق المتكررة فى موضوع العرس اثنين عزبونا فى الموضوع ده طيلة اقامتنا فى تورونتو وهما شنقة وود العطا يلا يا ابو الطا شد حيلك وانا متاكد ان زواجك حيكون موفق جدا باذن الله لانك راجل مسؤول وفنان.. شكرا مرة اخرى يا ابو الزهور على الخبر المفرح و (الحاسم) (فقد قطعت قول كل خطيب) فلك منى كل التحايا وشدو حيلكم يا ناس تورونتو مع شنقة، نحن من هنا فى البرتا بنقوم بالازم انشاء الله
Post: #29 Title: Re: و أخيرا.... إنهد ركن عصي من العزوبية...طارق شنقة عريسا.... Author: Huda AbdelMoniem Date: 11-04-2008, 06:00 AM Parent: #1
في لقاء مطول مع العريس بعد العودة من السودان تم فيه أولا تعريفنا على العروس بت القبايل ذات الحسب و النسب و التي هي من أسرة أم درمانية عريقة
الأخت الكريمة: مروة مصطفى محمود قابل
تهانينا الحارة للأخت مروة و إنشاء الله بيت مال و عيال و صلاح و كمال مع أمنيات الجميع لكم بسعادة و هناء و رباط سعيد و أبدي.....
كما يتقدم السيد العريس لكل الأخوة و الأحباب و الأصدقاء و الأهل و الزملاء على وقفتهم الكريمة معه و يصل الشكر و العرفان و التقدير للجميع في السودان و كندا و كل العالم مع شكر خاص و مخصوص ل KORK PA 50
