Post: #1
Title: صباح الخير حبيبي...
Author: Mayada
Date: 11-01-2008, 05:16 AM
صباح الخير حبيبي...
صباح الخير يا صديقي...
صباح الخير ياخليلي....
صباح الخير يا أغلى الناس...
صباح الخير ياكل الناس...
صباح مليء بالشوق الذي لن ينطفيء...
أستيقظ في صباح يوم جميل لألقاك كعادتك تبتسم في وجهي...
تعبث بروحي...
تمتزج كلماتك الصباحية بأغنيات فيروز مدغدغاً بها أحاسيسي...
منعشاًً أحلى ذكرياتي الجميلة الفائتة...
عذراً إنقطع الوحي سنواصل.......................
ست البنيـــــــــــــــات
|
Post: #2
Title: Re: صباح الخير حبيبي...
Author: إسماعيل وراق
Date: 11-01-2008, 05:25 AM
Parent: #1
وليتواصل وحي كلماتك..
شكراً ميادة.،
|
Post: #3
Title: Re: صباح الخير حبيبي...
Author: Mayada
Date: 11-01-2008, 05:35 AM
Parent: #1
إسماعيل...
صباح الخير...
أسعدني مرورك كثيراً...
شكرا ليك...
ست البنيــــــــــــأت
|
Post: #11
Title: Re: صباح الخير حبيبي...
Author: إسماعيل حميم
Date: 11-01-2008, 06:45 AM
Parent: #3
الاخت ميادة
صباح الشروق
وتشرق معه كل الاحاسيس الجميلة
المعطرة بالندى
على الزهور صباحاً
مرفق
مودتي
إسماعيل حميم
.
|
Post: #16
Title: Re: صباح الخير حبيبي...
Author: Mayada
Date: 11-01-2008, 09:36 AM
Parent: #11
الأخ إسماعيل...
مساء الخير والورد والف والياسمين...
شكرا على مرورك وزهورك وكلماتك الحلوة...
تحياتي...
ست البنيــــــــــات
|
Post: #4
Title: Re: صباح الخير حبيبي...
Author: خالد عبد الله محمود
Date: 11-01-2008, 05:59 AM
Parent: #1
ميادة صباح الخير
كلام جميل وملئ بالتفاؤل مع الصباح ......
ـــــــــــــــــــــــــــــ
* شنو حكاية ست البنيات دي؟
|
Post: #5
Title: Re: صباح الخير حبيبي...
Author: Mayada
Date: 11-01-2008, 06:03 AM
Parent: #1
خالد...
صباح الخير...
الكلمات ديل جن بسبب تأثير الجو وكدة...
وست البنيات دي كانت لما كنت زمان البوردابية الوحيدة في الرياض ومشى الإسم على كدة...
تحياتي وشكرا على مرورك...
ست البنيـــــــــــــات
|
Post: #6
Title: Re: صباح الخير حبيبي...
Author: خالد عبد الله محمود
Date: 11-01-2008, 06:11 AM
Parent: #5
ميادة .....
| Quote: وست البنيات دي كانت لما كنت زمان البوردابية الوحيدة في الرياض ومشى الإسم على كدة... |
ياتو رياض؟؟ حقتنا الواحدة دي ؟؟ أنت مهكرة و لا مالكـ الليلة؟
الجو جميل للدرجة دي؟
يعني أسه الصور نطلبها منكـ و لا من معتصم كالعادة؟؟
|
Post: #7
Title: Re: صباح الخير حبيبي...
Author: Mayada
Date: 11-01-2008, 06:20 AM
Parent: #1
ياخالد...
لما تكون صاحي الساعة صفر صباحاً وتلاقي السما ملبدة بالغيوم وتمشي المكتب وتفتح الباب وتشرب ليك كباية غهوة في الهواء الطلق (الكلام دة كلو طبعا في خلال الساعة صفر وقبل ما الشمش تمرق زي الناس) في حالة زي دي بتحس انو الجو جميل...
الصور دي طبعا تخسس الاساتذة الاجلاء ناس تومبوس وحوميدة...
ست البنيـــــــــــــــات
|
Post: #8
Title: Re: صباح الخير حبيبي...
Author: Mayada
Date: 11-01-2008, 06:24 AM
Parent: #1
وأزيدك من الشعر بيض...
في نقيضات بتاعة مطرة شغالة...
والريحة طبعاً ما أقول ليك...
سودان سودان...
موبااااااااااالغة...
ست البنيــــــــــــــــــات
|
Post: #9
Title: Re: صباح الخير حبيبي...
Author: خالد عبد الله محمود
Date: 11-01-2008, 06:39 AM
Parent: #8
ما ياها المحرية فيك يا ميادة ....
* تحندكينا بالمطرة ..
|
Post: #17
Title: Re: صباح الخير حبيبي...
Author: Mayada
Date: 11-01-2008, 11:23 AM
Parent: #9
والله حلاوة جو...
شي عجيييييييييييييب...
ست البنيـــــــــــات
|
Post: #10
Title: Re: صباح الخير حبيبي...
Author: tmbis
Date: 11-01-2008, 06:39 AM
Parent: #8
صباح الخير يا حبيبتي زينون ..
ما عندنا مع البقية شغله يحبو زي ما دايرين ..
الجو برد يقولو ليك الجو صحو وزخات المطــر واريج البنفسج .. وقارئت الفنجان .. وإني اغرق تحت الماااااااء
يا ست البنات .. دا برد .. اسمو برد ..
ياخ تحبو علي عينا وراسنا تكتبو كلام سمح من الصباح على عينا وراسنا ..
لكن كمان سمو لينا الحاجات بي اساميها ..
مش قاليك في حاجة اسمها حب في زمن الكوليرا ..؟
خلاص .. سميهو حب في البرد .. يا حب في الزنزانة .. ..
والله انا الليلة كان ما خجلت ساكت .. الشغل ما كنت ماشي 
ملحوظة:
أنا ليه حبيبتي ما بتكتب لي ..؟
واللا يعني عشان ما عندي ..؟
|
Post: #19
Title: Re: صباح الخير حبيبي...
Author: Mayada
Date: 11-02-2008, 06:21 AM
Parent: #10
صباح النور يا تمبس، كيفنك، اهة الليلة مؤكدة لبست الدولاب كلو وطلعت موش؟؟؟
| Quote: ما عندنا مع البقية شغله يحبو زي ما دايرين .. |
ايوة بنحب، مالك حاسد ولا بطران...
Quote: الجو برد يقولو ليك الجو صحو وزخات المطــر واريج البنفسج .. وقارئت الفنجان .. وإني اغرق تحت الماااااااء
يا ست البنات .. دا برد .. اسمو برد .. |
طبعاً انا اصلي ما بغالتك بإعتبار انو نحنا لسة شباب وفارق السن بينا كبير، اراوند تن ييرس) عشان كدة ياعمو فعلاً الجو بالنسبة ليك بيكون ساااااااااااااقط...
| Quote: والله انا الليلة كان ما خجلت ساكت .. الشغل ما كنت ماشي |
قدر دة!!!
| Quote: أنا ليه حبيبتي ما بتكتب لي ..؟ |
الاجابة واضحة، لانها ماقاعدة تحبك...
| Quote: واللا يعني عشان ما عندي ..؟ |
انا زنزون قالت ليك ما تتكلمي في السياسة مع جدو تمبوسي...
ست البنيــــــــــــات
|
Post: #12
Title: Re: صباح الخير حبيبي...
Author: خالد عبد الله محمود
Date: 11-01-2008, 07:12 AM
Parent: #1
ميادة ...
تعرفي أنا يادوب جمعت بعد مداخلة تمبس دي .....
من قبيل أنا مفتكركـ ميادة كمال .. تصدقي؟؟
أنا قلت ميادة كمال دي جنت و لا شنو؟؟ البنيات جابتم من وين لمن تبقي ستهم ..
|
Post: #13
Title: Re: صباح الخير حبيبي...
Author: tmbis
Date: 11-01-2008, 07:23 AM
Parent: #12
Quote: ميادة ...
تعرفي أنا يادوب جمعت بعد مداخلة تمبس دي .....
من قبيل أنا مفتكركـ ميادة كمال .. تصدقي؟؟ |
.. | Quote: أنا قلت ميادة كمال دي جنت و لا شنو؟؟ البنيات جابتم من وين لمن تبقي ستهم .. |
.. والله يا خالد .. جنت إنت دا يا كمان ضربك السقط ..
من قبيلك بقرا في مداخلتك وبضحك ..
|
Post: #14
Title: Re: صباح الخير حبيبي...
Author: mayada kamal
Date: 11-01-2008, 07:48 AM
Parent: #12
| Quote: من قبيل أنا مفتكركـ ميادة كمال .. تصدقي؟؟ |
خالد إزيييييك
كيفك
وصباح الخير برضو
| Quote: أنا قلت ميادة كمال دي جنت و لا شنو؟؟ البنيات جابتم من وين لمن تبقي ستهم .. |
انا جيت
انا ست البنيات قبل ما أجيبهم...
وست بنيات الحلة (مع اني للان ما شفت حلتنا)
وست بنيات البورد
ننزل الصور ولا مافي داعي (يلا صوتوا لي).....
**** تخريمة
إنت ياخالد
البتجيب البنات بتكون ستهم ولا أمهم.....
**** تخريمة
البضحك شنو يا تمبس؟؟؟؟؟؟؟ (وش معفرن)
حبابك يا اختي ميادة
|
Post: #21
Title: Re: صباح الخير حبيبي...
Author: Mayada
Date: 11-03-2008, 09:57 AM
Parent: #12
معليش ياخالد...
لولا انو الجو جمييييييل المطرة صابّة والنفسيات الف كان لي كلام تاني معاك...
عموما ارقد طيب..........
ست البنيــــــــــــات
|
Post: #15
Title: Re: صباح الخير حبيبي...
Author: خالد عبد الله محمود
Date: 11-01-2008, 07:57 AM
Parent: #1
تمبس و ميادة كمال ....
صباحاتكم زينة ..
والله يا تامبا أنا زاتي قعدت أضحكـ على نفسي لما الناس بقو يعاينو لي ..
ميادة كمال أنشاء الله ربنا يديكـ البنيات و تبقي أمهم و ستهم ..
|
Post: #18
Title: Re: صباح الخير حبيبي...
Author: فاروق أبوحوه
Date: 11-01-2008, 12:26 PM
Parent: #15
أنا عازم نفسي مطره هنا ...
ممكن ؟؟
لمة دعاشكم تسر البال..
شكراً مياده علي رهق الهطول..
فاروق
|
Post: #20
Title: Re: صباح الخير حبيبي...
Author: الطيب رحمه قريمان
Date: 11-02-2008, 06:30 AM
Parent: #18
الاستاذة ميادة
لك التحية
واصل سيل الكلمات الحلوة و اتركي احاسيسك تحكى عن الدواخل بحرية
بعيدا عن المتداخلين مع احترامى و تقديرى لهم
تحية لكم جميعا
|
Post: #22
Title: Re: صباح الخير حبيبي...
Author: Mayada
Date: 11-09-2008, 04:16 PM
Parent: #18
Quote: أنا عازم نفسي مطره هنا ...
ممكن ؟؟ |
ياسيدي حبابك دشليومية، لكن عارف المشكلة وين؟؟؟
شكلي سحرت الجو، لانو الايام دي عندنا شمس لو وقفت تحتها ممكن برااااااااحة تبقى ودك في خلال 5 ثواني...
عموما نحنا متفائلين خير انو الجو يتصلح بعد شوية، والوكت داك وبقلب قوي اقدر اقول ليك حبابك دشليومية...
وشكرا ليك انت الاديتني من زمنك ومريت علي...
ست البنيــــــــــــــات
|
|