المبدعون العواليق ..

عرفت كثيراُ من المبدعين ..

و يا ليتني لم أعرفهم كلهم ..

و عرفت قليلاً ممن لا يسمون أنفسهم مبدعين ..

منهم من يفعل ذلك تواضعاً ..

و منهم من عرف قدر نفسه حقاً ..

و ليتني عرفتهم كلهم ..

كثيراً من المبدعين ممن تحرقت يوماً شوقاً لمجرد معرفتهم ..

ندمت ندامة ( السنين ) أنني عرفتهم ..

و هولاء من فصيلة المبدعين ( العواليق ) ..

عرفت مبدعاً ( عولاقاً ) بمعنى الكلمة ..

و كان من فرط ( عولاقه ) أنه لا يكف عن القول أنه ( مبدع ) ..

حتى ذهب إبداعه و بقيت ( عولقته ) ..

ألأخ/عصام دهب

السلام عليكم...وصباحاتك ندية....

يا اخى ما تقوم نفسك الشغلانية ما بتستاهل.......

الهكر ولا الكلام الزفر

و من عجائب ـ ثلة من ـ مبدعي هذا الزمن (الطمام)..
أن ما يقولون عنه إبداعاً في نظرهم ..
هو في نظر ـ غالبية من يهمهم الأمر ـ ليس سوى ( وهمات ) ساكت ..

ــ

يا دهب ..
لو في فكرة توقيعات ..
بوقع

يا تمبس ..
ازيك ياخي ..

Quote: لو في فكرة توقيعات .. بوقع

في فكرة ( إبداع ) شوية كدة ..

ــ
غايتو ( جازف ) ..

بس خليك ( عاقل ) ..

عصام دهب يالؤلؤ ...
ياخي مشتاقين .... وين الحي بيك ؟

لا يعني أنت هسع عايز تقول بأن أساسي مثلاً ما مبدع ؟
يعني ممكن يكون ود الصائم فعلاً ( ممسوخ ) بس برضه عنده إبداع تاااااني ...
لكن بيني وبينك كده حجر برضه بستاهل وكده ....


مودتي ياعزيزتي دهب ....


عماد محمود ( المعولق )

الريس ..
إن شاء اللد دايماً كويس ..
و شوقنا ليك دافق جد .. لكن ( الإبداع ) شاغلنا شوية و كدة ..

Quote: لا يعني أنت هسع عايز تقول بأن أساسي مثلاً ما مبدع ؟

ياخي أساسي دة زول ( كويس ) و الله ..
مالك داير تدخله ( الحظيرة ) دي ..

Quote: يعني ممكن يكون ود الصائم فعلاً ( ممسوخ ) بس برضه عنده إبداع تاااااني ...

طيب ( المسخة ) دي مش في حد ذاتا إبداع و أحسن من ( الوهمة ) ..

Quote: لكن بيني وبينك كده حجر برضه بستاهل وكده ....

حجر دة زول ثوري نضيف عديل كدة .. ما ( مبدع ) و لا حاجة ..

ألأخ الفاضل / اسماعيل عباس

السلام عليكم...وصباحاتكم أندى ..

Quote: يا اخى ما تقوم نفسك الشغلانية ما بتستاهل.......

بالعكس يا أسماعيل الليلة بالذات لقيت نفسي ( فايق ) و ( رايق) قلت ( أتبدع ) شويتين ..

Quote: الهكر ولا الكلام الزفر

كلام صاحي شديد ..

تسلم ..

كنت أعرف مبدعين ( معولقين ) لا يبدع الواحد منهم إلا حينما يكون في ( لا ) وعيه ..
و في البداية حيرني الأمر كثيراً ..
لكن حينما عرفت كثير من مبدعي ( الغفلة ) ..
أضحى الأمر عندي عادياً ..

و في الزمن الطمام ..

و كثيراً ما تساءلت :

هل من علاقة بين الإبداع و ( البشتنة ) ؟؟

ـ
و لعل من يقرأ يتخيل ..

والله يا عصام كلامك في محلو ..

مرات في مبدعين تتمنى إنك تشوفهم وتظل تمني نفسك سنوات برؤيتهم ولكن لما تتحقق الأمنية عينك

ما تشوف إلا النور .. تفتش ليك جحر عشان تدخل فيه .. آل مبدعين أل !!

Quote: مرات في مبدعين تتمنى إنك تشوفهم وتظل تمني نفسك سنوات برؤيتهم ولكن لما تتحقق الأمنية عينك ما تشوف إلا النور .. تفتش ليك جحر عشان تدخل فيه ..

و مرات مرات يا عواطف في ( مبدعين ) تتمنى انك ما تشوفهم كلو كلو و تظل تمني نفسك لمن تموت ما تشوفهم لكن فجأأأأأتن كدة تلاقي الواحد قدامك ( زي قدر الله الجانا عدييل ) ما عندك حل إلا تصحى من النوم و تقول ( محمد معانا ما تغشانا ) ..

صراحة بوست (مبدع ) يا دهب ..

وقمة العولقة


في ( جدة)



عندكم واحدين يا دهب وخاصة بتاعين الاستراحات


دمهم بقري وفي البقري العجوز

شقي حالكم

Quote: دمهم بقري وفي البقري العجوز

السيدح

من المزرعة للبوست
اقرا
يا عصام
وعضى الليمونة
ثم
اكتب
ثم حبة تانية وتالثة
وثم
ولكى ..كى
لكى لا تصاب انت بالغثيان

عبد العظيم

Quote: اقرا يا عصام وعضى الليمونة

يا عبدة

صحن واحد ما بكفي ( الإبداع ) دة كلو ..

جيب لينا شوالات .. شوالات .. ياخي ..

Quote: وقمة العولقة في ( جدة)

مع إنو ( جدة غير ) يا سيدح و فيها من العولقة و العوالق و العواليق و المعولقين ما فيها ، لكن في هذا المنبر تحديداً سوف ترى كل فصائل ( المبدعين ) حتى الفصائل المنقرضة ..

Quote: عندكم واحدين يا دهب وخاصة بتاعين الاستراحات

احييييي مالك عايز تقوم علي ( الإبداع ) ياخي ..

Quote: دمهم بقري وفي البقري العجوز

غايتو ما أحترمت فصيلة ( البقر ) كلو كلو ..

أنا ( مبدع ) .. إذن أنا ( فاكيها في روحي ) ..

و أعرف مبدعين لا يبدعون إلا في ( قلة الأدب ) ..

و مع ذلك ..

سوما


رأس السوط ما يلحقك

والله انت مارقة منهم زي الشعرة من العجين

وخانتك في المبدعين محفوظة

عشان ماك ناطة بالحيطة لحوش الابداع

مودتي واعتذاري

أتطاول من تحت النافذة

أنظر ...

أحـــدق ...

ارمـــق ..


انظر ..

اجد نفوسهم ثكلــى .. خاويــة ..

تشكو من هـــوان الحرف فى ايديهـــم ...

ومن قبل سـطر ( البديع ) { واصــطـنعتك لنفســــى }...


المعولق ابو ريالة بدر الدين اسحاق احمد

Quote: أتطاول من تحت النافذة أنظر ... أحـــدق ... ارمـــق .. انظر ..

بدر الدين ..
تخيلتك ..
و تقمصت ( إبداعك ) ..

قربت ( أريِل ) من ( ريالة ) ..

Quote: صراحة بوست (مبدع ) يا دهب ..

صراحة أحبطتني يا طلحة ..

ياخي قول أي حاجة تانية ما بتجيب الطمام ..

أحسنت أخي عصام دهب
مع تحفظي على كلمة ( عواليق )!

و يؤيد هذه الفكرة المثل : تسمع بالمعيدي خير من أن تراه !
و قول الشاعر :

ترى الرجل النحيف فتزدريه *** و في أثوابه أسد هصور
و يعجبك الطرير فتزدهيه *** فيخلف ظنك الرجل الطرير
و الشاهد في البيت الثاني .

أخوى عصام

هل بالإمكان أن يكون المبدع من فئة (عامل تربية مواشى) ما دام الحكاية جابت ليها بقر؟



ياخ والله بصراحة كدة عجبنى كلام عبداللطيف حق مبدعين الإستراحات



ياخ ديل بالكوم

هشام ..كيف حالك و السهر ..
و بالله جيب ليهم صور الابداع بتاع يوم الخميس عشان يآمنوا ..

Quote: هل بالإمكان أن يكون المبدع من فئة (عامل تربية مواشى) ما دام الحكاية جابت ليها بقر؟

الإبداع دة ممكن يتجسد في أي حاجة يا زول ، و حالة كون الواحد عامل تربية مواشي و مبدع دي معناتها يا بخت ( المواشي ) الأمانة ما حتتربى ..

Quote: ياخ والله بصراحة كدة عجبنى كلام عبداللطيف حق مبدعين الإستراحات

و انا عجباني اكتر يا هاشم ( استراحات ) المبدعين و وهماتم ..

Quote: أحسنت أخي عصام دهب

كتر خيرك يا شيخ الطقي .. هو نحنا عملنا حاجة !!

Quote: مع تحفظي على كلمة ( عواليق )!

اتفهم تحفظك و أعتذر لكلمة ( عواليق ) ..

Quote: ترى الرجل النحيف فتزدريه *** و في أثوابه أسد هصور و يعجبك الطرير فتزدهيه *** فيخلف ظنك الرجل الطرير و الشاهد في البيت الثاني .

الشاهد شاهدناه في المنبر دة ..

عصام دهب

والله الواحد بقى يسمع كلمة إبداع أو مبدع ضغطتو يرتفع...

في
مبدع
بحدد إنو
هو مبــــدع




دي ما بحدده هو؟؟


حرام على الإبداع ما يجري ...

عثمان
تحياتي

Quote: والله الواحد بقى يسمع كلمة إبداع أو مبدع ضغطتو يرتفع...

أنا شخصياً ( بضرٍس ) عديل كدة ..

Quote: في مبدع بحدد إنو هو مبــــدع

أيووة لما يكون زول ( وهمة ) فاكيها في روحو ساكت ..
ـ

عثمان
تحياتي

Quote: والله الواحد بقى يسمع كلمة إبداع أو مبدع ضغطتو يرتفع...

أنا شخصياً ( بضرٍس ) عديل كدة ..

Quote: في مبدع بحدد إنو هو مبــــدع

أيووة لما يكون زول ( وهمة ) فاكيها في روحو ساكت ..
ـ

ابداعكم وصل وين يا خاتين العولقة ..

عصام البوست حقي اتقفل..
انقفل ولا اتهكر ما بعرف..\

بعض من ابداع !



تنصحني بشنو..

افتح واحد غيره

إلى وقت قريب لم أكن أعتقد أن ثمة علاقة بين ( المبدع ) و ( القطيع ) ..
حتى تبين لي أن القطيعة ـ ذاتاـ هي حالة إبداعية ..
و ان المبدع هو الزول ( المقطعها ) ..
لذلك فليس غريبا أن ترى مبدعاً و هو ( يفنجط )و يضرب ( جوز ) كمان ..

Quote: سوما رأس السوط ما يلحقك والله انت مارقة منهم زي الشعرة من العجين وخانتك في المبدعين محفوظة عشان ماك ناطة بالحيطة لحوش الابداع مودتي واعتذاري

العفو يا ود امى
وحات الله يا السيدح يا خوى ضحكنى التعبير بس ليس الا
لا راس صوت لا الصوت زاتو
وحات البينا العامره خيتكم منكم وفيكم
غبشة من بطن الاهل.. واعتز بغبشة اهلى اهل العوض
لا ابداع لا تميز احمد الله على قول خالتى بتول
والايام دى البورد لما تجى داخل عليه لا تعرف تضحك لا تعرف تبكى
شر البلية ما يضحك

تسلم يا الحنين
يعلم الله المعزة نيلين
التحية للاخ عصام صاحب البوست
عذرا اخى الكريم احتلينا المكان.. وعذرا مره اخرى .. قبيل من الضحك ما طايبت اى زول
تحياتى للجميع
اسماء الجنيد / مسقط

Quote: عصام البوست حقي اتقفل.. انقفل ولا اتهكر ما بعرف..\

يا صاحبة الجلالة
البوست شكلو (اتعولق )..
يعني ( حقيقي ) بقى مبدع ..
لأنو كلو ما تحاول ( تخش ) فيهو ..
يقوم يوديك الردمية ..
ردم شديد ..

Quote: تنصحني بشنو..

أنصحك تكوني بعض من ( قطيع ) ساكت ..
القطيع دة عيبيهو لي يا مولاتي ..

الاخوة الافاضل
تحياتي
اولا وقبل مهاجمة الابداع والمبدعين حقو نعرف من هو المبدع .. المبدع ماهو الشاعر ولا القاص ولا الرسام ... من بين كل هذا الزخم من مختلف انواع الفنانين .. هناك 1% فقط يمكن ان يسمو مبدعين .. ولا يكون مبدعا الا من جاء بما لم تستطعه الاوائل ومعظمهم مقلدون
وعشان المبدعين المدعين ما يفرحو شديد ..فان هناك ارتباط وثيق بين الابداع والجنون .. يعني المبدع اما مجنون او على مشارف الجنون

عصام دهب

والله اول ماقادني الى هذا البوست واجب السلام وكدا ، طولنا من لقيا

بعدين العنوان ، يعبر عن زول ممغوص مغصة بالغة



انا شايفة انو في استهلاك عام فى المنبر اليومين ديل لمفردة ابداع ومبدع


انا حاسة بنفسي برا الشبكة وقعوا لى الكلام كويس

شمائل النور

Quote: والله اول ماقادني الى هذا البوست واجب السلام وكدا ، طولنا من لقيا

تسلمي من كل بلا يا شمايل ، و إنتي ست واجب ياستي ( أبدعتي ) و ما قصرتي ، الله لا يقصر ( إبداعك ) .

Quote: بعدين العنوان ، يعبر عن زول ممغوص مغصة بالغة

و كمان بطنو طامة شديد يا شمايل من قرف المبدعين الفكوها في روحهم و عايزين يفكوها فينا ..

Quote: انا شايفة انو في استهلاك عام فى المنبر اليومين ديل لمفردة ابداع ومبدع

عشان كدة ما تتحيري لو سمعتي مفردتي ( قرف ) و ( مقرف ) لا مؤاخذة يا ستي ..

Quote: انا حاسة بنفسي برا الشبكة وقعوا لى الكلام كويس

الواحد ( قدُر ) ما حاول ( يوقع ) الكلام و للا حتى ( يرميهو ) ما ( قٍدٍر ) ..
يلا خليك تفتيحة و شايلة مفاتيحه و قولي وين (القطيع ) و وين ( السريحة ) ..


ــ

سلمي لي على / جمال علي يا شمايل ..

Quote: المبدعين المدعين ما يفرحو شديد ..فان هناك ارتباط وثيق بين الابداع والجنون .. يعني المبدع اما مجنون او على مشارف الجنون

الفضل ..
تحياتي
شكلك قاصد العبقري ..
و لو جينا لحتة العبقرية ـ دي ـ تلقى ناس قريعتي راحت الشابكننا مبدعين مبدعين ديل كلهم عاملين فيها مجانين عشان يقول عليهم عباقرة لكن كلهم موهومين ساكت .
ياخي ديل مفتكرين الإبداع دة بتمثل في بنطلون الجنز البشخبتوه و الشعر المنكش و مفلفل جامايكا ، و العيون العاملة ( سرحانة ) عبد البصير ، و البشتنة بدون سبب .. يعني أيوة الشكل شكل زول مجنون لكن عبقرية و إبداع ببح .. وهمة ساااااكت كدة صدقني ..

دهب سلام

Quote: إلى وقت قريب لم أكن أعتقد أن ثمة علاقة بين ( المبدع ) و ( القطيع ) .. حتى تبين لي أن القطيعة ـ ذاتاـ هي حالة إبداعية .. و ان المبدع هو الزول ( المقطعها ) .. لذلك فليس غريبا أن ترى مبدعاً و هو ( يفنجط )و يضرب ( جوز ) كمان ..

سعادة المُستشار ود دهب

الإبداع هو ماخطه قلمك في الإقتباس إعلاه لتوصيف هذه الحاله ,, ودائماُ مايكون فكر القانوني في التلقي وتمحيص الاشياء يختلف عن بقية المُتلقين وقد يكون للمهنيه دوراً في ذلك وذلك بتحاشيك للدخول في سفائق الامور عند قراءتك لها والنأى بنفسك بالتعليق عليها وإنما يكون مرورك من باب العلم بالشئ ,, والمُبدع لايدعي ولايروج لنفسه بأنه مُبدع ,, فهذا الحُكم يكون للآخرين ... فهل أنا مُخطئ في هذا ؟؟

المبدع الذى يأتى بالبدع
والبدع جمع بدعة
والبدعة ضلالة
إذن المبدع مضل.


ياخى مرة كدا مواطنة عربية مشت عريانة فى نيويورك وكاتبا القضية الفلسطينية فى بضع من جسمها فهى مبدعة.

أول ولد طاعم قال ندق الصفايح ونمرق الفضايح يعتبر مبدع.

الزول القال البنحبو بنجيب ليهو الشربه والبنكرهو نحرش ليهو الكلبة برضو مبدع.


الزول البقح وبعطس ومابغطى خشمو (وخشمو) يعتبر مبدع لأنه إبتكر طريقة سريعة وفعالة لنشر الإبداع.

العولقة زاتا تعتبر إبداع لزج يلصق فى الآخرين حالما وجدوا بالقرب من المبدع.

وبديع وبديعة لهم فضل فى نشر الإبداع وسط الغجر حتى أضحت صويحبات بديعة غازيات وأصبح بديع معلما.

ياعصام دهب خلى الاوركسترا تظبط إيقاعا على الدربكة لأنها أعلى صوتا.

واعلم أن المبدع يمكن أن يكون قشة كبريت لو بتدخن بنفعك بشرط أن تشخته وترميه ثم تموت بعده بسرطان الرئة.

Quote: دهب سلام

و عليكم السلام يا كع ..

نفسي ( أبدع ) في مسألة رد السلام دي ..

يعني محاولة كدة ممكن الواحد يقول ليك ..

أوووو كع ..

ـ
برضو قديمة ما فيها أي إبداع ..

Quote: إلى وقت قريب لم أكن أعتقد أن ثمة علاقة بين ( المبدع ) و ( القطيع ) .. حتى تبين لي أن القطيعة ـ ذاتاـ هي حالة إبداعية .. و ان المبدع هو الزول ( المقطعها ) .. لذلك فليس غريبا أن ترى مبدعاً و هو ( يفنجط )و يضرب ( جوز ) كمان ..

يا عصام دهب
بناء علي عنوان البوست
بالجد كدا انت زول (عواليق) جدا جدا ..

على صلة بموضوع البوست جالت بذاكرتي أبيات للراحل الأستاذ فراج الطيب رحمه الله
ضمن قيدة له طويلة ألقاها بالمربد الشعري بالعراق يصف فيهاحالة بعض من أفسد
الشعر العربي ممن ينطبق عليه توصيفك بعاليه ، قال فراج :

لعاً للشعر عاث به أناس *** مشوا في موكب العجم اللئام
فجاؤنا بأشقر طِمطِيٍ *** زريِالسمت مرتبك القوام
فلا ذكر و لا أنثى و لكن *** نرى خنثى تجول بلا احتشام
تصول مع الرجال بلا صيال*** و تُرأى في النساء بلا لثام !!!

سوف اهجو دهب
كيف يصفنا بالعواليق

دهب يادهب
يا عنقرب الفصب
يانار ياوقود ياحطب
نحن قوم رماد فوقنا
بكمن اللهب
نكتب القصة نروى الادب
شيخنا دريدا قد احل الكذب
موت المولف طريقه الصعب
يادهب ياعين ياهدب
نحن حول لبلب
نحن الدخان نحن الحجب
نحن نكره البريسن وايضا العجب
بنطلونى مقدقد وفى يدى كتب
لا اعرف الحمام ولا اقصر الشنب
اعتزل النساء اصيحابى عزب
نعزف الموسيقى نلحن الادب
طريقنا صعب
طريقنا صعب

المبدع ابقوتة
الرياض
ليلة خميسية تجمعت فيها افكارى
الابليسية

اتقطعت يا ابقوتة ..

بله يا ود موسى ...بالغت عديل كدى


انتو الامثال السودانية دى حالات نظــم معولقــــة ؟ دى سؤال ...