Post: #1 Title: ندمانة ندمانة يا اهل المغنى Author: الجندرية Date: 10-28-2008, 08:23 AM
عايزة الاغنية بي لنك حفظها وتنويه بالبنط العريض القصة دي ما عندها علاقة ببيان الشجب فرأي وموقفي منو واضح وقد اسمعت لو ناديت حيا وغيري كفى ووافى
شوفو لي الاغنية النبي عليكم / ن
Post: #2 Title: Re: ندمانة ندمانة يا اهل المغنى Author: نادر Date: 10-28-2008, 08:28 AM Parent: #1
سلاااام وتحايا بالكوم ومنتظرين معاك الأغنية.
Post: #3 Title: Re: ندمانة ندمانة يا اهل المغنى Author: NGABY AJOOZ Date: 10-28-2008, 08:44 AM Parent: #2
انتي تسلمي من الندامة ياماني انا ما من ناس الغناء بس ممكن اعمل ليك اضراب
Post: #5 Title: Re: ندمانة ندمانة يا اهل المغنى Author: Muna Khugali Date: 10-28-2008, 08:50 AM Parent: #3
غايتو يا اماني الا نسمع الاغنيه كويس يأضنينا ومش بعيونا.. علشان نقرر بعداك ان كان ليها علاقه بالبيان ولا لأ لكن رأيك كده برااااااه ما بناخد بيه لأننا عايزين يكون عندنا رأي مستقل ما تبع القطيع
وغير كده مشتاقين وعايزين نتلاقي .. سلام لصديقي عثمان..
Post: #10 Title: Re: ندمانة ندمانة يا اهل المغنى Author: الجندرية Date: 10-28-2008, 09:42 AM Parent: #5
ازيك يا منى واشواق بالاردب قصة الملاقاة دي ما صعبة اليمنية ارخص خطوط طيران في العالم والترانزيت وانت ماشة ولا جاية فرصة مناسبة عليك الله فكر فيها بجدية والله لاقينا كمية من اصحابنا بالطريقة دي الله يخلي لينا ابو يمن ديل
ياريت يا منو والله لو نقدر نقرأ بعيونا ونسمع باضيننا
القصة دي صعبة على فكرة عن ذات روحي دي كنت بسمع بي كراعي واحتمال لسه بسمع بيها لكن مالو ندرب روحنا وعلى قول اولادي كل شئ ممكن بالتدريب
قصة الرأي المستقل دي كمان اصعب اس عشرة كدا الله يقسم ليه الاستقلالية والتفكير الحر
يوصل سلامك لي عثمان رغم اننا فاصلين ذمتنا النتية والمؤمن وشيطنتو قرقرقر
Post: #8 Title: Re: ندمانة ندمانة يا اهل المغنى Author: الجندرية Date: 10-28-2008, 09:13 AM Parent: #3
نقابي عجوز
ازيك
وتسلم انت من كل شر
لكن تعرف مرات الندم ما كعب مجرد انه الزول / ة قعد وراجع ما عملو وقيمو دي زاتها مش حاجة كويسة ؟
وقالو العترة بتصلح المشي
Post: #4 Title: Re: ندمانة ندمانة يا اهل المغنى Author: الجندرية Date: 10-28-2008, 08:50 AM Parent: #2
نادر ازيك ومشتاقين
اها يا ابوي عتل معاي البوست لحدي ما ربك يفرجها علينا
Post: #6 Title: Re: ندمانة ندمانة يا اهل المغنى Author: doma Date: 10-28-2008, 08:59 AM Parent: #4
بريه من الندم يا جتدريه الا الغنوه دي اصلو ما سمعت بيها كدي ناغمي تمبس فشان نسمعها معاك
Post: #17 Title: Re: ندمانة ندمانة يا اهل المغنى Author: الجندرية Date: 10-29-2008, 05:50 PM Parent: #6
دومة ازيك
Quote: الا الغنوه دي اصلو ما سمعت بيها
معقول يا دومة !! ما بتشوفي قنوات السودان الجديدة دي ناس هارموني واخواتها ؟
الاغنية دي مدورة طواااااااااالي بهناك
اي نعم نحن صفوة ونخبويين ومتعاليين لكن مرات بننزل من برجنا العاجي وبنسمع لمغنيات شعبيات زي ندى القلعة وكدا يعني
بعدين تيابها سمحة ياختي وبتفك الظار
Post: #7 Title: Re: ندمانة ندمانة يا اهل المغنى Author: abas Date: 10-28-2008, 09:03 AM Parent: #1
الجندرية
تبري انتي يا يمه من الندم
تمبس هو البقدر يجيبها ليك
نعتزر لاننا ما من ناس النغم والمغني
تحياتي
Post: #9 Title: Re: ندمانة ندمانة يا اهل المغنى Author: على محمد على بشير Date: 10-28-2008, 09:22 AM Parent: #7
Quote: عايزة الاغنية بي لنك حفظها
طلبك دا عند تمبس وانتى حتيتيهو معاهو قرض اها اسع نعمل ليكى شنو ؟
حبيت امزح معاك والله يا الجندريه على خلفية البيان وكدا لانو مداخلاتك فيهو كانت واضحه وشجاعه ومهضومه
يعنى ما تفتحى فينى نيران صديقه كانت ام ابداعيه
Post: #19 Title: Re: ندمانة ندمانة يا اهل المغنى Author: الجندرية Date: 10-29-2008, 06:52 PM Parent: #9
علي ازيك
يا ود امي تمبس دا ود حشاي
انعلك راجيني اقول ليهو بقطع شطري ؟
نحن ديمقراطيين ياخ ديمقراطيين دي ضيفها اذا بتريد قدام صفات المجموعة الموقعة دون اي تردد شفت كيف؟
متأكدة لو الاغنية عندو ما بقصر مني ما تقصر ايامو
والبيان ما فيهو عيب بس الناس ساكت عماها الزعل
معليش غايتو ، وياريت نمشي لي قدام جيب غناك فزي ما قلت لي دومة مرات بننزل من برجنا العاجي ونتنازل قليلا لسماع الجبجبة حبة جبجبة ما بتسوي شي لصفوية ونخبوية عتقية قرقرقر محبتي
Post: #18 Title: Re: ندمانة ندمانة يا اهل المغنى Author: الجندرية Date: 10-29-2008, 06:43 PM Parent: #7
عباس ود جيرانا سلام
مالك نافض ناس النغم والمغنى ومتبري منهم ؟ ولا هااااااا ياربي عشان مبدعين ؟
امازحك على قول شيري ربي يطراها بالخير
سلام للوليدات
Post: #11 Title: Re: ندمانة ندمانة يا اهل المغنى Author: Isa Date: 10-28-2008, 09:50 AM Parent: #1
Quote: الا الغنوه دي اصلو ما سمعت بيها كدي ناغمي تمبس فشان نسمعها معاك
الجندرية إزيك،، وأنا كمان زي أمي عشة الفلاتية دي ما سمعت بالغنية .. بس أوعى تكون من الغنا البكون سمعوه المبدعين بس ! وإنتي براكي الجبتي سيرة البحر دي.. ندمان أنا تنفع؟؟ لكي التحية وننتظر أهل المغنى معاك..
Post: #20 Title: Re: ندمانة ندمانة يا اهل المغنى Author: الجندرية Date: 10-30-2008, 09:06 AM Parent: #11
حبابك يا عيسى
انت برضو ما بتشوف القنوات السودانية؟ مالك ما سغيييير وجاهل ما بتجيك الجلطة شوفها ساكت المرض من الله قرقرقر المشكلة انها من اغاني العامة هسي سماعي وطلبي ليها دي ح يجهجه ليك الجماعة كلهم
قاتل الله التنميط ياخ طبعاً الفرق بين التنميط والتنصنيف كالفرق بين الليل والنهار ما دايرلو درس عصر
محبتي
Post: #12 Title: Re: ندمانة ندمانة يا اهل المغنى Author: عاطف عمر Date: 10-28-2008, 09:58 AM Parent: #1
Quote: ندمانة ندمانة يا اهل المغنى
مشتاقين يا أماني
رمية أولى
أمس لو ( شرقتي ) يكون بسببنا كنا في سيرتكم وسيرة ديم لطفي فرداً فرداً زارني مشكوراً ( الإبن ) محمد عباس الحاج عبدالمحمود لمن أثناء الونسة يقول ( يا عمو ) أنا أتلفت ياربي معانا زوول تاني مقصود بالكلام دا؟؟ سعدية تموت من الضحك " إنت ما داير الكبر كلو كلو ، الله جاب لينا محمد دا بي شنبو الكبير دا يقول ليك يا عمو " حيا الله الأخت العزيزة نها على عمر
رمية تانية
في زمان نضير ولى كنا ( نسك ) الحفلات من ديم لطفي لحدي ديم العوض ومن فريق الجنينة لحدي الحلة الجديدة . نقل إلينا ليل رفاعة الهادئ مرة صوت حفلة . تابعنا صوت المغني ، نعرفه ونحبه المرحوم أبوبكر عبدالرحمن آدم . ساقتنا خطانا لمكان الحفل كان في ديم العوض . وعندما لاح لنا صيوان الحفلة وقبل أن نصله كان أبوبكر يغني " يا حمامة مع السلامة ... " شعاره الأثير لإنهاء حفلاته . قفلنا راجعين صامتين . قطع الصمت صديقنا مبارك كيس وهو يقول
" والله زى ما قال الشاعر العربي القديم الدنيا دي بت كلب "
إستفسرناه عن من هو ذلك الشاعر الذي قال هذا البيت الشعري أو هذا المقطع أفحمنا برده
" يعني هسع الشعر الكتيييييييير دا ، معقول مافيهو بيت زى كلامي دا ؟؟؟ "
" إنتهت الرميات "
أها يا بت أمي أغنيتك دي شاعرها منو ؟؟ وفنانها منو ؟؟
Post: #13 Title: Re: ندمانة ندمانة يا اهل المغنى Author: Adil Osman Date: 10-28-2008, 02:40 PM Parent: #1
