Post: #1
Title: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 10-27-2008, 12:52 PM
تفتح قناة هارموني تلاقي واحد بغني غناء كانه يعيش ابدا وماتعرف اسمو الا بعد عرضه على الشاشة الغشاشة
تقوم تغير القناة وتمشي لي ساهور تلاقي نفس الفنان بيمدح في الرسول كأنه سوف يموت غدا مع الاندماج ده لو مارمى ليهو دميعات من حبه للمصطفى . ولو صبرت كمان شويه يجيبو ليك واحده بتمدح في الرسول .
هل هناك اندماج بين الغناء والمدح ولا ده من شروط اجازة الصوت بتاع الفنان لازم يرمي ليهو مدحة مدحتين عشان يبارك له في غنائه.
للمختصين بالله العلاقة بين المديح والغناء شنو
زاتوووو
|
Post: #2
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: جمال السنوسي
Date: 10-27-2008, 03:55 PM
Parent: #1
زاتو جنس زاتو
بالله الغريبة
كم مؤدي( يطرشنا ما سمعنا بيهم )
وكم شاعر ( يطرشنا ما سمعنا بيهم )
وكم ملحن( يطرشنا ما سمعنا بيهم )
بقينا مقسومين على اربعة
ناس بتحرفن
وناس بتدوزن
وناس بتدندن
وناس بتحنن
اها البحننوا ديل ياهم زاتوووم انا وانت واي زول زاتوووو
|
Post: #3
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 10-28-2008, 06:34 AM
Parent: #2
الاخ جمال السنوسي ،
صباح الخير
انا بحنن وبعمل حمام بخار كمان لووول
لا ياعزيزي نحن بنجنن مش بنحنن لاننا نملك اذن واعية البحننو هم العاملين فيها اي حاجة فنان مادح لاعب كورة سياسي ومافي اي احترام للمتلقي عارف دي اظنها موضة زي الموضة بتاعة كل خمسة ولا سته فرد يعملو فرقة ويجو يمسكو المايكرفون ولازم يتمايلو مع الغناء تقليدا لعقد الجلاد
انت مش في حاجة اسمها ادب المدائح ، مافي زول يأدب الناس ديل ادب المدائح قبل يسجلو المدحة لووول
تسلم ياعزيزي
زاتوووو
|
Post: #4
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: عبد اللطيف السيدح
Date: 10-28-2008, 06:41 AM
Parent: #3
وبعدين زاتوووو كدة يا زول زاتو
لازم تسجل المدحة في منطقة أثرية زي البجراوية وكده
والحجة مضمونة مجاناً لكل زارفي دموع التماسيح
شفت كيف تقولي الحج صعب داير قروش وكده، لا يا اخوي شال وطاقية ودمعات كاذبات والطيارة طوالي.
|
Post: #5
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 10-28-2008, 06:59 AM
Parent: #4
الاخ عبداللطيف السيدح
يعني الشغلانة كلها business نتمنى انت تنتتهي بانتهاء مواسم الحج يعني الوليدات ديل مفتحين وعارفين بيعملو في شنو invest in the best تقول لي امريكا اقتصادها واقع لووول انشاء الله يحجو وبعد الحج يتوبوا طوالي ويخلوا الغناء والمديح ويريحونا لكن لو كان الموضوع يبنطبق على انثى مش محتاجة مرافق والمرافق برضو على حساب المدحة .
عندي عمي عايز يحج نوصيهو بي تسجيل مدحة كامل وصوفو يارب نشوفو .
تسلم
زاتوووو
|
Post: #6
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 10-29-2008, 10:14 AM
Parent: #5
ده كلو كوم والفيديو كليب كمان كوم تاني
اظن ان المديح مامحتاج لي فيديو كليب بل يعتمد على الكلمة والهيبة
امبارح شهادت مدحة الفيديو كليب بتاعها في الطابية بتاعة امدرمان ماعارف العلاقة شنو هل المدحة تخص المهدية ولا الشباب مفتكرين انو الطابية دي من زمن المصطفى ص تكون دي كمان مصيبة تانية
بعدين كنت مفتكر البنات البمدحو اتنين ولا تلاته لكن لم اتفاجا كثيرا وماشاء الله ناس القناة عملوا مساوة بين الرجل والمراة في الحته دي مدحة لي شاب وبعدو بنت ياريتها كان بت عادية يجيبو ليك بت ديناري عديل كده احمر الشفايف عامل لمعة مع الاضاءة وكلو لي حب المصطفى ص
الله يصبرنا
زاتوووو
|
Post: #7
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: abas
Date: 10-29-2008, 11:10 AM
Parent: #1
http://www.youtube.com/watch?v=0R0vhcWCti8
هاك دي يا زاتك
قلت لي بقيت تحنن بي محلبية ميسو كمان
والله يا زاتك بقيت منتهي كنت مفتح زي الورده
مالك يا ولدي
تزكر ايام حبك الاولي هنا
ايام كنت بتطلع الشجره عشان تلاقي الحبيب
افتك ليهم
زاتك ياخ ايام يا زول
مشتاقين والله
|
Post: #8
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 10-29-2008, 12:01 PM
Parent: #1
عباس اسد الجااات
كل سنة وانت طيب
داك الزمن الجميل ياعباس ايام كنا مبدعين
لكن ستة سنين مش كتيره وتخلي الواحد يعجز
وحبيت وانجرحت انا من طلوع الشجر
تتذكر ياعباس لمن برلمتك في الجااات
هاك المدحة دي هدية
حليلك ياااا البرلوم كفاك كملت النوووم
حليل زمن الجاتات وقعادنا جنب الباب
وخلطنا لي رحاااااااااب وسوسن وكلتوووم
اها بعد ده كان عايز تفت فت وانساهو ريدنا
زاتوووو
|
Post: #9
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: abas
Date: 10-29-2008, 12:33 PM
Parent: #8
يا نمر
والله ايام الواحد بتمني ترجع بي اي ثمن
لكن الله غالب
ما قلت ليك كنت مفتح لكن اسي بقيت مغمض يا مان
زاتوووووووووو
تحياتي واشواقي
اتصل يا معلم
|
Post: #10
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 10-29-2008, 01:46 PM
Parent: #1
حبيبنا عباس ،،
ترجع دي مافي ليها طريق بس احمد الله وغني يازمن وقف شوية
انا لسع مفتح الحمدلله بس لابس نضارات لحام  
بينا اتصال ولو جيت الامارات بديك تلفون
تحياتي للاولاد
زاتوووو
|
Post: #11
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: abas
Date: 10-29-2008, 02:02 PM
Parent: #10
يا عمك
تشكر والله لو جيت تكون ابدعت في دي
كلو الحمد لله علي اكمل وجه
|
Post: #12
Title: Re: سجل اغنية في هارموني واحصل على تسجيل مدحة في ساهور مجانا العرض لفترة محددة!!
Author: ALZOLZATOO
Date: 11-03-2008, 02:47 PM
Parent: #11
نرجع للموضوع والمرة دي نبدا بي شاعر المدائح او المقاول لان معظم المدائح المسجلة من كلماته
لاحظت في بعض المدحات ان هنالك كلمات لا تليق والمصطفى صلى الله عليه وسلم لا ادري هل الشاعر او الصانع يهتم بي كم الاشعار او بالجودة لبلوغ الغاية المراده وهي شعار القناة لتعظيم الرسول صلى الله عليه وسلم .
ارجو من هذا الشاعر ان يمحص كلماته التي يوصف بها رسولنا الكريم
والله من وراء القصد
زاتوووو
|
|