Post: #1
Title: الهكر ولا الكلام الزفر
Author: ismeil abbas
Date: 10-27-2008, 12:34 PM
كثر الكلام.والشجب.وفتح بوستات تدين وبوستات تشجب.وكلام عن المبدعين ومجموعة الصحفيين والفنانيين..
وهناك من صنف نفسه مبدع واخر كاتب وقاص..وليكن ما يكن..فسودانيزأونلاين جمعتنا فى حوش واحد وشكرآ لكل من ساهم من ألأوئل وحتى ألأن فى تجميع هذه الشخصيات الجميلة.التى سعدنا بمعرفة الكثير منهم .إن كان مبدعآ أم غير.
يكفى إننا نقف مع بعض فى السراء والضراءونتكافل..ونمد يد ألمعونة لبعض عند الحاجة.فصرنا كالأسرة الواحدة نحزن لحزن بعض ونفرح لفرح بعض..
لماذ الغلط على بعضنا البعض؟
لماذا لاندير حواراتنا ومناقشاتنا بهدوء تجعلنا نصل لما نريد إليه من غير شحناء وضغينة؟
هل المنبر هنا لتصفية ألأمور الشخصية؟
إنزويت عن المشاركة فى كثير من البوستات وذلك لحدة أصحابها حتى لا أدخل فى مهاترات تقلل من شأنى.
أرحمونا يا جماعة..المبدع يعطى الحياة جمالآ...ويضيف إليها ألقآ.
بسطوها..ولا تعقدوها..فهى قصيرة
ما لم إستطع أن أشارك به فى بعض البوستات جمعته هنا.....لكم منى خالص الود جميعآ
إسماعيل محمد احمد عباس...
|
Post: #2
Title: Re: الهكر ولا الكلام الزفر
Author: هاشم أحمد خلف الله
Date: 10-27-2008, 12:43 PM
Parent: #1
| Quote: يكفى إننا نقف مع بعض فى السراء والضراءونتكافل..ونمد يد المعونة لبعض عند الحاجة.فصرنا كالأسرة الواحدة نحزن لحزن بعض ونفرح لفرح بعض.. |
وهو المطلوب إثباته يا سمعة
إنك لا تهدي من أحببت ولكن الله يهدي من يشاء
لوك الصبر يا ابوي وشوف مكان راحتك وين وامشي ليهو
|
Post: #3
Title: Re: الهكر ولا الكلام الزفر
Author: هاشم أحمد خلف الله
Date: 10-27-2008, 12:43 PM
Parent: #1
| Quote: يكفى إننا نقف مع بعض فى السراء والضراءونتكافل..ونمد يد المعونة لبعض عند الحاجة.فصرنا كالأسرة الواحدة نحزن لحزن بعض ونفرح لفرح بعض.. |
وهو المطلوب إثباته يا سمعة
إنك لا تهدي من أحببت ولكن الله يهدي من يشاء
لوك الصبر يا ابوي وشوف مكان راحتك وين وامشي ليهو
|
Post: #4
Title: Re: الهكر ولا الكلام الزفر
Author: ismeil abbas
Date: 10-27-2008, 03:10 PM
Parent: #1
أخى هاشم
أعلم بمعاناتك معى
| Quote: لوك الصبر يا ابوي وشوف مكان راحتك وين وامشي ليهو |
لوكت الصبر لما الصبر قال الصبور البلوكنى ده منو..ماباليد حيلة يا أخوى هاشم.....محل راحتى إنت ماعارفو وين..الله يديك العافية
مودتى....إسماعيل محمد احمد عباس...
|
Post: #5
Title: Re: الهكر ولا الكلام الزفر
Author: ismeil abbas
Date: 10-28-2008, 09:56 AM
Parent: #1
هناك من الناس يظن انه مبدع...ولايحس به ألأخرين..هذا ليس بمبدع..فالأبداع لابد ان يحس به الغير......
لا داعى للمبدع ان يقول أنا مبدع..فلندع إبداعه يتحدث لنا....
الكلام الجميل المنمق والتعامل الراقى مع ألأخرين من غير إساءة ...فى رآى يعتبر إبداع إذا إنعكس على ألأخرين وصار ألأنسان متميزآ به...
الباقى كلام منقول عن ألأبداع:
هو مزيج من الخيال العلمي المرن، لتطوير فكرة قديمة، أو لإيجاد فكرة جديدة، مهما كانت الفكرة صغيرة، ينتج عنها إنتاج متميز غير مألوف، يمكن تطبيقه واستعماله" وأعتقد بأن هذا هو التعريف الشامل.
إذاً الإبداع هو إنتاج أفكار جديدة خارجة عن المألوف، على شرط أن تكون أفكار مفيدة،
إسماعيل محمد احمد عباس....
|
Post: #6
Title: Re: الهكر ولا الكلام الزفر
Author: عبدالوهاب علي الحاج
Date: 10-28-2008, 09:13 PM
Parent: #1
| Quote: لوكت الصبر لما الصبر قال الصبور البلوكنى ده منو |
|
Post: #7
Title: Re: الهكر ولا الكلام الزفر
Author: Muna Khugali
Date: 10-28-2008, 10:43 PM
Parent: #6
سلام يا اسماعيل..
عارف الواحد بقي ماعارف يقول شنو ذاته..
كأنه ما يكفينا ما نحن فيه من هموم!
كل واحد عايز يمحي يعض من وجودنا وانسانيتنا ويقول لينا انتو ما من حقكم تعيشوا ذاتو..
مره قطيع ومره تحديد اكتر للقطيع باختيار الاغنام وصفا..
ومره لو قلنا راي ما يعجب الأخيار نهدد باحنمال يختوا اصابعهم في عيونا..
ولغه عنيفه..وبالجد محزنه ومثيره للاشمئزاز..
وده كله ليه؟؟
علشان اتجرأنا وقلنا رأينا!
طيب وطما الهناك ده خليناه علشان حمونا نقول رأينا..
يجوا ناس تانيين هنا يحمونا كمان؟؟
ظيب الفرق شنو بين ديل وديلك؟؟
غايتو نصبر..قالوا بكره أحسن!
|
Post: #8
Title: Re: الهكر ولا الكلام الزفر
Author: ismeil abbas
Date: 10-29-2008, 08:35 AM
Parent: #1
ألأخ/عبدالوهاب على الحاج
ألسلام علكيم....
وشكرآ على مرورك الجميل....مرورك ليهو معنى
إسماعيل محمد احمد عباس...
|
Post: #9
Title: Re: الهكر ولا الكلام الزفر
Author: ismeil abbas
Date: 10-29-2008, 08:44 AM
Parent: #1
منى ألأمانى الطيبة
ليك منى السلام مفعم بالود وألأحترام
Quote: كل واحد عايز يمحي يعض من وجودنا وانسانيتنا ويقول لينا انتو ما من حقكم تعيشوا ذاتو..
مره قطيع ومره تحديد اكتر للقطيع باختيار الاغنام وصفا..
ومره لو قلنا راي ما يعجب الأخيار نهدد باحنمال يختوا اصابعهم في عيونا..
ولغه عنيفه..وبالجد محزنه ومثيره للاشمئزاز..
وده كله ليه؟؟
|
عشان يامنى مركب النقص الموجود جواهم..وعشان الغشاوة العامياهم..
هل ألمبدع يكون بعيدآ عن ألأنسانية.وهل ألأنسانية تحتقر أشباها..ولمن يكون ألأبداع؟
كن إنسان ..كن ودود.كن خلوق.كن متواضع.يحبك الغير.وهذا قمة ألأبداع..
مرورك يامنى له ألق خاص.........الله يسلمك
مودتى.........إسماعيل محمد احمد عباس....
|
Post: #10
Title: Re: الهكر ولا الكلام الزفر
Author: عماد محمود علي
Date: 10-29-2008, 08:53 AM
Parent: #9
سمعة الحبيب
مشتاقين وكده ...
| Quote: لماذا الغلط على بعضنا البعض؟ |
بصراحة كده ياسمعة الواحد بقى في البوست ده يباري الحيط والمتاريس ... الواحد خائف يجيهو حجر طائر كده من وين ما تعرف ... الحكاية بقت كلها شتائم وإنتقادات غير مبررة وحقد وحسد وتراشق بعبارات وكلمات بذيئة جداً .. ومحاولات تخريب بوستات وقصد شخص معين ودفاع من شخص لي آخر من غير وجه حق ومساندة للباطل وليس دفاعاً عن الحق ... بصراحة الواحد فعلاً مستغرب لماذا كل هذا ؟ أين الاخوة والصداقة والزمالة في هذا المنبر ؟ أين روح المودة التي كانت تسود هذا المنبر ؟ أين وأين ؟ الله يعينك يابكري إنت ح تلاقيها من مين ولاّ من وييييين !!!!!
شكراً سمعة ... وعلى دروب الخير دوماً نلتقي ...
عماد محمود علي
|
Post: #11
Title: Re: الهكر ولا الكلام الزفر
Author: ismeil abbas
Date: 10-29-2008, 09:10 AM
Parent: #1
عمدة حبيب الكل
بهديك من ألأخاء دورين من مودة ومن منى..
Quote: شكراً سمعة ... وعلى دروب الخير دوماً نلتقي ...
عماد محمود علي |
وهذا هو العشم..بينى وبينك وبين جميع ألأعضاء...
أنا لا أحلم بالمنبر الفاضل.....ولكن أدنى مستوى من الجمال والتعامل السمح..
فلنجعل شعار المرحلة القدمة((((((((((قابلنى دائمآ مبتسم))))))))
إسماعيل محمد احمد عباس........
|
Post: #12
Title: Re: الهكر ولا الكلام الزفر
Author: علاء الدين حيموره
Date: 10-29-2008, 09:40 AM
Parent: #11
الحبيب / اسماعيل
تحياتي ياراقي
فعلا الكلام الزفر جدا بدا ياخذ طابع المنبر وقد يقلل من اهمية ما يطرح من قضايا ..
مافي طريقة ترجع لينا بوست ( التسامح ) ..
تسلم كتير
|
Post: #14
Title: Re: الهكر ولا الكلام الزفر
Author: Mohamed Abdelgaleel
Date: 10-29-2008, 10:04 AM
Parent: #12
Quote: إنزويت عن المشاركة فى كثير من البوستات وذلك لحدة أصحابها حتى لا أدخل فى مهاترات تقلل من شأنى.
أرحمونا يا جماعة..المبدع يعطى الحياة جمالآ...ويضيف إليها ألقآ.
بسطوها..ولا تعقدوها..فهى قصيرة
ما لم إستطع أن أشارك به فى بعض البوستات جمعته هنا.....لكم منى خالص الود جميعآ |
الأخ - إسماعين - تحياتي،
هذا كلام ثمين حقاً،
يجمعنا الوطن، ويجمعنا المنبر، وتفرقنا المناهج
والرؤى، ليتنا لو أدرنا خلافاتنا بلغة تبقى علـى
آصرة ما يجمع فكثيرا ما نقرأ في المنبر كلامـــا
يدخل في دائرة (اللا معقول)، ويتلبس بعضنــــــا
هوى إبليس (أنا خير منه)، وغالب معاركنا بــــلا
معترك .. فماذا دهانا، هل سيأتي يوم يكرم فيــه
الأكثر فسوقاً ؟!!
آمل أن تجد دعوتك النبيلة (الهكر ولا الكلام الزفر
عقولا تتدبر) وتساهم في استعادة المنبر العـــودة
للجادة بضخ المفيد فالأيام تمضي والعمر قصيـــــر
والوطن يترنح تحت ويلات الفشل وضيق الأفق .
|
Post: #13
Title: Re: الهكر ولا الكلام الزفر
Author: tmbis
Date: 10-29-2008, 09:43 AM
Parent: #11
Quote: هل المنبر هنا لتصفية ألأمور الشخصية؟
إنزويت عن المشاركة فى كثير من البوستات وذلك لحدة أصحابها حتى لا أدخل فى مهاترات تقلل من شأنى.
أرحمونا يا جماعة..المبدع يعطى الحياة جمالآ...ويضيف إليها ألقآ.
بسطوها.. ولا تعقدوها..فهى قصيرة |
يا سمعة كويس انك انزويت .. لانو بالجد في بوستات تضرس .. وفي كلام اتكتب هنا والله ما كنا متوقعنو ..
لكن اخوك عمل بنظرية الفرز .. الاسماء الاتقنطرت لي وعرفت الفيها .. صدقني شلناها من الزاكرة وبالتالي فتحنا مساحة تشيل ناس كويسين لو ما نفعوك ما ضروك ..
اللهم لا ضرر .. ولا ضرار
|
Post: #15
Title: Re: الهكر ولا الكلام الزفر
Author: ismeil abbas
Date: 10-29-2008, 10:33 AM
Parent: #1
علاء حيمورة ..والنبل الجميل
لك تحياتى..وعندكم زولة فى الخرطوم تسد عين الشمس...((إنعام حيمورة))ربنا يحفظها
Quote: مافي طريقة ترجع لينا بوست ( التسامح ) ..
تسلم كتير |
التسامح موجود متأصل فينا جميعآ ولكن الشيطان وعد الله أن لايتركنا متسامجين متحابين من غير ضغينة...نعوذبالله منه
والله ياريت..نعودلى بوست التسامح ولو بالذكرى العطرة....
شكرآ على المرور الجميل..يا جميل
إسماعيل محمد احمد عباس...
|
Post: #16
Title: Re: الهكر ولا الكلام الزفر
Author: ismeil abbas
Date: 10-29-2008, 10:45 AM
Parent: #1
أخى/محمد عبدالجيل
الزول الهادى ورصين
Quote: الأخ - إسماعين - تحياتي،
هذا كلام ثمين حقاً،
يجمعنا الوطن، ويجمعنا المنبر، وتفرقنا المناهج
والرؤى، ليتنا لو أدرنا خلافاتنا بلغة تبقى علـى
آصرة ما يجمع فكثيرا ما نقرأ في المنبر كلامـــا
يدخل في دائرة (اللا معقول)، ويتلبس بعضنــــــا
هوى إبليس (أنا خير منه)، وغالب معاركنا بــــلا
معترك .. فماذا دهانا، هل سيأتي يوم يكرم فيــه
الأكثر فسوقاً ؟!!
|
والله إنت كلامك الثمين ويحتاج يسجل فى دواوين
لعن الله إبليس الذى يسوقنا للفسوق.....
وإن كان هناك ناس فايتين إبليس بى فوق
شلالات من المودة وشكر كتير لتواصلك..........
إسماعيل محمد احمد عباس.....
|
Post: #17
Title: Re: الهكر ولا الكلام الزفر
Author: ismeil abbas
Date: 10-29-2008, 11:02 AM
Parent: #1
العزيز/تمبس
ما شاء الله مرورك على البوست بتاعى ده زى تسجيل المريخ لوارغو.....با للفرح....
Quote: يا سمعة كويس انك انزويت .. لانو بالجد في بوستات تضرس .. وفي كلام اتكتب هنا والله ما كنا متوقعنو ..
لكن اخوك عمل بنظرية الفرز .. الاسماء الاتقنطرت لي وعرفت الفيها .. صدقني شلناها من الزاكرة وبالتالي فتحنا مساحة تشيل ناس كويسين لو ما نفعوك ما ضروك ..
اللهم لا ضرر .. ولا ضرار |
شوف يالحبيب ما خاب من إستشار..وأنا فى ناس ما بعرفهم هنا وفى ناس تداخلت معاهم لقيتهم موية نار بس..سبتهم..وفى ناس والله بقوا زى أعز عزيز..وألأنزواء بحكمة أفضل..من ألولوج بغير فكر..لذا بنستعين بخبرات ألأعضاء الذين سبقونا فى هذا المنبر..
واعمل بالحكمة أقرأ أكثر من ما تكتب..((أسمع :ثر من ما تتكلم))على الوزن..
وأنت من ألأوائل فى هذا المنبر خبرة ودراية بهولاء ألأعضاء..لاتنفع مع الكثير منهم إبداء رأى مضاد لرأئهم وفكرتهم..أو الوقوف معهم أو أنت عدو لدود...
هناك كتاب ومبدعين بحق وحقيقة..نسأل الله أن يزيد فى إبداعهم وجمال كلمتهم...
أنت إمتداد لتلك ألأسرة الطيبة الجميلة التى قابلتنا بكل حب وتحنان رغم قصر المسافة ولكن لمسنا الكثير من وجدانهم...
مودتى..إسماعيل محمد احمد عباس....
|
Post: #18
Title: Re: الهكر ولا الكلام الزفر
Author: البشير دفع الله
Date: 10-29-2008, 11:11 AM
Parent: #1
Quote: لماذ الغلط على بعضنا البعض؟
لماذا لاندير حواراتنا ومناقشاتنا بهدوء تجعلنا نصل لما نريد إليه من غير شحناء وضغينة؟
هل المنبر هنا لتصفية ألأمور الشخصية؟
|
كل التحايا والتقدير خالي العزيز أبو الدكتورة
المنبر مليان
فيهو الكلام السمح والكلام الشين
فيهو الناس المادين ايدهم للسلام وفيهو الناس الرافعين العكاز للبع
فيهو ناس لو دخلت معاهم في نقاش تستفيد معلومات جديدة وفيهو ناس لو دخلت معاهم
في النقاش يرتفع عليك الضغط والسكري , وامكن تعمل عملية مرارة زي حليمة عبدالرحمن
غايتو ياخال الواحد بقى يعزل في البوستات البشارك فيها تعزل زي البياكل ليهو في سمك .
كل الود
|
Post: #19
Title: Re: الهكر ولا الكلام الزفر
Author: ismeil abbas
Date: 10-29-2008, 11:40 AM
Parent: #1
ألبشير/ود أختى السمح
أصبت كبد الحقيقة
Quote: غايتو ياخال الواحد بقى يعزل في البوستات البشارك فيها تعزل زي البياكل ليهو في سمك .
كل الود |
والله ضحكتنى....ويا الله الله تسلم..وتسلم من الشوك..ريحة السمك ما تخليك..وفى الحالتين لازم تستعمل الليمون......
إنت ذاتك ما مبدع.........................................
مودتى لعطوفة وأختها..وكل ناس البيت...........إسماعيل محمد احمد عباس....
|
Post: #20
Title: Re: الهكر ولا الكلام الزفر
Author: abuguta
Date: 10-29-2008, 01:20 PM
Parent: #19
ابو عباس
ياخى خلينا نعمل لينا لسة الجميلين الذين لا يمكن الاستغناء عنهم
وانت منهم
انا والله بندهش لاناس غائبون حتى عن اسرهم
وقد كتبو يوما كلاما جميلا فى ضل ضحى...فصفقت له شلتهم
فنعتتهم بالا بداع..فصدقو
يحى فضل الله قراءت له كثيرا وسمعت به اكثر كاتب لا يشق له غبار لكن صقيع كندا يختلف عن دفء امدرمان ورمال كردفان لذا
حن لتلك الشلة التى تكوز جلهم فباعو النضال بثمن بخس فى ملجة محمد حسبو الذى نصب نفسه مبدعا امام قوم مثلنا
ونحن له منكرون...
اسف ود عباس...للخروج عن النص...اتركهم يجلبون بضاعتهم
عسى ان يجودون ما يحلمون به...فانى لهم ذلك,,قد اختلفت الرؤى بين الاجيال
دامت المحبة
|
Post: #21
Title: Re: الهكر ولا الكلام الزفر
Author: ismeil abbas
Date: 10-29-2008, 03:15 PM
Parent: #1
الجميل ابقوتة
يكفى من الجمال انك تحمل إسم المنطقة...أبقوتة.الربع.ألأريك.الزهراب..مناطق أحن لها حنين الطفولة البرىء..عندما كنت أزورها أيام إجازة المدارس..كأننا من أم درمان إلى تلك المناطق الطيب أهلها منطلقين إلى باريس أو لندن للتصيف..
مادامت التفوس طيبة
لك فى القلب مكانة..ودمت بخير..............................................إسماعيل محمد احمد عباس...
|
|