رجعنا ليكم حبايبنا بعد ما أتهكرنا ... وحشتونا

الإخوة والأخوات
السلام عليكم ورحمة الله وبركاته
بعد ما أتهكر الباسورد وفقدنا التواصل معكم وكنت في أشد الشوق لكم وأشتقنا ليكم حتى عيون الشوق بكت ولكن الربان الماهر الباش مهندس بكري أبوبكر قام باللازم وأرسل الباسورد الجديد ومشكور يا باش مهندس وما قصرت .
والشكر موصول ايضاَ للعميد / محمد عبد الماجد الصايم (ود الصايم) وشكراً على الاهتمام يا عميد والله بصراحة أخو فزعات

مع تمنياتنا لكل الجالسين خارج الحوش بالدخول ولكن عبر البوابة الرسمية ممنوع واحد أتلب من فوق مع إنو سمعت حميدة قال عاوز اتلب والله يا حميدة أنا خايف تكسر كراعك مع التليبة دي

مع كل الود
ودمتم

حمدلله على السلامة يا عمكـ

أمسكـ في الباسوورد شديد

ود الصايم يا عمك مشتاقين كتير
تسلم يا اخوي من شر
والله المرة دي مسكة الطريفي لي جملو أوعك من تفريط
ولكن الخسائر كتيرة عندي كم بوست ضاع والصورة الفي البروفايل أتلحست وخلي الامور على ربك
ولكن البركة في القادم إنشاء الله

والعاقبة للجالسين خارج السور

ما تستعجل يا عمكـ على البوستات والصور
الجماعة لعبو في المنبر والأرشيف تمام

لكن بكري شغال برجع في الحاجات شوية شوية

صورة البروفايل أعمل ليها تحميل من جديد بتمشي أموركـ

*

حمدلله علي السلامه..
وربنا يغطس حجر الهكر..

أنا المنبر دا عمل عندي حركات من جنس

مافي هوست

وكلام ذي دا

ورجع تاني
اوع الزول دا يكون حايم في كمبيوتري الكحيان دا