Post: #1
Title: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 03:55 PM
افيدوني أفادكم الله ...
|
Post: #2
Title: Re: يا أخوانا أعمل شنو ؟؟ وأسمع كلام منو ؟؟؟
Author: محمد البشرى الخضر
Date: 10-26-2008, 04:07 PM
Parent: #1
يعني عايز تعمل فيها مبدع و معلم
قوم لف
و بعد تنتهي من لفتك تعال وقع هنا
بيان شجب و استنكار من الباقين
ياكا شبه الباقين
|
Post: #3
Title: Re: يا أخوانا أعمل شنو ؟؟ وأسمع كلام منو ؟؟؟
Author: عبدالكريم الامين احمد
Date: 10-26-2008, 04:11 PM
Parent: #2
انت يا زول تعمل ساين اوت
وتلم دقنك دي وتتخارج من هنا..
|
Post: #5
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 04:16 PM
Parent: #3
Quote: انت يا زول تعمل ساين اوت
وتلم دقنك دي وتتخارج من هنا.. |
كي كي اللعين
يا أخي مرة واحدة أعمل ليك حاجة فيها فايدة
ساعدوا من في الأرض يساعدكم من في السماء
قول لي أعمل شنو ؟؟
الوالد كان عيان والحمد لله هسي كويس ...
|
Post: #4
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 04:13 PM
Parent: #2
لا والله يا محمد البشري
انا فعلا محتار
.
.
انت محمد البشري الأصلي ولا الهكر 
|
Post: #6
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 04:31 PM
Parent: #1
تاني شئ عندي زواج أخوي في شهر واحد
|
Post: #7
Title: Re: يا أخوانا أعمل شنو ؟؟ وأسمع كلام منو ؟؟؟
Author: محمد عبد الماجد الصايم
Date: 10-26-2008, 04:34 PM
Parent: #1
يا عمكـ ..
أحسن حاجة تعمل رايح
|
Post: #8
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 04:42 PM
Parent: #7
Quote: يا عمكـ ..
أحسن حاجة تعمل رايح |
يا أخي أعمل رايح كيف والناس كلها بتعرفني
يعني في اقرب زقاق أي واحد يلقاني يقوم يرجعني بيتنا
.
.
تالت شئ أنا لي تلاتة سنين وتلاتة شهور ما مشيت السودان
|
Post: #9
Title: Re: يا أخوانا أعمل شنو ؟؟ وأسمع كلام منو ؟؟؟
Author: محمد عبد الماجد الصايم
Date: 10-26-2008, 04:51 PM
Parent: #8
| Quote: تلاتة سنين وتلاتة شهور |
وتلاتة حريم
|
Post: #10
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 04:54 PM
Parent: #9
أها خلاص داير تجيب لينا الهواء
مع الجندريات
وكمان عندنا احتفال بالسنة الأولى لمنتديات الدويم في عيد الأضحى
|
Post: #11
Title: Re: يا أخوانا أعمل شنو ؟؟ وأسمع كلام منو ؟؟؟
Author: saif massad ali
Date: 10-26-2008, 04:55 PM
Parent: #10
أبناء دارفور بدول الإتحاد الأوربى يتظاهرون أمام مقر محكمة الجنايات الدولية بلاهاى
إنطلاقاً من إحدى المحاور الرئيسة لبرنامج عمل الإتحاد العام لأبناء دارفور بالمملكة المتحدة وأيرلندا الشمالية لهذه الدورة ٢٠٠٨/٢٠٠٩م والمتمثلة فى أن قضية السودان فى دارفور هى نقطة إرتكاز أنشطتها المتعددة، فقد فرغت وبحمد الله اللجان التى تم تكوينها منذ وقت مبكر من الإعداد لمظاهرة حاشدة أمام مقر محكمة الجنايات الدولية بلاهاى ، وذلك من أجل إيصال رسالة مفادها أن شعب دارفور لن يرضى بغير العدالة وأن أهل الدم لم ولن يتنازلوا عن حقهم مهما طال الزمن.
سوف تتحرك عدد من البصات والمركبات من بريطانيا العظمى صوب هولندا حيث تم التنسيق مع روابط وإتحادات أبناء دارفور بدول الإتحاد الأروبى خاصة فرنسا، إيطاليا، ألمانيا، بلجيكا، السويد، النرويج، الدنمارك و سويسرا ، هذا فضلاً عن هولندا الدولة المضيفة للمشاركة فى هذه المظاهرة الفريدة.
إننا فى الإتحاد العام إذ نشيد بأبناء دارفور بدول المهجر لدورهم المتواصل فى إيصال قضية أهلهم للرأى العام العالمى، نهيب بكل المهمشين من شرائح الشعب السودانى بدول الإتحاد الأروبى بمختلف روابطهم الإجتماعية وتنظيماتهم السياسية وكل الأحرار ومحبى العدالة بدول العالم من المشاركة الفاعلة فى هذه المظاهرة تحقيقاً للعدالة الدولية ودعماً للإنسانية.
تجدون أدناه تفاصيل الحدث:
· تأريخ المظاهرة ٣١/١٠/٢٠٠٨
· بداية التجمع الساعة الحادية عشرة صباحاً بتوقيت هولندا
· موقع التجمع مدينة دنهاك
DENHAAG – MALIE VELD
(Near DENHAAG station)
· يبدأ التحرك صوب مقر المحكمة عند الثانية عشرة منتصف النهار.
· سوف تستمر المظاهرة لستة ساعات متواصلة وتنتهى عند السادسة مساء.
عاش دارفور نبراساً مضيئاً لكل المهمشين وعاش السودان وطناً للجميع،،،
محمد إبراهيم عبدالوهاب
أمين الإعلام و الناطق الرسمى[email protected]
20/10/2008
لمزيد من الإستفسار يرجى الإتصال على الأرقام التالية:
إيطاليا - سليمان أحمد - ٠٠٣٩٣٤٨٧٩٣٧٩٨٢
فرنسا - عبدالله حسن - ٠٠٣٣٦٧٧٥٣٩٤٥٩
هولندا - جمال عبدالله - ٠٠٣١٧٠٧٨٥٢٥٩٣
بريطانيا - نورالدائم محمد أحمد - ٠٠٤٤٧٩٤٩٠٥٢٣٠١ - الصادق يوسف - ٠٠٤٤٧٥٠٥٤٠٠٢٩٥
|
Post: #12
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 05:07 PM
Parent: #1
سيف مساعد
يا أخوي أنا أقول ليك عايز حل
تجي انت تلصق لي كلام ما عندي علاقة بيهو؟؟؟
بعدين يا أخي المفروض انك زول متعلم ومثقف
وعايش في دول العالم الأول ...
تجي تدخل بكل سخف وتلصق لي كلام خارج موضوع البوست ؟؟؟
ثانيا يا أخي
ملعون أبو أوكامبو وأبو المحكمة الجنائية
وأبو العين أوكامبو ... أوكامبو بتاعكم دا لو راجل
خليه يمشي يحاكم بوش ولا بلير ولا أي واحد من اليهود
قوموا لفو كدا ...
أرجوك تسحب الكلام بتاعك دا من البوست عشان ما تسمع
مني كلام ما يرضيك ...
عالم سخيفة ... نغيب مية سنو نجي نلقاكم في سخفكم
|
Post: #13
Title: Re: يا أخوانا أعمل شنو ؟؟ وأسمع كلام منو ؟؟؟
Author: عماد الشبلي
Date: 10-26-2008, 05:15 PM
Parent: #12
قريش
مبروك الصوره
بالجلابيه
بالعمه
بدون الملفحه ....
|
Post: #14
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 06:03 PM
Parent: #13
Quote: قريش
مبروك الصوره
بالجلابيه
بالعمه
بدون الملفحه .... |
يتباركن أيامك يا عمدة
بس اريتا تحل لي المشكلة
.
.
هسي الواحد يسمع كلام منو يا عماد
|
Post: #15
Title: Re: يا أخوانا أعمل شنو ؟؟ وأسمع كلام منو ؟؟؟
Author: khaleel
Date: 10-26-2008, 06:06 PM
Parent: #14
قريش
امشي السودان واضرب خروف الضحية
وامشي كحل عيونك في الاحفاد والتقانةومامون حميدة
والفارغة يملاها سيدك
|
Post: #16
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 06:20 PM
Parent: #15
Quote: قريش
امشي السودان واضرب خروف الضحية
وامشي كحل عيونك في الاحفاد والتقانةومامون حميدة
والفارغة يملاها سيدك |
ان شاء الله ماشي يا هندسة
بس المشكلة كل واحد يديك كلام مختلف
تمشي السفارة تلقى كلام مختلف
تتصل السودان لناس ال.......
شنو كدا ما عارف
يقولوا ليك لازم تصريح من عندنا
الواحد ذاتو ما عارف يصدق منو ولا منو
يا خليل ما عارف ليك زول يساعدني
وينالك ثواب وأجر
|
Post: #49
Title: Re: يا أخوانا أعمل شنو ؟؟ وأسمع كلام منو ؟؟؟
Author: ياسر عبدالكريم محمد
Date: 11-01-2008, 01:36 AM
Parent: #15
يا اخونا عندى ليك نصيحة
لو انت متزوج اسال زوجتك
وكان قالت شمال امشى يمين
وصدقنى ما بتجيك عوجة
ياسر
|
Post: #17
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 06:43 PM
Parent: #1
وأهم شئ اني عاوز ألاقي حسين ملاسي
عشان أشوف معاهو حكاية قطع دراعي الزمااان ديك
واحتمال كبير يكون في محاكم وتعويضات وكدا
وأحاول أحل مشكلتو مع كي كي اللعين
وكمان مشتاق لعماد عبد الله موووووت
ونفسي في شية في سوق قندهار
|
Post: #18
Title: Re: يا أخوانا أعمل شنو ؟؟ وأسمع كلام منو ؟؟؟
Author: Hassan Makkawi
Date: 10-26-2008, 06:55 PM
Parent: #17
ود القريش
وجهك صباح الخير
تعمل شنو؟ على كيفك!!
تسمع كلام منو؟
( اسمع كلام امك ما تسمعش كلام ابوك )
تسعد انت و امك و ابوك
|
Post: #19
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 08:14 PM
Parent: #18
Quote: ود القريش
وجهك صباح الخير
تعمل شنو؟ على كيفك!!
تسمع كلام منو؟
( اسمع كلام امك ما تسمعش كلام ابوك )
تسعد انت و امك و ابوك |
يا ود مكاوي هو في خير أكتر منكم
حضورك اسعدناوريحنا
بس لا أمي لا ابوي ليهم دخل في الموضوع
كدي انت أسألني قول لي مشكلتك شنو ؟؟؟
|
Post: #20
Title: Re: يا أخوانا أعمل شنو ؟؟ وأسمع كلام منو ؟؟؟
Author: Abureesh
Date: 10-26-2008, 08:21 PM
Parent: #19
اتوضا وصلى ركعتين ونوم.
|
Post: #21
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 08:27 PM
Parent: #20
| Quote: اتوضا وصلى ركعتين ونوم. |
ونعم بالله
بس يعني أخلي السفر يا أبو الريش ؟؟؟
ما تشوفو لي حل ...
مساعدة لله
|
Post: #22
Title: Re: يا أخوانا أعمل شنو ؟؟ وأسمع كلام منو ؟؟؟
Author: سارة علي
Date: 10-26-2008, 08:30 PM
Parent: #1
| Quote: يا أخوانا أعمل شنو ؟؟ |
اعمل حسابك..
|
Post: #23
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 08:54 PM
Parent: #22
يا سارة كيفنك والله ليك وحشة
أنا عامل حسابي ومجهز مصاريفي
المشكلة في المصيبة دي
قولي لي كيف ...
أنا أقول ليكي
فورد اكسبلورر اشتريته بخمة مال عشان أسافر بيه الاجازة
وبعدما اشتريته وقالوا ما بدخل السودان
وناس تانين قالوا بدخل ... وناس قالوا عاوز تصريح من الجمارك
وناس قالوا عاوز تصريح من الأمن ... وناس قالوا ممنوع زي الهمر
|
Post: #24
Title: Re: يا أخوانا أعمل شنو ؟؟ وأسمع كلام منو ؟؟؟
Author: سارة علي
Date: 10-26-2008, 08:59 PM
Parent: #1
لكن الفورد مااااااااا عندك...
اقرا سورة العصر امورك بتمشي كوووويس..
|
Post: #25
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 09:17 PM
Parent: #24
| Quote: اقرا سورة العصر امورك بتمشي كوووويس.. |
ان شاء الله اشوفك راكبة لكزس
والله يا سارة كان قالوا لي ما بدخل إلا أرجع معاهو
كدي شوفيهو واقف كيف زي الأسد
|
Post: #26
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-26-2008, 09:44 PM
Parent: #1
يا ناس بورسودان وسواكن تلحقونا وتفزعونا
عليكم الله ساعدونا ...
بس مشيوير سغييير للمينا
أسألوا لينا عن الفور ويل
مطلوب ليهو شنو عشان يدخل السودان ؟؟؟؟
افراج مؤقت سااااي
يا اهل هارون وآمنة مختار دا يومكم
|
Post: #27
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 04:47 AM
Parent: #1
يا محمد حامد جمعة وينك يا أخي
الليلة يوم حوبتك
أوعة تقولي انك انك ما بتقدر
دي تقولا لزول ما إندو هديدة
|
Post: #29
Title: Re: يا أخوانا أعمل شنو ؟؟ وأسمع كلام منو ؟؟؟
Author: Hassan Makkawi
Date: 10-27-2008, 05:33 AM
Parent: #27
يا ود القريش صباحك خير
الموضوع بسيط جداً
تصريح العبور يمكن استخراجة من السفارة
السودانية بجدة!!
لو غلبك رسل لى ( سكان ) لصورة الملكية
وماعندك مشكلة
__________________
منع ال 4X4 بيعتمد على صاحب الحلال!!
ممكن يشحن موز ولا لالالالالا...
|
Post: #33
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 09:16 AM
Parent: #29
Quote: يا ود القريش صباحك خير
الموضوع بسيط جداً
تصريح العبور يمكن استخراجة من السفارة
السودانية بجدة!!
لو غلبك رسل لى ( سكان ) لصورة الملكية
وماعندك مشكلة
0097339672313
__________________
منع ال 4X4 بيعتمد على صاحب الحلال!!
ممكن يشحن موز ولا لالالالالا... |
والله يا حسن خجلتنا عديييل كدا
وان شاء الله ح أتصل عليك وح أرسل ليك صورة الملكية وصورة الجواز
وح أطلب منك كمان تحجز لي في الباخرة .... ودا كله هين
المشكلة لما أصل سواكن يقومو يقولو لي عايزين تصريح
شنو وشنو وشنو
|
Post: #32
Title: Re: يا أخوانا أعمل شنو ؟؟ وأسمع كلام منو ؟؟؟
Author: عماد محمود علي
Date: 10-27-2008, 06:38 AM
Parent: #27
ياود قريش يافردة مشتاقين وكده ...
يازول أتوكل على ربك وسافر بالسلامة ... ماممنوعة ولا حاجة .... ربنا يعدل طريقك وترجع لينا بالسلامة وفي أمان الله ....
عماد محمود
|
Post: #34
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 10:04 AM
Parent: #32
Quote: ياود قريش يافردة مشتاقين وكده ...
يازول أتوكل على ربك وسافر بالسلامة ... ماممنوعة ولا حاجة .... ربنا يعدل طريقك وترجع لينا بالسلامة وفي أمان الله ....
عماد محمود |
يا سلاااااام يا عمدة ياخ
والله العظيم الشوق قطّع أطرافنا عديييل كدا
والله يا عمدة متوكلين على الله والحمد لله
بس لو قالو ممنوعة إلا أجيك في بيتك
وأخلس منك حقي .
قال ما ممنوعة قال
يعني انت بتعرف أكتر من ال ...
|
Post: #28
Title: Re: يا أخوانا أعمل شنو ؟؟ وأسمع كلام منو ؟؟؟
Author: elameen
Date: 10-27-2008, 05:32 AM
Parent: #1
ود القريش ربنا اديك خيرها ويكفيك شرها .... ويحفظك من الطريق ويوصلك بالسلامة...
يلا ياناس بورسودان والناس العندها خبره في الحاجات دي رجاء الحقوا اخونا معتز...
ربنا يسهل ليك يا معتز.
تحياتي
الامين
|
Post: #30
Title: Re: يا أخوانا أعمل شنو ؟؟ وأسمع كلام منو ؟؟؟
Author: Hisham Ibrahim
Date: 10-27-2008, 06:29 AM
Parent: #28
ود القريش
والله حاجه تحير !!
لكن ما بقول ليك غير أمشي شوف أبوك بأسرع فرصه ،
وأبوك دا لو مليت ليهو الإبريق وختيتو جمبو أحسن من البتسوي فيهو دا مية سنة !!
السفر بي العربية دي بجيب ليك الهواء في السودان !!
والعين دي بقت في السودان مع ختم جوازات القدوم !!
الأيام دي عروض الخطوط الجوية ( آي واحدة عدا ...) كويســـــة وما كعــبـة !!
العربية دي بتلحس إسبوعين من إجازتك !! ودي ما عاوزه شــــرح !!
عرس أخوك دا ما تلتفت ليهو كتير ،، لأنو الوهم والعطالة في السودان بتمو بعد ترمي لي أخوك ببعض الشرتيت لزوم ال....
أوعكـــ تنسى هييييييييييييييييييييي !!!
هشام
|
Post: #31
Title: Re: يا أخوانا أعمل شنو ؟؟ وأسمع كلام منو ؟؟؟
Author: محمد سنى دفع الله
Date: 10-27-2008, 06:37 AM
Parent: #30
عليك بالكمون الاسود
والحصن الحصين
وطوبة
وتقع اخونا ســــاني
هو اخر واحد ركب الطريق
ده..
بعدين شيل معاك كم عراقي خفيف
النوع القروش بتكون ظاهرة من الجيب
لزوم المنجهةوانت سايق في البراري والسهول السودانية
شوف كان ما جابت ليك الهوا
املصوك قروشك كلها في الطريق
عليك الله سوقوا واتجدع لينا هناك
|
Post: #37
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 03:43 PM
Parent: #31
محمد السني
أستاذي الفخم الضخم
Quote: عليك بالكمون الاسود
والحصن الحصين
وطوبة |
أنا ديل بسويهن بس انت الباثفايندر داك موديل ال 8
سويت ليهو شنو ؟
وحاة كتاب الدين دا لو عندي أنا إلا أأكلو كبدة
Quote: وتقع اخونا ســــاني
هو اخر واحد ركب الطريق
ده..
|
محمد ساني مشى بي صالون
ونحنا مشكلتنا في ال فور ويل
Quote: بعدين شيل معاك كم عراقي خفيف
النوع القروش بتكون ظاهرة من الجيب
لزوم المنجهةوانت سايق في البراري والسهول السودانية
شوف كان ما جابت ليك الهوا
املصوك قروشك كلها في الطريق
|
أكون بيلو ــ هههههه
والله كان في جلابية حديد إلا ألبسا
قال عراقي خفيف قال
كدا يا عوضية ... انت قايلني فارة ولا شنو ؟؟؟
| Quote: عليك الله سوقوا واتجدع لينا هناك |
دي أسألني منها تببببببب
|
Post: #36
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 02:47 PM
Parent: #30
هشام ود ابراهيم كيفنك يا أخوي
Quote: ود القريش
والله حاجه تحير !! |
صدقت والله أنا فعلا محتار
والموضوع مو هظار يشهد الجبار
Quote: لكن ما بقول ليك غير أمشي شوف أبوك بأسرع فرصه ،
وأبوك دا لو مليت ليهو الإبريق وختيتو جمبو أحسن من البتسوي فيهو دا مية سنة !!
|
والله وماك طالبني حليفة دا سبب السفرة الأساسي
Quote: السفر بي العربية دي بجيب ليك الهواء في السودان !!
والعين دي بقت في السودان مع ختم جوازات القدوم !! |
والله يا هشام أخوى الهوا والعين
أخير من شحدة العربات
يا فلان تعال وصلني ويا فلان أديني عربيتك
واحد يديك والتاني يحميك .. تعرف اقول ليك حاجة
أ،ا آخر مرة سافرت فيها بالطيارة رجعت قبال
أكمل اجازتي ... زعلة ساي
واحد أخونا الله يطراه بالخير قال لي انتظرني
بجي أوصلك ... انتظرت متجبص بالبنطلون والقميص
والجزمة والعجب الكرفتة... كانت خانقاني خنقة
ما يعلم بيها إلا الله
من الساعة 10 صباحا
تعرف جاني متين ؟؟؟
الساعة 3 عصر
أها من ديك ركبتني الجعلية وحلفت ما أنزل اجازة
إلا عربيتي معاي ... مو جعلي عوير سااااي
Quote: الأيام دي عروض الخطوط الجوية ( آي واحدة عدا ...) كويســـــة وما كعــبـة !!
|
الطيارة ما بتفع معاي كان أدوني ليها مجاني ماني دايرا
يا اخوي أنا عندي مرتين في الخرطوم وواحدة في الدويم
والبرنامج بكون (4) يوم في الدويم و(8) يوم في الخرطوم
أها أقعد أسوي المينا البري ساساقة .
والحمد لله أولادي مع زوجاتي صالون ما بتشيلهم
يعني لازم الفور وويل ... مش أي سيارة
نصيحة ليك _ أوعك تعرس أكتر من واحدة
Quote: العربية دي بتلحس إسبوعين من إجازتك !! ودي ما عاوزه شــــرح !!
عرس أخوك دا ما تلتفت ليهو كتير ،، لأنو الوهم والعطالة في السودان بتمو بعد ترمي لي أخوك ببعض الشرتيت لزوم ال....
أوعكـــ تنسى هييييييييييييييييييييي !!!
|
ديل مقدور عليهن بس هم يدخلوا لي الفورد
وان شاء الله ما ح أنسى ...
|
Post: #35
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 02:01 PM
Parent: #28
Quote: ود القريش ربنا اديك خيرها ويكفيك شرها .... ويحفظك من الطريق ويوصلك بالسلامة...
يلا ياناس بورسودان والناس العندها خبره في الحاجات دي رجاء الحقوا اخونا معتز...
ربنا يسهل ليك يا معتز.
تحياتي
الامين |
اللمين آآآخوي والله دعوتك دي براها بالدنيا
تسلم يا غالي وربنا يفتحا عليك دنيا وآخرة
قول آمين
|
Post: #38
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-27-2008, 09:04 PM
Parent: #1
يا أخوانا المروة كملت ؟؟؟
لا اله إلا الله يا ناس البورد دا
|
Post: #39
Title: Re: يا أخوانا أعمل شنو ؟؟ وأسمع كلام منو ؟؟؟
Author: عماد محمود علي
Date: 10-28-2008, 08:20 AM
Parent: #38
| Quote: يعني انت بتعرف أكتر من ال ... |
ال ( بردعي )
وبرضو مشتاقين وكده
وبرضو ما ممنوعة ....
|
Post: #40
Title: Re: يا أخوانا أعمل شنو ؟؟ وأسمع كلام منو ؟؟؟
Author: حسن مضوي
Date: 10-28-2008, 09:22 AM
Parent: #39
يا ود القريش سلام وتحيات
أصلو المسألة مسألة دفع قروش تدفع قروش حرم لو عندك دبابة تقطعها بي هناك ولو القريشات وقفن قدامك قول عوووووووووووووك حرم نحن أخوان فزعة من الله خلقنا
تسلم وإجازة سعيدة بين الأهل والأحباب
|
Post: #41
Title: Re: يا أخوانا أعمل شنو ؟؟ وأسمع كلام منو ؟؟؟
Author: عبد الرحمن الطقي
Date: 10-28-2008, 10:07 AM
Parent: #40
الأخ العزيز / معتز القريش
السلام عليك و حمدا لله على سلامة رجوعك للمنبر
أنا طبعاغايب من كم شهر ، و أول ما جيت الجماعة قبلوا علي !!
داير فزعتك بهناك !!
فقولوا جميعا : نريد السلام !! نعم للسلام .. نعم للسلام !!
و نبارك ليك الفورد الفخم بعد الوظيفة الشحمانة ! الله يديك خيره
و يكفيك شره ، موضوع الجمارك أسأل أخوك المجرب ، خايف يحبسوه
زي ما حبسوا لاندكروزري السن ةالماضية ، لكن حسب علمي أنه مسموح\
دخوله ، و يمكن تتصل علي أديك رقم واحد مقدم و واحد نقيب و واحد مخلص
في الميناء و هم مطلعين على المستجدات اليومية . و الله يوفقك .
|
Post: #45
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-29-2008, 05:07 AM
Parent: #41
Quote: و يمكن تتصل علي أديك رقم واحد مقدم و واحد نقيب و واحد مخلص
في الميناء و هم مطلعين على المستجدات اليومية . و الله يوفقك . |
شيخ الطقي يا صاحبي مشكور والله على المعلومات القيمة
طمنتني الله يطمنك دنيا وآخرة قول آمين
بس الله يستر ما يحصل للفورد زي ما حصل مع لاندكروزرك
.
.
آخر طلب يا شيخ الطقي
سألتك بالله تديني كم دعوة كدا من حقات آخر الليل
ربنا يسهل طريقي ويسلمني ويسلم كل المسافرين
|
Post: #44
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-28-2008, 07:01 PM
Parent: #40
Quote: يا ود القريش سلام وتحيات
أصلو المسألة مسألة دفع قروش تدفع قروش حرم لو عندك دبابة تقطعها بي هناك ولو القريشات وقفن قدامك قول عوووووووووووووك حرم نحن أخوان فزعة من الله خلقنا
تسلم وإجازة سعيدة بين الأهل والأحباب |
والله يا حسن كلامك دا بالدنيا
تسلم يا أخوي وان شاء الله كان وقف لي شي بكلمك
|
Post: #42
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-28-2008, 10:33 AM
Parent: #39
Quote: ال ( بردعي )
وبرضو مشتاقين وكده
وبرضو ما ممنوعة .... |
هوووي يا عماد أنا هسي جبت سيرة الحكومة ولا الأمن
مالك داير تجيب لي الهوا
بعدين الناس ديل معذورين بعد معركة الموز الشهيرة
|
Post: #43
Title: Re: يا أخوانا أعمل شنو ؟؟ وأسمع كلام منو ؟؟؟
Author: عماد محمود علي
Date: 10-28-2008, 11:32 AM
Parent: #42
أها شفت الطقي قال ليك شنو ؟!!!
| Quote: لكن حسب علمي أنه مسموح دخوله |
أها نوووووم قفا وتوكل على الله ، صدقني عربتك إن كان مرقت إنت مابتمرق ... بس إدردق ساااااي .
غايتو لو عديت أنا جااااااي طيرااااان
|
Post: #46
Title: Re: يا أخوانا أعمل شنو ؟؟ وأسمع كلام منو ؟؟؟
Author: عبد الرحمن الطقي
Date: 10-29-2008, 07:09 AM
Parent: #43
Quote:
شيخ الطقي يا صاحبي مشكور والله على المعلومات القيمة
طمنتني الله يطمنك دنيا وآخرة قول آمين
بس الله يستر ما يحصل للفورد زي ما حصل مع لاندكروزرك
.
.
آخر طلب يا شيخ الطقي
سألتك بالله تديني كم دعوة كدا من حقات آخر الليل
ربنا يسهل طريقي ويسلمني ويسلم كل المسافرين |
أبشر يا معتز إن شاء الله ما نقصر و ربك يستجيب
و الجماعة كلمتهم و أرسلت ليك تلفوناتهم و الحمد لله
ما في حظر إلا على الهمر و اللكزس ، و السيارات موديل
2009 الماشية أقل من 1000 كم و ملكيتها أقل من 3 أشهر .
|
Post: #47
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 10-30-2008, 05:40 AM
Parent: #43
Quote: أها نوووووم قفا وتوكل على الله ، صدقني عربتك إن كان مرقت إنت مابتمرق ... بس إدردق ساااااي .
غايتو لو عديت أنا جااااااي طيرااااان |
يا زول خسمتك بالنبي أكان ما جيت
يازول الدردقة هينة الكلام البشتنة
|
Post: #52
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 11-05-2008, 06:22 PM
Parent: #43
| Quote: أها نوووووم قفا وتوكل على الله |
انا بنوم يا عماد ؟؟؟
أنا كان ما وصلت عند أمي أنوم كيفن
|
Post: #48
Title: Re: يا أخوانا أعمل شنو ؟؟ وأسمع كلام منو ؟؟؟
Author: haroon diyab
Date: 10-30-2008, 05:50 AM
Parent: #1
معتز ياعزيزي
صباح الخير
عشان تعرفنا ناس بورسودان ومابنلعب
تم عمل اللازم وممكن تسافر طوااااااالي
والجماعة في انتظارك في ميناء سواكن
وايضا ممثلنا في ميناء سواكن البوردابي
الجميل / ابو بكر علي
وياعمك كان ماشالتك الفورد يشيلك فندق الحرمين
بس المصيبة المالح ده البشرب منوا لازم يرجع ليهو
عشان كده شيل معاك موية صحة من هنا عشان ماتشرب مويتنا وتجي راجع
نحنا ناقصين ظلاميين.....!!!!
|
Post: #50
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 11-03-2008, 09:56 PM
Parent: #1
الجابك اجيب امنة مختار يا هارون
بجيك بكرة بي رواقة
هسي بجرب في النت بس
|
Post: #51
Title: Re: يا أخوانا أعمل شنو ؟؟ وأسمع كلام منو ؟؟؟
Author: معتز القريش
Date: 11-05-2008, 10:56 AM
Parent: #1
Quote: معتز ياعزيزي
صباح الخير
عشان تعرفنا ناس بورسودان ومابنلعب
تم عمل اللازم وممكن تسافر طوااااااالي
والجماعة في انتظارك في ميناء سواكن
وايضا ممثلنا في ميناء سواكن البوردابي
الجميل / ابو بكر علي
وياعمك كان ماشالتك الفورد يشيلك فندق الحرمين
بس المصيبة المالح ده البشرب منوا لازم يرجع ليهو
عشان كده شيل معاك موية صحة من هنا عشان ماتشرب مويتنا وتجي راجع
نحنا ناقصين ظلاميين.....!!!! |
والله يا هارون ما قصرت تتتتب
انت قائل نحنا ندهناكم ساي يا ناس بورسودان
.
.
عليك الله يا هارون كلم آمنة مختار تجي تعزمني في بيتن
وكان ما عزمتني برضو بمشي
وكان عزمتني بجليكم يا هارون وبمشي بيت ناس آمنة
|
|