|
|
 انقلاب عالمى!!!!
|
نبدا من وين
اكيد من السودان
فى اتصال بين امجد وقريبة من الجيل الثالث المولود فى امريكا...
قال امجد لقريبة ..انا امبارح كنت كتبت ليك فى المسنجر ومستنى ردك ..
انقطاع ..........انقطاع
فجاه سب احمد شبكة امريكا اون لاين واوف لاين اوف...
وقال فى نفسة ..ما شفت لى شبكة اسواء من شبكة الزفت امريكا دى
رد علية قريبة بعد فترة ..
مجد.. متاسف بس انت عارف انو الشبكة كعبة عندنا ....
وواصل ...طبعا ما كملت ليك ...امبارح الكهرباء قطعت كالعادة ...
بالرغم من انو ابوى اشترى خمسين متر قبل ما يطلع الشغل ....
لكن بالرغم من ذلك شركه الكهرباء تعيسة جدا هنا ....
غايتو سمعنا انو الكوبيين حا يعملو خط دائرى لمدنا بكم كيلو واط كدة
نتمنى انا شوية تحل الازمة .....................................
امجد.. يقول لقريبة انت وابوك دة ما تجو السودان وترتاحو من الهم دة...
ياخد قريبة.. نفس طويل ويقول ليهو قوانينكم صعبة جدا للاجانب...
ودخول السودان بقى اصعب من دخول الجنة.......
وقدمنا ثلاث مرات لكن رفضو يدونا تاشيرة....
اصلا جدى اللة يرحمو ..بعد اتخلى عن الجواز السودانى
لانو امريكا ما بتسمح بازدواج الجنسية
بقت عندنا مشكلة كبيرة ........
وطبعا قرايبنا كل واحد كافل ليهو كم سعودى واماراتى كانو زمان
اجدادهم كفلاء لى ابائهم زمن كان السودانيين بيغتربو فى الخليج
وكل واحد بيقول بيرد فى دين ابوهو وجدو وكدة .....
المهم فى واحد مواعدنا انو يكفلنا بعد يلقى شاغر...
امجد... واللة انا محرج وما عارف اقول ليك شنو
امجد.... بالمناسبة سمعت قالو عندكم واحدة بتسوى شطة وعجور فى واشنطون
سمعتة فى السودان ضاربة لحد هنا
رد قريبة... ايوة ايوة عرفتها مسز جانيت .....
رد امجد ديل عندهم قرابة بى ناس جاكسون المغنى الزمان داك بتاع البوب
رد علية قريبة لالالالا اسم على اسم قالو ...
طبعا لانو البلدية هنا من خمسين سنة منعو بيع الحاجات التراثيه دى
رد قريبة واللة انحنا فى امريكا لافى بلديه ولا يحزنون
تحت اى شجرة تلقى البيرغر والشطوط مدورة
مافى زول بيسال زول هنا .....
................................
نواصل
|
|
 
|
|
|
|
|
|
|
 Re: انقلاب عالمى!!!! (Re: عمر سعد)
|
سلام عمر الظريف،،، ود الموردة
شفتة جنس الحالة دى
كتبت
Quote:
تحت اى شجرة تلقى البيرغر والشطوط مدورة
مافى زول بيسال زول هنا .....
................................
|
والمريسة و عرقى التمر وين ؟؟؟
(أكيد مافى تكيلا و جون ووكر و كده)
أقصد برضو تحت الشجرة بتاعت البرغر و الشطوط
-------
خسائركم فى أسهم بورصة الدوحة كيف ؟؟؟؟
نحن بقينا على الحديدة
ش
| |
|
|
|
|
|
|
|
|
|
Re: انقلاب عالمى!!!! (Re: عمر سعد)
|
Quote: والمريسة و عرقى التمر وين ؟؟؟
(أكيد مافى تكيلا و جون ووكر و كده)
أقصد برضو تحت الشجرة بتاعت البرغر و الشطوط
-------
خسائركم فى أسهم بورصة الدوحة كيف ؟؟؟؟
نحن بقينا على الحديدة |
عندما تركتهم فى امريكا لم تكن هنالك مصانع لان الكهرباء شحيحة فلذلك كانو يصنعون التكيلا وجون ووكر
محليا ويقطروهو فى البيت واشهر واحدة عندهم هى جاكى العويرة .......
وسيمون جاز وحواء جوزيف اهم صانعة مريسة فى شيكاغو ......
اما بورصة الدوحة بعد تداعى بورصات العالم الثالث فى امريكا (فاصلا دة شعر ما عندنا ليهو رقبة)
والبورصة دى تعنى لى زى البرص وكدة لا افرق بينها وبين الطوستة..
شكرى ماطوس شكلرا على مرورك والى الحلقة التانية من انقلاب عالمى
| |
|
|
|
|
|
|
|
|
|
Re: انقلاب عالمى!!!! (Re: عمر سعد)
|
&&&&&&&&&&&&
^^^^^^^^^^^
حاول قريب امجد ان يضرب فى الوتر الحساس لامجد وسالة عن اختة كي فحالة ان شا اللة تكون
اتخرجت من الجامعة .....فهم امجد الرسالة ......
وقطع علية الخط.....
بس تعرف اختى حالفة انو ما تتزوج من دول العالم التالت دى وما ناوية تخرج من السودان
وكتير من قرايبنا من لندن حاولوها لكن رفضت تقول شن ..قسمة ..ونصيب....
تنحنح قريب امجد وفهم الرسالة بسرعة .......
فقال ليهو تعرف الموضة الايام دى شباب امريكا بيتزوجو سودانيات عشان الجواز السودانى
انت عارف انو الجواز الامريكى ما بيدخل اى دولة غير الدول التعبانة زى بريطانيا ..........
واستطرد عن النظام الاشتراكى فى امريكا واحتكار الدولة للمؤسسات ....
فقاطعة امجد......
اكيد اكيد بنسمع فى الاخبار انو ولد بوتين تزوج بنت كارتر وانجبو ولد ....
وحفيدهم متاثر بالاشتراكية .....فلما استلم الحكم فى امريكا
حول اقتصاد السوق الى اقتصاد اشتراكى ......
وتذكر الازمات التى مرت بامريكا وادت الى تدهورها اقتصاديا
واحتلال الصين لها اقتصاديا ردحا من الزمان الى ان جاء حفيد بوتين وخلصهم من الصينيين
كان لة اثر كبير ...........................................................
...........
| |
|
|
|
|
|
|
| |
عمر سعد
شكرى سليمان ماطوس
فيس بوك
تويتر
انستقرام
يوتيوب
بنتيريست