ده ما خبرا ينسكتبو ...

الخبر سواء أن كان حقيقة او اشاعة نجده ينتشر بسرعة الصاروخ وخاصة تلك الاخبار المثيرة ..

وانا استقل احى الحافلات السفرية منطلقا من السوق الشعبي بالخرطوم وتجها الى مدن السودان .ز جلس بجواري رجل مرح محب للونسة وكان مدخله عندما اوقف رجال المرور الحافلة عند سوبا وحرروا للسائق مخالفة .. التفت وقال لي يا أخي ناس المرور ديل عندهم 140 بند مخالفات لازم يفصلوا ليه واحد بس بتمنى تكون مخالفة صغيرة ..
وبدأ الاسترسال في الونسة ومن ضمن ما استحضره ان واحدا من جيرانهم عرف بانه ناقل الاخبار ولا تفوته شاردة ودائما ما يكون متعطشا لخبر يتناقله الناس ويحظى بالسبق ..

اوهم احد ابناء المنطقة الناس بانه تعاقد للعمل في السعودية وودعوه الاحباب والجيران بحفلة وداع لم يسبق لها مثيل وجاء المملكة ( عمرة ) وبعد شهر لم يتوفق ورجع السودان وخجل ان يذهب الى مدينته وهو مكسور الخاطر فبدأ بتجارة هامشية في السوق الشعبي ولسؤ حظه قابله ذاك الشاب ناقل الاخبار .. ودار بينهم حوار وقال له المغترب انا لم اوفق وجيت لي اكتر من شهر وبديت في التجارة دي ودحين معاي مبلغ مائة الف جنيه سوف اعطيك لها مقابل سكوتك واخرج له المبلغ .. ولكن تفاجأ عندما قال له يازول لم قروشك عليك ... ده خبرا بنسكتبو؟؟ !!!!

علاء الدين حيمورة

السلام عليكم وعلى كل أبناء الصحافة فردآ فردآ...وأسرتك الكريمة...

حضرت أمس من السودان الجميل....وناس السودان..بسلموا عليكم..وده خبرا ما بنسكتبو...

الناس هناك ما شاء الله عايشة وهايصة..وفرحانة.وجنس ألأخبار الما بنسكتبها دى كتيرة..الناس عشان إشباع هواية الخبارات ممكن تديها مليون تقول ليك شوية...بقى جزء من الحياة اليومية وليها جلساتها....

مودتى...........إسماعيل محمد احمد عباس..

الحبيب / اسماعيل ود عباس

الف حمدا على سلامتك .. ويا اخي زول يخت رجلو في السودان الجميل ده حقو ما يرجع تاني ..

شكرا ليك للخبر الما قدرت تسكتبو وعبرك التحيا لكل الاسرة الفاضلة ...

Quote: وجنس ألأخبار الما بنسكتبها دى كتيرة..الناس عشان إشباع هواية الخبارات ممكن تديها مليون تقول ليك شوية...بقى جزء من الحياة اليومية وليها جلساتها

تعرف انا استهوتني المسالة دي جدا خاصة وان بوستات الاخبار الما بنسكتبها بقت تلقى رواجا وكثير مداخلات .. نظام ( شهرة للزمن الما معروف )


ترقبوا وكالة المنبر للانباء ..

الوجيه كتب :

Quote: متعطشا لخبر يتناقله الناس ويحظى بالسبق ..

ياخي انا ولو في محلك اتحاشي اية سيرة زي الكلام الفوق دا ..
موش انت نقلت كضبا ونفاقا هنا أنني ( طلحة عبدالله ) سرقت مقال مهدي الصادق ..؟
ومن قوة عينك لم تثبت وعندما طالبتك بالدليل قلت لي ان مهدي الصادق العضو الهنا هو الذي قال ..
طيب ياخ هل هناك ناقل اخبار أكثر منك في هذا ..؟ ويا ريت لو اخبار صحيحة .. نميمة ونهش وتقطيع في الناس ..
عموما ما بحلك مني إلا أن تثبت سرقتي لمقال العضو المعانا هنا مهدي الصادق او تعتذر وتتوب لله علي أن لا تعود لمثل العباطة الفارغة ..
وحينها فقط ساعفو لك لله والرسول ..
قلت لي الشاب ناقل الأخبار ..؟؟

تصدق ؟

قايلك عايز تكتب عن إشاعة قوية الآن فى الخرطوم عن وفاة زعيم طائفى كبير.

Quote: تصدق ؟ قايلك عايز تكتب عن إشاعة قوية الآن فى الخرطوم عن وفاة زعيم طائفى كبير.

خلينا نبدأ بالاخبار الصغيرة والناس الصغار ....

الاخ طلوح /

ذكرت انها استهوتني هذه الفكرة وخبر سرقتك للمقال الذي ذكرته انا قبل اكثر من سنة ومحرقك لغاية الان نقلته من الاخ مهدي ( العهده على الراوي طبعا ) وطبعا لو كان اديتني 10 الف ريال ما كنت سكتبو ...

Quote: موش انت نقلت كضبا ونفاقا هنا أنني ( طلحة عبدالله ) سرقت مقال مهدي الصادق ..؟

حتى في الزواج فالعرف هو ان السكوت علامة الرضا وطالما ان الاخ الصحفي الفاضل جدا مهدي الصادق لم يبادر بنفي هذا الخبر فضمنيا يكون الخبر صحيحا ..

غير ان الاهم من ذلك ان يثبت الصحفي انه على مقدرة تامه بالكتابة وقتها لن يلتفت الناس لما يقال عنه ...

اعتبر نفسك صحفي ناجح زي مزمل ابو القاسم مثلا ومحارب من قبل بعض الاقلام التي لا تفهم في الصحافة واثبت ذلك من خلال كتاباتك بدلا من اللت والعجن البتسوي فيه ده والبصغرك في نظر الناس كل يوم ... ( لكن جنس كتاباتك دي كتابة صحفي ؟؟؟ )

تخريمة ...

خبر انك لاتفقه في الصحافة خبرا تأكده على نفسك كل يوم دون الحاجة لمن يتناقله ..

Quote: وخبر سرقتك للمقال الذي ذكرته انا قبل اكثر من سنة

يعني خلاص اعتقك منو واللا شنو يا وجيه ..

Quote: يعني خلاص اعتقك منو واللا شنو يا وجيه

ايوه يا طلحة عليك الله اعتقني منو عشان بتساهم في زيادة اسعار الليمون كده .. فاي واحد بقى يحضر ليمونة حتى يقدر يقرأ ليك موضوع او مداخلة او رد ..

ودي حاجة خفيفة ما بتستاهل ده كلو .. دحين وفر مداخلاتك دي للتقيل الجائي ..

معقولة يا علاء لامي كل شيء ..
وجيه وصاحب املاك وما إشتغلت في الشمس الحارة بتاع عداد ولا طلبة واللا الحاجات القاعد تسخر منها دي وغير ذلك ما عربي بتاع عنقريب هباب وكمان برضو فاهم ..
ياخ قلت ليك كم مرة هنا أنك انت ومهدي الصادق كضابين ومنافقين زي مسيلمة الكذاب (لو فعلا مهدي قال ليك الكلام دا ) طيب بنفس فهمك بتاع القصور الفوق دا مهدي الصادق ما جاء نفي عنو تهمة النفاق والكضب لشنو ..؟
وبعدين حتى لو فرضنا أنو قال فهو لم يقل هذا الكلام هنا او قدامي انا لانو عارفو مجرد إفك وبهتان وكضب ونفاق ..
اها انت يا الفالح الناجح الوجيه المليح تقوم ( تتعطش ) لنقل الاشاعات والنسنسة للناس بدون ما تتأكد منها أو تجيب معاها الدليل ..؟
انت قايل البورد سوق واللا قهوة للنميمة والقطيعة واللا شنو ..؟؟
أثبت يا وجيه واللا زي ما قلت ليك جيب مهدي القلت قال ليك دا يثبت واللا اعتذر وتوب واوعدك بالعفو ..
غير كدا السك دا وراك وراك ..
بخصوص مزمل فهو صحفي كبير وناجح ولا اتطلع أن اكون مثله أو مثل اي صحفي آخر ..
ما تغير الموضوع يا وجيه .

Quote: ايوه يا طلحة عليك الله اعتقني منو

طيب يا وجيه ما تعتذر منتظر شنو ..؟
والحامض يا وجيه هو اتهام الناس ورميهم بالأفك والكضب والنفاق واللا المطالبة باثبات هذا الفسوق ..؟؟؟؟؟؟؟؟؟؟؟؟؟؟؟
وبعدين التقيل الجائي دا شايفك من رمضان قلت لي بعد العيد ..
أها العيد جا وفات وين تقيلك وفضائحك الصحفية القلت عليها ..؟ واللا مستني العيد الجائي ..؟
واللا عايز لامن تمش تتجسس علي ناس البشاقرة وتشوفم قاعدين ياكلوا في شنو وراقدين في شنو ولابسين شنو ..؟ أصلو في ناس زيك كدا شغلتا في الدنيا مراقبة الناس والسخرية من حياتم وشغلم ..
ياخ انت مصر علي أنك تملأ نفسك ذنوب وكضب لشنو ..؟
كدا أول أثبت أني (طلحة عبدالله ) سرقت مقال مهدي الصادق وبعدين جيب التقيل التاني يا مليح ..

كتب طلحة في بوست الاخ طارق
مزمل ابو القاسم !!!

Quote: العفو يا عزيزي طارق البيت بيتك وقد كنت ضيفا ثقيلا كما يبدو لك العتبي يا صديقي

انت ضيف ثقيل في اي مكان ...

نرجع لموضوعنا الاساسي ..

خبر صعب السكوت عنه

نقلت قناة العربية في تقرير مفصل لها ان الاصابة بسرطان الدماغ من جراء استعمال الهواتف النقالة لا تقل نسبته عن المعرضين لسرطان الرئة من قبل التدخين ..

غايتو قدامك واحد من حلين يأ اما تعتذر هنا يا أما تترك البورد دا يا وجيه ..
غير كدا كل مرة ح اكون أثقل من القبلها ..
كمان قال بهدي في الناس وينهيهم عن رمي الناس بالإفك والبهتان والقطيعة في أمة محمد ..
ومال البتعمل فيهو دا شنو يا وجيه يا صاحب الأملاك الما إشتغلت في الشمس الحارة ..؟؟؟
وين إثبات أني ( طلحة عبدالله ) سرقت مقال مهدي الصادق العضو المعانا هنا دا ..
ما تجي تقول لي والله كنا قاعدين في قهوة واللا بيت بكاء وقاعدين نقطع في الناس وقالوا فيك الكلام دا ..
ناقل الكضب والنفاق أشر يا وجيه ..
قلت لي الاتهام ليهو أكثر من سنة ..؟

Quote: نرجع لموضوعنا الاساسي ..

موضوعكم الأساسي يا وجيه يجب ان يكون هو تنظيف النفس والروح بالتوبة عن رمي الناس بالإفك والبهتان والسخرية من اعمالهم وحياتهم ومعيشتهم وذلك بالاعتذار الواضح والصريح وأمام الجميع كما فعلت ذلك امام الجميع ..
بعد كدا ممكن تجىء تكتب للناس وومكن الناس تحترم ما تكتبه ..
إعتذر يا وجيه يا سمح عن اتهامك لي بسرقة مقال مهدي الصادق العضو المعانا هنا دا ولو عايز تتم توبتك بالمرة وتعتذر للناس اللي سخرت من اعمالهم وحياتهم ومأكلهم ومرقدهم فدا من فضلة خير يا ابو خير ..

Quote: أما تترك البورد دا يا وجيه ..

خليني افكر في اقتراحك ده ...

Quote: خليني افكر في اقتراحك ده ...

اخد راحتك وتعال بنتيجة تريحك من السك يا مليح ..

معليش يا علاءالدين يا خوي بوستك ده إتحرق تب الزول العامِل زي < سام ستة > ده ظني ما بِنفك مِنك يا تحِلو يا تحلو ... مرضونا مرض ياخ ...

يا طلحة قول معليش ... السك ده ما بِيشبهك ... ما معقول بعد كِتاباتك السمحة ديك تقوم تساكِك في خلق الله كده ... وتفرِض علينا شيتاً لا لينا فيهو ناقة ولا جمل ... نحنا ذنبنا شنو ... البوست ده بختزِل لينا حاجات كتيرة ... شكلتكُم دي أختونا بيها كدي ولا كدي

الحبيب عزام

تحياتي ليك يا اخي ووين الحي بيك

Quote: الزول العامِل زي < سام ستة > ده ظني ما بِنفك مِنك

يا اخي الزول مديني حل والحل ده قيد التفكير اني اترك ليه المنبر ..
ما تستعجلو امكن يكون هو فعلا قاصد كده بسذاجة .. وافتكر انو هو معتقد اني اكثر سذاجة منه ..


لكن وحاتك يا اخوي عزام انا ما شغال بيه خليه يرتع هنا زي ما عايز ..

حا ارجع ليك للموضوع الاساسي في اول خبر يصل الى مسامعنا ..

Quote: هو معتقد اني اكثر سذاجة منه ..

طيب يا ما أكثر سذاجة مني أو يا عبقري عديل كدا ( قصرت معاك ) ..
أثبت أنك فعلا زول كويس زي ما قاعد تروج هنا للناس وتدعوهم لنبذ الإفك والإتهامات بالباطل ..
اعتذر عن إتهامك لي بسرقة مقال العضو المعانا هنا دي مهدي الصادق أو جيبو هو يقول فعلا قال ليك وبالتالي يثبت فعلا أني سرقت منو مقال ..
غير كدا ومهما شتمت وكوركت وإستنجدت ما بتتحل من السك .
أظنك قايلا فوضي ساي عشان تجيء شايل بقجة إتهاماتك وسخريتك في بورد زي دا وتمشي تنوم مرتاح وربما تفكر في فرية أخري تروي بيها (عطشك) لنقل الأخبار الكاذبة ..
ما تشتم ياوجيه لانو أنا ما قاعد أشتمك هنا ..
فقط اطالب باثبات إتهام في حقي .

عفوا يا عزام
اذا كان مطالبتي باثبات إفك وإتهام بحقي لا يعنيك فهذا لا يجعلني اسكت علي هذا الهراء ..
كان متوقع منك أن تطالب الأخ بالاثبات أو الإعتذار ..
عموما مشكور ياخي لكن لا تتوقع مني ان أعفيه مالم يعتذر او بثبت ..

Quote: حضرت أمس من السودان الجميل....وناس السودان..بسلموا عليكم..وده خبرا ما بنسكتبو... الناس هناك ما شاء الله عايشة وهايصة

تقصـد ناس الخرطوم والجنبهـا يا اللخـو؟
أكيـد الصورة الورديـة دى ما تقصـد بيها المناصيـر واللا دارفور، واللا.....الخ

مع الأسف الســودان عند البعض صـار مختزلا فى العاصمـة القوميـة.

Quote: تقصـد ناس الخرطوم والجنبهـا يا اللخـو؟ أكيـد الصورة الورديـة دى ما تقصـد بيها المناصيـر واللا دارفور، واللا.....الخ مع الأسف الســودان عند البعض صـار مختزلا فى العاصمـة القوميـة

الاخ ابو ريش / تحية وسلاما

حقيقة اعتقد ان حتى في مناطق الازمات لم تقف الحياة وكثيرا ما يبحثون عن بسمة تخفف من مرارة ماهم فيه ..

اما العاصمة القومية في نسيج من كل ابناء الشعب السوداني ففيها من هم من دارفور ومن هم من المناصير وهم ايضا لم تقف حياتهم رغم مرارات عيش اهلهم ( نسأل الله ان يفرج كربهم ) ..

شكرا ليك ولو لقيت لينا خبرا ما بنسكتبو تعال لينا ..

مرحب
اها يا وجيه وعبقري كمان
عملت لي شنو في موضوع الإثبات او الاعتذار ...؟

يا حيمورة,,,
سلامات يا زول,,,

Quote: ايوه يا طلحة عليك الله اعتقني منو عشان بتساهم في زيادة اسعار الليمون كده .. فاي واحد بقى يحضر ليمونة حتى يقدر يقرأ ليك موضوع او مداخلة او رد ..

ليمونة لأ!!!!!!!!!!!ليمون ما معانا
راجع الأرشيف عشان تشوف فى أزمة الليمون الفاتت
حصل شنو,,,يا زول فى روسين طارت وحقائب وزارية
إتلحست

المهم يا حبيب,,,

ليمون ما معانا وكان لاقاك الشوال بى شلن برضو أختاهو....

تحياتى

ايمن وينك يا غالي

التحيات النواضر

لكن شفت جنس الحالة دي .. تعرف يظهر الهكر ده فعلا كان لاعب لمصالحنا ..

غايتو الليمون ده كان ارخص حاجة وفي ناس كده الطمام منهم ما بودرو الا الليمون ..




قسمة وارداة

العبقري الوجيه

Quote: الطمام منهم ما بودرو الا الليمون ..

ريح نفسك من الطمام دا وتوب بالاعتذار أو اثبات فريتك باني (طلحة عبدالله ) حرامي مقالات وسرقت مقال العضو المعانا هنا دا مهدي الصادق ..
وبالمرة وعشان تخلص نفسك من الطمام نهائي وما يجيك تاني اعتذر عن سخريتك من اكل الناس ( الفتريتة) ومرقدهم ( عنقريب الهباب ) وغير ذلك من نبذ المراهقين العملتو هنا دا ..
قلت لي ما اشتغلت يوميات ولا في الشمس الحارة وساكن الخرتوم وما عربي ضهرة ساكت ..
إتشرفنا يا و الخرتوم .
يلا شد حيلك مع السك دا ..

بختك ..
بوست من لا بوست .
وبرضو تقول لي طمام وفجل .

يا حيمورة,,,

Quote: غايتو الليمون ده كان ارخص حاجة وفي ناس كده الطمام منهم ما بودرو الا الليمون ..

وقام إتعزز الليمون عشان بالغنا فى ريدو!!!
يا الحبيب ما قلنا ما تجيب سيرة البحر دا تانى !!!!!!


بجيب ليك ناس ليمونتى راحت

كن بخير وأبعد عن الليمون ,,,,,,,,,,,

اخوي ايمن ..

با اخي ما عندك اغنية الاخدر الليموني مشنق الطاقية او الليمونة المانعني مانزورا بالعدم كده شوف لينا ليمون بارا ..


عشان تاني وحاتك مافي اي سيرة لاي نوع من الليمون ولا حتى ملح الليمون ..



قسمة واردة

علاءالدين ... معليش يا خوي ... لكِن < الكلام القلتو فوق طلحه > حرم ده خبراً ما بنسكِتبو تب ولابُد أفتحلو بوست عديل كدي ... ده خبر بِنسكِتبو ؟ ... والله ده كلام ...

اخوي عزام / كيف قيلت

التجاهل ...
التجاهل ...
التجاهل ...

طبعا بالمناسبة دي اشتقت للدكتور مصطفى محمود وقلت افتح بوست ونطالب بعودتو للمنبر ..
علي شلاقتي مشيت اشوف اخبارو مع ناس تراجي اها لقيتو ليك خاتيه قرض مع اخونا بكري ..
قلت يا زول ده الخبر الوحيد البنسكتبو .. وما اشتغلت بالموضوع ...

اها بديك التفاصيل كاملة .. لكن انا عائش مرحلة خوف من تهديدات طلوح .. ما ملاحظ مديني خيارين لا ثالث لهما اعتذار شديد اللهجة او ان اترك المنبر ..ولا حتى مشاورة صديق ما خلاها لي ...


قسمة وارادة

الوجيه قال :

Quote: انا عائش مرحلة خوف من تهديدات طلوح

ياللخو انت بتخاف ..؟
لو بتخاف تجىء خامي ليك نسنسة وإفك هنا وترميهو هنا وتقول فلان قال لي وعلان وراني ..؟
عموما طلوح ما مهددك ولا حاجة ..
طلوح حالف انو يسكك سك الجن لو ما اعتذرت أو اثبت يا سمح ..
وبعدين اعتذار (شديد اللهجة ) .. وين طالبت بي كلام زي دا ..؟؟ ياللخو انا والعياذ بالله من أنا ما بعرف انو في اعتذار ( شديد اللهجة) عشان أطالب بيهو ..
غايتو فعلا حكمة والله أنو اناطح زولا زيك وأسكو بالبوستات ..
لكن قدر الشقي يا وجيه .

الوجيه المليح
أثبت انك فعلا ود خرتوم وصاحب أملاك و..و.. الخ ..
وتعال توب وإعتذر عن فرية اني سرقت مقال العضو المعانا مهدي الصادق
أو ...
أقول ليك قولا يريحك ..
لو ما قادر تثبت الإفك دا وما قادر في النفس الوقت تجيب مهدي الصادق يثبتو ، جيب المقال المسروق ورينا ليهو .. وقول دا مقال مهدي الصادق المسروق ودا مقال طلحة عبدالله السارق ..
أو ..
ورينا المقال نزل في ياتو جريدة وبتاريخ كم ..؟
أها قصرت معاك يا خاتي الذوق ..
دا بس عشان أوريك أنو غرضي بس تثبت النسنسة الجيت خاميها هنا دا ..
أبعد من السخرية والشتيمة النية يا اللخو ..( حافظ علي وجودك هنا لانو غرضي فيك ما انتهي )

Quote: ..( حافظ علي وجودك هنا لانو غرضي فيك ما انتهي )

وجـــــــــــع

Quote: وجـــــــــــع

وجع شديد يا علاء الوجيه ..
طيب ياخ ما تلخلص نفسك وتجيء تعتذر وتتوب او تثبت علي الأقل ياللخو ..

Quote: شكرا ليك ولو لقيت لينا خبرا ما بنسكتبو تعال لينا ..

الأخ علاء،

شكـرا ولا أخفى عليك أنى ضحكت كثيرا، وقلما أضحك هذه الايام، عند قراءتى عبارة نسكتبو، لأنها لهجـة أهلنا
الرباطاب وناس الباوقة الاصيلة..
لى صديق من الباوقة مـرة قال: الفول نحن بنفطربو ونتعشـابو، وكان لقيناه نتغدابو...

ابو ريش / كيفنك

تعرف عمر ود الباوقة زميل المنبر .. الفولة ما بتبل في لسانو ..

غايتو مما فتحت البوست ده فاتح معاه خط تلفون لانو اخبارو موثقة بالصور كمان ..


يكون الايام دي تعبان من مشوار جده .. اصلو مشى يشوف الخبارات شنو هناك ..

تسلم

آخر خبر اذيع قبل قليل :


السودان خالي من الطاعون البقري ..

حقيقة ده خبر مفرح وما بنسكتبو ..

غايتو يا وجيه يا مليح قوة عينك أصلو ما لاقتني قبل كدا ..
طلعت بتاع قوالات ونسنسة وإفك وبهتان قدام شعب البورد دا كلو ومع ذلك قاعد وبتفتح في البوستات وتخش بوستات الباقين كمان زي الما عملت شىء .؟
يا اللخو إعتذر علي الأقل اذا ما قادر تثبت ..

اها يا عزام اخوي / صاحبك عبد الرازق الطالب غطس وقلع بخبرا اصلو ما بنسكتبو


الهكر Yara



اعملوا حسابكم

شنو يا علاء
عامل فيها زائغ يعني ..
واللا زائغ ..
بس عشان تعرف انو الحكاية ما فوضي ساي زي ما فاكرا يا ود الخرتوم يا وجيه .
الحكاية فيها عصر الليمون ..

يا جماعة ما قلنا ليكم خلونا من الليمون دا!!

Quote: يا جماعة ما قلنا ليكم خلونا من الليمون دا!!

نحن كان خليناه في ناس بخلونا ؟؟


وينك وشد لي سلك لو في طريقة ...

الوجيه المليح

Quote: نحن كان خليناه في ناس بخلونا ؟؟

لو قاصد بالناس الما خلوك ديل أنا فقدامك واحد من حلين عشان تفتك :
الإثبات
أو
الإعتذار ..
خلص نفسك يا سمح .

البوست دا ما عاجبني ..

مؤلم ...

يا طلحة ..


في شنو يا علاء ؟؟

الاخت انعام /

كيفك

Quote: البوست دا ما عاجبني ..

انا برضو ما عاجبني لانو بحاول يطلعو من محتواه زي ماحاول في بوست الاخ طارق نقد المكتوب عن الاخ مزمل وبما اني ما برد عليه في مداخلاته لكن هو زي اتفرغ تماما لهذا البوست فليكن له ما يريد ...

شكرا انعام ...

ودود يا عمك شيل ليك كوم ليمون وإتخارج قبل ما أعوقك ..


الاخت انعام
السلام عليك
الحصل ببساطة جدا أنو الاخ علاء الدين اتهمني باني ( طلحة عبدالله ) سرقت مقال من العضو المعانا هنا دا مهدي الصادق وأنزلتو في أحد الجرايد ..
طالبته باثبات اتهامه او الأعتذار من باب التساهل وعدم تصعيد الموضوع ..
رفض كل ذلك وأصبح يلمح ويطاعن ويسخر ويجوط ويسوط ..
أن كنت علي خطأ فقولي لي انك علي خطأ وسأتنازل وأترك الأمر .

Quote: طالبته باثبات اتهامه او الأعتذار

يا علاء ..

يبقى عليك حسم هذا الموضوع واثبات ذلك وكلام ساي ما بنفع - يعني- بالدليل ..


حتى لا تصغر في عيون الناس لانك كبير وكبير جدا وطلحة دا ما عارف لازم توريهو هو والناس البتقرأ

الكلام دا

لازم توريهو انت منو وفكرك شنو ومعدنك شنو !!


بانك فعلا يا تثبت كلامك بالدليل القاطع!!


او الاعتزار شيمة النبلاء .

زي ما قلت ليك يا انعام ممكن تسمعي كلام فارغ زي ما سمعو للاخت ايمان صالح من قبل .. لما قالت ليه النبي انت صحفي ؟؟

حا اجتهت لو الهكر خلى الاساءات الغير كريمة التى وجهها المدعو طلحة ..

انا ما بعتذر ليك يا طلحة عندك حق تعال اخدو بالقانون

الوجيه المليح

Quote: زي ما قلت ليك يا انعام ممكن تسمعي كلام فارغ زي ما سمعو للاخت ايمان صالح من قبل .. لما قالت ليه النبي انت صحفي ؟؟ حا اجتهت لو الهكر خلى الاساءات الغير كريمة التى وجهها المدعو طلحة .. انا ما بعتذر ليك يا طلحة عندك حق تعال اخدو بالقانون

دا ما بحلك ما تقعد تجقلب ساي ..
وبعدين :
أصلو لو انا بقول كلام فارغ كان مليتك بيهو يا وجيه لانو مافي غلط وكلام فارغ أكتر من إتهامك للناس بالسرقة والسخرية من أكلم ( الفتريتة) ورقادكم ( عنقريب الهباب ) وشغلم (بتاع العداد )
ياخي انت كوم اساءة لكن الواحد ما بجاريك فيها ..
ما بتعتذر بسكك كدا لما تقول بس ..

الوجيه المليح

Quote: بحاول يطلعو من محتواه زي ماحاول في بوست الاخ طارق نقد المكتوب عن الاخ مزمل وبما اني ما برد عليه في مداخلاته

محتوي شنو ومداخلات منو البطلعوك منها يا عبقري ..؟؟؟؟؟؟؟؟؟؟
اطاليك باثبات إتهامي بالسرقة تقول لي محتواهو ومضمونو وعباس ..
قلت ليك يا تثبت يا تعتذر واللا بسكك هنا سك نضيف ..
ما تجي تقول لي عاجبني واللا ما عاجبني
يعني عاجبني انا أنك تجىء تتهمني زورا وبهتانا ونفاقا واللا كيف ..
واللا عشان انت من الخرتوم وأنا عربي ضهرة ساي ..

صفة جديدة للوجيه المليح بعد ود الخرتوم والعبقري بقي محامي

Quote: ايمان صالح

ياللخو خليها دي تجي تاخد حقها براها هنا لو عندها حق المهم حل نفسك انت من السك دا ..

مرة هاك تلفوني اتصل علي عشان اوريك ومرة تعال لي في الماسنجر ومرة بديك تلفون مهدي الصادق اتصل عليهو وأخر صيحة للوجيه المليح :

Quote: تعال اخدو بالقانون

ياللخو يعلم الله انا مستكثر فيك حتى الكلام هنا في البورد دا تقول لي تعال وما تعال ..

والله محنك تمحن يا مليح

Quote: حا اجتهت لو الهكر خلى الاساءات الغير كريمة التى وجهها المدعو طلحة .

يابني انت وكت ما بتقدر علي السك دا وبتقعد تجقلب وتنطط كدا الجابرك شنو تجي خامي افكك وبهتانك عشان تفكوا في الناس من دون دليل أو اثبات وترفض مكابرة حتى الاعتذار ..
كدا قبل ما تجيب الاساءات القلتها دي جيب اول اثبات أنو أنا ( طلحة عبدالله ) سرقت مقال مهدي الصادق العضو المعانا هنا دا ..
حل نفسك من السك وبعدين دافع عن ايمان صالح وغيرا ..
علي رأي المثل :
باب النجار مخلع ..