رزقنا مولودة جديدة لنج.. اقتراحات الأسماء معقولة برضو..

رزقنا مولودة جديدة وأذان العصر شغال... شايفين كيف؟؟ 24/10/2008م

ترتيبها الخامسة بين أخوانها... مآب ومحمد وملاذ ومصطفى والجعلية الجديدة دي.. قاعدة ساي كدا لحد هسي خارج قاعدة البيانات بدون إسم... كمان عملية قيصرية ... غايتو.. البيحل أمه كلو كويس..على قول أمي لما تكون متوقعة ليها ولد.. لكن بالمناسبة مدامنا دي أنا قايل حلوها الدكاترة المرة دي يا حاجة..

نقوم نرصد جائزة لأحلى إسم ولا شنو؟؟

وآخر دعوانا أن الحمد لله رب العالمين..

وكل عام والجميع بخير وعافية..

مبروك المولودة وتتربى في عزك .....



يا مصفى

سميها سولارا

وليك علي نجيكم زيارة قريب وتشوفو الشقية دي ..



مودتي

السماية متين عشان نجي نشيل حقنا ...




اسامة

الف مبروك

نسأل الله ان يرعاك و أسرتك الكريمة

بما انو البنوتة شرفت بعملية قيصرية

متعبة للمدام الموقرة...

ارجو ان تترك التسمية للمدام فقط لا غير

انت كريم وهى تستاهل

كل السعادة

Quote: رزقنا مولودة جديدة وأذان العصر شغال... شايفين كيف؟؟ 24/10/2008م

الاخ العزيز محمود والاسره الكريمه
الف الف حمد الله على سلامة المدام اولا
ومبروووكه البنيه تتربى فى عزكم ان شاء الله
ربى يخليها ليكم ويخليكم ليها ان شاء الله..
ما شاء الله وعينى بارده شايفاكم ماسكين مملكة الميم
وعشان ما نكسر ليكم الموسيقى ممكن ترشيحاتنا تكون على نفس الحرف (حرف الميم )
وايضا رأى اخونا حسن مكاوى رأى محايد وجميل
ما عشان انا جندرية طبعا
اللهم الا المدام برضو تكون دايرانا نشاركها التسميه.. وفى الحالتين نحن جاهزين
نجدد التهنئه وملايين التبريكات
تحياتى للجميع
اسماء الجنيد/ مسقط

Quote: بما انو البنوتة شرفت بعملية قيصرية متعبة للمدام الموقرة... ارجو ان تترك التسمية للمدام فقط لا غير انت كريم وهى تستاهل

عمو حسن مكاوي...

شاكرين مرورك وذوقك العالي وحسك الجندري..

لكن القيصرية قالوا ساااااااهلة موية بس..

لا وجع ولا يحزنون..يتبنجون وينامون ويصحوا يرضعون طوالي..

بالعكس أنا والله هسي كرعيني "مهكرات" عديل.. والدليل "آالولو..".. لحدي هسي ما نمت..

عشان كدا صادرت حق التسمية من المدام.. وعملتو نظام public utility في كل المنابر..

دقيقة دقيقة دقيقة.. هسي اسم "منابر" مااااااالو؟؟؟ زي الترتيب والله..

لك صادق المودة والاحترام..

عمو أسامة الجميل..

أبو سولارا..

الاقتراح حلو والله... ونجيكم في السمح..


بالنسبة للسماية غالباً بعد المدام تقوم بالسلامة..

يعني الأسبوع الأول كرامة ساكت..

غالباً في التاني..

وكدا كدا واقعة جمعة..

حقكم أعملوا ليهو داون لوود.. بس انتبهوا..

المرارة "مهكرة"...


تحياتي .. وشكراً على التهنئة الرقيقة والاقتراح اللذيذ..

الأخ / محمود
ألف ألف مبروك المولوده الجديده ، وإنشاء الله تتربى فى عزك

ألف مبروك
سميها يارا أو حلم الأماسي تخليدا لأخونا طيب الذكر هكر

اولا حمدا لله علي سلامة المدام

وتتربي في عزكم وتكون باذن الله من بنات بلادي الصالحات


ثانيا بخصوص الاسم فاقترح اسم يبداء بحرف الميم وذلك لاني لاحظت ان اخوانها جميعهم اسمائهم بالميم وكذلك اسمك انت و اسم ابوك وجدك كلهم بحرف الميم لذلك اقترح الاسم ادناه وعندك اختياركم للاسم اخبرنا عبر هذة الزاوية .



اقترح اسم

مودة



وادام الله المودة والاخاء بيننا

اللهم اجعلها واخواتها مباركات وبارات بوالديهم ,,
إيثار وتبيان بناتى You can help yourself for free

ـــــ
ألف مبروك الملاك والامورة وتربي في عزكم وحفظها إلهي وحمداً علي سلامة المدام










ـــ
أقترح (تسنيم) , وهو ماء في الجنة لا يشربه إلا المقربون لله

الاخ محمود...

مبروكه عليكم وعلينا وعلي السودان...

ونسال الله ان يحفظها بنور قرانه وان يجملها بالعلم ويجعلها من الصالحات العالمات...

ويدي امها الصحة والعافية...

وان شاء الله تشوفوا جديدها..

ونقترح ان تسميها ملاك او منار لتوزن مع اختها وتكمل امبراطورية الميم...

وما شاء الله....

محمود صديقنا الجميل ألف مبروك المولودة الجميلة ربنا يجعلها من بناتنا الصالحات يارب وألف حمدعلي سلامة أمها

في كم شئ كده مشترك بين الأمورة دي وأحمد ولدي الولادة قيصرية واليوم جمعة أحمدآذان الجمعة ودي العصر والتاريخ 24/10 وأحمد 4/1ودي

بالأربعة والواحد نحجزه من الآن ومقترحات الأسم (مرام- مها - مروة-منتهي).

أبوقصي

ألف مبروك






I go with hana




Mohamed

صديقي واخي محمود

حمدالله أل على السلامة

وكويس السمعنا صوتك الكيبوردي

عقبال ما نسمعك بالاضان


يازول

اميراطورية ميم دي قاسم مشترك اعظم في اسرتكم الجميلة

لذا دعني اقرنه بحرف واحد فقط

فلتكن

مــي

يا مي

أين مي



وهذا مع عملي التام بحقوق المدام المحفوظة في التسمية

بس انت ما تسمي

عشان تسميتك بتديك سيك في قبولك


الف مبروك


تسلل :
ناس صلاح سري جاهزين للعقيقة مع اماسي الموسيقية ده حسب اتفاقي معهم

اها قلت شنو

الغالية أسماء الجنيد.. كيفك يا أستاذة.. والله كلامك زي العسل ودعواتك الله ما حرمنا منها... يخليك يا أصيلة..
وهاتي المقترحات.. نحن لاقيين كلامك وييييييين؟؟؟

عماد الطالب.. شاكرين تهنئتك الرقيقة واقتراحك الجميل.. تابع معانا ... جايز تفوز..


جمال السنوسي صاحبي.. ومجدي أبو قصي ود أمي.. وبشير الجميل.. عشان إنتو بورداب جدة... يمكنكم مشاهدة صاحبة الصورة على الطبيعة.. ولكن للمصلحة العامة.. قلنا نعلق الصورة دي هنا... سجن سجن غرامة غرامة..






تاني تجوا حفلة؟؟؟؟

الأخوان/
أسامة الفضل..
أحمد محمد بشير..
عبد العزيز الفاضلابي..
مجدي أحمد الشيخ..
Mohamed Foto7li

والله العظيم الواحد فرحان بيكم فرحة كبيرة جداً.. ومقترحاتكم كلها قيد النظر بعظيم الامتنان والتقدير..

نجيكم في السمح..

الف مبروك و حمد الله على السلامة..
و رأيك شنو في الاسم ده: محمودة محمود مصطفى محمود..لذيذ مش كده؟

الف مبروك وان شاء الله تتربى فى عزكم
وانا بضم صوتى لجمال السنوسى
واقول ايه رايك فى اسم مى... عشان تتوازن مع حرف الميم
او مرام.. واذا خرجت من حرف الميم امشى لاسم سلافة...او سارة
عشان سارة بالين ترسل ليك هدية ودعوة لزيارة البيت الابيض
لكن باقى لى اوباما كاسح وما حيديها فرصة تمشى للبيت الابيض
والف تحية

الف مبروووووووووووووك
اخونا محمود
وحمد الله علي سلامة والدتها
ومادام الحرف ميم
ومولوده في الديار المقدسة
تبقي
....مناسك....

اولا حمد لله علي سلامة المدام , ومليون مليون مبروك وان شاء الله تتربي في عزكم , وبارة بعمها اساسي ا . ربنا يحفظها ليك ولامها ولاخوانها

أوووووووه عمو أساسي..

الله يقبل حمدك يا حاج..

طبعا إنت المستشار المالي بتاع السماية والذي منو..

جاهزين لأي اقتراحات طال عمرك..

شكراً.. لكن شايفك ما اقترحت أي اسم..

الأخ محمود ...
ألف مبروك المولودة ..
جعلها الله قرة عين لكما ..

الأخ الكريم إبراهيم محمد الحسن..

إنت طبعا غير ابراهيم بتاع الأورغن داك... عارفك..

شكراً على الدعوات الصالحات..

والصورة المعبرة..

تسلم

الجميل هارون دياب..

والله حقو عشان جيتك الغالية دي نقوم نسميها بالميم "مريخ"

مناسك اسم حلو والله..

تابع معانا .. وكتر خيرك على الشعور النبيل..

الأخ الغالي السر عبد الله..

ضم صوتك طوالي مع جمال السنوسي.. إن شاء تعملوا كورال زاتو..

مي اسم جميل فعلاً..

لكن سارة بالين دي موش أخت صاحب بالين كضاب؟؟

عايزة تلقاهن الاتنين: سماحة وسياسة.. مستحيل.. كان غيرك أشطر..

الأميرة ديانا أميرة القلوب ما لقت السياسة والسماحة..

شكراً أخوي.. نجيك في السمح إن شاء الله

أخونا العزيز سيف النصر..

كتر خيرك أبوي..

Quote: و رأيك شنو في الاسم ده: محمودة محمود مصطفى محمود..لذيذ مش كده؟

ما كتيرة؟؟

غايتو ينظر ويفاد.. الملف مع أم المولودة..


صادق التقدير..

صديقي الرائع مصطفى

الف مبروك (فاطمة) وجعلها الله من بنات الوطن المستورات

وحمد لله على سلامة امها ، وطبعا بإذن الله حضور بعد عملية الوالدة المقرر لها يوم بعد غدا الإثنين (دعواتك)

وخلينا من متناغم ومنسجم وهارموني (هي بتك دي نوته موسيقية)

انا الاسم واخترتو وحددتوا خلاص قول للجماعة ديل يباركوا بس .

الأخ المرهف المهذب الوديع الأمير أمير مصطفى..

أول حاجة ربنا يكتب سلامة الوالدة إن شاء الله.. وقدامها العافية..

وتاني حاجة كتر خيرك على شعورك النبيل ..

اقتراحك يصادف هوى عند أم العروس.. خاصة إنه فاطمة تطلع حبوبة العروس أم أمها..

لكن الكلام دا حا يخلينا تاااااااااااني نفكر نجيب بنت نسميها على اسم أمي أنا..

شفت الصعوبة وين؟؟

فاطمة اسم حلو والله .. الزهراء بنت أشرف الخلق..

يخليك يا أمير ويطمنك وإيانا على صحة الوالدة الغالية..

ملياااار مبروك
تهانينا الصادقة والقلبية
سمها أي اسم يافنان فأنت لا تحتار
اقترح لكـ أن تسمها نورس فهجرة النوارس طالت
او فجريا وارء الميم فمع مآب قد اتت مهاد والبقية تأني
عموما تهانينا الحارة وحمدا لله على سلامة امها وأسعدكم الله
بها.




.............................................حجر.

تتربى في عزكم يا دكتور .. والف حمد الله على سلامة المدام ..
وطالما المسالة ماشة لي عولمة ... والكترونيات ولي حاجات غريبة ..
اقترح ليك تلاتة اسماء:
1- بورصة ..
2- اسهـم .. (ما جمع سهام العادية حقتنا دي)
3- رام .. وهو مفرد رامات .. وكان اتفنجرته معاها سميها رام ميتين ستة وخمسين دي دي آر ..

عمو علاء..

كيفك يا هندسة..

ياخ عليك الله خليك جادي معانا...

ممكن ناخد من اقتراحك برضو.. رام اسم حلو..

كويس ما قلت دي في دي.. ولا بلوتوث...

غايتو الله غالب..

كتر خيرك..وجهز نفسك لغزوة السماية..

عمها يا ............................ حجر

كيف يا رفاعي ؟؟ كله في السليم؟؟

أشكر شعورك الصادق الذي لا تشوبه شائبة..

واقتراحاتك حلوة والله ... مهاد اسم راقي والله..

تابع معانا..

تسميتك "مربوطة" في قبول أمها..

تسلم يا ركن..

ملايين التباريك.. يا وجيه..
و حمداً لله على سلامة المدام..


نصيحه لله: أوعى من الاسامي الصعبه و اللي فيها الحروف صعبة النطق.. زي الخاء.. الحاء.. الضاد..
شوف الاسامي السهلة النطق لكل اللغات..


أبقوا طيبين

دكتورنا الجميل محمد الباقر..

ياخ والله ليكم وحشة..

شنو من ديك وعيييييييييييك؟؟

شكراً على التهنئة الكبيرة..

ونصيحتك في محلها..

أسهل اسم في جميع اللغات شنو؟؟

ألحقنا بأي اقتراح.. جايز تفوز..

لك صافي المودة

الف مبرووك .....والف حمدالله على السلامه....وجعلها الله من بنات الوطن الصالحات...
غايتو بخصوص الإسم عندى ليك(Attendance Sheet) كامله من صيدله جامعة الأحفاد...أسرع قبل ما أسلم نتيجة الإمتحان....!

العزيز مكي..

عليك الرسول ألحقنا..

أي لستة .. بس قبل ما يخرجونا بالسلامة..

شكراً على الحضور..

ماشاء الله تبارك الله

اللون والشعر ديل حقات بت خالي
لكن النخرة حقتك

بعدين يا ود امي
مالك ما بتجيب التفاح؟
شوف عيني الوحمة مرقت فوق خد البنية

اسمع كلام سومة وود مكاوي
خلي امها التسميها
انت اتوحمت ولا فتحو ليك بطنك
ولا ماش تلولي وتسهر الليالي ؟
غايتو جنس حالة

بخييييييييييتة وسعيدة
وقديمها قديم خير اكيد

أماني بت أمي البريدها..

زغرودتك مالها ميتة كدي؟؟


أفو أفو أفو.. أنا ما بجيب التفاح؟؟

دي وحمة أم فتفت يا مطرطشة..

أم زفت دي قبل كدا جبناها في فطور جمعة كدا... وحاتك العشاء كلنا في الحوادث..

أها قلت لي بت خالك السنة دي ما في أم فتفت حتى لو تلدي ليك أبو القنفذ..

Quote: بخييييييييييتة وسعيدة وقديمها قديم خير اكيد

غايتو ما في داعي لكشف الحال..
هسي أمانة في ذمتك.. في زول بيلدوهو يوم 24؟؟ يعني الرواتب لسه..
والناس طالعة من رمضان والعيد.. والمدارس فتحت وغايتو..
النشوف قديمها قديم خير دي حدها وين؟؟

نجيك في السمح وجديد الوليدات..

تحياتي وصافي الوداد..

مبروك والف مبروك وان شاء الله تكون من الابناء الصالحين

ما شاء الله كل اسما اخونها بحرف الميم يعني شوفوا ليكم اسم بحرف الميم عشان ما تخرب النظام هههههههههههه

ميعاد
مودة
منار
ملاز
مها
مرام
ميادة
مشيرة
مني
ميساء
منجدة
مروة
ماجدولين
0
0
0
0

ما خليت اسم بحرف الميم ما قلتوا ليكم


تحياتي


سالي

سالي.. كيفك.؟؟

القائمة كلها رائعة والله..

كتر خيرك ونجيكم في السمح إن شاء الله

تابعوا معانا بس..

يا عمكـ
مبــ 1000 ـروك وحمد لله على سلامة أم العيال



بعدين شنو جديدة لنج .. اليومين دي بقى في مولود سكن هاند ولا شنو


أرشح: مـنـار

الف مبروك وان شاء الله تتربى فى عزكم

ود الصايم "المهكر"..

حمداً لله على سلامتك..

ونشكرك على الشعور والتواصل المقدر..

Quote: بعدين شنو جديدة لنج .. اليومين دي بقى في مولود سكن هاند ولا شنو

كدي خليني أكمل ضحكتي العالية دي وأشوف لي مخارجة من سؤالك "البرئ" دا..

قبل كدا كنت عايز تكتلني بالضحك لما قلت لزول كدا .. شنو كدا ما "فوق راسي الغليد دا"... لوووووووول..


بالمناسبة اقتراحك "منار" حلو برضو والله..


تسلم يا "عمك"..

مبارك المولودة
جعلها الله من بنات الوطن الصالحات البارات


ليلي ..

الاستاذمحمود
تحياتي
مبروك البنتوتة وربي يحفظها وتكون من بنات الوطن الناجحات
الاسم مسألة صعبة جدا ومن الحاجات المابيشاورا فيها صاحب الحق !!
انا عندي ولدين الاول سميتو اياس تيمنا باياس بن معاوية قاضي البصرة واحد اذكياء العرب وكان فلتة زمانه في الذكاء والفطنة حتى ان العرب لها مثل يقول " اذكى من اياس !"
الابن الثاني اسمته والدته وارف وهو اسم جميل ولافت اسما ومعنى
ولانو اولادك الله يحفظهم كلهم بحرف الميم انا في صف اسم مي
مي اسم جميل
ومبروك تاني وسلامة الزوجة

Mihaad

مبرررروك المولودة

مهــــــــــــــاب

مبروك ود المحمود ..
وانشالله تتربي في عز ك .. والف حمد علي سلامة المدام ..
بخصوص الاسم ..
الملاحظ ان كل الشباب .. متفقين علي ان يكون الاسم باديا بحرف الميم
عدي الاخ طلحه عبدالله .. اختار ( ليلي )!!!!
وانا سوف انضم الي الناس التي ذهبت الي الامبراطوريه ميم ..

(مريم )

سال الكريم ان يتولاها بحفظه يحميها من كل مكروه ويجعلها من بنات السودان الصالحات البرات
بوالديها

نبارك لك المولودة اسفيريا
بعد أن باركناها لك بالمستشفى
ونقول الف حمدا لله على سلامة المدام
على فكرة (منار محمد علي ياسين) في انتظار السماية


خارج الخط :
اليوم فقط استملت الباسوورد الجديدة من صاحب الحوش الكبير
بعد أن تم تهكيرنا وعدنا وانشاء الله العود أحمد
وسلام

الف الف مبروك المولودة اللنــــج
والف حمد الله على سلامة المدام
وتتربى فى عزكم
وما دام اتولدت ساعة صلاة العصر
السماية غــــــــدا ....

على فكرة انا امس باركت بمداخلة مشت وين ما عارف
ومعاها حق اللبن
واتصالين وما رديت ....

حمد لله ألف على السلامة .. وألف مبروك المولودة .. وإن شاء الله تتربى في عزكم .. مع فائق مودتي وتقديري

مبرووك وحمد لله على السلامة

مــــروه

إن الصفا والمروه من شعائر الله .......




هشام

مبروك تتربي في عزكم,

مياس
لين
ليان
لوجين
لوجن
ريم
نور
ميمنه

ألف ميروك الينت الجميله
وحمدلله علي سلامة أمها..

ويارب تلقوا اسم حلو تحيه هي ذاتها بعدين..

ألف مبروك المولودة ..

جعلها الله من الصالحات ..

الف مبروك
وتتربى في عزكم
اقترح
مريم
مرمر
مي

مبروك الأمورة وتتربي في عزك وجعلها الله من الصالحات المستورات البارات - هسع إسم هويدا دا مالو سميها هويدا والحلق والسماية علينا ولو ما عجبك الإسم دا ممكن مقل

Mahmoud Mustafa Mahmoud
الف مبروك البنية ..
شكرت الواهب ورزقت برها ..
اي اسم كويس بس ابعد عن تسمية هكر ..

مبروك المولودة وحمدلله على السلامة

جعلها الله لكم قرة عين

أبو مآب كيفنك...
انشالله طيب...
وحمدالله على سلامة الوليدات...
ومبروكة البنية تتربى في عزكم وعز الغاية إنشالله...

أهاااااااااااا أكان جينا لللسامي، انا طبعا بفتكر انو احسن اسمين في الدنيا إسم زينة وإسم إيمان...

أهة في كلام تاني؟؟؟؟؟؟؟؟؟؟؟؟؟؟




ست البنيـــــــــــات