قرعة كاس العالم 2010 جنوب افريقا ..

2 أكتوبر 2008:
كتب: عمر المطيري

--------------------------------------------------------------------------------

اجريت قبل قليل في مدينة زيورخ قرعة الدور الثالث والتصفيات النهائية لقارة افريقيا والمؤهلة لكأس العالم لكرة القدم عام 2010 والتي ستقام في جنوب افريقيا.


وقد اوقعت القرعة منتخبي مصر والجزائر مع زامبيا ورواندا بالمجموعة الثالثة فيما وقع المنتخب المغربي بالمجموعة الاولي مع الكاميرون والجابون وتوجو , فيما وقع المنتخب التونسي مع نيجيريا وكينيا وموزمبيق , فيما جاء المنتخب السوداني مع منتخبات غانا ومالي وبنين , فيما ضمت المجموعة الخامسة ساحل العاج وغينيا وبوركينا فاسو ومالاوي.

وفيما يلي جدول القرعة :



المستوى الأول
المستوى الثاني
المستوى الثالث
المستوى الرابع


المجموعة الأولى
الكاميرون
المغرب
الجابون
توجو

المجموعة الثانية
نيجيريا
تونس
كينيا
موزمبيق

المجموعة الثالثة
مصر
الجزائر
زامبيا
رواندا

المجموعة الرابعة
غانا
مالي
بنين
السودان

المجموعة الخامسة
كوت ديفوار
غينيا
بوركينا فاسو
مالاوي
ــــــــــــــــــــــــ
نتمني ان يكون السودان موجد و بقوة ..

مجموعتنا ...

المجموعة/ الرابعة - غانا -مالي- بنين - السودان

اتوقع انها مجموعة نوعا ما معقوله ممكن تكون مشاركتنا هذه المره جيده ..

يا كع هاك الترتيب قبل التصفيات ما تبدأ على مسئوليتي:

لعب فاز تعادل خسر له عليه الفرق النقاط
غانا 6 4 1 1 0 0 0 13
مالي 6 3 2 1 0 0 0 11
بنين 6 1 3 2 0 0 0 6
السودان 6 0 1 5 2 22 -20 1

يا معاذ ..
تعادل واحد بس ...

ما بطال ..

طيش المره دي ( حسب تصفياتك) .... احسن من طيش المرة الفاتت (ام تلاتات )

ـــــــــــــــــــــــــــــــ
انشالله هذا المره سوف تكون لنا كلمة واضحه

سلام يا كع
الله يستر والله
بما انو المجموعة متوازنة نوعا ما لكن برضو خايفين على أولادنا
المرة الفاتت وفي النهائيات الإفريقية كنا في المجموعة الثالثة
وخسرنا من زاميبيا بثلاثة
وخسرنا من مصر بثلاثة
وخسرنا من الكاميرون بثلاثة
وكل المباريات التي خسرناها كانت نتيجتها ثلاثة أهداف دون أن نسجل أي هدف في البطولة

المرة دي وقعنا في المجموعة الرابعة
الله يستر من الأربعات بس ههههههههه

كل الأماني للمنتخب بتقديم مستوى يفرحنا آمييييين يا رب
ولكن ليس الأماني هي التي تقود المنتخبات للفوز فلا بد من تعب ومجهود كبيرين لتحقيق ما نتمنى

وشدو حيلكم المرة دي

معتذ صباحك فل ..

Quote: المرة دي وقعنا في المجموعة الرابعة الله يستر من الأربعات بس هههههههه

لاااااااالاء انشالله مافي اربعات .. ولا ديم كوريا (دي احياء في مدينة بورسودان )

اكيد كل الاجهزة التي تدير امر المنتخب اكتسبت الخبرة كافيه من التجربه السابقه
واشالله سوف نظهر بمظر مشرف ..
فلتتكاتف الجهود لرفعة هذا البلد العظيم

اشكرك عزو

كع والعزيز معاذ

لو المنتخب بنفس العناصر في المشاركة الماضية تكون دي كارسه ياخي المنتخبات تبني لكل تصفية منتخب بالأعمار والمجهود ولكل مرحلة رجال سوي علي مستوي الأجهزة الفنية واللاعبين وحتي نوعية الجمهور ومدي الوعي والأستفادة من التجارب السابقة وربنا يستر لو العقلية هي نفس العقلية القديمة سوف يظلموا جيل بالكامل من اللاعبيين الذين سقلتهم التجارب بجانب الموهبة وأن تكون هناك موديل غير المازدا 89 وياريت يكون للكورلات الدفع الأمامي نصيب معلوم في التشكيل يا معاذ ولنا عودة.

،،،،أبوقصي،،،،

Quote: لو المنتخب بنفس العناصر في المشاركة الماضية تكون دي كارسه ياخي المنتخبات تبني لكل تصفية منتخب بالأعمار والمجهود ولكل مرحلة رجال سوي علي مستوي الأجهزة الفنية واللاعبين وحتي نوعية الجمهور ومدي الوعي والأستفادة من التجارب السابقة وربنا يستر لو العقلية هي نفس العقلية القديمة سوف يظلموا جيل بالكامل من اللاعبيين الذين سقلتهم التجارب بجانب الموهبة وأن تكون هناك موديل غير المازدا 89 وياريت يكون للكورلات الدفع الأمامي نصيب معلوم في التشكيل يا معاذ ولنا عودة

ابو قصي ..

اولا : لا يمكن لنا ان نترك المشاركه ... يجب ان نشارك لا كتساب الخبرة الاداريه والتدريبه
ثانيا : المشاركه هي التواجد والمواكبه ..و اذا انعدم تواجدنا سوف نتراجع الاف السنين في هذا المضمار ونتخلف اكثر مما نحنا عليه
ثالثا : كيف يمكن لنا تغير فهمنا الكروي .. في كل كوادرنا - ادارين - لاعبين - اعلامين - ومدربين .. لابد من المشاركه ..
رابعا : اذا افترضنا سرحنا كل الموجود الان من كوادر .. كيف ندير هذه الاعمار السنيه ونؤهلها وندربهم نفسيا و بدنيا ؟؟
خامسا : ابوقصي لا ظلم للجيل القادم ... الجيل الموجد الان لابد له من اكتساب الخبرات الاداريه - والفنيه - الاكاديميه .. للجيل القادم
سادسا : كل الموجدو الان لهم خبراتهم التي سوف تثمر فيما بعد بما فيهم ماذدا يا حبا
سابعا : المشاركه والتواجد
ثامنا : المشاركه والتواجد
تاسعا : المشاركه والتواجد
عاشرا : المشاركه والتواجد ... بالفي والمافي ..

ولا محال النصر قادم ... متين الله اعلم !؟

يا شباب السودان لم يتأهل لنهائيات كأس الأمم الأفريقية لسه
فقط تأهل للمرحلة الثانية من التصفيات ...

يعني التلاتات زااااتها يمكن ما نلقاها السنة الجاية ...

كع

ازيك

المجموعة متوازنة جدا بالنسبة لنا

على الاقل نحقق الترتيب الثالث للعب

للمرة الثانية على التوالى فى نهائيات

كاس أفريفيا.


ــــــــــــــــــــــــــــــــــــــــــ


معاذ ياخى متشائم خالص

ياخى نحنا بقى عندنا ثقافة الفوز

على ارضنا مهما كان حجم المنافس

سلام بابكر .. تحايانا لك وللاسرتك ..

Quote: المجموعة متوازنة جدا بالنسبة لنا على الاقل نحقق الترتيب الثالث للعب للمرة الثانية على التوالى فى نهائيات كاس أفريفيا

مش كدي بالله .. مجموعه تمام وناسه طيبين ..

وعشان ما كون طماعين الاول والتاني مااااا دايرنها

نشوف التالت .. الكحه ولا صمة الخشم ..ونكون للمرة التاني علي التوالي

في هذه المشاركه فطع شك حنكون احسن ..

وبعدين يا بابكر السودان مليان مواهب وناس بتعرف تلعب كورة .. ومن الان مفروض يلمو اللعيبه
دي مع الخبرات القديمه + شويه دعم من الدوله والناس العندها قروش وحبة مباريات خارجيه مع
اتيام قريبه من مستوي المجموعه بنضمن التالت والنهائي براااااااااااااااااااااااحه






وهذا ليس علي حسابـ المراحل السنيه !@!@!

Quote: يا شباب السودان لم يتأهل لنهائيات كأس الأمم الأفريقية لسه فقط تأهل للمرحلة الثانية من التصفيات ... يعني التلاتات زااااتها يمكن ما نلقاها السنة الجاية ..

خالد سلام قبل التهكير وبعده ايضا ..
ممكن نكون احسن الثوالث يا مان .. ونلعب في النهائي !

يعني بنين دي احسن مننا ؟؟

كع سلامات

المجموعه دى ماااااااا تستهون بيها

بعدين يا حلوين يادوب ده المستوى التالت من التصفيات

يعنى لسه المشوار ما بدا



بصراحه المرحله دى محتاجه خبره كبيره فى المنافسات الخارجيه

لكن اذا افترضنا ان شداد و ( شلته ) مصرين على المدرب الوطنى ..

انا شايف أحمد بابكر اقدر على قيادة المنتخب

واذا عايزين يرضوا ماذدا وما بقدروا على زعله ...

خليهم يمسكوه منتخب الشباب محل أحمد بابكر


نكته قديمه :

قال ليك واحد عايز يضرب تلاته تسعات (للطاره)

ضرب تلاته تلاتات رد ليه ماذدا

ماهي اسباب النقطة الواحدة وبتعادل فى الخرطوم مع بنين:
o المدرب مازدا.
o احسن لاعبين موجودين فى المنتخب هيثم والعجب ، معدل اعمارهم فوق ال 37 سنة .
o عدم وجود حارس مرمي بمستوي يليق بالمنتخب "المعز مستواه كويس لكن العقلية بتاعته ما بتساعدة"
o الدفاع شوارع خاصة اتخيل الدفاع:
ريتشارد احسن مدافع فى السودان بطئ الحركة ، موسي الزومة اسوء طرف شمال مرة على المريخ والسودان ، جوليت اكثر لاعب جلس احتياطي فى تاريخ الكورة ، سفاري "ابراهيم عطا جديد"سبب هزائم المنتخب فى غانا راجع جميع الاهداف نصفها اخطاء من سفاري ، امير دامر ما عند علاقة بالكورة، .
o عمر اعقل لاعب كورة فى السودان جسمه ما بساعدة فى وظيفة لاعب الارتكاز "قصير القامة + بطئ".
o هيثم تمبل بالتاء ما عندو علاقة بكرة القدم وهو احسن مهاجم فى السودان فى نظر السيد مازدا.
o مجاهد خفاج الطين ما عندو علاقه بالكورة.
o قلق ، كورنقو ، مهند احسن لعيبة موجودين فى السودان غير موظفين التوظيف السليم داخل الملعب.
o يا كع يا اخوي ببساطة "كورة دامو" كورة فى السودان مافي صديق .