|
|
 مسابقة ... جائزتها ثمينة ... يمكن لجميع أعضاء البورد المشاركة ... عدا محمد سني دفع الله ...!!.
|
- أحمد الله علي النفس
- علي النفس وحدو..
- وعليي العافية..
- وتاني
- تاني .. عليي علييي ...
- عليي أمونة
- أمونة دي منو آآ ... سليمان.
- بت عماً لينا..
- ما بعرفا .. وما شفتها... وصفها آآسليمان.
- ما بتشبه القمر البتاوق من سما ... ولا بتشبه البحر .. الخدار.. وجمالا ما حاق في غنا
- نان شن بتشبه
- مشيها زي قدل البشاير بي مهل .. وحديثها زي همس النسايم للنخل.. ايديها سابغن الورد وسلاما زي روقالجداول للأرض.
- الله يجازي محنك آآسليمان
- أمونة
- أيي
- أمونة
- أيي أأأسليمان
- عطشان بالحيل
- اسويلك ليموناً ساقط وسكرو كتير
- إلا في ماعوناً كبير شان أروى
- سمح آآآ سليمان
هذا الحوار جزء من مسلسل شهير قدم في رمضان من الرمضانات السابقة
- مااسم المسلسل
- من مؤلفه
- من المغني الذي أدى المقدمة والنهاية
- من هو سليمان البطل
- من هي أمونة البطلة
بس
تخريمة
هذا الحوار كتبه غيبياً يعني حافظه عن ظهر قلب وبالمناسبة أقول ليكم حاجة غريبة
كان لي صداقة لا تبارى في متابعة الراديو بالذات في مسلسلات رمضان بعد الموية وكان عندي مسجل ومعاه راديو في السودان وقد اعجبت بهاذ الحوار في المسلسل بالمساء وكان يعاد ثاني يوم بالظهر فسجلت هذا الحوار وظللت استمع له بتكرار حتى حفظته ، وقد شدني الوصف البديع لهذه الأمونة فسجلت هذا الحوار في شريط كامل بمنى كلما يكمل اعيد تسجيله إلى أن قفل سايدكامل وحفظته تماماً ، وبعد كدة فوجئت بالفنان أبو عركي البخيت يعمل من هذا الحوار أو جزء منه رمية أو مقدمه قبل أحدى اغنياته.
والله على ما اقول شهيد ولكني بحسي الفني ( ودي ما بشكر فيها نفسي ) لكني سبقت أبوعركي فيها.
تحياتي وشكري
أبو الجزل
|
|
 
|
|
|
|
|
| |
خالد حامد الجزولي
محمد سنى دفع الله
محمد الطيب حسن
خالد الجبل
فيس بوك
تويتر
انستقرام
يوتيوب
بنتيريست