في رحلةٍ " متميزةٍ " للسودانيين بطوكيو، يوم الأحد الماضي 20 أكتوبر بحدائق " شين أورياسو " بمحافظة شيبا المتاخمة لطوكيو، حلَّ فريقُ برنامج " مراسي الشوق " الذي يبث عبر الفضائية السودانية ، ضيوفاً كراماً على الجالية السودانية بطوكيوعاصمة اليابان ، لمدة أربعة أيامٍ تم خلالها إجراء العديد من اللقاءات التلفزيونية،لتبث - تباعاً - بدايةً من يوم الجمعة القادم الساعة الحادية عشرة مساءً بتوقيت السودان.
" ولمراسي الشوق أن تسعد بسودانيي أرض الشمس المشرقة أو الرائعون السمر.. تحياتي أستاذ منوت... "
* تشكراتي بلا حدودٍ أو موانع أستاذ سعد الدين عبد الرحمن على كلماتك الطيبات ، و مساعدتك في رفع هذا البوست الذي - ربما يكون ثقيلاً - إلا على من يعرف قيمته ! مرةً أخرى ، لك الود ، وكامل التحايا ، و نرجو لك متعةً " نهونجنية " هذا المساء ( الجمعة ) مع سوداني طوكيو حاضرة بلاد الشمس المشرقة ، و فريق مراسي الشوق .
إبننا(استاذنا الباقر يحي - في العلم بحرهم كما يحلو لي أن أسميه) يتوسط عمو احمد وعمو جعفر - وعينو في الزهور والورد المنتشر في حديقة أوراياسو ونفسو في الشية أمامه
السهرة كانت جميلةً ومميزة والاستاذ منوت بصوته الجميل .. كانت تشاهدها معاي ام العيال وكنا مستمتعين جداً إلا ان اتت لقطة النشاط الرياضي واصرت ام العيال انو دي ما طوكيو !! وباصرار شديد ( سجمي انا الجريف ما بأعرفها دي الجريف والوراهم داك النيل وبعدين مستحيل اليابان يكون فيها تراب ) ونتيجة لممارسة القمع الذكوري من جانبنا اصبح موقفها اقل شدة وقالت ( شوفو حقارة اليابانيين .. مالقو حتة احسن من دي يدوها للسوادانيين .. عاملة زي استاد الخرطوم قبل خمسة سنوات ). لكم ولكل الاهل في اليابان خالص الود
Post: #19 Title: Re: السودانيون بطوكيو ، يسعدون بمراسي الشوق Author: محمد عبد الماجد الصايم Date: 10-25-2008, 11:16 AM Parent: #1
تمام يا جماعة حلقة في السلكـ .. تابعناها من طقطق للسلامو عليكو
ما شاء الله عليكم
شفت عمكـ جعفر وهو عامل حكم في التمرين والزول القشوهو قدام القون ووقع داكـ وما حسبت ليهو بلنتي
لا لا.. كدا شحتفتونا!.. القنوات السودانية لا تصل ادنى الأرض بأخوي و أخوك، اذ تحتاج لموقع مرتفع أو متميز.. كما يحتاج هذا البوست لفيديو يدعم السرد.. تحياتي
" الوريف منوت يكون جميل لو نزلتو لينا اللقاء هنا لنسعد ونرسي معكم على المراسي تحياتي لجميع الرائعين بطرفكم "
* أبا نَوْفٍ ، يا أيها الصاحب " الأكسوميُّ " ، كامل الروعة ، أيها العماد الخليفة . سعدت بطلتك الحلوة ، و سنحاول إنزال ما يمكن مشاهدته حيّاً . كُن - دائماً - بخيرٍ يا صديقي " الوريف " في المنافي التي تبتلعنا!!.
" أخي الحبيب منوت الورد أسعد الله أوقاتك كانت أيام جميلة تلك التي أمضاها معنا الإخوة الكرام طاقم مراسي الشوق"
أستاذنا ، كاملَ التمييزِ الإنساني الباهر، أستاذنا جعفر إسماعيل، أبا صديقي - في الهروب - سيف أبي صلعه! أنتم الأحق بكل ما هو أجمل . فقد كانت رحلتي الأولى بينكم ، و كم طربت سعادةً بينكم و زملاء مهنتي الآسرة الأولى أبناء آل مايك !!
منوت يحاور أستاذنا جعفر إسماعيل في صفاءٍ ألقى بظلاله على سماوات " شين أورياسو " .
أحدث عريسٍ نواحي طوكيو الصديق بهاء الدين الهادي في قراءةٍ شعرية تحمل " كل الأوجه " و المعاني الآسرة! ترى إلى أين كان يتجه ؟ حتماً تجاه " الأهيفِ " من الحسان !!
Abzhana شكراً على هذا المرور الجميل ، و التعليق الرئع .
" السهرة كانت جميلةً ومميزة والاستاذ منوت بصوته الجميل .. كانت تشاهدها معاي ام العيال وكنا مستمتعين جداً إلا ان اتت لقطة النشاط الرياضي واصرت ام العيال انو دي ما طوكيو !! وباصرار شديد ( سجمي انا الجريف ما بأعرفها دي الجريف والوراهم داك النيل وبعدين مستحيل اليابان يكون فيها تراب ) ونتيجة لممارسة القمع الذكوري من جانبنا اصبح موقفها اقل شدة وقالت ( شوفو حقارة اليابانيين .. مالقو حتة احسن من دي يدوها للسوادانيين .. عاملة زي استاد الخرطوم قبل خمسة سنوات ). لكم ولكل الاهل في اليابان خالص الود "
* و قول لآم العيال : شكراً على ذوقك الرفيع وملاحظاتك الدقيقة ، و نتوقع ملاحظات أخرى في الحلقتين القادمتين.
الشاب " المتحمس " الباقر يحي ( دينمو الجالية ) ، و أستاذنا جعفر ، وشيخ أحمد رئيس الجالية.
حتما لم نكسب تسليط الضوء على الجالية السودانية هنا
وأفرادها ونشاطاتها
المكسب الحقيقي كان معرفة الفريق العامل
شكر الله ورفاقه هلاوي والرحيمة ولازم
الحلقة القادمة سيطل علينا فيها عمنا جعفروعمنا أبو الزهور
أمسكوا الخشب "
* و لآنك شابٌ ضليع في كل ما يتصل بوسائل الاتصال و تكنولوجيتها، أتمنى أن تلبي طلب صديقنا " الآكسومي " العماد خليفه آل فلوب ! نزل لينا شوية فيديو " مصلح " بقدر المتاح .
زهرات ( ساكورات ) زميلنا الفنان أكرم الأشقر . هؤلاء الساكورات "السويابانيات" أضفن بعداً جميلاً آخر للرحلة . حفظهن الله لأبيهن وأمهن وللسودان واليابان.
" تمام يا جماعة حلقة في السلكـ .. تابعناها من طقطق للسلامو عليكو ما شاء الله عليكم شفت عمكـ جعفر وهو عامل حكم في التمرين والزول القشوهو قدام القون ووقع داكـ وما حسبت ليهو بلنتي الله يديكم العافية ويجمعكم دائما مع بعض "
* شكراً جزيلاً على المرور و التعليق ، يا أستاذ محمد عبد الماجد الصايم .
و تتوالى احتفالات السودانيين بطوكيو . و ها هم يحتفلون بالعريس بهاء الدين و عروسته هيفاء بالمطعم الإيراني في قلب طوكيو بتلال رُوبونجي .
الشيخ بركيه ، يقود فرقة " عُمد طوكيو " في وصلةٍ غنائية ذات أصولٍ ترجع إلى " الزمن البراح " في السودان. من اليمين عضو البورد ديامي ، خلفه أبو الزهور أحد العمد، وشيخ أحمد رئيس الجالية، وأستاذنا جعفر إسماعيل عضو البورد، و الشيخ بركية صاحب الروح الحلوة ، و عبد الرحمن الرجل الرياضي الفنان .
لقد اخبرتني الاخت فاطمه البصيري بتلك السهره الجميله والتي تمت اعادتهافي الخامسه صباحا والثانية عشر ظهرا بتوقيت السودان يوم 26 اكتوبر...
كم كنت مدهشا ايها الاعلامي المميز وصاحب الصوت الدافي منوت.. والاخ محمد عمر كان قمة الدهشه للمشاهدين ..
ايضا اعجبتني كلمة الاستاذاحمد البشير والاخ عثمان بركيه وابنته والحوار معها باللغه اليابانيه ..
وايضا الحوار كان جميلا مع سعادة السفير باليابان..وكابتن عبدالرحمن...وسومي...
نتمني ان نري الجزء المتبقي في الحلقات القادمه وان نري بقيةاعضاء الجاليه بقيادة ديامي والاستاذ جعفر وسيف جعفر وابوالزهور والاستاذ بهاء,,والبوردابي الصديق حيدر ميرغني وبقية الجاليه ..
اتمني ايضا ان تكون الحلقات تضمنت لقاءات للسودانين في المدن الاخري وخاصة اوساكا ...
" منوت ايها السيامي العجيب.. لقد اخبرتني الاخت فاطمه البصيري بتلك السهره الجميله والتي تمت اعادتهافي الخامسه صباحا والثانية عشر ظهرا بتوقيت السودان يوم 26 اكتوبر... كم كنت مدهشا ايها الاعلامي المميز وصاحب الصوت الدافي منوت.. والاخ محمد عمر كان قمة الدهشه للمشاهدين .. ايضا اعجبتني كلمة الاستاذاحمد البشير والاخ عثمان بركيه وابنته والحوار معها باللغه اليابانيه .. ايضا الحوار كان جميلا مع سعادة السفير باليابان..وكابتن عبدالرحمن...وسومي... نتمني ان نري الجزء المتبقي في الحلقات القادمه وان نري بقيةاعضاء الجاليه بقيادة ديامي والاستاذ جعفر وسيف جعفر وابوالزهور والاستاذ بهاء,,والبوردابي الصديق حيدر ميرغني وبقية الجاليه .. اتمني ايضا ان تكون الحلقات تضمنت لقاءات للسودانين في المدن الاخري وخاصة اوساكا ... كل التحايا(هاري قاتو) " .
و لك مثلما نتمنى لأنفسنا و للأحباب !
من اليمين : الأستاذه نسرين ( مسؤول المرأة بطوكيو ) ، الأستاذ " النجم " محمد عمر ، منوت ، والأستاذ أكرم الأشقر .
Post: #37 Title: Re: السودانيون بطوكيو ، يسعدون بمراسي الشوق Author: محمد عثمان محمد طه Date: 11-01-2008, 07:07 AM Parent: #36
سلام دكتورنا حسن دوكه ما شاء الله طوكيو رجعتك 20 سنه لي وراء
تحياتي
Post: #38 Title: Re: السودانيون بطوكيو ، يسعدون بمراسي الشوق Author: Mekki M Alhassan Date: 11-01-2008, 07:28 AM Parent: #37
الاخ منوت سلام لك وللاخوة والاخوات في اليابان شاهدت الحلقة ( مراسي الشوق ) اليوم الجمعة 31 أكتوبر 2008 وبكيت ؟! ما عارف ليه.. لكنها ( الغربة ) عن الوطن الام ..السودان تفعل بنا ما لا نعرف تفسيره... غير انه..ذلك .. كل الحب والمحبة للسودان والسودانيون في أي مكان.. أدمعت عيناي عندما سمعت كلام الاخ ( التونسي ) عنكم وتداعت ذكرياتنا ( شخصي وزوجتي ) ..
سلامي للجالية السودانية باليابان ..
Post: #39 Title: Re: السودانيون بطوكيو ، يسعدون بمراسي الشوق Author: خالد عبد الله محمود Date: 11-01-2008, 09:15 AM Parent: #1
والله يا ناس طوكيو أنتو حلوين و حلقتكم كانت حلوة ...
أنا طبعاً جني و جن برنامج المغتربين ده لأنو بيكون فيهو كمية من العباطة ما عادية .. لكن بالجد حلقتكم كانت حلوة و أول مرة أكمل الحلقة للنهاية..
" سلام دكتورنا حسن دوكه ما شاء الله طوكيو رجعتك 20 سنه لي وراء
تحياتي " .
* كون طوكيو ترجعني عشرين " حولاً " فهذا كلامٌ لذيذٌ كما العنكوليب ! و كونني رجعتُ هذه السنوات ، فبالتأكيد عليكم بـ " بلِّ الرأسِ " ، و اتخارجوا سريع !! لك الود ايها الرجل الصريح ، و نلتقي على مساحاتٍ أُخر تُرجعنا إلى ما نحب من ترابٍ و وطن !!!
أستاذنا مكي محمد الحسن ، لك ولزوجتك الكريمة الود أصفاه ، و كامل ما تشتهيانه.
" الاخ منوت سلام لك وللاخوة والاخوات في اليابان شاهدت الحلقة ( مراسي الشوق ) اليوم الجمعة 31 أكتوبر 2008 وبكيت ؟! ما عارف ليه.. لكنها ( الغربة ) عن الوطن الام ..السودان تفعل بنا ما لا نعرف تفسيره... غير انه..ذلك .. كل الحب والمحبة للسودان والسودانيون في أي مكان.. أدمعت عيناي عندما سمعت كلام الاخ ( التونسي ) عنكم وتداعت ذكرياتنا ( شخصي وزوجتي ) ..
سلامي للجالية السودانية باليابان " .
* إنَّ لعينيكَ عليكَ حقَّاً - في البكاء - فرحاً بمعدنِ السوداني الذي لا يتقاصرُ عن " سودانويته " مهما حاصرته آفاتُ الزمن ! كلنا نسعدُ - بكاءً - حالما نسمع كلمةً صادقةً في حقِّ الأهل اينما كانوا ، مثلما نحزن - بكاءً - حينما تنتاشُ أهلينا - في السودان - نشنكاتُ الزمنِ الرديء !! لك الود و لزوجتك ما بقيَ فينا ( نحن السودانيين ) هذه الروحُ الآسرة !!!
الأستاذ خالد عبد الله محمود ، لك منا كامل التشكرات بلا حدود أو موانع ، و أنت تخصنا بوقتك الجميل مشاهداً حلقات سوداني طوكيو .
" والله يا ناس طوكيو أنتو حلوين و حلقتكم كانت حلوة ... أنا طبعاً جني و جن برنامج المغتربين ده لأنو بيكون فيهو كمية من العباطة ما عادية .. لكن بالجد حلقتكم كانت حلوة و أول مرة أكمل الحلقة للنهاية.. ربنا يحفظكم إنشاء الله " .
* و أنتَ الأحلى ايها الخالد ، و نيابةً عن سوداني طوكيو أبادلك الود ودين ، و حفظ الله مرتين .
و تابعنا الحلقة القادمة ، وحلقة العيد . لك المتعةُ كلها ، و الشكر أجزله على كلماتك الرائعات .
سعد الدين عبد الرحمن ، يا بن استاذنا الحميم الهميم !
" يا سلام على هشام و محمد عمر تحياتي للشباب الرائعين ديل بالله يا أستاذ منوت.
.Still waiting for the vedeo "
* لك الود ما شاء توق نفسك إليه ، و هذان الرجلان " الشابان " محمد عمر وهشام ، قد أضاءا مساءات ونهارات طوكيو والسودان ! و نقول لك : " ما زلنا ننتظر الفيديو أيضاً " !!
" سلام يا حلوين أمس استمتعنا ببقية سهرة مراسي الشوق اليابانية الأصلية أظرف مافي الموضوع: أمي الله يسلما قاعدة تتفرج معاي والجماعة شغالين: لي في اليابان 17 سنة لي في اليابان 40 سنة (عمكـ جعفر) لي في اليابان 15 سنة المهم لحدي ما جو ناس لي في اليابان 10 سنوات! الحجة عاينت لي كدا وقالت لي: ياخ ديل جُــداد "
* سلامٌ جميلٌ للحاجه ، و قول ليها : " اخونا منوت ليهو ستة أشهر فقط " في هذه البلاد ، و إمكن يجيكم سنة 2028 و يقول ليهو في طوكيو سنتين !!
" يا حبيب منوت فشلت في كل المرات ولم احضر اي جزء هل هناك إعادة؟؟ اخبرونا بالمواعيد لك ودي لأبو المر وكابتن كبلو "شايفو مالي الصورة" سلام " .
* على حسب معلوماتي ، سيعاد البرنامج ( مراسي الشوق ) على الفضائية السودانية غداً الأحد ( ما بين الساعة الحادية عشرة والثانية عشرة ظهراً ) بمواعيد السودان . و سوف تتواصل حلقات البرنامج ( نسخة طوكيو ) للأسبوع القادم مساء الجمعة الحادية عشرة مساءً بالسودان . وهناك حلقة خاصة تبث في عيد الأضحى المبارك بعنوان : الدبلوماسية والسلام .
" جالية جميلة في بلد جميل شاهدت لقطات من البرنامج حين كان أستاذنا جعفر يتحدث عن صعوبة اللغة اليابانية وتعلمها . سعدت جدت بمشاهدة عم جعفر ربنا يملاه عافية ويطول في عمره وأعماركم جميعاً بجاه من بيته في طيبة حرم صلى الله عليه وآله وسلم . تحياتي وتقديري لصاحب البوست وللجالية السودانية في إمبراطورية الشمس الرائعة" .
* و لك منا ما يتمناه المرءُ لنفسه وأهله . و أستاذنا ( عم جعفر ) أجملنا واليودانيين على الاطلاق !! له العافية مجملها ، و الحب كله ، و نحن أكثر السودانيين سعادةً برفقته .
صدفة كنا أمام الشاشه ومعنا الشاب اليانع رزين فأطللت ببهي طلتك وسموق قامتك فتصايحنا سحر وأنا (حسسسسسسسسسسسن دوووووكه) فسألنا رزين بتعرفووووه .. قلنا له بل هو لك أب.. وعم.. وخال.. ولك في قلبه مكان وفي حياته سيره .. وأخرجنا له بعض من صور جمعت بينكما وهو يحاول المشي!!إنها الأيام.. ثم سعدنا بالجميل الأخ صلاح (ديامي) ودارت الأيام الخوالد فى الفكره ويالها من أيام..تمن مالوري.
سعدنا كثيراً، وإطمأنت قلوبنا بأنه مازال فى السماء قمراً تتلألأ حوله النجوم..
وعدت بالأتصال لتمنحنا طرق الإتصال بك ومازلنا فى الإنتظار
رفيقنا - في بلاد الساموراي - ، الرجل " الجبلي - الجميل ، جعفر سومي ، يا حفيد " مندي " بنت عمنا السلطان عجبنا !
" دكتورنا الجميل/ حسن دوكه متابعين البوست عن قرب دايرين ندخل لكن المشغوليات كثيرة سوف نتحكر ونقعد في هذا الككر قريبا جعفر سومي طوكيو"
* كنتُ نويتُ مغادرة مغازلة أصابعي لكي بورد البوست ، و لكنك و صديقي ابو رزين " عزيز خطاب " أعدتان لي الحيوية في الكتابة !! أسعدُ بمداخلاتك ، خاصةً في هذا البوست الحيوي المؤثر فينا وفي أهلينا " قدر استطاعتهم " ، و ننتظرُ الصور !!!
و بهذه المناسبةِ ، أرجو من المهندس بكري أبو بكر ( عمدة سودانيز أون لاين ) منح سودانيِّ طوكيو - على الأقل - خمس بطاقات إشتراكٍ بسودانيز أون لاين . فما رأيك ، أخي سومي ؟
التحية لك أخي منوت استمتعنا بها كأجمل سهرة وأجمل جالية على مستوى العالم - للجاليات السودانية. لم أكن أتخيل أن هنالك زواج ياباني / سوداني - بس اليابانبة بخيلة بمعني توريثها لكل جيناتها لأبنائها والسمر لم يكن لهم النصيب المقدر من ذلك ... أخي منوت بسأل عن الأخ عبد الله (عبده) خضر .... من أبناء الأبيض - مقيم في اليابان منذ التسعينات ... وهل هنالك تلفون له - نرجو كم ما أمكن ذلك ولكم منا فائق التقدير والاحترام ... عثمان-
دكتور حسن دوكة،، لقد كانت سهرة رائعة جدأ تليق بقامات المهاجرين باليابان،، كانت من اجمل سهرات مراسي الشوق،،، وزادها هادا البوست القاً بكتاباتكم الرائعة،، ولكن افتقدنا الخلوق حيدر حسن ميرغني،، اين هو من هذه السهرة ومن البورد على وجه الخصوص،، افتقدناهو كثيرا،، لكم التحايا والتوفيق في حياتكم،،
فتح الباري
Post: #82 Title: Re: السودانيون بطوكيو ، يسعدون بمراسي الشوق Author: هيثم عبد الله القاسم Date: 11-12-2008, 06:39 PM Parent: #59
فوق
Post: #83 Title: Re: السودانيون بطوكيو ، يسعدون بمراسي الشوق Author: هيثم عبد الله القاسم Date: 11-12-2008, 06:55 PM Parent: #82
أيها الحبيبُ ، العزيزُ ، ابن توتي ، هذا العزيزُ الخطاب ! " دواك ياجميل ياليموني الشوق والشوق والشوق صدفة كنا أمام الشاشه ومعنا الشاب اليانع رزين فأطللت ببهي طلتك وسموق قامتك فتصايحنا سحر وأنا (حسسسسسسسسسسسن دوووووكه) فسألنا رزين بتعرفووووه .. قلنا له بل هو لك أب.. وعم.. وخال.. ولك في قلبه مكان وفي حياته سيره .. وأخرجنا له بعض من صور جمعت بينكما وهو يحاول المشي!!إنها الأيام.. ثم سعدنا بالجميل الأخ صلاح (ديامي) ودارت الأيام الخوالد فى الفكره ويالها من أيام..تمن مالوري. سعدنا كثيراً، وإطمأنت قلوبنا بأنه مازال فى السماء قمراً تتلألأ حوله النجوم.. وعدت بالأتصال لتمنحنا طرق الإتصال بك ومازلنا فى الإنتظار عزيز ورفاقه المشتاقين " .
* و أنا أشتاقُ إليكم " قرماً " يا حبيب !!
سلامٌ جميلٌ لأسرتك ( أسرتي ) الجميلة .
Post: #65 Title: Re: السودانيون بطوكيو ، يسعدون بمراسي الشوق Author: جعفر سومي Date: 11-06-2008, 07:50 AM Parent: #64
الحبيب منوت
نثني على اقتراحكم الجميل بزيادة عضوية بورداب طوكيو لك بعض الصور لزوم التوثيق
أخوان أعزاء أكرمنا الله بمعرفتهم الأستاذ هلاوي, المبدع شكرالله, الرائع لازم, الخلوق الرحيمه
Post: #66 Title: Re: السودانيون بطوكيو ، يسعدون بمراسي الشوق Author: جعفر سومي Date: 11-06-2008, 07:57 AM Parent: #65
أدام الله البسمة والأفراح
Post: #67 Title: Re: السودانيون بطوكيو ، يسعدون بمراسي الشوق Author: جعفر سومي Date: 11-06-2008, 08:06 AM Parent: #66
أمسية رائعة مع الأستاذ عمر إحساس والذي افتقدنا حضوره مع بعثة مراسي الشوق
Post: #68 Title: Re: السودانيون بطوكيو ، يسعدون بمراسي الشوق Author: جعفر سومي Date: 11-06-2008, 08:11 AM Parent: #67
الاخ منوت احسن حاجة في الغربة اللقاءات الاجتماعية زي دي لانها بتقوي الصلات والروابط بين ابناء الوطن في المهجر ان شاء الله ربنا يديكم السعادة دائما وتكون ايامكم كلها افراح. عندنا كمان في زامبيا جالية سودانية صغيرة ومترابطة ومتعاونة للغاية عبرك اتقدم بخالص التحايا لكل افراد الجالية السودانية باليابان الاخ العزيز جعفر سومي سعدت جدا بلقائك في هذا المنبر.
دمبيك
لوساكا
Post: #70 Title: Re: السودانيون بطوكيو ، يسعدون بمراسي الشوق Author: جعفر سومي Date: 11-07-2008, 09:44 AM Parent: #69
الأخ\دومبيك ياي سعدنا وتشرفنا كثيرا بمرورك الجميل تحياتي لجميع سودانيي زامبيا
الأخ\ بكري الظاهر حمى الهكر ميكافيلي مازالت أثارها تحوم حوالي المنبر!!! الصوره الفي البروفايل بتاعي دي والله ماعارف جات من وين بالله أعمل لي تعارف مع الناس ديل باقي شكلهم مروقين وضاربين الزلابية بالله لو في واحد بعرف أي واحد من التلاتة ديل سلم عليهو الصورة دي حتظل موجوده لحدي مايتم التعارف
" رد الله غربة الجميع سالمين وغانمين وادام ودكم و تلاحمكم. الأخ منوت صاحب القلم الرشيق و الكلمة الانيقة، سعدت جداً بهذا البوست الجميل. دمتم موفري الصحة و تحايا خاصة للأستاذ جعفر اسماعيل" .
* ردَّ الله غربتنا جميعاً سالمين غانمين !! و هل لنا من " شوفه " على مستنقعاتِ بانكوك ؟
الأخ العزيز عثمان محمدين ، كامل الشكر لك ، ولإطرائك على الجالية السودانية بطوكيو .
" التحية لك أخي منوت استمتعنا بها كأجمل سهرة وأجمل جالية على مستوى العالم - للجاليات السودانية. لم أكن أتخيل أن هنالك زواج ياباني / سوداني - بس اليابانبة بخيلة بمعني توريثها لكل جيناتها لأبنائها والسمر لم يكن لهم النصيب المقدر من ذلك ... أخي منوت بسأل عن الأخ عبد الله (عبده) خضر .... من أبناء الأبيض - مقيم في اليابان منذ التسعينات ... وهل هنالك تلفون له - نرجو كم ما أمكن ذلك ولكم منا فائق التقدير والاحترام ... عثمان- " .
* سنوصل أخبارك للأخ عبد الله خضر ، وهو _ أعتقد - من متابعي سودانيز أون لاين .
الأخ العزيز فتح الباري ( الحوت ) ، شكراً جميلاً على هذه الكلمات بحق سهرتنا .
" دكتور حسن دوكة،، لقد كانت سهرة رائعة جدأ تليق بقامات المهاجرين باليابان،، كانت من اجمل سهرات مراسي الشوق،،، وزادها هادا البوست القاً بكتاباتكم الرائعة،، ولكن افتقدنا الخلوق حيدر حسن ميرغني،، اين هو من هذه السهرة ومن البورد على وجه الخصوص،، افتقدناهو كثيرا،، لكم التحايا والتوفيق في حياتكم،، فتح الباري "
* أما الأستاذ حيدر حسن ميرغني ، فسنواليك بأخباره قريباً . نججد التحايا والتشكرات .
Post: #79 Title: Re: السودانيون بطوكيو ، يسعدون بمراسي الشوق Author: هيثم عبد الله القاسم Date: 11-12-2008, 01:49 PM Parent: #78
والله كلام عجيب
يعنى الواحد يسافر بى جاى وتعملوا الحاجات الحلوة دى ...
شوق شديد للناس الهناك كلهم ولى تمارين الصالة والمناكفات اللذيذة
لى قدام
Post: #80 Title: Re: السودانيون بطوكيو ، يسعدون بمراسي الشوق Author: هيثم عبد الله القاسم Date: 11-12-2008, 01:50 PM Parent: #78
والله كلام عجيب
يعنى الواحد يسافر بى جاى وتعملوا الحاجات الحلوة دى ...
شوق شديد للناس الهناك كلهم ولى تمارين الصالة والمناكفات اللذيذة
لى قدام
Post: #81 Title: Re: السودانيون بطوكيو ، يسعدون بمراسي الشوق Author: هيثم عبد الله القاسم Date: 11-12-2008, 02:10 PM Parent: #78
والله كلام عجيب
يعنى الواحد يسافر بى جاى وتعملوا الحاجات الحلوة دى ...
شوق شديد للناس الهناك كلهم ولى تمارين الصالة والمناكفات اللذيذة
سلامات العزيز منوت وتحايا برائحه الدعاش وعطر الصندل حلوه كما العنكوليب زى ما بتقول اولا اهنئكم على هذا العمل الاعلامى الرائع بروعه كل السودانين الموجودين ب اليابان حقيقه انا شاهدت الجزء الاول بالتلفزيون وكنت امنى نفسى بشوفتك وبعد طول غياب من ايام ماليزيا ولكن برضو عزانا فى الصور النزلت فى البوست هنا وحقيقه ما شاء الله زى ما قال واحد من الاخوه اليابان رجعتك عشرين سنه وبالفهم ده اقوم انا اقطع لى تذكره ولسع باقى شهرين فى تاشره اليابان الما سافرت بيها ليكم عشان اصغر سنى شويه وزى ما عارف ضروره وجاهه الفنانين والخمسين على الابواب وشكرا اخ جعفر على الصوره الذكرتنا تلك الاكسيه الرائعه بوجود الاخ اللازم من تلفزيزن السودان رجوعى السودان 19 فبراير ولى قدام
" سلامات يا دكتور واسف جدا للصور الماعندها علاقة بالموضوع لكن الواحد ما صدق لقى ليهو حاجة من ريحة الناس السمحين. سبحات الله اليابان دى تكون فيها تفترك وتشتهى النوم وتفوت منهاتشتاق ليها. التحية للآخوان فى مراسى الشوق وانشاالله المرة الجاية نكون من المشاركين. لى قدام " .
* لا عليك يا صديق ، واصل في صورك التي تمثل لنا - في طوكيو - قمة التوثيق . سعيدٌ أنا بمداخلاتك .
صديقنا العنكوليبي ، أيها الرجل الفنان ، عمر إحساس ، العامر بجميل الإحساس .
" سلامات العزيز منوت وتحايا برائحه الدعاش وعطر الصندل حلوه كما العنكوليب زى ما بتقول اولا اهنئكم على هذا العمل الاعلامى الرائع بروعه كل السودانين الموجودين ب اليابان حقيقه انا شاهدت الجزء الاول بالتلفزيون وكنت امنى نفسى بشوفتك وبعد طول غياب من ايام ماليزيا ولكن برضو عزانا فى الصور النزلت فى البوست هنا وحقيقه ما شاء الله زى ما قال واحد من الاخوه اليابان رجعتك عشرين سنه وبالفهم ده اقوم انا اقطع لى تذكره ولسع باقى شهرين فى تاشره اليابان الما سافرت بيها ليكم عشان اصغر سنى شويه وزى ما عارف ضروره وجاهه الفنانين والخمسين على الابواب وشكرا اخ جعفر على الصوره الذكرتنا تلك الاكسيه الرائعه بوجود الاخ اللازم من تلفزيزن السودان رجوعى السودان 19 فبراير ولى قدام "
* يا مراحب بك في طوكيو يا جميل ، سنكون على تواصل يا أيها العطر الصندلي العجيب !!
