Post: #1
Title: باولينو البرازيلي يعتدي على المحامي مروان العبادي
Author: DKEEN
Date: 10-20-2008, 08:18 PM
Parent: #0
بداية اود ان اقول انني ظللت ولمدة خمسة ساعات متواصلة ابحث عن اول رحلة الى الخرطوم خلال اول امس الليلة فما فلحت ..
وساءني ان افشل فيما سعيت..
فصررتها في نفسي وكنتُ كما البري حين يتكالب عليه شهداء زور..
تعرض صديقي العزيز مروان العبادي لاعتداء سافر من لاعب المريخ باولينو البرازيلي الجنسية وسائق سيارته
اعتداء قبيح الشكل ووقح ..
اسفرت تلك الهجمة على آلام نفسية وصراعات لم يكن صديقي بحاجة اليها ..
ولشد ما آلمني ان اظل بعيدا عن محنته ..
ظللتُ اردد مساء اول امس وانا اتابع خطوط الطيران المتجهة الى السودان :
والذي نفسي بيده لو ان مكروها اصاب ود العبادي لياتنكم مني الحق الذي حدتم عنه من جهات تحسبونها واخرى تتلبس عليكم..
ولاردن لكم قبيج فعلكم باشنع مما سولت لكم انفسكم في تعاليها ووقاحتها وعدم احترامها لنفسها ولقوانين البلاد وانظمتها وكريم المعتقد..
والقصة كالاتي كما وردت في رسالة من العزيز مروان وهو في طريقه مربوكا الى العيادة النفسية :
مروان معدي بي عربتو قدام فندق فالكون في وسط الخرطوم ..قال في يومية التحري الخاصة بنا نحن اصدقائه:
وجدت نفسي وجهاً لوجه مع عربة جياد تعكس الشارع وترسل ضوءاً آمراً توقفت لدراسة الخيارات لم اجد سوى رد الضوء بمثله فإذا به يقع على
فتى ابيض اللون ثلث عارٍ ليستشيط غضباً ويخرج رأسه ويشتمني كما الأفلام وبنفس لغتها ويشير بسبابتة في اشارة لمعنى بذئ فوجئت، فإذا
بسائقة السوداني يترك سيارته ويقول لي عامل قليل ادب امسك بتلاليبي حتى مزق قميصي وانا احاول ان اتخارج من العربة كما كان يريد أبي
وناس القسط والمعلم عبدو وشُمات تذكرهم امي أحياناً،،، انضم اليه الفتى الابيض فتذكرت قوش مباشرة والمعونة الامريكية والسفارات وتساءلت
ياربي الخواجة دا مافرزني؟ حاولت ان استعين بهاتفي للاستغاثة وحاول السوداني منعي بشراسة رميت بالهاتف بعيداً داخل العربة .. تدخل
الحجازيين وهم يضربون دُبر العربية... اتخارج انسى الناس ديل اطلع ،، سمعت الكلام وتحركت لأتصل بالشرطة وسردت الحادثة ل999 الذين
ركزوا في السؤال على خواجة يعني جنسوا شنو؟ قلت ليهم مابعرف وعندما وصلنا اخبرنا المارة بأنه باولينو البرازيلي تذكرت عمارة النيل
الأزرق للتأمينات التي قضيت فيها سنوات تدريبي في المحاماة ، والتى كانت تضم قنصلية البرازيل وقنصلها الفخري مصطفى عبادي،،،،
تذكرت العلم البرازيلي المتدلي فوق سارية عرضية وكنت انظر الى العلم بإلفة لم اجد لها تفسيراً وكنت قبل ذلك ألفت زملائي للعلم في
سذاجة وعفوية ونحن على التكسي التعاوني بعضهم يسألني دا علم وين اقولها باعتداد البرازيييل،،،
تنهدت طويلأ ورجال المباحث يلقون القبض عليهم واعتبرت ذلك نهاية فصل في حياتي وقع عليه البرازيلى باولينو وسائقة...
عدت الى مكتبي وفي الطريق نظرت الي العلم تصوروا انه استبدل بعلم المكسيك ولا اتخيل لي ما عارف....
نهلة هاتفتني منزعجة : ... يعني ما قدرت تدق فيهم زول؟؟
ربما سيكون هذا سؤال المرحلة الجاية في حياتي... حا اقدر ادق زول؟؟
اخوك مروان العبادي
فصل من يومية (ماقدرتا ادق فيهم زول) صفحة 747
انتهت الرسالة...
ـــــــــــــــــــــــ
باولينو :
نحنا جيناك بوينس ايرس سالناك في حلتكم؟؟
جايبنك تعكس كورتك ولا تعكس الشوارع وتضارب المحامين؟؟
انتا ماتعال ندخلك الكلية الحربيةوكت مافي شي مالي عينك؟!
اصلو الدخلوها قبلك مابملا عينم إلا التراب..
|
Post: #2
Title: Re: باولينو البرازيلي يعتدي على المحامي مروان العبادي
Author: Mohammed Elhaj
Date: 10-20-2008, 09:23 PM
Parent: #1
hey man, are you sure you're DKEEN
this is not DKEEN's Wording
|
Post: #3
Title: Re: باولينو البرازيلي يعتدي على المحامي مروان العبادي
Author: محمد عبد الماجد الصايم
Date: 10-20-2008, 09:25 PM
قادر الله
أول مرة أشوف دكين بكتب في الكورة!!
|
Post: #10
Title: Re: باولينو البرازيلي يعتدي على المحامي مروان العبادي
Author: DKEEN
Date: 10-21-2008, 09:52 AM
Parent: #3
الصايم
هي وينا الكورة دي؟؟!
..
حتكون لباس كده لي متين؟؟
|
Post: #4
Title: Re: باولينو البرازيلي يعتدي على المحامي مروان العبادي
Author: عزاز شامي
Date: 10-20-2008, 09:35 PM
Parent: #1
مروان عبادي غلتان
|
Post: #5
Title: Re: باولينو البرازيلي يعتدي على المحامي مروان العبادي
Author: haroon diyab
Date: 10-20-2008, 09:39 PM
Parent: #4
وحاتكم.....!!!
وبي حليفته....!!!
دكين مابعرف حارس المرمي
من المهاجم
قال دكين ....قال....!!!!
دكين صاحي ليك لي حسع
الزحمممممممممممممممممممة
والشوارع ضييييييييييييييقة
والشغل جديييييييييييييييييد
العب غيره ياعمكــ
|
Post: #6
Title: Re: باولينو البرازيلي يعتدي على المحامي مروان العبادي
Author: محمد عثمان
Date: 10-20-2008, 10:29 PM
Parent: #5
Quote: الزحمممممممممممممممممممة
والشوارع ضييييييييييييييقة
والشغل جديييييييييييييييييد
العب غيره ياعمكــ |
|
Post: #7
Title: Re: باولينو البرازيلي يعتدي على المحامي مروان العبادي
Author: حمد فتح الرحمن
Date: 10-20-2008, 11:03 PM
Parent: #1
اخر الزمن مقاطيع السجم و البرازيل و ابناء الشوارع جو عملو فينا ناس ، و بضربوا اسياد البلد ،
غلطان البقاك بني ادم بعد ما كان بني حواري .
| Quote: نحنا جيناك بوينس ايرس سالناك في حلتكم؟؟ |
دكين قصدك تقول برازليا موش ؟
|
Post: #8
Title: Re: باولينو البرازيلي يعتدي على المحامي مروان العبادي
Author: DKEEN
Date: 10-21-2008, 08:42 AM
Parent: #7
حمد امبس
تخيل جا الاسمو ابراهومة بتاع المريخ داك جا فكاهو بي الضمان الشخصي بعدمدة قصيرة من الحجز..
الغريبة الراجل نكر انو هاجم ود العبادي ..
يعني زي الانحنا ماعندنا شغلة كده..
بس اخترناهو هو من بين (وات إفر) خواجي في الخرطوم عشان نتبلط فيهو..
لا ادري لما تاتينا المشاكل حين نسعى لكي نكون اكثر ِسلما..
بالمناسبة مروان عامل ماجستير في السلام ..
يعني يستحيل يتلبط حسب منطق الاكادميات..ومنطق ابناء الجامعة شديدي التهذيب ..
|
Post: #9
Title: Re: باولينو البرازيلي يعتدي على المحامي مروان العبادي
Author: حمد فتح الرحمن
Date: 10-21-2008, 09:48 AM
Parent: #8
Aba dOl ampes doha dan ten danri dan akonon mena bora
عارف المزعلني اكتر من الشوارعي دا السوداني المعـ....ص البشاكل ليه الناس و حاييم
يا ربي في كم مروان تاني ؟؟؟
اتمني لي مروان السلامة و التعافي سريعا من الالم النفسي ، و استرداد حقه بالقانون
|
Post: #11
Title: Re: باولينو البرازيلي يعتدي على المحامي مروان العبادي
Author: dardiri satti
Date: 10-21-2008, 10:18 AM
Parent: #7
| Quote: اخر الزمن مقاطيع السجم و البرازيل و ابناء الشوارع |
ومين غير مقاطيع السجم
جاب لينا مقاطيع السجم،
كل شذاذ الآفاق، من كل قاع مدينة،
الليلة في بلدنا،
يجيبوه في التلفزيون،
خالف رجل فوق رجل،
في "حضرة" أكبر "دقن"
وكمان يطلب "ياخدو معاهو صورة"
فيهرولون ، هرولة ، للتشرف
بالظهور في الصورة معه.
إخص!!!
وبعضهم يقدمه
ليؤموهم في الصلاة
في حين لايقبل أي "أمي" منهم
أن يؤمه في بلده سوداني
مهما بلغ "علمه"
تقول لي باولينو!!
لو كان في بلدنا حكومة تحترم نفسها وشعبها
لما بقي هذا الباولينو ،
حتى لو كان مجنى عليه،
ليلة واحدة في البلد
SHAME!!!
نحياتي
|
Post: #12
Title: Re: باولينو البرازيلي يعتدي على المحامي مروان العبادي
Author: dardiri satti
Date: 10-21-2008, 10:18 AM
Parent: #7
| Quote: اخر الزمن مقاطيع السجم و البرازيل و ابناء الشوارع |
ومين غير مقاطيع السجم
جاب لينا مقاطيع السجم،
كل شذاذ الآفاق، من كل قاع مدينة،
الليلة في بلدنا،
يجيبوه في التلفزيون،
خالف رجل فوق رجل،
في "حضرة" أكبر "دقن"
وكمان يطلب "ياخدو معاهو صورة"
فيهرولون ، هرولة ، للتشرف
بالظهور في الصورة معه.
إخص!!!
وبعضهم يقدمه
ليؤموهم في الصلاة
في حين لايقبل أي "أمي" منهم
أن يؤمه في بلده سوداني
مهما بلغ "علمه"
تقول لي باولينو!!
لو كان في بلدنا حكومة تحترم نفسها وشعبها
لما بقي هذا الباولينو ،
حتى لو كان مجنى عليه،
ليلة واحدة في البلد
SHAME!!!
نحياتي
|
Post: #13
Title: Re: باولينو البرازيلي يعتدي على المحامي مروان العبادي
Author: A.Razek Althalib
Date: 10-21-2008, 11:24 AM
Parent: #12
| Quote: الغريبة الراجل نكر انو هاجم ود العبادي .. |
طالما نكر أكيد صاحبكـ سلباطي..
|
Post: #14
Title: Re: باولينو البرازيلي يعتدي على المحامي مروان العبادي
Author: حمزاوي
Date: 10-21-2008, 12:05 PM
Parent: #1
ولدنا دكين الوغد
مسكاقمي
انت شكلك مجكس ليك واحدة محسية
ولا ما لاقي عشا وجعان ذي عادتك
من ما انت سافرت قطر بقينا في البيت نخت باقي الملاح في التلاجة
وعشان خاطرك نقول لي ود العبادي يمين تاني ما نشجع البرازيل نهائياً
واللكمات البونيات الجاتك امسحها في وش استيفن وارغو والسواق حقو صديق الموج
| Quote: اسفرت تلك الهجمة على آلام نفسية وصراعات لم يكن صديقي بحاجة اليها .. |
بس يا وغد كدا استهدئ بالله واشرح لينا دي
انت واحد كرفتة
|
Post: #15
Title: Re: باولينو البرازيلي يعتدي على المحامي مروان العبادي
Author: طلحة عبدالله
Date: 10-21-2008, 12:23 PM
Parent: #1
سلام للأخ دكين
أول هام أدين الإعتداء بدنيا ولفظيا مهما عظمت مبررات أيا كان المعتدي ..
تاني هام وبصراحة قدر ما قلبت فصتك دي وسوطتها وجوطتها فوق تحت ما قدرت أستوعب سبب الإعتداء ..
بمعنى أدق :
لا أفهم أنو زول بكامل قواه العقلية يلاقي ليهو زول تاني ماشي في الطريق وفجأة وبدون أية مناسبة أو خلفيات يقع فيهو شلالايت وبكاسن (جمع بوكس ).
وعطفا علي قصتك الفوق دي أقول :
غايتو باولينو دا اللا مجنون .
|
|