على فكرة انا دخلت بالباصويرد القديم

حمد لله على السلامة يا جماعة كلكم من بكري لاخر بوردابي سجل

والله تهكير الموقع دخل علينا دخلة شديدة

لكنالحمد لله صمدنا ما قمنا نكابس ناس المواقع التانية (اللي اتهكر واللي لسة جايه الدور)


قمت بادخل كلمة السر الذي غيرتها اثناء ما طلب منا ذلك (اذا كان الهكر) او بكري لكن انا بفتكر انو بكري لانو جاني ايميل صحيح بتغيير كلمة السر .


يبقى الناس الدخلت تححاول تتصل بالناس الما قادرة تدخل وتقول ليهم ادخلوا بكلمات سركم القديم



تاني حمد لله على السلامة

اخت الخير


حمدلله علي السلامة



وانا كمان

أنا كمان

.
.
.

انا كمان غيرت الباسورد ، واليوم عند عودة المنبر حاولت الدخول بالباسورد الجديد فلم تفلح المحاولة ، وجربت القديم ونجحت المحاولة .

تحياتي وتقديري

عثمان رغيم .. ضارب الرطب وضارب الطيبة .. سلم لي عليهم كلهم ولي اب رنات كمان ..


فتحي على محمد (انت عضو جديد ) ولا .......... حمد لله على السلامة .


الازهرى تو .. ايوة ارجو تنبيه الناس زي ماما دوما تكون ما قادرة تدخل ..


سمرية ... باغانيك ديك خليتي الهكر يعرض فينا ياخ .. وانتي طيبة يارب





يا بكري نحن معاك وتقول اي شي معاك شايفة اقتراح بدعم المنبر ماديا بس قول عوووك

وانا كمان

نعومة ...

ياخي بركة الشفناك طيبة ، والله دي كانت مصيبة الله لا عادها...

وانا ذاتي دخلت بالباسويرد القديم ... وكدا احسن عشان ننسى الحصل ...

ويلا لجوووووووووة ..

الاخت انعام
والله أنا خرمجت جنس خرمجة مرة القديمة
ومرة الجديدة
شي عربي وشي انجليزي
لحدي ما صدقت
ما عارف ليه كل مرة
يرجع نفس البوكس
غايتو أنا الليلة ما ناوي أقفل الكمبيوتر
حأقرا لي بكرة
وحشونا كل الناس الحلوين
تحياتي للجميع
وعودا حميدا

اسامة الكاشف حبابك ..

عارف انا من زمان من تسجيلي اصلا ما بقدر اكتب اسم دخولي وادخل الا من كي بورد بكري ...


ودي في حدا ذاتها عاملة لي سكيورتي عالي (هههههههههه)



انت جديد ؟؟

غايتو الناس الجداد ديل امنت انو كراعهم حارااة

مودتي

الاخت انعام تحياتى النواضر

انا غيرت كلمة المرور مرتين
لكن لسه فى مشكله فى تصفح الموقع
حاليا ما يفتح الا عن طريق كلمة المرور
والغريبه فى عدد كبيرمن الزوار ضمن الحضور
هل المنبر ما بفتح الا عن كلمة المرور للناس كلهم??
ولا دى مشكله خاصه

مروة .. كيفك ومرحب بيك منور البوست


باين البرالمة كلهم اتجهجهوا




خالد العبيد .. وينك وكل سنة وانت طيب وتحياتك توصل يامان

وانا برضو
من نسى قديمو تااه
وسلام لي اشراقة

الإخوة الكرام

السلام عليكم و رحمة الله

لا اعتقد انو بكري ابو بكر هم ومن طلب من الجميع تغيير الباسوورد و ذلك لسبب بسيط

وهو إذا كان بكري ابو بكر يستعمل قاعدة بيانات محترمة و قوية فإن حقل البيانات الذي يستخدمه لحفظ الباسوورد لا يكون مرئ حتى لمدير قواعدة البيانات "بكري ابو بكر مثلا" وهذه من الاشياء الاساسية و الابجدية في بنيات قواعد البيانات القوية مثل اوركل و مايكروسوفت.
لذلك فإن طلب تغيير كلمة السر لم يكن من بكري ابو بكر بل تم بواسطة الهكر.
في مثل قواعد البيانات هذه لا يستطيع مدير القاعدة ان يستخدم حسابي الشخصي ابدا ابدا و لكنه بالطبع يمكنه ان يلغي كلمة السر و ان ينشئ واحدة اخرى و في هذه الحالة سوف يستطيع المستخدم من معرفة هذا الامر و يتم إكتشاف ان مدير قاعدة البيانات هو من يتلاعب بها و لا اظن ان المهندس بكري ابو بكر له مصلحة في هذا الامر
وفي إعتقادي إنو الهكر قد إستولى على قاعدة البيانات كاملة و تلاعب بالجميع و طلب منهم تغيير كلمات المرور الخاصة بهم.

لذلك عندما اعاد بكري ابو بكر تشغييل البرنامج إستطاع الجميع الدخول بكلماتهم القديمة. و لا اظن ان هنالك اي خوف من ان تظل هذه الباسورردات على حالها لان الهكر و إن كان قد إستولى على الموقع فلن يستطيع ان يعرف هذه الكلمات ابدا ابدا.

أما إذا كان بكري ابو بكر فعلا هو من طلب تغيير الباصورد للجميع فإن هذه مصيبة حقيقة و تعني ان حقل الباصورد مفتوح تماما و ان بكري ابو بكر لا يستخدم قاعدة بيانات محترمة في هذا المنبر المحترم, و انصح الجميع بان ينتبهوا لكل إشتراكاتهم في المواقع الاخرى.




تحياتي

عمار يس النور

أنا ايضاجربت الباس ويرد الذي غيرته فلم يعمل فلجأت الى القديم ففتح

وانا كمان

شكرا ياحيمورة وحمدالله على السلامة

طمننونا على بكرى، ولازم ندعمه ماليا بعد كدة

تحياتى

واضح انو كل الناس حا تدخل بالقديم وده ممكن يرجع لمسائل فنية في تأخير تاريخ المنبر ...


بس برضو الناس تهدا حبة لغاية ما يطل الاخ بكري ونعرف بعض الاشياء ..

كلام ود الصائم ما تجدعوه البحر ..

انعام .. .. سلام
الارتباك الحاصل في المنبر غريب والسبب بكري الذي ترك التاويلات
تاخذ صيغة الحقيقة .. وكان انقلابا حدث والناس امام اجـــــهزة
التلفزيون يترقبون البيان الاول ولكن المارشات طولت شغالة والريس
لسع ماطل بالبيان رقم 1 مما يعطي الاشاعات فرصة ان تكون حقائق ..
ودي مسالة خطرة جدا ..






----------------
رسلنا ليكي سلطة اسود في بوست قبل التهكير3 الظاهر اتلحس؟؟

اهل الخير

انا برضو الباسوورد الجديد ما فتح معاى

Quote: قمت بادخل كلمة السر الذي غيرتها اثناء ما طلب منا ذلك (اذا كان الهكر) او بكري لكن انا بفتكر انو بكري لانو جاني ايميل صحيح بتغيير كلمة السر .

والله ما عارفين الرسالة من مين

والغريبة انو العنوان موجود ومحفوظ . لكن الرسالة جاتنى من غير معروف ( فى العشوائى )

بالرغم من وجود العنوان

ودا المحيرنا يا انعام


المهم ازمة وراحت والاهم اخبار بكرى

وما يجب عمله من قبلنا لدعم صاحب الحوش