Post: #1
Title: يا ريت!! ياريت
Author: abdalla elshaikh
Date: 10-20-2008, 06:01 AM
Parent: #0
يا ريت!! ياريت
من أول وريتنا ممكن تتأخر يوم يقولوا الغايب عزرو معاهو وفي غيابك نحن نشيل اللوم!!!
معقوله بس رجع لينا الصوت!!!SUDANESEONLINE.COM سنبدأ الكتابة وسنبدؤها من عناصرها!! وسنغني قائلون{ مرحبتين حباب الشر محل ما بتق تنقد الرهيفه إنشا الله ما تتلتق!!}
|
Post: #2
Title: Re: يا ريت!! ياريت
Author: tmbis
Date: 10-20-2008, 06:28 AM
Parent: #1
حمد الله على السلامة ..
وبركة الانحلت
ــــ جكسا
|
Post: #3
Title: Re: يا ريت!! ياريت
Author: abdalla elshaikh
Date: 10-20-2008, 07:01 AM
Parent: #2
تمبس!!
علي بالطلاق إنت زول فنان!!! يا ود الحلال{الخرمه} قدت راسنا!!
|
Post: #4
Title: Re: يا ريت!! ياريت
Author: حسن سنوسى
Date: 10-20-2008, 10:41 AM
Parent: #3
كارلوس سلاااام
والله خرمة زى خرمة زول جاى من ضحوة (دُرت) لـ جبنة تسويها حواء عبد الوهاب؟؟
|
Post: #5
Title: Re: يا ريت!! ياريت
Author: abdalla elshaikh
Date: 10-21-2008, 00:32 AM
Parent: #4
يا سلام عليك يا حسن سنوسي!!! يا أخي إنت رجعتني لزمن نقي..{ضحوية درت وقهوة تعملها حواء عبدالوهاب!!}.. ألغربه يا حسن!! حتحتت أوراق خريفنا!! فشكرا لـ SUDANESEONLINE .. ونتمني من أخونا{السادن الهاكرني ريدوا} إن لا يهكر هذا {النفاج}
|
Post: #6
Title: Re: يا ريت!! ياريت
Author: khatab
Date: 10-21-2008, 00:59 AM
Parent: #5
اتضح انكم ما بتعرفو .. تتونسو ! .
معقوله .!
. كالوس وتمبس .!!
. .
!!
!
.
|
Post: #7
Title: Re: يا ريت!! ياريت
Author: abdalla elshaikh
Date: 10-21-2008, 01:33 AM
خطاب حسن أحمد!!! إنت عارف الزول الهكر الـمنبر دا قطع رأسي جنس قطعه.. وبقيت زي أستاذنا الفنان والإنسان عمر خيري{جورج إدوارد} لامن ناس الحكومة نقلوا مقر الـمجلس القومي للآداب والفنون من الخرطوم لدار حزب الامه بأم درمان!! فتجهجه عمر خيري جهجهة ما بعدها جهجهة..لأنه لا يألف{ترابيزة} لكي يرسم عليها غير تلك التي بصالة الـمجلس بالخرطوم!! .. فهذا الـمنبر يـمثل لي سوق شعبي كبير{بصل وكمونية وشيه وبصات وعربات كارو وفساتين معلقه وأغنيات تنجس من كل زاويه وبائعة مساويك وكريـم ديانا!!!}
|
Post: #8
Title: Re: يا ريت!! ياريت
Author: khatab
Date: 10-21-2008, 02:14 AM
Parent: #7
كارلوس يا صديق .. عمر خيرى , بكرتُو مجتلفه .. عشان كده الخطوط .. كانت نضميهو الحميم , انا كنت متأكد انو ما حيتكلم معاي كلو كلو, لحدى مره من ذات .. المرارير ناضمنى , قلت اللهم أجعله خير , وكان ذاك .. بالنادى الالمانى , جوته الشاعر وكانت تانهسو .. ذاك الاسم للسودان , ودون اي مقدمات بادرنى السيد بالحديث , : تعرف : فقلت سبحان الله الذى أنطق عُمَر.. بعد صمت ٍ طال .. .
|
Post: #9
Title: Re: يا ريت!! ياريت
Author: abdalla elshaikh
Date: 10-21-2008, 05:34 AM
Parent: #8
تعرف يا خطاب!!
وفي مره من الـمرات إتخذت حكومة{الناس ديل} قرار إقتصادي بمصادرة العملة وتبديلها بعملة أخري...فإندهش عمر خيري من هذا القرار وقال لي كالآتي:- { إنت يا كارلوس البلد حقتكم دي ماعندها حكومة}..فعمر يا خطاب إفتقد في تلك اللحظة{مبسم سيجارة الـ{penson}الذهبية... وراح يرسم ويكتب عن{ إذا ونفحات الصيف!!}.. وعن{إذا العنيده!!}
|
|