سودانيزاونلاين علاج للمزازا والناس البزازى

خمسه يوم من المزازا ..

لا فيس بوك نفع ...

ولا ما سنجر نفع ..

لا جرائد ..
ولا مواقع ..

ولا حتى يوتوب نفع ....
لفيت على كل المواقع السودانيه ..
واحد بعد التانى ..
دائما اشعر بالغربه وانو فى حاجه ناقصه ..


الواحد يقعد فى الكمبيوتر خمسه دقائق يزهج منو ويسيبو..


خمسه يوم من المزازا ..

(60 )عضو و (833) زائرا





يا بكرى 833 زول بزازى بى بره ..

ماقادرين يخشو ..

حالتهم تحنن ..


افتح ليهو طاقه ..

المنبر مقفول للاعضاء فقط ..

نمشى ننوم ..

وفى الصباح ان شاء ما نشوف اى زائر بزازى ..


ربنا يكفينا شر المزازا وحوامة الانترنت ..

النصرى أمين النصرى......وينك يا صديقى... وحبيبى و اخوى و الله مشتاقين شوق السحابة الراحلة... والله يجازى الكان السبب.....الام فى أديس أبابا و الولد فى بحر الشمال.... والمراة فى "حفرة الدخان".... والاولاد عند الجيران.....و سودانيزونلاين هاكروها و بقت "ذى جمل الطريفى" و بقينا قاعدين...."نعاين".....


طبعاً يانىء "حميد القديم" بس بقيت ذى " لورى حاج بانقأ" اقوم دفرة و اقيف "بالحجر تكآلة"...اظنك فاهم.......عندى صور بالكوم لكن للاسف.....الهكر هكرنا انشاء الله ربنا أهكر "هكرو" كما قال الاستاذ" هاكورى بن هكران" ....و اللبيب بالاشارة يفهم... يا حليلك يا نصرى......


كدى تحياتى لك ولسهير و الاولاد ....بس خلينا فى تلفوناتك البتغير فيها كل يوم دى ياخى رسل رسالة واضحة بتلفونك الجديد " الهاكرز يمتنعون " و الهكارين.

تحياتى و اشواقى.....


صديق - اغلمحنون فى غياهب الدوحة

سلام يا صديق

خساره كبيره بوست معهد الكليات وشئ محزن انو المجهود
بتاعك الضخم ده فى التوثيق يروح شمار فى مرقه ..

غايتو نحنا جاهزين لاصلاح الدمار بس اتمنى يكون عندك
نسخ من كل الصور الضائعه..

**

الاولاد تمام التمام وسهير ستسافر السودان عن طريق الدوحه فى نوفمبر
ما تقصرو معاها ,,,,