Post: #1
Title: انطلاق المبادرة المهمومة أمس لانقاذ البشير من الجنائية الدولية!!!
Author: JOK BIONG
Date: 10-17-2008, 11:06 AM
احسن يسموها بالواضح بمبادرة انقاذ البشير من المحكمة الجنائية الدولية
بدل لفة ودوران حول الموضوع الأساسي.
|
Post: #2
Title: Re: انطلاق المبادرة المهمومة أمس لانقاذ البشير من الجنائية الدولية!!!
Author: JOK BIONG
Date: 10-17-2008, 12:24 PM
Parent: #1
حاول المشير الهروب من الواقع وذكر ان مشكلة دارفور بدأ
قبل انقلابه89 وبالتالي فهو غير مذنب في قتل وتشريد اهل دارفور وتطايرت
عيون رئيس الوزراء الاسبق لان البشير قصده عديل كدى.
جوك
|
Post: #3
Title: Re: انطلاق المبادرة المهمومة أمس لانقاذ البشير من الجنائية الدولية!!!
Author: JOK BIONG
Date: 10-17-2008, 12:32 PM
Parent: #2
حاول بعض كلاب الامن تعديل كلام مني اركو لكنه واصل مشواره وما قصر
في حديث عن حقوق اهله في دارفور.
تحية كمان لمني اركو لانو ما طبيعة اهل البلد ان يكذبوا في
مصير اهلهم الضعفاء..
المحاولة اليائسة للهروب من الجنائية الدولية جابوا لها كمان
مذيع متفلسف شويه هو ابراهيم عوض الذي ترك مكانه الحقيقي في
قرأ الاخبار بتاع التلفزيون ...
|
Post: #4
Title: Re: انطلاق المبادرة المهمومة أمس لانقاذ البشير من الجنائية الدولية!!!
Author: JOK BIONG
Date: 10-17-2008, 12:43 PM
Parent: #3
ممثل حزب الاتحادي الديمقراطي نيابة عن مولانا محمد عثمان
الشيخ سبيب ما قصر كمان في سرد الحقائق التاريخية واشار
الي مبادرة المولانا اللي كادت ان تاتي بالسلام لولا الخيانة
والحقد في نفس القيادة انذاك لما كان هناك حكومة المشير
ولا جرائم ولا الجنائية ولا جرائم وحشية في دارفور او حرق
مدينة أبيي وتشريد اهلهاونهب ممتلكات ونقلها الي الشمال
لاقامة دلالات ومزادات البيع في بابنوسة والمجلد وغيرها.
المشير في كرسي سخن جدا ويعلم تماما ان تلك المحاولات
والصلوات لن تنقذه ابدا من دفع ثمن ما اقترفه نظام ومليشياته
في دارفور وأبيي ومناطق اخرى.
|
Post: #5
Title: Re: انطلاق المبادرة المهمومة أمس لانقاذ البشير من الجنائية الدولية!!!
Author: JOK BIONG
Date: 10-17-2008, 12:54 PM
Parent: #4
مولانا الصادق المهدي تفنن كمان في سلوكه واضحك الناس لان الرجل عايش
في احلام واهام قديم ومازال يلعب لعبته الماكرة في السياسة ونعلم تماما
ان الرئيس عمر البشير وقع في شرك نصبه الصادق المهدي وتفنن فيه الدكتور
الترابي ولكن المسكين عمر البشير تصرف بحماقة في دارفور ويريد الان الخروج
من الورطة ودا شئ مستحيل لان الذي نصب الشرك اشطر منه واكثر ذكاءا وبالتالي فان
الخروج من الورطة مستحيل. 
|
Post: #6
Title: Re: انطلاق المبادرة المهمومة أمس لانقاذ البشير من الجنائية الدولية!!!
Author: JOK BIONG
Date: 10-17-2008, 01:16 PM
Parent: #5
الكومندر سلفا كير ما قصر تب
هو رجل ما بيحب الكذب والدجل في امور بتاع البلد علشان كدي
اداهم كلام مليان ودغري واللي ماعايزه يطق راسه في الجبل او
يرمي نفسه في البئر.سلفا كير دا هو الرجل الاول في قيادة الجيش
الشعبي وبالتالي عرف كيف يقود شعبه ويصبرهم بالحقيقة لانو الزول
اللي ما بيقول الحقيقة لا يستحق القيادة في ظروف حرج خلال ايام
النضال حتى بعد نيفاشا ورحيل القائد قرنق.
وقف سلفا كير واداهم شويه بانجليزي وعلشان يوجد ناس طراطير ما
بيفهموا لغة بتاع سيدهم الذي حكمهم 60 سنة قلب الموضوع الي عربي
فورا واداهم كلام مليان ودغري حتى الرئيس المشير سخن في عنقرته
وصنقيرته بقت تولع نار لانو الكلام فيه جد دور دي.
ثم جاء دور المشير البشير وتحدث ..قال انا يا اخواني عملتو شنو
انا ما عملتو حاجة لانو موضوع دارفور لقيته مولع قبل سنة 89..ياالجماعة
ويا العالم انا موش مذنب انقذوني من أوكامبوووووووووووو!؟؟
نهاية موضوع :مبادرة اهل السودان لانقاذ البشير من الجنائية الدولية..
هل تفتكروا واحد قتل مئات الوف من البشرية سيعيش ويرتاح بعدهم؟
هل ارتاح صدام حسين واهله بعد ممارساتهم الوحشية في العراق؟
جوك بيونق
الخرطوم
|
Post: #7
Title: Re: انطلاق المبادرة المهمومة أمس لانقاذ البشير من الجنائية الدولية!!!
Author: jini
Date: 10-17-2008, 02:05 PM
Parent: #6
مال جنيت زيى ولا بقيت منولوجست قاعد تتكلم براك!
البوست دا الا الوالواحد ياخد مصل تطعيم حتى يدخلو!
rabies !
جنى
|
|