Post: #1
Title: قناة (الشروق )لفحت خبر الهكر ده كيف؟؟!!
Author: Tragie Mustafa
Date: 10-15-2008, 01:34 PM
Parent: #0
البحير هو لفح قنوات الكيزان للخبر هكر المنبر قبل ما الهكر يتم هكرته ذاتها....
يعن الهكر ده حصل بتوقيتنا...هنا مساء او ليلا ومتاخر كمان...قناة شروق
اذاعته في نشرة اخبار 8 صباحا بتوقيت السودان!!
فمن هم ناس شروق ديل الكان بيحفر وارهم الرفيق مرتضى جعفر قدس الله سره
واولاد الحلال الفاكنهم لينا ديل لم يتركوه يكمل حفره.
ثانيا....الناس ديل شكلهم عاملين تنسيق مع الهكر...والا بالسرعه دي فكوا الخبر كيف؟؟؟
ثالثاالناس ديل شكلهم كاسرين ركبه هنا برضوا وقاعدين بعضويه معانا ويستقوا اغلب اخبارهم من هنا
لا اعتقد مكتفين بلقب متصفح فقط!!
وكان الله في عونك يا بكري
حتلاقياها من وين ولا من وين؟؟!!!
|
Post: #2
Title: Re: قناة (الشروق )لفحت خبر الهكر ده كيف؟؟!!
Author: Tragie Mustafa
Date: 10-15-2008, 02:10 PM
Parent: #1
ناس شروق
القاعدين هنا ما تردوا...خلي لبدتوا.....
فضائيه كامله قاعده متحكره هنا؟؟؟؟
ادونا القروش دي وقت ما عندكم موضوع
وبامكانيات اقل بنعمل لكم موقع ناطق وتكسروا ركبتين هنا ولا يهمكم....
|
Post: #3
Title: Re: قناة (الشروق )لفحت خبر الهكر ده كيف؟؟!!
Author: العوض المسلمي
Date: 10-15-2008, 02:20 PM
Parent: #1
تراجي سلام
الحمد لله المره دي مرقت من الهكر ده
الله يستر علي رسائلك ديييييييك 
وكويس انه طلع هكر جبان ما عرض اي شئ مما يخص الاعضاء 
كامل الود
|
Post: #4
Title: Re: قناة (الشروق )لفحت خبر الهكر ده كيف؟؟!!
Author: Tragie Mustafa
Date: 10-15-2008, 02:46 PM
المسلمي كيفنك؟؟؟
وحاتك انا من شدة ما حريصه بالياهو ذاته ما بتونس
يازول كله الا التكنلوجيا دي......البيثق فيها يبقى مسكين فعلا.
Quote:
تراجي سلام
الحمد لله المره دي مرقت من الهكر ده
الله يستر علي رسائلك ديييييييك
وكويس انه طلع هكر جبان ما عرض اي شئ مما يخص الاعضاء
كامل الود |
|
Post: #5
Title: Re: قناة (الشروق )لفحت خبر الهكر ده كيف؟؟!!
Author: Tragie Mustafa
Date: 10-15-2008, 03:33 PM
Parent: #4
زوار البوست ده فوق ال 200
ومافي زول عايز يقول بغم يا جماعه غير المسلمي؟؟؟
|
Post: #7
Title: Re: قناة (الشروق )لفحت خبر الهكر ده كيف؟؟!!
Author: Shamael Elnoor
Date: 10-20-2008, 09:35 AM
Parent: #5
تراجي
ازيك وكل سنة وانت طيبة
لان الموضوع يليني ولاني اعمل بقناة الشروق ، فقلت اذا مارديت فى البوست دا اكون زولة جبانة
اولا: السودان هذا الصباح يبث الساعة 8 ومدته 50 دقيقة ،، يعنى فى فرصة تلحيق خبر او خبرين حسب اهمية الخبر ، هذا ما اعرفه عن طريقة شغل الاخبار فى جميع اجهزة الميديا.
ثانيا: ليس كل من يعمل بالقناة كوز او كوزة
تحياتي
|
Post: #8
Title: Re: قناة (الشروق )لفحت خبر الهكر ده كيف؟؟!!
Author: شادية عبد المنعم
Date: 10-20-2008, 09:47 AM
Parent: #7
والله لو أنتي شغالة في قناة الشروق وما عارفاها قناة جهاز الأمن تبقى دي مشكلتك
وبعدين منو القايل إنو جهاز الأمن بيوظف الكيزان؟؟
ممكن تكوني ما كوزة أو ما كوز
لكن قناة الشروق !!!!
يا ترجي لعلمك قناة الشروق بتاعة جهاز الأمن عديل كدة
والباقي ما داير تخمين ولا درس عصر
|
Post: #10
Title: Re: قناة (الشروق )لفحت خبر الهكر ده كيف؟؟!!
Author: Yassir Bainwi
Date: 10-20-2008, 10:58 AM
Parent: #8
طبعا كلام شادية دا مضبوط
وفعلا في ناس شغالين في قناة الشروق ومفتكرين نفسهم شرفاء
وبكل عدم اكتراث بخدموا خط الامنجية
|
Post: #6
Title: Re: قناة (الشروق )لفحت خبر الهكر ده كيف؟؟!!
Author: Halema2
Date: 10-17-2008, 09:09 AM
Parent: #1
سلام يا زوله
بغم .....بغم ....بغم
تحياتى
حلوم
|
Post: #9
Title: Re: قناة (الشروق ) لفحت خبر الهكر ده كيف؟؟!!
Author: tmbis
Date: 10-20-2008, 10:30 AM
Parent: #6
الغريبة مرتضى جعفــر زماان كا قال في رد من ردودو قال:
معا.. يا تراجي ويا استيف ويا منو كدا ما متذكر .. علشان نعمل قناة فضائية .. 
على حسب الفي راسي وقتها قلت الزول دا أحتمال يكون عايز يدخلكم في (صرفة) في (صرفة) في صرفة) ويصرف هو (الصرفة) الولى ويدي استيف التانية يللا يلم القروش دي كلها .. ويشتري بيها غطاية مروحة قدامية يا غطاية حلة نيكل ويقدقده بي مسامير ويربط ليها سلك .. (ومغنطيس) ويجي يقول لينا دي القناة الفضائية بتاعتنا ويفتح ليهو بوست ..
ويستلم الموضوع المتشنج التاني .. صبري الشريف ويديهو المايك ..
يقوم صبري الشريف يلعلع ..
تبا لي حيكومة الهوس الديني والدقن الكهنوتي .. إلخ ويختم في النهاية بي انو عمرو كلو مقضيهو في السجون وهو ناشط في محكمة العدل الدولية .. وإلخ برضو ..
اسمعي ..
دا ياهو البوست الاداك ليهو بكري قال ليك نزليهو .. ؟ واللا بوستا تاني ..؟
يعني شغاله مساعد مخرج ..؟
من القواعد الثابتة جدا:
إنو اي موضوع تتناوله بعض الاقلام الخادشة للكتابة في منبر سودانيزاونلاين .. طوووالي معناته اشتغل ضدو .. بتلقى إنو صاح .. وإنك زاتك صاح ..
الشروق بي كوزنته وبي امنجيته العملتو لحدي الآن .. والعملو الطيب عبد الماجد .. مع الشكر والتقدير .. والله احسن لي بي مليون مرة من الكلام الخارم بااارح البيقراهو الواحد كل يوم علي المنبر مما قام .. مخصوما منها الكم يوم الوقف فوقم المنبر ... علشان ميكيافيلي.
|
|