Post: #1
Title: الهكـــر .. في قبضتي .. وفاهمني
Author: tmbis
Date: 10-15-2008, 11:34 AM
Parent: #0
ياخ من أمبارح واقعين في الهكر .. سلخ.
شكيتك على الله يا الهكر .. يجازي محنك يا الهكر .. يضربك الضريب يا الهكر .. يا هكر يا حرامي يا معفن ، يا هكر يا كوز، يا هكر يا ما كنت في الكشافــة .. إلخ 
من أمس كلما ادخل بتفرج في حالة الهستيريا الحاصلة دي .. وهذا الهياج واضحك
من ضمن الاكتشافات الاكتشفتها إنو شعب السايبر عموم .. شعب مدهش جدا ومبدع وخلالاق ومسالم .. وفيهو كمية من الرائعين كتااار
الله يخليكم لي بكري ويخلي ليكم بكري .. يا شعب السايبر
طيب ياخ كان على الاقل تختو في بالكم إنو الهكـر دا بني آدم فوقو روح برضو .. بيحس وبيشعر بياكل وبيشرب ياخ وببقى لي زول ود خالتو يا قريب جيران ناس منو كدا ما عارف ، كان تعاينو لي (النصف المليان من الكوب)  وكان ما عجبكم تموهو موية ..
ملحوظة:
البوست دا بعد شوية ح يتملي من شعوب سايبيريا لانو عنوان زي دا طبعا ممكن الايامات دي في موقع سودانيزاونلاين يأهلك لي جائزة نوبل ..
قلنا ليكم بتحبو الاكشن ما صدقتوني ولا فهمتوني .. ولا في يوم من الايام ح اللقى لي زول بيفهمني ..
أنا ليه ما قاعدين يفهموني ..
بي صورة أوضح .. إنت ح تفهميني متين ؟؟
|
Post: #2
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 11:39 AM
Parent: #1
تحذير أول:
البدخل البوست دا ما يلوم إلا نفسـو ..
|
Post: #3
Title: Re: الهكـــر .. في قبضتي .. وفاهمني
Author: Osama Mohammed
Date: 10-15-2008, 11:40 AM
Parent: #1
ود الموردة علاء الدين .....
تحية طيبة ...... من الأشياء التي خرجت بها من ( هكذا ) تهكيرة - شفت هكذا دي كيف -
إنو البورد ده ورديات وتنسيق جامد على درجة ( عاليا ) من الكفاءة وتلفوناتو وارة لكن بس نحنا لينا الله ....
الجو ده جو ( فول ) ولا انا غلطان .........
لك التحية
وفي إنتظار الباك أب
مودتي
اسامة
|
Post: #4
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 11:41 AM
Parent: #3
الهجمة الارتدادية ..
|
Post: #8
Title: Re: الهكـــر .. في قبضتي .. وفاهمني
Author: Ishraga Mustafa
Date: 10-15-2008, 11:46 AM
Parent: #3
| Quote: البدخل البوست دا ما يلوم إلا نفسـو .. |
غايتو انا عارفاك حنين مع اختك الكبيرة ياتمبس مابتزعلنى بهين صاح؟
كدى السؤال الفنى
من يومين جاتنى رسالتين فى ايميلى المنشور فى البروفايل بتاعى
كلام عجيب وغريب من زول قال هو بيقرأ سودانيز بتاعتنا دى وماعضو
خت نمرة من السعودية {الايميلات موجودة وممكن لثقتى فيك ارسلها ليك فى الخاص}
طبعا ممكن النمرة تكون تمويه
سؤال الفنى: هل ممكن معرفة البلد اللى اترسلت منو الرسالة؟
----
اها عرسك متين
صاحبنا وتوكل وفعلها
باقى انت
|
Post: #78
Title: Re: الهكـــر .. في قبضتي .. وفاهمني
Author: tmbis
Date: 10-20-2008, 01:33 PM
Parent: #8
| Quote: غايتو انا عارفاك حنين مع اختك الكبيرة ياتمبس مابتزعلنى بهين صاح؟ |
والله يا اشراقة كان كنت الهكـر جد بالجد .. بعد كلامك دا الشايلو في ايدي برميهو وابقى زول كويس ..Quote: طبعا ممكن النمرة تكون تمويه
سؤال الفنى: هل ممكن معرفة البلد اللى اترسلت منو الرسالة؟ |
طبعا عادي جدا ممكن يتعرف يا اشراقة بي طرق كتيرة يااشراقة .. لكن المسالة دي الاعتماد عليها ما عاد شديد .. لانو دائما بقول الزول الفي نيتو يعمل حاجة ما كويسة عن طريق البريد أول حاجة بيعمله .. بيكون حريص أنو يخفي الملامح كلها والبيانات .. يعني مثلا البيانات الخاتيها بكري عن انو الزول دا ضارب الموقع من الخرطوم وكنار تيل وشنو وشنو غايتو الله يعلم انها صحيحة ..
بعدين الزول الرسل ليك دا وقال الكلام الغريب دا ما تشتغلي بيهو كتير بالمناسبة وخليو لي الله .. ساكت كدا رقم التلفون برضو ما بيحل غرض ..
عارفه:
يوم قاعد في البيت قام التلفون رن .. رد علي واحد سوداني من الطرف التاني .. قال لي إنت تمبس قلت ليهو ايوة انا تمبس زاتو .. يللا تتخيلي شتم لي امي .. وأبوي .. وناس بيتنا كلهم .. وشتيمة خليها ساكت .. قعدت اضحك طبعا .. قلت ليهو ياخ دي اسهل حاجة الواحد ممكن يعمله لي زول ويتصل عليهو ويعمل الحركة دي .. يعني نقصت مني حاجة..؟ لا طبعا وعارف انك لو قفلت الاتصال دا .. وتابعتو عن طريق الاتصال ح اكتشف انك متصل من كابينة اتصال يا هاتف عملة بالطريق ..علشان كدا الله يشفيك ويخلي ليك امك وابوك واخوانك
تخيلي راح ظااخ رازع ليك التلفون .. قمت عملت المتابعة دي عن طريق زول بعرفو .. اداني الرقم بتاع التلفون واكتشفت فعلا انو كابينة اتصال .. وما اشتغلت بالمسالة كتير ..
تخيلي بعد كم يوم نفس الصوت اتصل علي وبي رقم فيهو نفس رقم المنطقة ..
تخيلي مسافة انا بقول ليهو آلووو يللا انا جاهز المرة دي جبت ليك (لستة) بي خيلاني وخالاتي وعماتي القدرت احصرهم ليك .. الاسبوع الجاي بشوف ليك حبوباتي الحيات والميتات .. تخيلي يا اشراقة بعد شويتين قعد يضحك بشكل غريب جدا ..
وبعد شوية سكت .. قام قال لي ياخ معليش .. أنا امي ميتة واليوم داك بعدما قفلت التلفون منك ومشيت البيت ما قدرت انوم كلما اغمض اشوف امي .. امد ليها يدي ما بتسلم علي ..
قلت ليهو يازول والله انا (ود فقرا) والله اكشحك بي فاتحة سنونك تتنصل
طبعا الزول دا احتمال كبير يكون راسو ما معاهو .. يعني شنو اتصل ياارسل لي ايميل علشان اشتم لي زول يا اقول ليهو كلام خارم بارم ..؟
لو حبيتي اي مساعدة ما عندك مشكلة .. رسلي طوالي ..
ـــــــــ
موضوع العرس يازولة الايامات دي ما وكتو ..
خلينا نخلص من الهكر دا والعرس هين
|
Post: #77
Title: Re: الهكـــر .. في قبضتي .. وفاهمني
Author: tmbis
Date: 10-20-2008, 01:11 PM
Parent: #3
Quote: إنو البورد ده ورديات وتنسيق جامد على درجة ( عاليا ) من الكفاءة وتلفوناتو وارة لكن بس نحنا لينا الله ....
الجو ده جو ( فول ) ولا انا غلطان ......... |
والله جو فول يا اسامــة .. من عمك الحاج أبو قدرتين ملصقات فوق بعض ..
يا فتة كوارع من عمك ادريس ترنتي ..
ورديات البورد يا اسامة شغاله تش .. بس احيانا وردية الليل الناس بتدقس ويوم السبت والأحد عادي جدا ممكن تجازف ليك (بوكس تمنية وسبعين) .. وتجي طالع تقول ليهم دا (جربوكس) .. القون بكون صفاية طبعا..
( الهكذا ) تهكيرة يا اسامة لسه ما نجضت علشان تطلع بيها من ( هكذا ) رؤية ..
اديها صنة شوف باقي الباكب واعمل نايم لحدت ما عمنا ميكيافيلي دا الله يهديهو ويبطل الحركات البيعمل فيها دي ..
قواسيب مودتي يا ود حلتنا بالتبني
|
Post: #5
Title: Re: الهكـــر .. في قبضتي .. وفاهمني
Author: طلحة عبدالله
Date: 10-15-2008, 11:42 AM
Parent: #1
العزيز تامبا زعيم المساكين
سلامات ورحمة الله وبركاته| Quote: بي صورة أوضح .. إنت ح تفهميني متين ؟؟ |
من أمس أبديت انا العيد الفقير لله شكوكي واضحة لا لبس فيها ولا فسوق ولا جدال حول بعض ( الركيكة) المالين البورد دا ، واحيانا ( الرشاشات ) لكن دائما كلام القصير ما في زول بعيرو حتى اضان من طين .
أها وبناء علي الإقتباس الفوق دا :
انت بتشك او بتتهم زول بعينو .؟؟؟
والسلام عليكم .
|
Post: #6
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 11:44 AM
Parent: #5
سؤال مهم جدا ..
ماذا لو كان الهكــر .. متواجد بيننا الآن ..؟؟
|
Post: #10
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 11:50 AM
Parent: #6
شوفو يا بتاعين سودانيزاونلاين إنتو ..؟
انا ما تمبس .. ولا اي حاجة ..
|
Post: #11
Title: Re: الهكـــر .. في قبضتي .. وفاهمني
Author: esam gabralla
Date: 10-15-2008, 11:52 AM
Parent: #6
اسمع الهكرنجى ده لو صاحبك او انت زاتك رجاء ثم رجاء عندى 6 مسنجرات و نص ما عازهم يتنشرو في محل .... و مستعدين للبشكة
زى الزول الكان راكب في ترلة القندران براهو، حصل حادث كل الناس انقرضت الا هو، من يوما كل ما ينادوهو يركب عربية يقول: ترلة بس نركب...
في ناس تانى حتقول : هوتميل بسسسسس نرسل
امشي يا امنجى ....
|
Post: #16
Title: Re: الهكـــر .. في قبضتي .. وفاهمني
Author: عبدالكريم الامين احمد
Date: 10-15-2008, 11:56 AM
Parent: #11
عالم سمبر وجبانات
يا عوض كورنر زي العينة دي تودي ماسنجراتو طوالي الي اليوتيوب
وتعمل سي سي لملاسي
|
Post: #7
Title: Re: الهكـــر .. في قبضتي .. وفاهمني
Author: Osama Mohammed
Date: 10-15-2008, 11:46 AM
Parent: #1
كان جبنا سرّو ............. الهــــواء بفرّو.......
|
Post: #9
Title: Re: الهكـــر .. في قبضتي .. وفاهمني
Author: العوض المسلمي
Date: 10-15-2008, 11:48 AM
Parent: #1
تمبس سلام
بالجد من امس متوقع منك بوست قوي جدا ويعرفنا بالهكر ده منو ؟؟
وكمان حسب قرأتي البسيطه بان الهكر ده قد يكون عضو في منبر ما ,,هذا اذا
ما كان اساسي في منبر جد جد ...
كامل الود
|
Post: #12
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 11:52 AM
Parent: #9
بلاي كم متصفح الآن ممكن يصدق كلامي دا وكم عضو ممكن يصدق كلامي دا ..؟
|
Post: #15
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 11:55 AM
Parent: #12
الاعضاء السايبيريين الجو داخلين هنا دا .. وكتبو كلامم دا ..
انا حسع دي في حالة سمو روحاني ..
يعني ساكت ليكم ساكت كدا وبعاين ليكم بي حق الزمالة
حسع دي تضمنو كيف إنو انا تمبس ..؟
|
Post: #18
Title: Re: الهكـــر .. في قبضتي .. وفاهمني
Author: Ishraga Mustafa
Date: 10-15-2008, 12:00 PM
Parent: #15
| Quote: حسع دي تضمنو كيف إنو انا تمبس ..؟ |
انا غايتو ضمانة
فى هكر دمو خفيف كدى؟
|
Post: #19
Title: Re: الهكـــر .. في قبضتي .. وفاهمني
Author: عبدالكريم الامين احمد
Date: 10-15-2008, 12:01 PM
Parent: #15
| Quote: حسع دي تضمنو كيف إنو انا تمبس ..؟ |
كنت يا زول تعمل بوست بعنوان
انا لست بتمبس ولكن...!!!
|
Post: #13
Title: Re: الهكـــر .. في قبضتي .. وفاهمني
Author: عبدالكريم الامين احمد
Date: 10-15-2008, 11:53 AM
Parent: #9
Quote: شوفو يا بتاعين سودانيزاونلاين إنتو ..؟
انا ما تمبس .. ولا اي حاجة .. |
طيب انت اكيد عوض كورنر...
عوض كورنر ده بخش الفيلم الهندي مخصوص عشان يشجع الخائن
|
Post: #17
Title: Re: الهكـــر .. في قبضتي .. وفاهمني
Author: Sara Mahgoub
Date: 10-15-2008, 11:57 AM
Parent: #9
تمبس سلام وحمدلله على السلامه المااتهكرتا
انت من المورده شرق وله السوق وله جمب ناس كافى ؟
تحياتى
|
Post: #21
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 12:09 PM
Parent: #14
حتى إنتو ياجماعة ما عايزين تفهموني ..؟
يا جماعة أنا ما تمبس ..
ارجوكم افهموني ..
قبلما ما اسلمكم الرهائن .. اقصد الرسائل العندي .. عندي مطالب *عادلة ..
الناس ح تتعاون معاي .. واللا اقوم عليكم كلكم ..
اتوقع اكتر المتعاونين .. اكترهم كردا .. الناس البتسرق اللعب .. تطلع بالطريق الزراعي ..
بعد شوية ح انزل قائمة فيها عدد من المطلوبين اصحاب الرسائل .
القائمة مشكلة علشان ما تقدوني من حسع دي .. من الجنسين علشان الناس ما تتحسس
بس على شرط ما عايز اي واحد فيكم يقطع لي حبل افكاري ..
انا كان حبل افكاري انقطع والله تتعبو معاي جنس تعب ..
|
Post: #22
Title: Re: الهكـــر .. في قبضتي .. وفاهمني
Author: Hassan Makkawi
Date: 10-15-2008, 12:10 PM
Parent: #14
Quote: هذا اذا
ما كان اساسي في منبر جد جد ... |
اتاريهو لابد!!!
|
Post: #24
Title: Re: الهكـــر .. في قبضتي .. وفاهمني
Author: العوض المسلمي
Date: 10-15-2008, 12:21 PM
Parent: #22
معاويه
الله يجازي محنك اخوي
|
Post: #20
Title: Re: الهكـــر .. في قبضتي .. وفاهمني
Author: esam gabralla
Date: 10-15-2008, 12:07 PM
Parent: #1
AL HAKKKKKKKKAR
|
Post: #23
Title: Re: الهكـــر .. في قبضتي .. وفاهمني
Author: محمد عبد الماجد الصايم
Date: 10-15-2008, 12:14 PM
Parent: #1
حالتكـ تحنن الهكر زاتو!!
|
Post: #25
Title: Re: الهكـــر .. في قبضتي .. وفاهمني
Author: تيسير عووضة
Date: 10-15-2008, 12:31 PM
Parent: #1
| Quote: انا كان حبل افكاري انقطع والله تتعبو معاي جنس تعب .. |
حبل أفكارك لو إنقطع الغسيل المشرور كلو حا يقع
أنا مالي مع (الحبال) الليلة ..
|
Post: #27
Title: Re: الهكـــر .. في قبضتي .. وفاهمني
Author: Amira Elsheikh
Date: 10-15-2008, 12:47 PM
Parent: #25
تمبس...
فى زول قال لى الهاكر دا تمبس...
الليلة وووب
|
Post: #26
Title: Re: الهكـــر .. في قبضتي .. وفاهمني
Author: تماضر الخنساء حمزه
Date: 10-15-2008, 12:44 PM
Parent: #1
| Quote: بي صورة أوضح .. إنت ح تفهميني متين ؟؟ |
فاهماك والله ياتمبس
|
Post: #28
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 12:53 PM
Parent: #26
تحذير تاني وقبل الآخير:
قبلما اتكلم .. احسن ليكم تفتشو لي ايمــن .. وتجيبوهو هنا دا .
حقو الناس تكون لجنة تفتيش .. علي ايمن
اي واحد بيثق في ايمن حقو يرفع لينا يدو ..
ولحدي الآن انا بقول ليكم أنا ما تمبس ..
|
Post: #42
Title: Re: الهكـــر .. في قبضتي .. وفاهمني
Author: doma
Date: 10-15-2008, 02:48 PM
Parent: #28
Quote: تحذير تاني وقبل الآخير:
قبلما اتكلم .. احسن ليكم تفتشو لي ايمــن .. |
ايمن دا ما عندو ابو ما تقول الاسم بالكامل
انا بعرف ايمن وبثق فيه لكين وريني انت عايز يا تو ايمن
|
Post: #30
Title: Re: الهكـــر .. في قبضتي .. وفاهمني
Author: حسين محي الدين
Date: 10-15-2008, 12:54 PM
Parent: #26
أكشن 2009
بطولة نجم الموسم تمبس
|
Post: #29
Title: Re: الهكـــر .. في قبضتي .. وفاهمني
Author: السمؤال بدرالدين
Date: 10-15-2008, 12:54 PM
Parent: #1
غايتو اذا تمبس اتهكر
منو العوض وعليهو العوض
عليك الله كلم تمبس الحقيقي قوليهو
انا والعريس قطعنا فوقك
|
Post: #31
Title: Re: الهكـــر .. في قبضتي .. وفاهمني
Author: عبدالله كع
Date: 10-15-2008, 01:11 PM
Parent: #1
لا حوله ولا قوة الا بالله
النتيجة الحتميه لحالة المنبر العام ... اليومين دي
علاء الدين .. سحلب وركب التونسيه
ــــــــــــــــــــــــــــــــــــــــــــ
وهنالك حالات اخري .......
|
Post: #32
Title: Re: الهكـــر .. في قبضتي .. وفاهمني
Author: عمران حسن صالح
Date: 10-15-2008, 01:15 PM
Parent: #31
خارج الشبكـــــه وكده يعني .....!!!!
|
Post: #33
Title: Re: الهكـــر .. في قبضتي .. وفاهمني
Author: ابو جهينة
Date: 10-15-2008, 01:24 PM
Parent: #32
غايتو أنا من ناحية ( الهكر ) ... الحمد لله ( زي الحلو مر )
|
Post: #34
Title: Re: الهكـــر .. في قبضتي .. وفاهمني
Author: doma
Date: 10-15-2008, 01:29 PM
Parent: #33
لول ياهو تمبس لانه ما في اي هكر ممكن يهكر تمبس
|
Post: #35
Title: Re: الهكـــر .. في قبضتي .. وفاهمني
Author: Emad Abdulla
Date: 10-15-2008, 01:48 PM
Parent: #34
إنت يا إنسان إنتَ ..
رطاني إنت ؟ ..
شكّل لينا الحروف دي عشان الغستان يقع لينا ..| Quote: إنت ح تفهميني متين |
ده هسه شنو يعني ؟؟
المخاطب ده ضكر .. إنتاية !!
شنو ؟؟؟؟
إنتي وللا إنتَ .. ؟ ( بس حكاية الحمامة مع الدنقلاوي : لو تار = إنتايه .. لو طارت = دكر ) .
إنتي وللا إنتَ .. ؟
( إنتَ بالنيني القرنتيني ) ..
قول يامين .
.....
التوقيع :
سايبري بيتعولق
|
Post: #36
Title: Re: الهكـــر .. في قبضتي .. وفاهمني
Author: esam gabralla
Date: 10-15-2008, 02:10 PM
Parent: #35
يا اخونا سايبري بيتعولق
البتاع ده قال هو ما هو
| Quote: انا ما تمبس .. ولا اي حاجة .. |
اول مرة اشوف زول يغالط روحو في روحو
و قصة فاهمنى و تفهمينى دى شنو؟
بتذكرنى البرغلجية .... زولك فيهو ريحة خفيفة كده بتاعت الجماعة ديل .... و كمان مصاحب كيكي ـ والعياذ بالله ـ
ياخى عاوز تمباك
سايبري بتظارف و يتراشق و خرمان
|
Post: #37
Title: Re: الهكـــر .. في قبضتي .. وفاهمني
Author: Tragie Mustafa
Date: 10-15-2008, 02:19 PM
Parent: #36
غايتو العملها فيكم الهكر يا جماهير سودانيز اونلاين ما حصلت...
الهكر شال بروفايل (شحتو) ختاه (لنوسه)
والهكر خلا لك كل زول ينكت باس ورده...بضحك من قبيل يا تمبس في البوست بتاع بكري
بتاع بيان لعضوية سودانيز اون لاين....لقيت لك جنس ناس اتنكت...كانت لابد وين خلق الله دي؟؟؟؟
والله لو محل بكري اي زول ما بيكتب بكسحه.
قاعدين مكنكسين في الباس ورد عايزينا يحنطوها ولا شنو؟؟؟
والبحيرك لما تلقى بوستات المطالبه بالباس ورد لفلان وعلان
تقول فلان دخ حيهد الدنيا لو دخل..تلقاهو دخل ولبد في الماسنجر اظنه.
تمبس مبروك لمعتصم وكنت عايزها لك والله عشان نخلص منك.
الخازوك تعرس من المنبر وتسكن فيه بالمره انت و المدام
|
Post: #38
Title: Re: الهكـــر .. في قبضتي .. وفاهمني
Author: humida
Date: 10-15-2008, 02:22 PM
Parent: #37
| Quote: لقيت لك جنس ناس اتنكت |
وووووب يا حبوبة ..
|
Post: #41
Title: Re: الهكـــر .. في قبضتي .. وفاهمني
Author: محمد الطيب حسن
Date: 10-15-2008, 02:45 PM
Parent: #38
Quote: Quote: لقيت لك جنس ناس اتنكت
وووووب يا حبوبة ..
|
حميده ؟؟؟؟؟؟؟؟؟
|
Post: #39
Title: Re: الهكـــر .. في قبضتي .. وفاهمني
Author: سناء عبد السيد
Date: 10-15-2008, 02:35 PM
Parent: #1
الهكر شال بروفايل (شحتو) ختاه (لنوسه)
مبااااااااااااالغة
تنجازى يا الهكر قطعت لينا مصارينا من الضحك يعمايلك دي
انا غايتو الهكر سرق جواباتي و عطل لي الافتباس و الsmiles
هكر دمه خفيف خلاس و حريف في نفس الوكت كونو قدر يهكر تمبس ( هههه) دي عشان الاسمايلز بتاعتي مهكرة
|
Post: #40
Title: Re: الهكـــر .. في قبضتي .. وفاهمني
Author: Tabaldina
Date: 10-15-2008, 02:38 PM
Parent: #1
..
.
يا حميدة
الكلمة دا اتهكرت ما بتكون اتكتبت كدا
___________
لكن هكر مقددها بلعب بالكلمة والحرف مش بالسيرفرات بس
|
Post: #43
Title: Re: الهكـــر .. في قبضتي .. وفاهمني
Author: tmbis
Date: 10-15-2008, 02:52 PM
Parent: #40
Test
|
Post: #45
Title: Re: الهكـــر .. في قبضتي .. وفاهمني
Author: Yassir Bainwi
Date: 10-15-2008, 03:04 PM
Parent: #43
يا الما تمبس جهجته الجماعه ياخ رجع ليهم رسائلم
وصورم عشان يبطلوا الجرسة
انا غايتو جديد وما عندي شئ خايف عليها
|
Post: #48
Title: Re: الهكـــر .. في قبضتي .. وفاهمني
Author: esam gabralla
Date: 10-15-2008, 03:09 PM
Parent: #43
الساوند كويس
خش يا ... سيلين ديون
غايتو حكر امدرمان عليهم جنس منتشة
ده لو حكر من مدنى .... هييييييع
|
Post: #47
Title: Re: الهكـــر .. في قبضتي .. وفاهمني
Author: محمد الجزولي
Date: 10-15-2008, 03:08 PM
Parent: #40
| Quote: ولحدي الآن انا بقول ليكم أنا ما تمبس .. |
الظاهر عليكم ماتايرين تصدقو اهو جيتكم بأسم زول اخر .. ماقلناليكم
ماتمبس ماتمبس .. اها وحاأقعد الف على اساميكم واحد واحدة لحدي ماأقوَم
ليكم شيب في صنقور راسكم ..
ده شنو العالم الماداير يفهم ده .. ما تمبس ماتمبس ..
اها النبداء نلف على اساميكم لدخول من خلالها .. إن ماخليت البوست
ده كلو يكون زول واحد ابق انا تمبس ..
|
Post: #44
Title: Re: الهكـــر .. في قبضتي .. وفاهمني
Author: الملك
Date: 10-15-2008, 03:01 PM
Parent: #1
يا "الما تمبس"
أيمن دا منو؟!
|
Post: #46
Title: Re: الهكـــر .. في قبضتي .. وفاهمني
Author: nazar hussien
Date: 10-15-2008, 03:06 PM
Parent: #44
ايمن دقلة
|
Post: #49
Title: Re: الهكـــر .. في قبضتي .. وفاهمني
Author: zico
Date: 10-15-2008, 03:12 PM
Parent: #1
يا وهم
انا ما تمبس
ماعايزين تصدقو
عالم وهم
..
|
Post: #52
Title: Re: الهكـــر .. في قبضتي .. وفاهمني
Author: الملك
Date: 10-15-2008, 03:20 PM
Parent: #49
Quote: انا ما تمبس
ماعايزين تصدقو
عالم وهم |
..
انت زيكو...يا فالح
|
Post: #50
Title: Re: الهكـــر .. في قبضتي .. وفاهمني
Author: محمد عبد الماجد الصايم
Date: 10-15-2008, 03:14 PM
Parent: #1
دي على وزن مازمبي ولا شنو!!
|
Post: #51
Title: Re: الهكـــر .. في قبضتي .. وفاهمني
Author: محمد الجزولي
Date: 10-15-2008, 03:19 PM
دي من زيمبابوي موش ؟ بعرفها ..
|
Post: #53
Title: Re: الهكـــر .. في قبضتي .. وفاهمني
Author: حمد عبد الغفار عمر
Date: 10-15-2008, 03:29 PM
Parent: #51
عنبر الولادة
يا حاجة سارة
الزنقة حارة
|
Post: #54
Title: Re: الهكـــر .. في قبضتي .. وفاهمني
Author: معتز تروتسكى
Date: 10-17-2008, 09:03 AM
Parent: #53
خالص التحايا
الزميل
tmbis
Quote: ياخ من أمبارح واقعين في الهكر .. سلخ.
شكيتك على الله يا الهكر .. يجازي محنك يا الهكر .. يضربك الضريب يا الهكر .. يا هكر يا حرامي يا معفن ، يا هكر يا كوز، يا هكر يا ما كنت في الكشافــة .. إلخ
من أمس كلما ادخل بتفرج في حالة الهستيريا الحاصلة دي .. وهذا الهياج واضحك
من ضمن الاكتشافات الاكتشفتها إنو شعب السايبر عموم .. شعب مدهش جدا ومبدع وخلالاق ومسالم .. وفيهو كمية من الرائعين كتااار
الله يخليكم لي بكري ويخلي ليكم بكري .. يا شعب السايبر
طيب ياخ كان على الاقل تختو في بالكم إنو الهكـر دا بني آدم فوقو روح برضو .. بيحس وبيشعر بياكل وبيشرب ياخ وببقى لي زول ود خالتو يا قريب جيران ناس منو كدا ما عارف ، كان تعاينو لي (النصف المليان من الكوب) وكان ما عجبكم تموهو موية ..
ملحوظة:
البوست دا بعد شوية ح يتملي من شعوب سايبيريا لانو عنوان زي دا طبعا ممكن الايامات دي في موقع سودانيزاونلاين يأهلك لي جائزة نوبل ..
قلنا ليكم بتحبو الاكشن ما صدقتوني ولا فهمتوني .. ولا في يوم من الايام ح اللقى لي زول بيفهمني ..
أنا ليه ما قاعدين يفهموني ..
بي صورة أوضح .. إنت ح تفهميني متين ؟؟ |
من خلال حديثك اعلاه اود ان اقول بان الفرق لملاحظاتك انه اصبح لايتثنى لي الدخول للمنبر او النت عموما الا مسارقات ، لكنني كنت على مثل هذه التصورات التى دونها كلما اخبرني احدهم بان هنالك هكر للمنبر ؛بخصوص ردود افعال الهكر من زعيق وصخب غير مرتب لمعشر (شعوب ساييبريا) كما ذكرت..
كما هنالك سؤال اخر يطل من عمق ما كتبته كنت قد طرحته على نفسي عن ماذا سيفعل (شعوب ساييبريا) اذا اختفى هذا المنبر نهائيا ، ولا اود ان يطل هنا سؤالي الذي لم يبارح مكانه الى الان (هل سودانيز اون لاين مرتع للفاشلين؟!)...
التحايا النواضر...
|
Post: #55
Title: Re: الهكـــر .. في قبضتي .. وفاهمني
Author: jini
Date: 10-17-2008, 09:48 AM
Parent: #1
| Quote: الهكـــر .. في قبضتي .. وفاهمني |
طاخ!
انت وكت مقددة ومجضمة المقعدك مع الطير السايبيري ديل شنو!
( طير الرهو)جنى
|
Post: #56
Title: Re: الهكـــر .. في قبضتي .. وفاهمني
Author: Azhari Nurelhuda
Date: 10-17-2008, 10:08 AM
Parent: #1
شوفنا صورة صدوفكا اليوم داك
و شايفك عامل صهيوني و كده...
ليك فترة!!!!!!
|
Post: #57
Title: Re: الهكـــر .. في قبضتي .. وفاهمني
Author: عاصم ابوبكر حامد
Date: 10-17-2008, 10:23 AM
Parent: #1
موتمر صحفئ وبيان
في عملية باسلة وبطولية قامت مجموعة الارهابئ تمبس ومعه المجرم المخضرم الكبير حميد والرجل صاحب الاطوار العجيبة والغريبة المدعو حسين ملاسئ بالاعتداء على موقع سودانيز اون لاين بعدد 30 جهاز كمبيوتر مزود بانترنت MDSL على لواء الموقع بقيادة ناذر خليفة وبعض الاسفيريين المحيرين وكان وقت الهجوم حوالى الساعة 60بتوقيت جرنيتش انطلقت اجهزتهم المزودة بوقود الطائرات من الرياض وجدة والمهندسين والتقيا بشارع مدنئ بالقرب من محطة البنزين وفى هذا الاثناء علمت قواتنا المحمولة ارضا التى يقودها عبدالمنعم سليمان (بيجو)بالامر وقام بعمل اللازم ...
وكبدت قواتنا الاسفيرية المعتديين 90جهاز والقبض على 80 MDSL
ومن هنا نعلن ان المتهم الهارب حسين ملاسئ موجود الان بين منطقتيئ ساندئ ووادئ هور وعلى كل من يتعرف عليه التوجه الى اقرب مركز شرطة والتبيليغ عنه
والمتهم الثانى حميد الان موجود بجبل سئء(C)التى تقع بالقرب من كبكابية وايضا على من يتعرف عليه التوجه الى اقرب مركز شرطة والتبيليغ عنه
والمتهم الثالث هو تمبس موجود الان بالتحديد فى جبل مرة بالقرب من قواتنا الباسلة وسف تقوم قواتنا بتمشيط المنطقة ....
وعلى المتضرر بكرى ابوبكر ان يحاول الاتصال بشرطة الدباببين للقيام بالازم ...
وفى حالة فشل كل ذلك فان المتهمين الثلاثة حميد وتمبس وملاسئ
سوف يتم تسليمهم الى محكمة الدرجة العاشرة بحى الكلاكلات
(خربانا خربانا)
|
Post: #58
Title: Re: الهكـــر .. في قبضتي .. وفاهمني
Author: عبداللطيف حسن علي
Date: 10-17-2008, 10:32 AM
Parent: #57
| Quote: ده لو حكر من مدنى .... هييييييع |
!!
|
Post: #61
Title: Re: الهكـــر .. في قبضتي .. وفاهمني
Author: zoul
Date: 10-20-2008, 07:52 AM
Parent: #58
الاخوة الاعضاء
عايزين مواضيع مفيدة شنو الهكر عمل والهكر سوى ملعون الهكرز اكتبو عن 21اكتوبر بهذه المناسبة
|
Post: #59
Title: Re: الهكـــر .. في قبضتي .. وفاهمني
Author: محمد عبد الماجد الصايم
Date: 10-17-2008, 10:55 AM
Parent: #1
أحيييييي أنا
باللاي الزول دا قرب يرميني بايظ!!
|
Post: #60
Title: Re: الهكـــر .. في قبضتي .. وفاهمني
Author: Hala Hassan
Date: 10-20-2008, 07:42 AM
Parent: #1
| Quote: بعدد 30 جهاز كمبيوتر مزود بانترنت MDSL |
يا خوانا ما قالوا ليكم ما mdsl,
ما mdsl,
يا تبلدينا بالله تعال كلم الجماعة ديل،،
________________________________
أنا برضو ما تمبس،،،
|
Post: #62
Title: Re: الهكـــر .. في قبضتي .. وفاهمني
Author: Sara Mahgoub
Date: 10-20-2008, 08:06 AM
Parent: #60
صبـــــــاح الخيـــــــــر يــــــاهكـــــــر
تمبس اها ياكا زاتك وله تمبس المهكر
فى الحالتين مبدع ....
تحياتى وكتير شوقى للكل وحمدلله على السلامه
|
Post: #64
Title: Re: الهكـــر .. في قبضتي .. وفاهمني
Author: tmbis
Date: 10-20-2008, 08:56 AM
Parent: #62
تمبس سلام وحمدلله على السلامه المااتهكرتا
انت من المورده شرق وله السوق وله جمب ناس كافى ؟
تحياتى..
تمبس اها ياكا زاتك وله تمبس المهكر.. غايتو يا سارة عشان يصدقوني إلا اقوم افتو ليك ..
الله يسلمك من التهكيرة ..
عايني زمان بيتنا كان لما البحــر يزيد بيدخل بي المصارف بتاعت الخريف البتكون في الحيطة جمب الماسورة الداخله من الشارع للبيت شفتي كيف..؟
يللا في فيضان تمنية وتمنين البحر دخل لينا لحدت نص الميدان وقررب يصل العراضة التانية الجمب بيت ناس المرحومة ليلى المغربي .. وكنا بنربط المراكب في العمود الجمب بيتنا وبنمشي نتعشى عند الكوتش ..
ناس كافي بعيدين مننا .. لكن دكان شعيب من بيتنا القديم يعني زي مية وخمسين متر بعدما تاخدي شمالك وتدخلي باللفة ..
رحلنا طبعا قبل فترة لي بيتنا الأكبر وأول اجازة بعد الرحول قمت رحت من البيت مع بتاع التاكسي . وحسع دي لما انزل السودان تاني بروح
اي سؤال ياجماعة ..؟
|
Post: #63
Title: Re: الهكـــر .. في قبضتي .. وفاهمني
Author: tmbis
Date: 10-20-2008, 08:18 AM
Parent: #60
أخيرا لقيت لي زول يفهمني ..
أخونا zoul قال:
Quote: الاخوة الاعضاء
عايزين مواضيع مفيدة شنو الهكر عمل والهكر سوى ملعون الهكرز اكتبو عن 21اكتوبر بهذه المناسبة |
مسجل بتاريخ 2002 ومجموع المشاركات خمسة
وستة بي دا
انا ماخائف من الهكر وبكتب عن 21اكتوبر غدا
وقال عايز مواضيع مفيدة ..
اربطوا الأحزمة يا شباب .. مع مراعاة عامل التوقيت اتمنى لكم رحلة سعيدة وممتعة ..
ملحوظة:
من الآن فصاعدا محدثكم تمبس (هيم سيلف) البصدق يصدق الما بصدق ممكن ارفع ليهو بصمات
|
Post: #65
Title: Re: الهكـــر .. في قبضتي .. وفاهمني
Author: محمد عبد الماجد الصايم
Date: 10-20-2008, 09:25 AM
Parent: #1
اسمعني يا عمكـ
الموضوع دا أنا من زمان ما هاضمو!
| Quote: الحضور الان بالمنتدى العام لسودانيز أون لاين دوت كوم 1024 شخص » (115 )عضو و (909) زائرا |
عمكـ دا مش قافل المنبر حاليا إلا للأعضاء بس!
وتيب؟
|
Post: #66
Title: Re: الهكـــر .. في قبضتي .. وفاهمني
Author: tmbis
Date: 10-20-2008, 10:19 AM
Parent: #65
Quote: اسمعني يا عمكـ
الموضوع دا أنا من زمان ما هاضمو! |
.. | Quote: عمكـ دا مش قافل المنبر حاليا إلا للأعضاء بس! وتيب؟ |
يا كاروشة قلنا ليك مية مرة عمك بكري بحب الاكشن .. وافلام الخيال العلمي ..
يسعى دائما إلى حشد أكبر عددية من (الكلكات) .. زكرني صاحبنا خالد الطيب عصام أحمدحرامي النت .. فتح ليهو بوست ولما لقى الشغلانة ما مقسمة قام عمل زيدان ابراهيم للمداخلات .. بي صورة مضحكة جدا وقال ديل كلهم ناس بجو داخلين حسع دي بسرعة يقرو في الخبر البيض حقو داك .. وبطلعوا وبجو غيرم ناس تانيين .. وقايل ما عندنا حديدة..
يللا هنا دا قام المذيع وووقف
بكري في معرب رده عن الحالة .. قال ايوة صاح ممكن الحركة دي عادي جدا وفي ظرف كم كدا ما عارف ممكن المشاهدة تزيد وعدد (الكلكات) زايد الحاصل الكارتيزي بتاع كم باي نق تربيع وشنو كدا ما عارف ..
المهم الوكت داك يا عمك ضارب ليك (حجــر) مظبوط وما قادر اقوم من حتتي وكرعيني تقااال .. وكنت في لحظة تجلي .. يا تكسس يرجع ..
قدرما قلبتها بي كل الجهات ما لفقت معاي .. قلت غايتو بكري دا يا نقط .. نقط .. يا شيطــان يا كمان (الكلكاتي) دا يكون عندو طلطاشر صباع في صباع .. وكم واربعين كيبورد .. ولوحين تلج علشان يبرد بيهم .. يا كمان بكري رابط ليهو (مغنطيس) وعامل ليهو مصفى بتاع زيت بيصفي بيهو اي (كلك) سوداني في (الشبكة العنكبوتية) .. ويشفطو طواااالي
المهم ما تشغل راسك بالقصة دي .. انساك منها ..
لكن بس أعرف انو البورد دا بيعمل حاجات مرات كدا خليها في حنانك .. يعني تلقى اسمك مرتين يا تلاتة مرات .. تلقى بدل محمد عبد الماجد الصايم مكتوب .. (محمد عبدالـ 525666666) وهكذا ..
شوف التفسير المنطقي للمسالة دي على حسب راسي :
إنو بكري متكيف من مسالة (الكلكات) دي ورابط العداد بتاعو الفوقاني دا بي اي نقرة على الموقع .. اي نقرة على الموقع بتتقري عندو في العدادوميتر بتاعو الموجود في صفحة الموجودين دا ..
الآن الدخول محصور على العضوية .. لكن دا ما بيمنع إنو في (كلكات) على الموقع بمحاولة التصفح ودا كلو بتسجل في ميزان الحسنات طبعا.
وبعدين نجي نسال يا جماعة الفورة كم ..؟ مافي زول عايز يفهمنا ..
|
Post: #68
Title: Re: الهكـــر .. في قبضتي .. وفاهمني
Author: فيصل عباس
Date: 10-20-2008, 10:42 AM
Parent: #66
| Quote: مافي زول عايز يفهمنا .. |
غايتو انا ما فاهم ولا اي حاجه ولا اظني حاب افهم
لكن شكلها كده ح تكون مشروع لاغنيه بنات مطلعها:
هكــــرني يا يمه
هكــــرني البريدو
<جب جب جب .. جبجب
***
عالم هكارين بشكل مع امكانيه تبديل الحرفين الملونات بحروف تعجبك او خروف
عليك الله كمل كلامك بسرعه وخلينا نتحارج يا عمك اصلنا بقينا خايفين على رويحتنا من طويل القعده هنا ممكن نتهكر وكده
|
Post: #67
Title: Re: الهكـــر .. في قبضتي .. وفاهمني
Author: Sara Mahgoub
Date: 10-20-2008, 10:25 AM
Parent: #65
ياتمبس
نحن ناس الشايقى انتو قريبين للخور اسع بقى ماخور بقى منتج بالمركب وكده
اسمع ماطول من البلد شديد بتجى تلقى الخور حفره واحتمال تلقاهو مؤشرين عليهو بى سهم كان يوجد اثر مجرى نهرى واندثر ...وله تلقى
بيتكم زحه فى حتة الخور كلو وارد ياتمبس 
|
Post: #69
Title: Re: الهكـــر .. في قبضتي .. وفاهمني
Author: tmbis
Date: 10-20-2008, 11:12 AM
Parent: #67
Quote: اسمع ماطول من البلد شديد بتجى تلقى الخور حفره واحتمال تلقاهو مؤشرين عليهو بى سهم كان يوجد اثر مجرى نهرى واندثر ...وله تلقى
بيتكم زحه فى حتة الخور كلو وارد ياتمبس |
من ناحية زحـة دي يا سارة فعلا زحة .. الزقاق القدام البيت كان موزع علي مية لعبة .. ( قنايتين مربوطات بي سير للكرة الطايرة .. مساحة للدافوري بي كورة الشراب مساحة للجكس للحجلة .. ومساحة للبلي .. وكمبلت والجوع كتلا .. ودحرجانية بتنزل في الخور مباشرة بالنسبة للناس البتتعلم في سواقة العجلة.. وورشة لي صناعة العربات من علب اللبن) وممشى عريض جدا للامهات الجايات من السوق .. ويتزاوغن بي حرفنة بين الميادين دي واللعبات المختلفة وكل واحدة شايلة القفه .. الكلام دا قبل (الطفرة) طبعا
يوم لقيت الشفع قاعدين يلعبو في نفس الزقاق دافوري:
كانو نضاف جدا ومستحميين للدافوري .. لابسين كدارات بي شرابات طويلة وكانو اكثر براءة
لما وصلت لي نص الزقاق حسيت اني مخنوق وما قادر اتنفس .. حسيت انو لو مديت يديني ح اللامس الحيطة دي والقصاده .. عندي مكان مميز في نهاية الزقاق دا في نص الحيطة في شباك دائري .. كنت بزوغ وبقعد هناك (انا .. وأنا) بتذكر كان في جو بااارد (وريحة بيت) كانت فيهو (أجمل وأحن واعطف حبوبة) كانت مصاحبانا بي (حلاوة قصب) (وبتييح لينا الفرصة إنو نتدسى تحت عنقريبه الوسيع لما نكون هاربين لينا من علقة محتملة يا زايغ من مرسال ).. مشيت للاسف علشان اعزي عليها .. مريت بي نفس المكان .. وبي تحت الشباك .. لفحني السموم .. والشباك فتحتو قربت للارض .. (والدحرجانية) الزمانك بقت مستوية ولا صوت للكــــلاب يذكر.
بعدين بالنسبة للخور وكدا ..
بالمناسبة عندي (سيف) دافنو في (سوم وير) في الخور لليوم الأسود .. من زمن كنا بنلعب عصابة عصابة .. وحرب حرب ومسلسل لا إله إلا الله .. ..
احتمال كبير جدا يا سارة مع عهد الطفرة دا .. السيف دا لي قدام يبقى قطعة اثرية نادرة ولو قامت حفريات في الحتة دي ربما أخوك يطلع مشهور . يا حتمال كمان يجو يزورو فيني
الشايقي منو في الاشياق يا سارة ..؟
ناس عادل ..؟
واللا ناس عمك الشايقي العندو الدكان في السوق جمب دكان بشير ود المحامي .. وعم عبد الحميد رجب وخضر الصياد ..
غايتو الليلة علمتي لينا (ابقريد) عديل كدا
|
Post: #70
Title: Re: الهكـــر .. في قبضتي .. وفاهمني
Author: Osama Mohammed
Date: 10-20-2008, 11:16 AM
Parent: #1
أنا هجمة مرتدة يا تمبس ؟؟؟؟؟
|
Post: #71
Title: الهكرز
Author: zoul
Date: 10-20-2008, 11:30 AM
Parent: #1
ياجماعة البهكرز ديل ناس عادين وموقع بكر ى عايز تحصين من الامريكان بس هو يدفع ليهم
|
Post: #73
Title: Re: الهكرز
Author: tmbis
Date: 10-20-2008, 11:46 AM
Parent: #71
Quote: الاخوة الاعضاء
عايزين مواضيع مفيدة شنو الهكر عمل والهكر سوى ملعون الهكرز اكتبو عن 21اكتوبر بهذه المناسبة |
.. | Quote: ياجماعة البهكرز ديل ناس عادين وموقع بكرى عايز تحصين من الامريكان بس هو يدفع ليهم |
يعني خـــلاص يا زول نزل منك واستغفرته ورضيت تكتب في المواضيع الغير مفيدة ..؟
يازول اطلع لينا بالمفيد يا اعرض اسمك دا في مزاد علني .. يا كمان خليهو اسم أخوان .. أي واحد مزنوق اديهو فيهو شدة ..
بلاي حاتل من الفين واتنين في البورد دا .. والله حسع سنونك زاته تكون اتكسرت ..
|
Post: #75
Title: Re: الهكرز
Author: وليد شريف
Date: 10-20-2008, 12:46 PM
Parent: #71
يا تمبس الماتمبس هل000000؟
هل سودانيز اونلاين مرتع للارزقجية والوصوليين ؟
هل تم تهكير الموقع
عشان ناس دارفور كرهونا النضال؟
عشان ناس الجبهة كرهونا السودان؟
عشان غالبية اعضاء الموقع ماعندهم موضوع؟
عشان كمية السب والشتائم بين الاعضاء ؟
عشان تم نشر جزء بسيط من فضائح حكومة الجبهة ؟
عشان الهلال والمريخ طاروا من المنافسة الافريقية ؟
عشان ناس الموردةبحمرواالسمك في الزيت الرجيع؟
والله عشان منتسبي الجبهة والمنتفعين والارزقجية يشمتوا ويفرحوا
بتهكير الموقع ولمان يرجع يجوا يهللوا ويقولوا قلوبنا معك يابكري؟!!
|
Post: #72
Title: Re: الهكـــر .. في قبضتي .. وفاهمني
Author: Abdelmuhsin Said
Date: 10-20-2008, 11:33 AM
Parent: #1
...
|
Post: #76
Title: Re: الهكـــر .. في قبضتي .. وفاهمني
Author: Sara Mahgoub
Date: 10-20-2008, 01:01 PM
Parent: #72
تمبس ياخى بعدين ماتنسانا من سيفك
عندى فيهو اغراض كتيره ولسته طويله ؟؟؟؟؟
ناس الشايقى المقابلين لى بقالة كافى ناس محمد الشايقى ( دسوقى ) ..
الشباك الجاب ليك سموم احمدالله الماجاب ليك كتاحه و اعصار لمن راسك يلف وماتتزكر اى حاجه غير الحاجه الفارضه نفسه
وبتكون قويه شديد وبصمته ممتده مع الايام , خليتنا نرجع وراء مع انو دايسين بنزين قدام
|
Post: #74
Title: Re: الهكـــر .. في قبضتي .. وفاهمني
Author: Ahmed musa
Date: 10-20-2008, 12:25 PM
Parent: #1
Quote: يللا في فيضان تمنية وتمنين البحر دخل لينا لحدت نص الميدان وقررب يصل العراضة التانية الجمب بيت ناس المرحومة ليلى المغربي .. وكنا بنربط المراكب في العمود الجمب بيتنا وبنمشي نتعشى عند الكوتش ..
ناس كافي بعيدين مننا .. لكن دكان شعيب من بيتنا القديم يعني زي مية وخمسين متر بعدما تاخدي شمالك وتدخلي باللفة ..
رحلنا طبعا قبل فترة لي بيتنا الأكبر وأول اجازة بعد الرحول قمت رحت من البيت مع بتاع التاكسي . وحسع دي لما انزل السودان تاني بروح
|
والله ده كلام ما يقولوا إلا تمبس ...أو ولده الكبير بعد 18 ــ21 سنة من ولادته
|
Post: #79
Title: Re: الهكـــر .. في قبضتي .. وفاهمني
Author: الملك
Date: 10-21-2008, 02:33 AM
Parent: #1
|
|