Post: #6 Title: Re: يا بكري ... رجع لينا اليوم الحار ... Author: الشامي الحبر عبدالوهاب Date: 10-15-2008, 10:09 AM Parent: #4
Quote: نحن لو دورنا تاني من الصفر ...
برضو حا نكتسح المنبر ..
مدرسة .. لعب.. فن.. وهندسة
Post: #8 Title: Re: يا بكري ... رجع لينا اليوم الحار ... Author: Adam Mousa Date: 10-15-2008, 11:00 AM Parent: #6
Quote: ياخي كان تخلينا كافين خيرنا شرنا .. وقاعدين هنا نفقع مرارة الناس في المنبر العام ..
ابراهيم وكيكى كل سنه وانتو طيبين... انا اكتر زول فقدت البوست لمن بقى منبر منفصل.. لأنى كسول فى البحث بسبب زحمة العمل.. كان زمان الواحد بلقى البوست بتاع اليوم الحار فى وشو ويقوم داخل يقرا ومرات يتداخل معاكم لكن مما فصلتوه الا الواحد يجيهو تلفون يا اخى الليله تكريم مرتضى يا اخى الليله تكريم طلال ..عمر الحبر وهلمجرا.. اهى مما اختفت التلفونات والتكريمات تانى انا شخصيا ما شفت (اليوم الحار) نطالب بشده برجوع اليوم الحار للمنبر العام على الاقل (البوست) مع احتفاظكم بالمنبر لطرح قضاياكم الاخرى التى تهمكم كمهندسين.. اليوم الحار بوست حيوى ويعتبر بكل المقاييس نوارة المنبر ،، تجد فيه الادب والفكاهه والدعابه والمواضيع الجاده (بانوراما) من كل نبع قطره.. لذا كان يمثل اكثر (البوستات) قراءه وتداخلا.. نأمل عوده سريعه لبوست اليوم الحار للمنبر العام...
Post: #7 Title: Re: يا بكري ... رجع لينا اليوم الحار ... Author: Hala Hassan Date: 10-15-2008, 10:34 AM Parent: #1
هلا إبراهيم، هلا كيكى،
والله الجاتنا فى منبرنا (ما) سامحتنا،،،
لكن، لأنا لسه عندى أمل المنبر يرجع و لو بنسخة ما قبل الحادث،
لأنو ما أعتقد بكرى ما يكون بيعمل إحتياطى باك أب يومى،
إذا كان ذلك صحيح، فتكون المسألة مسألة وقت،،،،
We Hope,,,,
Post: #9 Title: Re: يا بكري ... رجع لينا اليوم الحار ... Author: Ana Zaty Omdur Date: 10-15-2008, 11:21 AM Parent: #1
Quote: نطالب بشده برجوع اليوم الحار للمنبر العام على الاقل (البوست) مع احتفاظكم بالمنبر لطرح قضاياكم الاخرى التى تهمكم كمهندسين.. اليوم الحار بوست حيوى ويعتبر بكل المقاييس نوارة المنبر ،، تجد فيه الادب والفكاهه والدعابه والمواضيع الجاده (بانوراما) من كل نبع قطره.. لذا كان يمثل اكثر (البوستات) قراءه وتداخلا.. نأمل عوده سريعه لبوست اليوم الحار للمنبر العام...
نرجوا ونتمنى و نأمل ذلك و بشـــــدة
منيرة حمد النيل
Post: #10 Title: Re: يا بكري ... رجع لينا اليوم الحار ... Author: Hala Hassan Date: 10-15-2008, 11:41 AM Parent: #1
الأخ أدم موسى، إبراهيم دة بكون الزعل مانعه الكتابة، كفارة يا إبراهيم، و إنشالله يجمع لينا الفقد الكبير دة على خير،،،
Quote: اليوم الحار بوست حيوى ويعتبر بكل المقاييس نوارة المنبر ،، تجد فيه الادب والفكاهه والدعابه والمواضيع الجاده (بانوراما) من كل نبع قطره.. لذا كان يمثل اكثر (البوستات) قراءه وتداخلا.. نأمل عوده سريعه لبوست اليوم الحار للمنبر العام...
نشكرك من صميم قلبنا يا ادم موسى، و نرجو منك مواصلة القراءة و المشاركة،
بس يرجعوا لينا،،،
Post: #11 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-20-2008, 06:54 AM Parent: #10
وما زلنا نطالب ....
يا بكري رجع لينا اليوم الحاااااااااااااااااااار ...
Post: #12 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-20-2008, 07:04 AM Parent: #11
خواطر مهندس/سة
Post: #13 Title: Re: يا بكري ... رجع لينا اليوم الحار ... Author: Hala Hassan Date: 10-20-2008, 07:51 AM Parent: #1
إبراهيم،
سلامات،،،
منبرنا شكلو أتلحس يا رجالة،،،،
والله عين حارة خلاص،،
__________________________ غرفة عمليات سريعة يا جماعة، لتقييم و تدارك الموقف
Post: #14 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-20-2008, 08:12 AM Parent: #13
Quote: منبرنا شكلو أتلحس يا رجالة،،،،
والله عين حارة خلاص،،
هالة ... سلام ..
عاوزين توضيح من بكري عن وضع منبرنا ... عشان نفهم حاجة ...
Quote: غرفة عمليات سريعة يا جماعة، لتقييم و تدارك الموقف
ولو كان فعلا اتلحس ... تبقى مصيبة .. وإحباط شدييييييييييد .. وما أظن الشغل بيكون بنفس الروح .. (وش محبط ...)
Post: #15 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-21-2008, 07:51 AM Parent: #14
ما زلنا منتظرين ظهور بكري ...
لشئ من التوضيح ...
Post: #16 Title: Re: يا بكري ... رجع لينا اليوم الحار ... Author: علاء الدين محمد بابكر Date: 10-21-2008, 07:23 PM Parent: #1
ابراهيم...انا زمان ما قلت ليكم عندي رأي مشاتر..ما اخدتو بكلامي انتو ما عارفين ان (الهكر يأكل من البوستات القاصية؟؟) أها خمو وصروا...نحنا بنتلاقا في (جاد)..انت تمش وين؟؟ كدي كلكم ايد في ايد وندور في بوستيك دة لحدي ما الكربة تنفك!! ولا رايكم شنو؟؟؟ هندســـة فوق
Post: #17 Title: Re: يا بكري ... رجع لينا اليوم الحار ... Author: علاء الدين محمد بابكر Date: 10-21-2008, 07:31 PM Parent: #1
تعرف يا ابراهيم.. انا لمن كنت متغرب في الأمارات كنت باسمع اغنية خواطر فيل وأقول ليهم انا عندي احساس انو انا الفيل!! بس ما يكون ده احساسك؟؟
Post: #18 Title: Re: يا بكري ... رجع لينا اليوم الحار ... Author: khaleel Date: 10-21-2008, 07:36 PM Parent: #17
بكري
لو سمحت خلي نسخة من اليوم الحار في مكتبتي
ورجع اليوم الحار سريع
Post: #19 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-22-2008, 09:26 AM Parent: #18
علاء الدين ،،،
Quote: ها خمو وصروا...نحنا بنتلاقا في (جاد)..انت تمش وين؟؟
ياخي نحن في شئ كجانا غير ( جاد ) بتاعكم ده ...
من يوم الفطور ..
والمنبر اتلحس ..
نرجع للوشوش إياها : (وش حااااسد) ...
Post: #20 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-22-2008, 09:30 AM Parent: #19
Quote: تعرف يا ابراهيم.. انا لمن كنت متغرب في الأمارات كنت باسمع اغنية خواطر فيل وأقول ليهم انا عندي احساس انو انا الفيل!! بس ما يكون ده احساسك؟؟
علاء الدين ،، كان عندك إحساس إنك إنت الفيل ...المحبوس ..
طيب هسع ،،
ورينا إحساسك وانت فيل .. ما محبوس ..
Post: #21 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-22-2008, 09:35 AM Parent: #20
بكري ،،،
أدينا نظرة ياخ ،،،
وورينا موقفنا شنو ؟
نرجع من صفحة 25 من الأرشيف؟
ولا في أمل ؟
غايتو .. لو بقى فيها رجعة ل 25 ..
تعالو واصلو انتو .. يا ناس جاد ...
Post: #22 Title: Re: يا بكري ... رجع لينا اليوم الحار ... Author: صلاح ليون Date: 10-22-2008, 10:14 PM Parent: #21
السلام عليكم
مهندسين نعم نعم ...
فوووق لعناية الباشمهندس بكري
ويا إبراهيم خليهو يجيبو لينا إنشاء الله من 25 صفحة وما عليك نحن بإذن الله بنرجعوا لي مكانو مكانتو تاني
...
Post: #23 Title: Re: يا بكري ... رجع لينا اليوم الحار ... Author: khaleel Date: 10-22-2008, 10:20 PM Parent: #22
شباب
اليوم الحار في الحفظ والصون
كتبناهو بالدموع والدم
لن يضيع حصاد السنين
Post: #24 Title: Re: يا بكري ... رجع لينا اليوم الحار ... Author: صلاح ليون Date: 10-24-2008, 09:40 PM Parent: #23
فووووووق لعناية الباشمهندس بكري وعارفينك مشغول اليومين ديل يا باش
بس للتذكرة وبعد ما تفضى نحن في الانتظار
وهو قاعد في أرشيف الربع الثالث فلو سمحت اديهو لزة خليهو يجينا هنا عشان نشتغل عليهو وطبعا حتى الفور ويل درايف ما حينفع لكن إنشاء الله حنتمو
Post: #25 Title: Re: يا بكري ... رجع لينا اليوم الحار ... Author: صلاح ليون Date: 10-24-2008, 11:34 PM Parent: #24
فوووق
وفي الإنتظار
وعلى راحتك يا باش
تحياتي
Post: #26 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-25-2008, 06:42 AM Parent: #25
Quote: وطبعا حتى الفور ويل درايف ما حينفع لكن إنشاء الله حنتمو
غايتو ...
الله يجازيك يا ود الصائم ...
Post: #27 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-25-2008, 12:13 PM Parent: #26
علاء الدين ...
وينكم ؟
انشاء الله متلمين في جاد ...
Post: #28 Title: Re: يا بكري ... رجع لينا اليوم الحار ... Author: Adam Mousa Date: 10-26-2008, 08:59 AM Parent: #27
**
Post: #29 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-27-2008, 06:52 AM Parent: #28
فوق ... وكده ..
Post: #30 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-27-2008, 12:32 PM Parent: #29
علاء الدين ،،،
الظاهر وزارات الداخلية والخارجية شايفين شغلهم صاح ..
Post: #31 Title: Re: يا بكري ... رجع لينا اليوم الحار ... Author: طارق أحمد خالد Date: 10-27-2008, 01:11 PM Parent: #1
أبراهومة ازيك لبكم وحشة جد. والله الواحد كان حاسي بغرب. شي غريب أن تنتمي لموقع الكتروني وشحصيات تبعد عنك الاف الأميال
بالصدفة قرأت في الأيام الماضية كتاب عن علم الأجتماع الالكتروني.. كتاب خطير يحلل مااستجد من التحليل النفسي والإجتماعي للأثر الذي أحدثته المواقع الألكترونية مثل الفيسبوك و موقعنا الحبيب. ..
مشتاقين وهناك الكثير بس خلونا نشيل مفسنا
Post: #32 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-27-2008, 01:15 PM Parent: #31
ط ا خ ،،
Quote: أبراهومة ازيك لبكم وحشة جد.
والله بالأكتر يا هندسة ،،،
ياخي راسنا اتقطع بشكل .. والواحد أصيب بإحباط شديد ،، وما قادر يستوعب فكرة إنه المجهود كله ضاع ..
غايتو ربنا يجيب العواقب سليمة ،،
Post: #33 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-27-2008, 01:19 PM Parent: #32
رسالة من الأخت سهام الكاروري ،، بعد طول غياب .. والقصة أبلغ وصف للحال التي نحن عليها الآن ..
Quote: قال الجندي لرئيسه : صديقي لم يعد من ساحه المعركه سيدي.. أطلب منك الإذن للذهاب للبحث عنه ..
الرئيس: الاذن مرفوض '
و أضاف الرئيس قائلا : لا أريدك أن تخاطر بحياتك من أجل رجل من المحتمل أنه قد مات
فذهب الجندي دون أن يعطي أهمية لرفض رئيسه . وبعد ساعة عاد وهو مصاب بجرح مميت حاملاً جثة صديقه ...
كان الرئيس معتزاً بنفسه : لقد قلت لك أنه قد مات .. قل لي أكان يستحق منك كل هذه المخاطره للعثور على جثته ؟؟؟
أجاب الجندي ' محتضراً ' : بكل تأكيد سيدي .. عندما وجدته كان لا يزال حياً،، واستطاع أن يقول لي : ( كنت واثقاً بأنك ستأتي )
{ الصديق هو الذي يأتيك دائما حتى عندما يتخلى الجميع عنك }
Post: #36 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-28-2008, 06:32 AM Parent: #35
الليون ،،
Quote: بس عايز دعوة كده ما خبيثة
يا سيدي ربنا يسهل طريقك .. ويكتب ليك بنت الحلال ،، الهدية ورضية .. ومريخابية ..
وأهم شئ ... تكون ديمقراطية ...
مش ذي حكومة ناس علاء الدين .. الخلتو يصرح في المنابر .. إنه الهكر هم عبارة عن تجمع زوجات زعلانين من سودانيز أون لاين ...
Post: #37 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-28-2008, 06:35 AM Parent: #36
وده كلام علاء الدين في أحد البوستات :
Quote: سلامات..بكري وحمدلله علي سلامة الرجوع.. غيرت كلمة السر واشتغلت.. أنا أشك انو الهكرز الضربونا هم منظمة ارهابية مكونة من (نسوان) مدمني سودانيز اون لاين الخزي والعار للهكرز... عاشت سودانيز اون لاين زوجة ثانية..للجميع..
Post: #38 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-28-2008, 06:36 AM Parent: #36
وده كلام علاء الدين في أحد البوستات :
Quote: سلامات..بكري وحمدلله علي سلامة الرجوع.. غيرت كلمة السر واشتغلت.. أنا أشك انو الهكرز الضربونا هم منظمة ارهابية مكونة من (نسوان) مدمني سودانيز اون لاين الخزي والعار للهكرز... عاشت سودانيز اون لاين زوجة ثانية..للجميع..
علاء الدين ،، غايتو كلامك ده لو وصل لوزارة الداخلية ... تاني (جاد) ده إلا تقضيه فطور .. وغداء ... ويمكن عشاء كمان ....
اوكى وياريت الناس تواصل الكتابه خصوصا الناس القادره تدخل بسهوله ( خليل + كيكى + ابراهيم+ بمبو ) عشان استمرار كل البرامج و التواصل ومعرفة الاخبار اول باول ... رغم ظروف بعضهم فى بعض مشاغل الحياة لكننا نتمنى و نرجو
ماذا قدم اليوم الحار فى دوراته السابقه ... دعوه للجميع عشان نتذكر و نقيم
1- تعارف و تواصل و حياة اجتماعيه مخلوطه بالحب و العشره 2- عناوين 3- اخبار 4- ذكريات 5- برامج خيريه ( دعم الكليه + الصندوق الخيرى ) 6- تكريم وعرفان ( برنامج تحية مهندس )
نبدأ نقيم > عشان الجاى يكون احلى .... رايكم شنو ؟
Post: #41 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 07:19 AM Parent: #40
والله يا كوشت ،،، فعلا اليوم الحار رجع لينا ناس وذكريات أبت الظروف إلا أن تكون سبب في الإنتقطاع عنهم .. طبعا ما حا أقول سبب في نسيانهم ،، لأنهم من الصعب نسيانهم .. الناس بقت متابعة أخبار بعض .. وعرفوا عناوين وأماكن إستقرار بعض ... انتظمت لقاءات .. وفي مختلف الأماكن .. وكله بفضل اليوم الحار ..
أما لفتة (تحية مهندس) .. فدي براها كوم .. ويكفى ما تركته الفكرة والتنفيذ في نفوس المحتفى بهم .. والمشاركين .. وكنا نتمنى ونخطط للعمل على إستمراريتها ..
عموما ،،،
نتواصل ،،
Post: #42 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 07:39 AM Parent: #41
Quote: طبعا ما حا أقول سبب في نسيانهم ،،
الحقيقة يا إبراهيم نسيناهم ياخي الزول لما تكون ليك خمستاشر سنة ما شفتو شكلو زاتو يبتدي يختفي من ذاكرتك ، يقول ليك ياخي الاسمو فلان داك ، تقعد تتذكر فلان فلان يقول ليك ياخي الكان بيمشي مع فلانة وتقعد انت تقول فلانة فلانة ، وإلا يديك تاني أمارة أمارتين حتى يادوب يا اتذكرتو يا ما اتذكرتو ....
ولكن اليوم الحار بكل ما فيه من صور وذكريات ومواقع في الكلية عمل رفرش كامل للذاكرة وهسه أصبحنا متواصلين مش بس مع الدفعة بل مع كل الدفعات
ونحنا في انتظار عودة يومنا الحار
يا ابراهيم ما شفته الكوتش بي اختفاء اليوم الحار وعدم الموضوع سجل زيارة لي ناس اسكول وقعد يتفشى فيهم وسائلهم ليك عن التاج الراكوبة
Post: #43 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 07:48 AM Parent: #42
Quote: يا ابراهيم ما شفته الكوتش بي اختفاء اليوم الحار وعدم الموضوع سجل زيارة لي ناس اسكول وقعد يتفشى فيهم وسائلهم ليك عن التاج الراكوبة
Post: #44 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 07:51 AM Parent: #43
الليون ،،، بالمناسبة صورتك دي أمس كانت مهكرة ،،، كانت نازلة عند زول تاني ..
Post: #45 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 07:54 AM Parent: #44
Quote: الليون ،،، بالمناسبة صورتك دي أمس كانت مهكرة ،،، كانت نازلة عند زول تاني ..
عليك الله !! ياخي اصلو ما معقول كدي قول لي قاشر بيها وين الزول ده
غايتو لو بقت على الصورة الحمد لله البركة في باصنا ده
Post: #46 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 07:59 AM Parent: #45
Quote: عليك الله !! ياخي اصلو ما معقول كدي قول لي قاشر بيها وين الزول ده
يا مان هو ما كان قاشر بيها ولا حاجة .. بالعكس .. هو قال انه دي ما صورة البروفايل بتاعو .. وقال هي لزميل في المنبر ... نزلت عنده .. كيف ما عارف ...
عموما ،، أمس كانت في لخبطة ذي دي حاصلة .. أكتر من شخص نزلت ليهم صور بروفايل غير بتاعتهم .. وبكري وضح سبب الخلط .. لسبب إرجاع الصور للمنبر .. والظاهر حصل تداخل في ال addresses
Post: #47 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 08:31 AM Parent: #46
Quote: أمس كانت في لخبطة ذي دي حاصلة ..
وإنت اشمعنا صور فارغو الماعندو حاجة ده ليه ما طارت يازول لخبطة شنو أنا عارف دي الوجاهة .. بس خليها في سرك
وين طارق يجي ويدينا خبر ناس السودان
Post: #48 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 08:47 AM Parent: #47
Quote: وإنت اشمعنا صور فارغو الماعندو حاجة ده ليه ما طارت
لا تسألوا عن أشياء إن تبد لكم .......
Post: #49 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 09:45 AM Parent: #48
يا الكوتش وينك
غايتو يا إبراهيم لو طلع ماسورة .. حشتربو وما حترووا
آل وارو آل
فوووق
Post: #50 Title: Re: يا بكري ... رجع لينا اليوم الحار ... Author: Hala Hassan Date: 10-29-2008, 09:53 AM Parent: #1
سلام يا شباب،،،،
Post: #51 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 10:07 AM Parent: #50
مرحبا هالة ،،، وحمدا لله على السلامة ،،،
جبنا سيرة الأوط ....
Post: #52 Title: Re: يا بكري ... رجع لينا اليوم الحار ... Author: Hala Hassan Date: 10-29-2008, 10:16 AM Parent: #1
شكرا يا إبراهيم تانى، والله لو تعرف رجعت كيف، ما ترضى لى،
لسه الجماعة مقفولين،
يعنى جيتى دى من الشباك، ما من الباب،،،،
Post: #53 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 10:50 AM Parent: #52
هالة ازيك
Quote: يعنى جيتى دى من الشباك، ما من الباب،،،،
دسي الكلام ده اليومين دي في حالة طواري
Post: #55 Title: Re: يا بكري ... رجع لينا اليوم الحار ... Author: Hala Hassan Date: 10-29-2008, 11:07 AM Parent: #53
صلاح،
Quote: دسي الكلام ده اليومين دي في حالة طواري
حوالينا ما علينا،،،
عشان كدة أنا كنت منتظرة المشكلة تتحل من جذورها،،،،
Post: #54 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 10:51 AM Parent: #52
Quote: لسه الجماعة مقفولين، و أنا مستعملة سوفتوير كدة، مع إنى ما كنت أحب الطريقة دى،
هالة ،، كدي ورينا الحاصل شنو بالضبط ؟ عشان في ناس من السودان داخلين ..
هل مقفولين ناس كنار بسبب اتهام انه الهكر كان مستعمل كنار ؟
Post: #56 Title: Re: يا بكري ... رجع لينا اليوم الحار ... Author: Hala Hassan Date: 10-29-2008, 11:12 AM Parent: #1
إبراهيم،
Quote: هالة ،، كدي ورينا الحاصل شنو بالضبط ؟ عشان في ناس من السودان داخلين ..
هل مقفولين ناس كنار بسبب اتهام انه الهكر كان مستعمل كنار ؟
ما سمعت الهكر قال ما دخلت من كنار!!!
عموما، بنناشد بكرى يراجع الـPort Settings
أو يكلم الأعضاء الما قادرين يدخلوا يعملوا شنو....
Post: #57 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 11:41 AM Parent: #56
Quote: عموما، بنناشد بكرى يراجع الـPort Settings
أو يكلم الأعضاء الما قادرين يدخلوا يعملوا شنو....
مناشـدة أخــرى ... لبكــري ...
Post: #58 Title: Re: يا بكري ... رجع لينا اليوم الحار ... Author: علاء الدين محمد بابكر Date: 10-29-2008, 11:46 AM Parent: #1
سلامات.. انا شخصيا ما عارف المشكلة شنو.. مرة بلقي الموقع مقفول..ومرات مفتوح.. وحاليا عادي جدا.. ما مشاكل غير الأنشغالة.. سلام هالة وعودا حميدا.. ابراهيم كان حا يشتكي في محكمة (الهكر الدولية) لو بكري طول ما رجع ليهو الموقع.. الكوتش..سلامات.. والأمن مستتب.. الليون..ألحق صورتك..الناس قاشرة بيها..والمشكلة انهم ماعارفنها حقت منو!! يلا غنو معانا: (يجوا عايدين..ان شاء الله عايدين..الطلبة المهندسين.....)
Post: #59 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 11:53 AM Parent: #58
علاء الدين ،،
Quote: ابراهيم كان حا يشتكي في محكمة (الهكر الدولية) لو بكري طول ما رجع ليهو الموقع..
النية ما زالت موجودة إذا ما رجع اليوم الحار ...
دخولي للموقع على مضض .. أملاً في عودة منبرنا ..
Post: #60 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 12:03 PM Parent: #59
السلام عليكم يا علاء الدين والف حمد لله بالسلامة وإنشاء الله الهكر ما اصابك في مكروه لديكم
أنا ماقلت ليك يا إبراهيم الوجاهة متاعب لكن خليها ليهم انا لي قدام بغيرها بواحدة أوجه من كدا ..
كدي عليك الله ياعلاء لو شفتها أديني رابط البوست خلينا نمشي ندخل عليهم وندين ونشجب ونطالب بإعادة الصورة الرهينة لديهم لانو ببساطة ممكن الزول اول ما يلقى دي ماصورة بروفايلو من يغيرها وبكل سهولة ويسر (تاني اقول ليك الظاهر عاجباهم)
Post: #61 Title: Re: يا بكري ... رجع لينا اليوم الحار ... Author: علاء الدين محمد بابكر Date: 10-29-2008, 12:11 PM Parent: #1
رغم انه ظروف العمل ربما (تقص) من أيام الإجازة ... بس ،، أهو أحسن من العدم ..
ويا ناس (جاد) ... جاكم بلا ..
Post: #65 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 12:27 PM Parent: #64
ناس (جاد) ... شوفو ليكم مكان تاني من هسع ...
جاد ده بنمشي نشوفو بس للإطلاع على المكان الذي شهد (ضياع اليوم الحار) ..
تخريمة : الدعوات خلوها غداء .. ولقدام .. عشان نحن في إجازة .. وما بنصحى بدري .. خصوصا مع برد السودان الشديد داك ...
Post: #67 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 12:36 PM Parent: #62
علاء الدين طبعا لو استشارو الموناليزا ذاتا أكيد ما حيكون عندها مانع لكن تعرف أنا خايف على الزوار
يا هالة:
Quote: ليون، أنا من الاول دايرة أقول ليك، بالله دى صورتك إنت؟؟؟ والله حايمة حوامة،، أسكت ساكت،،،،،،،،،،
تصدقي قدر ما فتشت عليها أصلو ما لاقيها وروني هي حايمة في ياتو بوست لانكم خوفتونا يقوم زول يرتكب بيها كلام أو شجب أو إدانة موضة البوستات الحايمة اليومين دي ويجيب لينا بيها الكلام !!! ؟؟؟
Post: #66 Title: Re: يا بكري ... رجع لينا اليوم الحار ... Author: علاء الدين محمد بابكر Date: 10-29-2008, 12:31 PM Parent: #1
ليون... صاحبك أظنو خاف من لسان ناس اليوم الحار.. الصورة اختفت..كانت في بوست الريس بتاع تغيير كلمة السر.. أوع تظهر في اليو تيب!!!
Post: #68 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 12:45 PM Parent: #66
علاء الدين القالو إبراهيم إنو ده آثار الزلزال الهكري مع انو الكلام ما صدقتو بس خلينا بعمل سيرش وبجيب مكانها وين عشان نشوف آخر الموضوع ده
اليوتيوب ده نحن شغالين منو داونلووود بس أوعك من الأبلووووووووووووووووووووووووود
Post: #69 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-29-2008, 01:30 PM Parent: #68
Quote: القالو إبراهيم إنو ده آثار الزلزال الهكري مع انو الكلام ما صدقتو
ليون ،،،
وأوعى تكون مصدق حكاية انه الصورة وجيهة وكده .. وعشان كده الناس قاشرة بيها ..
Post: #70 Title: Re: يا بكري ... رجع لينا اليوم الحار ... Author: Hala Hassan Date: 10-29-2008, 01:53 PM Parent: #1
يا ليون، الحصل فعلا كان من أثار الزلزال الكان، لا،و الزول ذااتو كان بسأل، أنا لقيت صورة أحد الأعضاء المحترمين فى بروفايلى، بس ما عارفها حقت منو،،،
لكن الظاهر زى ما قلت، أتبسط بالقشرة شوية حتى غيرها،،،
قبل كل شى الف شكر لافطار جاد و لكابتن المجموعه طارق بمبو وده ياعلاء من احلى البرامج خلال زيارتى للسودان رغم!!!!!!
من خلال تلك اللمه طلعت بانطباع حلو وشكل اجتماعى رائع رغم اغلب الناس كانوا اول مره يتقابلوا
كل الشكر لطارق بمبو و حمد و الحبر و علاء و هشام مجذوب و صلاح مختار و هاله على هذه اللفته البارعه وايضا لبقية اعضاء العرفوا متاخر او الظرفهم ماسمحت لهم التحيه لهم جميعا ابوسمره وخاتم وتهانى وبقية العقد الفريد
واتمنى ان تتواصل هذه العلاقه ما بقينا فى هذه الفانيه و لكم كل الحب و التقدير وربنا يخليكم لبعض ويرجع ليكم حبيبكم الغائب
تخريمه : ياابراهيم فى الضحيه حتكون اللمه تاريخيه وعلى انغام جيتار بمبو و موسيقى حمد و غناء الحبر وتصوير وديدى على ضفاف النيل
تخريمه تانيه :
بمناسبة وديدى بعد شويه حنشوف وديدى بعد التهكير
بس انتو خليكم قراب
وراجعيــــــــــــــــــــــــــن لحين عودة العملاق وهو باختصار شديد :------------
طارق بمبو و علاء بندق و ابراهيم و هاله و الليون و بقية الاعضاء المهمومين بعودة اليوم الحار ابقوا عشره على البوستين
لحدى مايرجع لينا اليوم الحار
: يابكرى ابوبكر اشتغل لينا شويه عشان تقدر ترجع لينا اليوم الحار بسرعه ان امكن : ياخليل تعال ورينا اخبارك هنا شويه وانت هل مازلت معانا فى الضحيه ! : يلا نغني مع بندق يجوا عايدين اولادنا المهندسين : خرمانيييييييييييييييييييييين لباقى الناس ( اعضاء و زوار ) ... وشكرا سهام الكارورى على المواصله ونتمنى المزيد : اخبار دعم الكليه شنو يا ابراهيم
Post: #78 Title: Re: يا بكري ... رجع لينا اليوم الحار ... Author: صلاح ليون Date: 10-29-2008, 08:03 PM Parent: #77
يا كوتش يا رائع ...
يا تحفة ..
ياخي كان تسألنا لو عرفنا حمد خوجلي ذاتو بالأول انت بتطلع الحاجات دي من وين ، والكويز بتاعك صعب جدا جدا لانو حمد خوجلي ده كان لما يقول كلام تاني صعب زول يرددو وراه ، غايتو ده الزمن داك يعني قبل خمستاشر سنة وكده ، هسه مامعروف يمكن كلامو يكون أصبح من كده ولي فوق !!!!!!!!
الاخوة و الاخوات اعضاء اليوم الحار السلام عليكم ورحمة الله وبركاته اسف لما حصل المنبر لكن العملية كانت كبيرة و تصليحها يحتاج زمنا.... اليوم الحار و بعض المكتبات تضرروا كثيرا بالعملية التخريبة الاخيرة لاننى لم اقوم بتخزينها فى الاجهزة الارضية و اكتفيت بتخزينها على السيرفا و يجرى العمل على استعادتها سوف افتح المنبر بنسخة قديمة حتى نستعيد اخر نسخة للمنبر و اسف مرة اخر لما الم بمنبركم العظيم
Post: #80 Title: Re: يا بكري ... رجع لينا اليوم الحار ... Author: احمد التجانى احمد Date: 10-29-2008, 08:41 PM Parent: #1
حصل خير ياريس بكرى والبركة فى عضم البوست يلا ياشباب ايدينا ياولد همتكم المعروفة رجعوا البوست كما كان واحسن بس ياريت يكون مع المنبر العام وذلك لسببين 1- فقع مرارة 2- سهولة دخول الزوار من غير المهندسين مما يعطى زخما وحراكا للبوست
Post: #81 Title: Re: يا بكري ... رجع لينا اليوم الحار ... Author: ابراهيم محمد الحسن Date: 10-30-2008, 06:44 AM Parent: #80
فوق ..
يلا يا شباب ...
نمشي منبرنا ....
Post: #82 Title: Re: يا بكري ... رجع لينا اليوم الحار ... Author: Hala Hassan Date: 10-30-2008, 07:28 AM Parent: #1
سلام يا جماعة،
ياريس بكرى شكرا لمجهودك معانا، و الله يكون فى عونك،،،
أحمد التيجانى ، وين يا وريف،.... (فرصة نجيب ليكم كيكى ناطى بهنا...)،