Post: #1
Title: أثر تهكير سودانيزأونلاين على النفسيات
Author: Elawad Eltayeb
Date: 10-14-2008, 04:00 PM
كل الزملاء في المكتب (كلهم أجانب) كانو بيسالوني من الصباح:
- يا زول مالك؟
- المات ليك منو؟
رديت:
- نفسياتي تعبانة... سودانيزأونلاين هكروهو.
- سودانيزأونلاين بنعرفوا.. لكن هكروهو يعني شنو؟
قلت اقول ليهم لحقوهو أمات طه يقولوا لي طه ده منو وكيف عندو أكثر من أم؟
المهم
قلت ليهم أتهكر وحصل ليهو زي ما حصل لي موقع العربية دوت نت.
فعلاً يا جماعة سودانيزأونلاين بالنسبة لينا
وطن موازي للوطن الأم
فيهو أخوان
وأخوات
أصدقاء
وصديقات
بل أسرة عديل كده
وفيهو تراث من الحوار الإجتماعي والوطني والمكتبات القيمة
والواحد والله شعر بي رأسو مقطوع
ونفسياتو تعبانة
لازم نشوف حل لتأمين الموقع
ونمد أيادي المساعدة
بعد موافقة بكري ابوبكر.
فلا يمكن تخيل الدنيا بدون سودانيزأونلاين
|
Post: #2
Title: Re: أثر تهكير سودانيزأونلاين على النفسيات
Author: Elawad Eltayeb
Date: 10-14-2008, 04:12 PM
Parent: #1
عدد من البوستات تفاعلت مع الحدث
سأرصدها للتوثيق للحدث
|
Post: #5
Title: Re: أثر تهكير سودانيزأونلاين على النفسيات
Author: العوض المسلمي
Date: 10-14-2008, 04:28 PM
Parent: #1
الاخ العوض
سلام
Quote: كل الزملاء في المكتب (كلهم أجانب) كانو بيسالوني من الصباح:
- يا زول مالك؟
- المات ليك منو؟
رديت:
- نفسياتي تعبانة... سودانيزأونلاين هكروهو. |
الموضوع فعلا كان مستفز
|
Post: #6
Title: Re: أثر تهكير سودانيزأونلاين على النفسيات
Author: Elawad Eltayeb
Date: 10-14-2008, 06:20 PM
Parent: #5
أخي العوض المسلمي
شكرا على المرور الطيب
سودانيزأونلاين أصبح من من المواقع المؤثرة جداً
والكثير من المهاجرين والمغتربين
يتابعون فيه ما يدور في الوطن
بل لا أذهب بعيدا لو قلت
حتى الناس في السودان
يتابعون منه أخبار البلد
لأن النظام قد أحكم قبضته على الإعلام الداخلي
فأصبح بوقاً يردد أيدولوجية النظام ومصالحه
حتى الصحفيين ينشرون هنا مواضيعهم التي تحزفها يد جهاز الأمن
كما يتابع الناس من هنا بيانات التنظيمات المناوئة للنظام وأخبارها
ويرون بوضوح الصورة التي يحاول النظام طمسها
ويفضحون ما يرسم من كرتونيات أكل الدهر عليها وشرب
|
|