Post: #1
Title: حلاقة الشنب ! ..
Author: محمد الجزولي
Date: 10-12-2008, 05:52 AM
Parent: #0
حلاقة الشنب ..
هذا الذي يقبع بين الأنف والمدخل الأمامي للفم .. مافائدته ؟ وماهو المغزى من راء ان يكون عندك شنب ام لا .. وهل هو مربوط بقيمة معينة؟ وهل هذا الأرتباط للبعض ام للكل (لان هناك من لا يملكون هذه الخاصية) .. طيب اها .. ماذا تعني حلاقة الشنب ؟ هل هي داخلة في دائرة الخجلة ام النظافة ،ام للضرورة احكام، ام عادية ولاتشغل البال .. ولماذا الأهتمام بحلاقة شعر الراس واماكن اخر ، إلا حلاقة الشنب .. وحتى لو تجاسرت وفعلتها تصاب برشاش مابين المستحسن ومستغرب والماهميهو والمستخفف وناس وشك بقى زي (....) .. وليه دائماَ مربوطة عند البعض بالرجالة والرجالة الشديد كمان .. مرة في نقاش مع والد صديقي قال ـ لي ياولدي وهو في راجل ماعندو شنب فيه فائدة ـ
فقلت ليهو ـ الأستاذ محمود محمد طه ـ فقم عمك سكت ولم يفصح .. فهل فعلاَ الشنب مرتبط بالفائدة ؟ وما نقطة انطلاقة مثل هذه العقلية ..
عقلية لزوات الأشناب فائدة اكبر من زوي عدمها .. وملاحظة كل ماكبُر المقاس كل مازدات درجة الفائدة .. وياتُرى هل لنصفنا الأخر روى لهذا السيد الشنب مثار الجدل .. وماهو سر عشق السواد الأعظم منهن به لدرجة الغناء له دوناًعن اي من الشعُور(جاي من شعر) في انحاء الجسم المختلفة .. فما الذي يفعله هذا الشنب لينال كل هذا الضجيج .. حقيقة متحير ..
ولحين عودة ..
|
Post: #2
Title: Re: حلاقة الشنب ! ..
Author: عصام علي أحمد
Date: 10-12-2008, 10:40 AM
Parent: #1
ليس له علاقة بالرجولة
مرتبط بثقافات الشعوب
ازالته عيب كبير عندبعض المجتمعات
|
Post: #3
Title: Re: حلاقة الشنب ! ..
Author: Sobajo
Date: 10-12-2008, 12:19 PM
Parent: #2
انا شخصياً كنت في مدينة ، وكنت على يقين انو ما هشوف فيها جنس مخلوق سوداني او عربي او اي شخص تربطني به علاقة ، فعملت بالمثل القائل :
بلدا ما بلدك امشي فيها عريان ..
وقمت من الصباح ، وامسكت بالموس ، وبدأت حلاقته بسادية ، شوية من هنا ...
شوية من هناك ...
شوية من النص ...
شوية زي (شاري شابلن)...
وعملت العجائب والمحن ...
وختمتها بمسحة واحدة ذهبت به الى حيث عودة ...
نظرت في المرءاة ، ...
اصبت بذعر شديد ....
فقد تغيرت ملامحي تماما ...
اعتدت في السابق على حلاقة الذقن ، وإعفائها ، حلاقة الشعر ، وتطويله ...
اما هذه فكانت فظيعة ...
الراجل بلا شنب كالقطة بلا ضنب ...
كاد ان يغمى علي ...
و خرجت الى الشارع ...
دهشت انه لا احد يعيرني اي انتباه ...
وعاااااادي كانو مافي حاجة ...
بالتأكيد ...
لأن كل من هم بالشارع حريمهم ورجالهم بلا شنبة ...
فلم لا ....!!
هذا ما حولت ان اقنع نفسي به ... ولكن هيهات .. لا ذال الفزع يعتريني .. وعندما ارى رجلاً ببشرة سمراء .. اصاب بفزع شديد ، ويخيل لي انه صديقي حميدة ، او خباب . وابدأ في إخفاء وجهي خلف ذراعي ... او على الأقل رفع كفي متظاهرا بمسح انفي كي اخفي هذه الفضيحة ...
باظت الإجازة ...
وامضيت الأربعة ايام وانا اتحسر على هذا الفقد العظيم ،
وفي كل صباح انظر الى المرآة ،
وافرح بهذه السبايب الصغيرة وهي تحاول ان تجد طريقها بين مسامات الجلد ...
وبعد اسبوع بدأت استعيد ملامحي الطبيعية ...
وحمدت الله على هذا الشارب ...
وعلمت انه نعمة ...
لدرجة اني فكرت بصورة جادة ان ازيله مرة اخرى (في سبيل التنكر يعني )...
تنكر للخلقة ، وتذكر للنعمة ...
بوست جميل يا سيد البوست ...
تحياتي وودي ....
بيلو
|
Post: #4
Title: Re: حلاقة الشنب ! ..
Author: محى الدين ابكر سليمان
Date: 10-12-2008, 03:22 PM
Parent: #3
البوست جميل وزادته طرافة تجربة سوباجو
اليكم تجربتى
استسلمت مطلع هذا العام, وبعد نقاش مستفيض حول اهميته وقيمته لاغواء صديقين خبيثين بأن نحلق شنباتنا و" نشوف" يعنى "حيحصل شنو؟" , "حننقص ولا نزيد؟!" ," دة وهم بتاع سودانيين ساى!" كان هذا حديث اشدهم خبثا
صدقتهم وحلقت شنبى الكثيف الذى كان يخفف من حدة توترى ببرمه اعلى واسفل دون ان ارتعش. ام الاولاد ابدت امتعاضها صراحة "بقيت زى قرد الطلح", ابنى اصبح يستمتع بصفعى فى مكانه الذى صار املسا مع ضحكات لا تخلو من خبث ايضا, ركبنى الهم والغم وقلت افرج عن كربتى برؤية الصديقين حليقى الشنب مثلى, ذهبت للقهوة منكسا رأسى, طلبت الشيشة مطمئنا قبل ان اجلس على الكرسى , لافاجأ بأن شنباتهم فى مكانها, مع تشذيبها قليلا...
|
Post: #6
Title: Re: حلاقة الشنب ! ..
Author: محمد الجزولي
Date: 10-12-2008, 11:44 PM
Parent: #3
| Quote: وامضيت الأربعة ايام وانا اتحسر على هذا الفقد العظيم ، |
العزيز Sobajo
يازول حمد لله على سلامة فقيدكم بالعودة .. لكن قصة مبالغة ..
شنب يبوظ اجازة ده شنباً ماساهل .. لكن الا تتفق معي انها مسألة
تعويدة يعني الموضوع كلة بعد الحلاقة بيومين والحوليك يتعودوا على
كدة، فيصبح عادي ، وبالعكس اذا عاد للنشوب مرة اخرة سيكون التعليق
(فيك حاجة كدة غريبة) ..
لكن ماقلتلي شنبك الفي صورة البرفايل ده كان ياهو المقصود بالقصة
اعلاه ؟ .. سؤال بس ..
شكراً جزيلاً بتجميل المساحة بالحضور والدلو ..
مع فائق معزتي ..
|
Post: #5
Title: Re: حلاقة الشنب ! ..
Author: محمد الجزولي
Date: 10-12-2008, 11:02 PM
Parent: #2
الأخ عصام
شكراً على المرور والدعم بالأضافات ..
مع ناصع تقديري
|
Post: #7
Title: Re: حلاقة الشنب ! ..
Author: mohmed khalail
Date: 10-13-2008, 01:23 AM
Parent: #5
قال احدهم لاحد الجمهوريين حليقي الشوارب ومعظمهم يحلقون شواربهم اقتداء بالاستاذ محممود:
انا جني وجن الراجل البدون شنب
فرد عليه الاخ الجمهوري:
وانا جني وجن الشنب البدون راجل
|
Post: #8
Title: Re: حلاقة الشنب ! ..
Author: Sobajo
Date: 10-13-2008, 02:08 AM
Parent: #7
Quote:
لكن الا تتفق معي انها مسألة
تعويدة يعني الموضوع كلة بعد الحلاقة بيومين
|
الجزولي يا رائع ...
احتمال تعويدة على رأيك ، ولكن لا تحاول إغوائي ان اخوض هذه التجربة هنا، خاصة في حضور حنفي اب كرنك ، زمباع، وحميدة ، وعمك عمر فولة بتاع المطعم ...
لا و الف لا ....
Quote:
لكن ماقلتلي شنبك الفي صورة البرفايل ده كان ياهو المقصود بالقصة
اعلاه ؟ .. سؤال بس ..
|
صراحة كدة (وجه متشكك )
اشم في سؤالك رائحة الخبث ...!!
ايوة ياهو ظاتووووووووووو
مع بعض التعديلات ...
ايوة نعم هو ربما حاجبي اشد كثافة منه بقليل ،
ولكنه عزيز علي عزة شنب محي الدين أبكر والله ...
ولك من الود حتى تستغيث ....
بيلو
|
Post: #9
Title: Re: حلاقة الشنب ! ..
Author: محمد الجزولي
Date: 10-14-2008, 04:11 PM
Parent: #8
ياحليلك يامحمد السني دفع الله مداخلتك لحقت امات طه [صحي انت امات طه ديل مِنن] ..
راجعليكم ياشباب ..
|
Post: #10
Title: Re: حلاقة الشنب ! ..
Author: محمد سنى دفع الله
Date: 10-15-2008, 05:21 AM
Parent: #9
سوياجو
اخير انا الماعندي شنب
من شنبو الزي شنب كمال الشناوي
وراج كابور ممثلين الخمسينات
وكلامك صاح
منو امات طه ؟؟؟
|
Post: #11
Title: Re: حلاقة الشنب ! ..
Author: Omer Mahagoub
Date: 10-15-2008, 06:57 AM
Parent: #10
الشنب او غيره لا علاقة له باى قيمة .
بالعكس . فهذه شكليات فقط .
اما كثافته تدل على عدم النظافة على حسب رأيي
ودمتم
|
Post: #12
Title: Re: حلاقة الشنب ! ..
Author: Sobajo
Date: 10-15-2008, 08:26 AM
Parent: #11
Quote: اما كثافته تدل على عدم النظافة على حسب رأيي
|
شكراً ... شكراُ يا بوعمير ....
بيلو
|
Post: #14
Title: Re: حلاقة الشنب ! ..
Author: محمد الجزولي
Date: 10-15-2008, 12:15 PM
Parent: #11
فعلاً اخي عمر هو شئ ابتدعناهو نحن وتمسكنا به .. ولايرمز الى اي شئ ..
Quote: اما كثافته تدل على عدم النظافة على حسب رأيي
ودمتم |
الليلة .. بس مايسمعوك ناس [عماد عبدالله]  ..
ولك عميق شكري على مرورك الكريم ..
|
Post: #15
Title: Re: حلاقة الشنب ! ..
Author: محمد الجزولي
Date: 10-15-2008, 12:38 PM
Parent: #8
الجميل بيلو
| Quote: اشم في سؤالك رائحة الخبث ...!! |
يااخي اوقف رقيص حرقصك ده .. انا مابتاع خباثات ..
انا بس داير اقول كان ياهو ده .. كان والله تستمتع برحلتك ساي ..
بعين التعديلات دي اتعملت فيهو ؟ ولا عليهو ؟ ..
ولك 3 ارادب ود ..
|
Post: #13
Title: Re: حلاقة الشنب ! ..
Author: محمد الجزولي
Date: 10-15-2008, 11:51 AM
Parent: #7
Quote: انا جني وجن الراجل البدون شنب
فرد عليه الاخ الجمهوري:
وانا جني وجن الشنب البدون راجل |
وتسلم على المرور الأخ محمد خالد ..
|
|