Post: #1
Title: جوزي وأنا حرة فيه !!!
Author: عواطف ادريس اسماعيل
Date: 10-10-2008, 02:30 PM
Parent: #0
بعد أن من علينا الله بالزواج العاجل ,,الأسرع من الحمام الزاجل , نشكر كل من هنانابالزواج من صاحب
العفاف والصون , الدر المكنون , الشهم الحنون , اللي شرب من كل صنف ولون , أدب , أخلاق , علم وذوق
هدوء وسكون ..
كما نشكر كل من أسدى لنابالنصائح الأخوية , والوصفات الطبية , والخلطات السرية نوع (المكدة بالرمدة)
والنتيجة حتمية .. ونوجه أيضا شكرنا لكل من أكد لنا أن الزواج أساسه الحب والحنية , حتى ولو كان
الفطور يوماتي فول وطعمية , والغداء يوم بصارة ويوم تقلية , والعشا ساردين وطحنية , دة كلو مامهم
المهم التقدير والاحترام وحسن النية ..
ونوجه كل تحياتنا لمن أوصانا بالشورة والديمقراطية , والونسة الدقاقة مع شاي العصرية , ودخان
المغربية , والكلام البقطر عسل كل دقيقة وكل شوية , عشان أياصر المحنة تدوم وما تحتاج لي جراحة
أوعملية ..
وفي الوقت نفسه لا يسعنا إلا أن نوجه الشكر لأصحاب الاتجاه المعاكس الذين أكدوا على أن من ارتبطت
به أزليا يا هبلة هو زوجك وأنت حرة فيهو .. زوجك ..أغسلي وصفيهو .. زوجك .. أنشري وأكويهو ولو قال
أي كلام ماتسميعهو .. ولو زعل منك ما تعبريهو .. ولو إتاخر برة يا عبيطة ما تعشيهو .. ولو جاب هدية
يا هبلة أوعك تشكريهو .. وما تخلي يفكر في غيرك ومن أهله لابد تمنعيهو .. ولو جاب سيرة أمو وأبوه
بالطقاق اللي يقص رجليهو .. عليك بالموبايل .. كل يوم تفتشيهو .. أصدقاء !!! بنفسك تحددي ليهو
صديقات ؟؟؟ ممنوع الموت أهون ليهو .. الراتب من أول يوم تستلميهو .. تتصرفي فيه بمعرفتك وما
توريه أيش سويتي بيهو .. طلعة ونزلة مافي القعاد في البيت أخير ليهو .. كل يوم نقة وشكلة عشان
من العرس تطفشيهو .. وما يفكر في غيرك أبدا ولا يشتهيهو.. وبكدة تكوني أمنتي موقفك وبالعيال
أمليهو ..
و ياأختي نصيحة غالية الراجل ما تدلعيهو .. خليك دايما صارة وجيهك أوعك تبتسمي ليهو .. ولو قل
أدبو دق كمان دقيهو .. ولو كتر معاك للظبطية وديهوأمانة ما يخاف منك ويكون زي السير في مشيهو
والله حيرتونا يا جماعة هسة نسمع كلام منو فيكم ؟؟ !!
عموما فتناكم بعافية ..
|
Post: #2
Title: Re: جوزي وأنا حرة فيه !!!
Author: محمد الأمين موسى
Date: 10-10-2008, 02:38 PM
Parent: #1
يا عواطف خليكي من أصحاب الاتجاه المعاكس وركزي مع أصحاب النصائح الأخوية، وكمان أزيدك بيت: سلميه الماهية تصبحي مرضية!
|
Post: #3
Title: Re: جوزي وأنا حرة فيه !!!
Author: عواطف ادريس اسماعيل
Date: 10-10-2008, 02:45 PM
Parent: #2
حاضر يا حمودي ..
ياخي الولد الفي بروفايل دة عسل شديد سلم عليه بس ما يكون بت وطلعت برة الشبكة ...
|
Post: #4
Title: Re: جوزي وأنا حرة فيه !!!
Author: بابكر التوم
Date: 10-10-2008, 03:10 PM
Parent: #3
عواطف
ازيك
جمعة مباركة
Quote: زوجك ..أغسلي وصفيهو .. زوجك .. أنشري وأكويهو ولو قال
أي كلام ماتسميعهو .. ولو زعل منك ما تعبريهو .. ولو إتاخر برة يا عبيطة ما تعشيهو .. ولو جاب هدية
يا هبلة أوعك تشكريهو .. وما تخلي يفكر في غيرك ومن أهله لابد تمنعيهو .. ولو جاب سيرة أمو وأبوه
بالطقاق اللي يقص رجليهو .. عليك بالموبايل .. كل يوم تفتشيهو .. أصدقاء !!! بنفسك تحددي ليهو
صديقات ؟؟؟ ممنوع الموت أهون ليهو .. الراتب من أول يوم تستلميهو .. تتصرفي فيه بمعرفتك وما
توريه أيش سويتي بيهو .. طلعة ونزلة مافي القعاد في البيت أخير ليهو .. كل يوم نقة وشكلة عشان
من العرس تطفشيهو .. وما يفكر في غيرك أبدا ولا يشتهيهو.. وبكدة تكوني أمنتي موقفك وبالعيال
أمليهو ..
و ياأختي نصيحة غالية الراجل ما تدلعيهو .. خليك دايما صارة وجيهك أوعك تبتسمي ليهو .. ولو قل
أدبو دق كمان دقيهو .. ولو كتر معاك للظبطية وديهوأمانة ما يخاف منك ويكون زي السير في مشيهو
والله حيرتونا يا جماعة هسة نسمع كلام منو فيكم ؟؟ !!
|
ياخى دا ما ضبح كديسة
دا فرم عديل كدا 
نصائح مبالغة
اية رائك يا أستاذة فى فكرة اضبح /ى الكديسة دى
عند بداية مرحلة الزواج كمقولة اجتماعية ممكن يكون فيها
ايضاحات كثيرة ممكن الناس تتداولها ؟؟؟؟؟؟؟؟؟؟؟
|
Post: #5
Title: Re: جوزي وأنا حرة فيه !!!
Author: عواطف ادريس اسماعيل
Date: 10-10-2008, 03:16 PM
Parent: #4
Quote: اية رائك يا أستاذة فى فكرة اضبح /ى الكديسة دى
عند بداية مرحلة الزواج كمقولة اجتماعية ممكن يكون فيها
ايضاحات كثيرة ممكن الناس تتداولها ؟؟؟؟؟؟؟؟؟؟؟ |
والله يا بيبو لغاية هسة ما عرفت الكديسة دي ذنبها شنو ؟ وضابحينها ليه ؟ حاجة تحير فعلا !!
|
Post: #6
Title: Re: جوزي وأنا حرة فيه !!!
Author: waleed dawash
Date: 10-10-2008, 03:27 PM
Parent: #1
مبروك مع انها متاخره..
تعرفي يا استاذه
الكلام الفوق ده كلو صاح
لكن واقفه علي نوع الراجل.
يعني انتي اجتهدي سريع كده واعرفيه من اي نوع
عشان تشوفي ليه الوصفه المناسبه من عطارة التيمان الفوق دي
|
Post: #7
Title: Re: جوزي وأنا حرة فيه !!!
Author: عواطف ادريس اسماعيل
Date: 10-10-2008, 03:44 PM
Parent: #6
ولو !!!
مساءاتك سعيدة ..
هو الناس بتخليك لغاية ما تمشي التيمان .. يتلمن الخالات والعمات والصاحبات أتقول عندهم مع العريس
غبينة بايتة وتعال شوف الوصايا .. أوعك وأعواكي وحذارك .. والراجل ما تديه وش إلخ ..
شكرا على الطلة الظريفة ..
|
Post: #8
Title: Re: جوزي وأنا حرة فيه !!!
Author: ممدوح أبارو
Date: 10-10-2008, 03:55 PM
Parent: #7
| Quote: جوزي وأنا حرة فيه !!! |
غايتو !!!!!!!!!!!!!!!
وحرك شفتيه يمنة ويسرة كما تفعل خالتي بخيتة
|
Post: #9
Title: Re: جوزي وأنا حرة فيه !!!
Author: عواطف ادريس اسماعيل
Date: 10-10-2008, 03:57 PM
Parent: #8
| Quote: وحرك شفتيه يمنة ويسرة كما تفعل خالتي بخيتة |
غايتو يا ميدو ضحكتني جنس ضحك .. التعليق عندك !!!
|
Post: #10
Title: Re: جوزي وأنا حرة فيه !!!
Author: عثمان دغيس
Date: 10-10-2008, 04:00 PM
Parent: #1
العزيزة عواطف..
أولا مبروك العرس وإن شاء الله بيت مال وعيال ..
وفعلاً زوجك وإنتي حرة فيه ...لكن ما تنسي إنت زوجتو وهو حر فيك برضو ...!
|
Post: #12
Title: Re: جوزي وأنا حرة فيه !!!
Author: عواطف ادريس اسماعيل
Date: 10-10-2008, 04:06 PM
Parent: #10
الأخ العزيز عثمان ..
طلتك تسعدني ..
يباركو ليك فرح وليداتك ..
عيال دي ساهلة لكن بيت مال دي فيها قولان !!!
|
Post: #11
Title: Re: جوزي وأنا حرة فيه !!!
Author: Mohamed Omar Salem
Date: 10-10-2008, 04:02 PM
Parent: #1
بنيتي حسابك
الله والنبي لـ كلام راجل تسمعا
بنيتي حسابك لـ كلام راجل أسمعا
حسابك يا بنيتي كلامي لا تابا
كلامي كم أبيتيه تكوسيه ما تلقا
* * *
هي لا تخليه ينقنق لـ كلامو تسفها
لا تقوّي راسك ، بكرة يقولوا طلقا
فجر كم ولا عندو لـ عشيّا أمهلا
بلا إذنو لا تمشي لـ محل ما جرا
***
وراجل كم ما ناداك لا تمشي تلحقا
وكم غبّت منك نادي أسألا
قشي بيتك بدري وعيشك أطحنا
الما وساخة ، في خشم بيت لا تكشحا
***
وكم عاطت فوقك لا تدقيه تفلعا
إنتي أشكيه لـ الله لـ حقك يخلسا
انتي بنيتي كم لـ كلامي تسمعا
الله والنبي لـ كلام راجل تسمعا
الله والنبي لـ كلام راجل أسمعا
***
حتّي عجاج بيتك ، عنقريبو فرشيه
وكورة أم قعر تحت سريرو جيبيه ختّيه
توبك المجنقر دا ب إبرة أمسكيه
رجلينك المشقق دا أدرشيه حننيه
***
وشعرك المشمبل دا لميه مشطيه
المدونكت من قعارو فرتقيه
أوطوي أوقاي لـ ألمي أردي جيبيه
عجينة كم تعوسيه لـ دوكي أتّقيه
***
وكسرة كم تلت عقابو لميه شريه
ب طلحاي ب دروتاي حفرتك ولعيه
جيبي مخبرك لـ بطن بيتك بخريه
كم كملتي خدمتك لـ نارك أكتليه
***
كم فتّي بطن حلّه ، لـ بيتك طليه شيفيه
كلام كم تخاف لو من بيت لا تمرقيه
وقالوا وقلنا في لسانك لا تجيبيه
جارتك المهوهوة دا لا بيتك بخرجيه
***
نصيحتي كم سمعتيه لـ بيتك أمسكيه
الله والنبي لـ كلام راجل تسمعا
_الاخت عواطف هذه_نصائح غالية من ام دارفورية .وانشاء الله بيت تقي وايمان ومال وعيال.ووفاق ووئام.وهناء وسلام_________________________
(نصائح غالية)
ياريت تستفيدوا
|
Post: #13
Title: Re: جوزي وأنا حرة فيه !!!
Author: عواطف ادريس اسماعيل
Date: 10-10-2008, 04:10 PM
Parent: #11
Quote: حسابك يا بنيتي كلامي لا تابا
كلامي كم أبيتيه تكوسيه ما تلقا |
Quote: حتّي عجاج بيتك ، عنقريبو فرشيه
وكورة أم قعر تحت سريرو جيبيه ختّيه
توبك المجنقر دا ب إبرة أمسكيه
رجلينك المشقق دا أدرشيه حننيه
*** |
Quote: نصائح غالية)
ياريت تستفيدوا |
بلا تعليق .. مشكور على المرور الزاهي
|
Post: #14
Title: Re: جوزي وأنا حرة فيه !!!
Author: د.محمد حسن
Date: 10-10-2008, 06:51 PM
Parent: #1
|
Post: #15
Title: Re: جوزي وأنا حرة فيه !!!
Author: مدثر محمد ادم
Date: 10-10-2008, 07:32 PM
Parent: #14
الرائعة طوفه الف الف مبروك
وانشاءالله دائما سعيدة
وزواج مبارك
وبالتوفيق
مدثر تيف تيف
|
Post: #16
Title: Re: جوزي وأنا حرة فيه !!!
Author: محمد على طه الملك
Date: 10-10-2008, 08:04 PM
Parent: #15
أستاذه عواطف ..
عموما أنا فاتني مقدمات البوست ده..
يعني الحكاية خلصت بي وراي ؟
طيب ما كنت تنتظري رجوعي الشفقه شنو ؟
غايتو أنا مع الخالات والعمات ..
..
أيوه حساده.
|
Post: #21
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 07:03 AM
Parent: #16
الملك ..
يا ملك .. و إنت الملك ..
حمد لله على السلامة ..
فاقدين طلاتك الحلوة ..
معليش حنعيد ليك الفيلم تاني من أوله ..
قصرنا معاك ..
أصبر شوية العريس عنده وردية تانية أفر نايت ..
|
Post: #20
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 07:00 AM
Parent: #15
دودي البطل ..
سلامات ..
يباركوا ليك السمح إنشاء الله ..
معزتي ..
|
Post: #19
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 06:58 AM
Parent: #14
يجازي محنك يا دكتور ..
والله موتني من الضحك ..
خليك هنا خليك بلاش تسافر ..
|
Post: #17
Title: Re: جوزي وأنا حرة فيه !!!
Author: JAD
Date: 10-10-2008, 10:33 PM
Parent: #1
..:..
..:..
|
Post: #23
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 07:42 AM
Parent: #17
جاد ..
ما أسعدني بهذه ال ...
...
مع
...
|
Post: #18
Title: Re: جوزي وأنا حرة فيه !!!
Author: وضاحة
Date: 10-10-2008, 10:54 PM
Parent: #1
هطووووف
Quote:
زوجك ..أغسلي وصفيهو .. زوجك .. أنشري وأكويهو ولو قال
أي كلام ماتسميعهو .. ولو زعل منك ما تعبريهو .. ولو إتاخر برة يا عبيطة ما تعشيهو .. ولو جاب هدية
يا هبلة أوعك تشكريهو ..
|
غايتوا نصائح السرور
نطبق على مسؤليتك؟
|
Post: #22
Title: Re: جوزي وأنا حرة فيه !!!
Author: حسن مضوي
Date: 10-11-2008, 07:28 AM
Parent: #18
أستاذة / عواطف
السلام عليكم
لكن النصائح ما عندك
وبيت مال وعيال
أها أنا نصيحيتي أنوا تحاول تكتشف شخصية الرجل أولاً لو وجدتوا من النوع الدلول أو الديك ممكن تستخدم معاهو النصائح الأخيرة ولو وجدتو من النوع الكبريتة البولع سريع ممكن تستخدم معاهو النصائح الأولى لكن قصرتي يا طوفي ما في نصائح لينا نحن الرجال نستخدمها مع الستات .
الله يستر نحن لسة في الطريق
|
Post: #25
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 07:47 AM
Parent: #22
مضوي ..
يسعد صباحك الحلو ..
خليك في الطريق شوية الزمن ما معروف ..
أها لو لقيتو ديك عدة لو نهروه يكسرها ولو خلوه يوسخها أعمل أيه ؟
نصايح الجنس الخشن في الطريق .. طبعا دي بدون غربال يعني خشنة برضه ..
|
Post: #60
Title: Re: جوزي وأنا حرة فيه !!!
Author: Ali Sirelkhatim
Date: 10-14-2008, 08:24 PM
Parent: #22
Quote: ما في نصائح لينا نحن الرجال نستخدمها مع الستات .
|
هذه نصيحة للاخ:
عندما تذهب لشهر العسل وفى الفندق الغرفة عادة يوجد بها سرير وكرسى فى الكورنة كده..العروس من المفروض ان تكون من الحياء بقدر انها مفروض تمشى عدل الى الكرسى الفى الكورنة..اما اذا مشت للسرير مباشرة فهذه مشكلة كبيرة جدا يا ولدنا..
|
Post: #24
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 07:44 AM
Parent: #18
Quote: غايتوا نصائح السرور
نطبق على مسؤليتك؟ |
معقولة يا وضاحة تكوني لي هسة ما طبقتيها !!!
أكاد لا أصدق ..
|
Post: #27
Title: Re: جوزي وأنا حرة فيه !!!
Author: عماد محمود علي
Date: 10-11-2008, 11:42 AM
Parent: #24
عواطف
| Quote: معقولة يا وضاحة تكوني لي هسة ما طبقتيها !!! |
مابلاش تحريض ... مالك علينا خلينا زي ما نحن سمن على عسل ....
غايتو حسادة شيقا دي مابتخليها ورثك ليها وراثة .... الله في
مودتي
عماد
|
Post: #28
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 12:24 PM
Parent: #27
| Quote: مابلاش تحريض ... مالك علينا خلينا زي ما نحن سمن على عسل .... |
وضاحة دي يا عمدة شخصية قائمة بذات وما بتستمع لأي تحريض .. إنسانة واعية جدا الله يهني سعيد بسعيدة..
| Quote: غايتو حسادة شيقا دي مابتخليها ورثك ليها وراثة .... الله في |
شيقا !!!
هو الإسم دة وين ؟
يبدو لي ذهب مع الريح !!
|
Post: #26
Title: Re: جوزي وأنا حرة فيه !!!
Author: طارق ميرغني
Date: 10-11-2008, 11:34 AM
Parent: #1
الاستاذه عواطف الف مبروك الزواج ونصيحتي:
السعفه بيربطوها لينه.!!!!!!!!
|
Post: #29
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 12:26 PM
Parent: #26
يااااااااااي يا طارق وإنت الصادق ..
يا مؤمن الرجال يا مؤمن المية في الغربال ..
ليك علي الليلة بطبق فيه كل النظريات المسموعة والمقروءة ..
تسلم يا بعد عمري ..
|
Post: #30
Title: Re: جوزي وأنا حرة فيه !!!
Author: سيف الدين مصطفى كرار
Date: 10-11-2008, 12:55 PM
Parent: #1
هاهاهاهاهاهاهاهاهاهاهاهاهاها
يسعد صباحك
الدين النصيحة هذة مقولة دينية وفى الاحاديث النبوية
لكى لا يتحول الموضوع لنصائح جافة يمكن يكون فى الموضوع شوية احراج ,كيف؟
فى العصر الحديث هذا ظهر بند الكشف الطبى للرجل والمراة
انسان ارتبط عاطفيا بفتاة وظهر بعد الفحص مشكلة ما,ما هو التصرف السليم لة فى هذا الموقف؟
فى كل حاجة اصبح تحديد المواصفات امر ضرورى.
هنا فى موقف ظريف وهذا بمناسبة انك ذكرتى بعض الكلمات فى احدى
ردودك لاحدى الاضخاص كلمة خشنة وعسل وحلو
هذة الكلمات فكرتنى هنا فى عمان كلما امر على محل الحلويات لكى اطلب طبق كنافة
يطلب منى القائم بالخدمة ان اوضح هل هى ناعمة ام خشنة حتى ياتى لى بها.
لذلك الصنف الواحد منة كذا شكل, لذلك اسضا اصبح بل توجد جهات تقدم الرشد
والنصائح للشباب المقدم على الزواج ,
فى المناطق الريفية فى السودان , يكزن هنالك جلسة (قعدة) ستاتية خاصة للعروسة قبل يوم
الزفاف ,تعلمم كيف ترقص واشياء اخرى,هذة ضمن النصائح العرفية الهامة للغروسة
للنساء فقط.
مودتى.
|
Post: #32
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 01:03 PM
Parent: #30
أبو السيوف !!!
سلامات وياهلا بها الطلة ...
أنا ما عارفة سر العداء الأزلي بين الجنسين رغم حبهم لبعض ؟ يعني النسوان زمان كان بيوصوا العروس
وصاية في الاتجاه المعاكس حتى في الزمن دة لو شفت المنلوج الكوميدي في هارموني بتاع العايزة
تمشي ناس أمها والزوج سائق البص بيقول ليها ما تمشي براكي تلاحظ النسوان كلهن واقفات معاها ضد
زوجة حاجة غريبة ..
المهم بالنسبة للكنافة إنت كنت بتشتري ياتا؟ الخشنة ولا الناعمة ؟؟
|
Post: #31
Title: Re: جوزي وأنا حرة فيه !!!
Author: هاشم أحمد خلف الله
Date: 10-11-2008, 12:57 PM
Parent: #1
نشكر كل من هنانا بالزواج من صاحب
العفاف والصون
الدر المكنون , الشهم الحنون
اللي شرب من كل صنف ولون
أدب , أخلاق , علم وذوق
هدوء وسكون ..
كما نشكر كل من أسدى لنابالنصائح الأخوية
والوصفات الطبية , والخلطات السرية
والنتيجة حتمية ..
شكرنا لكل من أكد لنا
أن الزواج أساسه الحب والحنية
حتى ولو كان
الفطور يوماتي فول وطعمية
والغداء يوم بصارة ويوم تقلية
والعشا ساردين وطحنية
دة كلو مامهم
المهم التقدير والاحترام وحسن النية ..
ونوجه كل تحياتنا لمن أوصانا بالشورة والديمقراطية
والونسة الدقاقة مع شاي العصرية ودخان المغربية
والكلام البقطر عسل كل دقيقة وكل شوية
عشان أياصر المحنة تدوم وما تحتاج لي جراحة
أوعملية ..
زوجك ..أغسلي وصفيهو
زوجك .. أنشري وأكويهو
ولو قال
أي كلام ماتسميعهو
ولو زعل منك ما تعبريهو
ولو إتاخر برة يا عبيطة ما تعشيهو
ولو جاب هدية
يا هبلة أوعك تشكريهو
وما تخلي يفكر في غيرك ومن أهله لابد تمنعيهو
ولو جاب سيرة أمو وأبوه
بالطقاق اللي يقص رجليهو
عليك بالموبايل .. كل يوم تفتشيهو
الراتب من أول يوم تستلميهو
تتصرفي فيه بمعرفتك وما
توريه أيش سويتي بيهو
طلعة ونزلة مافي القعاد في البيت أخير ليهو
كل يوم نقة وشكلة عشان
من العرس تطفشيهو
وما يفكر في غيرك أبدا ولا يشتهيهو
وبكدة تكوني أمنتي موقفك وبالعيال
أمليهو ..
و ياأختي نصيحة غالية الراجل ما تدلعيهو
خليك دايما صارة وجيهك أوعك تبتسمي ليهو
ولو قل ادبو دق كمان دقيهو
ولو كتر معاك للظبطية وديهو
أمانة ما يخاف منك ويكون زي السير في مشيهو
احيييييييييي انا منك يا عطووووفة
|
Post: #33
Title: Re: جوزي وأنا حرة فيه !!!
Author: عواطف ادريس اسماعيل
Date: 10-11-2008, 01:10 PM
Parent: #31
Quote: احيييييييييي انا منك يا عطووووفة
|
وأحححححححححححححححييييييييييي منكم يا هشومي القبل الزواج شكل وبعد الزواج 60 شكل !!!
|
Post: #34
Title: Re: جوزي وأنا حرة فيه !!!
Author: ALMURADABI
Date: 10-11-2008, 03:28 PM
Parent: #33
| Quote: .. خليك دايما صارة وجيهك أوعك تبتسمي ليهو .. |
وووب علينا ده ما ياهو المجنن بوبي
هو هو هو ،، الفات ده نبيج كلب
أغلب النصائح من النوع ده بتهدم البيوت وأصحابها ناس حاسدين وما عارف ليه البنات بطبقوها بحذافيرها
استعداء الرجل بهكذا أشياء هو بداية النهاية
|
Post: #35
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 05:19 AM
Parent: #34
Quote: أغلب النصائح من النوع ده بتهدم البيوت وأصحابها ناس حاسدين وما عارف ليه البنات بطبقوها بحذافيرها
استعداء الرجل بهكذا أشياء هو بداية النهاية
|
مع إنهم بيكونوا فرحانين بالعرس والعريس مش حاجة غريبة بالله !!
شكرا على المرور ...
|
Post: #36
Title: Re: جوزي وأنا حرة فيه !!!
Author: maia
Date: 10-12-2008, 07:21 AM
Parent: #1
العزيزة عواطف
يا زولة دي الا كان وصايا لمعركة ام دبيكرات
يا عطوفة الدخول في الزواج بمبدأ الخاسر والرابح ومعركة الطرفين دي ياها البتجيب خبر الزواج وبتوديهو في داهية
السكن والمودة والرحمة المن خلالهم بيجي الاحترام هم الاساس والراس
دمتي بخير
|
Post: #39
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 09:24 AM
Parent: #36
ميوية ..
يا أحلى البنات ..
ما تتصوري بسعد قدر أيه لمداخلاتك البترد الروح .. ذوق وفهم ..
تسلمي يا ست الحبايب لا عدمناك ..
|
Post: #37
Title: Re: جوزي وأنا حرة فيه !!!
Author: EMU إيمو
Date: 10-12-2008, 07:53 AM
Parent: #1
ومال هو حدي غريب؟؟؟ ماجوزتي!!!
فيها أيه يعني؟
|
Post: #38
Title: Re: جوزي وأنا حرة فيه !!!
Author: Abdulbagi Mohammed
Date: 10-12-2008, 09:12 AM
Parent: #37
مبروك الزواج الفاتني و ما سمعت بيهو
إلا هسع دي بس ، يا ربي أنا كنت وين؟
و لا من أساسو ما رسلتو لي كرت؟
المهم
الزواج السامبول ده حا تنزلوا منو
كميات تجارية و لا ما نعشم؟
|
Post: #41
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 09:31 AM
Parent: #38
ياااااه !!
معقولة يا بقبق الكارت ما وصلك ؟ عشان كدة الحفلة كانت قمة في البياخة ..
معليش يصحح ويعاد ..
العريس السانبل بعتنا منو نموذج للصين لزوم إعادة تصنيع بكميات تجارية ..
جهز البنات وخليك قريب ..
مودتي ..
|
Post: #40
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 09:27 AM
Parent: #37
يا سلام على الروح الرياضية يا إيمو إنشاء الله الشاي الأحمر دة تكون عاملاه ليك هي ..
|
Post: #42
Title: Re: جوزي وأنا حرة فيه !!!
Author: م. سيد احمد قدورة
Date: 10-12-2008, 11:59 AM
Parent: #40
يا عواطف هو عرسك دا داساهو مالك
تضمنى الرجال تضمنى الموية فى الغربال
الف مبروك والرفا والبنين وعقبال الباقين
|
Post: #43
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 12:08 PM
Parent: #42
منو القال ليك داساهو ؟
هوي يا سيد أحمد !!
العرس شرطه الإشهار ..
ونهايته الشهرة السلبية ..
يباركو ليك فرح الوليدات إن شاء الله ..
الليلة عندنا حفلة أوفر نايت ما تتأخر ..
جيب معاك عشا الفنانين ..
|
Post: #46
Title: Re: جوزي وأنا حرة فيه !!!
Author: د.محمد حسن
Date: 10-12-2008, 01:23 PM
Parent: #43
|
Post: #48
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 01:31 PM
Parent: #46
عفيت منها ...
دة نوع الكمدة بالرمدة يا حمودي ..
تاني بيجي المولد ..
|
Post: #44
Title: Re: جوزي وأنا حرة فيه !!!
Author: mamkouna
Date: 10-12-2008, 12:28 PM
Parent: #1
يمكنك يا عطوفة إعتبار النصيحة دي من ذوات ( الكمدة بالرمدة)...
Quote: أشبع جوفها = أحرص على تلبية رغباتها الجسدية..و.. لا تبخل عليها بما يُشعل و يُشبع أحاسيسها.
أستر ظهرها = كن سنداً و حامياً و ملاذاً لها...كن فارسها و حامي حماها....إحترم لحظات ضعفها..واسيها في محنها..تقبل عيوبها...و كن كاتم سرٌها.
عطٌر بشرتها بالدهان = كن حنوناً و رحيماً و عطوفاً و لا تبخل عليها بلمساتك الحانية...كن جوارها في مرضها و سقمها ..أثني على جمالها و مظهرها..و ساهم في توفير ما يُسهل ذلك.
أسعد فؤادها= أغدق عليها كلماتك المعسولة الدافئة حتى تُفرح قلبها و وجدانها...أثني على نجاحاتها و شاركها إنتصاراتها..أشكر الله أمامها على وجودها في حياتك..
أستمل قلبها بعطاياك = كن كريماً مجواداً...أحسن إليها و لمن يحتاج من أهلها و من حولها و لا تمن عليها بذلك....أحبب من تحب و قرٌب إليك من يهمها أمره..
حقل نافع = هي أم أبناءك و بناتك..ما تزرعه فيها من حب..تحصده محبة و تقدير من فلذات أكبادك...
من يزرع حباً..لا يجني إلا حباً و مودة و رحمة و سكينة كافية لإستقرار و إخضرار ذلك الحقل.
* النصائح تصلح لكل زمان و مكان..
و لكل زوج و لكل زوجة. |
* هي و غيرها من النصائح هنا..
أجمل ما قرأت واهداء لكل زوج ولكل من يرغب فى الزواج.........
|
Post: #45
Title: Re: جوزي وأنا حرة فيه !!!
Author: م. سيد احمد قدورة
Date: 10-12-2008, 12:45 PM
Parent: #44
عشا الفانين ساهل
أصلوا بقو واحد ينبح وواحد يعزف اورغن، يعنى ساندوتشين كفاية عليهم.
بس ورينا المكان وين ولا برضوا داسنو.
|
Post: #49
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 01:36 PM
Parent: #45
عشا الفانين ساهل
أصلوا بقو واحد ينبح وواحد يعزف اورغن، يعنى ساندوتشين كفاية عليهم.
بس ورينا المكان وين ولا برضوا داسنو.
والله يا هندسة ضحكتني لمن وقعت في الكرسي فعلا واحد بنبح وواحد بيعوعي كفاية عليهم 2 مناقيش فقط
بدون حاجة باردة حتى ..
خليك هناك .. بلاش تفارق ..
|
Post: #47
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 01:29 PM
Parent: #44
Quote: أشبع جوفها = أحرص على تلبية رغباتها الجسدية..و.. لا تبخل عليها بما يُشعل و يُشبع أحاسيسها.
أستر ظهرها = كن سنداً و حامياً و ملاذاً لها...كن فارسها و حامي حماها....إحترم لحظات ضعفها..واسيها في محنها..تقبل عيوبها...و كن كاتم سرٌها.
عطٌر بشرتها بالدهان = كن حنوناً و رحيماً و عطوفاً و لا تبخل عليها بلمساتك الحانية...كن جوارها في مرضها و سقمها ..أثني على جمالها و مظهرها..و ساهم في توفير ما يُسهل ذلك.
أسعد فؤادها= أغدق عليها كلماتك المعسولة الدافئة حتى تُفرح قلبها و وجدانها...أثني على نجاحاتها و شاركها إنتصاراتها..أشكر الله أمامها على وجودها في حياتك..
أستمل قلبها بعطاياك = كن كريماً مجواداً...أحسن إليها و لمن يحتاج من أهلها و من حولها و لا تمن عليها بذلك....أحبب من تحب و قرٌب إليك من يهمها أمره..
حقل نافع = هي أم أبناءك و بناتك..ما تزرعه فيها من حب..تحصده محبة و تقدير من فلذات أكبادك...
من يزرع حباً..لا يجني إلا حباً و مودة و رحمة و سكينة كافية لإستقرار و إخضرار ذلك الحقل.
* النصائح تصلح لكل زمان و مكان..
و لكل زوج و لكل زوجة. |
يا سلام عليك يا ممكونة .. الدرة المكنونة ...
لو أي زول عمل بالنصائح دي والله الكل يكون عايش في تبات ونبات ويخلف صبيان وبنات ..
جربوا يا أخوانا وشوفو النتيجة ..
تسلمي يا ست الحبايب ..
|
Post: #50
Title: Re: جوزي وأنا حرة فيه !!!
Author: ادريس خليفة علم الهدي
Date: 10-12-2008, 01:39 PM
Parent: #1
|
Post: #51
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 01:45 PM
علم الهدى !!!
مبالغة ..
ما قادرة أضحك عشان قاعدة في المكتب ..
أسعدتنا ربنا يسعدك ..
ما عارفة إسمك دة دايما بذكرني بأولياء الله الصالحين إن شاء الله تكون منهم يارب ..
|
Post: #52
Title: Re: جوزي وأنا حرة فيه !!!
Author: baha eassa
Date: 10-12-2008, 01:51 PM
الحبيبة عواطف ..
بوستاتك هادية وبتخلي الواحد يدخلو بي نفس رايقة .. مش جنس
البوستات البتقوم النفس والواحد بيقراهو في الهاي وي ؟؟
والبوست بتاعك وخاصة الجزء الاخير وصفة للطلاق مضمونة 100% ..
وفتك بسرعة قبل الطلاق .. ..
|
Post: #53
Title: Re: جوزي وأنا حرة فيه !!!
Author: عواطف ادريس اسماعيل
Date: 10-12-2008, 01:59 PM
Parent: #52
بهاء ...
يا سيد الحضور ..
أولا عزاء حار في فقيدة الطفولة سهيلة .. جعل الجنة مثواها ..
ثانيا ..
لك مني كل الشكر والثناء قبل الطلاق البائن بينونة كبرى مع تحياتي للحلوين الفي البروفايل ..
|
Post: #54
Title: Re: جوزي وأنا حرة فيه !!!
Author: ادريس خليفة علم الهدي
Date: 10-12-2008, 03:00 PM
Parent: #53
|
Post: #57
Title: Re: جوزي وأنا حرة فيه !!!
Author: عواطف ادريس اسماعيل
Date: 10-13-2008, 06:38 AM
Parent: #54
ها ها ها ..
مبالغة ...
ربنا يسعدك إن شاء الله ..
|
Post: #55
Title: Re: جوزي وأنا حرة فيه !!!
Author: د.محمد حسن
Date: 10-12-2008, 09:29 PM
Parent: #1
|
Post: #56
Title: Re: جوزي وأنا حرة فيه !!!
Author: ادريس خليفة علم الهدي
Date: 10-12-2008, 10:28 PM
Parent: #1
|
Post: #58
Title: Re: جوزي وأنا حرة فيه !!!
Author: ALMURADABI
Date: 10-14-2008, 05:32 PM
Parent: #56
| Quote: السكن والمودة والرحمة المن خلالهم بيجي الاحترام هم الاساس والراس |
لكن في واحدات البوبار والخدم والحشم هو حدود فهمن البغطس حجرن..
الفوق ضده ما أظن متناقض مع الجندرة
ولا مو كدي
|
Post: #59
Title: Re: جوزي وأنا حرة فيه !!!
Author: Ali Sirelkhatim
Date: 10-14-2008, 08:09 PM
Parent: #58
Quote: عشا الفانين ساهل
أصلوا بقو واحد ينبح وواحد يعزف اورغن، يعنى ساندوتشين كفاية عليهم.
|
وفى رواية اخرى ممكن واحد يعزف ويغنى زى حيدر بورتسودان..{فى الحالة دى ساندوتش واحد بس}
| Quote: والله حيرتونا يا جماعة هسة نسمع كلام منو فيكم ؟؟ |
نصيحتى ليك اسمعى كلام زوجك..وهو يسمع كلامك برضو وما تسمعوا كلام الناس ..الناس ما بعجبهم العجب ولا الصيام فى رجب..وحايجنينوكم فى راسكم.وبعد شوية حا يجوك ويبدء موال مابقيتوا تلاتة ومابقيتو اربعة وما ادراك التقول ماشين يربوهم معاك ويشتروا الدايبر معاك..وفيهم من يقول ليك هى بتين عرسوها وولدت.. وغايتو عذاب عذاب كده خلى ساكت..وبعدين يا عواطف حاتعرفى كيف انو الناس ديل ما فيهم واحد هكر يديك نصائح مسمومة يدمر ليك بيها بيتك عشان هو عايزك لى روحو ؟ ..ولا واحدة عايزة زوجك ده ومكسرة فيه.. ولا بس حساده ساى كده بس لانو ما قدر يلقى واحدة زيك كده..او تلقى واحد زيه..
الف مبروك الزواج يا اخت عواطف وان شاالله ربنا يسعدكم ويهنيكم ويبعد عنكم اولاد وبنات الحرام . والنصيحة دى باقى انا شايف انها مهمية بالحيل عشان كدى كتبتها ليك بالاحمر
لا قدام آ زولة.
على سرالختم
الولايات المتحدة
|
Post: #61
Title: Re: جوزي وأنا حرة فيه !!!
Author: عواطف ادريس اسماعيل
Date: 10-15-2008, 05:58 AM
Parent: #59
Quote: نصيحتى ليك اسمعى كلام زوجك..وهو يسمع كلامك برضو وما تسمعوا كلام الناس ..الناس ما بعجبهم العجب ولا الصيام فى رجب..وحايجنينوكم فى راسكم.وبعد شوية حا يجوك ويبدء موال مابقيتوا تلاتة ومابقيتو اربعة وما ادراك التقول ماشين يربوهم معاك ويشتروا الدايبر معاك..وفيهم من يقول ليك هى بتين عرسوها وولدت.. وغايتو عذاب عذاب كده خلى ساكت..وبعدين يا عواطف حاتعرفى كيف انو الناس ديل ما فيهم واحد هكر يديك نصائح مسمومة يدمر ليك بيها بيتك عشان هو عايزك لى روحو ؟ ..ولا واحدة عايزة زوجك ده ومكسرة فيه.. ولا بس حساده ساى كده بس لانو ما قدر يلقى واحدة زيك كده..او تلقى واحد زيه..
الف مبروك الزواج يا اخت عواطف وان شاالله ربنا يسعدكم ويهنيكم ويبعد عنكم اولاد وبنات الحرام . والنصيحة دى باقى انا شايف انها مهمية بالحيل عشان كدى كتبتها ليك بالاحمر
لا قدام آ زولة. |
علاوي ..
أريتك أنت يا يابا أخو البنات لي حدهن .. ونصيحتك يا يمة نصيحة السرور .. يا أخوي إنت من زمان
كنت وين ؟؟ تتبارك وما تتشارك .. عاد بس خليك قريب .. ما تبتعد قرب ..
مشكور يا بعد عمري .. ربنا يسعدك ..
|
Post: #62
Title: Re: جوزي وأنا حرة فيه !!!
Author: تاج السر محمد حامد
Date: 10-20-2008, 01:46 PM
Parent: #61
ياعواطف .. سمعتى بالمثل القائل ( أرقدى على الجنبه البتريحك )
فأعملى بهذا المثل ( وسدى ده بطينه وده بعجينه) وكلنا عاملين كده
ودمتى يالحبيبه ....
تاج
|
Post: #63
Title: Re: جوزي وأنا حرة فيه !!!
Author: ASHRAF MUSTAFA
Date: 11-15-2008, 11:44 PM
Parent: #62
up
|
Post: #65
Title: Re: جوزي وأنا حرة فيه !!!
Author: عواطف ادريس اسماعيل
Date: 11-16-2008, 04:58 AM
Parent: #63
شروفي ..
يسعد مساك الجميل ..
سعيدة بطلتك مرة أخرى ربنا يسعدك ..
|
Post: #64
Title: Re: جوزي وأنا حرة فيه !!!
Author: عواطف ادريس اسماعيل
Date: 11-16-2008, 04:56 AM
Parent: #62
الرائع تاج ..
سلامات يا بعد عمري ..
بتصدق إني ما شفت مداخلتك دي غير الليلة .. يقطعني أنا كنت وين يا ربي ؟؟
آسفة جدا وشكرا على الطلة البهية ..
|
Post: #66
Title: Re: جوزي وأنا حرة فيه !!!
Author: عواطف ادريس اسماعيل
Date: 11-16-2008, 04:59 AM
Parent: #64
بالله لو في اي زول عنده إيميل أو هاتف تاج السر يديني ليه مع الشكر الجزيل ..
|
|