Post: #1
Title: الوان السودانيين
Author: د.محمد حسن
Date: 10-10-2008, 12:38 PM
استوقفني تحديد الالولن بالنسبة لسحناتنا ( حلوة سحناتنا دي من صميم لفة التضاد)
وقد اختصرت الالوان على التالي
1- الناس الزرق
2- الناس الخضر ( الخدر)
3- الناس الحمر
4- الناس الصفر
والغريبة العالم كله مقسم لونين
ابض واسوود
black people & white peple
الا عندنا نحنا شعب الله المحتار الوان حقتنا يلا نجي نشوف ظلال الوان دي
الازرق
اما ان يكون الزول ازرق شديييييييييييييييييد او ازرااااااااااق
وهذا يعني تدرج الزرقة
الاخدر ( طبعا حزب الخضر لو عرف انو شعب السودان فيه جماعة خضر كان طالب بتكوين فرع ليهم)
اها الخدرة مقسمة
خدرة دقاقة
خدرة ناعم
او
اخدااااااااااار
الاحمر :
الحمرة نوعين
حمرة اباها المهدي
وحمرة حلب
الاصفر:
طبعا المعروف انو الشعوب الاسيوية الهنااااااك زي الصين وكدة بسموهم الشعوب الصفراء
بس نحن كمان عنا ناس صفر
اها دي خاتف لونين
من الحمر ومن البيض يعني حاجة بنعفها برانا
يقولل ليك بت صفراااااااا منقة بس
اللون الابيض عندنا ما مرغوب
يقولوا الزول ده ود حور
لونه ابيااااااض
اما الدوائر الحكومية لما يجي لي وصف العيون
طوالي يرص ليك العيون عسلية
سبحان اله
الشعب السوداني كلو عيونو عسلية وبقنية
|
Post: #2
Title: Re: الوان السودانيين
Author: د.محمد حسن
Date: 10-10-2008, 02:13 PM
Parent: #1
طبعا ناس الجوازات بقت عنهم حركة جديد
في الصفات
يقول ليك اظر الصورة
ناسين انو هناك جملة مأثورة بتقول
اذا كانت شخصيتك في الواقع تطابق صورتك
فانت غير جدير بالسفر
|
Post: #3
Title: Re: الوان السودانيين
Author: عواطف ادريس اسماعيل
Date: 10-10-2008, 03:12 PM
Parent: #2
إنت في دة ولا في طولنا كلنا بسم الله ما شاء الله 6 قدم و5 بوصة ..
وكلنا اتولدنا يوم 1-1 بتصدق دي عملت مشكلة لي ولدي في استراليا في الجواز 1-1 وفي شهادة
الميلاد9 -8
كله عند العرب صابون مو هيك ؟ يئبروني شو طيبيبن !!
|
Post: #4
Title: Re: الوان السودانيين
Author: waleed dawash
Date: 10-10-2008, 03:14 PM
Parent: #1
يا دكتره
انت نسيت اهم لون بشره في السودان ..الحق عدل سريع وجيبو عشان ما
يوصفوك بالعنصره.
الاسود..
بعدين ما تنسى الزيتوني
بره الموضوع:ـ
Quote: يقولل ليك بت صفراااااااا منقة بس
|
في لون زي (البرتكان)
انت مالك نساي كده ياخ؟
وليد دواش
|
|