فأل الله ولا فالك! فى واحدين ما بجيبوا سيرة الوداع! لانه عارفين ما بهببوا ليهم! ويمكن يعملوا يهم بارتى وداع بى تيمم! جنى
Post: #10 Title: Re: ..........الوداع.................. Author: Ishraga Mustafa Date: 10-09-2008, 07:50 AM Parent: #4
يومها يا جنى انتظر واصل ومرافىء حبوبتهم بالورود
تأمل آخر لجيل وثقافة غير..
زمانئذ كنت انتظر جدتى بالشوق لعيونها وصرة توبها.. حبة نبقات ولا للالوب ولهفة طفولتى كانت باقة وردى لها..
مرافىء كانت اكثر فرحا، ربما لانها تستطيع التعبير عن ذاتها بطريقة لها لون شموسى
اصرت مرافىء لشراء باقة ورد- ما اختارتها يكفينا ثمنها يومين معيشة.. لكل وردة..اقنعتها بعد ملاوة لرغبتها ولظروفى
مرافىء لخالتها واصل لجدته
والتقينا.. بالدموع.. الدموع هى القادرة على ان تحكى... تحكى مالايمكن التعبير عنه بالكلام
انظر الآن لوجه امى.. اعرف انها كانت تشتاق ان تاخذنا جميعا فى حضنها ان اتكىء روحى المهدودة فى براحات خضرتها واخلى قلبى يحكى ليها..
اعرف انها- على قلة كلامها- قبل ان تصمت عن الكلام- كانت تشتهى ان تقول لىّ كيفك يا بت كبدى، بس انا حسيتها وحسوها مع الصغار ومطار فيينا الشاهد على كل اللقاءات وكل لحظات الوداع..
----- كان قبل مائة عام من الشجن.. التقيا.. تعانقا.. كان عائدا من حدائق الشوك الى جناين شوقها اللى نشف نداها اخيرا سوف تهدأ الروح.. ولكن هيهات، كانت البداية لانسرابها فى محطات الليل وشجونه
لم يعبرني وداعا أو أعبره الا وتذكرت هذا الوداع الحزين ..
يبدو أنني ألتزم بواصايا المغني الذي يلح في المطالبة بالذكرى بعد الوداع..
الغريب ان حبيبنا الراحل مصطفى سيد أحمد كان مغرما بهذه الأغنية الحزينة.
تحياتي لأيوب والعيال وكل سنة وانتو طيبين..
Post: #16 Title: Re: ..........الوداع.................. Author: Ishraga Mustafa Date: 10-09-2008, 10:34 AM Parent: #7
ابومهيار يا صديقنا فى الحلم
الوداع؟
احس بلونه رمادى.. اللون الرمادى براهو كدى بيغبش الحياة جوايا وكسرته بلون احمر بيدينى امل..
هو امل اللقاء بمن نحب
الوداع...
اذكر اول مرة سافرت مع امى {حبوبتى} فماتعودت اناديها بحبوبة، امى كانت هى وشيجة روحى ليها مسافرين مدنى بالقطر، قطر نيالا اللى بيجىء مليان ناس ومحنة واللى بيكون دائما مليان باشواق الناس لشوفة الاهل والبلد
لمن القطر اتحرك وصوت جارتنا ام صوتا عجن { القطر الشالك انت يتكسر حتة حتة}!!
ودموعى مالية وشى الصغير زمانها.. فرحانة انى بكون ماشة الاجازة معاها وحزينة انى سافرت من كوستى، ل... لمدنى، مدنى القريبة دى من رمشة القلب وبعيدة زى مناى حسع اكون جنب امى وبنسمع سوى عود لينا ياليل الفرح!!
خليني جمبك يا حبيبة قلبي ما تقولي الوداع خليني انسى عذاب سنين قضيتو بين هم و التياع خليني اشعر بوجودي و انسى ايام الضياع خليني احيا على امل لقياكي لو كان بالخداع
الله يسامحك .. فتحتي جراح الذكريات
Post: #21 Title: Re: ..........الوداع.................. Author: Ishraga Mustafa Date: 10-09-2008, 11:32 AM Parent: #3
Quote: خليني جمبك يا حبيبة قلبي ما تقولي الوداع خليني انسى عذاب سنين قضيتو بين هم و التياع خليني اشعر بوجودي و انسى ايام الضياع خليني احيا على امل لقياكي لو كان بالخداع
كانت امنيتى زماااااان..
مشت امى حليمة وماقالت لىّ الوداع وبقيت كل يوم بستناها، الاقيها فى الحقيقة واسمع نديهة حنانها واشم عدنى روحها الطيبة
مشت ووصت امى اللى مرحت فى رحمها- عشه، وصتها علىّ، تبقى لى سند واديها عمرى
كانت فيينا فى ازهى تياب روحها لبست ابوقجيجة وتوب الزراق وفردة روح خالاتى واتمليت فرح لمن فاضت بيوتنا بمطر المحبة وسيرة الناس الناس
-----
Quote: الله يسامحك .. فتحتي جراح الذكريات
الله يسامح الطيب عبدالله ياحمور ويسامح اللى قسوا علينا ويسامحنا لو غمرناهم فوق لطاقتهم بريدتنا الماعندها حد
Post: #5 Title: Re: ..........الوداع.................. Author: اميمة مصطفى سند Date: 10-09-2008, 00:27 AM Parent: #1
قصيرة هي الحياة
والمسافات بيننا ظالمة
جعلتنا نتعامل مع الأشياء بشكل مختلف
يترقرق الدمع عندما تحين ساعة الوداع
خاصة إذا كان أبديا...
وقتها يضيع العقل ويحزن القلب
وتدور عجلة الحياة من جديد
ليصبح هناك وداع ولقاء
آه وآه من لوعة الفراق يا "أشرقت"
أكتويت بناره ولا أزال
محبتي دوما
Post: #6 Title: Re: ..........الوداع.................. Author: Ibrahim Mohamed Date: 10-09-2008, 00:30 AM Parent: #5
فى شنط جوايا بكون ستفتها من سنين، شنط {الحنين} وقطعت تزاكر الرحيل فضلت الشنط فى مكانها والتزاكر مارجعتها ومشيت..
مشيت ورواحت شجونى هنا وهناك
الوداع يا اميمة... من يومين وشكل الشنط المستفه والفوضى الجميلة اللى كانت مليانى عجب، مبكيانى بهرب من عيون امى... طول عمرى بهرب من عيونها بشوف فيها احزانى واحزانى فيها اصوات غريبة ومشروخة بالهزيمة يا اميمة
لامطر يطفىء نارها ولا نار يولعها اللى عبرونى وعبرتهم
قلب الام بيشوف يا اميمة..
بيشوف جوانا حتى لو ما تكلمنا حتى لو دارينا ضيقنا وازماتنا وشبكة الدنيا العجيبة
فكرت مرة اطلع ليها قلبى.. تنقى منو حسكنيت الوداع تحت منو شرا الشجن اللاصق فى روحى وتزرع حنيتها فى صخور الواقع المالية حياتى
خفت عليها.. خفت على عيونها.. على روحها..
{انا} برضو بخاف من قلبى لمن اسلوا منى زى شعرة الروح من عجنة الحنين
الحنين ... لمنو.. لشنو.. المهم فى شىء غائم ومبهم وحنانو مرعب ده بيسكن بس بسكتة قلبية..
فجأة كدى وينتهى كل شىء..
___
قلت ليك قبال كدى انا بنت الحياة وليها ولجراحاتها بنتمى حيرت ليك الحزن فى صنقوع حنانو يا اميمة
Post: #8 Title: Re: ..........الوداع.................. Author: عاطف عمر Date: 10-09-2008, 05:05 AM Parent: #1
أغاني الستينات والسبعينات وذلك الجمال الذي يستعصى على النسيان وتلك الأغاني التي تنقل معها شريط من الذكريات فيه الأمكنه .... وقد غادرناها فيه الشخوص ... منهم من فارق دنيانا ومنهم من تفرقت بيننا وبينه الدروب فيه الأحداث .... على طرف الذاكرة .. تنتظر أى ( هبشة ) زى رائعة الطيب عبدالله هذه لتقفز وتفرض نفسها على حاضرنا وتجعلنا غصباً عنا ندور يومنا في فلكها.
إشراقتنا صباحك جمال
Post: #11 Title: Re: ..........الوداع.................. Author: Sara Mahgoub Date: 10-09-2008, 08:08 AM Parent: #8
د.اشراقه
تحيه تليق بمقامك وانتى تسردى جزء من كفاحك عبر التلفون فى قناة النيل الازرق .
Post: #15 Title: Re: ..........الوداع.................. Author: عاطف عمر Date: 10-09-2008, 10:08 AM Parent: #8
آخخخخخخخخخخ
يا لسذاجتي
عذراً إشراقتنا كنت في ضفة أخرى بعيدة عن ضفافك أحس ألمكم عشت ذات التجربة قبل عامين زارتنا ست الحبايب صفية بت التلب كان أطفالي في إجازتهم السنوية ، لذلك كانوا يسهرون معها طول الليل، جالسة هى في سريرها الذي لا تحب تغييره ونحن وهم حولها في سرائر مقابلة أو تحت رجليها على الأرض . أذهب وزوجتي لننام فوراءنا يوم عمل ونترك ليلهم ( لا يزال طفلاً يحبو ) ، يصلون الفجر ثم ينامون، ويصحون بعد الظهر ومرات بعد عودتي من العمل
" وا خجيلتي لو ناس رفاعة عرفوا إني بقيت أصحى بعد الضهر يقولوا على شنو ؟؟ " هكذا كانت تردد عندما تبقى من موعد سفرها أيام إنتابتنا كآبة وحزن وكرهنا الغربة ولعنّا أبوها ونحن في وداعها في المطار أوصتني أن أغير ( وضع ) الغرفة بحيث يحل دولاب أو مكتب أو ترابيز مكان سريرها ولما إستغربت طلبها أجابتني
" حتى لا يذكركم سريري الخالي في مكانو القديم بسفري عنكم .... "
غداً تلتقيها يا إشراقة تستقبلكم بحول الله في المطار تأخذك في أحضانها وتردد " كيفك يا بت كبدى؟؟ " وما ذلك على الله بعزيز
Post: #46 Title: Re: ..........الوداع.................. Author: Ishraga Mustafa Date: 10-10-2008, 07:10 AM Parent: #15
Quote: كان أطفالي في إجازتهم السنوية ، لذلك كانوا يسهرون معها طول الليل، جالسة هى في سريرها الذي لا تحب تغييره ونحن وهم حولها في سرائر مقابلة أو تحت رجليها على الأرض
احساس الصغار فعلا بالحبوبة شىء مختلف تماما قبل ناس امى مايجوا سالنى واصل Wie lange bleiben deine Verwandten da
يعنى اقربائك ديل قاعدين معانا كم يوم؟
بالجد حسيت بالفجيعة فجيعة انو اطفالك يتربوا بعيد من حضن الاهل- ايا كانت المشاغل اللى لهت الناس عن التواصل او حتى السؤال
بوجودهم فى البيت كنت بحس بواصل كل يوم فرحان ولمن يلقاهم طلعوا اول سؤال بيسألوا مشوا ووين ياماما بيدخل اوضتهم ويصبح عليهم ويطبع قبلة على جبين امى، بيعملها طيلة الشهور الى قضوها معانا
اما مرافىءء فهى حكاية.. حنينة لدرجة مخيفة وشها الحزين عبر عنها ودمعاتها لمن شافتنى ببكى حضتنتنى عليها وحسيت بالطمأنينة ترقد فى سرير حبوبتها وتبوس مخدتها/ مشهد يقطع القلب يا عاطف
الام... عظيمة والزول فيينا مابيعرف بالجد شنو الام الاّ بعد مايلد فى الاسبوع الفات سافر واصل ولدى فى رحلة مدرسية لمدة اسبوع ودى المرة الاولى يسافر براااااااااااااااهو كدى مسكت نفسى شديد رغم الدمعات الماوقفن احساس انو ولدى كبر وانو قريب بيكون معتمد على نفسو احساسى وانا بوصلو المدرسة يوم السفر والوصايا العشرة المكتوبة بدم قلبى
امى شافتنى بعاين لصورو القدامى فى الحيطة وابتسمت وكأنها تقول لى، شفتى فراق الجنا حار كيف
فعلا يا ستنا حار والاحر`° منو فراقك انت
وصباح الخير على وجهك يا امى.. صباح خير على كل الامهات
لامى صوت جميل.. كنت اسمعها وهى تغنى للطيب عبدالله السنين، انت يالابيض ضميرك، عود لينا ياليل الفرح، وغالية يانبع الحنان حفظتها معها من صغرتى وتغنيت بيها ايام الدورة المدرسية وكانت ايام {خوالى}
خدرت فيينا على قدومها وروحى معاها ثم....
مضت الايام سريعا.. و...
وليل فيينا الذى احب- موحشا منذ الامس...
احساس الناس فى البيت طرقعة الحلل العواسة وسخينة نجوى.. كل شىء ساكن، موحش، وكئيب، كالوداع
ضحكة مرافىء وفرهدة وش امى لمن تجيها وتحضنها... هبوبة اصبخى ع خيل- تفهمها امى {حبوبة تصبحى على خير}
تصبحى كل يوم على خير يا حبيبتنا
Post: #12 Title: Re: ..........الوداع.................. Author: محمَّد زين الشفيع أحمد Date: 10-09-2008, 09:20 AM Parent: #1
كان حالى امس يامحمد زين.. حاولت اتضاحك واسترجع الايام الفاتت ريحة نفس امى فى البيت بالدنيا
خوفها على الصغار.. تاشر بيدها.. تسأل من الزمن.. وتوصف على وشها فى اشارة لسلام مرافىء بتى فى وجيه امى الحلو..
الوداع...
قاسى.. قاسى لولا فسحة الامل فى ان يكون لنا لقاء
وكل سنة وانت بى خير ومليان صحة وعافية يامحمد
Post: #13 Title: Re: ..........الوداع.................. Author: هاشم أحمد خلف الله Date: 10-09-2008, 09:40 AM Parent: #1
إشراقة كل سنة وانتي طيبة وواسرتك الجميلة
Quote: ..........الوداع..................
حقيقة العنوان مضلل ومخيف جداً , لكن بعد الدخول إنكشف المستور وبانت أغنية الطيب عبدالله الحزينة فعلاً ( كلمات ولحن وأداء ) ونحنا قلبنا رهيف ما بقدر على الهبباي في عز الصيف وكلمة وداع صعبة علينا ولا نستطيع تحملها .
تخيلي يا إشراقة بعد مرات بفكر اسيب المنبر وكل المنابر المشارك فيها لان هناك أناس أدمنت على الإلتقاء بهم اسفيرياً واصبحوا يشكلوا جزء مهم جداً في حياتي وعندما لا أجد أسمائهم بين الحضور تصيبني حالة من الإكتئاب و التوهان والحزن الآليم وأكاد ان اصيح باعلي صوتي منادياً على كل من إفتقدته أن يعود , شوفتي الإدمان ده كيف يا دكتورة . حالة صعبة شديد ربنا يحفظ كل الأعضاء ويبعد عنهم الهم والغم .
Post: #14 Title: Re: ..........الوداع.................. Author: صلاح الأحمر Date: 10-09-2008, 09:49 AM Parent: #13
المنبر ده على علاته لكن فيهو ناس زى ناس بيتنا والله تفتش ليهم وتزورهم وتحكى معاهم
Quote: لان هناك أناس أدمنت على الإلتقاء بهم اسفيرياً واصبحوا يشكلوا جزء مهم جداً في حياتي وعندما لا أجد أسمائهم بين الحضور تصيبني حالة من الإكتئاب و التوهان والحزن الآليم وأكاد ان اصيح باعلي صوتي منادياً على كل من إفتقدته أن يعود , شوفتي الإدمان ده كيف يا دكتورة . حالة صعبة شديد
انت البوديك تفتش شنو يا هاشم يا اخوى؟
بينى وبينك اللولف كتّال وبيخلى الزول فى توهان زى ماقلت لمن مايلاقى ناسو
الله يخلى لينا ناسنا اللى بنريدهم وبيخلوا لحياتنا نغم
Post: #18 Title: Re: ..........الوداع.................. Author: Adil Osman Date: 10-09-2008, 10:47 AM Parent: #1
ستلتقون قريبآ. فى فيينا او فى الخرطوم. ستلتقون. يا اشراقة
Quote: ستلتقون قريبآ. فى فيينا او فى الخرطوم. ستلتقون. يا اشراقة
وانا ماسكة فى الامل ده ياعادل
ولكن..
احساس {الفقد} تفقد زول متوقعو منتظرك.. تسمع وقع اقدامهم كركبة نجوى وهى بتغسل فى الصحون
اشارات امى فرحة مرافىء بيها ..
فقدناهم.. حتى واصل النادر يعبر عن مشاعرو بوضوح قالها لى الليلة الصباح.. قال فقده لامى وخالتو
رجعت من المطار بالقطر.. لقيت المحطة مقفولة.. وقفت قدام الباب المغلق وداهمتنى زكريات كتيرة عشتها فى المحطة دى.. على طرقاتها مشيتها وانا طالبة وفى قلبها مشيتها وانا عروس وعلى حوافها بكت روحى وعجلات القطارات المرت من هنا..
دموعى ملت وشى..
وفى تتبعى للسهم المشير لمحطة القطار الجديدة مريت بعدة انفاق.. انفاق نبهتنى وسط ضجيج مشاعرى ديك انو الحياة دى نفسها نفق/ نفق كبير بنمر بيهو للضفة التانية الماشايفين ماوراها
سألنى شريطيان عن ماذا ابحث.. ربما احزنهم حالى.. تعودت على شدو الخطوة الواحدة
اشاروا لىّ للمكان الجديد قلت فى محاولة للخروج عن حالتى الكربة... كويس فينتنا بتستثمر الضرائب لرفاهيتنا..
ضحكنا.. وفى عيونى دموع وعلى وجيههما بقايا اسئلة..
ساعة ووصلت البيت..
وانفجرت.. بكيت باعلى صوتى.. بكيت لمن حنيت على البكاء ماينشرط قلبو من وجعى
--- بعدها مشيت اجيب مرافىء من الحضانة..
احدى المربيات تحكينى بان مرافىء اليوم حزينة على غير عادتها.. عرفت منها ان حبوبتها وخالتها راجعين السودان...
وعلقت المربية/ الآن يمكنكم ان تستعيدوا هدوئكم فى البيت
شروقة كل سنة وانت طيبة وحاسة بيك تماما ما اصعب الفراق بعد اللقاء لكن ربنا يجمعك بيهم وتكملوا ونستكم وحكاويكم قريبا.
كل سنة وانتى طيبة واولادك وزوجك بالف خير
Post: #22 Title: Re: ..........الوداع.................. Author: م. سيد احمد قدورة Date: 10-09-2008, 01:04 PM Parent: #20
بالتأكيد ساعات الوداع مرة لا احد يطيقها ويستطيع تحملها. وانشاء الله ما يحصل فراق لقلوب بعد اتولفوا وما أحلى ساعات القا
Post: #24 Title: Re: ..........الوداع.................. Author: محمد على طه الملك Date: 10-09-2008, 01:35 PM Parent: #22
هاهو قلمك ينفث حرقة الفراق ومآلاته المحزنة .. ولكن كيف هي ؟ هي التى ما أودعت كدرها واحزانها يوما لقلم ينفثه .. و لا ريشة مبدع يدلقها ألوانا على لوحاته .. بل حفظته بين حناياها ليبقى حيا تجتره كل لحظة.. حفظها الله لك ، وأبقاك وفية لها، وجمعكما على المحبة .
شفتى الناس الحلوة دى بتخرب طبعنا كيف ؟ ربنا يكتب سلامتهم وتتلاقو قريب أن شاء الله سالمين وطيبين عارفة الموضوع صعب كيف عليك والأو لاد ونجيوة وعلى ماما عشة بالأخص بعد ما تعودت عليكم لكن نعمل شنو أهو حال الدنيا يا حبيبة قلبى معاك
وبعد كان لنا جار عجوز نحبه ويحبنا ، نمزح معه ويمزح معنا وظل هذا الأمر سنين عددا ، فجأة شعرت بأنه رحل فقمت بزيارته في العيد الفائت وقلت له يارجل ترحل وما تودعنا قال: يا ولدي باختصار لم أستطع ... فعرفت مدى محبته لنا ، فكيف يهون الوداع لمن نحب وهو احتل في القلب مكانا وعشعش فيه ، أختي إشراقة جاش وجداني لصورتك وأنت تحتضنين والدتك في شوارع فيينا يالك من محظوظة فالجنة تحت أقدام الأمهات والله لقد تفطر قلبي لأني كابدت الغربة سنينا طويلة وعرفت فيها طعم الفراق وطعم الوداع ولا أدري أيهما أمر من الآخر رغم أن الوداع استوداع الأحبة لله فهو حافظهم وراعيهم فنامي عزيزتي بخير فالله خير حافظا وهو خير الحافظين استودعي أماناتك لله فهي في الحفظ والصون ، وأمهاتنا كما قلت لصديق لي قناديل أضاءت ومازالت تضئ لكن المصيبة أختي إشراقة أن هذه المصابيح في إندثار مستمر وتركتنا إلى ظلام نرى صورته من بعيد رغم كل شيء وأنا كما يقولون تربية حبوبات وعشت حياتي بطولي وعرضها مع حبوباتي وبعد أن كبرت قليلا ترعرعت في كنف أمي فعرفت معنى الأمومة من خلال عيونهن وأنا طالب بجامعة الخرطوم السنة ا لثانية كلية العلوم قمت باصطحاب حبوبتي إلى مستشفى العيون الملاصق " للبراكس" ولا تصدقي أن حبوبتي أمسكت بيدي ومنعتني من إجتياز الشارع الذي حفظته عن ظهر قلب وأقسمت بالله أن لا أقطع الشارع إلا بعد قرارها وقد كان وحين سافرت مرة لدولة قالت صفها لي فوصفت جمالها وشوارعها ويا ليتني لم أفعل فقالت لي بالله كيف بتقطع الشارع ؟ وأنا جاوزت الخامسة والعشرون وقتها ... يا لهن من أمهات عظام لن يتكررن والمشكلة أنهن ذهبن ببركتهن ولم يتركن لنا سوى الآثار ، أسأل الله أن يديم صحة والدتك ويطيل في عمرها ويهنئك بها فحقا إنك تسحتقين ذلك أنت وأطفالك ... خصوصا في غربة تكابدين ليلها ووحشتها .. أو كما قلت :
Quote: ان اشهدّ هذا الليل على وحشة المكان على الصمت المطبق على روحى
من أقسي مشاهد الواداع التخيلية ما صورته كلمات الشاعر أحمد عبد المعطي حجازي
Quote: كنت ترين في عيني حديثا .. كان مجهولا و تبتسمين في طيبة و كان وداع ، جمعت اللّيل في سمتي ، و لفّقت الوجوم الرحب في صمتي ، و في صوتي ، و قلت .. وداع ! و أقسم ، لم أكن صادق و كان خداع ! و لكنّي قرأت رواية عن شاعر عاشق أذلّته عشيقته ، فقال .. وداع ! و لكن أنت صدقت !
وتتسارع الأحداث الحزينة مختلطة بكبرياء جريح والشاعر تغالبه الأشواق لكن،،، لا أمل في العودة بعد الوداع الذي رددت صداه
Quote: نازعني إليك حنين و ناداني إلى عشّك ، إلى عشّي ، طريق ضمّ أقدامي ثلاث سنين و مصباح ينوّر بابك المغلق و صفصافه على شبّاكك الحرّان هفهافه و لكنّي ذكرت حكاية الأمس ، سمعت الريح يجهشّ في ذرى الصفصاف ، يقول .. وداع !
أتدرين إسم هذه القصيدة إنه ( كان لي قلب ) وما أقسي أن نعيش بلا قلب وما أتعس أن تمضي بنا الأيام بلا حبيب مودتي فضل كرار
Post: #33 Title: Re: ..........الوداع.................. Author: عبدالوهاب علي الحاج Date: 10-09-2008, 04:10 PM Parent: #1
فى اللحظة دى بتكون امى متوقعة دخلة مرافىء من الروضة وبتكون مرافىء فى طريقها لسرير امى طيلة الثلاثة شهور لاتلتقيها الا بالاحضان مرافىء الوحيدة الكانت قادرة تنتزع من امى ابتسامة وضحكة حتى حين يصيب امى الضجر وطول العلاج!!
Post: #48 Title: Re: ..........الوداع.................. Author: عبداللطيف حسن علي Date: 10-11-2008, 09:03 AM Parent: #47
Quote: احساس {الفقد} تفقد زول متوقعو منتظرك.. تسمع وقع اقدامهم كركبة نجوى وهى بتغسل فى الصحون
ربنا يحفظ كل الأعضاء
