قالوا دايرين يجمعوا 12 مليون توقيع ضد اوكامبو؟؟؟؟؟؟؟؟

الجمعية السودانية لتقانة المعلومات بالتعاون مع شركات الاتصال قالوا دايرين يجمعوا توقيعات ضد اوكامبو بارسائل رسائل قصيرة . وينددوا باوكامبو ؟؟؟؟؟؟؟؟ طيب ل بعد ما تترسل الرسالة البحصل شنووو . وياربى فى ناس اشتغلووو بالموضوع ورسلو الرسائل . وفرضنا انو االسودان كلوا شجب اوكامبو ده بغير فى الموضوع شنو . المحيرنى فى القصة كلها انو الحكومة هدفها تقشل اوكامبو وتشجب فيهو والى الان ما فى زول اتكلم وقال البشير برى وماسوى شى يااوكامبو .
الهيلمانة دى والرسائل دى بكون فى واحد فكر فيها عشان يسترزق منها ولا رايكم شنووو

عبد الله الأمين تحياتي.... وأهو ده مربط الفرس

Quote: الحكومة هدفها تقشل اوكامبو وتشجب فيهو والى الان ما فى زول اتكلم وقال البشير برى وماسوى شى يااوكامبو

نفس القضاء الدولى غير العادل هو الذى سيحكم فى قضية ابيى بطلب الحكومة . معناها فى ازدواجية . وبرضو لو اصلا الرئيس برى ما يمشى للمحكمة ويجيب ادلتوو ويعلن براءتوو بدل ما يوجعوا لينا راسنا بلكلام والجوطة . وانا شا يف من الافضل يجيبوا اوكامبو ويحضروه مسيرة هادرة طلعوا ليها الاطفال من المدارس والعمال والموظفين من امكن عملهم عشان يحتجوا ويشجبوا لقضية هى شنوو ما عارفينها ولاهاى وين ما عارفينها . كل همهم انو يطلعوا عشان ما يكونو غياب عن العمل

قال المدير التنفيذي للهيئة(مين شفيق) مساء الامس وفي برنامج في السودانية بان العدد المرجو تحقيقه 40 مليون ؟؟؟وان السودان هو اول دولة تفعل ذلك ؟؟ هل يوجد في كل افريقيا 40 مليون حامل لجهاز موبايل يرسل من خلاله رسالة نصية بخصوص اوكامبو او غيره دعك السودان ؟؟؟ شركات الاتصالات فقط ستستفيد من مثل هذا العمل واوكامبو موظف في محكمة ان ذهب اتي غيره وبقيت الدعوي قائمة ؟؟؟

هب انهم حصلوا على تريليون توقيع ، طيب وبعدين !!!!!!!!!!!!!!

الأخ عبد الله وزوار البوست الكرام

Quote: هب انهم حصلوا على تريليون توقيع ، طيب وبعدين !!!!!!!!!!!!!!

الإنقاذيون لو سألوا مثل سؤالك هذا قبل نحو عشرون عاماً لما آلات الأمور إلى ما هي عليه الآن من التردي والفشل، فالتخطيط السليم والتروي والتفكير العميق في الأمور نهج بعيد كل البعد عن تفكيرهم من أكبرهم لأصغرهم، فجل تصرفاتهم عبارة عن ردود أفعال - مثل ما يحدث الآن حيال التهم الموجهة للبشير - تتسم جميعها بالتسرع والرعونة وعدم النضج الفكري.
وفشل تجربة الإنقاذ في كافة المجالات (سياسية - اقتصادية - اجتماعية ....الخ) ما هي إلا نتاج ما ذكر أعلاه إضافة لظروف أخرى كثيرة لا يتسع المجال لذكرها.
دمتم

بدل الرسائل البتترسل فاضية عشان تندد باوكامبو بقترح انو الحكومة تجيب اوكامبو السودان وتخليهوو يشوف مسيرة ويشوف العبط الفيها والشعارات الكضب يقوم اوكامبو ما يتحمل كضب المنافقين والمداهنين ومن الغيظ يقع ميت بسكتةولا رايكم شنوو