إقتراح قديم متجدد .. للمريخاب فقط ..

من زمان صوتنا بح ..
يا جيمي إشتري النويدي دا وريحنا من أبان حلاقيم غليضة ديل ..
يا جمال الناس ديل أصلا ما مقتنعين بأبو الهل دا وعايزين يعلنوا عن إنتماءهم الأصلي لكن الخجل كاتلم .. ريحم بلاي ..
يا جيمي الفريق المهلهل دا لازم تمد يدك ليهو وتنشلو من حفرة المحلية البارك فيه ابد الآبدين دي ..
يا جمال اعمل معروف واشتري النويدة دا .. إنشالله بعد كدا تجدعو في الكوشة ..
يا عزيز ارحم الذليل ..
يا ...
يتبع ..

ياجماعة الزول دا غطــو ..

طلحة يا عمك كل سنة وانت طيب ياخ
جيمي حدو اربعين الف , درون ما يتجيبو ليو
نادي شنو البشتريه


تمبس يا عمك
كل سنة وانت طيب
بتبالغ ياخ يعني العيد ما مرقك تمرقك الحامضة دي

دا كان مدفون وين؟

تامبا وجرجير وود كماين
كل سنة وانتو طيبين
أما بعد
يالكم من رجرجة دهماء

أضمن ليكم يا رشاشات لو جيمي دا قال خير وختا يدو في ابو الهل دا
أول سنة بجيب كاس سيكافا ..
وقس علي ذلك بقية السنوات ..
أها فالكم طيب وقولوا خير
احسن ليكم من الرجة والكواريك العاملين لينا بيها دوشة دي ..
علي رأي المثل :
فصاحة ابو الدرداق .

الاخ طلحة
تحياتي
ياخي الناس ديل الدخلهم البوست ده شنو انت مش كاتب للمريخاب فقط عشان تعرف الناس دى حشرية كيف والدليل انهم بتحشروا فى المنافسات الافريقية والعربية ويطلعوا منها بالاربعات والخمسات من سنة 1930 وبعد ده ماعاوزين يخلوها .
وبعدين جمال يشتري الهلال يعمل بيهو شنو ؟ فى زول بشتري خرابة لاعبين رواكيب وجمهور يفلع بالحجار بدون سبب وهسع الحجارة موضوعة معروضات فى الكاف ياخي ديل متعادلين مع الجريف قربوا يطلعوا فى مظاهرة فرح . غايتو ممكن يشتري النادي يعملوا ملعب فرعي للفريق عشان الاستاد يخلوه للمباؤيات المهمة لكن اللاعبين والجماهير مابنفعوا معانا

سلامات يا معاوية وكل سنة وانت طيب يا حبوب

Quote: وبعدين جمال يشتري الهلال يعمل بيهو شنو ؟

إنشالله يجدعو في الكوشة ..

سلام



يا طلحه الليله طلعته





انشاءلله البركه فيكم

كل سنة وانت طيب يا ابو حميد

Quote: انشاءلله البركه فيكم

طبعا البركة في المريخاب ومال في خور اربعات بتاع الرشاشات دا يعني ..

Quote: ياخي الناس ديل الدخلهم البوست ده شنو انت مش كاتب للمريخاب فقط عشان تعرف الناس دى حشرية كيف

مراعين للحالة الصعبة الإنتو فيها و البالون الكبير المعيشنكم فيه ناس اشتم رائحة الجنة
لغاية ما فرقع
لكن في ظروف تانية زي الكلام دا بتبلعو في ساعتو

يا جماعة الزول الفوق دا تبع منو؟


عشان ما نرشو ساي!!

جرجير ( من جرجرة)

Quote: مراعين للحالة الصعبة الإنتو فيها

البسمع يقول كرنفالاتكم ضاربة الجو وكاساتكم تتطاقش ..
ياخ انتو عندكم الحالة الصعبة دين والحزن فطري .

يا معلم كيف اصبحت
نعل راسك مو موجعك من شوفة صالح عبدالله امس
قاليك هبشتو الأولى لكورة كيس و التانية دقت في القائم - الله يسامحك يا ريكاردو

قلت لي الحالة الصعبة وين
احنا ياخوي من قولة تيت و مستوى التيم التعبان كان واضح انو ما ماشين لي قدام
لكن انتو يا ناس اشتم رياح الجنة
الكنتو عايشين الوهم الكبير بكل تفاصيلو الهجيمة كانت عليكم شديدة
و المفاجأة قاسية , لو كانت الكورة ملعوبة في الرش كتر يمين جنس قمصان كان اتقلعت

طلوح الحبيب كل سنة وانتا طيب
لينا زمن نفتش لينا وجيتنا الليلة
من وين ياهنا

Quote: أضمن ليكم يا رشاشات لو جيمي دا قال خير وختا يدو في ابو الهل دا أول سنة بجيب كاس سيكافا ..

وتيييب .. مايجيب ليكم الدورى الممتاز

تاتا الزين
كل سنة وانت وكل الاحباء خاصتك زي ما عايزين
ليك الشوق عظيم يا زول حبيب ..
قلت لي :

Quote: مايجيب ليكم الدورى الممتاز

ياخ لو بقت علي الدوري الممتاز دا كان الوالي شال عدتو زمان وشتت ..
دوري ايه اللي انت جائي تقول عليه ..؟؟؟
الطموح اكبر كتير من الحاجات البلدي دي .


















وانت عامل ايه يا بيه ..

لحة
كل سنةوانت طيب
السنة الجاية تخلي الزعل بتاعك دا وترجع لاصلك هلالابي

ودالصايم

Quote: دا كان مدفون وين؟

(يحيي العظام وهي رميم)



اخير منو حبيبنا هارون .... تجاوز الصدمة سريع
لكن صاحبك دا قالوا كان في عربية الاسعاف !!!!


وكااااكـ (تكعيب)

سلام ..
والله الواحد نفسو اتداخل معاكم الا خايفين من التصفيه
قالوا اب فرار حايم ..





..
اخوكم ..
عثمان عبدالرحيم الخضر

نزل لأسفل

Quote: وتيييب .. مايجيب ليكم الدورى الممتاز

ونخلي ليكم شنو؟؟؟

بيت البكاء
وزريبة العيش!!!

ودو كماين كتب :

Quote: عشان ما نرشو ساي!!

آه يا رشاشات

جرجرة

Quote: الهجيمة كانت عليكم شديدة

نحن لو اتغلبنا من برشلونة الهجيمة بتكون علينا شديدة ..
شفت العظمة كيف ..؟؟
الكلام ناس قريعتي راحت البقوا ملطشة للغاشي والماشي .

Quote: البالون الكبير المعيشنكم فيه ناس اشتم رائحة الجنة لغاية ما فرقع .

طيب رايك شنو فى البالون بتاع ماشين طوكيو وناس رمضان ليهم مائة سنة ينفخوا فيهو لابد من طوكيو وان طال السفر.

ولايمكن يكونوا قصدين طوكر ياطلحة .
ياخي اخجلوا المريخ هزم بطل اخر بطل لافريقيا وخرج من مجموعة عاوزين منها واحد لكن انتو خرجتوا من مجموعة عاوزين منها اثنين ومتعادلين فى استادكم مرتين من ناس القطن ومازيمبي واللة ديل لو كانوا فى مجموعة المريخ كنا اتاهلنا من المباراة الاولي .

وفعلاً ان افافة الانسان النسيان انتوا لحقتوا تنسوا البكاء والعويل والعياط بتاعكم قبل اسبوعين بعد اربعة انيمبا الارباب يبكي والمعز يعييط وهيثم يتنخج

تلوح حبيب الهلالاب قبل المريخاب

ياخ خلي جمول بتاعكم ده يشتري زي الناس 40000 بسوكمان عاوز التعادل

تعرف انت زول لذيذ خالص واشتر

اعرف دي الشتره من وين واتعالج منها

قال جمول قال

ياخ خليه ............ وبعدين يشتري الهلال

ليك ياطلحة والله وحشة وشوق وشبيبة


شنو يا زول انت مختفي كده

وقالو العاضيهو شبيبة القبائل بخاف من الشبيبة عطبرة
فدير بالك يا وريف

عبود

Quote: كل سنةوانت طيب

وانت طيب يا حبيب

Quote: قالوا كان في عربية الاسعاف !!!!

معني كلامك دا انتو لو بتحسوا المفروض تكونوا في الإنعاش ..

Quote: لحة

محول هنا:تصفيات هامة في عضوية سودانيزأون لاين

هلا يا ود المشرف
كل سنة وانت طيب

Quote: والله الواحد نفسو اتداخل معاكم الا خايفين من التصفيه قالوا اب فرار حايم ..

بسيطة أعمل فيها بيلوجي وخش عينك قوية يا..

Quote: عثمان عبدالرحيم الخضر

طلحة يا ود وحب الوهاج جينا نشارك ونأزر ونقول ليك ...

النجمة فكرة ...

النجمة عشق ...

النجمة محبــة ...


بنحــب عشقكم ومحبتكم وفكرتكم ...

خليكم من الهردبيــس والقطن الرخيص ...


وتعالو الــــ عشاق النجمة /الجمعية العمومية للمريخ / البورداب / توقيعاتكم

يا شبيبة اقصد يا شباب

بهني طلوح بالعيد السعيد
وبهديهو غنية
تلاتة سنة

ويجو عايدين
وبقول ليهو
سيرو ونحن قدامكم
التوالي..غصبا عن جمال الوالي

اخخخخخخخخخخخ
تلاتة حباااات عند اللزوم

معليش ان شاء الله ما اكون ركيك عليكم

احب ارض المليون شهيد
ولا شنو يا عمك
ارض الكماين... يا ارض المحنة

Quote: يا جيمي إشتري النويدي دا وريحنا من أبان حلاقيم غليضة ديل .. يا جمال الناس ديل أصلا ما مقتنعين بأبو الهل دا وعايزين يعلنوا عن إنتماءهم الأصلي لكن الخجل كاتلم .. ريحم بلاي .. يا جيمي الفريق المهلهل دا لازم تمد يدك ليهو وتنشلو من حفرة المحلية البارك فيه ابد الآبدين دي .. يا جمال اعمل معروف واشتري النويدة دا .. إنشالله بعد كدا تجدعو في الكوشة .. يا عزيز ارحم الذليل ..

كاااااااااااااااااااااااااااااااااااك

وكااااااااااااااااااااااااااااااااااك

طلوح حمد الله على السلامة ....

الناس ديل الكضب العليهم شنو ؟؟؟ واحد أمس حلف لي أنو شافكـ في الصينية و بتفلع في العربات ؟؟؟
أسه أنا حالتي عايز أمشي أفتح بلاغ في ناس الشبيبة ... يعني مالو لو مسكو الأربعين ألف؟؟

Quote: البسمع يقول كرنفالاتكم ضاربة الجو وكاساتكم تتطاقش ..

اديلوووو ياطلحة...

مفترض بعد الجملة دى نقطة وبوست جديد...



جيمى دا لو مشى هناك الناس حتصدق انها خطيرة بالجد..

سلام يا طارق

Quote: بيت البكاء وزريبة العيش!!!

أماكن تعيسة والله يا حبيب

Quote: طيب رايك شنو فى البالون بتاع ماشين طوكيو وناس رمضان ليهم مائة سنة ينفخوا فيهو لابد من طوكيو وان طال السفر. ولايمكن يكونوا قصدين طوكر ياطلحة .

يا معاوية بلاي خليني من جعجعة اعمامك ديل ..
الناس دي فيهم عرق من جحا .. يفكوا الكذبة ويصدقوها ..
وابلغ دليل علي كلامي دا التصانيف والتخاريف بتاعت نحن الاول ونحن شمسون البلعوهم ليها ديك ..
أنسي يا حبيب .

مرحب يا عباس
شكرا يا بني علي المرور .

اللذيذ كيكي كل سنة وانت طيب يا زول

Quote: ليك ياطلحة والله وحشة وشوق وشبيبة شنو يا زول انت مختفي كده

أبدا وحياة الخوة ..
بس كنت برات البلد ..
قلت لي خور اربعات مالو ..؟
أبقي عافية .

سفن اب

Quote: النجمة فكرة ... النجمة عشق ... النجمة محبــة ...

شكرا بدر الدين اسحق
يديك العافية يا حبيب

عارف يا طلحة ..الفكرة كويسة

بس المشكلة كان جيمي اشتراهو ح نبقى في رافة وكدة

ونحن ناووين عليهم شغل ناشف...فااااا الحكاية دي ما بتبقى



خلي النويدي ده في حالو .....عشان يشوفو شوف صاح

Quote: إنشالله يجدعو في الكوشة

ياطلحة ياخوي فى كوشة بجدعوها فى الكوشة
الكوشة بحرقوها ويرتاحوا منها .

ودعني أخي طلحة عبر هذا البوست الظريف اقدم معلومات عامة علها تفيد وتخرس الرشاشة .

هل تعلم بان هلال امدرمان وهلال كادوقلي لم يفوزا بكاس خارجي
هل تعلم بان عمر علاء الدين جبريل يساوي عمر سفارى زائد عمر اكرم
هل تعلم بان عمر ريتشارد يساوي عمر عبد الحميد زائد سعيد السعودي
هل تعلم بان الهلال هو الفريق السوداني الوحيد الذى قام برشوة حكم لتغيير اسم ورقم اللاعب الذى قام بطرده.
هل تعلم بان الهلال هو الفريق السوداني الوحيد الذى تم إدانه احد لاعبيه بتعاطي منشطات .

والى اللقاء فى معلومات أخري

أهلين حودة
كيفك مع بلاد العم سام
إنشالله أمورك سالكة هناك

Quote: احب ارض المليون شهيد

أما أنا فطبيعتي الوطنية بتخليني أحب..
خور اربعات ..

سلام يا معاوية

Quote: كاااااااااااااااااااااااااااااااااااك وكااااااااااااااااااااااااااااااااااك

معانا واللا مع الخيانة يا حبيب .؟

طلوح
تحياتي

Quote: خور اربعات

حالفين ما تفارقو المستنقعات؟
من حفرة الدخان للخيران
وحكمة ربنا لو رجعت من حفرتكم كم متر جنوبا خور برضو..



ما غايظاني الا الاحفاد القدامكم دي

مراحب بخالد محمود كل سنة وانت طيب يا رشاشة حاقد علي زعيم البلد

Quote: واحد أمس حلف لي أنو شافكـ في الصينية و بتفلع في العربات

معني كدا ناس خور أربعات ديل ماشين عرايا يلقطوا الورق في الشوارع ( دا طبعا لو عندهم أحساس ) .

هلا يا أميرة الشيخ
شرف كبير للوست مرورك الوهيج يازهية التفاصيل

Quote: جيمى دا لو مشى هناك الناس حتصدق انها خطيرة بالجد..

الناس ديل يا أميرة حالتم متأخرة شديد عشان كدا مؤهلين لتصديق اية حاجة .
أبقي عافية .

سلامات يا إدريس

Quote: ونحن ناووين عليهم شغل ناشف.

شغل شنو ياخ ..؟
الجماعة ديل دقهم بقي ماليهو نكهة ..
زي لما تلعب شطرنج مع فيصل نوبي واللا اي زول كيشة وتلطشو كل مرة .. طبعا ما بتحس باية متعة .
















حاشية : فيصل نوبي أنا ما لعبت معاهو شطرنج لكن شكلو كدا كيشة شديد فيهو ..

مراحب الوريف معاوية

Quote: هل تعلم بان هلال امدرمان وهلال كادوقلي لم يفوزا بكاس خارجي هل تعلم بان عمر علاء الدين جبريل يساوي عمر سفارى زائد عمر اكرم هل تعلم بان عمر ريتشارد يساوي عمر عبد الحميد زائد سعيد السعودي هل تعلم بان الهلال هو الفريق السوداني الوحيد الذى قام برشوة حكم لتغيير اسم ورقم اللاعب الذى قام بطرده. هل تعلم بان الهلال هو الفريق السوداني الوحيد الذى تم إدانه احد لاعبيه بتعاطي منشطات .

للتاريخ والتوثيق .

سلامات يا وليد

Quote: حالفين ما تفارقو المستنقعات؟

مستنقعات شنو يا راجل يا طيب ..؟
خور اربعات دا مقصود بيهو فريق كدا هزايمو كلها بالاربعات ..
كل ما يلاقي ليهو فريق يصرف ليهو الراتب أبو اربعة .

والله انت المسكين وطيب

Quote: كل ما يلاقي ليهو فريق يصرف ليهو الراتب أبو اربعة

زي ناس صفا ورجا

........