ده شنو ده ...!!!!!!!! يا كافي البلاء لابسمة لا ضحكة لا هزة راس لا هاي يا ابكر لا يا ابكر اهة وقلبي تاه في يوم الزيارة.... ابكر سمع فيما سمع بانو الجكس صار خفيف ولفيف وبجدع في البسمات جديعة هيثم مصطفي للباصات مرة اسكرو ومرة بسمة دبل كيك ومرة بسمة ونظرة فور ويل درايف وممكن لو باصرت تطلع بهمسة همستين كدا... لكن الجسكوس المسرح سرحو ضنب كديس ده ابا كلو كلو يتباصر لابكوري صحبي.... جكس صاااري طوالييييييي (ياكافي البلاء التقول جابو ليهو خبر موت)....!!! كان ابكوري يعتقد جازما بان هذا الجكس (مكجن) ابكر كجينة السنين ولكن تسرب فيما تسرب الي ملفات ابكر الشمارية بانو الجكس ده صااري للغادي والماشي وكل البشرية مكسرة كسيرة عدوك والمكرسح شايل العميان ولكن نوووو ويييييييي اووووت....... ولكن ابكر صحبي قرر الدخول الي عوالم هذا الجكس الفقري البنوم بدري ويشوف ايه السوالف وليه ياقلبي ليه....!!! ونعود
هلا يا طارق وابكر ده ذااااتو حيرنا ومحنا معاهو اها دي حسع زولة قال لي كانت صارة وشها ده اربعة وعشرين ساعة وفقرية خلاص ولكن بعد ده ابكر اللكوندة ده قرر يفكك الشفرة بتاعة الصرة دي ويشوف الجكس مالو زعلان... واغنيته المفضلة اصبحت القرقور مالو زعلان
Post: #5 Title: Re: جكس قافل دفاع قفلة جد...!!!عودة ابكر Author: محمد سنى دفع الله Date: 10-07-2008, 07:02 PM Parent: #3
يطلك ابكر ده ما بتعلم طوالي شايت ضفاري ما تقول ليهو خت الكورة واطه وجور نور طويل للمستقبل وعاين تحت كرعيك لانو من حفرة حفرة لاخيه وقع فيها الجكسي ومن اماط الاذى ريح الجكيزي والاسيكيز ومن واعد دون شورة اتشرا شرت عدووك وادقه دق الابل وفي مقولة اخرى دق العيش منتظرين دقة ابكر الا ابقى حريف واكب الزوغه
الدفاع الجكسي بداء كالدفاع الايطالي في اعظم حالاته وكل السكك والدروب موشحة بالصرر...محطة الباص حينما يصحي ابكر بدررررررررري ليس هنالك الا الصرة مقص مقصين في حفلات فريق زنقو وليس هنالك الا دفاع الكوماتشو... وفي ظل اهتمام ابكر القوقلي بهذا الامر العجيب وهذه الصرة ذات الاربعة وعشرين ساعة ورد الي محطات بحثه بان الجكس الصاري ديمة قد شوهد وهو يتبادل البسمات مع (عباس زردية)... لا حولااااااا عباس زردية الكضاب بتاع الجاكات اكيد بكون رشحها ليك بواحدة من الجاكات الميتة بتاعتو القادي بيها جكس زنقو والحمد الله الفرتق من البلد زااااتو (زردية) الفقري وقد قمنا بوداعه حينما شد الرحال الي احدي المدن حيث قيل بانه يعمل فورمن بمكنة مهندس في احدي مشاريع البلد العاملة قومة وقعدة... ونعود
إنت يا كيكي حكايتك إنت وصحبك أبكر مع الجكس شنو؟ هو إنت شكلتك إنتهت مع (الكبع) و(البلنجات)؟ وأبكر دا متين إستلم الجرين كارد وبقى يجكس في بنات الناس.. غايتو قول ليهو أخو الجكس المكسر فيه ما بيعرف ملاكمة.. لكن بيعرف يدق أم دلدوم وهبات بالراس.. أها بيقدر عليها؟ والشاف (نخرتو) كابه دم ما كضب!! زولك دا ألحقو أنصحو قبل ما ينفضح؟
كان يمكن لابكر ان لايتلفت الي هكذا جكسوس ففريق زنقو يعج بالجمال والدهشة والناس النضاف المتمرين اربعة وعشرين ساعة هذا الصنف الصرروني ده عجيب مرة واحدة وقايم قومة اربعة لساتك فووووق وقريت بيم ما شافو ابكر قبل كده ولا سمع بيهو ذااااتو... وكل الخبراء في فريق زنقو افتو بان هذا النوع مثل مذنب هالي يغشي كواكب الحارات ومدارات احياء مثل حي ناس ابكر اللاتيني مرة في كل 50 سنة ولكن دوما هي حظوظ فريق زنقو حتي هالي الذي طل صار هالي صاري وشو ومامعروف ذااااتو بغبينة او بدون غبينة......!!!! ياربي تكون هذه الشلاليف المجدعة زي المطر في نواحي زنقو هي من اوجب هذه الصرة ما اظن فاخوها عمر زلابية شلاليف ماشاء الله كيلة وملوة وعمها حسن عطرونة وش زي الكبك وتديهو هوووك بدون غبينة عباس زردية ذاااااااااتو القالو اتلفح ببسمة زي الورد له ما له من غوشام وشنة تطير الرحمة من الفريق.... لالا دي جكس عمييييييييييق ياحبة وبالصرة دي راقدة ليها في راي... ودي ما صرة طبيعي وابكر له من الخبرات الميدانية والحنكة الي تجعله ان يفزر صرة البيت من صرة الخلاء ونعود
Post: #16 Title: Re: جكس قافل دفاع قفلة جد...!!!عودة ابكر Author: محمد عثمان Date: 10-07-2008, 09:02 PM Parent: #1
الاخ عبد الكريم..
سلاااام
متابعين و منتظرين الباقى..
شكلها كدا حيكون فيها موتر سوزوكى و طقطيق لبان برضو...
Quote: شكلها كدا حيكون فيها موتر سوزوكى و طقطيق لبان برضو.
هلا يا محمد عثمان ومشتاقين ياخي وضروري موتر سوزوكي لانو الماعندو موتر سوزوكي في فريق زنقو ماعندو شخصية والله يستر علي زولنا ابكر ما يطلع عندو فيسبا وياكل نيم علي الصرة العجيبة دي ودمت