Post: #1
Title: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-07-2008, 04:13 PM
هذه العبارة تقال للشخص المحتار!!!
او الذي يمتلك اكثر من خيار في موضوع ما!!!
او اول مرة تمر عليه تجربه او موضوع كهذا!!!
فعادتا التجربة اكثرا دليلا وبرهانا000
وهذه دعوة لكل انسان لديه تجربة ثرة
يسردها لكي يستفيد منها الجميع
|
Post: #2
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-07-2008, 04:31 PM
Parent: #1
طيب نبدأ بالتجربة الاولى
لوا في واحد عنده اسهال شديد (طه القرشي)
يستعمل كوب زبادي صغير + ملعقتين كاستر بودرة
والنتيجه مضمونة
|
Post: #3
Title: Re: اسأل مجرب 000ولا تسأل طبيب!!!
Author: محمد عثمان محمد طه
Date: 10-07-2008, 04:38 PM
Parent: #2
Quote: لوا في واحد عنده اسهال شديد (طه القرشي)
يستعمل كوب زبادي صغير + ملعقتين كاستر بودرة |
يغلي معلقة كبيرة شيح في كباية موية
والنتيجه 100% مضمونة مش
|
Post: #4
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-07-2008, 04:48 PM
Parent: #3
شكرا محمد عثمان علي الاثنين
التجربة والتعديل
لكن والله ما عرفته (الشيح)
|
Post: #5
Title: Re: اسأل مجرب 000ولا تسأل طبيب!!!
Author: ادريس خليفة علم الهدي
Date: 10-08-2008, 10:14 AM
Parent: #4
| Quote: لوا في واحد عنده اسهال شديد (طه القرشي) |
عليه بزيارة الدكتور 
|
Post: #7
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-08-2008, 05:06 PM
Parent: #5
ابو الدرس
| Quote: عليه بزيارة الدكتور |
دكتور نجيب زيادة 0000ولا منو؟؟؟
يا مقيل000تجليها واقفه!!!!
|
Post: #20
Title: Re: اسأل مجرب 000ولا تسأل طبيب!!!
Author: عزالدين آدم علي
Date: 10-20-2008, 02:34 PM
Parent: #2
أو برضو سفن أب + كاسترد والنتيجة أيضاً مضمونة 100% كمان
|
Post: #21
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-22-2008, 06:35 PM
Parent: #20
طيب ده موقف حقيقي
مر بي قبل كم سنة
ونحن قادمين جدد الي رياض الخير والحلم
بالثراء000السريع والفاحش000والعودة الي ارض الوطن ظافرين غانمين 000
المهم000 علي قول تبارك
كان معنا بالسكن واحد صاحبي من اولاد الشجرة(عبدالمنعم سعيد) ربنا يطراه بالخير
كان يأتيه مقص شديد بالليل000
ونحتار ماذا نفعل من فرض المه000
فنسرع 000شيء حلبة 000وشيء حرجل 000وشيء قرض
بعد فترة يهدأ صاحبنا وينام
غرير العين كأنه لم يكن شيئا00
تاني يوم ونحن مجتمعبن في الغداء
في واحد اسمه صلاح من اولاد الصحافه000الله يديه العافيه
قال لي عبد المنعم
اسمع انت لمن تتعب بالليل ويجيك المقص
ما تشتغل بالشفع ديل (يقصدنا طبعا)000ديل ما عندهم خبره
صحيني انا بعرف الرياض وبعرف اتصرف000اوديك المستشفي 00والاسعاف وكده
تمام شكرناه وما بتقصر والله يديك العافيه 000
تاني يوم بالليل عبد المنعم جاهو المقص
جرينا عملنا عطرون وليمون واديناهم ليه
انا جريت صحيت صلاح(صاحب الخبرة)
صحى مهجوم وتعبان في شنو
قلت ليه عبد المنعم تعبان
وهو كان مرهق جدا
دخل علي عبد المنعم فتح الغرفة
شاف الكباية فيها العطرون والليمون00 فقال
بس احسن حاجة للمقص هي العضرون
وقفل الباب ورجع نام!!!!!!
|
Post: #6
Title: Re: اسأل مجرب 000ولا تسأل طبيب!!!
Author: حمزاوي
Date: 10-08-2008, 11:41 AM
Parent: #1
Quote: لوا في واحد عنده اسهال شديد (طه القرشي)
يستعمل كوب زبادي صغير + ملعقتين كاستر بودرة
والنتيجه مضمونة |
وقعت ليك في جرح يا صديق الموج
انبسط ما حتشتري البامبرز تاني
معلقتين كستر في زبادي وتدخل الحمام ومعاك مفك نجمة
اها يا طارق اخوي
طبعاً انت اكتر واحد عندك تجربة في الوصول الي عفيف
ومنك نستفيد
|
Post: #8
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-08-2008, 05:18 PM
Parent: #6
| Quote: معلقتين كستر في زبادي وتدخل الحمام ومعاك مفك نجمة |
دي بضمنه ليك تب يا خال
|
Post: #9
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-08-2008, 05:30 PM
Parent: #1
طيب يا شباب دي تجربة ثانيه
مرة كنا في حفلة
وفي واحد متقل شديد في الشراب
وعامل شغب وهرجله شديده
وكاد ان يفسد الحفل000
وكل ما الناس يتكلموا معاهو يروق المنقه شوية
يزيد العيار شويتين000
الا00 ان هناك واحد والظاهر عليه خبرة
قال ليهم000
ادوهو كاس طويل (كباية)
المعلم شربة من هنا 000
وتوسد الدايمة والتحف السماء000
وواصلنا حفلتنا بمزاج!!!
|
Post: #10
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-09-2008, 08:47 AM
Parent: #1
مزيدا من التجارب يا شباب
لتعم الفائدة
|
Post: #11
Title: Re: اسأل مجرب 000ولا تسأل طبيب!!!
Author: ادريس خليفة علم الهدي
Date: 10-09-2008, 09:17 AM
Parent: #1
| Quote: يا مقيل000تجليها واقفه!!!! |
|
Post: #12
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-09-2008, 12:27 PM
Parent: #11
اكيد الحكم يا بو الدرس هو اللي فاز
معقولة بس!!!
|
Post: #13
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-11-2008, 09:59 AM
Parent: #11
ولا اقول ليك
فاز بيها 000
الما000 مقيل000
|
Post: #14
Title: Re: اسأل مجرب 000ولا تسأل طبيب!!!
Author: ابو جهينة
Date: 10-11-2008, 12:27 PM
Parent: #13
لعلاج الصلعة
قُم بتربية الحاجبين ثم سرِّح شعر الحاجبين للأعلى ثم للخلف ( و كدة ما يكون عندك جبين ) ..
أبو عبد اللطيف ... مشتاقون
في ناس سألوا مجرب ... و بعدين رجعوا للطبيب :
سعودي ذهب للسودان بعد أن سمع من مجربين سودانيين بأن ( حلل التمساح ) ذّكّر التمساح ينفع في علاج الضعف الجنسي ( طبعا دة قبل إكتشاف الفياغرا )
ذهب هناك و أرشده أولاد الحلال إلى حواتي على جهة جبل أولياء
الحواتي كبس الراجل حلل تمساح لغاية ما ريحتو بقت ترمي الطير
رجع السعودية و هو منتفخ القولون و عندو تلبك في المصران
أدخلوه للمستشفى رأسا من المطار
مازحه أحد السودانيين قائلاً : ذكر التمساح دة عاوز ليهو مصران ضكران زيو .. يا زول حصل أكلت أم فتفت ولا كول ؟
بجيك صاد بتجارب ناجعة
|
Post: #15
Title: Re: اسأل مجرب 000ولا تسأل طبيب!!!
Author: ممدوح عثمان
Date: 10-11-2008, 03:50 PM
Parent: #14
الأخ طارق نقد
متابعين ومن المجربين نستفيد
بس حكاية الكأس الطويل دي جات في جرح
|
Post: #19
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-15-2008, 10:45 AM
Parent: #15
العزيز ممدوح عثمان
| Quote: بس حكاية الكأس الطويل دي جات في جرح |
الظاهر في واحد منجضكم
ومبوظ عليكم كل البرامج
يبدو انه لديكم تجارب ثرة
لكن باخلين بيها
تحياتي
|
Post: #17
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-12-2008, 09:19 AM
Parent: #14
حلل التمساح
دي يا ريس ذكرتني
واحد صحبي عندهم مطعم في النسيم
وخاتين في كاونتر المحاسبة
نبق000و ترمس 000 وقضيم
وبشتروا السعوديين اكثر من السودانيين
فسألته بتطفل ليه السعوديين بشتروا الحاجات دي
فال لي بنقول ليهم دي اثارها الجنسية خطيرة جدا
|
Post: #16
Title: Re: اسأل مجرب 000ولا تسأل طبيب!!!
Author: حمد فتح الرحمن
Date: 10-11-2008, 04:32 PM
Parent: #1
و في رواية اخرى عليه الابتعاد عن الرمرمة و القيالات
النتيجة غير مضمونة
|
Post: #18
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-14-2008, 05:26 PM
Parent: #16
| Quote: و في رواية اخرى عليه الابتعاد عن الرمرمة و القيالات |
والله دي كمان لو لقت ليها اجازة
وجو بارد كده
وكمان واحد يزبط ليك حجار معسل
هلا 000هلا
|
Post: #22
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 10-27-2008, 08:22 AM
Parent: #1
عندنا واحد صاحبنا في الحله(الكلاكلة)
قال عايز يتعلم يعزف عود000
فمشى لي فنان جارنا في الحلة
وقال ليهو علمني عزف العود
وصاحبنا الفنان كان مستهبل ودمه خفيف
وبتاع مقالب000
فقال ليهو
اول حاجه تشتري عود جديد
فأشترى العود مع الاوتار وجابو
فقال ليهو
عشان تصبح عازف ماهر وتتعلم بي سرعة
بل الاوتار واشرب مويتهم 000 والباقي علي!!!!
طبعا لي الليلة000ما اتعلم حاجة00000
تحياتي
|
Post: #23
Title: Re: اسأل مجرب 000ولا تسأل طبيب!!!
Author: طارق عبد اللطيف نقد
Date: 11-10-2008, 09:31 AM
Parent: #1
طيب لو عندك او لشخص عزيز عليك (حبن) او (خراج)
يعمل شنو000
انا في الاجازة السابقة في السودان
ظهر لبنتي الصغيرة (خراج) وكان عمرها سبعه شهور تقريبا
ذهبنا للمركز الصحي 000وقابلنا مساعد طبي 00او ممرض قديم ما متأكد000
بعد ما عمل النظافة والغيار000
قال احسن تعملوا ليها حلبة!!!
انا قلت في نفسي الراجل ده متخلف 000ولا 00شنو000
معقوله في مستشفى ولا مركز صحي ينصحك مختص بعلاج شعبي 000
فذهب لعيادة طبيب صديقي 000 بعد الفحص قال بتحتاج لي جراحة
وعندما رجعنا للبيت 00قالت الوالده جراحة شنو البت صغير اعملوا ليها حلبة بس 000
نوكلنا علي الله وعملنا الحلبة وبعد يومين كانت النتيجه مذهلة
وتم الشفاء بحمد الله
تحياتي
|
|