Post: #1
Title: نحن السودانيين القشرانين ليه كل الناس بيحبونا
Author: Mutwali Malik
Date: 10-07-2008, 05:29 AM
Parent: #0
نحن السودانيين القشرانين ليه كل الناس بيحبونا
مادعاني لكتابة الموضوع هو علو مكانة السودانيين عند مجموعة من الدول الافريقية والعربية وحتي الغربية
ونحن مع بعضنا قشرانيين ايه السبب وليه كل المحبة دي
ناقشونا ياجماعة
|
Post: #2
Title: Re: نحن السودانيين القشرانين ليه كل الناس بيحبونا
Author: ترهاقا
Date: 10-07-2008, 05:40 AM
Parent: #1
لأنهم شايفننا سذج وطيبين ، يعنى بالعربي كده بيشفقوا علينا
وعلى قول المصريين ، طيبين أوى
ولك الود
|
Post: #3
Title: Re: نحن السودانيين القشرانين ليه كل الناس بيحبونا
Author: ALMURADABI
Date: 10-07-2008, 09:24 AM
Parent: #2
ياحبيب سلامات وتحيات كتار وكل سنة وإنت طيب،،،
| Quote: و مكانة السودانيين عند مجموعة من الدول الافريقية والعرب |
بب
منو القال ليك
والله عند العرب صرنا لا نسوى إلا جناح باعوضة ومن يتفوق يتفوق لنفسه ومن يثبت وجوده يثبتها لنفسه
مسئولينا يزورون الدول الخليجية للبزنس والشحدة ومواطنيينا يأتوها أذلاء بفعل الوضع الردئ الذي صنعته الإنقاذ في الداخل من شظف العيش والعقلية الجبائية الاستثمارية
ماذا بقى لنا والاعلام يشوه سمعتنا يومياً
صدقني من يعرفنا من العرب جيداً ويذكر فضلنا جيل في طريقه للإنقراض وبقي قليل منه لاصوت ل والوضع في أوربا وأمريكا وافريقيا أعتقد أنه أفضل لاختلاف العقليات والثقافات
الخلاصة: حب البعض لنا أو كرههم لا يجب أن يشكل وعينا والعبرة بكرامتنا داخل أوطاننا وتفير حقوقنا الأساسية (حقوق إنسان - مجانية تعليم وعلاج وبينة تحتية وديقمراطية حقيقية نفاخر بها)
آسف للإطالة أو الخطأ
|
Post: #4
Title: Re: نحن السودانيين القشرانين ليه كل الناس بيحبونا
Author: Mutwali Malik
Date: 10-07-2008, 10:04 AM
Parent: #3
اخي ترهاقا والموردابي
مشكورين علي التداخل في هذا الموضوع
عنوان الموضوع له قصة حدثت السبت المنصرم ونحن في حفلة الاستاذ عبدالكريم الكابلي هنا في واشنطون وقد كان لتواجد الجالية الموريتانية اكبر الاثر وكذلك الجالية الصومالية كان لها حضور مميز وانتابنا احساس بانهم يعشقون الكابلي يغنون معه ويتراقصون وقد كانو فاكهة الحفل
دار نقاش بيني وصديقي الدبلوماسي الاعلامي الاستاذ عمر الفاروق سيد كامل عن محبة واحترام الجاليات لنا كسودانيين وقلت له نحن القشرانين ديل محبوبين من الكل ليه وخطر ببالي طرح الموضوع ومناقشته
لي تجربتان في الدوحة والان في واشنطون عن السودانيين ساحكي عنهم
|
|