مبادرة من الساحل الشرقى ..السودان اولا

فى العشر الأواخر من شهر رمضان ..فى فيلادلفيا..كنا جلوسا فى الحديقة الامامية من المبنى العتيق ..مكانا تخيرناه لنفطر فيه معا ..نحاول احياء سنة ..نلبس عادة سودانية ثوبا امريكيا ..كنا مجموعة تتفرق على اطراف لسودان المتباينة ..لا يجمعنا شىء غير حب السودان ..نتحسر على ايام خلت ..كنا شعبا واحدا..نتجاور فى احياءنا الشعبية ..طابور الصباح فى المدرسة يجمعك بكل السودان..فى الدافورى نتساوى جميعا..نلتف مساءا حول قدرة الفوراوى ..كان ذلك ماضيا ..ود نصر اكبرنا سنا لم ينتمى يوما لحزب ولم يبايع بعد النبى محمد من رجل ..زار السودان قبل عامين ..فى المطار سألوه عن قبيلته !!

الجهويةالنتنة قتلت شهيدالصحافة السودانية محمدطه محمداحمد..فى الخرطوم يمكنان تخضع للتحقيق والاستجواب بناءاعلى بينات جغرافية..مصطلح جلابة وغرابة سلعةقابلة للترويج ..يا اخوانا السودان القديم مالو ..الناس كانت متعايشة ومتحاببة ..احد اصهارى سافر من كورتى لبرام ..تزوج فيها وانجب البنين والبنات ثم مات فى برام ..اهل قريتى اتخذوا من جوبا موطنا..اولاهم ربما يصوتون فى الاستفتاء القادم..كانت تلك خواطرى عندماجاءنا ..راجل بعمة كبيرة وجلابية بيضاء مكوية..لونه اسمر ابنوسى ..اتخذ من كسلا موطنا قال لنا يا اولادى انا على حافة القبر ابلغ بضع وسبعينا عاما..الحال دا مابيعجب ..انتو الحصل شنو؟؟