مرثية بلداً ميكـائيلا قافل تلفونو!!

عوجة في

شين يا حال .... و صاري وشيشك .... دافر ديشك
عسكر وخوف
وهم بطّال .... مكشِّر فينا ودافن لينا........ مغســـة دفينة
ودافن آمال

خيل الحذن الكاسر جقلب ..... فكّ لجـــامو ....وحلّ زمامو ....نطّ وتلّب
عالم تشقي ...و تتعب
والسجم البرجع لي حماد
خلاس يا بلاد!!!
ناشفة جداولك لا ري لا سماد
لابسة تقـــاندك برضو سواد.... رماد المطرو حداد
رماد الصفق الأكلو جراد
رماد السجــــم الكــال حمــــاد !!!



العوجة الغيم الحرد المطرة..... العوجة الموج المات في النيل

دمانا تسيل
عرقنا يشرشر يسقي نهاراً عمرو طويل
العوجة الليلة تجينا حكومة
تخنق بلداً من حلقـــومة!
تجابد نفساً ميت بس كان يطلع .....
تفتش فجراً قاسي معاند .... هوي كان يطلع
تكوس في باكر آآآآآآه كان يطلع
وما أظن يطلع!!
يطلع لينا الهم حلال و أرياف ومدينة
و
بطلع دينـــّا !!!

عاد كيف يطلع؟؟؟
والريس جعجع ولعلع

وعلّي المرتبة و طنّش و كوّع !!!

ياحبيب الكل ..

كل سنةوانت طيب وحمدلله على السلامة ...


......
الجايات ( روابح ) ....


اسامة

اسامة
نعلك طيب
تسلم يا الحبيب
الصابرات روابح لو يجن قماح

شكرن كتيرن!

با حبيب كل عام و إنت بخير
و البركة الشفناك طيب
و بتكتب

بقــّة
تسلم يا غالي
كل سنة وانت طيب

شكرن
علي المرور اللطيف

شكرن كتيرن!

هذا المشترك لا يمكن الوصول أليه حالياً

ذا نمبر يو دايل كان نوت بي ريتش آت زيس مومينت
بليس تراي أقين ليتر

بلا حدُّود
البحر البشيل مركب
مودي العيش
يقول الديش
كلام تاني
مراكب وين
تقطع لي جريدة وفال
وكيف يا ناس
نفرتق لمة الأطفال
زمن بطال
وغيمة حرون
زمن مجنون
عيون عميت
من الفجر الطلع في الكون
زمن لا فيه شمش تطلع
فاقد للطعم واللون

أرررررح
شكرن!