Post: #3
Title: Re: عاش (يوتوب)...........نصير السودان القديم
Author: حاتم الياس
Date: 10-04-2008, 03:58 PM
Parent: #2
أعتقد أن جريمة الطيب مصطفى فى تدمير (الذاكرة الوطنية) بتلفزيون السودان ترقى أيضاً فى مستواها المادى وفى ضررها لجريمة الأبادة الجماعية..المتهم بها البشير..(تتحدث عن الشمال والشماليين ويداك ملطختان بهذا الذنب العظيم فى (حق الذاكرة الوطنية)..فعلى أى ذاكرة أيها الرجل ستؤسس دولة أنفصالك القادمة..
الأهداء للجميع بمناسبة العيد رغم (المقدمة أعلاه)
|
Post: #4
Title: Re: عاش (يوتوب)...........نصير السودان القديم
Author: فتحي البحيري
Date: 10-04-2008, 07:19 PM
Parent: #1
كل سنة وانت طيب يا حاتم
لكن
حيرا أفاري انتا ذاتك؟؟؟
انتا معانا ولا مع الخيانا؟؟؟؟
رحم الله خليل ابراهيم اوبس !! خليل اسماعيل!!
ونضر أيام البلابل
ديل والليلات لاهاي
بس !!
|
Post: #5
Title: Re: عاش (يوتوب)...........نصير السودان القديم
Author: حاتم الياس
Date: 10-04-2008, 07:49 PM
يابحيرى يأخ شنو (تقسيمة الدافورى دى) ابطال وخيانة..كان عندنا زمان دافورى مسخن فى (حلتنا) تقسيمتو (عقد) و(بارت) يعنى العجائز ناس (العقد) ضد الشباب بتاعين (البارتيات)..و(الراسخين) فى معاينة الشأن السياسى فى السودان وتحديد المواقف لايستغرقهم هذا التبسيط وظنى الكبير بانك من الراسخين فى قراءة هذه الخارطة بكل ألتباسها..واْن كان ثمة خيانة بيننا فأنا بالتأكيد مع التانين لكن بس ببساطة وكما يقول أهلى الجعليين (مابنبرج فى كل دلوكة رزمت) عندنا ايقاع خاص عندو حساسية عالية ضد (الخم) و(الأستعراض المجانى)
عيدك مبارك ومزيد من (الشعر) الجميل..وقليلاً من (أرهاب الشعار)
|
Post: #6
Title: Re: عاش (يوتوب)...........نصير السودان القديم
Author: فتحي البحيري
Date: 10-06-2008, 11:56 AM
Parent: #5
ياصديقي
!!!
ذكرتني نكتة المصري اللي حاول يضطهد سوداني قاعد جنبو في القطر
المصري عفص السوداني برجلو .. صاحبك زح رجلو منو وعاين ليهو
عفصو تاني .. عاين ليهو تاني وزح رجلو منو
عفصو تالت .. السوداني ما كضب .. رشاهو ليك بنية !!
المصري قعد يكورك مخلوع : الله !! إيه دا ؟؟ على طول كدا ؟؟!! ما فيش العن امك العن أبوك؟؟؟
مؤكد أن المرء يضطر أحيانا إلى الشك في "بعض" من يصطفيه "بداهة أنه بعض الآنام"
أو كما قال عمك المتنبي
مؤكد أننا ننظر في المرآة أحيانا فنفاجأ ببعض ملامح "التانيين" فينا
لكنا بكل حال لسنا "نفس" قاتلينا ولسنا صفهم
أو بمعنى آخر
ربما كان الصف الذي لنا ملتبسا إلى حد كبير
ولكن الصف الذي علينا .. علينا جميعه .. ليس فيه ذرة لنا
ومع ذلك
إنما قلت ما قلت في مداخلتي الأولى
مازحاً
|
|