Post: #10 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: يوسف الولى Date: 10-03-2008, 07:48 PM Parent: #1
ممكن نسميها استاذه بعد كده .. وهى استاذه وفنانه بالجد غنيه ما فيها كلام .. لحن وكلمات 100% .. اداء 95% .. والسبب مش المؤدى على كل حال لو كانت واقفه الاستاذه دى كانت ( جضمت ) اللحن دى 200% .. لكن الله يسامح الكان السبب فى انها تغنى وهى جالسه على كنبه مش كرسى شكر يا ود خليل ..
Post: #19 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: يوسف الولى Date: 10-04-2008, 07:58 PM Parent: #1
عيد مبارك يا ود خليل وربنا يتقبل منا ومنكم صالح الاعمال ما لقناك فى العيد .. حقيقه انا ما لاقيت زول اصلو عيدى السنه دى دون الناس كل اهات وكلو ويل والحمد لله بخصوص الغنيه التانيه لاحظ لمن الاستاذه دى تكون واقفه بتبدع كيف يا ريت لو تنزل باقى الاغانى وتحياتى للاسره
Post: #20 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: خليفة موسى حمدان Date: 10-04-2008, 10:40 PM Parent: #1
بعتذر ,, أغنية ربما تدفعنى الى الإعتذار والإمتناع للاستماع الى كل ما هو جديد من الاغانى السودانية وذلك لضعف التلحين وطريقة المؤديين الجدد العقيمة التى تتقوقع فى نسخة تكاد تكون صورة طبق الاصل .. فشتان ما بين أغنية ( بعتذر) و (زيدنى فى هجرانى ). فلم استبين من الاغنية الاولى إلاً كلمة ( بعتذر ) رغم حلاوة الصوت , فهو الحسنة الوحيدة التى شجعتنى على الصبر قليلا لمواصلة الاستماع
Post: #21 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: Amir Omer Date: 10-04-2008, 11:04 PM Parent: #1
أفراح عصام تمتلك صوت عذب (ثابت) ، والأهم أنها تمتلك إحساس عالي بالكلمة وهذا حتماً سيميزها عن جيلها! الخط الذي إختارته "أفراح" خط فني صعب وأتمنى لها الإستمرار فيه لأنها دون شك أثبتت أنها تمتلك إمكانيات الإستمرارية ، ويارب ماتنجرف وراء مقولة "الجمهور عايز كدا" وتهدر هذه الإمكانيات الرائعة!
___ شكراً أخي محمد خليل لمساحة الفرح هذه ، رغم الكدر! وعيدك مبارك وكل عام وأنت بخير
Post: #22 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: Amir Omer Date: 10-04-2008, 11:23 PM Parent: #1
Quote: يا ريت لو تنزل باقى الاغانى
عيدية خاصة لأخونا يوسف الولي .. أغنية "ليلاتنا ليلية" وعيدك مبارك
أمير عمر
Post: #23 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-05-2008, 05:21 AM Parent: #22
Quote: بخصوص الغنيه التانيه لاحظ لمن الاستاذه دى تكون واقفه بتبدع كيف يا ريت لو تنزل باقى الاغانى
يا مراحب ود الولي
وزي ما قلت دايما عندما يغني الفنان وهو جالس
بيكتل الاغنية حتى ولو كانت اغنية حية
وان شاء الله حأقوم بإنزال باقي اغاني افراح
لك كل الود
Post: #24 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-05-2008, 05:28 AM Parent: #23
Quote: بعتذر ,, أغنية ربما تدفعنى الى الإعتذار والإمتناع للاستماع الى كل ما هو جديد من الاغانى السودانية وذلك لضعف التلحين وطريقة المؤديين الجدد العقيمة التى تتقوقع فى نسخة تكاد تكون صورة طبق الاصل .. فشتان ما بين أغنية ( بعتذر) و (زيدنى فى هجرانى ). فلم استبين من الاغنية الاولى إلاً كلمة ( بعتذر ) رغم حلاوة الصوت , فهو الحسنة الوحيدة التى شجعتنى على الصبر قليلا لمواصلة الاستماع
الاخ خليفة موسى
انا سعيد بأن اول مداخلة ليك في المنبر العام كانت من خلال هذا البوست
فاولا الف مرحب بيك في الحوش الكبير وكل سنة وانت طيب
برغم انك ما سلمت علينا ولا باركت العيد !
ورأيك برضو وجهت نظر فالموسيقي والغنى زي الجمال اشياء نسبية لا يوجد حولها اجماع مطلق
لكن اعتقد ان موهبة افراح لا غبار عليها
ولك كل الود
Post: #25 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-05-2008, 05:33 AM Parent: #24
Quote: أفراح عصام تمتلك صوت عذب (ثابت) ، والأهم أنها تمتلك إحساس عالي بالكلمة وهذا حتماً سيميزها عن جيلها! الخط الذي إختارته "أفراح" خط فني صعب وأتمنى لها الإستمرار فيه لأنها دون شك أثبتت أنها تمتلك إمكانيات الإستمرارية ، ويارب ماتنجرف وراء مقولة "الجمهور عايز كدا" وتهدر هذه الإمكانيات الرائعة!
الاخ أمير
كل سنة وانت بالف خير وعيد سعيد وعمر مديد ان شاء الله
اتفق مع كل ما ذكرت أعلاها, وهذه الشابة بقليل من الرعاية
ستصبح ذات شأن في دنيا الموسيقى.
وشكرا على رفد البوست ببعض اعمال افراح ويا ريت تكون معانا بمساهماتك القيمة في هذا البوست
لك كل تقديري
Post: #26 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: ترهاقا Date: 10-05-2008, 05:51 AM Parent: #25
ابو خليل ، ويين إختفيت من الشواءات الليلة ؟ غايتو ضربنا من الدجاج ما يكفى
ولعل المانع خير
وآآآآآآ فيلقو
Post: #27 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-05-2008, 06:05 AM Parent: #26
ابو علاء
والله انا كمان فقدتكم..
فاتتنا الشيات والونسات,,
والسبب ذهابي الي سانت هوزيه لتعزية صديق في وفاة والدته
لكن الجايات اكتر ان شاء الله
حنزاحمكم في اي مشويات قادمة والحشاش يملا معدته
وآآآآآآ فيلقو
Post: #28 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-05-2008, 08:06 AM Parent: #27
Quote: أفراح عصام تمتلك صوت عذب (ثابت) ، والأهم أنها تمتلك إحساس عالي بالكلمة وهذا حتماً سيميزها عن جيلها! الخط الذي إختارته "أفراح" خط فني صعب وأتمنى لها الإستمرار فيه لأنها دون شك أثبتت أنها تمتلك إمكانيات الإستمرارية ، ويارب ماتنجرف وراء مقولة "الجمهور عايز كدا" وتهدر هذه الإمكانيات الرائعة!
صدقت أمير
Post: #31 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: خليفة موسى حمدان Date: 10-06-2008, 03:55 AM Parent: #24
بسم الله الرحمن الرحيم اخى محمد خليل ... السلام عليكم وكل العام وانتم بخير.. بكل أدب ( بعتـــــــــــذر ) لك ولكل الاخوة المتداخلين لعدم القاء السلام والتحية .. فلكم العتبى حتى ترضون .. ولكن موقفى من المقلدين لا يتزحزح . فعندما يخرجونا من عباءة التقليد تظهر الفروق ما بين القديم المتقن فى كل مناحيه والجديد المرتجل بكل نواقصه وعيوبه.. فالتقليد لما يستمر لسنوات يصعب الفكاك منه,, فما ممكن يا اخ ابوخليل الواحد يقلَد خمسة عشر عاما أو اكثر وقد عرف للجمهور بالتقليد ثم يحاول عبثاً الخروج من هذا الثوب .. فيمكنك ان تلقى نظرة عابرة على مسيرة الذين (إقتاتوا) على التقليد لو صحت هذه العبارة سنينا عددا.. فبعد هذه السنين الطويلة التى قضوها قرصنة وإقتتاتاًعلى مجهودات الغير .ألم ترهم كيف زلت اقدامهم فى اول عتبة لسلم اعمالهم المرتجلة .. فالذى يحب ان يُخلَد فى قلوب الناس عليه ان يخلق لنفسه أعمالاً خاصة متقنة منذ البداية , وذلك لا يتـأتَى الا بالصبر والمثابرة . مش(أخنق فطَس )أو(سلق بيض ).. فليس هنالك وجه مقارنة بين من يصبرون على تلحين أغنية واحدة خمسة عشر عاما لكى تخرج فى ابهى صورة . فعندما تلج أذان المستمعين منذ اول وهلة تجد تلك الاذان وقد صنعت بطوناً وإمعاءً لهضم كل مكونات الاغنية ومن ثم تحويلها الى دماء تجرى فى العروق خالدة الى أبد الدهور (إن صح هذا التعبير ). وبين من قضَى نفس هذه السنين فى القرصنة والتقليد والتعدّى على حقوق ومكتسبات الآخرين . فرأيى للذين تراوحت سنين تقليدهم مابين العشرة والخمسة عشر سنة عليهم بالاستمرار فيما دأبو عليه. اما ناس السنتين والثلاثة يمكن ان يلحقوا انفسهم بأعمال خاصة لابد ان تتوفر فيها الاجادة والتأَنى والاتقان... ارجو ان اكون الاَ أغلظت على بعض مطربينا الجدد!!! والسلام عليكم
Post: #30 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: Amir Omer Date: 10-06-2008, 01:55 AM Parent: #1
غصــن الرياض
محمد خليل يا ذوَّاقة الله يجعل أيامك كلها أفراح ياخ!
بالله أدعوا معاي "أفراح" دي يتبناها ملحن يكون عبقري و"خارج عن المألوف" ... وشوف ح يطلِّع لينا منها شنو!
أتمنى حبيبنا محمد المرتضى يمر بجاي ويسمع بس!
Post: #32 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-06-2008, 04:08 AM Parent: #30
مساءات الجمال
حبيبنا أمير
أفراح عزبت غصن الرياض عزاب السنين
وعزبتنا معاها ياخ
الله يحفظها الزولة دي
Quote: بالله أدعوا معاي "أفراح" دي يتبناها ملحن يكون عبقري و"خارج عن المألوف" ... وشوف ح يطلِّع لينا منها شنو!
أتمنى حبيبنا محمد المرتضى يمر بجاي ويسمع بس!
أعتقد ان اخونا وحبيبنا الموسيقار أحمد حامد (المك) ما بتفوت عليهو حتة تبني أفراح دي
خصوصا والراجل في الفيديو مستمتع بأداء أفراح ايما استمتاع واعتقد انه ساهم في انتشار عافية حسن
من خلال تلحين أغنية عش العصفور لها,,
وزي ما بيقولو الابن خال
وخال ود المك استاذ الاجيال بشير عباس
فمن ناحية التبني دي صوت افراح بجذب الكثيرين وان شاء الله تمشي لي قدام
وخليك معانا يا ابو الامراء
Post: #33 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: حمد اسماعيل Date: 10-06-2008, 05:14 AM
0 0 انها فنانه بحق وعجبنى الأداء واللحن وهى متمكنه تماما
وأجمل حاجه الفرقه وهى منسجمة تماما
وخاليه من الوجوه المألوفة دائما والتى نشاهدها فى كل فيديو
هذا معناهو ان السودان بخير وهناك الكثير من المبدعين .
اتمنى لها التوفيق .
.
Post: #34 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-06-2008, 05:57 AM Parent: #33
Quote: انها فنانه بحق وعجبنى الأداء واللحن وهى متمكنه تماما
وأجمل حاجه الفرقه وهى منسجمة تماما
وخاليه من الوجوه المألوفة دائما والتى نشاهدها فى كل فيديو
هذا معناهو ان السودان بخير وهناك الكثير من المبدعين .
اتمنى لها التوفيق .
مرحب حباب الاخ حمد
كل سنة وانت بخير
نعم السودان بخير وموسيقانا وفننا ايضا بخير
ان وجدت المواهب حظها في الصقل والمتابعة والتشجيع
ومرحب بمرورك الجميل
Post: #35 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-06-2008, 06:19 AM Parent: #34
Quote: بسم الله الرحمن الرحيم اخى محمد خليل ... السلام عليكم وكل العام وانتم بخير.. بكل أدب ( بعتـــــــــــذر ) لك ولكل الاخوة المتداخلين لعدم القاء السلام والتحية .. فلكم العتبى حتى ترضون .. ولكن موقفى من المقلدين لا يتزحزح . فعندما يخرجونا من عباءة التقليد تظهر الفروق ما بين القديم المتقن فى كل مناحيه والجديد المرتجل بكل نواقصه وعيوبه.. فالتقليد لما يستمر لسنوات يصعب الفكاك منه,, فما ممكن يا اخ ابوخليل الواحد يقلَد خمسة عشر عاما أو اكثر وقد عرف للجمهور بالتقليد ثم يحاول عبثاً الخروج من هذا الثوب .. فيمكنك ان تلقى نظرة عابرة على مسيرة الذين (إقتاتوا) على التقليد لو صحت هذه العبارة سنينا عددا.. فبعد هذه السنين الطويلة التى قضوها قرصنة وإقتتاتاًعلى مجهودات الغير .ألم ترهم كيف زلت اقدامهم فى اول عتبة لسلم اعمالهم المرتجلة .. فالذى يحب ان يُخلَد فى قلوب الناس عليه ان يخلق لنفسه أعمالاً خاصة متقنة منذ البداية , وذلك لا يتـأتَى الا بالصبر والمثابرة . مش(أخنق فطَس )أو(سلق بيض ).. فليس هنالك وجه مقارنة بين من يصبرون على تلحين أغنية واحدة خمسة عشر عاما لكى تخرج فى ابهى صورة . فعندما تلج أذان المستمعين منذ اول وهلة تجد تلك الاذان وقد صنعت بطوناً وإمعاءً لهضم كل مكونات الاغنية ومن ثم تحويلها الى دماء تجرى فى العروق خالدة الى أبد الدهور (إن صح هذا التعبير ). وبين من قضَى نفس هذه السنين فى القرصنة والتقليد والتعدّى على حقوق ومكتسبات الآخرين . فرأيى للذين تراوحت سنين تقليدهم مابين العشرة والخمسة عشر سنة عليهم بالاستمرار فيما دأبو عليه. اما ناس السنتين والثلاثة يمكن ان يلحقوا انفسهم بأعمال خاصة لابد ان تتوفر فيها الاجادة والتأَنى والاتقان... ارجو ان اكون الاَ أغلظت على بعض مطربينا الجدد!!!
مرحب بيك اخي خليفة
ويا راجل لا داعي للإعتذار ما بيناتنااعتذارات
حقيقة انا عندما ذكرت السلام والعيدية كان من باب الدعابة ليس الا ففي احيانا كثيرة
تمر على الواحد شوية لخمة وندخل ونمرق من البوستات بدون تحايا او سلام.
موقفك من المقلدين هو موقف الكثيرين من من محبي الفن والموسيقي ولعلك تدري ان قانون المصنفات
قد ضيق الخناق على التقليد والمقلدين في السودان بل حتى عالميا نجد ان (الملكة الفكرية) برئاسة
ابن عمك كامل قد اصبحت سيفا مسلطا على رقاب كل من يتجرأ بالتعدي على حقوق الغير في الفكر
والثقافة والاداب والفنون وشتى ضروب المعرفة.
انا شخصيا اعتقد ان التقليد مرحلة لابد ان يمر بها كل فنان ناشئ ومن ثم يتحسس خطاه في دنيا الفن
ويشق طريقه بنفسه فترديد الاغاني الخالدة للناشئين ليس عيب في حد ذاته ولكن الى حين..
بالنسبة لأفراح اخي الكريم هي لا زالت في بداية الطريق هذه الشابة من مواليد 1991 وأول ظهور
أعلامي لها لم يتعدى الاشهر ؟؟
يعني عمل خاص واوركسترا وموسيقى وتوزيع شئ كتير منها في هذه السن.
والنقد بقدر ما هو مفيد ولكنه سلاح ذو حدين خاصة لموهبة تتحسس الطريق ويرجى منها الكثير
ولا رأيك شنو؟؟
Post: #36 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-06-2008, 06:51 AM Parent: #35
Post: #40 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: Imad Khalifa Date: 10-07-2008, 01:31 AM Parent: #38
Quote: الله يضوي ليها طريقها دنيا وأخره
والله الشئ دا لو مانقد فني (كنا قلنا عليهو كسييير عديل)
Post: #39 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: Amir Omer Date: 10-07-2008, 01:01 AM
أخونا وحبينا محمد خليل
مساءات ندية
Quote: وخليك معانا يا ابو الامراء
يازول أنا حاتل في البوست دا ما عندي منو فكاك! عارف كنت عايز أكتب عن أفراح جيت لقيت بوستيك دي عشان كدا بقوة عين أعتبرت الحالة واحدة
Quote: أعتقد ان اخونا وحبيبنا الموسيقار أحمد حامد (المك) ما بتفوت عليهو حتة تبني أفراح دي خصوصا والراجل في الفيديو مستمتع بأداء أفراح ايما استمتاع واعتقد انه ساهم في انتشار عافية حسن من خلال تلحين أغنية عش العصفور لها,,
بالتأكيد أنا كلامي هنا ليس من خلفية علمية للموسيقى ولا عن دراسة لكن أعتقد أني مستمع كويس! لا شك أن الأستاذ "المك" موسيقار جميل وزي ما قلت إبن أخت الوز عـوام ولكن ... خليني أطمع بحاجة أكبر لأفراح ، وأبعد شوية عن إعجابي بالمك كموسيقار وأقول ليك:
** لونية "أفراح" مختلفة عن لونية عافية حسن وهذا ليس تقليلاً من شأن عافية أو إنحيازً لإفراح! فكل لونية لها طابعها الخاص!
** "بعتذر" هي أول عمل مشترك بين المك وأفراح .. ورغم أنه العمل جيد لكنه تقليدي وأنا زي ما قلت ليك في البداية بطمع في أعمال مختلفة تُظهِر أفضل ما تمتكله أفراح من أمكانيات وملكات صوتية وأحساس بالكلمة! (دا ما معناه أنه العمل سيئ)
** المك فنان وموسيقار لا غبار عليه لكنه لم يقدم لـ"عافية" الكثير ولا أعتقد أنها تغيرت منذ ظهورها الأول وإلى يومنا هذا .. لذا أعتقد أن ....
** أفراح تحتاج لموسيقار من "نوع تاني" .. ما عارف ليه لكن بتخيل لي لو إتبناها شخص زي "عثمان النو" .. ح يقدر يطلع منها دُرر رغم إختلاف لونية النو عن لونية أفراح .. لكن في إعتقادي أن النو يملك من الذكاء ما يجعله قادر على تطويع موهبة أفراح والخروج بفنانة بمواصفات عالية جداً!
** أفراح رغم موهبتها الفذة لكن لسه محتاجة أشخاص أو شخص يعالج بعض نقاط الضعف في صوتها وأعتقد أنو أشخاص زي أنور عبدالرحمن أو شمت من عقد الجلاد ممكن يفيدوها كتييير في معالجة الأشياء الطفيفة في بعض النوتات! يعني بنفس النهج بتاع أسرار في بداياتها.. وبعتقد أن "مجاهد" لعِبْ دور بارز في مساعدتها في صقل موهبتها وإمكانياتها!
خلينا نسمع تسجيل مختلف لأغنية "في هواك يا جميل" مع الأوركسترا
______ خارج النص: لاحظت أننا مسجلين في يوم واحد؟!
Post: #41 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-07-2008, 02:44 AM Parent: #39
هلا والله بسيد الدار هلا بالامير أمير
Quote: يازول أنا حاتل في البوست دا ما عندي منو فكاك! عارف كنت عايز أكتب عن أفراح جيت لقيت بوستيك دي عشان كدا بقوة عين أعتبرت الحالة واحدة
يا زول حتالة شديدة خلاص ومفيدة خلاص وجميل توالد الخواطر ده والله والبوست بوستينك و نحن الضيوف وانت رب المنزل
Quote: بالتأكيد أنا كلامي هنا ليس من خلفية علمية للموسيقى ولا عن دراسة لكن أعتقد أني مستمع كويس! لا شك أن الأستاذ "المك" موسيقار جميل وزي ما قلت إبن أخت الوز عـوام ولكن ... خليني أطمع بحاجة أكبر لأفراح ، وأبعد شوية عن إعجابي بالمك كموسيقار وأقول ليك:
** لونية "أفراح" مختلفة عن لونية عافية حسن وهذا ليس تقليلاً من شأن عافية أو إنحيازً لإفراح! فكل لونية لها طابعها الخاص!
** "بعتذر" هي أول عمل مشترك بين المك وأفراح .. ورغم أنه العمل جيد لكنه تقليدي وأنا زي ما قلت ليك في البداية بطمع في أعمال مختلفة تُظهِر أفضل ما تمتكله أفراح من أمكانيات وملكات صوتية وأحساس بالكلمة! (دا ما معناه أنه العمل سيئ)
** المك فنان وموسيقار لا غبار عليه لكنه لم يقدم لـ"عافية" الكثير ولا أعتقد أنها تغيرت منذ ظهورها الأول وإلى يومنا هذا .. لذا أعتقد أن ....
** أفراح تحتاج لموسيقار من "نوع تاني" .. ما عارف ليه لكن بتخيل لي لو إتبناها شخص زي "عثمان النو" .. ح يقدر يطلع منها دُرر رغم إختلاف لونية النو عن لونية أفراح .. لكن في إعتقادي أن النو يملك من الذكاء ما يجعله قادر على تطويع موهبة أفراح والخروج بفنانة بمواصفات عالية جداً!
عارف يا دكترة ود المك موسيقار قدير لكن عافية شوية استعجلت الاشياء لذلك تم استهلاكها اعلاميابسرعة
ام عثمان النو طبعا ما فيهو كلام موسيقار قامة وأستايل مختلف ويمكن يضيف لي افراح الكتير..ولو أتعلمت من أخطاء الغيير ممكن تمشي خطوة خطوة وتنوع في الالحان وبالمناسبة في مجموعة ملحنيين شباب خطريين بس الزولة لسه صغيرة وبتحتاج لتوجيه وارشاد في دنيا الفن وحتكون فنانة عظيمة..
بعدين يا أمير ياخ كلنا ما متخصصين يعني شغلنا شغل جربندية لكن قالو الشعراء يتبعهم الغاوون.. اها
نحن ديل الغاوون تبع الموسيقيون
Quote: خارج النص: لاحظت أننا مسجلين في يوم واحد؟
وأنا اقول توالد الخواطر ده جاي من وين
ياخ والله انا سعيد بالصدفة الجميلة دي لكن يبدو انك مقل في مشاركاتك
يا سيدي انا قربت على الالفين..
غايتو جنس نقة
ادييك العافية يا أمير
ومسي طيب
Post: #42 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-07-2008, 02:53 AM Parent: #41
الحبيب عمدة
ياخ بيركلي دي اتلومت معانا خلاص شغلتك شغل شديد
وبعدين..
Quote: والله الشئ دا لو مانقد فني (كنا قلنا عليهو كسييير عديل)
ده هوا باااااااااااااااارد
يا خ انا لما قعدت اتلفت المدام بي وين
خلوها مستورة
Post: #43 Title: Re: "بعتذر"..أغنية جديدة لأفراح عاصم..تطريب عالي..موسيقى جميلة..(فيديو) Author: mohmed khalail Date: 10-07-2008, 04:55 AM Parent: #42