يا عريس يا فنان ألف مبروك و كل سنة و إنت طيب إنت و عروسك و المعاك يعني ما عزمتني عرس القلقالة الكارب ده؟؟؟ كان إتقلقلنا ليه من هنا ده و لي عند هناك.. إنت تستاهل كل خير فردتك الميتان ده... وين؟ أوعى يكون ما حاضر معاك و ملاك مكنات..
إسماعيل حسين يا جاري العزيز كل سنة و إنت طيب و عاطر التحايا للجميع
بالمناسبة حاتم بيمول الأيام دي في البلد؟؟؟
Post: #11 Title: Re: من القلقالة . . . أبشر يا عريس Author: عادل فضل المولى Date: 10-02-2008, 04:50 PM Parent: #10
الف مبروك الحبيب معتصم وكان الامل انو نحضر الفرح لكن القدم ليهو رافع ويا حميم ويا دو قاسم والملك والبقية ان شاء الله ينفعكم .... يا انعام ادينا فرصة في التلفون عشان نوضح..
ألــف مبروك للعروسين و بيت مال و عيال يا موو2x .....
و ربنا يحقق أمانيكم.... و يرزقكم بالذرية الصالحة...
__________
كل سنة و إنت طيب يا حميم....
Post: #74 Title: Re: من القلقالة . . . أبشر يا عريس Author: إسماعيل حميم Date: 10-15-2008, 09:50 AM Parent: #15
Quote: و ربنا يحقق أمانيكم.... و يرزقكم بالذرية الصالحة... __________
كل سنة و إنت طيب يا حميم....
آميين أخي هيثم وإنت طيب كل السنين
ربنا يتقبل الدعوات
مرفق مودتي
إسماعيل حميم
Post: #16 Title: Re: من القلقالة . . . أبشر يا عريس Author: هاشم أحمد خلف الله Date: 10-03-2008, 01:20 PM Parent: #1
إسماعيل حميم الجميل جميع بورداب الخرطوم الحلوين كل عام وانتم بخير وعافية ومبروك عليكم وعلينا زواج اخونا معتصم دفع الله ويا ريت لو تعقدوا كمان لاخونا صلاح شتات طالما جاكم هناك وعقبال لكل العزابة ذكور وإناث
Post: #77 Title: Re: من القلقالة . . . أبشر يا عريس Author: إسماعيل حميم Date: 10-20-2008, 01:42 PM Parent: #16
Quote: إسماعيل حميم الجميل جميع بورداب الخرطوم الحلوين كل عام وانتم بخير وعافية
أخوي هاشم كل سنة وإنت والأسرة طيبين
Quote: ومبروك عليكم وعلينا زواج اخونا معتصم دفع الله
معتصم موضوعه إنقرض وبقى في أعداد المتورطين ربنا يهنيهو ويرزقو البنات والبنين
ويا ريت لو تعقدوا كمان لاخونا صلاح شتات طالما جاكم هناك
إما المدعو شتات فأنا ليك علي أجند ليهو الفكي اللمام يلم ليك شتاتو دا مرررة واحده بس إنت رسل البياض . . سمح
يا انعام..تمشوا لعاية هناك وما تقابلوا عصومي ولا العروسه؟؟
انتو بطنكم دي بتوديكم في داهيه وقولي لعصام اوعك تجينا راجع تقول القاوت قام غلي ولا القاوت تعبني.. ..
....
انا ماعندي قاوت ممكن تعزموتي شيه؟؟
Post: #20 Title: Re: من القلقالة . . . أبشر يا عريس Author: ناذر محمد الخليفة Date: 10-03-2008, 05:42 PM Parent: #1
سلام يا إسماعيل ..
Quote: ناذر :
تجي الحنة وتفوت العقد . . يا أخي مبالغة
با إسماعيل نحن أولاد صغار وبتاعين حفلات و هجيح ما لينا في العقد .. بالمناسبة انا جيت القلقالة امبارح برضو وصلتا حوالي الساعة 10 بالليل وقعدت مع فردي هناك وانتظرنا العربس لحدي ما جا مع عروستو حوالي الساعة 2 صباحا وحضرت الربة والسكسكة لحدي اذان الصبح . حانزل ليكم صور العريس بعد شوية.,
Post: #24 Title: Re: من القلقالة . . . أبشر يا عريس Author: انعام عبد الحفيظ Date: 10-03-2008, 09:58 PM Parent: #20
Quote: بالمناسبة انا جيت القلقالة امبارح برضو وصلتا حوالي الساعة 10 بالليل وقعدت مع فردي هناك وانتظرنا العربس لحدي ما جا مع عروستو حوالي الساعة 2 صباحا وحضرت الربة والسكسكة لحدي اذان الصبح .
يا ناذر انا لمحتك لما جيت تبارك لمعتصم بس تاني إختفيت وين ؟؟
Post: #21 Title: Re: من القلقالة . . . أبشر يا عريس Author: انعام حيمورة Date: 10-03-2008, 07:14 PM Parent: #1
Quote: يا انعام..تمشوا لعاية هناك وما تقابلوا عصومي ولا العروسه؟؟
اها قالوا ليك العريس جاء 2 صباحا
شكلهم ما عندهم لحدي الساعة 11 حقتنا نحن ناس الخرطوم لو كان كدة كنا انتظرناهم ..
الشية راقدة بس انتي تعالي !!
Post: #22 Title: Re: من القلقالة . . . أبشر يا عريس Author: محمد خليل ساني Date: 10-03-2008, 07:53 PM Parent: #21
العريس الحبيب معتصم دفع الله ألف مبروك الزواج يا جميل و ربنا يرزقك بالذرية الصالحه ويبارك ليك فى حياتك الجايه
وناس الخرطوم و بوردابها الحلوين والله ما قصرتوا كفيتوا ووفيتوا وربنا يجازيكم فى السمح غايتو حسيت وكأني شاركت معتصم ليلة عرسو دي ربنا ما يحرمكم من اللمه الطيبه دي
قلت له أن الطريق متعب و أنك ستذهب مرهقا و ستكلف الناس كمية من ( الدلكة ) حتى تفك ( التعسيمة بتاعة السفر )
إلا أنه أصر
فبالله راقبوا العربية كويس حتى لا يحدث الآتي :
و ربنا يجيبو و يجيبها لينا بالسلامة
دمت أيها الحميم
Post: #25 Title: Re: من القلقالة . . . أبشر يا عريس Author: الملك Date: 10-03-2008, 10:15 PM Parent: #1
... سمعة يا لذيذ امرق بالصور العندكـ وخاصة "خاصتى" العربات انسترن معانا ... الا ناس الشية الفيكم اتعرفت وانا عصام قال لى الناس دى ماشة بى سرعة 3 كيلو يا ناجى
Post: #27 Title: Re: من القلقالة . . . أبشر يا عريس Author: انعام حيمورة Date: 10-03-2008, 10:42 PM Parent: #25
Quote: الا ناس الشية الفيكم اتعرفت وانا عصام قال لى الناس دى ماشة بى سرعة 3 كيلو يا ناجى
والله دايرة اقول ليك صورنا في الخلا داك لكن عارفاك ما بتحب زول يقول ليك صورني
عشان مشاركة اسلام وعصام كانت قوية !!
Post: #32 Title: Re: من القلقالة . . . أبشر يا عريس Author: الملك Date: 10-04-2008, 09:05 AM Parent: #27
Quote: لكن عارفاك ما بتحب زول يقول ليك صورني
وما بحب زول باكل شية ,,,ويُشرنا فى شارع مدنى
Post: #26 Title: Re: من القلقالة . . . أبشر يا عريس Author: waleedi399 Date: 10-03-2008, 10:35 PM Parent: #1
الاخ العزيز / اسماعيل حميم
كل سنة وانت بالف خير .. وجميع المتداخلين هنا للتهاني والتبريكات .. للغالي والحبيب إلى القلب والنفوس الرائع الاخ / معتصم دفع الله (رفيق الدرب والجهاد) ومن هذا المنبر ازف اجمل التهاني القلبية ونتمنى له حياة زوجية سعيدة .. وانشاء الله بيت مال وعيال كتاااااااااار يا مووو .. رغم أنني قد نسيت بعض الشئ طريقة المداخلات ولكنً اعادت لي هذه اللحظات ذكريات جميلة ارتسمت على جدار الزمن و(خارطة الطريق) (وهذه يعرفها الاخ العزيز / ابوجهينة وحده) ولا مش كدا يا ريس لوووووووووول .. والله ايام يا زمان والاجمل من ذلك اللمة الرائعة للبورداب من كل صوب وحدب ومشاركة الاخ / معتصم دفع الله الافراح مما دفعني للعودة للمنبر والمشاركة مع الاخوان بعد طول غايب (اصلو العشرة البينا اكبر) والعاقبة عندك يا صلاح شتات ولا منتخبنا لسه ما اكتمل ,, وكذلك الوزير المتقاعس الذي تخلف هنا عن ركب الوزارة الاخ العزيز (علاء الدين تمبس) عقبال عندك..
في الختام اقول للحبيب // معتصم دفع الله الف مبروك وانشاء الله (بيت مال وعيال) والتحية لكم جميعاً و
Post: #28 Title: Re: من القلقالة . . . أبشر يا عريس Author: Abd Alla Elhabib Date: 10-04-2008, 01:33 AM Parent: #26
Quote: أنك ستذهب مرهقا و ستكلف الناس كمية من ( الدلكة ) حتى تفك ( التعسيمة بتاعة السفر
معتصم العريس ..مليون مبروك تاني ربنا يسعدكم ويحفظكم وعقبال العزابة ------------------------------ تعسيمة السفر بيفكوها بالدلكة ?? أول مرة أسمع بالوصفة دي
Post: #29 Title: Re: من القلقالة . . . أبشر يا عريس Author: سمية الحسن طلحة Date: 10-04-2008, 07:08 AM Parent: #28
الأخ إسماعيل حميم كل عام وأنت بخير والعرسان والوزراء والسفراء والضيوف عيدكم مبارك ... ما سألتي من الوصية يابت عبد الحفيظ ما بلومك أصلا مهام الوزارة جسام ...
Post: #30 Title: Re: من القلقالة . . . أبشر يا عريس Author: عبد الدائم سيد أحمد Date: 10-04-2008, 08:38 AM Parent: #1
الف الف مبروك بيت مال وعيال لما ترجع بالسلامة ومعاك العروس مر علينا بهنا ....
Post: #31 Title: Re: من القلقالة . . . أبشر يا عريس Author: السمؤال بدرالدين Date: 10-04-2008, 08:54 AM Parent: #1
الف مبروك يا معتصم بيت مال وعيال عقبال الباقين
Post: #33 Title: Re: من القلقالة . . . أبشر يا عريس Author: ناذر محمد الخليفة Date: 10-04-2008, 09:43 AM Parent: #1
سلام يا إنعام ...
Quote: يا ناذر انا لمحتك لما جيت تبارك لمعتصم بس تاني إختفيت وين ؟؟
والله كنت قاعد مع الشباب على شمال العريس ..!
الغريبة انا ما لمحتك ؟! كنتي تعملي مس كول ولا حاجة ؟!
Post: #34 Title: Re: من القلقالة . . . أبشر يا عريس Author: ابو جهينة Date: 10-04-2008, 11:32 AM Parent: #33
Quote: تعسيمة السفر بيفكوها بالدلكة ?? أول مرة أسمع بالوصفة دي
Post: #36 Title: Re: من القلقالة . . . أبشر يا عريس Author: نيازي مصطفى Date: 10-04-2008, 02:08 PM Parent: #34
الف مبروك للاخ العزيز معتصم وان شاء الله بيت مال وعيال وسعادة ___________ انتو لاخميننا سفر ودلكة وتعب اصلو قطعتوا الصحراء الكبرى ؟ كلها 80 كيلومتر الناس بتقطعها" كداري" ناذر وين الصور ؟ تحياتي للجميع وكل سنة وانتو طيبين .