الـلـوتري 2010 ...مرحبا بالجميع

الـلـوتري 2010 ...مرحبا بالجميع


10-01-2008, 08:11 AM


  » http://sudaneseonline.com/cgi-bin/sdb/2bb.cgi?seq=msg&board=180&msg=1222845108&rn=76


Post: #1
Title: الـلـوتري 2010 ...مرحبا بالجميع
Author: الخير محمد عوض
Date: 10-01-2008, 08:11 AM
Parent: #0

تبـدأ اجراءات التقديم لبرنامج الهجرة للولايات المتحدة الامريكية لهذا العام

في ظهيرة الثاني من شهر اكتوبر وتستمر حتي ظهيرة اليوم الاول من شهر ديسمبر

بتوقيت الساحل الشرقي للولايات المتحدة الامريكية, واسمترارا لجهـود قدمناها

من قبل في شرح كيفية التقديم ومساعدة كل من يرغب من الاعضاء وغير الاعضاء بمنتدى

سودانيز اون لاين دوت كم, راينا ان تستمر جهودنا في العام ايضا مسبوقة بكامل

الامنيات الطيبة لكل من يرغب في التقديم عبرنا لهذا العام.





ساخصص في هـذا العام عنوان بريدي خاص بالمراسالات التي تتعلق بهذا الموضوع





امنياتي

Post: #2
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-01-2008, 08:29 AM
Parent: #1

عـنوان بريدي الجديد والذي سـتتم عبره جميع المراسلات هـو :

[email protected]

Post: #3
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-01-2008, 08:35 AM
Parent: #2

روابط قديمة يمكن الاستفادة منها

اللـوتري 2008 مـرحبا بالجمـيع.



الـلـوتـري 2009 .. مـرحـبا بالجـمـيع.

Post: #4
Title: Re: الـلـوتري 2010 ...مرحبا بالجميع
Author: haroon diyab
Date: 10-01-2008, 08:47 AM
Parent: #3

الحبيب / الخير
وكل عام وانت بالف خير
وشكرا...جزيلا علي هذه الجهود الطيبة
يديك العافية

مودتي
هارون دياب

Post: #5
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-01-2008, 09:41 AM
Parent: #4

الاخ هارون دياب

تحياتي وعيد سعيد اعاده الله عليك والاسرة بالخير واليمن والبركة.

Post: #6
Title: Re: الـلـوتري 2010 ...مرحبا بالجميع
Author: saber alhawatti
Date: 10-01-2008, 10:39 AM
Parent: #2

الخير كل عام وأنتم بخير وشكراٌ لجهودكم
طبعا أخوك قدم للوترى قبل كده عن طريق إحدى الوكالات الأمريكيه التى تعمل فى
هذا المجال وأكملت التسجيل وبعد ظهورالنتائج قام واحد نصاب من هونكونك رسل لى
رسالة فى الإيميل بتاعى وقال لى مبروك وكتب لى case number
وطبعا أخوك تفتيحه وأخونا كان عاوز ينصب ويلهف قروش الناس

لك التحايا مرة أخرى

Post: #7
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-02-2008, 08:16 AM
Parent: #6

Quote: طبعا أخوك قدم للوترى قبل كده عن طريق إحدى الوكالات الأمريكيه التى تعمل فى
هذا المجال وأكملت التسجيل وبعد ظهورالنتائج قام واحد نصاب من هونكونك رسل لى
رسالة فى الإيميل بتاعى وقال لى مبروك وكتب لى case number


اخونا صابر سلامات

قصص النهب والابتذاذ ودفع رسوم مقابل تقديم مثل هذه الخدمة, يكاد يكون السبب الرئيسي
لي لفتح هذا الخيط حتى ابين وبمعرفتي المتواضعة في هذا الامر لكل من يريد ان يقدم لهذا
البرمنامج سهولته ويسره وامكانية ان يقوم المتقدم باكمال هذه الاجراءات بنفسه ان اراد
ذلك وفي فترة زمنية لا تتجاوز العشرة دقائق.

ودي.

Post: #8
Title: Re: الـلـوتري 2010 ...مرحبا بالجميع
Author: عواطف ادريس اسماعيل
Date: 10-02-2008, 08:38 AM
Parent: #7

الأخ العزيز الخير ..

كل عام وأنت بألف خير ..

إنت فعلا إسم على مسمى ..

عارف الشركات العجيبة دي متخصصة فينا هنا في دول الخليج كل سنة ندفع ليهم مبالغ كبيرة ويكون

اهتمامهم بيك شديد قبل الدفع تلفونات ومحادثات ومشاورات أول ما يستلموا الفلوس يفكوك عكس

الهواء .. عموما مشكور يا بعد عمري لهذا المجهود الجبار ..

Post: #9
Title: Re: الـلـوتري 2010 ...مرحبا بالجميع
Author: مجدي عبدالرحيم فضل
Date: 10-02-2008, 11:21 AM
Parent: #8

الخير ياصديقي كل عام وانتم بخير وعيد سعيد عليكم وكيف عروستنا

مرور للتحية أنا ماداير لوتري فيزا عديل من أبو النسب ولا كيف.

،،،،أبوقصي،،،،

Post: #11
Title: Re: الـلـوتري 2010 ...مرحبا بالجميع
Author: خالد علي محجوب المنسي
Date: 10-02-2008, 11:26 AM
Parent: #9

الأخ الفاضل الخير
كل سنة وأنت طيب
فترنا كل مرة نقدم ونقد عربي

لكن السنة دي برضو بنقدم
بنرسل ليك يا المبروك

تحياتي وانت تجند نفسك خالصة لخدمة بنو وطنك

وكل سنو وانت طيب يا طيب
مودتي

Post: #10
Title: Re: الـلـوتري 2010 ...مرحبا بالجميع
Author: Asma Ali
Date: 10-02-2008, 11:24 AM
Parent: #8

شكرا على البوست
وكل عام وانت بخير
الايميل بتاعك ده بيرجع الرسائل

Post: #12
Title: Re: الـلـوتري 2010 ...مرحبا بالجميع
Author: بابكر التوم
Date: 10-02-2008, 12:51 PM
Parent: #10

الحبيب

الخير

كل سنة وانت والوليدات بالف خير

وربنا يحقق الامانى

Post: #13
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 06:03 AM
Parent: #12

تحياتي عطرة للجميع..قبل ان ابدا في ايضاح بعض النقاط الهامة في طريقة
التقديم, اود ان اشكر اولا كل من مر من هنا ووضع كلمة.

عواطف ادريس سلامات وكل سنة وايامك احلى وابهى

Quote: عارف الشركات العجيبة دي متخصصة فينا هنا في دول الخليج كل سنة ندفع ليهم مبالغ كبيرة ويكون

اهتمامهم بيك شديد قبل الدفع تلفونات ومحادثات ومشاورات أول ما يستلموا الفلوس يفكوك عكس


وانا ايضا اسميه(موسم الاسترزاق) لمثل هذه الشركات (العصابات) والتي في كثير من الاحيان توهم المتقدمين بان عملية التقديم قد تمت وهم في واقع الامر بكونوا مزقوا ورق المتقدم ورموا بصورته
في سلة المهملات...بالنسبة لي انا كما فعلت في الاعوام السابقة ساقوم بعمل اشياء اساسية في هذا
البوست تركز بشكل اساسي في النقاط التالية:
1/ تاكيد مجانية التقديم لكل من يرغب التقديم عبري.
2/شرح مفصل لكيفية التقديم وهي اكثر من سهلة بس في نقاط التباس بسيطة يجب توضيحها تفصيلا.
3/ الاجابة عن كل ما باستطاعتي ان اجيب عليه في هذا الشان.

مجدي صاحبي كيفك يارجل وعيدك مبارك وزين

Quote: مرور للتحية أنا ماداير لوتري فيزا عديل من أبو النسب ولا كيف.

النسابة ما بنباها الا مهرنا بالدولار...البت امريكية بالميلاد..ريالكم ابوعقال دا ما بقتي معانا
..اهاكيف ليك ديل وللا ما ديل

خالد المنسي ... كيفك يا صديق وعيدك قشطة...(المنسي) دي عندها علاقة بالموضوع وللا صدفة ساي.

اسماء علي كيفك وعساك طيبة

Quote: شكرا على البوست
وكل عام وانت بخير
الايميل بتاعك ده بيرجع الرسائل


وعيدكم مبارك بس يا اسماء ايميلي دا زول مسكين وطيب ولي اسي اتقبلت فيه كل الرسايل الاترسلت فيهو... بس انتي خشي برجلك اليمين ورساتك تب واصلة..ليك الاحترام والتشكرات الكتيرة.

بابكر صاحب الزمن الجميل كيفك يا زول والاسرة عساكم مكملين العيد ورويانين فرحة..فرحانين بجيتك
وبنتم باقي النضم بهناك.

Post: #14
Title: Re: الـلـوتري 2010 ...مرحبا بالجميع
Author: Nasser Mousa
Date: 10-03-2008, 06:11 AM
Parent: #13

الخير ... السلام عليكم
وكل عام وانتم بخير
وتحياتنا ليك وللاسرة الكريمة

ناصر موسى

Post: #15
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 06:24 AM
Parent: #14

طيب يا اهلنا...نبدأ خطوة خطوة... بس كدي خلونا نخش هنا في الاول

http://www.dvlottery.state.gov/application.aspx

هنا بنلقي طلب التقديم وحا نبدا فيهو من البداية والعندو نقطة ما وضحت ليهو ارجوا
ان ينبهني لذلك.

Post: #16
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 06:50 AM
Parent: #15

الســــؤال رقم واحـــــد

وهو (الاسم) وبتقسم لتلاتة اقسام A, B, C

الاسم الاخير او اسم العائلة
الاسم الاول
الاسم الاوسط

هذا السؤال يبدو بسيطا ولكن كثير من المتقدمين بيقعوا في خطا عن طريق الاستعجال
فيكتب اسمه بالطريقة التي درجنا علي استعمالها في اللغة العربية وهي ان يبدا الاسم
باسم المتقدم ثم اسم والده ثم اسم جده ثم اسم ابو جده ...وهكذا....ارجو ان ينتبه المتقدم
ان يبدا باسمـه الاخير(اسم العائلة)في الخانة A ثم يقوم بتعبئة اسمه في الخانة B ثم بعد
ذلك اسم والده في الخانة C.

تعقيب هام
بالنسبة لينا كسودانيين يجب ان ننتبه لمسالة هامة وهي دايما الاسم بكون رباعي في جوازاتنا
عليه يجب ان يكون اسم العائلة هو الاسم الاخير واسمك الاول كما هو كما يمكنك ان تعبي في خانة
اسمك الاوسط اسم والدك وجدك سويا.... مثلا زول اسمه ( احمد عبدالله خالد عمر)
بيكتب في خانة الاسم الاخير او اسم العائلة: عـمـر
الاسم الاول : احمد
الاسم الاوسط : عبد الله خالد

[U]نقطة اخيرة

يجب ان ينتبه المتقدم لضرورة كتابة اسمه( بالاسبيلنق) الصحيح وعدم الاستعجال في ذلك ويفضل
ان تملا جميع البيانات بالحروف الكبيرة في اللغة الانجليزية( كابيتال ليترز)

Post: #17
Title: Re: الـلـوتري 2010 ...مرحبا بالجميع
Author: Luai Salah
Date: 10-03-2008, 10:56 AM
Parent: #16

العزيز الخير نشكرك على خدماتك الجليلة , فى مكان العنوان استفسر عن كيفية مل الحقول
8a. In Care Of
8b. Address Line 1
8c. Address Line 2
8d. City/Town
8e. District/County/Province/State

. Postal Code/Zip Code
8g. Country
(NOTE: This is the address that will be used to notify you if you are selected.)

Post: #18
Title: Re: الـلـوتري 2010 ...مرحبا بالجميع
Author: Osama Mohammed
Date: 10-03-2008, 11:02 AM
Parent: #1

الخير ازييك وكل سنة وانت طيب و كل الأسرة خصوصاً الزميلة العزيزة حرمكم المصون بلغها تحياتي وتحيات الأسرة ...

وأتمنى أن تحل مشكلة الإئتمان العالمية حتى يرغب الناس اللوتري زي زمان ......
تلفوني في الفايل ....

مشتاقين كتير والله


اسامة الباز...

Post: #19
Title: Re: الـلـوتري 2010 ...مرحبا بالجميع
Author: صلاح الفكي
Date: 10-03-2008, 11:45 AM
Parent: #1

الخير المحترم...العيد مبارك عليك وعلي أسرتك الكريمة..
سأكون ضمن الركب هذه المرة.. عسى أن يحالفنى الحظ..

Post: #20
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 02:55 PM
Parent: #19

عزيزنا ناصر موسى
كيفك يارجل وناضرة ايامك...تحياتي للاسرة وكل سنة جمعكم ذايد بالخير والبركة

لـؤي صلاح...كيفك وعساك طيب... ارجو متابعة المداخلات القليلة القادمة وستجد
الرد التفصيلي لسؤالك وهو فعلا سؤال هام.

اسامة ازيك يا زول (كونراردي) وطاري الزملاء...سيكون بيننا تلفون باذن الله
الي ذلك الحين ابقى طيب.

صلاح الفكي سلام ياجل ومطولين منك...كل سنة وايامك نواضر
Quote: سأكون ضمن الركب هذه المرة.. عسى أن يحالفنى الحظ..

وانا يسعدني ان اقدم ليك اي مساعدة يا صاحب.


ودي

Post: #21
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 08:06 PM
Parent: #20

الـســؤال رقـم اثنين (2)

وهو تاريخ الميلاد.... كثير من المتقدمين بيتسائلوا عن ماهية كتابة تواريخ ميلادهم وفقا
لشهادات تسنينهم. وديل طبعا اصلا ما بكون عندهم شهادات ميلاد..الشيئ الدايرين ناكد عليهو
هو انو شهادات التسنين دي شهادات مقبولة تماما لدي السلطات الامريكية طالما انها طالعة
من جهة حكومية ورسمية بها الختم والتوقيع... عليه مافي زول يشيل هم اذا كان عنده شهادة
تسنين ممكن يكتب في طلب القبول نفس تاريخ تسنينو دا وما بتجيهو عوجة..بس.. لازم كمان
يكون تاريخ التسنين متطابق مع ماهو مكتوب في جواز سفره.

معلومة هامة

لاحظت ان بعض الجوازات السودانية ما بكونوا كاتبين فيها تاريخ الميلاد كاملا... يعني ما بيكتبوا
اليوم والشهر والسنة...تلقاهم كاتبين سنة الميلاد بس.
طيب في الحالة دي المتقدم لازم يكتب في طلب التقديم تاريخ ميلاده وفقا لشهادة ميلادوه عشان لو فاز
في المعاينة حا يطلبوا منه احضار شهادة ميلاده...دي نقطة هامة لازم ننتبه ليها.


يلا نمشي لييييي قدام

Post: #22
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 08:18 PM
Parent: #21

الـســؤال رقم ثلاثـة (3) (3)

تحديد نوع المتقدم ( ذكــر....انثى)

الـسـؤال رقم اربعـــة (4)

المدينة التي ولد بها مقدم الطلب... ودي لازم ننتبه لانة تكون مطابقة لما هو موجود
في شهادة الميلاد

الـسـؤال رقم خـمـســة (5)

وهو كتابة اسم بلد مقدم الطلب.

Post: #23
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-03-2008, 10:52 PM
Parent: #22

الـســؤال رقم ســتة (6)

وهو اكثر الاسـئلة التي يحدث فيها كثيرا من اللبس... طيب نقوم نترجم السؤال
دا ترجمة عامـة. بنلقى انو بقول:

بلد الاستحقاق لبرنامج الهجرة
غالبا ما يكون بلد الاستحقاق هو نفس البلد الذي ولدت فيه. بلد استحقاقك
ليست له اية علاقة بالمكان الذd تعيش فيه الان
.

طيب الكلام دا معانتو شنو؟....وبينطبق علي حالتك كيف؟
الحاجة الاولى المفروض ننتبه ليها هي انو السؤال دا بنقسم لي جزئين...كويس

الحالة الاولى: نقوم نفترض انك سوداني ومولود في السودان وعايش الان في السودان
طوالي هنا اجابتك في الجزء الاول من السؤال بتكون بي (نعـم) وتسيب الجزء التاني
من السؤال (فاضي).
الحالة التانية: نفترض انك سوداني ومولود في اي بلد لكنك لا تحمل جنسية ذلك البلد
وعايش الان في ذلك البلد( مثلا انت سوداني ومولود في السعودية ولكنك لا تحمل الجنسية السعودية)
طوالي هنا اجابتك عن الجزء الاول من السؤال بتكون (لا) والجزء التاني من السؤال بتقوم تختار السودان.
الحالة الثالثة:نفترض انك سوداني وولدت بالسودان ولكنك الان تعيش في اي دولة في العالم.مثلا
سوداني وبتحمل الجنسية السودانية ولكن لظروف عملك انت تقيم الان بالامارات مثلا)
تقوم طوالي تجاوب علي الجزء الاول من السؤال بي (نـعـم) وتسيب الجزء التاني منه (فاضـي).
الحالة الرابعة: نفترض انك سوداني واتولدت في السودان وتحمل الجنسية التشادية مثلا
اجابتك عن الجزء الاول من السؤال بتكون (لا) وفي الجزء الثاني تقوم تختار تشاد.


وبكـــدا بنكون في السليم

Post: #24
Title: Re: الـلـوتري 2010 ...مرحبا بالجميع
Author: Mahmoud Mustafa Mahmoud
Date: 10-03-2008, 11:13 PM
Parent: #1



الخير يا عمنا..

كيفك.. والعيد مبارك عليك وعلى أسرتك..وجميع الأهل

ياخوي نحن تلاتة مرات قدمنا بمجهودات فردية ..طلعنا فشنك..

المرة دي قلنا نستعين بصديق..

سؤال فجأة كدا...

الزول إذا متزوج ومليان شفع كمان..

ينفع يقدم براهو كدا؟؟

ويبدا بالكضب طوالي يقول إنه single .. الحكاية دي كيف؟؟


تحياتي

ومنتظر ردك وتشجيعك.. وتعليقات حول الصورة وصلاحيتها إذا أمكن..

صادق الود والتقدير

Post: #25
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-04-2008, 02:43 AM
Parent: #24

الاخ محمود مصطفى محمود
سلامات وعساك طيب.... يا سيدي الفاضل لا اي داعي ان يبدأ الانسان بداية خاطئة
كالتي تحثت عنها... انصحك بان تقدم ومعك الاسرة لان المسالة كلها بتعتمد علي
الحظ والقتراع العشوائي, يعني لو مكتوب ليك فيها نصيب فمن الافضل ان يشاركك في
هذا النصيب افراد اسرتك خصوصا وان الاسرة هنا هي اكبر معين للشخص حتى ينطلق لي
افاق ارحب في شتى مناحي الحياة.
Quote: ومنتظر ردك وتشجيعك.. وتعليقات حول الصورة وصلاحيتها إذا أمكن..

الصورة هي من اهم الاشياء التي ينبني عليها التقديم الصحيح لذلك سابدأ في شرح الجزئية
الخاصة بها بطريقة تفصيلة ومتكاملة باذن الله...كن بالقرب واعوا لي ان اوفق في اجلاء هذا
الامر بطريقة جيدة.

لك امنياتي

Post: #26
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-04-2008, 03:21 AM
Parent: #25

الـســؤال رقم سـبـعة (7) الـصـورة

الصـورة كما ذكرنا انفا هي من اكثر الاشياء التي تتسبب في قبول او رفض طلب التقديم بل
هي السبب الرئيسـي في ذلك, لذلك قررنا ان نفرد لها مجال اكبر في كيفية ضبط مقاساتها
والتاكد من جودتها قبل القيام بعملية ارسال الفورم.
يلا نبدأ خطوة خطوة

في البدء كدي الندخل هنا ونتعاين الصور الموجودة في الرابط دا:

http://www.dvlottery.state.gov/photo.aspx

بنلقى انه موجود العديد من النماذج لكيفية الصور الجيدة وبعض النماذج للصور الغير جيدة
طيب اول حاجة ممكن نفكر فيها هي المقاسات.... المقاسات المطلوبة للصورة هي 600 بكسل في 600
بكسل ودي نقطة هامة هامة هامة شديد لانه السنين الفاتت المقاسات كانت 300 بكسل في 300 بكسل
والسنة دي اتغيرت عليه يجب ان ينتبه الناس لهذا....الشيئ التاني المفروض الناس تنتبه ليه هو
انه في موقع التقديم في ايقونة مخصـصـة لاختبار صلاحية الصور, هذه الايقونة بتختبر المقاسات فقط
المقاسات فقط ولا تختبر الاشـياء الاخرى مثل ( خلفية الصورة-درجة الوضوح في الصورة-الضلال-....الخ)
عليه لا يجب الاعتماد علي هذه الايقونة كليا لمراجعة صلاحية الصور لانها زي ما قلنا بتراجع المقاسات
فقط....طيب في حتة تانية مهمة كنت اتكلمت عنها في بوست سابق سانقلها لكم كما هي وهي:
دائما ما تكون الصورة سبب للرفض وبما اننا فتحنا باب الصورة فحا ابدأ

Quote: بشيئ بسيط جـدا والشرط دا خاتنو وما ظاهر لكتير من الناس او الناس بتمر عليهو باعتبار انو ما شرط

مهم وهو يجب ان تكون ملامحك طبيعية في الصورة ( اي ابتسامـة بتقوم قطرك) يعني ما تبتسم خالص

ولا تظهر سنونك... دي حاجة الحاجة التانية طبعا زي ما هو معروف انو لازم لون الخلفية يكون لون محايد

ويفضل اللون الابيض بس كمان ما ممكن الخلفية يكون لونها ابيض وتكون انت لابس ابيض كمان- دا طبعا

بيخفي ملامح الكتف ودي حاجة ما دايرنها. ديل نقطتين هامتين يجب علي المتقدم مراعاتهما


انتهينا من النقطة دي يلا نشوف النموذج الجديد شكله كيف.





ولي عودة.

Post: #27
Title: Re: الـلـوتري 2010 ...مرحبا بالجميع
Author: Ehab Eltayeb
Date: 10-04-2008, 04:26 AM
Parent: #1

الاخ الخير سلامات وكيف الحال..

تشكر علي هذه الجهود المقدرة وربنا يساعد خصوصا في موضوع الترجمة..

جيت قلت انزل الموضوع لقيتك ما قصرت و بالتوفيق ان شاء الله..

وجاهزين لاي مساعدات للاخوة الراغبين في التقديم

تحياتي,,,

Post: #28
Title: Re: الـلـوتري 2010 ...مرحبا بالجميع
Author: إدريس البدري
Date: 10-04-2008, 04:28 AM
Parent: #27

يا الخير اخوي السنة دي تعبت معاي

اول حاجة كل سنة وانت طيب ياخ


وبجيك بي مهلة لكل التفاصيل




تحياتي

Post: #29
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-04-2008, 05:02 AM
Parent: #27

ايهاب سلامات ومشكور يا سيدي على ابداء الرغبة الطيبة في المساعدة
وحقيقي حا احتاج لمساعدتك ومساعدة كل من يمد يد العون..
لك كل الود وخالص التشكرات

Post: #30
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-04-2008, 05:37 AM
Parent: #29

النموذج ادناه نموذج صحيح للمواصفات الجديدة للصورة






Post: #31
Title: Re: الـلـوتري 2010 ...مرحبا بالجميع
Author: رانيا قاسم
Date: 10-04-2008, 06:31 AM
Parent: #1

اخو الخير

كل عام وانت والاسرة بألف خير

Post: #32
Title: Re: الـلـوتري 2010 ...مرحبا بالجميع
Author: فاروق أبوحوه
Date: 10-04-2008, 06:41 AM
Parent: #31

الخير سلاااام
وكل سنه وانت طيب

.

الموضوع مهم
وشكراً للتوضيحات الدقيقه.
.




-------------
قدمنا كم مره لكن الشك يحوم بين الحظ والتقديم الخاطئ
= موضوع الصوره دا بنخليه ليك انت.

Post: #33
Title: Re: الـلـوتري 2010 ...مرحبا بالجميع
Author: نزار الحميدي
Date: 10-04-2008, 07:06 AM
Parent: #32

الاخ الخير كل سنه وانت بالف خير وصحه وعافيه

كنا قدمنا عن طريقك السنه الماضيه انا والمدام

قبل ان اكون عضو بسودانيزاونلاين .

والسنه دي اخوك عضو وبي ولدو كيف القصه بتم

يعني طفل عمرو سته شهور يرضو صوره .

تحياتي.

Post: #34
Title: Re: الـلـوتري 2010 ...مرحبا بالجميع
Author: Omeyma Mahmoud
Date: 10-04-2008, 09:36 AM
Parent: #1

السلام عليكم وكل عام وانتم بخير...
بارك الله فيك وكتر خيرك

Post: #35
Title: Re: الـلـوتري 2010 ...مرحبا بالجميع
Author: جمال ادريس
Date: 10-04-2008, 10:09 AM
Parent: #34



العزيز الخير
كل سنة وانت بخير
شكرا على جهودك الطيبة ووفقك الله في خدمة الجميع
عندي سؤالين :
أولاً: هل صحيح أنه لا بد من أن تكون الصورة حديثة.. يعني صورة العام الماضي أو القبليه ما بتمشي؟

ثانياً: اذا كانت الصورة غير مستوفية للشروط من مقاسات ونقاء وغيره.. هل صحيح أن عملية التقديم لا تكتمل .. أم انه يمكن أن تكتمل بالصورة الخطأ ومن ثم يتم الرفض؟

مع خالص ودي

Post: #36
Title: Re: الـلـوتري 2010 ...مرحبا بالجميع
Author: عبود عبد الرحيم
Date: 10-04-2008, 11:02 AM
Parent: #1

الاخ الخير
كل سنة وانت طيب
هذه معلومات جيدة ومفيدة
اذكر انني تقدمت لللوتري عنما كان يتم تعبئة المعلومات يدويا
وجاءني الرد علي المظروف الابيض وبه معلومات (أعتقد)انها كانت تعني القبول المبدئي
ولكن الخطاب بالبريد العادي في الخرطوم وصلني بعد أكثر من ثلاثة أششهر من تاريخ ارساله
فتجاهلت المسألة بكلياتها خاصة وان الخطاب جاء في ظروف أسرية دقيقة ...

وأعتقد أن المسألة الان تتطلب الاعتماد علي صندوق بريد في أمريكا لذلك كان أمرا جيدا انك تقدم المساعدة في هذا العمل اعتمادا علي عنوانك البريدي في امريكا

اتمني لك التوفيق

Post: #37
Title: Re: الـلـوتري 2010 ...مرحبا بالجميع
Author: waw
Date: 10-04-2008, 12:39 PM
Parent: #36

الاخ الخير ,,

لك التحية وانت تفتح باب امل للراغبين في الهجرة ,,,

في العام السابق تابعت معك المجهود الكبير الذي تبذله في التقديم ,,

تمنياتي للمتقدمين في العام الحالي بالتوفيق ...

سيف الدين

Post: #38
Title: Re: الـلـوتري 2010 ...مرحبا بالجميع
Author: ibrahim alnimma
Date: 10-04-2008, 01:05 PM
Parent: #37

الاخ الخير كل سنة انت والاولاد بخير
تشكر علي هذا المجهود الجبار الذي تقدمه،،،،
كنت سابقا من المتابعين لهذا العمل الضخم
وما لم اكن عضواً في سودانيز او لاين، فلم اتمكن
من تسجيل شكري لك ....المهم سنقوم بمتابعتك من
خلال العنوان البريدي المدون اعلاه ...بس عاوزين
نعرف سؤال:
هل نقوم بعمل صور لك افراد الاسرة كل علي حدة؟
وسنقوم بتقديم طلبين واحد باسمي والاخر باسم المدام هل مثل
هذا العمل مسموح به حتي تزيد الفرص؟.

Post: #39
Title: Re: الـلـوتري 2010 ...مرحبا بالجميع
Author: دوت مجاك
Date: 10-04-2008, 01:25 PM
Parent: #1

الخير
كل سنة وانت طيب
شكرا للتنوير والمساعدة
اتمنى قبول كل من يتقدم

Post: #41
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-04-2008, 06:46 PM
Parent: #39

الناس القيافة وذايدين البوست لطافة...ازيكم ولامين ما ناقاصين.

الاخ ادريس البدري: سلامات يا رجل وحبابك لما تجي برواقة وربنا يقدرناعلي عمل اللازم.
اختنا رنيا قاسم: وانت طيبة وربنا يحقق جميع الاماني.
فاروق ابو حوة كيفك يا حبوب. موضوع الصورة موضوع في غاية الاهمية ورسل صورتك ياعم
وحا اقوم بظيط مقاساتها لما هو مطلوب باذن الله....كامل امنياتي.
نزار الحميدي سلامات وعساك طيب. بالنسبة للمولود الجديد برضو بحتاج لصورة منفصلة
امنياتي ليك بان توفق في هذه المرة.
اميمة محمود حبابك يا خية ومرحب بيك في الدار.شكرا لمرورك الطيب وحسن الدعوات.
جمال ادريس ازيك وكل سنة وانت طيب.منور البوست..لك التحية.
Quote: أولاً: هل صحيح أنه لا بد من أن تكون الصورة حديثة.. يعني صورة العام الماضي أو القبليه ما بتمشي؟

سؤالك دا فعلا سؤال مهم. فعلا يا سيدي الكريم الصورة لازم تكون حديثة وفي كتير من الناس بتستخدم
صور قديم او صور استعملوها في التقديمات السابقة ودا ما صحيح...هي صورة ما جابت للزول الحظ
في المرات الفاتت, شن بدور بيها تاني .
Quote: ثانياً: اذا كانت الصورة غير مستوفية للشروط من مقاسات ونقاء وغيره.. هل صحيح أن عملية التقديم لا تكتمل .. أم انه يمكن أن تكتمل بالصورة الخطأ ومن ثم يتم الرفض؟

ودا برضو سؤال مهم. زي ما وضحت انفا بانو مرات الصورة بتكون ما صحيحة وبس مقاساتها هي البتكون
صحيحة. لما تتخت في ايقونة الاختبار بتجيك النتيجة بانو صورتك صحيحة بينما بيكون فيها اخطاء اخري
لا تقوم ايقونة الاختبار باختبارها..في الحالة دي طلبك بيمشي لكن بيرفضوه لما يصلزلازم ننتبه للنقطة
دي كويس... شكرا للمرور يا صاحب وكل سنة وانت طيب.
الاخ عبود تحياتي. ساقوم بتوضيح النقاط الهامة فيما يتعلق بامر العنوان في المداخلة اللاحقة.كن بالقرب...شكرا لمرورك ولك كل الامنيات.
سيف الدين كيفك يا رجل مختفي وفاقدينه... اشكر لك مرورك وطيب الامنيات. وعيد سعيد.
ابراهيم النعيمة مراحب يا رجل ... وكل سنة وانت والاسرة بخير.
Quote: هل نقوم بعمل صور لك افراد الاسرة كل علي حدة؟
وسنقوم بتقديم طلبين واحد باسمي والاخر باسم المدام هل مثل
هذا العمل مسموح به حتي تزيد الفرص؟
.
نعم يا سيدي الفاضل اي متقدم لازم يكون عنده صورة منفصلة بغض النظر عن عمره كم.حتى ولو كان عمره
يوم لازم يكون عنده صورة منفصلة. بالنسبة للجزئية التانية دائما الافضل هو ان يقوم الشخص بالتقديم
لنفسه ومعه زوجته والاطفال في فورم منفصل وتاني يقوم بملئ فورم اخر للزوجة ومعاها الاطفال وهو معاها
في فورم منفصل. وبكدا بكون عنده فرصتين للتقديم. اذا فاز طلب الزوجة هو بكون معاها واذا فاز هو, زوجته بتكون معاه وبكدا بكون عنده فرصتين وهذا ما انصح به دائما... بالمناسبة اذا رجعت لبوستاتي
السابقة بتلقى الاجابة عن السؤال دا ربما بصورة اكثر وضوحا... لك مني اكمل الود والتحية.
تسلم يا دوت مجاك علي حسن التمنيات والمرور بهذا الخيط... لك احتراماتي.

Post: #48
Title: Re: الـلـوتري 2010 ...مرحبا بالجميع
Author: مدني العرضي الحسين
Date: 10-05-2008, 09:01 AM
Parent: #41

اخوي الخير والله الباسوورد دا شاحده من اخونا
مدني العرضي كله عشان السنة دي داير ادخل امريكا
بس متجهجه في تاريخ الميلاد في شهادة الميلاد تاريخ
وفي جواز السفر تاريخ آخر اسوي شنو الحقني الله
يديك العافية

Post: #40
Title: Re: الـلـوتري 2010 ...مرحبا بالجميع
Author: عزام حسن فرح
Date: 10-04-2008, 06:20 PM
Parent: #1

الخير محمد عوض ...

كُل عام وأنتُم بِخير ...
والله أنتُم مِثال على أن الدُنيا بِخير والحمدلله ...

كتبتُم :


Quote:
الـسـؤال رقم خـمـســة (5)

وهو كتابة اسم بلد مقدم الطلب.


والسؤال بِقول : Country Where You Were Born حسب ما فهمتهُ يا سَيِدي الفاضِل أن هذا السؤال (الخامِس) بِيسأل عن بلد الميلاد ولَيس بلد مٌقدِم الطلب ، كما جاء في ترجمتِكُم لِلسؤال.

كمِثال : سوداني وُلِد في السعودِية ومُقيم حالِياً في قطر ، لِلإجابة على السؤال الخامِس ، يكتُب السعودِية ... هل ما فهِمتهُ صحيح ؟ أرجو أن تتفضلوا بِإزالة اللبس ...

Post: #42
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-04-2008, 06:59 PM
Parent: #40

الاخ عزام حسن فرح... تشكر يا سيدي للمرور والتعليق.

Quote: والسؤال بِقول : Country Where You Were Born حسب ما فهمتهُ يا سَيِدي الفاضِل أن هذا السؤال (الخامِس) بِيسأل عن بلد الميلاد ولَيس بلد مٌقدِم الطلب ، كما جاء في ترجمتِكُم لِلسؤال.

طيب يا عزام فعلا كلامك صاح بالترجمة الـ solid بنلقى انه المقصود هو (بلد الميلاد)..لكن... بلد
الميلاد لمنو؟؟؟؟ مش لمقدم الطلب؟؟؟ وللا انا غلطان

يا سيدي ناخد مثالك دا زاااتو ونشوف حلو كيف.. مثالك بيقول.
Quote: كمِثال : سوداني وُلِد في السعودِية ومُقيم حالِياً في قطر ، لِلإجابة على السؤال الخامِس ، يكتُب السعودِية ... هل ما فهِمتهُ صحيح ؟

اذا كان سوداني ( يعني جنسيته سودانية) ومولود في مكان في العالم والان مقيم في اي مكان في العالم
لااااااازم يكتب انه بلد استحقاقه (السودان)....يعني في الجزء الاول من السؤال اجابت بتكون بـ (لا)
والجزء التاني من السؤال بيقوم يخت (السودان).

اتمنى الرجوع بهدؤ للسؤال دا تاني في الفورم وما بتلقى اي لبس باذن الله... لك طيب التهاني بمانسبة
العيد وكامل الود.

Post: #43
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-05-2008, 00:19 AM
Parent: #42

الـســؤال الـثـامــن (8)
كتابة الـعنوان...اهمية السؤال دا بتتمثل في انه العنوان البتكتبوا هنا دا, هو العنوان
الحا يرسلوا ليك بيه اذا فزت... عشان كدا لازم يكون مظبوط وسليم مية المية.. للاسف في ناس
كتار بيتعبو ويعملوا بيناتهم كلها صحيحية وصورهم تمام التمام وتقديمهم بكون صحيح ويفوزوا
كمان, بس لان عنوانهم ما كان سليم, بيضع علي نفسوا الفرصة بل برضوا بيضيعها علي غيره..لانه
فرصته دي كان ممكن تمشي لغيره.... العنوان دا مهم شديد جدا.

طيب...نجي للشرح المفصل في كيفية ملئ بيانات العنوان. ننتبه لانه السؤال الثامن دا بينقسم الي:

8a. In Care Of
8b. Adress Line 1
8c. Adress Line 2
8d. City/Tow
8e.District/county/Province/State
8f. Postal Code/Zip Code
8g.Country

الجز الاول: ودا بيلجأ ليه معظم من لا يثق في الخدمات البريدية في المنطقة التي يسكن بها او ليس
لديه عنوان ثابت...معظم الناس بيقوموا بستعملوا عناوين ناس تانيين لهم بهم معرفة, وانا انصح
دايما بان يستخدم المتقدم عنوان شخص بيعرفه في امريكا لانه الخدمات البريدية هنا ممتازة وخطاب
فوزك اذا يسر لك ان تفوز لن يضيع ابدا....اها هنا في الجزء دا بتكتب اسم هذا الشخص الذي ستستعمل
عنوانه. واذا كنت لا تريد ان تستخدم عنوان اي شخص ولديك ثقة في الخدمات البريدية في المكان الذي تسكن فيه فيمكنك كتابة اسمك انت وتكملة بيانات عنوانك. اما اذا استعملت عنوان غيرك فلازم تكتب عنوان
الزول الغيرك دا كاملا
الجزء الثاني والثالث: ودا اسم الشارع ورقمه ورقم المنزل
الجزء الرابع: اسم المدينة
الجزء الخامس:اسم المحافظة اوالمقاطعة او المديرية او الولاية
الجزء السادس: الرقم او الرمز البريدي
الجزء التاسع:اسم البلد

اود ان انصح بان يستخدم المتقدم عنوان شخص بيعرفة بامريكا فهي الاكثر ضمانا حتى لا يضيع
مظروف فوزك اذا قدر لك الفوز.


لكم مودتي

Post: #44
Title: Re: الـلـوتري 2010 ...مرحبا بالجميع
Author: Ahmed Alim
Date: 10-05-2008, 00:37 AM
Parent: #1

الصديق العزيز أبو روان
تحية ومحبة،

Quote: الحالة التانية: نفترض انك سوداني ومولود في اي بلد لكنك لا تحمل جنسية ذلك البلد
وعايش الان في ذلك البلد( مثلا انت سوداني ومولود في السعودية ولكنك لا تحمل الجنسية السعودية)
طوالي هنا اجابتك عن الجزء الاول من السؤال بتكون (لا) والجزء التاني من السؤال بتقوم تختار السودان.



يا صديقي الحتة دي بالذات انا إستفسرت منها شخصياً من KCC برغم ان تعليمات التقديم واضحة كالشمس لكن تقول شنوا سودانيين وبتاعين كبكبة

اللخبطة في الحتة دي بضيق على كتير من الناس فرصة الفوز ضمن إستحقاق السودان فقط ، خاصة وانوا مجموع الفيز الممنوحة للسودان في برنامج اللوتري لاتتجاوز 1050 فيزا وسط تنافس مع عدد كبير من المتقدمين من السودان برغم وجود فرصة للتقديم ضمن حصة البلد المولود انت فيها ولا يشترط حصولك على جنسيتها ويكفي فقط شهادة الميلاد البتثبت انك مولود في الدولة المعنية والمسموح لها بالتقديم يعني اكان انت مولود في الصين احسن تقدم كسوداني . ودا إستثناء خاص ببرنامج اللوتري لتوسيع فرص التقديم. يعني انت لو مولود في قطر وجنسيتك سوداني ولديك شهادة ميلاد تثبت ميلادك في قطر فيحق لك التقديم ضمن إستحقاق قطر حتى لو ما كانت عندك جنسيتها والمطلوب فقط شهادة الميلاد، فهناك أعداد كبيرة من السودانيين مولودين في دول الخليج وناس الخليج ما قاعدين يقدموا للوتري ولا سمعوا بيه حتى.. فالسودانيين المولودين في دول التنافس فيها أقل من السودان احسن ليهم يقدموا منها لتوسيع فرص فوزهم.

Quote:  Native of a country whose natives qualify: In most cases, this means the country in which you were born. However, there are two other ways you may be able to qualify. First, if you were born in a country whose natives are ineligible but your spouse was born in a country whose natives are eligible; you can claim your spouse’s country of birth, provided both you and your spouse are on the selected entry, are issued visas, and enter the U.S. simultaneously. Second, if you were born in a country whose natives are ineligible, but neither of your parents was born there or resided there at the time of your birth, you may claim nativity in one of your parents’ country of birth, if it is a country whose natives qualify for the DV-2010 program.

الرابط: http://www.travel.state.gov/pdf/T1026V-DV-2010bulletin(3).pdf

ممكن تتصل على KCC في الرقم 7500 526 606 عشان تتأكد من القصة دي.

مع امنياتي للجميع بالتوفيق..

Post: #45
Title: Re: الـلـوتري 2010 ...مرحبا بالجميع
Author: haroon diyab
Date: 10-05-2008, 06:35 AM
Parent: #44

الحبيب / الخير

سلام تاااااني

وسؤالين مهمين

1- بخصوص العنوان ليه مانكتب عنوانك انت زاتك ......؟
2- بخصوص الابناء مواليد ( قطر ) مثلا... وجنسياتهم سودانية
ماذا عن بلد الاستحقاق هل يفضل ان نكتب قطر ام السودان.....؟
علما بان بعضهم مواليد السودان والبعض الاخر مواليد قطر
والوالدين مواليد السودان

مودتي
هارون دياب

Post: #46
Title: Re: الـلـوتري 2010 ...مرحبا بالجميع
Author: انعام حيمورة
Date: 10-05-2008, 08:50 AM
Parent: #1

الخير كل سنة وانت طيب

مجهود جبار جدا اتمنى التوفيق للجميع

مودتي

Post: #47
Title: Re: الـلـوتري 2010 ...مرحبا بالجميع
Author: Tabaldina
Date: 10-05-2008, 08:55 AM
Parent: #1

..
.
يا انعام
كل سنة وانت وهم واولئك بالف خير
قريت اسمك فى اخر مداخلة قلت اشوفك ماشه وين !!؟

__________

يا بت ما تبطلى القلقالة دى

Post: #49
Title: Re: الـلـوتري 2010 ...مرحبا بالجميع
Author: انعام حيمورة
Date: 10-05-2008, 09:04 AM
Parent: #47

تبلدينا

من الصباح في خاطري والله !!!

وانا برضو دخلت اشوفك قلتي لي شنو لاني كنت متأكدة انو المداخلة لي !!




___________

نأسف الخير لهذه الخرمجة في هذا البوست الجادي والهادف !!

Post: #50
Title: Re: الـلـوتري 2010 ...مرحبا بالجميع
Author: محمد احمد سنهورى
Date: 10-05-2008, 03:52 PM
Parent: #1

يا جماعة خلو الخير يكمل وبعدين أسألوه زى ما عايزين،عشان التوضيح يكون متسلسل.
اخونا الخير تحياتنا وتقديرنا لك وبالله آآآى عليك الله مرق لينا كل الناس الحلوين ديل بره السودان نشوف عمر البشير دة ح يحكم منو؟؟
تحياتي لك
سنهوري

Post: #51
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-05-2008, 06:52 PM
Parent: #50

مرحب بجميع الاخوات/ان زوار وقراء هذا الخيط. كما واشكر لكم طيب الامنيات والدعوات
وكلي منى ان يوفقني الله في الوصول لاهداف هذا الخيط.

الاخ الحبيب هارون دياب تحياتي
Quote: - بخصوص العنوان ليه مانكتب عنوانك انت زاتك ......؟

طبعا يا هارون ما عندي مانع في استخدام عنواني ارجو ان تراسلني عبر الايميل حتى
اتمكن من ارساله لك.
Quote: 2- بخصوص الابناء مواليد ( قطر ) مثلا... وجنسياتهم سودانية
ماذا عن بلد الاستحقاق هل يفضل ان نكتب قطر ام السودان.....؟
علما بان بعضهم مواليد السودان والبعض الاخر مواليد قطر
والوالدين مواليد السودان

ستجد الاجابة عن هذا السؤال موجودة في هذا الخيط في شرحي للسؤال رقم ستة.
لك ودي.
الاخت الكريمة انعام حيمورة تحياتي وكامل شكري لمرورك الكريم وطيب الامنيات.
الاخ تبلدينا (تشرب تلبدلينا تمشي وتجينا)..كيفك يا رجل وسعيد بمرورك واختنا
انعام دي زولة ضو ودربها ابيض محل ما تكون منورة... سعيد بدعابتكم اللطيفة
في هذا الخيط...سلمتما.
اخي محمد احمد سنهوري...سلامات يا رجل.
Quote: وبالله آآآى عليك الله مرق لينا كل الناس الحلوين ديل بره السودان نشوف عمر البشير دة ح يحكم منو؟؟

ونعيدها ذكرى (ايها الشعب السوداني الفضل. ) سعيد بمروركم الكريم.

Post: #52
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-05-2008, 07:20 PM
Parent: #51

الـســؤال رقــم تـســعـة (9)
ود بنكتب فيه اسم البلد الانت عايش فيها الان.

الـســؤال رقــم عـشــرة (10)
ود بنكتب فيه رقم التلفون. الملاحظ ان الاجابة عن هذا السؤال اختيارية ولكنها
مهمة جدا وانصح جميع المتقدمين من ملئ هذه الخانة وعدم تركها خالية رقم اختيارية
الاجابة عليها.( قم بكتابة رقم تلفونك كاملا بمفتاح البلد والمدينة التي تسكن فيها)

الـســؤال رقــم احـد عشــر (11)
وهو كتابة عنوان البريد الاليكتروني وهو لا يقل اهمية عن كتابة رقم التلفون. السؤال
الذي وردني من كثير من الاخوة الذين راسلوني في الايميل بتكلم عن انه ( هل كتابة الايميل
(العنوان البريدي) تكفي للمراسلة؟؟؟) الاجابة هي (لا) لانه العنوان البريدي هو الاكثر اهمية
وهو العنوان الحا يرسلو ليك بيه لو فزت وليس العنوان الاليكتروني. عشان كدا الاجابة عن
السؤال (11) دا اختيارية ولكن الاجابة عن السؤال (8) وهو السؤال الذي يطلب فية كتابة عنوانك البريدي دائما اجبارية.

الـســؤال رقم اثني عـشــر (12)
وهو ( ما هو اعلى مستوي تعليمي وصلت اليه حتى تاريخ اليوم؟)
وعندك عشرة خانات تختار منها اعلي مؤهل اكاديمي لك. اقل مؤهل مقبول هو درجة النجاح في الثانوية
العليا.او ان تكون عامل ماهل في مهنة تحتاج علي الاقل لعامين من الخبر والتدريب. اذا كنت متشككا
في امكانية قبول مهنتك يمكنك الرجوع لهذا الرابط htt://online.onetcenter.org
ويمكنك اختبار مهنتك في هذا الرابط لترى هل هي مقبولة ام لا...الرابط دا طبعا للمتقدمين الذين لم
يحصلوا علي الشهادة الثانوية او اي مؤهل اكاديمي اعلى منها.

Post: #53
Title: Re: الـلـوتري 2010 ...مرحبا بالجميع
Author: ممدوح أبارو
Date: 10-05-2008, 07:55 PM
Parent: #52

Quote: الـلـوتري 2010 ...مرحبا بالجميع


مع إنو الواحد عارف حظو بس نجرب


شكراً يالخير علي هذا الخير



















Post: #54
Title: Re: الـلـوتري 2010 ...مرحبا بالجميع
Author: Elsamani A.Malik
Date: 10-05-2008, 07:59 PM
Parent: #52

الأخ الخيـــر

عوافي

عندي سؤال بخصوص الصورة بالنسبة (لتغطية الرأس) او الحجاب. يعني ممكن ولا ممنوع؟


دمت بخير

Post: #55
Title: Re: الـلـوتري 2010 ...مرحبا بالجميع
Author: عبدالمجيد صالح
Date: 10-05-2008, 08:25 PM
Parent: #1

شكرا

علي المعلومات القيمة

عبدالمجيد

Post: #56
Title: Re: الـلـوتري 2010 ...مرحبا بالجميع
Author: abullif
Date: 10-05-2008, 09:12 PM
Parent: #55

اولا اشكرك على المعلومات المفيدة حول التقديم لقرعه امريكا. سؤالى يتعلق بالاسم حسب النموذج الذى ذكرته. ماذا افعل عندما اكتب اسم ابنى او ابنتى اذ سيصبح عدد الاسماء خمسه ولا يمكن كتابتها فى الجواز

ولك شكرى

Post: #57
Title: Re: الـلـوتري 2010 ...مرحبا بالجميع
Author: ابراهيم قناوي
Date: 10-06-2008, 09:59 AM
Parent: #1

الأخ الخير
السلام عليكم ورحمة الله
وكل عام وانتم جميعا بالف خير وعافية

والله في الحقيقة أنا خلاص وصلت لي قناعة
انو اللوتري ده الفوز به يدخل في قائمة
الغول والعنقاء والخل الوفي

ولكن هذا البوست اعاد لي بعض الامل
ونسبة لاني لا زلت تحت تاثير الياس القديم
فكل ما استطيع فعله الآن
هو ان تتكرم مشكورا مشكورا
بان تقوم بالتقديم لي
وانا ساقوم بارسال السيرة الذاتية بتاعتي
على ايميلك اذا سمحت لي

عارف الحكاية فيها ثقالة وتقلة دم
لكن ارجو ان تتحمل مشاعر شخص يائس

ولك ودي وتقديري
وكل سنة وانت طيب

Post: #58
Title: Re: الـلـوتري 2010 ...مرحبا بالجميع
Author: peace builder
Date: 10-06-2008, 02:02 PM
Parent: #57

اخي الخير
سلامات ومشكور كتير
قدمنا وسنقدم مرة تانية
مسوؤل من الخير وبعد الازمة الاقتصادية دي هل سيظل رقم المحظوظين في اللوتري زي زمان?

جمال

Post: #59
Title: Re: الـلـوتري 2010 ...مرحبا بالجميع
Author: اسامة الخاتم
Date: 10-06-2008, 02:58 PM
Parent: #1

مشكور على المجهود يا اخ الخير
بس عندى سؤال للجميع
انتو يا جماعة امريكا عايزين بيها شنو بعد دا !!
انا شايف انو اوباما زاتو براجع فى حساباتو.....
امريكا وضعها صعب الايام دى...
كدى فكرو تانى

Post: #60
Title: Re: الـلـوتري 2010 ...مرحبا بالجميع
Author: عادل محمود
Date: 10-06-2008, 05:26 PM
Parent: #1

المحترم الخير لك التحية عبر سودانيز اون لاين وكل عام وانت بخير والخير لا يبارحك على هذه الخدمات التى تقدمها للشباب .
هنالك رسالة ارسلتها لك عبر بريدك الاكترونى الخاص (الهوت ميل )
مع تقديرى
عادل محمود / الدمام

Post: #61
Title: Re: الـلـوتري 2010 ...مرحبا بالجميع
Author: ابوعسل السيد احمد
Date: 10-06-2008, 09:41 PM
Parent: #1

الخير

كل سنة و أنت و الأسرة بخير، مجللين جميعا بالتقدم
و العلو و المجد..

هكذا أنت دائما كما اسمك محب للخير ناشر له. اسال
الله أن يثيبك على هذه الجهود..

Post: #62
Title: Re: الـلـوتري 2010 ...مرحبا بالجميع
Author: ياسر عدوي
Date: 10-06-2008, 10:27 PM
Parent: #61

يديك العافية ياالخير







Post: #63
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-07-2008, 00:48 AM
Parent: #62

اصدقائي لكم الحب حتى ترضون وتنور بيكم بلاد العم سام.

ممدوح ابارو لا تيأس يا اخي واعلم انو احيانا المجيئ هنا في حد ذاته عدم حظ.
السماني عبد الملك...كنت بصدد التطرق لموضوع سؤالك واشكر لك المجييء به...تسلم.
Quote: عندي سؤال بخصوص الصورة بالنسبة (لتغطية الرأس) او الحجاب. يعني ممكن ولا ممنوع؟

لا تمانع ادارة الهجرة من ارتداء الزي الاسلامي (الحجاب) لانه يختص بالمعتقد الديني وهم ما عندهم
مشكلة مع مسالة المعتقدات الدينية دي...لكن احيانا ممكن يكون يكون الحجاب سبب في عدم قبول
طلب التقديم وذلك عندما يكون سببا في اخفاء بعض الملامح الاساسية التي تطالب بها ادارة الهجرة
عليه كل من ترغب ارتداء الحجاب في صورة طلب تقديمها ان تتاكد من جميع ملامح الوجه الاساسية والاذنين
في وضوح تام.....لك تحياتي وشكرا للسؤال المهم.
عبد المجيد صالح لك تحياتي واشكر لك مرورك الكريم.
الاخ abullif تحياتي وشكري للفت نظري لهذه الجزئية الهامة برضو.
Quote: سؤالى يتعلق بالاسم حسب النموذج الذى ذكرته. ماذا افعل عندما اكتب اسم ابنى او ابنتى اذ سيصبح عدد الاسماء خمسه ولا يمكن كتابتها فى الجواز

تكتب الاسم الاخير لابنك كما كتبته لنفسك واسمه الاول كما هم اسمه الاول والاسم المتوسط يكون اسمك انت
واسم والدك سويا. هذا ما فعلته سابقا لاحد الذين فازوا عبري في قرعة العام السابق.
الاخ ابراهيم قناوي... تسعدني مساعدتك في هذا الامر وفي انتظار كامل المعلومات...ودي.
اخونا جمال Peace builder سلامات يا رجل وامنياتي لك بحظ وافر هذه المرة.
Quote: مسوؤل من الخير وبعد الازمة الاقتصادية دي هل سيظل رقم المحظوظين في اللوتري زي زمان?
الازمة الاقتصادية دي ما قالوا حلوها يا جمال ..لا اعتقد بانها ستؤثر علي عدد المقبولين
الاخ اسامة الخاتم يا عمنا خلي الناس التجرب حظها...نحن جيل حظه في الدنيا الهجرة..تشكراتي.
الاخ عادل محمود يارجل ازيك ..وعدي لك بالرد علي خطابك في اسرع وقت ممكن اهو غايتو بحاول اعمل (كاتش اب) مع العدد الكبير من الرسائل القاعدة تصلني بخصوص هذا الموضوع...ودي.
ابو عسل كيفك يا صاحب مختفى ومشغول...يا رجل ربنا يقدرنا علي عمل الخير ومساعدة من نتمكن من مساعدته...ويا زول انكرب مع (القراية ام دق) دي وابقا مارق لينا مرة مرة.
ياسر عدوي اشكرك يا اخي بشدة لوضعك صورة لطلب التقديم في هذا لخيط ...لك احترامي.

Post: #64
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-07-2008, 01:06 AM
Parent: #63

مراحب كتيرة بالاهل...اود لفت نظر
الاخوة الذين راسلوني عبر الايميل باني سارد عليهم جميعا باذن الله كما واود لفت انتباه البعض
ايضا الذين يراسلوني متسائلين عن امكانية ان اقوم لهم بملئ بياناتهم وارسال طلبات تقديمهم
باني لا امانع في ذلك اطلاقا لاي شخص لكن كل يوم تتذايد طلبات الناس وهذا ربما يدخلني في
بعض الاحراج في عدم التمكن من الارسال لجميع الاخوة الذين راسلوني وذلك مرده مشغوليات
لا حدود لها والتزامات اخرى كثيرة ... عليه ارجو من الذين يودوا مراسلتي للمساعدة في
هذا الامر ان يحصروا مراسلاتهم فيما هو مطلوب من بيانات وارسال الصور..وحصر الاسئلة فيما
يتعلق بامر التقديم لان هذا البوست موجه بصورة اساسية لشرح طريقة ملئ فورم التقديم ومساعدة
بعض الذين تواجههم صعوبات تقنية في ضبط مقاسات الصورة...يعني لو اي واحد رسل لي بياناته
كاملة ورسل لي صوره حااقدم ليه واوفر زمن لمساعدة غيره وبكدا بنكون كلنا وبمساعدة بصض حققنا
اهداف البوست الاساسية.... ختاما لكم ودي وكامل احترامي.

Post: #65
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-07-2008, 01:59 AM
Parent: #64

المعلومات المطلوبة لكل من يرغب ان اقوم بملئ فورم تقديمه وارساله هي:
1/الاسم: اذا كان رباعي ارجو كتابته كاملا.
2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة
اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا
7/اكتوبر/1975 ( مهم جدا تكتب الشهر كتابة وليس رقم).
3/ المدينة التي ولد بها مقدم الطلب
4/ البلد التي ولد بها مقدم الطلب
5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة.
6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص
واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي
برضو ممكن بس لازم يتاكد انه الخدمات البريدية جيدة في المنطقة التي يسكن بها.
7/رقم التلفون
8/عنوان بريده الاليكتروني
9/المؤهل الاكاديمي.
10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة
مثل معلوماته.

هـــــــــــــــــــــــــــــــــــــام

ارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات
رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه
هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed
Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

Post: #66
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-07-2008, 02:18 AM
Parent: #65

الـســؤال رقــم (13)
وهو الحالة الاجتماعية. اذا كان المتقدم متزوج فعليه الاشارة لذلك في طلب التقدم
ووضع شارة في خانة متزوج حتى ولو كان/نت زوجته/ها يحمل الاقامة الدائمة بامريكا
(القرين كارد). واذا لم يكن لديه ابناء عليه بوضع (0) في خانة عدد الابناء. اما
اذا كان غير متزوج, عليه وضع شارة في خانة غير متزوج وما بالضرورة يكتب (0) في
خانة عدد الابناء لانه في ناس ما متزوجين ولم يحدث ان تزوجوا وبكون عندهم اطفال
عموما الحالة دي ما كتيرة (بما انها هي حالة صعبة وكدا) لكن ما كتيرة. واذا كان مطلق
وعنده اطفال ممكن يعمل شارة في خانة مطلق ويكتب عدد اطفاله. واذا كان ما متزوج ولا عنده
نية يتزوج زي صاحبي (تمبس) يقوم يعمل شارة في خانة غير متزوج و (0) في خانة عدد الاطفال
وكفى الله المؤمنين شر القتال

Post: #67
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-07-2008, 02:24 AM
Parent: #66

الـســـؤال رقـــم (14)

عدد الاطفال: يمكنك كتابة جميع اطفالك حتى من زوج/ة اخرى ان وجد وكذلك اطفالك بالتبني
يمكن تضمينهم في الفورم. بس تتاكد من انه لديهم صور وان لديك ما يثبت ولايتهم. يستثنى
من ذلك الاطفال الذين يحملون الاقامة الدائمة بامريكا(عنهم قرين كارد),او الذين يحملون
الجنسية الامريكية)...الطفل حتى ولو كان عمره يوم واحـد, فلا بد من ارفاق صورته.
ملحوظة: يمكن تضمين كل الاطفال دون الواحدة والعشرين ســنة.


هسي في زول عمره واحد وعشرين سنة بكون لسا طفل كان ما ديل خواجات مجانين

Post: #68
Title: Re: الـلـوتري 2010 ...مرحبا بالجميع
Author: waw
Date: 10-07-2008, 01:05 PM
Parent: #67

الاخ الخير ,,,


وصل ردك سأقوم بتجديد الصور ,,

لك الود



سيف الدين saif

Post: #69
Title: Re: الـلـوتري 2010 ...مرحبا بالجميع
Author: ابراهيم قناوي
Date: 10-07-2008, 08:41 PM
Parent: #1

الأخ الخير
السلام عليكم
ارسلت لك المعلومات والصورة

مع خالص ودي وتقديري

قناوي

Post: #70
Title: Re: الـلـوتري 2010 ...مرحبا بالجميع
Author: عزام حسن فرح
Date: 10-07-2008, 08:55 PM
Parent: #1

الخير محمد عوض ...

جاتني رِسالة في بريدي مِن مَوقِع http://www.usgcls.com/manage/registration_status.asp مكتوب فيها الآتي :-


98765432 :Registration ID
Applicant's name : Azzm Farah
Payment Status : your initial registration has been recorded by USGCLS.

زي دي الواحِد يِهملا ولا كيف ؟

Post: #71
Title: Re: الـلـوتري 2010 ...مرحبا بالجميع
Author: haroon diyab
Date: 10-08-2008, 08:24 PM
Parent: #70

الحبيب / الخير

سلام

ارسلت لك الايميل وفي انتظار الرد

مودتي

Post: #72
Title: Re: الـلـوتري 2010 ...مرحبا بالجميع
Author: ممدوح أبارو
Date: 10-08-2008, 08:56 PM
Parent: #71

Quote: ممدوح ابارو لا تيأس يا اخي واعلم انو احيانا المجيئ هنا في حد ذاته عدم حظ.


الخير أخوي عدم حظ؟

عندي شقيقي معاكم هناك ويشيل ويشكي الشغل حار ومافي قروش

سألتو بشتغل الساعة بي كم وكم ساعة في اليوم؟

قال الساعة بي 12 (دورار؟) وبشتغل خمسة ساعات في اليوم

لمن حسبت إني في السودان بشتغل 14 ساعة في اليوم بمايعادل 10 دولارات

قفلت الخط في وشو

تقول لي عدم حظ ؟ أحمدو الله ياخ






Post: #73
Title: Re: الـلـوتري 2010 ...مرحبا بالجميع
Author: Omeyma Mahmoud
Date: 10-09-2008, 10:38 PM
Parent: #72

السلام عليكم, قراءت كلامك اكتر من مرة لاني شعرت بألم شديد (قلبي انقبض) لان هذا حال الكثيرين في بلدنا المسكين (شغل بالساعات واجر زهيد ومعه عدم امتنان وتقدير ) وصدقني الكل يريد الهجرة من ارفع الدرجات العلمية الي الامي .... لكن اخي اوصيك ان لا تغنط من رحمة الله وما تنسي ان كل شي مقدر ومكتوب واشكر ربنا دائما علي كل شئ وان شاء الله نسمع عنك كل خير ومفرح............ وبالتوفيق

Post: #74
Title: Re: الـلـوتري 2010 ...مرحبا بالجميع
Author: خليفة موسى حمدان
Date: 10-10-2008, 04:43 AM
Parent: #73

بسم الله الرحمن الرحيم
الاخ الخير محمدعوض/ يعطيك العافية
سؤالى ,, لو عارف ليك اى برنامج مجانى لتعديل الصـــــــــــورة ارجو ان تمدنا به
وشكراً

Post: #75
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-10-2008, 07:35 PM
Parent: #74

الاحباب زوار الدار...مرحاب وعفوا لتاخري في الرد عليكم

الاخ ابراهيم قناوي قمت بالرد علي رسالتك... لك التحية والاحترام.
الاخ عزام سلامات يا رجل ... والله ما عارف اقول ليك شنو لكن يبدو لي ان
تقديمك قد تم او سيتم عبر شركة من شركات التقديم والتي ظللت دائما انبه
الجميع بالابتعاد عنها...عفوا يا صديقي لا املك ردا قاطع لهذه الحالة. تقبل
كامل الامنيات بحظ وافر.
الاخ ممدوح ابارو تسلم علي الاضاءة التي افردتها في مداخلتك بمقارنة الدخول
هنا وفي بلدنا السودان بس برضوا ما دايرنك تياس ودوام الحال زي ما بقولوا
من المحال....دعواتي لك بحظ وافر هذه المرة.
اختنا اميمة محمود مرحب بيك عضوة جديدة في منتدى سودانيز اون لاين متمنيا
لك طيب المقام...لك احترامي.
الاخ خليفة موسى تحياتي
كدي جرب الرابط دا:
http://www.freeserifsoftware.com/software/PhotoPlus/def...WlnZYCFQxKGgodVVyT6A
اتمنى ان يساعدك فهو رابط جيد يمكنك استخدامه في مسالة ضبط الصور.

احترامي لكم جميعا وكل المنى.

Post: #76
Title: Re: الـلـوتري 2010 ...مرحبا بالجميع
Author: أشرف البنا
Date: 10-11-2008, 05:48 PM
Parent: #1

الأخ الخير ...
كل سنة و انت طيب ...
سوف أرسل لك استشارة عن طريق ايميلك بعنوان (( هل هذه حقيقة ))
الشكر مقدماً و عذراً على الإزعاج ...

Post: #77
Title: Re: الـلـوتري 2010 ...مرحبا بالجميع
Author: ابراهيم قناوي
Date: 10-11-2008, 07:26 PM
Parent: #1

الأخ الخير
قرات ردك
وسوف اذاكر البوست جيدا وارجع لك
مع خالص شكري
وتقديري

Post: #78
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-21-2008, 05:50 PM
Parent: #77

اسي يا ميكافيلي في ذمتك دي, مش العمل الاسي بنعمل فيه دا عمل خير !!!
طيب انا هسي كان داير اخت لي صور توضيحية اعمل شنو؟؟؟؟
غايتوا بوستيني دا خليتو ليك في ذمتك لو هكرتو... بعد التقديم ينتهي
هكر حنانو زاتو ماعندنا بيك شغلة...اها يا ميكافيلي ودعناك الله.

Post: #79
Title: Re: الـلـوتري 2010 ...مرحبا بالجميع
Author: محمد صباحى
Date: 10-21-2008, 06:03 PM
Parent: #78

الاستاد الخير

واصل خليك من الهكر من ميكافيلي


نحنا متابعين معك

واصل

واصل

Post: #80
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-27-2008, 06:12 AM
Parent: #79

Quote: اخي الخيرالسلام عليكم ورحمة وبركاتهانا المتابعين لي موضوعك في سودانيز اونلاين عن اللوتريوجزاك الله خيرا على ما تقوم به وجعلها الله في ميزان حسناتكاخي عندي اسئلة لم اجد اجابة لها في البوست اتمنى ان تجيبني عليها من خلال بريدي هذا وان رأيت فيها ما يفيد الاخوان انشرها في الموقعاولا في يتعلق بالسؤال عند زيارتي لموقع اللوتري وجدت تحت خانة كل اسم مربع صغير هل اضع عليه علامة صاح ام اتركه فارغاايضا هذا المربع يتكرر في السؤال الرابع تحت خانة المدينة التي ولد فيها مقدم الطلب ( مرفق لك صورة السؤال الاول والرابع )ثانيا بالنسبة الى موضع الصورة لقد جهزت صورة حديثة فيها كل المواصفات المطلوبة لكن احترت في المقاس هل هو نفس مقاس صور النماذج حيث ان مقاسات صور النماذج حين وضعتها على برنامج الفوتوشوب وجدتها 300 بكسل وانت كتبت هذه السنة 600 بكسل وهل يمكن ان تدلني على برنامج جيد للصور فيه المقاسات والحجم غير الفوتوشوب طبعااكلف عليك ان تتاكد من مقاس صور النماذج لانه من الممكن ان بعض الاخوة قد ياخذ نفس مقاس النماذج ويعمل عليه صورته كما فعلت انا والحمد لله لم اقدم الا الانانتظر ردكومشكور مقدما

Post: #81
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-27-2008, 06:27 AM
Parent: #80

سلام وتحية للجميع
شغلتني الشواغل من مواصلة هذا الموضوع كما كنت اريد له...عموما مع هذه الظروف
المحيطة الله اعلم اقدر اطل علي هذا الخيط بشكل يومي ولكن وعدي بان ابذل قصارى جهدي
للملمة اطرافه فور انتهائي من الشواغل...المهم...السؤال الفي الاقتباس الفووووق دا
سؤال مهم برضوا لذا نشرته هنا لتعم فائدته....وببسااااطة كدا يا اخي السائل ما تشتغل
بالمربعات الصغيرة دي شغلة لانها بتتعلق بالناس الما عندهم لا اسم ولا اسم ابو ولا اسم جد
ولا حتى عارف اتولد في ياتو مدينة فيا عمنا ما تشتغل بموضوع المربعات..
طيب...بالنسبة للنماذج بتاعت الصور يا اهلنا الصور يجب ان تكون مقاساتها 600 في 600
السنة الفاتت كانت 300 في 300 بكسل والنماذج الانا ختيتها هنا دا مش عشان المقاسات, انا
نزلتها هنا عشان الناس تنتبه للمواصفات التي يجب ان تكون عليها الصورة الصحيحة...يعني
الخلفية.نسبة الوضوح.وضع الوجه.....الخ. يعني انت بس اعمل زيها ولما تنزلها في الكمبيوتر
بتاعك اضبط المقاسات وهي كما اسلفت 600 في 600 بكسل لهذا العام.


لي قدام

Post: #82
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-27-2008, 06:36 AM
Parent: #81

كل من راسلني عبر بريدي الاليكتروني ستصله مني رسالة في ظرف اليومين القادمين باذن الله

Post: #83
Title: Re: الـلـوتري 2010 ...مرحبا بالجميع
Author: خالد عبد الله محمود
Date: 10-27-2008, 06:38 AM
Parent: #1



الخير
حمد الله على السلامة
أخبارك و أخبار الأسرة الكريمة
رسلت ليك قبل كم يوم وصلتك الرسالة ولا لا؟؟

Post: #84
Title: Re: الـلـوتري 2010 ...مرحبا بالجميع
Author: منتصر الامين
Date: 10-27-2008, 08:16 AM
Parent: #1

اخى الخير مشكور على البوست
فقد استفد من المعلومات الوارده فيه
وقمت بالتقديم بعد ان اخذت عنوان
احد استديوهات التصور المعتمده من موقع
السفاره الامريكيه بقطر ،،،


دعواتك بان يحالفنا الحظ من اول مره

Post: #85
Title: Re: الـلـوتري 2010 ...مرحبا بالجميع
Author: الخير محمد عوض
Date: 10-31-2008, 05:53 PM
Parent: #84

تحية وسلام للجميع

وعفوا لاهمال البوست في الايام السابقة....ساخصص له الجزء الاكبر
من عطلة نهاية هذا الاسبوع.


ودي

Post: #86
Title: Re: الـلـوتري 2010 ...مرحبا بالجميع
Author: humida
Date: 10-31-2008, 05:56 PM
Parent: #85

الخير ..
وين سامي ياخي ..

..
..

اسمعني الماسنجر ما عارف الحاصل ليهو شنو ..
اضيف دا عندك .. [email protected]
وبنتقابل بعدين كدا .. دايرك ضروري

Post: #87
Title: Re: الـلـوتري 2010 ...مرحبا بالجميع
Author: جمال السنوسي
Date: 11-11-2008, 11:38 AM
Parent: #86

11 يوم

قلنا نرفع البوست

عشان اوباما

يمكن نكون من ضمن المقترعين في انتخابات 2012


تشكرات صاحب البوست اخونا الخير محمد عوض

Post: #88
Title: Re: الـلـوتري 2010 ...مرحبا بالجميع
Author: خالد عبد الله محمود
Date: 11-11-2008, 03:46 PM
Parent: #1


الزول ده عندو إمتحانات يا أخوانا ...
بجي راجع قريب إنشاء الله
تمانياتنا له بالتوفيق

Post: #89
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-14-2008, 06:57 AM
Parent: #88

سلامات كتيرة للاحباب

اخونا خالد عبد الله كيفك يالحبيب...راجع ايميلك تجد ما يسرك لك امنياتي ياابا الخلد

منتصر الامين حبابك واشكرك كتير يا سيدي لحسن الظن وان شاء الله نشوفك هنا قريبا ونفرح بيك معانا.

حميدة صاحبي (الحا يكون صاحب صاحبي ) سلامات وتشوقات كتيرة يا رجل عملت ليك اضافة في ايميلك

الجديد دا وراجيك لنضمي كتير يا عمك....اها لغاية ما نتلاقى.

جمال السنوسي والله فرحتنا باوباما كبيرة خلاص لانه علي ما اظن انه اول من ادخل علي السياسة فن الوجاهة

فوزه اكبر حدث في هذا القرن نحمد للزمان ان جعلنا شهود عيان له. تسلم يا سيدي علي كريم المرور.

Post: #90
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-14-2008, 09:04 AM
Parent: #89

المعلومات المطلوبة لكل من يرغب ان اقوم بملئ فورم تقديمه وارساله هي:
1/الاسم: اذا كان رباعي ارجو كتابته كاملا.
2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة
اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا
7/اكتوبر/1975 ( مهم جدا تكتب الشهر كتابة وليس رقم).
3/ المدينة التي ولد بها مقدم الطلب
4/ البلد التي ولد بها مقدم الطلب
5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة.
6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص
واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي
برضو ممكن بس لازم يتاكد انه الخدمات البريدية جيدة في المنطقة التي يسكن بها.
7/رقم التلفون
8/عنوان بريده الاليكتروني
9/المؤهل الاكاديمي.
10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة
مثل معلوماته.

هـــــــــــــــــــــــــــــــــــــام
ارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات
رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه
هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed
Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

Post: #91
Title: Re: الـلـوتري 2010 ...مرحبا بالجميع
Author: Nasser Mousa
Date: 11-15-2008, 01:10 AM
Parent: #90

الاخ الخير
السلام عليكم
انشالله في ميزان حسناتك
مع التحايا
ناصر موسى

Post: #92
Title: Re: الـلـوتري 2010 ...مرحبا بالجميع
Author: الزوول
Date: 11-15-2008, 05:10 AM
Parent: #1

السلام عليكم
الأخ الخير الخير

شكراً لكل ما تبذله من جهد لتوصيل الخير للناس
هذه مداخلة مهمة جداً للأخ Ahmed Alim فيها كثير من الخير لأنها ستوسع من فرص أهل السودان لتشمل كثير من مواليد الخليج الذين يمكنهم أن يقدموا من السعودية أو قطر كمواليد في هذه المناطق التي لا يقدم أهلها عادة "كما فهمت من المداخلة"
وهذا قطعاً سيضيف فرص كثيرة للفرص المخصصة أصلاً للسودان
أرجو تعليقك

Quote: الصديق العزيز أبو روان
تحية ومحبة،

Quote: الحالة التانية: نفترض انك سوداني ومولود في اي بلد لكنك لا تحمل جنسية ذلك البلد
وعايش الان في ذلك البلد( مثلا انت سوداني ومولود في السعودية ولكنك لا تحمل الجنسية السعودية)
طوالي هنا اجابتك عن الجزء الاول من السؤال بتكون (لا) والجزء التاني من السؤال بتقوم تختار السودان.



يا صديقي الحتة دي بالذات انا إستفسرت منها شخصياً من KCC برغم ان تعليمات التقديم واضحة كالشمس لكن تقول شنوا سودانيين وبتاعين كبكبة

اللخبطة في الحتة دي بضيق على كتير من الناس فرصة الفوز ضمن إستحقاق السودان فقط ، خاصة وانوا مجموع الفيز الممنوحة للسودان في برنامج اللوتري لاتتجاوز 1050 فيزا وسط تنافس مع عدد كبير من المتقدمين من السودان برغم وجود فرصة للتقديم ضمن حصة البلد المولود انت فيها ولا يشترط حصولك على جنسيتها ويكفي فقط شهادة الميلاد البتثبت انك مولود في الدولة المعنية والمسموح لها بالتقديم يعني اكان انت مولود في الصين احسن تقدم كسوداني . ودا إستثناء خاص ببرنامج اللوتري لتوسيع فرص التقديم. يعني انت لو مولود في قطر وجنسيتك سوداني ولديك شهادة ميلاد تثبت ميلادك في قطر فيحق لك التقديم ضمن إستحقاق قطر حتى لو ما كانت عندك جنسيتها والمطلوب فقط شهادة الميلاد، فهناك أعداد كبيرة من السودانيين مولودين في دول الخليج وناس الخليج ما قاعدين يقدموا للوتري ولا سمعوا بيه حتى.. فالسودانيين المولودين في دول التنافس فيها أقل من السودان احسن ليهم يقدموا منها لتوسيع فرص فوزهم.

Quote:  Native of a country whose natives qualify: In most cases, this means the country in which you were born. However, there are two other ways you may be able to qualify. First, if you were born in a country whose natives are ineligible but your spouse was born in a country whose natives are eligible; you can claim your spouse’s country of birth, provided both you and your spouse are on the selected entry, are issued visas, and enter the U.S. simultaneously. Second, if you were born in a country whose natives are ineligible, but neither of your parents was born there or resided there at the time of your birth, you may claim nativity in one of your parents’ country of birth, if it is a country whose natives qualify for the DV-2010 program.

الرابط: http://www.travel.state.gov/pdf/T1026V-DV-2010bulletin(3).pdf

ممكن تتصل على KCC في الرقم 7500 526 606 عشان تتأكد من القصة دي.

مع امنياتي للجميع بالتوفيق..

Post: #93
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-21-2008, 07:21 AM
Parent: #92

الزوووووووول
سلامات وتشكرات كتار يا حبيب للتنبيه...اصلوا صوارف الدنياومشاغلها وغلبتها
عاملة فينا العمايل....وبقينا كمان نفط حبيبنا ابو حميد ابن العالم الذي
قطعت جهيزة خطابة قول كل خطيب....احمد يا (الزول) كلامو تب صاح وكمان كلامنا
ما فيهو العوج...يعني الكلامين كلهم صحيحات...وليفتي المقدم قلبه وان افتي



تسلم يا الزول وكان لقينا فرقة قريبة بنجي نتحاكى في الموضوع دا بصورة اوسع


ودي الكامل.

Post: #94
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-21-2008, 07:28 AM
Parent: #93

وناصر ابن موسى برضو كمان زارنا...يا سلام علينا ياخ...احب نحن

وبالمناسبة يا الاهل القصة زي ماشة علي نهاية وربنا يقدرنا نتم

الجميلة ويرزقنا من وقته لما يرضيه....المهم حا اكون معاكم لغاااااية

يوم الاحد الجاي اللهو يوم 23 وبعد كدا بس دعواتكم عشان اقدر اتم الابليكيشنات

الكتييييييرة القدامي دي واسلم الراية للقدر الذي اتمناه جميلا للكل.


اها لقدام.

Post: #95
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-22-2008, 07:51 PM
Parent: #94

تحياتي للجميع....اعلن الان اغلاق البوست
لكل ما يتعلق بالتقديم واتركه مفتوحا للاسئلة....امنياتي للجميع بحظ وافر

الخير محمد عوض

Post: #96
Title: Re: الـلـوتري 2010 ...مرحبا بالجميع
Author: محمد جميل أحمد
Date: 11-23-2008, 10:32 AM
Parent: #95

عزيزي الخير .. تحياتي
كنت أرسلت لك رسالة على بريدك الإلكتروني الموجود في هذا البوست أرجو أن تكون قد وصلتك
لدي ثلاثة أسئلة :
إذا كنت متصور بقميص مقلم (أبيض وبني) وكانت خلفية الصورة بيضاء ، فهل هناك مشكلة ؟
إذا كتبت رقم الموبايل في خانة الهاتف فهل هناك مشكلة ؟
وأخيرا هل بإمكانك استقبال البيانات الجاهزة من طرف الأشخاص الذين يرغبون في إرسالها عبر عنوانك البريدي حتى نهاية هذا اليوم ؟ الأحد 23/11 /2008 ؟
مرفق لك الصورة أدناه وأرجو أن تؤكد لي ما إذا كانت تنطبق عليها مواصفات الصورة المثالية المطلوبة
مودتي لك
محمد جميل





Post: #98
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-25-2008, 07:28 PM
Parent: #96

محمد جميل
سلامات وجميلة ايامك...بالنسبة للسؤال الاول فلا ارى اي مشكلة في تناسق
ما ترتديه وخلفية الصورة..وبرضو مافي مشكلة في انك تخت تلفونك الثابت
او رقم الموبايل....فيما يتعلق بعنواني فلا استطيع اعطائة للاخوة المتقدمين
لاني سارحل قريبا لبيت اخر ربما خلال الشهرين القادمين....اما صورتك يا محمد
جميل غير صحيحة المقاسات لان مقاساتها550 في 550 بكسل وهم دايرين 600 في 600
بكسل, عشان كدا يا محمد قمنا عدلناها ليك وبقت صالحة الان للتقديم وهدي ليها




تحياتي وكل الامنيات

Post: #102
Title: Re: الـلـوتري 2010 ...مرحبا بالجميع
Author: محمد حسن عوض احمد
Date: 11-26-2008, 05:12 AM
Parent: #98

الاخ العزيز الخير ممكن تساعدنى فى تعديل صورتى لاننى لا املك البرنامج المناسب
واكون شاكر جدا

Post: #97
Title: Re: الـلـوتري 2010 ...مرحبا بالجميع
Author: elfadl abdellatif
Date: 11-23-2008, 12:17 PM
Parent: #1

الاخ الخير
جعل الله ايامك كلها خير

من زمان وانا داير اقدم للوتري الامريكي .. لكن عندي سؤال هو ما هو مصيري بعد الوصول الى بلاد العم سام ?? يعني الجماعة ديل اول ما اوصل حيدوني راسمال ويقول لي انت وشطارتك .. ولا حيدخلوني معهد عشان اتخصص في علم واشتغل بيهو .. ولا حيسلموني وظيفة بمرتب محترم حسب مؤهلاتي .. يعني بأختصار امريكا دي عايزة بالناس ديل شنو ?? عمالة?? هم عندهم العطالة وما قادرين يوظفو حماعتهم .. أفهم بس!!!

Post: #99
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-25-2008, 07:42 PM
Parent: #97

الفاضل عبد اللطيف
Quote: من زمان وانا داير اقدم للوتري الامريكي .. لكن عندي سؤال هو ما هو مصيري بعد الوصول الى بلاد العم سام ?? يعني الجماعة ديل اول ما اوصل حيدوني راسمال ويقول لي انت وشطارتك .. ولا حيدخلوني معهد عشان اتخصص في علم واشتغل بيهو .. ولا حيسلموني وظيفة بمرتب محترم حسب مؤهلاتي .. يعني بأختصار امريكا دي عايزة بالناس ديل شنو ?? عمالة?? هم عندهم العطالة وما قادرين يوظفو حماعتهم .. أفهم بس!!!


تعرف يا الفاضل اديتني احساس باني شغال في الكونغرس الامريكي

يا راجل ياخ دا بوست مسكين ساي داير يوضح للناس ويساعدهم في عملية

التقديم للوتري الله والرسول دا....تجي تقول لي عمالة وراس مال ومؤهلات

وشنو وشنو . يا رااااااااااجل.

Post: #100
Title: Re: الـلـوتري 2010 ...مرحبا بالجميع
Author: ابوعسل السيد احمد
Date: 11-26-2008, 03:24 AM
Parent: #99

الخير يا حبيبنا..

سلامات و أشواق.. كويس إنه آهو مع القراية أم دق دي بنجي طالعين
مرة مرة و بنلاقيكم هنا في أونلاين. شفت كيف؟ و بحول الله لمان نجي
بلدكم في حدود الجمعة حنتقابل و نتفاكر.. شايف صحبك بقى أبوعزة
و سامر حتة واحدة، ما شاء الله.. ربي يخليهم ليه..
آها راحل وين ياخي؟ إن شاء الله بس لسع داخل حدود نيوانغلند..
سلامات و أعياد شكر مجيدة و سعيدة..

محبتي

Post: #101
Title: Re: الـلـوتري 2010 ...مرحبا بالجميع
Author: mohamed osman bakry
Date: 11-26-2008, 04:20 AM
Parent: #100

Quote: يا رااااااااااجل.

D
تذكر إنسان أب قوتة
في أيوا جاي لوتري جديد
قعد شهر م لقي شغل
يوم قام من الصباح سمع صاحبك يتكلم مع واحد
ويقول ليهو ( يا راجل مصنع اللقيمات بيدفع سبعطاشر دولار في
الساعة و الاوفر تايم فاتح)
قام انسان أب قوتة سأل صاحبك
( أسمع مصنع اللقيمات ده وين?و لسع دايرين ناس)
صاحبك قال ليهو إنت ما كلموك المصنع ده فتحوهو ليهو شهر
إنسان اب قوتة طير ليك شكلة مع الجماعة و قال ليهم تدسو مننا الشغل
صاحبك قاعد هناك يضحك
وده شابكم ليك بكرة دي ودوني مصنع اللقيمات
..

Post: #103
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-28-2008, 08:04 AM
Parent: #101

يا ابا عسل رعى الرحمن اهلك ما اقامو وما رحلوا وحياك الغمام
يا راجل انحنا ادمنا الصقيع ونيوانغلند دي ما بنفوتها تب عساك والقراية طيبين
ودايما جيتك مفرحة يا زول....
ويا محمد بن عثمان بن بكري عاشق الشرق والابتسام...لك ولانسان اب قوتة الوقوف
ويا ناس اللوتري, اللوتري بابه متاكا فاليدخل الداخلون قبل الاغلاق... وحبي.

Post: #104
Title: Re: الـلـوتري 2010 ...مرحبا بالجميع
Author: الخير محمد عوض
Date: 11-29-2008, 09:47 AM
Parent: #103

مع اخلص التمنيات للاخ سيف اليزل

وهذه منا

UP

Post: #105
Title: Re: الـلـوتري 2010 ...مرحبا بالجميع
Author: ناذر محمد الخليفة
Date: 11-29-2008, 10:50 AM
Parent: #104


Post: #106
Title: Re: الـلـوتري 2010 ...مرحبا بالجميع
Author: هيثم درار
Date: 11-29-2008, 11:18 AM
Parent: #105

الاخ الخير
صباخ الخير او مساء الخير حسب ما يوافقك

اها اخر يوم للشى ده متين ؟
عندنا النية نقدم ، يمكن اوباما يكون قدم الخير، ولا شنو يا الخير



تسلم ولك الود

Post: #107
Title: Re: الـلـوتري 2010 ...مرحبا بالجميع
Author: هيثم درار
Date: 11-29-2008, 11:19 AM
Parent: #105

الاخ الخير
صباخ الخير او مساء الخير حسب ما يوافقك

اها اخر يوم للشى ده متين ؟
عندنا النية نقدم ، يمكن اوباما يكون قدم الخير، ولا شنو يا الخير



تسلم ولك الود

Post: #108
Title: Re: الـلـوتري 2010 ...مرحبا بالجميع
Author: الخير محمد عوض
Date: 12-01-2008, 06:49 AM
Parent: #107

Quote: اها اخر يوم للشى ده متين ؟

هيثم كيفك يا رجل بعد شوية اخر يوم

ناذر التفتيحة والذي فهم سر سعادتنا الغامرة واتانا بوجوه ضاحكة له سلامنا في العالمين

و فووووووووووووووق

Post: #109
Title: Re: الـلـوتري 2010 ...مرحبا بالجميع
Author: Tabaldina
Date: 12-01-2008, 07:19 AM
Parent: #1

..
.
تبقي من الزمن 12 ساعة حسب توقيت الساحل الشرقي ..

____________

اها يا ناذر قدمت عشان تنقل نشاطلك
للسوق الشعبي فى نيوجرسي

Post: #110
Title: Re: الـلـوتري 2010 ...مرحبا بالجميع
Author: ناذر محمد الخليفة
Date: 12-01-2008, 09:28 AM
Parent: #1

يا تبلدينا ...

Quote: اها يا ناذر قدمت عشان تنقل نشاطلك
للسوق الشعبي فى نيوجرسي


نحن ماناس أمريكا ..

خطنا الخرطوم دبي بومباي وبالعكس ..

يا الخير .. أنحن بنفهما وهي طايرة .. ما نحن أسياد الشي زااتا

Post: #111
Title: Re: الـلـوتري 2010 ...مرحبا بالجميع
Author: ايوب عبدالرحيم
Date: 12-02-2008, 07:07 AM
Parent: #1


انتهت الفترة ؟؟؟؟

الخير اود ان اشكرك بحرارة رغم ان الشكر لايليق بما تقدمه

ولكني اود ان اعبر لك باسم الاف والاف ممن قراو هذا البوست واستفادو من كل المعلومات القيمة

او باسم الذين تشرفوا بالتقديم عبرك

اود ان اعبر لك عن خالص مودتنا وتقديرنا البالغ لكل ما قدمته للجميع وبطيب خاطر

يكفي انك بتبسيطك وشرحك وحثك للناس زرعت في قلوبهم الكثير من الامل

للعام الثالث على التوالي وانت تزرع في قلوب كثيرة الامل والطموح

اللـوتري 2008 مـرحبا بالجمـيع.
الـلـوتـري 2009 .. مـرحـبا بالجـمـيع.
الـلـوتري 2010 ...مرحبا بالجميع

للعام الثالث على التوالي وانت تقستقطع من زمنك وزمن اسرتك الكثير الكثير من اجل هدف واحد هو الرغبة

في اسعاد الاخرين

فالحياة بلا امل لاطعم ولارائحة لها,,,,,


الخير محمد عوض ( صديقي الحبوب )
من اجمل ما يميز هذا المنبر انه جمعنا باناس بقدرك ,,,,

شكرا شكرا شكرا


Post: #112
Title: Re: الـلـوتري 2010 ...مرحبا بالجميع
Author: elfadl abdellatif
Date: 12-06-2008, 10:08 AM
Parent: #1

Quote: بوست مسكين ساي داير يوضح للناس ويساعدهم في عملية

التقديم للوتري الله والرسول دا

انا ذاتي والله سؤالي مسكين ساكت .. انا داير افهم بس .. الجماعة المشو قدامنا حصل معاهم شنو .. يعني الواحد حيتجهجه في امريكا ولا مستقبلو مضمون وكيف? .. بس دي كل الحكاية يالخير اخوي ..

Post: #113
Title: Re: الـلـوتري 2010 ...مرحبا بالجميع
Author: رانيا قاسم
Date: 12-06-2008, 11:24 AM
Parent: #1

واضم صوتي الى ايوب لنقولهـا عاليـاً

شكـراً للخيـر

ولـو أننـي أوتيـت كل بلاغة ****** وأفنيت بحر النطق في النظم والنثر

لما كنت بعد القول إلا مقصـرا ****** ومعتـرفا بالعجـز عن واجب الشكر