Post: #1
Title: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 09-30-2008, 10:46 PM
Parent: #0
سهرة قناة النيل الازرق اول ايام عيد الفطر المبارك فى حضرة من اهوى جعلت من مسائى مساءا جميلا متع الله الفنان محمد الامين بالصحة والعافية
|
Post: #2
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 09-30-2008, 10:52 PM
Parent: #1
الان محمد الامين يشدو باغنية
انتى مهما تغيبى عنى
اصلو مابتفوتى منى عايشه فيا ساكنه جواى فى خواطرى فى مشاعرى فى تسابيحى وغناى زى فرح ماليهو اخر وشوق سنين لزول مسافر راجى الزمن فى يوم يجيبو لديارو ولحبيبو والفريق يفرح يغنى انتى مهما تغيبى عنى اصلو مابتفوتى منى فى عيونك شايله اكوان من براءة ومن محنه وعزه تشرب من معزه ومن تراثنا ومن اصلنا و وعد غرقان فى نداهو وزحمة اطفال جوه جنه وزول بيحلم بالعديله وفرحة الريد الطويله ناس تجيهو تغنى ليهو ناس تبارك وناس تهنئ انتى مهما تغيبى عنى اصلو مابتفوتى منى وتبقى ياحلم الاماسى شمعه ضاويه فى كل دار وزهره فى كل المواسم كل يوم بزيد نضار تهفو ليك الامنيات وتزهو بيك الامسيات وبيك تفرح وليك تغنى انتى مهما تغيبى عنى اصلو مابتفوتى منى
|
Post: #3
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: محمد عكاشة
Date: 09-30-2008, 10:56 PM
Parent: #2
نجمه عيدسعيد عوداحميدالى الافراح وداللمين عجيب محبتى
|
Post: #4
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 10-01-2008, 12:51 PM
Parent: #3
عكاشة
كل سنة وانت والاسره بالف خير
كانت مساحة من الجمال والافراح كان مساء وردى
وداللمين عجيب
_______
اعجبتنى ضربات الجزاء فى فترتك المفتوحة مساء اول ايام العيد
كل الود
|
Post: #5
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 10-01-2008, 01:04 PM
Parent: #4
ترنم الموسيقار ود الامين يتتعلم من الايام وتاثر فى ادائها وغالب دمعه بالمنديل ولكن دكتور عمر محمود اصر ان يضغط على الوتر الحساس فسال ود الامين لم هذة بالذات تاثر فى ادائها ؟ ود الامين موسيقار اطربنا وازال اوجاعنا والمانا
بتتعلم من الايام مصيرك بكره تتعلم وتعرف كيف يكون الريد وليه الناس ليه ليه بتتــــالـــم متين عرف الهوى قلبك متين فاضت بااهات متين سهر عيونك ليل طويله ساعات وحاتك لسه مابتقدر تقاسم قلبى دقاتو اقابلك وكلى حنيه واخاف من نظرتك لليا واخاف شوق العمر كلو يفاجئك يوم فى عينيه ورى البسمات كتمت دموع وبكيت من غير تحس بيا وبكره وبكره الريد الريد بدون مواعيد يزورك ياحياة عمرى وتقول ياريتنى لو حبيت زمان من بدرى وتعال تعال تعال فرح ليالينا وتعال قبل السنين تجــــرى
|
Post: #6
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 10-01-2008, 01:17 PM
Parent: #5
ختمت السهره بقالو متالم شوية
قالو متالم شوية ياخى بعد الشر عليك النضاره الفى شبابك والطفولة الفى عينيك والقلوب الحايمه حولك ياحلو بتتمنى ليك بكره تشفى وبكره نفرح يا حبيب العمر بيك ياخى بعد الشر عليك انت ماشبه الدموع انت ماشبه العذاب انت ماكلك عواطف انت ماكلك شباب العمر عندك اسير والعمر غيرك سراب ياخى بعد الشر عليك
____
رحم الله الاستاذ/ الفنان عثمان حسين
|
Post: #7
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: كمال علي الزين
Date: 10-01-2008, 01:32 PM
Parent: #6
(*)
فاتني أن أشاهد الحلقة , ..
شكراً (نجمة) أتمنى أن نشاهد إعادة لها ,..
خاصة وأن (أبواللمين) يطل من عيد لي عيد ..
محبتي ..
|
Post: #10
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 10-01-2008, 04:05 PM
Parent: #7
الجميل حضورا وقلما كمال علي الزين
ينعاد عليك العيد انشاءالله وتتعاد ليك حلقة فى حضرة من نهوى محمد الامين قريبا
|
Post: #9
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: محمد عكاشة
Date: 10-01-2008, 03:51 PM
Parent: #3
مـاجـيك..قلناما ممـكن تسـافـر !!!
كدت من هول مارأيت أجن.. السادة الصوفية ليس كمثلهم المتقدمين والمتأخرين من المسلمين.. الصوفيين يقتربون من الذات العلية عبر مدارج الجمال الاسنى بخطوات وئيدة..المرأةعندهم مظهر للجمال المطلق فى صوره وتجلياته.. ثم هم يسعون حثيثا فى طلب الرؤية البديعه بطريقتهم بخلاف بقية المسلمين الذين ينهضون دون مقام ليهبطوا عند حد الشهوات المجانية بلاحد.. الكاتب العظيم الطيب صالح يسرح فى مقامات (الاكبريون) ويذهل بذكرهم وهم مجموعة فنانين وفلاسفة اوربيين يتخذون الشيخ الاكبرمحى الدين بن عربى هاديا لطريقهم وقدوقعت اعينهم وباصرتهم على مخطوطة من نفائسه وذخائره تقودهم الى رحابة الطلاقة والعرفان.. الفن هو حالة عرفانية بعيدة المدى..شديدة العصف والحضور والتبيين.. الفنان مثله مثل العارف المعنى ..هو اذ يصدق فنه يصدقه.. وكذا العارف فى اذكاره مع ربه وخطوه فى طريقه.. اول ايام العيد كنت فى حضرة مشهورة..مشهوده العاشرة مساء بتوقيت ام درمان .. هنا..شحذ عددمن (الخواص)همتهم واحساساتهم فى عمل ليس بعده ولاقبله.. انتظمت فرقة ماسية لاختبار صوت البث فى بروفات لاجمل الحان عكف عليها رجل فذ (عارف ) قدرنفسه وقدرمايعطى فى حرم الجمال.. فى حضرة من أهوى..باح باسراراللحون الموسيقاروداللمين.. غنى فى حضرة شعرائه داخل استديو النيل الازرق غناء بديعا مدهشا ..عذبا شجيا.. فضل الله محمد..عمرخالد..مبارك بشير..صلاح حاج سعيد هالهم الامر ولكأنهم يسمعون ماكتبوا لأول مرة.. غاب الحلنقى بسبب السفر ولكنه أشجى وداللمين برائعته (بتتعلم من الايام) وذرف الباشكاتب العظيم ..الساحر..الدموع المحبوسه والعود يتراطن فى يده.. كانت حالة فوق التصور.. حال مشحونة بالاسى ووداللمين تربطه بكل لحن صاغه علاقة وعشق وحضور.. حالة من السحر والعارفين غرقى..والعاشقين.. وداللمين..شكراجميلا..نبيلا
|
Post: #12
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 10-01-2008, 04:57 PM
عكاشة شكرا لك على هذا الجمال
ولصناع الجمال بالنيل الازرق
للنيل الازرق كل العشق على رصائفها من قنوات فى درة عندى
|
Post: #8
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: ombadda
Date: 10-01-2008, 03:22 PM
Parent: #1
عيد مبارك يا نجمة
|
Post: #11
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 10-01-2008, 04:52 PM
Parent: #8
ombadda تسلم
كل عام وانت بالف خير
تقديرى
|
Post: #13
Title: Re: عدتــه يـاعيــدى بـدون دمــوع 1 (قناة النيل الازرق وسهرة فى حضرة من اهوى )
Author: najma
Date: 12-26-2008, 08:26 PM
Parent: #11
كانت اجمل سهرات العام فى تقيمى
كل عام وانتم بالف خير اسرة النيل الازرق
عام جديد سعيد _____
الى الرشيف
|
|