عزيزتى الغاليه –الزميله ام رخم الله

عزيزتى الغاليه –الزميله ام رخم الله
بعد التحايا والشوق ،والسؤال عن صحة الأهل والرفاق ،وعن زوجك القابع فى ردهات سجون الاستيك ، وأخوانك المشردون فى احراش الغابات المطريه،اسمحى لى ان أسرك وأدخل السرور الى قلبك الحزين....
علمت يا عزيزتى أن جاركم الغنى جداً ،تور بقر جواميس الكابويات ،قد صار من كبار الإشتراكيين ،وسار على نهجه الكثير من أهله وأصدقائه ،فى مكان غروب الشمس،تخيلى ،أصبحنا نعيش فى عالم إشتراكى!!!
جاركم كان عنذه غول صغير ،رعاه وكبره ودلعه أياماً ،واحياناً كان يطلقه على المساكين ،فى البلود السوداء زى حقتنا وبلاد اللاتين حقتكم ،وبلاداً رمالا صُفُر وبلوداً ناسا صُفُر،والمشكله إنو الغول كبر وبدا ياكل فيه.
لعن أبوهو وأجدادو الجابوا ليهو الغول، وتورنا الآن قاعد يبرطع ، ونأمم ونشوف ..بدا ب ضخ مية مليار دولار ، بعد صالون البيت وقع ،البنوهو الاخوان ديلاك،أولاد عمو بدو يأممو معاهو، اول حاجه مشوا صالون كبير إسمو فورتيس ، كانوا قايلنو قلعه ولكن طلع زريبه .. شفتى كيف يا أم رخم؟؟؟
ماشين على بلاد الفرنجه واحد واحد،يشردوا فى العمال شويه شويه،وينقصو فى المواهى، وبرضو ما نفع..بعد كده قالوا - يالدوله إنتى لازم تتحملى المسئوليه، تبنى بيوتنا من تانى ولازم تعملى قوانين تنظمى بيها سوق الله واكبر..ده بعد ما فتشوا القديمه،تتزكريها؟ زى بتاعه دار التقدم ،
خوفى عليك وعلى بلدك ، وأهلك الكتار ،بعد ما ألهوهم بالتكاثر،ما يلقوا حاجه يأمموها ، إلا المقابر..
وختاما سلمى على اولادك الحلوين فيدل وتشى وللصغيره إيزابيل وأبوها الشهيد، وقولى ليهم باروا الشمس ،ياها الباقيه ليهم ،ووريهم المركب العدوا بيها زمان ،يحتاجوها تانى.. أغشى أولاد عم ساندينو وسلمى عليهم ،صحيهم وقولى ليهم أبقوا عشره .إنتى كمان عليكى الدور وشدى حيلك.
ودمت
المخلص دائما

عشقاً جوانا مدارينك للشمس حتمشي مبارينك

أعلنت بلدان البنلوكس الثلاثة، بلجيكا وهولندا ولوكسمبورغ، أنها ستؤمم جزئيا مصرف فورتيس المتعثر من خلال مده بـ11.2 مليار يورو، لإخراجه من أزمته المالية، وتجنب تداعيات الأزمة المالية التي تعرفها الولايات المتحدة.

كل سنه وإنت طيب يا قريبى
وكل الاهل والاحبه والرفاق بالف خير ..
الازمه الاقتصاديه الحاليه للدول الرأسماليه,يمكن ان تكون أهم حدث فى القرن الحالى ,لأن تبعاته ستنعكس سلبا على الدول الفقيره ..لابد ان نستعد.
مودتى

قريبي ما قتا ليك استمتعت بالنص حتى الدهشة



رائع انت

شكرا يا صديقى
كن بخير...ودمت