Post: #1 Title: فى العيد : كل كلامى بالعينين Author: Ishraga Mustafa Date: 09-30-2008, 02:24 PM
هل تحتاج المحبة لعيد؟ ام انها لكل عيد وصالحة لكل زمان ومكان؟ هل تحتاج الوقفة مع الذات الى عيد؟ والغفران.. والرحمة.. وطقوس العيد الحميمة...
كل يوم والجميع بخير والعفو والعافية
Post: #2 Title: Re: فى العيد : كل كلامى بالعينين Author: عبدالوهاب علي الحاج Date: 09-30-2008, 02:44 PM Parent: #1
Quote: والعفو والعافية
اشراقة
عيدك مبارك
وكل سنة انت والعيال بالف خير
وتحياتي للوالدة الكريمة ونجوى
Post: #4 Title: Re: فى العيد : كل كلامى بالعينين Author: Ishraga Mustafa Date: 09-30-2008, 04:38 PM Parent: #2
هيبة يارفيق ايام الفرح والمرح والضحك والصفاء
كل يوم وانت كما انت، صافى النية والروح وضحكتك ديك تجلجل بالفرح
Post: #3 Title: Re: فى العيد : كل كلامى بالعينين Author: معتز القريش Date: 09-30-2008, 04:29 PM Parent: #1
العفو والعافية لله والرسول
Post: #5 Title: Re: فى العيد : كل كلامى بالعينين Author: Ishraga Mustafa Date: 09-30-2008, 04:39 PM Parent: #3
أخى معتز القريش
كل سنة انت واسرتك بخير تاميين ومليانين عافية وتصالح ذات
والعفو والعافية ياا خوى
Post: #6 Title: Re: فى العيد : كل كلامى بالعينين Author: حواء سليمان ابراهيم Date: 09-30-2008, 04:53 PM Parent: #3
شروق العسل كل عيد وكل لحظة يزدان الكون بيك كل لحظة وانتى اجمل ومبتسمة فى وجه العالم كما الآن
Post: #9 Title: Re: فى العيد : كل كلامى بالعينين Author: Ishraga Mustafa Date: 09-30-2008, 05:45 PM Parent: #6
اختى الحبيبة حواء
كل سنة انتى جميلة كما انتى واسرتك بخير ومليانين عافية ورضا
Post: #7 Title: Re: فى العيد : كل كلامى بالعينين Author: محمد عبد الماجد الصايم Date: 09-30-2008, 04:55 PM Parent: #1
كل عام والجميع بألف خير
Post: #10 Title: Re: فى العيد : كل كلامى بالعينين Author: Ishraga Mustafa Date: 09-30-2008, 05:47 PM Parent: #7
ربنا يديك الفى مرادك يامحمد
بركة قبايل العيد
Post: #8 Title: Re: فى العيد : كل كلامى بالعينين Author: عبدالعظيم محمد أحمد Date: 09-30-2008, 05:14 PM Parent: #1
وفي عينيك دنيا غريبة،، دنيا ملانة محنة و طيبة،، مرة تدفع و مرة تجمع،، مرة تاخد كل أعماقنا تابا تجيبا
عيد سعيد وتعود الايام بالاماني السندسية
Post: #12 Title: Re: فى العيد : كل كلامى بالعينين Author: Ishraga Mustafa Date: 09-30-2008, 05:55 PM Parent: #8
وعيدك اسعد ياعبدالعظيم
وعيدى سعيد...
خبزنا كعك اللمة وضحكنا وغنينا وجو فيينا كان اليوم ربيعا
ومع ذلك ثمة ماينقصنا.. دخلة الناس والجلابيب البيضاء وفرحة عيالنا فى العيد..
يالعيد ابام زمان
Post: #11 Title: Re: فى العيد : كل كلامى بالعينين Author: الجندرية Date: 09-30-2008, 05:52 PM Parent: #1
وإنت بخير يا شروق عفوياً يهنيك ويمنيك ويطرح البركة فيك يا حليل مقالدة العفو بتاعت العيد دي
Post: #16 Title: Re: فى العيد : كل كلامى بالعينين Author: Ishraga Mustafa Date: 09-30-2008, 07:31 PM Parent: #11
Quote: يا حليل مقالدة العفو بتاعت العيد دي
ياحليلها ساى يا امانى؟
المقالدة دى حنينة وبتخليك تتخجى من المشاعر اللى بتملأنا فى اللحظات دى
كنت فى كل عيد ببكى بتزكر الماتوا الفاتوا الرموا اشواك الحزن فى دربى واللى عشبوها بالامل
كلهم بيمروا زى طيف مجنون زى برق بتروح معاه بصرة العين وبتضوى جوووووة القلب
حسع .. فقدت ضمن مافقدت تلك الدمعات اللى بتنزل حارة ومبوخة بحنان غريب حنان قاعد مستنى حالات انفجاره على يد رحيمة
كل سنة وانتى كما انتى جميلة ياصاحبتى
Post: #13 Title: Re: فى العيد : كل كلامى بالعينين Author: sanaa gaffer Date: 09-30-2008, 06:11 PM Parent: #1
Quote: العفو والعافية
الحبيبة اشراقة ...
الكلمتين الفوق ديل من اجمل ما يمكن ان يقال .. بيهم بتتغسل النفوس .. وتطيب الخواطر ..
كل سنة وانتي طيبة .. وكل المعاك بالف خير وعافية .. وتحية خاصة لامنا واختنا بطرفك ...
ــــــــــــــــــــــــ
عيد مبارك ... ويعود على الجميع بالخير ....
Post: #17 Title: Re: فى العيد : كل كلامى بالعينين Author: Ishraga Mustafa Date: 09-30-2008, 07:44 PM Parent: #13
Quote: بيهم بتتغسل النفوس .. وتطيب الخواطر ..
سنوية ياحبيبة
كل يوم وانتى بذات الهدوء والرصانة والجمال
يااااه ياسناء، وتحكينى عن غسيل النفوس؟ عارفة، نفسى دى كل يوم اطلعها منى واجليها بالمحبة وتعلم الصبر، الصبر المجيد
لمن اشيل ضغينة جوايا بحس انى بموت وبتموت فينى الحياة
الزعل صحى زى الغنا والكتابة زى قراية رواية بتشردك فى دروب احداثها ولمن تضع الكاتبة نقطة تكون روحك بتفتش فى الدرب اللى يرجعها ليك
كنت بقول فى شنو؟
العيد؟
قبل رمضان بيوم خمين رماد الحزن بالغناء ومشاهدة رقص الفلامنكو فى قلب جزيرة الدانوب حسيت بانى ذات هوى جاميكى
وامس كانت سهرتنا بالطيب عبدالله وعود لينا ياليل الفرح وايامنا الخوالى وغنيت ومابكيت.. بكيت وانا بغنى والغناء سلطة روحى التى يجب ان لاتنسى ياسناء؟
غنيت.. واستعادنى صوتى الى الفرح
لك اجمل الامنيات
Post: #14 Title: Re: فى العيد : كل كلامى بالعينين Author: Adam D.El-Asha Date: 09-30-2008, 06:21 PM Parent: #1
كل عام وانت بخير وربنا يحقق غالي الامنيات والعافية والصحة للوالدة الكريمة..
ودمت معزة..
آدم العشا
Post: #15 Title: Re: فى العيد : كل كلامى بالعينين Author: دينا خالد Date: 09-30-2008, 06:44 PM Parent: #14
شروووووق كيف حالك
وكل سنة وانتى اجمل واحلى ,,,
والعفو ْْْX العافية
وتبرى من الحسرة واللهف ,,,
ــــــــــــ اشراقة ؟؟ مالك جنيتى ؟؟
دايرة تقومى نفسك بى معايدة الناس ديل كلهم ؟
قبلك ....
Post: #18 Title: Re: فى العيد : كل كلامى بالعينين Author: عبدالغفار محمد سعيد Date: 09-30-2008, 07:56 PM Parent: #15
كل سنة وأنت طيبة
Post: #26 Title: Re: فى العيد : كل كلامى بالعينين Author: Ishraga Mustafa Date: 09-30-2008, 09:39 PM Parent: #18
اوانت طيب ياعبدالغفار واسرتك بالف خير
Post: #21 Title: Re: فى العيد : كل كلامى بالعينين Author: Ishraga Mustafa Date: 09-30-2008, 08:21 PM Parent: #15
دندونتنا
كل يوم فى حياتك وانتى طيبة وبديعة وسريعة البديهة كما انتى
يا اختى الحسرة دى دواها ساهل.. تمشى بس اما اللهف ده خليهو فى مكانه لمن تتلهف روحك على شىء بيطول ليلها للتأمل والاسئلة الماليها اجابات الاّ تغنى بس
من امس ماخليت غنية بتحبها امى للطيب عبدالله وماغنيتها واتزكرت تفاصيل كتيرة حكيتها ليها، كانت ميتة من الضحك، اغنية عثمان حسين الفوق دى اول اغنية غنيتها فى حياتى، فى تانية عام شفت نسوان حلتنا اجسادهن شاردات فى براحات توب الزراق والفرد الماخمج وشفت كمان حبيبى الاول.. واتزكرت تفاصيل آخر رسالة كتبها لىّ؟ عارفة شنو؟ ولياتو فنان؟ اها اسمعى وادى ربك العجب، انا بحب الزول ده
========
Quote: اشراقة ؟؟ مالك جنيتى ؟؟
دايرة تقومى نفسك بى معايدة الناس ديل كلهم ؟
قبلك ....
ياريتهم لو كانوا هنا، كنت خبزت دقيق روحى ليهم وليك قبالهم
كل عيد وانت طيبة وحبيبى الاول مخدرة دروبه وضراعو، قولى آمين
Post: #20 Title: Re: فى العيد : كل كلامى بالعينين Author: Ishraga Mustafa Date: 09-30-2008, 08:10 PM Parent: #14
آدم العشا
وتمنياتك عشا الحبان
ربنا يديك العافية وطولة العمر
Post: #19 Title: Re: فى العيد : كل كلامى بالعينين Author: طه كروم Date: 09-30-2008, 07:59 PM Parent: #1
ذات الضفائر
عيدك مساحة ممتدة تكســوها طيبة قلبك الرهيف
والدعــوات لك ولست الحبايب بالصحة ومــوفور السعادة
وجعل الله كل أيامك عيد .. ياإشــراق يوم باكر الجميل
Post: #22 Title: Re: فى العيد : كل كلامى بالعينين Author: rosemen osman Date: 09-30-2008, 08:30 PM Parent: #19
كل سنة وأنت مشرقة يا حبيبة وكل سنة وأنت بتذرعى فى دروبنا لون الشمس وخضرة الأمل وتحصدى من قلوبنا حب وتقديربحجم طيبتك وربنا ينعم على ماما بالصحة والعافية
Post: #30 Title: Re: فى العيد : كل كلامى بالعينين Author: Ishraga Mustafa Date: 10-01-2008, 08:20 PM Parent: #22
روز محبتنا
ليك شتلات قلوبنا حنينة
كل يوم انتى مبدعة وجميلة ومليانه بالحياة متأملة ومفكرة
واجمل الامهات ياصديقتى..
------ الامهات؟!! حبلى جدا بالامومة ياصديقتى
Post: #29 Title: Re: فى العيد : كل كلامى بالعينين Author: Ishraga Mustafa Date: 10-01-2008, 10:27 AM Parent: #19
وضفائر حلمك تطول زى النيل يا طه كروم
قول آمين.. فقد قالتها لاجلك ملائكة الرحمة
Post: #23 Title: Re: فى العيد : كل كلامى بالعينين Author: ihsan fagiri Date: 09-30-2008, 08:31 PM Parent: #1
اشراقه الحبيبه كل سنه وانتي طيبه وربنا يحقق الاماني
والعفو
Post: #24 Title: Re: فى العيد : كل كلامى بالعينين Author: هند محمد Date: 09-30-2008, 09:03 PM Parent: #23
كل عام وانتى بألف خير اشراقة عيدك مبارك وربنا يحقق الامانى
Post: #25 Title: Re: فى العيد : كل كلامى بالعينين Author: محمد الجزولي Date: 09-30-2008, 09:35 PM Parent: #24
Quote: اها اسمعى وادى ربك العجب، انا بحب الزول ده
ومين سمعك .. موووووت ياأشراقة
وكل سنة وانتي اطيب من العنبر .. وحياتك تمشي بشويش هادئة وجميلة .. والخير يعُم اجنابك .. والبركات تملى جوارحك .. وأزهار الصباح ندية تحفك محل ماتقبلي ..
قولي أمين يابت مصطفى
مع ناصع مودتي
Post: #27 Title: Re: فى العيد : كل كلامى بالعينين Author: mamkouna Date: 09-30-2008, 10:18 PM Parent: #1
كل سنة و إنتي طيبة يا إش إش.. ربنا يحقق جميع أمنياتك .. و يجعل قلبك عامر- كالعادة - بالحب و العطاء.
Post: #28 Title: Re: فى العيد : كل كلامى بالعينين Author: محمد البشرى الخضر Date: 09-30-2008, 10:19 PM Parent: #1
كل سنة وانتي طيبة يا شروق ويعود عليك بالخير و السعادة وتحقيق الأماني ربنا يحفظ اولادك و يبارك لك فيهم
Post: #31 Title: Re: فى العيد : كل كلامى بالعينين Author: بدر الدين اسحاق احمد Date: 10-01-2008, 08:52 PM Parent: #28
