|
|
 رحلة العيد يا بورداب الإمارات
|
العيد ان شاء الله يوم ثلاثاء او اربعاء كل عام و انتم بخير
رايكم شنو نبرمج يوم الجمعة بعد الصلاة في المنتزه الوطني - الشارقة طريق المطار
برنامج اسري و شواءات و كشاتين و بتاع
نوزع الإلتزامات على المشاركين
انا علي تجهيز الخريطة 
يلا يا شباب مشاركتكم مطلوبة
ناس كلمة مرحب باي صور او شعارات ما مشكلة ما بنقول شي
لكن علي اليمين بوستاتكم بعدين إلا تقول بس من الصور و اللنكات الح تجيها
|
|
 
|
|
|
|
|
|
|
 Re: رحلة العيد يا بورداب الإمارات (Re: محمد البشرى الخضر)
|
العزيز ود البشرى..
تحياتي..
حاضريييييييييين ...
أتمنى أن يتم التوافق على موعد يناسب الجميع مع الأخذ في الإعتبار أن ثاني أيام العيد يعتبر يوم التواصل الإجتماعي لكثير من الأسر ( يعني ختونا تانية العيد)..
تعرف ياود البشرى حديقة المطار دي مكسب ..عشان واضحة وما محتاجه Google Earth ..
خريطة زي بتاعتك ديك والله الجماعة تمرقهم في كلباء.
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
روغيم يا عمك...
عليك البلح طبعا
بلد ...
حبابك عشرة
مرحب بيك والله لاقينك وين احنا
قرضابي ياعمك...
باللاي اليوم داك صادر لينا ماكينة شاورما بالزلمة بتاعها معاك
ود الموج عينو حارة ياخ كلامك صاح اخير نعزموا
حمودي ...
مرحب بيك بالجد واللاي
ناس كتير هنا نفسها تشوفك و بسالوني منك
ما تعمل حركة كدا وتعال اقضي العيد هنا
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
سلامات يا ود البشرى
الفكرة جميلة
أرى أن يكون التوقيت يوم الخميس أو يوم السبت للأسباب التالية
- يوم الجمعة تتوسطه فريضة صلاة الجمعة لذا أنه ( ومن خبرات سابقة ) فمعظم الحضور سوف يأتون بعدها مما يتسبب في ضياع وقت طويل .
- أغلب الظن أن العيد يوم الثلاثاء باعتبار شعبان كان ثلاثين يوماً وبالتالي فالمرجح أن يكون رمضان تسعة وعشرون يوماً
- حيث أن الدوام الرسمي سوف يستأنف صباح الأحد فسوف يحتاج الناس ليوم السبت لترتيب أمورهم
لذا يكون خيار يوم الخميس مناسباً
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
ساري الليل مرحب
طيب تقترح وين حديقة الممزر مثلا - في الحالة دي إلا تجيب الخريطة انت
ابارو يا عمك
ياخي فيزا للبلد دي بتطلع من عندكم اسهل من هنا
باشمهندس عاطف ...
طيب نتجنب تاني يوم و نتجنب الجمعة و السبت ما كل الناس ماجزة طبعا
يبقى غالبا الخميس , نسمع اراء بقية الأخوان
ها ح تجيب شنو معاك البروش و الشطة ؟
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
Quote: مرحب مرحب سرورة بنت العم
دبي و ضواحيها تنور
ما عندك مشكلة حاضرين تامري امر
(ابارو ما تتحسس دي بت عمي ) |
Quote: ود العم ركززززز..
دي انا ما حنين ... |
ياستي هو مرككككككككز بس انت الركزي معانا شوية حنين للبلد الجاب سيرتها منو اسه...والفيز دي ليكم انتو حنين للبلد بتدخل اي بلد دون فيزا مش زيكم
اها النمشي نتم شغلنا....
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
عبدالله بابكر ازي الحال
انت و اشرف طه متمني اشوفكم بس لله و الرسول
طوالي في البوستات معاكم معاكم لكن ما حصل اتشرفنا بلقياكم
اتمنى المرة دي نقابلكم و كل الأخوان الما اتمكنوا يجوا الإفطار
سرور ... العتب على النظر و عدم تعليم الحاجات
بلد ...
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
Quote: سرور ... العتب على النظر و عدم تعليم الحاجات 
بلد ... |
ودالبشرى
إنزيك
ملاحظ إنك بتكتر من (توزيع البسمات) في مداخلاتك بصوره مكرره وبايخه جداً
كثيرون نقلوا إحساس بخيبة أمل بعد أن قابلوك وجهاً لوجه خارج صفحات المنبر فمن قابلوه يختلف تماماً عن الشخصيه الموجوده بالمنبر .
ماوردني أن الشخصيه الحقيقيه غايه في السماجه والـ(بياخه) .
(ملك البسمات)
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد فرح)
|
ود فرح يا لخوخة
(انزيك) انت دا
تصدق كنت داير اقول ليك ح ارد ليك بعد الفطور لكن ما مشكلة لإني زول بايخ و سمج زي ما تفضلت حقو ارد ليك اسي
اولا يا ديك العدة الإقتباس الجبتو قاطعو من راسك إلى حد ما كدي راجع
ثانيا شكلها حرقتك خلي روحك رياضية و اكلها عادي
بس تاني ما تتفولح و تنهى عن فعل و تاتي مثله ولا كيف؟
اقول ليك حاجة .... ارجاني بعد الفطور
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
ودالبشرى
قبيل داير أخت لي بسمه في البوست بتاع بقال حق الإعتذار
أنكر الرسالة الجاتني شنو
جميع البسمات تم إستخدامها من قبل العضو محمد البشرى
حالياً البسمات غير متاحه
الرجاء معاودة المحاولة لاحقاً
غايتو لانملك سوى أن نقول
حسبنا الله ونعم الوكيل
تصدق أنا حردت مشاركتي الكنت حأرفعها في بوست بقال
لأنو بدون إبتسامه المشاركه مافي ليها أي داعي
شكيتك على الله بس
| |
|
|
|
|
|
|
|
|
|
Re: رحلة العيد يا بورداب الإمارات (Re: عبدالرحمن الحلاوي)
|
فكرة رائعة يا ود البشرى
ونريدها عائليةوعذابية
يعني كل واحد يجيب اسرته معاه
يوم الخميس مناسب جدا جدا
وكذلك الحديقة الكبرى قرب المطار
موقعها ممتاز للكل
لانها قريبة من شارع الإمارات
والطريق اليها سالك ( مش سالك دبي )
بالتوفيق
| |
|
|
|
|
|
|
|
|
|
Re: رحلة العيد يا بورداب الإمارات (Re: الزنجي)
|
الجميل ود البشرى ....شكرا ليك وانت تتحفنا بنشر الفرح والخروج بنا من هموم ورهق الغربة ...
فالارض خضراء وان طالتها البراغيث ....
انا من هنا ومن الان بوجه كلامي دا لك انت صاحب الفكرة والماريين وحيشاركوا ...ز
بالنسبة للمواعيد ما عندنا مانع ..الانسب للجميع الخميس او الجمعة كيفما تتفقوا ....
الاكل من الان علي (سلطة الاسود والطعمية ...اها قصرت
لكن:
حنناقش امور ملتقى المليون وشان (اطفال المايقوما ....ووووووغيرها من الاعمال الخيرية التي نود ان يكون طابع الرحلة ضمنها
ما عايزين ينط لينا
شلبي ...
او محمد سيد احمد
الزمن بكفي للونسة والترفية
دا شرطي من الان والكلام دا بوجه من الان ....وما عايزين رد هنا الرد والاتفاق بالتلفونات واخطار بالموافقة فقط او الرفض
ولكل الاعزاء :كل سنة وانتم طيبين
ونلتقي
لكم محبتي
| |
|
|
|
|
|
|
|
|
|
Re: رحلة العيد يا بورداب الإمارات (Re: نعمات حمود)
|
نعناعة يا جميلة ...
الأخوان للامانة معذورين المرة الماضية الموضوع كان فيه لبس و نوع من المفاجاة
وما دايرين نقيف في المربع دا كتير وعموما حصل خير , قابلنا اخوان كرام و جدا تشرفنا و سعدنا بمعرفتهم
ملتقى المليون ميل عمل خيري في المقام الأول يجب ان يجمع لا ان يفرق
معليش اسمحي لي لكن حكاية شرط و ما شرط دي انا ما معاك فيها
قدرنا نعمل اجتماع و نكون المكاتب فبها خير و بركة ما اتوفقنا ما ح يكون سبب اننا نختلف مع اخواننا
واهو العمل ماشي و رانيا ما شاء الله عليها جمعت حصيلة ممتازة و موضوع الملابس برضو في تقدم
احترامي و معزتي العارفاها و كدا
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
Quote: دا شرطي من الان والكلام دا بوجه من الان ....وما عايزين رد هنا الرد والاتفاق بالتلفونات واخطار بالموافقة فقط او الرفض
ولكل الاعزاء :كل سنة وانتم طيبين
|
انت يا عمك
الناس دي نفسها حار كده من هس ليه
يعني يا نعمات مش قالوا السكات رضا
و المس كول طلب والاتصال قبول
| |
|
|
|
|
|
|
|
|
|
Re: رحلة العيد يا بورداب الإمارات (Re: Salah Abdulla)
|
| Quote: بالله صاحبي أشرف طه ده ما تنسوه في الرحلة .. |
يا فردة
أخوك يوم الجمعة الصباح ماشي هناك جنب (السُكرية)
عشان يحجز ليهم حافلة كرت
وكان عملوها في ضهر التمساح بتكون شديدة
لأنو ممكن تنقُش البمبة من بعيد
بعدين رحلات الشجرة دي بتجيب (بعام) كمية 
المهم انت عدِّي علي في البيت وجيب الشيرنق المسا
ولا أقول ليك ألقاك في النقعة بعدين
إشي !
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
Quote: ابارو يا عمك
ياخي فيزا للبلد دي بتطلع من عندكم اسهل من هنا
|
ياعمكــ والله أبارو ده ما بتعرفو .... تقول لي كدا ... جب جرب تلقى جوة الحتة بتاعتكم دي
ياخ ده الخرطوم مدني عنده زي الشارقة دبي !!!!
ياعمكــ ... قلت لي بت عمكــ ؟؟؟!!! سؤال ساااااي .... وبرئ شوية !!!
| |
|
|
|
|
|
|
|
|
|
Re: رحلة العيد يا بورداب الإمارات (Re: ممدوح أبارو)
|
نعيم يا ملك...
سلامات و مشتاقين و بتاع
لا اطمنك المرة دي لا فلبينيات لا سبعة نجوم لا بطيخ
مشاوي و بروش و شطوط و حريق مدور
يعني شعب ساي وكنب
احمد موسى يا عمك...
سمح صدقتك في براءتك
آي بت عمي - اي سؤال
طارق جبريل يا عمك...
حسي كان بورداب المغرب الخمسة قالوا يعملوا رحلة و عايزين يلعبوا كتشينة ح تجيبوا زميل لخامسكم من وين
إلا تلعبوا كش الولد غايتو
ابارو يا عمك....
ما عليك منهم ديل - الله يكفينا شر بلنتيات آخر الليل دي
| |
|
|
|
|
|
|
|
|
|
Re: رحلة العيد يا بورداب الإمارات (Re: عصام علي أحمد)
|
Quote: بصورة سريعة محتاجين للتالي.
- لحم جاهز للشواء
- فحم و اسياخ
- مفارش
- اطباق و كبابي دسبوزال
- خبز و سلطات و شطة
- كراسي ما بطالة ( لي ناس الكروش و الرطوبة)
- ماء و ثاج
- مشروبات باردة و عصائر
- جوزين كوتشينة
يلا يا شباب في انتظار اضافاتكم
انا ممكن اجيب الاطباق و الكبابي و المشروبات الباردة |
ودالبشرى إنت ناسي أنحنا صايمين ولا الليله مع الصيام عاوز تتشهى وتشهينا ؟؟؟ عموما معاك لآخر السكه الخميس مناسب وحديقة المطار مناسبه جدا .
بعدين عثمان رغيم بقول ليك باب الشمس والمها وهو معيد في السودان ... يعني يا عثمان عاوز تودينا قريب العين وإنت قاعد في الشماليه ؟؟؟ والله مشتاقين
| |
|
|
|
|
|
|
|
|
|
Re: رحلة العيد يا بورداب الإمارات (Re: ABDELDIN SALAMA)
|
عربي يا عمك
افتقدناك في الإفطار وافتقدنا عدسة الفنان
نطالب حضورك للرحلة بشدة
هلا يا عصام
الممزر اقتراح كويس برضو ممكن يضاف للخيارين التانيات
يا شباب نسمع اراؤكم بالنسبة لتحديد المكان
بالنسبة للشير يا عصام فممكن احنا القريبين من بعض ندفع التكاليف المطلوبة و نجمع يوم الرحلة من الأخوان
عايزين تقديرات للكمية المطلوبة
عبد الدين ازي الحال
يعني عمك روغيم ملبسنا العمة طلع - برضو ما بنعفيه من البلح
قفة يا عمك...
الكراسي مهمة - زي ما عارف طبعا - عشان المسائل
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
الأعـزاء الغاليين،،
أتمنى ان تتبلور الفكرة ونسعد باحتفالية( عيدية) تسهم في توثيق الروابط الاجتماعية بين البورداب..
ود البشرى..
ربنا يقويك ولكن عندى وجهة نظر في موضوع المساهمات (العينية)إن جاز التعبير لان التجربة السابقة لرحلة البورداب 2004 إلى حديقة الصفاء كانت ناجحة وتمثلت في توفير جميع الاحتياجات من خلال مصدر واحد(عمدتنا الجريفاوي) ربنا يديه الصحة.
مايعني عدم تشتيت الجهد ونبقى بعدين في(اللحمة شوية و طعمية نعمات ملحها كتير وعصير شلبي مسيخ والزنجي نسى يجيب العيش) لذلك أقترح أن تشكل لجنة ثلاثية بعضوية نسائية لتوفير الاحتياجات والتي ستنحصر على ما أعتقد في توفير اللحوم و العصائر وأدوات الشواء والكاسات و الأطباق وكم حاجة كده..
اقترح لجنة التنسيق من الزملاء: ود البشرى - نعمات -عمر عبد الخالق ونلتزم جميعاً بالمساعده و المسانده في إنجاز المهام.
العزيزه نعمات..
Quote: لكن:
حنناقش امور ملتقى المليون وشان (اطفال المايقوما ....ووووووغيرها من الاعمال الخيرية التي نود ان يكون طابع الرحلة ضمنها
ما عايزين ينط لينا
شلبي ...
او محمد سيد احمد
الزمن بكفي للونسة والترفية
دا شرطي من الان والكلام دا بوجه من الان .... |
ياستي إنت بس شرفي الرحلة ونوري المكان .. وماعندك عوجة لك ما تريدين و كان دايره تعملي جمعية عمومية تانية ( بدل فاقد)انا بجيب لك معاي صناديق لزوم التصويت وكده..
يا ستي لك العتبى وعميق الاحترام
| |
|
|
|
|
|
|
|
|
|
Re: رحلة العيد يا بورداب الإمارات (Re: Shalabi)
|
الاخ ود البشرى والمتداخلين ...لكم المعزة والامنيات الطيبة ..
بالنسبة للمكان رغم اني ما عندي عربية وكدا لكن ما في مشكلة مايكون مناسبا للاغلبية مافي مشكلة ...
وبالنسبة للطعمية والسلطة حاجيبهم للتصبيرات لانو لمن نولع النار وكدا بكونوا في ناس شوفا بقى طشاش طشاش من الجوع (خارج النص )..
شوفوا الناس في حدود كم (الناس القريبين يعملوا الشيرنق وانا اعرف في لحووم مخصصه لهذا الجانب
التوابل وتجهيز اللحمة علينا انا ورانيا وانتو عليكم الشيه داخل الحديقة ..
لايفوتني (رانيا متخصصة كبدا قالت وحتجيب برضو معاها شوية (لذوي الحالات الخاصة )..
يحدد شخص للخبز ..
واحد للمشروبات
واحد للماء تحديدا
واربعة للمفارش
وحنجيب ليكم فنان بعود تجنبا للضوضاء (ناس الافتاء يمتنعون ..)
عايزين لجنة للبرنامج بالذات الترفيهي
وماتشيلوا هم ....
اي شخص عندوا شواية يجيبة (اقصد السلك )لاختصار الزمن وانا عن نفسي حاجيب ...
الاستاذ شلبي والاستاذ محمد سيد احمد ...
عذرا وعفوا جميلا ..(لحكاية ينط دي )لم اقصد سوى المزح وربما جاء لما داربيننا في نهاية الافطار من تعارف وهظار لاغير
عفوا وارجو الا اكون (....)والله لم يجمعنا الا الخير وكذا نكون بكم ومعكم دايما
اتوقع حضوركم ومشاركتكم ان كان لكم الرغبة
ويا ناس عجمان خلوا الحنك وجيبوا الشيرنق
شلبي عفوا وعذرا فقد توجست خيفة ان تفهمني كما فسر البعض كلامي ولك معزتي
شكرا لكم ونلتقي
| |
|
|
|
|
|
|
|
|
|
Re: رحلة العيد يا بورداب الإمارات (Re: sari_alail)
|
اخونا احمد
تحياتي
والله المكان مناسب و خاصة منتجع المها و في طريقتين
الطريقه الاولي الحجز وتحديد الخدمات و حجم المكان
ولازم من بدري لان موسم العيد بكون مزحوم وهذه هي الطريقة الرأسمالية
الطريقه الثانية هي طريقة نجلتون وهذا الاسم بتاع النجيله القدام فندق الهيلتون
في الخرطوم يعني تطلع من البيت قاصد الهيلتون وتريح في النجيله قدام الهيلتون
وكيس ترمس و كيس كبكبي
والله المكان جميل لكن شويه مكلف
لكن يا شيخنا انت ما تقترح عليهم جبل حفيت أو العين الفايضه خليهم يفسحو العيال شوية
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
ود البشري يا (المبروك)..
| Quote: سلامات و مشتاقين و بتاع |
والله بالاكتر وبتاع وهناي كمان..
ياخ جيبوا فلبينيه واحده انشاءالله
ممرضه مثلا..
شان عيون ناس (بورداب حلاوه لكوم) ديل..
ودعواتم..
يمكن تحتاجوا ليها ياخ..
انا مفكر اجيكم (صحبة راكب) مع ابارو
او غيرو...... مثلا
| |
|
|
|
|
|
|
|
|
|
Re: رحلة العيد يا بورداب الإمارات (Re: Amira Elsheikh)
|
يا بت الشيخ
سلامات
Quote: لانو الشية دى من غيرو ما عندها طعم...
|
هو خلاص لخبتو الاختساس هو الشية والشربوت مش بتاعين عيد الحج
وبعدين الكعك و النزلات المعويةبتاعين عيد رمضان
برضو ما مشكلة ادينا الوصفه
انا مطلوب مني احضر التمر
اها لو ما لقيت تمر تين ينفع؟
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
سـلام
اؤيـد اقتـراح عصام , حديقة الممزر
مناسبة للشوى والقعدة كمان حتكون جميلة لانها مطلة على شاطئ الممزر مباشرة , بس اوعى واحد يقول عايز يسبح ونبقى في الاسعاف والشرطة .
انا علي العصير و و ...... وبس
منى خوجلي
يا ريت تشرفينـا
| |
|
|
|
|
|
|
|
|
|
Re: رحلة العيد يا بورداب الإمارات (Re: رانيا قاسم)
|
(*)
يا(ودالبشرى) و(عصام) , أنا طالبكم (خروف)
ومعيد عنكم في الإمارات , الوصف , الوصف ياعمك , حديقة الممزر دي وين لي (أم القيوين) ,..
عشان ماتروحونا المرة دي ,..
بالمناسبة جاي معاي (ياسر مبيوع) , يعني فنانكم علي , ..
| |
|
|
|
|
|
|
|
|
|
Re: رحلة العيد يا بورداب الإمارات (Re: كمال علي الزين)
|
منو ...
كل سنة وانتي طيبة
مالك زهجانة خير امي ... مرحب بيك طبعا
لو ما شالتك البلد عيونا بتشيلك
عايزة فيزا ولا امبريالية زي حنين
بت الشيخ...
شنو يعني يا ناس الدوحة الحاكو حاكو دا
ناس المغرب ليهم الله و الفرجة في النت و الدعا بعد داك
كيمو يا شين...
مرحب بيك كتير ياخ
جدا نتشرف بحضورك و ياسر , بس بالله ما تعمل لينا جاكات المرة الفاتت
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
هلا بالشباب و آسفين على التاخير
بالنسبة للمكان اتضح انو عمك روغيم عامل لينا حركات حق ساي بالمنتجعات
يبقى خلونا في الإقتراحين التانيات منتزه المطار او الممزر - باللاي يا شباب على نهاية اليوم او غدا نكون حسمنا امر المكان
ناخد بي راي الأغلبية و كدا
ملاحظة شلبي في محلها تماما مقروءة مع تعليق تعمات ايضا Quote: يحدد شخص للخبز ..
واحد للمشروبات
واحد للماء تحديدا
واربعة للمفارش |
في بعض الأشياء تحتاج مشاكة الباقين زي المفارش مثلا
عموما المموعة المتواجدة في الشارقة قريبين من بعض انا و نعمات و عمر و عصام و الزنجي و حمودة و اسامة من الذيد اقترح ننسق بالتلفونات سوا للتجهيزات
يلا يا شباب اتمنى الناس تدخل البوست عشان تقديرات العدد و الكميات و حسم امر اختيار المكان ايضا
تلفوني 0504682415
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
الحضور حتي الان
1 محمد البشري الخضر
2 عثمان رغيم
3 القرضابي
4 شلبي
5 ساري الليل
6 عاطف عمر
7 عبدالرحمن الحلاوي
8 اسامة ادريس
9 الزنجي
10 نعمات حمود
11 اشرف طه
12 احمد العربي
13 محمد ابراهيم عثمان
14 عصام علي احمد
15 عبدالدين سلامة
16 عمر عبدالخالق
17 رانيا قاسم
الاحتياجات
مفارش
عصاير
ماء
( سندوتشات للافطار فلافل+جبنة+سمون وغيره)
شاي
قهوة
لحمة للشواء
سوف تقوم مجموعة الشارقة بشراء اللحمة وتجهيزها
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
اليوم و غدا آخر ايام الدوام قبل اجازة العيد اعاده الله علينا و عليكم بالخير
الاخوان العتدهم نية المشاركة الرجاء دخول البوست او الإتصال عشان نقدر تقدر العدد - عصام بالله خت تلفونك هنا
ثانيا موضوع المكان لازم يحسم اليوم او غدا
عصام اضيف هيثم عبد العزيز
وما تنس الأسر
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
شباب صباح الخير
يالنسبة للمكان يا شباب و بعد ديسكوالفاينج صوت عمك روغيم
الممزر حاز على صوتين فقط (عصام + رانيا)
منتزه المطار بقية الأصوات
(نموذج لكيفية فرز ناس المؤتمر الوطني الأصوات في الإنتخابات الجاية )
يبقى يا شباب نتفق على المنتزه الوطني - شارع المطار ( الخريطة بعدين)
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
Quote: الممزر حاز على صوتين فقط (عصام + رانيا)
|
ود البشرى
عيد سعيد
فترت من رمضان كريم
لوسمحت + داليا بضم صوتي للجماعة .
عصام
عموري اهم زول ...قفلت علي ..قلنا نربيهم أحسن
.................................
رانيا
رسلي المعلوم ولا....
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
منتزه الممزر مكان جميل وخلاب وموقعه مناسب للقادمين من دبي والشارقة،
لكن عليه تزاحم شديد في الأعياد والجمع والعطلات الرسمية، ومن الصعوبة
إيجاد مكان مريح وشوايات كافية، لذلك أرى أن منتزه المطار ربما يكون الأنسب..
آخر مرة مشينا منتزه الممز كان قبل عدة شهور، ورغم إننا ذهبنا مبكرين، لكننا
ولعدم توفر شوايات تناولنا فطورنا بعد صلاة المغرب.
وحتى لا تتكرر التجربة سواء في الممزر أو منتزه المطار، أقترح عليكم بأن يتم
الاتفاق مع مطعم لتجهيز خروف كامل مع الخدمات، ولا بأس من تجهيز سندويتشات
للفطور..
نحتاج لمفارش ويمكن أن يحضر كل واحد فرشة معه، ويلتزم واحد أو اتنين بشراء
بقية الاحتياجات من موية وخبز وحلويات وفواكه وعصائر وغيره ونحصر المنصرفات
بعد أن نتجمع..
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
| Quote: لايفوتني (رانيا متخصصة كبدا قالت وحتجيب برضو معاها شوية (لذوي الحالات الخاصة ).. |
نعومة يومك زين
في داعي للشِبك دي ,ولا قلت ولا حاجة 
داليتنـا الغاليـة
Quote:
رانيا
رسلي المعلوم ولا....
|
نحن بنقول يالله , انتو تقولوا استغفـر الله 
| |
|
|
|
|
|
|
|
|
|
Re: رحلة العيد يا بورداب الإمارات (Re: رانيا قاسم)
|
زنجي حنتصل عليك ان شاء الله
ماجدة كل سنة و انتي طيبة و بالف خير
شكرا جزيلا
استاذة داليا ..عيد سعيد
| Quote: لوسمحت + داليا بضم صوتي للجماعة . |
طيب كدا يا دوب تميتو صوتين
انا كنت مجامل رانيا
(فرز مؤتمر وطني قاليك)
هلا نصر الدين...
ما عارف راي الشباب لكن موضوع الخروف دا شوية صعب
عموما نشوف الأراء | Quote: نحتاج لمفارش ويمكن أن يحضر كل واحد فرشة معه |
هلا عبد الدين ..
جيبوا في الحديقة ان شاء الله
رانيا ...
المطار زاتو اظرف
فيه طيارات
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
وووووووو ... ود البشرى ممكن اشارك ؟
انت بورداب الامارات دى على وزن اولاد العمارات ؟
لقيتكم تعبانيييين والله ,,,
اليس فيكم من خواض يلم الدور دا ؟
واهم حاجة الديسبوزبل ( دا انا ممكن ارسل ليكم قروشو من هنا دا ) ..
رافة بنا من بوستات العدة !!
ــــــــــــــــــــ
ود البشرى ؟؟ شايفاك فتحت ليك باب فيز دعه مواربا
ما تسدو وتستريح الشافك مرحل ما كضب ,,لووووووب !
ـــــــــــــــــ
صديقى عصام عظييم ودى ,,,
| |
|
|
|
|
|
|
|
|
|
Re: رحلة العيد يا بورداب الإمارات (Re: دينا خالد)
|
فاتنى ان اقول
العرافة قالت اووووووول واحد ح يتخلف
عن الرحلة دى هو ودالبشرى نفسه !!
ـــــــــــــــ
السبب شنو لسه ما افصحت هذه اللئيمة ....
والله حته ما فيها نوبينا بتمشوها كيفن انا ذاتى ما عارفة
| |
|
|
|
|
|
|
|
|
|
Re: رحلة العيد يا بورداب الإمارات (Re: Amir Omer)
|
هلا أمير و مرحب بيك
تشارك طبعا نتشرف بيك كتير
كل سنة وانت طيب
دندونتو ...
كل سنة وانتي طيبة و الجاية على ما تحبي
باب الفيز نخليه موارب قلتي
شنو السنة دي ح تغيري من الدوحة ولا شنو
عموما مرحب بيك كتير
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
كل عام وانتم بالف خير
اتفقنا على يوم الخميس ثالث يوم و المكان منتزه الشارقة الوطني على شارع المطار
الحضور حتي الان
1 محمد البشري الخضر
2 عثمان رغيم
3 القرضابي
4 شلبي
5 ساري الليل
6 عاطف عمر
7 عبدالرحمن الحلاوي
8 اسامة ادريس
9 الزنجي
10 نعمات حمود
11 اشرف طه
12 احمد العربي
13 محمد ابراهيم عثمان
14 عصام علي احمد
15 عبدالدين سلامة
16 عمر عبدالخالق
17 رانيا قاسم
18 داليا حافظ
19 نصر الدين البشير
20 امير عمر
21 دينا خالد (بالتلفون)
مع الأسر
كل واحد يا شباب باللاي يجيب برش ومسند مسندين معاه
بقية الإحتياجات ستتكفل بها مجموعة الشارقة باذن الله
البوست طلبت نقله للربع القادم للتواصل - كان المعلم ابى ينقلو لينا بسوي واحد تاني عشان نتابع فيه
كل عام وانتم بخير و نتمنى ان نسعد بلقاء اكبر عدد من بورداب الإمارات
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
يا باشمهندس / محمد البشري
كل سنة وانتو طيبين وعيدكم مبارك انشاء الله ، واعاده الله علي الجميع بالخير واليمن والبركات 000
وعندي اقتراح 000
شايف كل نشاطات البووداب بالامارات ( فطور رمضان والرحلات وووو000) تُختصر على ناس الشارقة ودبي 0
حاولوا تغيروا شوية وتجونا هنا في ابوظبي ، فالطريق سالك وبدون سالك وبدون زحمة 000
على الاقل نشوف ناس دبي والشارقة عن قرب وكدة 00
دة مجرد اقتراح ، مع احترامي لكل ترتيباتكم واراءكم 00
مع خالص الود والتقدير
وتحياتي
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
الحررررررررررب بالوكالة ...
وما بتشبهك ... اها نزيدك من الشعر بيت
ما دام انت راضى بالدور دا ..
كان كونيكشن ليله وااااحده مع (الجماعه ) ,,,,
الفيزا
الفيزا
ــــــــــــــــ
دى حقارتك مش ؟ ناس مشاركتهم بالتلفون ! وناس بالفيزا ؟
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
بورداب الامارات ذوى الهمة العالية
كل عام وانتم بخير
كان بودنا ان نشارككم تلك اللحظات الجميلة
ولكن شاء الله ان اكون شغال كل ايام العيد
ولو كانت الرحلة لحدائق العين كان ممكن نكون واياكم
ولو لساعات ولكن خيرها فى غيرها.
وملمومين على المحبة والخير دوما.
( وربنا يكفيكم شر عين ود جبريل)
| |
|
|
|
|
|
|
|
|
|
Re: رحلة العيد يا بورداب الإمارات (Re: osman righeem)
|
دندونتو .... كل سنة وانتي طيبة
وكالة مين يا خالة
اظنو رايح ليك نضال مع الحل و الدمج الحايم اليومين ديل
ما علينا فيزتك جاهزة بس اشري انتي
(ابارو باللاي تاني ما تتحسس ... دي خالتي )
دباش يا عمك ...
كل عام وانتم بخير و القابلة على امنياتك
جدا كنا ح نسعد و نتشرف بلقياكم , لكن الجايات اكتر من الرايحات و نجتمع في ساعة خير ان شاء الله
روغيم يا عمك...
كل سنة وانت طيب
آي انا برضو قلت خليها لبعد العيد
اها جاي متين؟
| |
|
|
|
|
|
|
|
|
|
Re: رحلة العيد يا بورداب الإمارات (Re: محمد البشرى الخضر)
|
الأحباب
كل عام وأنتم بألف خير
أعاده الله عليكم باليمن والخير والبركات
لكم كنت أود أن أكون وأسرتي حضوراً بينكم
لكن إجازة العيد - الطويلة نسبياً - تغري بقضاء بعض الإلتزامات الأسرية التي كانت مؤجلة وهى إلتزامات خارج النطاق الجغرافي لدبى
حتماً نحن الخاسرون لروعة لقائكم
لكن عشمنا في غد
_________________
ود البشرى
شكراً جزيلاً للإتصال
| |
|
|
|
|
|
|
| |
محمد البشرى الخضر
osman righeem
ALGARADABI
محمد عبد الماجد الصايم
sari_alail
ممدوح أبارو
عاطف عمر
سارة علي
محمد فرح
saif massad ali
عبدالرحمن الحلاوي
osama idris
الزنجي
نعمات حمود
ASHRAF TAHA
naeem ali
Ahmed musa
طارق جبريل
احمد العربي
Mohammed Ibrahim Othman
عصام علي أحمد
عمر عبد الخالق سعيد
Muna Khugali
رانيا قاسم
كمال علي الزين
ماجدة عوض خوجلى
داليا حافظ
Nasruddin Al Basheer
دينا خالد
Amir Omer
ابوعبيدة حسن محمد
فيس بوك
تويتر
انستقرام
يوتيوب
بنتيريست