Post: #1
Title: كذب المنجمون ولو صدقوا...
Author: سارة علي
Date: 09-08-2008, 08:46 PM
بأكد تاني كذب المنجمون ولو صدقو...
باعتبار انو لا يعلم الغيب الا سبحانه وتعالي..
لكن تعالوا نشوف المنجمون ديل بيبقولو شنو عن البورداب..
البوست دة كلووو عبارة عن قوقلة...
|
Post: #2
Title: Re: كذب المنجمون ولو صدقوا...
Author: سارة علي
Date: 09-08-2008, 08:49 PM
Parent: #1
قلتا ابدا بيك يا ود العم (ود البشري)..
لكن لقيت ميلادك 1.1.71
شهادتك دي تسنين؟؟
|
Post: #3
Title: Re: كذب المنجمون ولو صدقوا...
Author: khaleel
Date: 09-08-2008, 08:55 PM
Parent: #2
سارة علي
رمضان كريم
لكن لوكنتي متابعة عمك قسطنطين السنة الفاتت قال نتائج مباريات الهلال والمريخ
ونجح بنسبة تسعين بالمائة
لكن السنة دي ما كان مظبوط
|
Post: #4
Title: Re: كذب المنجمون ولو صدقوا...
Author: محمد البشرى الخضر
Date: 09-08-2008, 08:56 PM
Parent: #2
تسنين امي .... تسنين
الله يدينا خيرو البوست دا
شوف عين و سمع اضان كركبة الضقل في آخرو
|
Post: #5
Title: Re: كذب المنجمون ولو صدقوا...
Author: سارة علي
Date: 09-08-2008, 08:59 PM
Parent: #1
خليل...
وريني تاريخ ميلادك بالماسنجر عشان اعرف الجماعة ديل بيقولو عنك شنو؟؟
|
Post: #6
Title: Re: كذب المنجمون ولو صدقوا...
Author: سارة علي
Date: 09-08-2008, 09:01 PM
Parent: #1
ود العم..
اتصرف لي ياخ..
انجر ليك اي تاريخ..
لازم اخللك..اقصد احللك..
اخللك خليها للمهندس
|
Post: #9
Title: Re: كذب المنجمون ولو صدقوا...
Author: خالد علي محجوب المنسي
Date: 09-08-2008, 09:12 PM
Parent: #6
السوانيين حيرو موظفة التسجيل في جامعة بودابست المجر
لقت أكثر من نصف الدفعة ميلادهم يوم
1/ 1 / .....
وفيسل هليل ( صاحب بوست تعالوا شوفو حلفا القديمة ) بقى مصدق أن
من مواليد 1 / 1 / 1989
أكبر من بنتو فاطمة بي سنتين
الأخت سارة
ودالبشرى دا في 1/ 1 / 1970 كان في أم محطة أم علي ببيع منقا
تحياتي وتقديري
البوست دا بجيب خبر ميكانيكي البورد
|
Post: #7
Title: Re: كذب المنجمون ولو صدقوا...
Author: محمد عبد الماجد الصايم
Date: 09-08-2008, 09:10 PM
Parent: #1
مشيها تسنين ياخ!!
الزول دا مسغر عمرو عشان يتخارج بي فيزا
|
Post: #8
Title: Re: كذب المنجمون ولو صدقوا...
Author: سارة علي
Date: 09-08-2008, 09:12 PM
Parent: #1
الملك...
الجماعة بيقولو عنك انك كاتم للسر..واصحابك بيثقو فيك شديد خلاص..وانك زول كريم لكن بتحب القروش شديد في نفس الوقت..في المناسبات والاجتماعيات بتكون ساكت (بري دي ما شفتها والدليل رحلة خم الرماد)..
ولو غضبتا شديد بتطلع كلام جارح..
اما في موضوع الريدة واللهم اني صايمة..بيقولو انك ما مزعج في الريدة..بتحب الطرف التاني يديك الثقة لانك ما بتحب تظهر بمظهر الضعيف..وفي خالة الشاكوش موقفك بيكون صعب خلاص..بتجري تنقفل طوالي ..لانك بتحب الوحدة..
الكلام دة ما كلامي دة كلام عمك قوقل..
تعال ورينا صح ولا غلط..
وكذب المنجمون ولو صدقو...
|
Post: #10
Title: Re: كذب المنجمون ولو صدقوا...
Author: حنين للبلد
Date: 09-08-2008, 09:14 PM
Parent: #1
انا شخصيا مابخجل
ماعارفة الرجال بقوا يدسوا عمرهم لييه
عموماتاريخي 12-9-1978
منتظرة التخليل
|
Post: #11
Title: Re: كذب المنجمون ولو صدقوا...
Author: سارة علي
Date: 09-08-2008, 09:15 PM
Parent: #1
حنين ...
لكن ماااااا عملتيها ظاااااهرة...
ههههههههههههههههههههه
|
Post: #12
Title: Re: كذب المنجمون ولو صدقوا...
Author: osman righeem
Date: 09-08-2008, 09:17 PM
Parent: #1
ست الودع
ارمي الودع
لي كشكشي
|
Post: #44
Title: Re: كذب المنجمون ولو صدقوا...
Author: سارة علي
Date: 09-09-2008, 03:50 AM
Parent: #12
عثمان رغيم...
يكشكشو ليك كيف بدون تاريخ ميلاد؟؟
|
Post: #13
Title: Re: كذب المنجمون ولو صدقوا...
Author: محمد عبد الماجد الصايم
Date: 09-08-2008, 09:21 PM
Parent: #1
| Quote: ودالبشرى دا في 1/ 1 / 1970 كان في أم محطة أم علي ببيع منقا |
________________
اتذكرت وصيف البيوت
|
Post: #14
Title: Re: كذب المنجمون ولو صدقوا...
Author: محمد الباقر
Date: 09-08-2008, 09:34 PM
Parent: #1
رمضانكم كريم..
24/08/2008
|
Post: #15
Title: Re: كذب المنجمون ولو صدقوا...
Author: سارة علي
Date: 09-08-2008, 09:35 PM
Parent: #1
خليل هندسة...
برجك الاسد..
بيقول عليك انك زول نبيل وبتحب الناس ونشيط وحازم وامين وودود (ما عدا في هلال مريخ)..دي زيادة من عندي..
لكن..
عندك حبة عجرفة وعاجباك روحك..
بتكون هادي لكن لمن زول يستفزك الله قال بي قولو..
انتا مضياف بتعرف كيف تكرم الضيف ..وبتعرف بتعمل جو حلو ليك ولي الحواليك..
الحب اساااااسي عندك..زي الموية والهواء..لكن في نفس الوقت ماااا بتحب الخيانة..والبتريدا دي مكرها العيشة لانك بتديها ملاحظات طوالي..
لكن البتعرس الاسد دة يتكون ملكة عددديل..
ناجح في عملك لكن بتحب المغامرة مرات؟؟؟
وبرضو دة ما كلامي..
وكذب المنجمون ولو صدقوا...
|
Post: #16
Title: Re: كذب المنجمون ولو صدقوا...
Author: سارة علي
Date: 09-08-2008, 09:39 PM
Parent: #1
خالد المنسي...
الشجرة الفيها تاريخ ميلادك وقعت..
اتصرف كيف؟؟
الشجرة دي قطعوها ولا حرقوها؟؟
|
Post: #17
Title: Re: كذب المنجمون ولو صدقوا...
Author: خالد علي محجوب المنسي
Date: 09-08-2008, 09:57 PM
Parent: #16
Quote: خالد المنسي...
الشجرة الفيها تاريخ ميلادك وقعت..
اتصرف كيف؟؟
الشجرة دي قطعوها ولا حرقوها؟؟ |
أنا قلت وقعت يا أختي الكريمة لا قطعوها ولا حرقوها ( إنكبت من نفسها )
ومعروف الشدر بقع متين ؟؟؟؟
كان الناس بسجلوا تاريخ أبناءهم على سيقان الشدر أيام ناس .......
بس البعرفو أسغر من الميكانيكي ( والتيما دي هو عارفها كويس )
تحياتي
يا أيها المنجم
والعالم المعظم
جأنا إليكَ كلنا
نعرف منكَ حظنا
رمضانك كريم مع الشدر الوقع والتسنين
|
Post: #19
Title: Re: كذب المنجمون ولو صدقوا...
Author: سارة علي
Date: 09-08-2008, 10:07 PM
Parent: #17
تحياتي
يا أيها المنجم
والعالم المعظم
جأنا إليكَ كلنا
نعرف منكَ حظنا
معناها تحاياك دي ما لي انا ..
لي ناس قو قل..
بي صراحة يا ود المنسي حاسة بيك زي الزعلان مني؟؟
يمكن عشان اتطفلتا علي بروفايلك؟؟
|
Post: #18
Title: Re: كذب المنجمون ولو صدقوا...
Author: سارة علي
Date: 09-08-2008, 10:03 PM
Parent: #1
ود الصايم ..
ما تمد لسانك في ود العم ..
طلعتا دلو..عشان كدو ادلو بدلوك لاي زول بس الا ابو حتحوت..
النفتك يا زد الصائم..
قالو واضح واجتماعي ومتفائل وبتنجذب ليهو بدون ما تشعر..
ويا ود البشري لو داير تخلي سينستف وفي نفس الوقت تهيجو..كتر ليه من الشمار..روحو بتمرق..لانو ناس الابراج قالو لو عاوز تثيره خليك غامض معاهو..
قالو بيحب السفر شديد..
وقالو انك بتكون مقنع لكن بس ما يكونو معاك في نفس الجلسة شفوت كلام..
لكن يا ود الصايم انتا ما بتحب الشغل الاداري والروتين..
بتفضل حبيبتك(اللهي الحكومة)تكون صديقتك..
بتدلع اولادك شديد لكن في نفس الوقت بتربيهم كويس جدا..ولو ليك مراد كل يوم تديهم هدية...
غايتو جنس تنجيم غايتو..
وكذب المنجمون ولو صدقو؟؟؟
|
Post: #20
Title: Re: كذب المنجمون ولو صدقوا...
Author: محمد البشرى الخضر
Date: 09-08-2008, 10:08 PM
Parent: #18
كذب المنجمون ولو صدقوا مافي كلام
لكن بالغوا في دي | Quote: كتر ليه من الشمار..روحو بتمرق..لانو ناس الابراج قالو لو عاوز تثيره خليك غامض معاهو. |
اليومين دي جنني جن بالتلفونات داير يعرفني لاقيت دينا خالد في السودان ولا لأ
وانا حالف ما ابرد بطنو - سوري كرشو -
اها يا بت عمي خليليني بي دا
7/3/1974
وباللاي خللي لي دا بالمرة 26/6/1978
وما تنسي تخليل البلد - حمودي الشمار بكون كاتله
|
Post: #21
Title: Re: كذب المنجمون ولو صدقوا...
Author: سارة علي
Date: 09-08-2008, 10:31 PM
Parent: #1
ود العم ابو حتحوت..
احللك واخلل حكومتك ذاتا..
انتا شخصية متفهمة..ومراقب وخلاق ودقيق ومرن..
بس مشكلتك بيقولو انك مرات بتكون متردد..
وعندك مزاج بتعرفو براك ما زي مزاج الباقين..
حذر في كلامك..بتحب تتامل الامور براك وتحل حاجاتك براك..لكن دة ما معناهو انو ما عندك اصحاب..بالعكس عندك كمية منهم..حضورك ما مزعج نهائي..ولمن تحس بالامان بتعمل بي اعصاب باردة عشان تصل لي النجاح..
لمن تنفعل ممكن تطلع منك الشينة..لكن لمن تهدا بتصلح خرمجتك..
انتا في نفس الوقت حليم..الحاجة دي مرات بتساعدك ومرات بتجيب اجلك...
طيب حنون مع اولادك ما بتعرف تشاكلم عشان مدة المدام هي البتشاكل..
وهو الزي حتحوت دة بيشاكلو؟؟؟
في كلام كدة لو كتبتو عمك ود الصايم حيلفحو وما حيريحك وحيملي لينا البوست دة وشوش مدردقة..
وكذب المنجمون ولو صدقوا..
|
Post: #23
Title: Re: كذب المنجمون ولو صدقوا...
Author: محمد البشرى الخضر
Date: 09-08-2008, 10:55 PM
Parent: #21
سرور بنت العم
ما قلت ليك حتكركبي ضقلها
تحليلك دا امي معتمد على الشخصيات الإسفيرية و تصرفاتها القدامك و هي للامانة بعيدة كل البعد عن الشخصيات الحقيقية
او على الأقل المساحة البتتحرك فيها و تتصرف ارحب بكتير من الحقيقية لقلة او انعدام القيود هنا مثلا
وبي طريقتك دي ح تتخمي في ناس كتار
اخدي نصيحة من ودعمك الكبير
تسعين في المية من الحاصل في البورد دا شو ما اكتر و ناس بتختار الشخصية العايزة تكونها
ما تاخديهم على انو دي حقيقتهم
بعدين بالنسبة للإنفعال و الشينة وصليح الخرمجة اها النوريك عاد وقت جبتي السيرة
ما في حاجة اسمها انفعال في الكتابة
يعني معقول افتح صفحة الرد و اكتب كلام و اراجعو واصلح الغلطات و ارسلو و برضو يكون انفعال
لا يختي اي كلمة سواء شينة او كويسة في محلها او مافي محلها مسؤول منها وبعنيها لنو في تقديري بتكون بتناسب المقام
و التعديل دا غالبا بعد الرسالة تكون وصلت للمعني/ين و استجابة لطلب عزيزين وكدا
| Quote: في كلام كدة لو كتبتو عمك ود الصايم حيلفحو وما حيريحك وحيملي لينا البوست دة وشوش مدردقة. |
يا اخ اكتبيه
اصلو كدا كدا ح يلفح و يدردق
ها منتظرين تخليل البلد
|
Post: #22
Title: Re: كذب المنجمون ولو صدقوا...
Author: سارة علي
Date: 09-08-2008, 10:33 PM
Parent: #1
محمد الباقر ..
خليك جرئ وورينا تاريخ ميلادك..؟؟
|
Post: #24
Title: Re: كذب المنجمون ولو صدقوا...
Author: محمد الباقر
Date: 09-08-2008, 10:55 PM
Parent: #1
Quote: محمد الباقر ..
خليك جرئ وورينا تاريخ ميلادك..؟؟ |
أصغر من حنين و أكبر من حتحوت..
تحياتى يا ابا حتحوت
|
Post: #25
Title: Re: كذب المنجمون ولو صدقوا...
Author: محمد البشرى الخضر
Date: 09-08-2008, 11:00 PM
Parent: #24
اهلا ود الباقر نورت البورد
اعفي لينا و اعذرنا عل الترحيب المتاخر
بت العم استلمت منك البوست شايف و بقيت اقدم الضيوف لخشم الباب كمان
|
Post: #26
Title: Re: كذب المنجمون ولو صدقوا...
Author: قيقراوي
Date: 09-08-2008, 11:07 PM
Parent: #1
29/8/1971 م
دا تاريخ الميلاد الفني
اسي لازم الاحراج دا ؟
السنة لزوما شنو اسي ؟
و الله برجنا حريمي خالص . . .
زي قصة الراجل البنزل في محطة الدايات
بالله شوفي لينا عطارد دا سايقنا لوين ؟
|
Post: #27
Title: Re: كذب المنجمون ولو صدقوا...
Author: حنين للبلد
Date: 09-08-2008, 11:10 PM
Parent: #1
| Quote: ها منتظرين تخليل البلد |
الشمار ممنوع قبل الافطار
|
Post: #28
Title: Re: كذب المنجمون ولو صدقوا...
Author: محمد الباقر
Date: 09-08-2008, 11:28 PM
Parent: #1
Quote: تحليلك دا امي معتمد على الشخصيات الإسفيرية و تصرفاتها القدامك و هي للامانة بعيدة كل البعد عن الشخصيات الحقيقية
او على الأقل المساحة البتتحرك فيها و تتصرف ارحب بكتير من الحقيقية لقلة او انعدام القيود هنا مثلا
وبي طريقتك دي ح تتخمي في ناس كتار
اخدي نصيحة من ودعمك الكبير
تسعين في المية من الحاصل في البورد دا شو ما اكتر و ناس بتختار الشخصية العايزة تكونها
ما تاخديهم على انو دي حقيقتهم
بعدين بالنسبة للإنفعال و الشينة وصليح الخرمجة اها النوريك عاد وقت جبتي السيرة
ما في حاجة اسمها انفعال في الكتابة
يعني معقول افتح صفحة الرد و اكتب كلام و اراجعو واصلح الغلطات و ارسلو و برضو يكون انفعال
لا يختي اي كلمة سواء شينة او كويسة في محلها او مافي محلها مسؤول منها وبعنيها لنو في تقديري بتكون بتناسب المقام
و التعديل دا غالبا بعد الرسالة تكون وصلت للمعني/ين و استجابة لطلب عزيزين وكدا
|
درر يا ابا حتحوت .. درر..
تسلم ياخى و يسلم ليك حتحوت
سارا على .. عذراً على استلام البوست
و يلا منتظرين
|
Post: #29
Title: Re: كذب المنجمون ولو صدقوا...
Author: ombadda
Date: 09-08-2008, 11:36 PM
Parent: #1
سارة على
رمضان كريم
كدة شوفى ناس برج السرطان (مواليد يونيو - أواخر يونيو) ديل صفاتهم شنو؟
معلومة
من المشهورين فى التنجيم فى الوطن العربى المنجم الألوسى الذى تنبأ بوفاة الراحل ياسر عرفات
تحياتى
ملحق:
أيوة كدة أحسن (تغيير صورة البروفايل) صورة وردة بدل القبضة الحديدة الخانقة صاحبنا المسكين)
|
Post: #30
Title: Re: كذب المنجمون ولو صدقوا...
Author: سارة علي
Date: 09-08-2008, 11:41 PM
Parent: #1
وووين يا قيقا..
مشتاقون..
بدون ما اعاين لي برجك من كلامك عرفتو...
العذراء..
|
Post: #42
Title: Re: كذب المنجمون ولو صدقوا...
Author: قيقراوي
Date: 09-09-2008, 00:56 AM
Parent: #30
Quote: وووين يا قيقا..
مشتاقون.... |
سارة و الله مشتاغون و بالاكتر كتيييييييييير
و كمان اعفي لينا يومداك لقيت ناس حنين ديل بسألو عنك بكم واو من جنس دي
سارة؟؟؟؟؟؟؟؟؟؟؟؟
قلت في عقل بالي يا ود يا قيقا انت اعمالك ما كويسة ، قوم اعمل ليك عمل خير كدا و ودي شمار الزولة دي هناك. . .
و قد كان . . . ان شاء الله في ميزان حسناتنا. . .
Quote: بدون ما اعاين لي برجك من كلامك عرفتو...
العذراء |
. . و الشعر الابيض
شكرن بتي - بعد كشفنا اوراقنا التعامل يبقى رسمي بعد دا . . . سمح بتي ؟
اقل شئ عمو . . بس ما وريتينا حظك ؟ صواط السم ما بضوقوا ؟
|
Post: #43
Title: Re: كذب المنجمون ولو صدقوا...
Author: سارة علي
Date: 09-09-2008, 01:13 AM
Parent: #42
طيب يا قيقاانزل بالماوس حبة تلقاني عملتا ليك التحليل للعذراء...
شكلك ما مريت عليه..
|
Post: #31
Title: Re: كذب المنجمون ولو صدقوا...
Author: محمد عبد الماجد الصايم
Date: 09-08-2008, 11:49 PM
Parent: #1
| Quote: في كلام كدة لو كتبتو عمك ود الصايم حيلفحو وما حيريحك وحيملي لينا البوست دة وشوش مدردقة |
يا بت عمو
ما تخلصينا ياخ روحنا مرقت نحنا
لكن النجيضة ود عمكـ دا لمن يطلع من طورو بشترا شترا شديدة خلاس
|
Post: #32
Title: Re: كذب المنجمون ولو صدقوا...
Author: سارة علي
Date: 09-08-2008, 11:50 PM
Parent: #1
ابو حتحوت..
مالك متضايق مني...؟؟
انا ما بحلل في الشخصيات الاسفيرية..بالاصح المنجمين ديل بيحللو في الشخصيات الحقيقة..من خلال معطيات معينة منها يوم وتاريخ الميلاد..يعني تنجيم دة ما عندو علاقة بالنت ولا الشبكة العنكبوتية..لا ..بيحلل الشخصيات الحقيقة الواقعية..وانا جيت لصقتو هنا من باب المرح..
سؤالي ليك ..التحليل دة ما بيشبهك في شخصيتك الحقيقة؟؟؟
عاين انتا سيد البيت رحب ساااي..ولو داير اي كرت احمر بسلفك..
ود الباقر ...بطل لفحي..وماتتزاوغ...تاريخ ميلادك لو سمحتا
|
Post: #33
Title: Re: كذب المنجمون ولو صدقوا...
Author: سارة علي
Date: 09-08-2008, 11:52 PM
Parent: #1
امبدة...
رمضان كريم ..
بجيك بي مزاج..بعد ما اشوف ليك قيفا الحاصل علي شنو..؟؟
قلتا لي الوردة ام لون غريب دي عجبتك؟؟
|
Post: #34
Title: Re: كذب المنجمون ولو صدقوا...
Author: محمد الباقر
Date: 09-08-2008, 11:56 PM
Parent: #1
بكرامتنا ..
قبل الكروت ما تطلع..
|
Post: #35
Title: Re: كذب المنجمون ولو صدقوا...
Author: سارة علي
Date: 09-08-2008, 11:58 PM
Parent: #1
Quote: يا بت عمو
ما تخلصينا ياخ روحنا مرقت نحنا |
شن قالو؟؟
شخصيتك دي لمن يتعاملو معاها بي غموض بتتجهجه شديد..
|
Post: #36
Title: Re: كذب المنجمون ولو صدقوا...
Author: سارة علي
Date: 09-09-2008, 00:00 AM
Parent: #1
محمد الباقر ..
اثبت..
ليه احساسي بيقول لي انك في نهاية السبعينات؟؟؟
عفيتك من السنة..بس قول اليوم والتاريخ..
ظريفة مش؟؟
|
Post: #37
Title: Re: كذب المنجمون ولو صدقوا...
Author: سارة علي
Date: 09-09-2008, 00:07 AM
Parent: #1
ابو حتحوت..
يا الله..
شكلك فهمتني غلط..
برجك الحوت..وبرجك بيقول عنك كدة..
الكلام القلتو عنك دة ما كلامي دة كلام لافحاهو من النت وجيت كتبتو هنا بالدراجي السوداني..
يعني الكلام المكتوب عنك دة كلام كتبو منجمين ما انا...
|
Post: #38
Title: Re: كذب المنجمون ولو صدقوا...
Author: محمد الباقر
Date: 09-09-2008, 00:14 AM
Parent: #1
03/07
أها دى حاتقريها كيف..!!
|
Post: #39
Title: Re: كذب المنجمون ولو صدقوا...
Author: سارة علي
Date: 09-09-2008, 00:21 AM
Parent: #1
قيقا..
برجك العذراء..
بيقول انك راجل خدوم وصريح وواقعي وناقد..
شخصيتك غامضة ..بتحب العمل ونادر ما تلقي ليك وقت للراحة..بتحب النظام..
عندك مشكلة في الحب يعني نظام لا بنريدك ولا بنستحمل بلاك.غيور جدا..ومعظم رجال العذراء يا عرسو صغار..يا كبار شوية..بتحب البساطة في المرأة..
عارف نفسك داير شنو..وبتعرف تتجاهل في الوقت المناسب.
وكذب المنجمون ولو صدقوا....
|
Post: #40
Title: Re: كذب المنجمون ولو صدقوا...
Author: sami Alzubair
Date: 09-09-2008, 00:21 AM
Parent: #1
.
..
والله كلامو طلع صاح لكن بكون ليه؟؟
الموضوع ده فيهو سر
.
..
...
رفعتو ليكم فوق عشان تلقوهو
.
..
انت (سيد الشيء) ما تعلق اقرا ساي خليهو هو يعلق
.
..
...
|
Post: #41
Title: Re: كذب المنجمون ولو صدقوا...
Author: سارة علي
Date: 09-09-2008, 00:26 AM
Parent: #1
محمد الباقر بطل الحركات الامريكية دي..
النشوف سامي الزبير مالو...
سامي والله اتجازي لو فهمتا مداخلتك...
شكلك كدة كنتا داير تعلق في بوست عندو علاقة بي ناذر الخليفة..؟؟
|
Post: #45
Title: Re: كذب المنجمون ولو صدقوا...
Author: osman righeem
Date: 09-09-2008, 04:28 AM
Parent: #1
20 \ 5
|
Post: #46
Title: Re: كذب المنجمون ولو صدقوا...
Author: دينا خالد
Date: 09-09-2008, 06:36 AM
Parent: #45
سارة صباحك فل
انا من مواليد 20-12-2010
اصغر من عزاز واكبر من الفاروق شوووية !
منجمنك ديل خليهم يرفعوا راسهم من المعاينة وراء وتحت كورعينهم دى !
خليهم يعاينو لى قدام شوية !! ... اللهم شتت شملهم ...
ـــــــــــــــ
ود البشرى ؟؟؟؟؟ معقولـ لسسسسسسسسه ما حكيت ليهم وبردت كروش البارزة منهم
والملصقة على ضهرهم ؟؟ معقولـ ؟ ما مصدقاك ! على العموم شكرا على كل شىء
ما زال طعم الايسكريم فى ذلك النهار الرمضانى الحاااااار فى حلقى !
|
Post: #47
Title: Re: كذب المنجمون ولو صدقوا...
Author: ايهاب
Date: 09-09-2008, 07:07 AM
Parent: #46
الاخت سارة رمضان كريم
التحليل دا للبرج عموما ولا بس حسب يوم الميلاد
وسنه الميلاد؟
31-10-72
|
Post: #48
Title: Re: كذب المنجمون ولو صدقوا...
Author: محمد أحمد الخضر
Date: 09-09-2008, 07:30 AM
Parent: #46
سارة
رغم أنه"كذب المنجمون ولو صدقوا"
لكن بوستك دا لطيف وخفيف الظل.
كدا بالله شوفي لينا برج العقرب أصلو أنا من جماعتو.
والله يكفيكم شر العقارب
تصوري وانا صغير لدغتني واحدة 000 أعوذ بالله
|
Post: #49
Title: Re: كذب المنجمون ولو صدقوا...
Author: خالد علي محجوب المنسي
Date: 09-09-2008, 08:05 AM
Parent: #48
Quote: بي صراحة يا ود المنسي حاسة بيك زي الزعلان مني؟؟
يمكن عشان اتطفلتا علي بروفايلك؟؟ |
لا والله وليس من شيمي
|
Post: #61
Title: Re: كذب المنجمون ولو صدقوا...
Author: سارة علي
Date: 09-09-2008, 09:35 PM
Parent: #46
دينا
رمضان كريم..
ما لاحظتي حاجة؟؟شفتي الرجال ديل مجرسين كيف من قصة العمر دي؟؟
برجك القوس..
بيقول انك زولة متفائلة..عطوفة واخت اخوان وشريفة ومتعقلة..
بس مشكلتك صريحة شددديد وغير حذرة وعندك مرات عدم المبالاة..
ما بتعرفي الخباثة وما عندك الكذب ..بتحبي تقيفي بجانب المظلوم وتدافعي عن حقه لدرجة انو الزول يفتكر انك صاحبة الحق..لو انفعلتي بتبقي جمرة..ولمن تهدي ممكن تفتحي صفحة جديدة وتنسي الفات وما يتختي في قلبك..
عنيدة جدا بصورة مبالغ فيها..الدنيا لو انقلبت رايك ياهو رايك..
ذاكرتك قوية..بتتذكري التواريخ والاحداث كويس..
بتحبي السفر والرحلات..
ما بتتقبلي راي زول بي سهولة..ما بتحبي الاعمال المنزلية لكن بعد دة من اكثر النساء حبا للنظافة..
علاقتك مع اولادك مثالية بتشاركيهم العابهم ودروسم..
ورينا الكلام دة كيف معاك..؟؟صاب ولا خاب يا دينا؟؟؟
وكذب المنجمون ولو صدقوا...
|
Post: #70
Title: Re: كذب المنجمون ولو صدقوا...
Author: سارة علي
Date: 09-09-2008, 10:42 PM
Parent: #46
دينا كل سنة وانتي طيبة..
عارفة رديتك مباشرة تحت ردك ..لكن النزلو لي تحت شنو ما بعرف..
امشي شوفي واقريهو بتلقيني حللتك بي مزااااااج ..
ايهاب واحمد خضر..
رمضان كريم..
انتو الاتنين بتشتركو في نفس البرج(العقرب)..
انتظروني برجع ليكم..
|
Post: #55
Title: Re: كذب المنجمون ولو صدقوا...
Author: سارة علي
Date: 09-09-2008, 09:04 PM
Parent: #45
ود رغيم..
ازيك..
ما تلااااااوذ عفيناك من السنة..
المهم طلعتا ثور...
بيقول ليك انو مولود برج الثور متحمس ومنطقي وصبور ومصمم(ما عارفة مصمم دي قاصدين بيها لديح يعني؟)..
لكن من سيئاتك انك متحيز وما بتسهل الامور ونهم يعني اكاااااااال ..
بتحب راحة الجسم لو ما لقيتا بتبقي عصبي..غير كدة عندك برود بتعرفو برااك بمعني انو ردود افعالك بطيئة ..يعني بتنفعل لي موضوع بعد ما يتم اظن ايام من حدوثه..حبك وريدتك ذاتا بتسل الروح..بعد فترة حتي تدي عواطفك للحبيبة
شهم بتقيف مع الناس في المواقف..
وكذب المنجمون ولو صدقوا..
|
Post: #50
Title: Re: كذب المنجمون ولو صدقوا...
Author: عزاز شامي
Date: 09-09-2008, 09:14 AM
Parent: #1
عمت صباحا يا سارة و فطرتي بخير و تصومي شبعانة .. المهم رتبي الكلام بيطلع كويس
بالله شوفي لي بختي 24 ابريل 1986
ما حاسمح باي تشكيك في تاريخ ولادتي ...
الكان في الازبتاليا يوم ولادتي يجي يغالطني ..!!!
|
Post: #67
Title: Re: كذب المنجمون ولو صدقوا...
Author: سارة علي
Date: 09-09-2008, 10:30 PM
Parent: #50
عدل يا عزاز عشان لفحتا برجك غلط..
نأسف..
|
Post: #51
Title: Re: كذب المنجمون ولو صدقوا...
Author: sami Alzubair
Date: 09-09-2008, 04:42 PM
Parent: #1
بيفهموها ناسها امي انا
|
Post: #52
Title: Re: كذب المنجمون ولو صدقوا...
Author: محمد البشرى الخضر
Date: 09-09-2008, 04:51 PM
Parent: #1
بت عمي
العفو ياخ اتضايق منك كيف و في زول بضايق من قدحو
بس لقيت التخليل جدا قريب من شخصية ابو حتوت الإسفيرية هنا
و بعيد خالص عن شخصية محمد البشرى الحقيقية عشان كدا افتكرتك انتي كاتباه بناء على انطباعاتك وكدا
وبيني وبينك الكلام الفوق داك محرقني ليه يومين وداير لي طريقة اكبو و اخلص
الخالة العزيزة هناية
كيفك وكدا يا خي كان دايرة تفتي الموضوع طيب محلفاني ليه
خليتي حموودي خسران تلفونات بالف ريال يحنس و يتقطع
لدرجة قال بطلع لي كفارة اليمين في الحرم بس افشو
عموما سعدنا بلقائك و ان كنا اتفاجانا بشخصيتك
احترامي الشديد و سلامي للعيال
بت الشيخ ...
الليلة وووب ... شديد
بلد ...
اها فطرنا تخللوه ولا نتمو موية برانا
بت عمي ...
بالجد شكلي استلمتو
|
Post: #53
Title: Re: كذب المنجمون ولو صدقوا...
Author: محمد عبد الماجد الصايم
Date: 09-09-2008, 07:24 PM
Parent: #52
Quote: ود البشرى ؟؟؟؟؟ معقولـ لسسسسسسسسه ما حكيت ليهم وبردت كروش البارزة منهم
والملصقة على ضهرهم ؟؟ معقولـ ؟ ما مصدقاك ! على العموم شكرا على كل شىء |
أها يا عمكـ
دا تصريح مفتووووووح
فتو ياخ!!
فتيت روحنا زاتو
ناس جوه إزيكم
|
Post: #54
Title: Re: كذب المنجمون ولو صدقوا...
Author: محمد البشرى الخضر
Date: 09-09-2008, 08:06 PM
Parent: #53
| Quote: احترامي الشديد و سلامي للعيال |
ارتاح اها
|
Post: #56
Title: Re: كذب المنجمون ولو صدقوا...
Author: قيقراوي
Date: 09-09-2008, 09:05 PM
Parent: #1
يا ابو السا مالك كدا فجأة بقيت حساس ؟
Quote: طيب يا قيقاانزل بالماوس حبة تلقاني عملتا ليك التحليل للعذراء...
شكلك ما مريت عليه.. |
اها نزلنا
.
.
.
.
.
Quote: قيقا..
برجك العذراء..
..بتحب النظام.. |
بحب النظام كيف ؟ يعني كوز ؟
|
Post: #57
Title: Re: كذب المنجمون ولو صدقوا...
Author: سارة علي
Date: 09-09-2008, 09:15 PM
Parent: #1
قيقا اسئلة تعسفية مااااا معانا...طيب؟؟
عاين برجك بيقول ليك انغمس في العمل بشكل اكثر..
انغمس يعني ااااغطس وركز في شغلك
|
Post: #58
Title: Re: كذب المنجمون ولو صدقوا...
Author: اساسي
Date: 09-09-2008, 09:16 PM
Parent: #57
26/07/1974
برج الاسد
يلا يا اخت سارة ورينا البخت
|
Post: #59
Title: Re: كذب المنجمون ولو صدقوا...
Author: محمد البشرى الخضر
Date: 09-09-2008, 09:28 PM
Parent: #58
يا زول
جادي ؟
|
Post: #60
Title: Re: كذب المنجمون ولو صدقوا...
Author: اساسي
Date: 09-09-2008, 09:33 PM
Parent: #59
تصدق بالجد كلامي حقيقي
شفت المفارقة دي كيف؟
اسد من ظهر اسد
والتحية لنعام العالم
|
Post: #62
Title: Re: كذب المنجمون ولو صدقوا...
Author: قيقراوي
Date: 09-09-2008, 09:36 PM
Parent: #1
Quote: قيقا اسئلة تعسفية مااااا معانا...طيب؟؟
عاين برجك بيقول ليك انغمس في العمل بشكل اكثر..
انغمس يعني ااااغطس وركز في شغلك |
حاضر يا ابو السا
مسعولة من الخير انتي برجي دا كاتبو كفيلي ولا شنو ؟
قال انغمس قال !! البرج دا وكت منسق مع الكفيل طيب ما سألو تعسفياً كدا ح يزيد المرتب و لا لا ؟
اسي الزول يقوم يعمل استقالة تعسفية ( دي على وزن الفصل التعسفي )
انتي العسف الجد جد ما عفصتي ليهو ساي . . .
قلتي لي الاخت مواليد كم ؟
|
Post: #63
Title: Re: كذب المنجمون ولو صدقوا...
Author: سارة علي
Date: 09-09-2008, 09:37 PM
Parent: #62
انا زيك يا قيقا..
من مواليد العذراء..
لكن لو كتفوني الشغل دة ما بنغمس ما بنغمس فيهو..
|
Post: #64
Title: Re: كذب المنجمون ولو صدقوا...
Author: سارة علي
Date: 09-09-2008, 09:53 PM
Parent: #1
الاسد اساسي..
سعيدين بي مرورك...
بيقولو عليك نشيط ومتسلط ومجادل..(مجادل دي اصلا ما كذبو فيها)..
بتهتم بي القشرة وبتحب تلبس الملابس الغالية..
مرات بتحب تضخم الامور..ومرات وانتا بتتكلم لسانك بفلت..وبتتكلم مرات بي تعابير جديدة بتخلع بيها المعاك..
وبيقول برضو انك اجتماعي ومسئول..وبتحب مرات المجازفات..
قالو الجكس مااا بقدر يقاومك لانك حنااااك وبتكون كريم مع الجكس..لكن بتحب تحدد للجكس حاجاتو وشخصيتو (طبعا الكلام دة باعتبار ما كان قبل الزواج)..لقيتني جبانة يا اساسي مش..؟؟
بيقولو ليك انتا مهمل لنصايح الدكاترة بمعني انك لا سمح الله لو مرضتا بتتجاهل تعليمات الدكاترة..
وكذب المنجمون ولو صدقوا...
|
Post: #65
Title: Re: كذب المنجمون ولو صدقوا...
Author: اساسي
Date: 09-09-2008, 09:57 PM
Parent: #64
غايتو منجمينك ديل صادقين جنس صدق
|
Post: #66
Title: Re: كذب المنجمون ولو صدقوا...
Author: اساسي
Date: 09-09-2008, 10:04 PM
Parent: #65
انا مسالة الابراج دي ما بعرفها لكن للضمان كدا هل يوجد برج ( التامبيرة) عليك الله لو في حللي لي شخصية تمبس
ولو مافي ممكن تستعيني ببرج الحوت اعتقد اقرب برج للتامبيرة كلهم عيال موية
|
Post: #68
Title: Re: كذب المنجمون ولو صدقوا...
Author: سارة علي
Date: 09-09-2008, 10:33 PM
Parent: #1
اساسي..
كدي للضمان اكتر خليني النتجسس علي بروفايل تمبس ممكن نلقاهو شجاع وكتب تاريخ ميلادو..بالعدم لزو لي بي جاي..
|
Post: #69
Title: Re: كذب المنجمون ولو صدقوا...
Author: قيقراوي
Date: 09-09-2008, 10:36 PM
Parent: #1
Quote: انا زيك يا قيقا..
من مواليد العذراء..
لكن لو كتفوني الشغل دة ما بنغمس ما بنغمس فيهو.. |
و الله خبر سمح دا
غايتو حاجة اصلو ما واقعة لي في القوقلة الجبتيها دي : شغلة النظام دي . . . غايتو انا من انصار الفوضى و الجوبكة . . . و ضد النظام و التنظيم . . . نحنا بتوع الاتوبيس
بنركز في التفاصيل الدقيقة و نسعي للكمال في الحاجات. . . آي و دي حسب مشاهدتي لمواليد عذراء آخرين
بعدين في الرومانسيات ؤ كدا شنو طلعتينا كيش ساي ؟ . . . الشغلة ما كدا . . . بس قالو ( الكذابين ديل ) انو ما بنعرف نعبر عن نفسنا . . . غايتو دي في رشاد عثمان صحبي واضحة زول بعبر لي جوة و ما بوريك انفعالاتو ( بغتي ورقو كويس ) . . . ( بوكر فيس ) زي ما
بقولوا الخواجات
سرورة تحايا كتيرة
و شكرن على السياحة الجميلة و إن كذبوا
|
Post: #71
Title: Re: كذب المنجمون ولو صدقوا...
Author: محمد البشرى الخضر
Date: 09-09-2008, 10:49 PM
Parent: #1
فعلا مفارقة غريبة يا اسد بركة الما بقيت برج التور
| Quote: والتحية لنعام العالم |
لا وانت الصادق
التحية لأغنام العالم
|
Post: #80
Title: Re: كذب المنجمون ولو صدقوا...
Author: osman righeem
Date: 09-10-2008, 06:24 AM
Parent: #71
يا عمك
Quote: فعلا مفارقة غريبة يا اسد بركة الما بقيت برج التور
|
كدي لوم لي التور
كان ما اطلعك جلابي مستعلواتي
|
Post: #72
Title: Re: كذب المنجمون ولو صدقوا...
Author: عزاز شامي
Date: 09-09-2008, 11:04 PM
Parent: #1
سرورة يا عسل .. تسلمي لي ..
لكن شهادة التسنين بتاعتي تفيد انو 24-4 دي مواشي 
بالله طلعت جردل؟
انا عمري الفات ده كلو فاكرة نفسي ثور و مرات مرات جوزاء طلعت جردل؟
كدي يا امي ارمي ودع قوقل ده تاني و امرقيني ثور ... النبي ..!!
|
Post: #73
Title: Re: كذب المنجمون ولو صدقوا...
Author: سارة علي
Date: 09-09-2008, 11:12 PM
Parent: #72
عزاز..
بعتذر جدا ..
انتي فعلا برج الثور..
الدلو دة اظنو جا من اثر النعاس..
عليه ..حامسح المداخلة ديك ونخللك من اول وجديد..
|
Post: #74
Title: Re: كذب المنجمون ولو صدقوا...
Author: محمد الباقر
Date: 09-09-2008, 11:13 PM
Parent: #1
كيفكم يا شباب ..(مع بعض التحفظ)
ويا صبايا.. بدون تحفظ..
غايتو إذا كان اساسى كلووو طلع 74.. خلونى أنمدد كرعينى ساى..
منتظرك يا سارا الامريكيه
|
Post: #75
Title: Re: كذب المنجمون ولو صدقوا...
Author: سارة علي
Date: 09-09-2008, 11:22 PM
Parent: #1
محمد الباقر..
سلامات..
يا ود امي دق سدرك واتشجع شوية وحدد لي ميلادك..
اساسي ابعد منو لانو الجماعة قالو عليهو مجادل..يقبل عليك يديك واحد مجالدة يفهمك حاجة دة لو ما جلدك ...
ثم شنو قصة امريكية.. ؟؟من خشمك لي باب السماء...
بطل انصرافية واعدل لي تاريخ ميلادك الكتبتو دة قبل اذان المغرب ياذن عندكم..
|
Post: #76
Title: Re: كذب المنجمون ولو صدقوا...
Author: محمد الباقر
Date: 09-09-2008, 11:36 PM
Parent: #1
ياصبيه..تحياتى لك ولكل الصبايا ..
نحنا فى بلداً طيرو عرب..
باقى لينا 3 ساعات و نتسحـَر ليوم 10 رمضان ..(الما داير يكمل ده)
نديك هنت صغير كده : ربنا يكفينا شر المرض الشين
|
Post: #77
Title: Re: كذب المنجمون ولو صدقوا...
Author: osman righeem
Date: 09-09-2008, 11:49 PM
Parent: #1
سرورة
ازيك مع رمضان
و العرديب ان شاالله وصل كويس
Quote: المهم طلعتا ثور...
بيقول ليك انو مولود برج الثور متحمس ومنطقي وصبور ومصمم(ما عارفة مصمم دي قاصدين بيها لديح يعني؟
|
مصمم يعني لداحة و غتاته وطولة بال
| Quote: لكن من سيئاتك انك متحيز وما بتسهل الامور ونهم يعني اكاااااااال .. |
دي فيها قولان
| Quote: حبك وريدتك ذاتا بتسل الروح..بعد فترة حتي تدي عواطفك للحبيبة |
يعني قصدك تكون هي صرفت نظر بعدين انا اتحرك
| Quote: شهم بتقيف مع الناس في المواقف.. |
ودي في الاخر ليه؟
ان شاء الله نقيف معاك في الحلوه و الحلوه
|
Post: #78
Title: Re: كذب المنجمون ولو صدقوا...
Author: سارة علي
Date: 09-10-2008, 00:02 AM
Parent: #1
يا عثمان رغيم...
ناس منجمين قوقل لمن قالو عليك لديح ما كذبوا كلو كلو..
هسه اجاباتك دي كللللها عبارة عن اسئلة..الرسول فيك دي مش لداحة؟؟؟
في حالتك دي صدق المنجمون ولو صدقو...
تخريمة للمتصفحين وغيرهم:-
انا ورغيم فرد..
|
Post: #81
Title: Re: كذب المنجمون ولو صدقوا...
Author: osman righeem
Date: 09-10-2008, 08:09 AM
Parent: #78
سرورة
Quote: تخريمة للمتصفحين وغيرهم:-
انا ورغيم فرد.. |
الاكلشي المعتمد في البورد هو:
علي رأي بشاشا : عزيزي القاري
علي قول محمد ميرغني اكثر من فرد بس الاتنين شمال
و ربنا يجعلنا من اهل اليمين
|
Post: #82
Title: Re: كذب المنجمون ولو صدقوا...
Author: سارة علي
Date: 09-10-2008, 04:45 PM
Parent: #81
| Quote: علي قول محمد ميرغني اكثر من فرد بس الاتنين شمال |
يا اخوي يا عثمان انتا برااااك مشمل..
داير تعرف برجك بيقول عليك شنو...؟؟
عرج يمين وتعال...
|
Post: #79
Title: Re: كذب المنجمون ولو صدقوا...
Author: سارة علي
Date: 09-10-2008, 04:01 AM
Parent: #1
عزوز ...
جيتك راجعة..
ماااا هاين علي اقول ليك برجك الثور لكن اعمل شنو؟.
بيقول انك عندك ذوق مميز..عندك روح فكاهه ..(ما تقومي تقريها فاكهة في رمضان دة)..
عندك هدوء وبرود في الرجال مافي(غايتو في الحتة اخير من الدلو)..
مستقيمة..صادقة..عندك ميزة انك بتتكيفي بسهولة مع الناس لكن بس البسيطين منهم..لو كجنتي زول ما بتشتغلي بي الشغلة..
ذكية فطنة بتشاركي في الاحاديث الجدية والمناقشات العلمية والسياسية..
بتحبي تتخذي قراراتك بي نفسك..بتحبي النباتات والنظافة..وزي البيقولو عندك الحاسة السادسة بمعني انك لمن تتوقعي الحاجات نادرا ما تخيب توقعاتك..بتحبي الاماكن الطبيعية زي الشلالات والجبال والبحيرات..
اما موضوع الريدة والحب يا عزوز فخلي ساي نتمو ماسنجرات ..خطير خطير خطير..
حظك اليوم بيقول ليك حاولي ترتبي امورك كويس عشان ما تجيك عوارض..
وكذب المنجمون ولو صدقوا...
|
Post: #83
Title: Re: كذب المنجمون ولو صدقوا...
Author: محمد أحمد الخضر
Date: 09-10-2008, 06:38 PM
Parent: #79
سارة
نحن جماعة برج العقرب منتظرين؟؟!!
|
Post: #84
Title: Re: كذب المنجمون ولو صدقوا...
Author: محمد البشرى الخضر
Date: 09-10-2008, 07:24 PM
Parent: #1
بت عمي النستلم منك المايك شوية شايفك مشغولة...
يا بلد فطرنا و ح نخلل يلا | Quote: عموماتاريخي 12-9-1978 |
برج القلب الصافي والنية البيضا
مواليد البرج دا يمتازون بالشخصية العاطفية البتشيل هم الآخرين و تحزن لحزنهم و تشاركهم همومهم كانها احزانها و همومها
وفي نفس الوقت حقانيين جدا و ما برضوا الحقارة ولا بدسوا كلمة الحق
صادقين في مشاعرهم لو خاووك كانهم اولاد امك وابوك
يهتمون بمراعاة مشاعر و احاسيس الآخرين و يتالمون جدا لو جرحت بسببهم
يحافظون على مساحتهم الخاصة لا يتطفلون عل خصوصيات الآخرين و يتوقعون المثل بالنسبة لخصوصياتهم
عموما مواليد هذا البرج احلى و اجدع ناس
كذب المخللون ولو ضربت معاهم
بلد كل سنة و انتي طيبة مقدما
لقيتي كسير التلج دا كيف في رمضان 
|
Post: #85
Title: Re: كذب المنجمون ولو صدقوا...
Author: محمد عبد الماجد الصايم
Date: 09-10-2008, 07:29 PM
Parent: #84
أحيي أنا
ما دام زمتكـ دي لسع واسعة في رمضان دا
ما تخلصنا ياخ!!
|
Post: #86
Title: Re: كذب المنجمون ولو صدقوا...
Author: سارة علي
Date: 09-11-2008, 00:24 AM
Parent: #1
وووووووووووووووووووووووووب علي من ود الصائم..
ود العم ياخ فتا ليهو الشمار ..روحو دي ماشة تمرق خلاااااااااااااااص..
|
Post: #87
Title: Re: كذب المنجمون ولو صدقوا...
Author: سارة علي
Date: 09-11-2008, 00:25 AM
Parent: #1
احمد خضر وايهاب..
ارجوني شووووية النفطر ونجيكم...
|
Post: #88
Title: Re: كذب المنجمون ولو صدقوا...
Author: osman righeem
Date: 09-11-2008, 06:43 AM
Parent: #1
سرورة
سلام
انت توري شايف زي مختلف من تور عزاز
يعني مثلا كل زول توره غير
لانو شايف تور عزاز فريزيان
وتوري بلدي خالص ( بيئة)
|
Post: #89
Title: Re: كذب المنجمون ولو صدقوا...
Author: سارة علي
Date: 09-13-2008, 00:07 AM
Parent: #1
يا شباب..
يوم مميز بالنسبة لي..
ربنا بيريدني شديد..
ربنا ماااا بقدر علي جزاءه..
احمدك يا ربي..
12سبتمبر..
12رمضان..
الموافق الجمعة..
وربنا يوفق..
ادعو لي ..
|
Post: #90
Title: Re: كذب المنجمون ولو صدقوا...
Author: osman righeem
Date: 09-13-2008, 01:19 AM
Parent: #1
(لا إلــــه إلا الله الحليم الكريم سبحان الله رب العرش العظيم الحمد لله رب العالمين نسألك لساره علي موجبات رحمتك وعزائم مغفرتك والعصمة من كل ذنب والغنيمة من كل بر والسلامة من كل إثم لا تدع لها ذنبا إلا غفرته ولا هما إلا فرجته ولا حاجة لها هي لك رضا إلا قضيتها يا أرحم الرحمين.)
اها قصرنا معاك
حقي في التورته عافي لي حمودي
بالهنا والشفاء
|
Post: #91
Title: Re: كذب المنجمون ولو صدقوا...
Author: عزاز شامي
Date: 09-13-2008, 07:45 AM
Parent: #1
سرورة كل سنة و انتي طيبة
و القابلة تحققي امانيك و عقبال مية سنة
|
Post: #92
Title: Re: كذب المنجمون ولو صدقوا...
Author: محمد البشرى الخضر
Date: 09-13-2008, 09:26 AM
Parent: #1
غايتو للضمان بنبارك و ندعو واي حاجة
لكن اظن يوم 12 دا ميلاد البلد
بالمناسبة دي كل سنة وانتي طيبة يا بلد
|
Post: #93
Title: Re: كذب المنجمون ولو صدقوا...
Author: عزاز شامي
Date: 09-13-2008, 09:35 AM
Parent: #92
لووووووووووووولز
معليش يا جماعة ... الصيام احوالو عجيبة و عدم القهوة بيعمل اكتر من كده
عيد ميلاد سعيد يا حنين و كل سنة وانتي طيبة و القابلة على امنياتك
وياسارة برضو كل سنة و انتي طيبة في اي وقت يكون عيد ميلادك
شكرا يا ود البشرى على التنبيه
و انت زاتك كل سنة و انت طيب و اصرفها يوم ميلادك بسعر صرف العملة في حينه
|
Post: #94
Title: Re: كذب المنجمون ولو صدقوا...
Author: محمد البشرى الخضر
Date: 09-13-2008, 09:45 AM
Parent: #93
مشكورة يا عزاز على التهنئة المدفوعة مقدما وانتي طيبة برضو
|
Post: #95
Title: Re: كذب المنجمون ولو صدقوا...
Author: الملك
Date: 09-13-2008, 09:48 AM
Parent: #1
Quote: الملك...
الجماعة بيقولو عنك انك كاتم للسر..واصحابك بيثقو فيك شديد خلاص..وانك زول كريم لكن بتحب القروش شديد في نفس الوقت..في المناسبات والاجتماعيات بتكون ساكت (بري دي ما شفتها والدليل رحلة خم الرماد)..
ولو غضبتا شديد بتطلع كلام جارح..
اما في موضوع الريدة واللهم اني صايمة..بيقولو انك ما مزعج في الريدة..بتحب الطرف التاني يديك الثقة لانك ما بتحب تظهر بمظهر الضعيف..وفي خالة الشاكوش موقفك بيكون صعب خلاص..بتجري تنقفل طوالي ..لانك بتحب الوحدة..
الكلام دة ما كلامي دة كلام عمك قوقل..
تعال ورينا صح ولا غلط..
وكذب المنجمون ولو صدقو... |
لو ما ..التحتها خط دى
..
كان قلت زول تانى
"انتى اسى ما كان تأشرى  ساى اعرف كيف انا انا ,,!!
بعدين انا حاشيل منك فى روحى شديد,,,, لكن "اغلبوا" صاح ..وكذب المنجمون
لو صاموا...
...
تصومى وتفطرى على خير
وكل سنة وإنتى كما تشتهى,,
|
Post: #99
Title: Re: كذب المنجمون ولو صدقوا...
Author: سارة علي
Date: 09-13-2008, 11:53 PM
Parent: #95
الملك...
كلامك صح صحي كان الكزك بي ماسنجر..
كنتا ماشي كويس في الرد لكن خربتها بي صورة اللقيمات دي..
حرام عليك..
|
Post: #96
Title: Re: كذب المنجمون ولو صدقوا...
Author: محمد البشرى الخضر
Date: 09-13-2008, 11:23 PM
Parent: #1
تصوري يا عزاز طلع 12 دا ميلاد سرورة
وانا اللافح ساي
بت عمي كل سنة وانتي طيبة و عقبال الشمعة المية
و يا بلد انتي استني لي
|
Post: #97
Title: Re: كذب المنجمون ولو صدقوا...
Author: حنين للبلد
Date: 09-13-2008, 11:27 PM
Parent: #1
Quote: لووووووووووووولز
معليش يا جماعة ... الصيام احوالو عجيبة و عدم القهوة بيعمل اكتر من كده
عيد ميلاد سعيد يا حنين و كل سنة وانتي طيبة و القابلة على امنياتك
وياسارة برضو كل سنة و انتي طيبة في اي وقت يكون عيد ميلادك
شكرا يا ود البشرى على التنبيه
و انت زاتك كل سنة و انت طيب و اصرفها يوم ميلادك بسعر صرف العملة في حينه |
عزوز شكرا على التهنئة ....ههههههههههه لكن يعني مش بالغتي فيني لو ود البشرى دايش انت العشم فيك...ههههههه
ده عيد ميلاد سرورة مش انا "يعني معقولة بس " انا بس حبيت اشاغلها واوريها اني متذكر تاريخ ميلادها كل عام وهي بالف خير...شرحنا الالتباس لي ود البشرى
لكن برضوا بي تهنئتك عمرنا كلو نور
|
Post: #98
Title: Re: كذب المنجمون ولو صدقوا...
Author: سارة علي
Date: 09-13-2008, 11:37 PM
Parent: #1
حنون..
شكرا ليك شديد ...
شديد دي ختي تحتا خط..
عزوز..
شكرا علي الكرت..
ود البشري؟؟
مالك؟؟
جهجهتا عزاز شديد خلاص...عاذراك..اصلا صور الافطار المنتشرة في البوست دة بتجهجه الما بتجهجه..
|
Post: #132
Title: Re: كذب المنجمون ولو صدقوا...
Author: قيقراوي
Date: 09-15-2008, 02:50 AM
Parent: #98
.
|
Post: #100
Title: Re: كذب المنجمون ولو صدقوا...
Author: قيقراوي
Date: 09-14-2008, 02:04 AM
Parent: #1
حنين كل سنة و انت بالف خير
وعقبال الف شمعة
ابو السا يا درفة كدا الصفحة التانية جاهزة 
|
Post: #101
Title: Re: كذب المنجمون ولو صدقوا...
Author: سارة علي
Date: 09-14-2008, 02:23 AM
Parent: #1
اول صفحة لي تانية...
بهديها لي ود الموج وبقول ليهو عملتها ظاهرة...
وبهديها برضو لي ناس برج العقرب وبقول ليهم والله ما ناسيكم هسه بحللكم..
وشكرا يا قيقا عقبال ما ندردق ليك صفحاتك..
امشي نوم..
|
Post: #106
Title: Re: كذب المنجمون ولو صدقوا...
Author: قيقراوي
Date: 09-14-2008, 03:20 AM
Parent: #101
دا الجزاء ؟
كرت احمر ؟
سمح . . .
انا سميتك ( سارة الضارة )
|
Post: #108
Title: Re: كذب المنجمون ولو صدقوا...
Author: سارة علي
Date: 09-14-2008, 04:26 AM
Parent: #106
قيقا؟؟
معقول بعد دة كلو وما بتفهمني؟؟
اتلومتا..
انتا جنيت ولا غبيت عشان اطلع ليك انتا الكرت الاحمر؟؟..
لمن قلتا ليك امشي نوم كنتا شايلة همك من السهر..
فهمتا؟
|
Post: #102
Title: Re: كذب المنجمون ولو صدقوا...
Author: حنين للبلد
Date: 09-14-2008, 02:25 AM
Parent: #1
مبروك الصفحة التانية.........تتربى في عزكم
|
Post: #103
Title: Re: كذب المنجمون ولو صدقوا...
Author: سارة علي
Date: 09-14-2008, 02:31 AM
Parent: #1
عقبال مانبارك ليك السمح يا حنين بت امي..
معليش كنتا دايرة ادعي ليك كتير لكن ود اختي طالع لي فوق راسي مفقدني المنطق..
الننزلو ونرجع لي ناس العقرب....
|
Post: #104
Title: Re: كذب المنجمون ولو صدقوا...
Author: ombadda
Date: 09-14-2008, 02:47 AM
Parent: #1
Happy Birthday
بهذه المناسبة دة تحليل
منقول
---------------------------
( من 23 اغسطس - الى 22 سبتمبر )
برج العذراء
الصفات العامة لبرج العذراء
من الظواهر التي لا يختلف فيها اثنان ظاهرة بُعد هؤلاء الأشخاص عن الحشود والاحتـفالات وما شابهها وذلك لسببين رئيسيين :
الأول مزاج خاص يجعل اختلاطهم بالناس صعباً ويحول بالتالي بينهم وبين وسائل الترفيه والسلوى ,
والثاني نداء الواجب الذي يشغلهم عن التـفاهة والسطحية .
مولود برج العذراء قليل الأحلام والتصورات , يرفض التلهي بفقاقيع الهواء وقصور الرمال .
كل من يراه أول وهلة يعتـقد أنه مشغول الفكر بقضية عويصة تـنتظر منه الحل أو قلق من جراء أزمة نفسية تـتـنازعه .
والواقع أن هموم هذا الإنسان عادة متأصلة فيه . إنها وليدة طبعه ومزاجه ولا يد لأحد فيها . حتى الابتسامة المشرقة على وجهه تظهر مشحونة بالقلق والتـفكير .
ومع ذلك تبدو قسماته هادئة مسترخية في معظم الأحيان الأمر الذي يُناقض الأثر الذي يتركه في الناس أول وهلة .
هذا الإنسان الذي عُرفت عنه الكفاءة والبرود وصفاء الذهن قلق في قرارة نفسه إلى الدرجة التي يهتـز معها توازنه النفسي والصحي ,
ومع ذلك يسعى للقيام بواجبه حتى النهاية وإن كان يقبل التظاهر بالمرض في بعض الأحيان ليستطيع رفض أمر ما فـُرض عليه .
وفيما عدا ذلك هو صادق الرأي والكلمة , جدير بتسلم المهام والمسؤوليات , يمكن الاعتماد عليه في أقصى الظروف وأكثرها تعقيداً .
إنه أيضاً قليل الأوهام تجاه الناس والحياة , يدرك حقيقة الأشياء ويعرف تماماً إلى أين يسير حتى وهو غارق في الحب .
إلى جانب ذلك له مواقف معينة بالنسبة إلى أكله وشربه وصحته ونظافته وعلى الخصوص هذه الأخيرة التي لا يجاريه فيها أحد .
ليس مواليد برج العذراء جميعاً عقلانيين متمسكين بالواقع , فبعضهم يبدو مغلفاً بالأحلام على الرغم من عقله الذي يرفض ذلك .
لكن مما لا شك فيه أنهم جميعاً دون استـثـناء يكرهون في سواهم الإهمال والتـقصير والكسل والغباوة ,
ولا يُستبعد أن تـثير فيهم تلك النقائص والعصبية على الرغم من عذوبتهم الطبيعية التي فيها راحة وبلسم للمرضى ,
ولهذا السبب هناك ممرضات عديدات ينتمين إلى برج العذراء . حتى من لم يمتهن منهم التمريض يحرص على صحته وصحة
غيره بواسطة الأدوية والعقاقير مع أن مولود برج العذراء يرفض تناول أي دواء ما لم يعرف الكثير عن تركيبه وكيفية استعماله وفوائده .
مواليد برج العذراء أكثر الناس تمسكاً بالعادات وأمهرهم في فن الجدل والنقاش . إذا بحثوا أمراً غاصوا في تـفاصيله وتعرجاته إلى درجة إثارة جنون البعض
, لكنهم أقدر الناس على فك الرموز والعقد وإعادة الأمور إلى مجراها الطبيعي . وهم أيضاً على استعداد تام للمساعدة , وكثيراً ما يسرعون إلى
انتشال الآخرين من الضياع دون أن يطلب منهم ذلك . إن أكثر ما يساعدهم على النجاح في مثل تلك المهمات الصعبة عقلهم المنظم إلى
حدّ بلورة الأهداف وحذف كل الهوامش التي من شأنها أن تـُعرقل سير القضايا . انطلاقاً من ذلك يمكن القول إن هؤلاء الأشخاص يتمتعون بدقة
الملاحظة وصفاء الذهن وانكشاف الرؤية بحيث يصبح سهلا ً عليهم تلمس مواطن الضعف عندهم وعند سواهم مع فارق بسيط هو أنهم يرفضون
الإشارة إلى ضعفهم من قريب أو بعيد .
من السهل جداً اكتشاف مولود العذراء في جمع ما . فهو غير قادر على الجلوس هادئاً مدة طويلة .
يُفضل زرع المكان جيئة وذهاباً , ويوحي بأن أشياء مهمة تـنـتظره في مكان آخر .
في مشيته بعض الغرابة هذا إن لم يكن أعرج فعلا ً . حريص على المال والعاطفة , يكره طلب حاجة على الرغم من استعداده الكبير للمساعدة .
وبما أنه يرفض الاتكال على أحد يسعى لتأمين شيخوخته بكل الوسائل . يكره جداً البطالة والتسول , لكنه لا يتردد في إعانة المعوزين والمستحقين .
حرصه يمتد إلى وقته فلا يقبل أن يفرط فيه مهما تكن الأسباب .
إذا اتهم هذا الإنسان الطيب بالأنانية فبسبب تمسكه بمبادئه وإصراره على الرفض في حالة عدم اقتـناعه .
من الجائز أن تنهار صحته – الممتازة أساساً – بفعل التشاؤم والهموم والضغوط النفسية والجسدية . اهتمامه بصحته وغذائه يدرأن عنه المرض لحسن الحظ .
من أفضل مزاياه الواقعية والصدق والتنظيم والاقتصاد والتمييز والوضوح . حتى مواقفه السلبية تتسم بالقوة والفعالية .
والبرهان على ذلك تمرسه في النقد الذاتي في الوقت الذي يصعب فيه على الآخرين نقدهم له .
وباختصار إن في هذا الإنسان من المقدرة والشجاعة ما يكفي لتحديد مصيره بنفسه أكثر من الآخرين .
وهو بتحكمه في أحلامه يبقى خارج دائرة الهوس واللامعقول أكثر من أي إنسان آخر . يُضاف إلى هذا – وهو شيء غير متوقع من هذا النوع
من الأشخاص – أن مولود برج العذراء شديد الجاذبية متى علق به القلب لا يعود يستطيع الانفصال عنه في حال من الأحوال .
مشاهير العذراء
مايكل جاكسون ، الملكة إليزابيث الأولى ، صوفيا لورين ، تولستوي ، إتش إل مينكين، جون كولتين ، بافلوف
الخلاصة
الكوكب عطارد
ارقام الحظ 6- 15- 24- 33- 42- 51
الاحجار العقيق
البرج ارضي
يتوافق مع الجدي - الثور، السرطان، العقرب
الاعمال الملائمة
كيميائيين- أطباء-محققين- أخصائيي تغذية- أطباء بيطريين- مدراء- مقاولين
ايجابيات متواضع، خجول، دقيق، يمكن الاعتماد عليه، عملي، مجتهد، ذكي ويميل إلى التحليل
سلبيات
سريع الانزعاج، كثير القلق، كثير الانتقاد، قاسي، يسعى نحو الكمالية ومحافظ
-----------------------
|
Post: #109
Title: Re: كذب المنجمون ولو صدقوا...
Author: سارة علي
Date: 09-14-2008, 04:32 AM
Parent: #104
امبدة..
وانتا طيب..
عارف؟؟بتبالغ بتبالغ بتبالغ في الحاجة اللفحتا دي..
مع انو انا قريت كتير عن برجي..لكن دة خلعني..
....
اديناك صلاحية المساعدة في البوست دة..
|
Post: #105
Title: Re: كذب المنجمون ولو صدقوا...
Author: سارة علي
Date: 09-14-2008, 02:54 AM
Parent: #1
اها يا ناس العقرب..
ايهاب واحمد خضر..
برجكم بيقول عليكم انكم مدافعين واذكياء ومتطرفين في مواقفكم..
بتحبو التغيير وما بتحبو التقليدية..طموحيين لحد المجازفة..
عندكم الشجاعة وما بتتراجعوا ومرات بتصلو لحد التهور..
بتتخذوا قرارتكم وبتقفلة اضان من طين والتانية من عجين من النصائح حتي ولو كانت من اقرب الناس ليكم..عنيدين جدا لمن تغيظوا..
مع اصحابكم وفيين جدا..ومع عدوينكم نار مولعة..
الحب عندكم عهد ووعد مع انو مرات عينكم بتطير..بتلبوا طلبات نسائكم لكن ما بتحبو الاوامر منهم..
وكذب المنجمون ولو صدقوا...
|
Post: #107
Title: Re: كذب المنجمون ولو صدقوا...
Author: حنين للبلد
Date: 09-14-2008, 03:36 AM
Parent: #1
قيقا انت لسه مانمت؟؟؟؟؟؟؟؟؟؟؟
|
Post: #110
Title: Re: كذب المنجمون ولو صدقوا...
Author: سارة علي
Date: 09-14-2008, 04:44 AM
Parent: #1
امبدة..
اليوم انتهي لكن برجك بيقول ليك..(اظنو السرطان)..
انو مديرك في الشغل مزاجو ما تمام احسن تختانهو..خلي لمن بالو يروق حتي اتكلم معاهو..
وبيقول ليك الشمارات العندك دي ما تفتها...
تخريمة:-
اتوقع مداخلة سريعة من ود الصائم مع ذكر الشمارات..
|
Post: #111
Title: Re: كذب المنجمون ولو صدقوا...
Author: osman righeem
Date: 09-14-2008, 05:07 AM
Parent: #1
نظام الفط ده شنو ؟
وش صاري وشيهو
|
Post: #112
Title: Re: كذب المنجمون ولو صدقوا...
Author: سارة علي
Date: 09-14-2008, 05:27 AM
Parent: #1
ههههههههههههههه
رغيم والله انتا ظريف والله...
بالنسبة لي سؤالك عن اختلاف برجك الثور من عزاز..دة عشان صفات الرجل الثور بتختلف من المرأة الثور..
وشكرا يا عثمان علي الدعوة الحلوة...
بس نسيت تقول لي كل سنة وانتي طيبة..
|
Post: #114
Title: Re: كذب المنجمون ولو صدقوا...
Author: osman righeem
Date: 09-14-2008, 06:59 AM
Parent: #112
طيب مقبوله منك برضو
Quote: بس نسيت تقول لي كل سنة وانتي طيبة..
|
طيب ما قلنا التورتة
وكل العمر وانت بخير و صحه وعافيه
وبنا يحقق كل الاماني
طيب التور النسائي ده ما يخلوه بقره
|
Post: #117
Title: Re: كذب المنجمون ولو صدقوا...
Author: عزاز شامي
Date: 09-14-2008, 10:05 AM
Parent: #114
وقفة جندرية ..!!
أدين و اشجب و استنكر و انطح كل من يطالب بتغير برجي إلى برج البقرة ..!!
|
Post: #118
Title: Re: كذب المنجمون ولو صدقوا...
Author: osman righeem
Date: 09-14-2008, 01:15 PM
Parent: #117
اختنا عزاز
كل العام وانت بأتم عافية و صحة وسعاده
انطح ما فينا
خلاص انا بجول توري لي جاموس
و كان عايزة تجربي قرونك
دونك ساره الموج
|
Post: #113
Title: Re: كذب المنجمون ولو صدقوا...
Author: سارة علي
Date: 09-14-2008, 05:31 AM
Parent: #1
حذف للتكرار...
|
Post: #115
Title: Re: كذب المنجمون ولو صدقوا...
Author: قيقراوي
Date: 09-14-2008, 08:51 AM
Parent: #1
Quote: قيقا؟؟
معقول بعد دة كلو وما بتفهمني؟؟
اتلومتا.. |
دا كلو من السهر يا ابو السا
امسحيها في الوش دا
| Quote: انتا جنيت ولا غبيت عشان اطلع ليك انتا الكرت الاحمر؟؟.. |
اصيلة و الله عشان كدا بنحب نخدمك . . .
نانو شنو ؟ انت قايله عتالة الصفحات دي ساهلة ؟ لكن و الله تستاهلي كل خير
Quote: لمن قلتا ليك امشي نوم كنتا شايلة همك من السهر..
فهمتا؟ |
مافهمتا و الله  دي دايرة ليها لجنة تفهيم عليا و فهامة . . . اقترح حنين و رغيم و امبدة بحكم انهم لسه صاحين
يا بتي انت قايلاني منو بالضبط ؟
انا ما صديق الموج ؟ في زول معاهو لاود اسبيكر هنا يا اخوانا الزولة دي نعست اظنها
نحن سراي الليل . . . اسألي حنين ؟ أو اسألي العنبة الرامية فوق بيتنا ؟
|
Post: #116
Title: Re: كذب المنجمون ولو صدقوا...
Author: قيقراوي
Date: 09-14-2008, 09:48 AM
Parent: #1
| Quote: قيقا انت لسه مانمت؟؟؟؟؟؟؟؟؟؟؟ |
حتى انت يا بلد ؟
ياستهن بعد ما بقوا ستة هن*
شنو ما قلنا كل سنة وانت طيبة ؤ كدا
و عقبال مليون سنة كدا يا رب
------------------
* دي متذكراها ؟
|
Post: #119
Title: Re: كذب المنجمون ولو صدقوا...
Author: سارة علي
Date: 09-14-2008, 11:48 PM
Parent: #1
Quote: حتى انت يا بلد ؟
ياستهن بعد ما بقوا ستة هن*
شنو ما قلنا كل سنة وانت طيبة ؤ كدا
و عقبال مليون سنة كدا يا رب |
قيقا صحس السهر طشش بيك...
جمع جمع جمع..
دة عيد ميلادي انا..
كلم ود الموج بلاي لانو كرامتي ما بتسمح لي اكلمو انا
|
Post: #120
Title: Re: كذب المنجمون ولو صدقوا...
Author: الملك
Date: 09-15-2008, 00:59 AM
Parent: #1
"وردية ليل"
..
كل سنة وإنتى طيبة
ومائة شمعة سعيدة,,ومديدة
|
Post: #121
Title: Re: كذب المنجمون ولو صدقوا...
Author: حنين للبلد
Date: 09-15-2008, 01:20 AM
Parent: #1
قيقا صححنا المعلومة ده ماكان عيد ميلادي كان عيد ميلاد سارة بس حبيت اشاغلها
عموما احتياطا شكرا عيد ميلادي قرب شهر 11 سنة كم دي مافي داعي ليها.....ثمح
|
Post: #122
Title: Re: كذب المنجمون ولو صدقوا...
Author: سارة علي
Date: 09-15-2008, 01:46 AM
Parent: #1
| Quote: ومائة شمعة سعيدة,,ومديدة |
شكرا يا الملك ...
بس..مديدة دي الجابا هنا شنو؟؟؟
|
Post: #123
Title: Re: كذب المنجمون ولو صدقوا...
Author: سارة علي
Date: 09-15-2008, 01:48 AM
Parent: #1
| Quote: عيد ميلادي قرب شهر 11 سنة كم دي مافي داعي ليها |
فلاحتك فيني انا بس؟؟
|
Post: #124
Title: Re: كذب المنجمون ولو صدقوا...
Author: قيقراوي
Date: 09-15-2008, 02:10 AM
Parent: #1
Quote: كلم ود الموج بلاي لانو كرامتي ما بتسمح لي اكلمو انا
|
طيب صححنا عيد الميلاد بتاعك انتي
الكرامة برضو بتاعتك ؟
و مناسبتا شنو ؟
|
Post: #125
Title: Re: كذب المنجمون ولو صدقوا...
Author: حنين للبلد
Date: 09-15-2008, 02:12 AM
Parent: #1
قيقا ...ياسقدنة بالغت فيها والله لمن شلنا همك..........
|
Post: #126
Title: Re: كذب المنجمون ولو صدقوا...
Author: سارة علي
Date: 09-15-2008, 02:18 AM
Parent: #1
قيقا..
انا دايرة كرتي براااااي..
داك كان بي نية حنين..
والفهم اتغير..
وبالتالي الكروت ذاتا مفروض تتغير..
|
Post: #127
Title: Re: كذب المنجمون ولو صدقوا...
Author: قيقراوي
Date: 09-15-2008, 02:20 AM
Parent: #1
Quote: قيقا ...ياسقدنة بالغت فيها والله لمن شلنا همك..........
|
بلد يا حنين
ربنا يخليك ياخ و ما تشيلي هم
البلد العاملة كيف كيف دي مقلبنة في اي حاجة
و حولتنا لكائنات ليلية متحولة نحو الخفشنة و الظلامية . . .
و الله يستر
بس يا شباب وجهونا ما تجهجهونا
امشي اقول لعمو صديق الكرامة حقت شنو ؟
سرورة كل سنة وانت بالف خير ياخ
و ليك اجمل هدية عندي بس ربنا يسهل
خلاس كبرتي و ليك تسعتاشر سنة ؟
|
Post: #128
Title: Re: كذب المنجمون ولو صدقوا...
Author: سارة علي
Date: 09-15-2008, 02:26 AM
Parent: #1
| Quote: خلاس كبرتي و ليك تسعتاشر سنة ؟ |
فيك الخير...
ود الموج ما قال لي كل سنة وانتي طيبة..وكرامتي ما بتسمح لي الكزو عشان يقولا لي..فخمتا؟ولا احسن تمشي تنوم؟؟
|
Post: #129
Title: Re: كذب المنجمون ولو صدقوا...
Author: قيقراوي
Date: 09-15-2008, 02:40 AM
Parent: #1
|
Post: #133
Title: Re: كذب المنجمون ولو صدقوا...
Author: سارة علي
Date: 09-15-2008, 02:57 AM
Parent: #129
شكرا يا قيقا يارائع..
بالجد جد انبسطتا..
|
Post: #130
Title: Re: كذب المنجمون ولو صدقوا...
Author: قيقراوي
Date: 09-15-2008, 02:47 AM
Parent: #1
| Quote: فخمتا؟ولا احسن تمشي تنوم؟؟ |
تطير عيشتي انا كل يوم منومني
حاضر بس بعد ما اوريك الغتاتة
بعد 10 دقائق كدا اعملي رفرش سمح ؟
|
Post: #131
Title: Re: كذب المنجمون ولو صدقوا...
Author: حنين للبلد
Date: 09-15-2008, 02:48 AM
Parent: #1
قيقا
ولد دا
اجتهادات شديدة كدي بس يوم عيد ميلادي ماتجيني الحزم الوردية دي
بس سرورة تستاهلها.........................
|
Post: #134
Title: Re: كذب المنجمون ولو صدقوا...
Author: قيقراوي
Date: 09-15-2008, 03:02 AM
Parent: #1
Quote: قيقا
ولد دا
اجتهادات شدية كدي بس يوم عيد ميلادي ماتجيني الحزم الوردية دي
بس سرورة تستاهلها......................... |
دي الفكي البعملا الا يوروه السنة
|
Post: #135
Title: Re: كذب المنجمون ولو صدقوا...
Author: سارة علي
Date: 09-26-2008, 05:56 AM
Parent: #1
امبدة..
ممكن لو سمحتا تمسك لي البوست دة لمن افضي ؟؟؟
شكرا
|
Post: #136
Title: Re: كذب المنجمون ولو صدقوا...
Author: ombadda
Date: 09-26-2008, 09:50 PM
Parent: #1
سارة على
كل سنة وانتى طيبة
Quote: امبدة..
ممكن لو سمحتا تمسك لي البوست دة لمن افضي ؟؟؟
شكرا |
معليش ما شفت الطلب الا بعد التنبيه ( وش زول عامل فيها رايح وما عارف حاجة)*
بس دايرينك تسلمينا عدة التنجيم والذى منو
زى الكرة البلورية كالتى يمتلكها المنجم المشهور الألوسى ..والقبعة التى تمتلىء بالنجوم...
تحياتى
-----------------
* الجملة البين قوسين دى من درر ود البشرى
|
Post: #137
Title: Re: كذب المنجمون ولو صدقوا...
Author: ombadda
Date: 10-07-2008, 10:06 PM
Parent: #1
عملا بالوصية
البوست فى الحفظ والصون من المتداخلين لحين عودة صاحبته
|
|
