وحليل زمن الأستذة شوفي هسّع كم أستاذ جاك داخل في دقيقة خلّيني "أقعد" أتابع الحصّة المجّانيّة الأهديتيني ليها دي
حلوة إنتي وبسكويت
أنـا في البـعـيـد مُـشـتـاق لهـمـسـة من الوطن يا نـسـمـة
Post: #31 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-09-2008, 09:45 PM Parent: #20
والله معليش العين مابتعلى على الحاجب
بس نحن ف الفيسبوكعاملين فيها سناير وكده!!
ميزه الفيس بوك انو متعدد التطبيقات ممكن الواحد يستخدم التطبيق الافتراضي (حلوه دي) زيو زي اي عنوان بريد عادي و الاحسن انو الواحد يتجاهل اغلب الinvetations البتجيك لغايه ما تسلك ف الموضوع او ح تلقى روحك رايح في صفحتك!
تحميل الصور والفيديو اسهل ما يمكن بس الواحد يتابع اليفط يقولو ليك لف شمال لف شمال يمين يمين!
الافضل انو الباسوورد يكون مختلف و فيهو ارقام وفراغات زي مثلا: my pass word او my 50 cent وهكذا
اخر حاجه وهم حاجه لو كنت مولود قبل 75 قد تحتاج حبوب للضغط لأنك ح تكون جدوووو انا من مواليد 1980 و الناس شايفاني عجوزمتصابي!
نبقى نشوفكم هناك
يانعيم لقيت النت بتاعك سريع لكن الحاله انا موصل ADSL
Post: #12 Title: Re: facebook ليكشر.. لوسمحت يا لؤى... Author: naeem ali Date: 06-09-2008, 08:56 PM Parent: #1
سلامات يا امير لو عندك حساب في كتاب الوجه كدي اول في التبادي افتحه وخليه فاتح (قوم او اقعد) افتح (نافذه جديده).. واضغط علي الرابط (ادناه).. دي مجموعه في كتاب الوجه حا تلقي فيها بالجمبه اليمين كلام كتير كده ما عليك بيه فتش علي join this group اضغط عليها وبيناتنا
ــــــــ وكل العاده بتجيك دعوه من احد اصدقاؤك لفتح الحساب, بعد كدا بتقومي تعملي ليك اصحاب ذي حمودي العسل ود البشري ,طبعاً اذا ما عندك اصحاب بتكوني لافه في الفاضي لانه هو اصلاً لتكوين رابط اجتماعي .. الصعوبه التي تواجهك في كيفية الاختيار الاصدقاء من وسط ملاين البشر الاولي الخطوات التسجيل +الايمل +الباسورد بتاع الايمل وبعد كدا هو بيبحث لك عن بريد الاصدقاء ببيانات الفيس بوك الاشكال الحقيقي ..بيطل منك الايمل + الباسورد ربما يكون فيه خطوره علشان كدا لازم تكوني تفتيحه بيكون عندك ايميل مطلعلعها (للتلف)
معروف الايميل به معلومات الشخصية..! طيب لمن تنزلي الايميل والباسورد في مكان ذي ده؟؟...علشان كدا معلومات دون ادي ربية لم تكن في أمان فالفيس بوك مكان عام ,فأكيد سوف يستفيد من المعلومات الـــ(بالهبل)دي في المسائل الدعاية , وذي ما سمعنا التاجر بكري ابوبكر موقعو دي عاوزين يشتروه برضو في ناس بتشتري المعلومات دي , وعلشان كدا أنتي بحكم معلومات دي وهي طازجة ممكن ان تكوني في حالة رقابة ذي المخابرات وكدا(ماتنططي عيونك)
Quote: اول مقلب اختوياعماد..
لانى مسجلة بايميلى الواحد دا ..
ممكن اغيرو??
المقلب وقع ... واللللليله (وشوشوش باكية) التغير ما من الساهل لانو اصلو البيانات محفوظه مع المداخلات التلقائية التي تستقبليها كعناوين المداخله في خانه إسمها (السي سي)..فعلشان كده ح تتفاجي باسماء من الله ما خلقك ما سمعتي بيها وفي طبعاً اسامي سمعت بيها ذي(دكين)
كويس إنك كتبتي في الحيطة في ناس كدة ( إحم إحم) بقراها بس
لكن قاعدة مرة مرة ادي الناسdrinks loooool
إتخيل لى to add a group اسهل حاجه so far و متابعين
Post: #34 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-09-2008, 11:00 PM Parent: #30
سلام من جديد
الموضوع ابدا ما معقد و للتسهيل اعتبر انو تسجيلك ف فيسبوك زي كانك عملت ايميل جديد
بتسجل عبر ايميل موجود و هو ال حيكون اسم الدخول بتاعك وتعمل باسوورد تاني غير بتاع الايميل الاصلي
لما تخلص التسجيل ح تخش ف صفحة home و دي عباره عن ملخص للحاصل ف فيسبوك حواليك ممكن تمشي ل profile و منو edit عشان تعد البروفايل بتاعك عن طريق ملء الحقول الاسم, النوع, العنوان و هكذا لغايه الان دي نفس اجراءات الايميل العادي كان ف MSN او Yahoo
نمشي profile
ف الصفحة دي انت بتشوف بروفايلك و دي هي الصفحة ال ح يشوفوها المتصفحين لبروفايلك ممكن طبعا تعدل المعلومات كل شويه وممكن كمان تغير اسمك لو عايز يعني مره المسافر و بعد اسبوع عثمان الكضاب و بعد اسبوعين ايمو السكر بس الناس ح تكون عاارفاك انو ده انت (زي الماسنجر)
القروبات عباره عن منتديات متخصصه زمان كان في الشبكات و شبكة السودان كانت تضم 18الف سوداني لكن دلوقت الشبكات اتلغت والناس اتفرزعت
المهم من صفحة البروفايل وعلى يدك الشمال ب تلقة مفاتيح ال applications ومن ضمنها ال groups
صفحة القروب بتشبه لحد كبير المنير العام ف الحيطة بتاعت الكلام والهضربه العامة و في البورد للمواضيع و النقاش
وفي محلات تحميل الصور والفيديو و الروابط بالاضافة لاعضاء القروب
عايز تكتب ف الحيطة اضغط على write something عايز تحمل صورة اضغط على add photo
Post: #38 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-10-2008, 02:23 PM Parent: #36
تشكر يانعيم على الاستاذيه (وش استاذي)
ممكن الواحد يفك الارتباط مابين الايميل وحساب الفيس بوك
كيف؟
اضغط على لينك account الموجودأعلى اليمين بتلقى contact E Mail اضغط عليه و بكده ممكن تغير الايميل لواحد تاني مخصوص (للتلف) و بكده برضو ح تبقى تستقبل الاشعارات الخاصة ب فيسبوك على العنوان الجديد!
بس!!
اسم الدخول ح يفضل العنوان القديم لانو ده مابتغير! لكن العنوان الجديد هو ال حيكون صندوق وراد الاشعارات و هو ال ح يظهر ك عنوان بريدي ليك ف فيسبوك!
مم مم مم (وش تفكير عميق جدا)
افتكر دي الحاجات الاوليه و بعد ده الواحد بيقدر يداقش مع الناس !
نصيحة لله والرسول
ما تقول OK على اي حاجه انت مافاهمها! مافي خطورة بس مرات بتعمل ازعاج ما تحاول تعمل بروفايل وهمي لأنو الناس خبيرة ف كشف البروفايلات الوهمية و هناك الادمن مابجامل!! ما تصاحب كل من هب ودب لأنو ف شفع كده شغلتهم التهكير
إحصاءيات شبكة السودان كانت تضم 18400 عضو قروب مسانده اوباما مثلا !! يضم 920000 عضو والعدد ف إزدياد جورج بوش عندو قروب مسانده
ــــــــ أستاذنا صلاح ... كيفينك ..يا هندسه ؟! الخطوره موجوده .. من حيثية الموقع .
هل هو موقع إستخبارات إسرائيلي؟
وزمان قريب مقال بنفس العنوان
صحيح هو تم فيه تطوير في التصنيفات في نظام قوائم
تحياتي
Post: #41 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-10-2008, 03:20 PM Parent: #40
الاخ عماد
المخابرات عموما مدركه لخطوره المواقع الالكترونيه فيسبوك نجح كوسيط للتنسيق لأحداث المحله بمصر ونفس الموقع يحوي قروبات عديده تتناول قضايا زي دارفور والارض المحتله و الكاريكاتيرات المسيئة للإسلام يعني ببساطة العالم كلو موجود هناك
وزي اقلت المخابرات موجوده في كل موقع (ربنا يجعل كلامنا خفيف عليهم) المواصلات فاضيااااااه والرغيف كبيييير!
قبل كده كان في واحد فتح ليه موضوع ف شبكة السودان عن انو ليه نحن بنكره الاسرائيلين؟؟ غايتو الود عرف حاجه!!
عموما طالما ما ح يرسلو موشى حاييم دزرائيلي ف حبابهم عشرة ونديهم كل الكلام السمح ماداسين حاجة واقمار التجسس مامقصرة اما لو رسلو سونياجراهام ف حبابهم ببقى مليون وممكن نوريهم النحن ما عارفنو زاتو!!
Quote: ممكن الواحد يفك الارتباط مابين الايميل وحساب الفيس بوك
كيف؟
Quote: الخطوره موجوده .. من حيثية الموقع .
اها بروفات ..
اتفقتو على شنو??نبارى الخطوات دى ونمشى نغير ولا عندكم راى تانى..
انا ماعندى استعداد اخرمج تانى اكتر من الاول..
اها..
Post: #37 Title: Re: facebook ليكشر.. لوسمحت يا لؤى... Author: naeem ali Date: 06-10-2008, 02:05 PM Parent: #1
الاخت اميره واخوكي زول غبيان ساكت وما شاف كويس لكي العتبي واتمني نشوفك بهناك... اطفال المايقومه
ولكي عظيم اسفي
عماد... شكرا علي التوضيح يا ملك
Post: #39 Title: Re: facebook ليكشر.. لوسمحت يا لؤى... Author: الملك Date: 06-10-2008, 02:34 PM Parent: #1
عشان كده بنعمل ليك "إضافة"
وانتى ما فاهمة اى شئ
ما بتقبلى!!
.. ..
غايتو هناك فى 1000 عضو وعضوة من سودانييز اولاين
Post: #42 Title: Re: facebook ليكشر.. لوسمحت يا لؤى... Author: الطاهر عثمان Date: 06-10-2008, 04:18 PM Parent: #1
ياخي الفيس بوك ده موقع فضيحة بس وبتاع قوالات وشمارات كمان مابيخلي ليهو زول الا يجيب ليك خبره صاحب فلان ورسل عايز يصاحب فلان ودخل وين ومرق وين وفلان وفلانة الان اصدقاء ودخلوا مجموعة كده ونزلوا كده...
انا غايتو عملته بنظرية اني ادوس علي اي حاجه لحدي ما قدرته اتعامل معاه ولااقول فهمته وفي الاول كنته متحفظ في حكاية اني اقبل الدعوات وتجيني علي الايميل دعوات فكنته بحذفه حتى قبل اقراها بس بمجرد ا شوف الفيس بوك... لفترة كده بقيت اي دعوة في الدنيا بقبله (كول درنك) وما عارف سوشيال مي وحاجات غريبة المهم كنته بدوس وبقبل واشوف الحكاية ماشة وين...
دخول المجموعات وعمل المجموعات اعتقد ساهل لكن المشكلة لمه ترسل دعوة لزول بره الشغلة دي انا عملته لي مجموعتين ورسلته لناس اصدقاء بالجد وكلمتهم حتى بالتلفون لكن ما قدرو يدخلوا قدر ما حاولوا
غايتو (نانسي عجاج) قبلت صداقتنا واحدة من حسنات الفيس بوك ده رغم اني متوقعه كده زي موضوع نسرين سوركتي داك ...
المهم انا قاعد في الكرسي الوراء داك واسمي (Altaher Osman)
Post: #43 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-10-2008, 05:32 PM Parent: #42
لوووووول الطاهر والله جبتها ايوه فيسبوك دايما فاضح الناس: فلان داك رسل لي فلانه الحلوه و قرررربو يقولو كتب ليها شنو
عموما ممكن تمشي account ومنو ل notifiations وهناك انت ممكن تتحكم ف الشمارات دي تطلع منك وتجيك ماطلع ولاتجيك تجيك لكن تتدفن عندك الانت عايزو اي تطبيق ممكن تعمل ليهو on او off للشمارات واقضي ياعمك حوائجك بالكتمان!
البروفايلات المواسير
لووول انا غايتو رسلت لنانسي ردت على قالت لي بالحرف: ايوه انا نانسي تسلم على المسج تحياتي!! غايتو اكان دي هي بالجد ف الحمدلله الواحد اتكلمو معاااو يااا !!
لكن بصراحة انا شاكي ف البروفايل ده!! اي واحد ممكن ينزل صور من النت و يعمل فيها هيفاءوهبي
والبروفايل لو لاحظت مافيهو ايييي معلومة او صورة ممكن تكون خاصة بنانسي
عموما لما الحقيقة تظهر ح تكون واحد من 600 نفر استلمو الماسورة دي!!
Post: #48 Title: Re: facebook ليكشر.. لوسمحت يا لؤى... Author: الطاهر عثمان Date: 06-11-2008, 07:30 AM Parent: #43
Salahaldeen Nadir
صلاح بالله انته واحد من الـ 600 برضو طيب الحمد لله طمنتني وانا برضو متفق معاك ان الموضوع fishy شوية
معلومة وقف شماراتك دي كويسة حامشي ادعبس فيها لكن شمارات الناس خليها تجي مابتضر
لك التحايا
Post: #53 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-11-2008, 06:31 PM Parent: #48
الاخ الطاهر والله انا بالنسبة لموضو الاصدقاء ده بعتبر من المتشددين انا مضيف 90 صديق بس!!! كللهم اما لاقيتهم ف الجامعة ايام الجامعة او ف الجامعة ايام بعد الجامعة او ف حتة تانيه بالتاكيد ليها علاقة بالجامعةاو ف الشغل مع الكراهة! ف لما الحقيقة تظهر انا ح اضحك على ال600 ديل وخليك عارف انك منهم (وش خبيث)
والله ف الحقيقة الواحد ممكن يعمل اي شي عشان يتعرف شخصبا على مس عجاج بس المهم تكون هي بالجد ومن هذا المنطلق التحية لمس عجاج !!
افتكر الملك وضح الموضوع بالصورة والقلم وبعد مافي حجة والامتحانات بعد ده وبطبيعة الحال الماسدد الرسوم ما يتوقع يلقى ليه رقم جلوس عندنا
اي زول يكتب في الحيطة (اييي بشخبط وبشخبط وبشخبط يانانسي عجرم) ويوقع بأسمو
الهدف من التمرين: التدرب على الاشتراك ف القروبات التدرب على الكتابه ف الحيطة التعرف على اجواء فيسبوك
التسليم: امبارح
Post: #61 Title: Re: facebook ليكشر.. لوسمحت يا لؤى... Author: Salahaldeen Nadir Date: 06-13-2008, 01:00 AM Parent: #55
والله يااميرة شكلك ناويه تجيبي لي الكلام مع الناس الكبارات لؤي ده برضك الخير والبركة
لو عايز تلغى حسابك طوااالي امشي account وحتلقي deactivate account اعملي كليك و امش محل ما عمو الراجل بيقول ليك!
طيب بالنسبة لتحميل الصور ف عندك كم خيار انا ما عارف بالضبط انتي حملت صور للبروفايل بتاعك وللا لقروب انتي مشتركه فيه؟
بالنسبة للبروفايل امشي اعملي كليك على edit بتلقيها جمممب profile ومنها امشي على picture اختاري الصورة من جهازك عبر browse و ابصمي انو الصورة دي عندك حق النشر بتاعها وصححي البوكس بتاع التعهد وقولي بسم الله و اضغطي upload ممكن تكرري العمليه دي كذا مره وإذا احتجتي تبدلي الصور او بس تشوفيها ساي اضغطي الصورة بتاعت البروفايل وح يتفتح ليك الالبوم
اما لو عايزه تعملي البوم تاني ف ممكن تمشي photos بتلقيها على يدك الشمال(مابتاعت الاكل) تحت applications
امشي ل creat a photo album وبررررضو اسمعي كلام عمو الراجل للنهاية صورك بعد ممكن تشوفيها عن طريق سلسلة الاوامر دي: photos my photos
Post: #50 Title: Re: facebook ليكشر.. لوسمحت يا لؤى... Author: الملك Date: 06-11-2008, 02:26 PM Parent: #1
على يدك اليمين"اعلى الشاشة" .. .. حتلقى خيار اسموا
Privacy
...
يتحكم فى خصوصيتكــــــــ تماماً
اول حاجة فى Privacy هى ملفك
او Profile Control who can see your profile and personal information اول ما تضغطى عليها بديك خيارات عديدة رؤية محتويات ملفك ,,,
Profile Who can see this?
من تسمحى له برؤية بروفايلكــــــــ
My Networks and FriendsFriends of FriendsOnly FriendsCustomize "1" كل الاشخاص فى شبكتك Friends of Friends "2" وكل الاشخاص اصدقاء اصدقاءكــ Only Friends "3" ام اصدقاءك فقط
Only Me "4"... ام إنتى فقط ... حتلقى خيارات كتيرة ابتداءً من profile حتلقى عليها كل الخيارات الاربعة المكتوبة اعلاهو ............ وBasic Info و Personal Info وStatus Updates وPhotos Tagged of You وVideos Tagged of You وFriends وWall
الخ ... لازم تختارى واحد من الخيارات الاربعة او تعملى حاجة اسمها Limited Profile "عشان لو فى ناس ما حابة تشوف كل ال وBasic Info و Personal Info وStatus Updates وPhotos Tagged of You وVideos Tagged of You وFriends وWall
Post: #67 Title: Re: facebook ليكشر.. لوسمحت يا لؤى... Author: sami Alzubair Date: 08-08-2008, 04:21 PM Parent: #1
Quote: الموضوع دا لسة ما نجض عشان كدا لازم نعلقو لبكرى..
عملا لي الله ومن اجل تقليل اعداد الجاهلين فيسبوكيا .. نسهم ببعض الاضافات والعندو اضافة للناس دي بالله يجي ينزلها لانو اميرة لغاية هسي ما قادرة تشغل حسابها تمام
Quote: نسهم ببعض الاضافات والعندو اضافة للناس دي بالله يجي ينزلها لانو اميرة لغاية هسي ما قادرة تشغل حسابها تمام
سامى فيك الخير ..
البوست بدل يضيف لى مخولنى زيادة على قدر الكنت عارفاهو طار
من يوم فتحت البوست دا يعمينى تانى ماشفت فيس بوكى لليلة..
دى يقولو عليها شنو???
وبعدين الاستاذة ديل مشو وين??
سامى طالبنك محاضرة
Post: #69 Title: Re: facebook ليكشر.. لوسمحت يا لؤى... Author: sami Alzubair Date: 08-08-2008, 06:53 PM Parent: #1
اميرة
Quote: وبعدين الاستاذة ديل مشو وين??
سامى طالبنك محاضرة
يا زولة ما عندك مشكلة .. لكن اتصلت قبل شوية بصلاح (الاستاذ) قال بجي بعد التمرين
..
صلاح بعد تجي هنا عليك الله اعمل لي حركة معاك عشان اتابع وكدا
Post: #70 Title: Re: facebook ليكشر.. لوسمحت يا لؤى... Author: Salahaldeen Nadir Date: 08-08-2008, 07:56 PM Parent: #69
السلام عليكم اديني جيت والله على ملا وشي بس اول ما الاخ سامي اتصل انا سبت كل حاجة واريا وجيت ع طووول امال ايه مش درس خصوصي ومستعجل؟
ايه باه المشكلة ياست أميره
ده انا كنت عملتلك شغل ما حصلش! اه والله
كباية شاي من ايدك و احكيلي م الاول!
Post: #71 Title: Re: facebook ليكشر.. لوسمحت يا لؤى... Author: ابوعبيدة حسن محمد Date: 08-08-2008, 09:41 PM Parent: #70
الاخ صلاح
الاخت اميرة
الفيس بوك موقع ظريف وفكرة حلوة ، لكن يبدو انو ورطة كبيرة فموضوع الدعوات دة مزعج شديد، كل يوم تلقي شخص بعمل ليك دعوة ، فاذا قبلت الدعوة ، استعد للدعوات التانية والكتيرة ومسيخة ، والغريب في الموضوع اذا قبلت الدعوة خبرك يصل لكل اصدقاء صاحب الدعوة واصدقاءك انت برضو ( فلان وفلان اصبحوا اصدقاء) ( فلان وفلانة بقوا اصدقاء برضو ، واحد من اصدقائي الظراف قال لي تعرف الفيس بوك دة بس زي ( المشاطة) مافي خبر بفوت عليهو 00
دة العرفتو عنو لغاية دلوقت بس 000 وما خفية كان اعظم ، ربكم يستر بس00
الخطوات الفوق حول فك الارتباط بين الايميل والفيس البوم..
يبدو انكم كشعبة فيس بوك ما متفقين عليها
اها اناحاولت اعملها فشلت لانو لسة بستقبل رسايل الفيس بوك فى نفس الايميل
سامى ياخ فتحت الباب دا تانى بسد دا لو مااتعلمت مابسدو للسنة الجاية
Post: #72 Title: Re: facebook ليكشر.. لوسمحت يا لؤى... Author: sami Alzubair Date: 08-08-2008, 10:05 PM Parent: #1
Quote: الفيس بوك موقع ظريف وفكرة حلوة ، لكن يبدو انو ورطة كبيرة فموضوع الدعوات دة مزعج شديد، كل يوم تلقي شخص بعمل ليك دعوة ، فاذا قبلت الدعوة ، استعد للدعوات التانية والكتيرة ومسيخة ، والغريب في الموضوع اذا قبلت الدعوة خبرك يصل لكل اصدقاء صاحب الدعوة واصدقاءك انت برضو ( فلان وفلان اصبحوا اصدقاء) ( فلان وفلانة بقوا اصدقاء برضو ، واحد من اصدقائي الظراف قال لي تعرف الفيس بوك دة بس زي ( المشاطة) مافي خبر بفوت عليهو 00
العزيز..ابوعبيدة سلامات داير اوضح ليك حاجة ما بتجيك اخبار علي شاكلة فلان وعلان بقوا اصحاب اذا ما كانوا هم اصحابك اصلا او علي الاقل واحد منهم يعني انت بتتحمل ضريبة انو الزول في قائمة اصدقائك بانك تعرف كل اخبارو بعدين ده غرض الموقع اصلا انو يكون كل الناس في شبكة اجتماعية واحدة متشعبة وكدا .. الشيء التاني انت ليه بتقبل اي دعوة اقبل الدعوات للحاجات البتنفع معاك والباقي اعمل ليهو رفض لما تجيك الدعوة بجيك خيارين (قبول/رفض) اختار البنفع معاك .. حاجة تالتة لو في زول نشط وعامل ليك ازعاج بالبوستات الكتيرة ممكن تعمل ليهو (بلوك) وتجمد نشاطو وازعاجه ده او حتي تمسحو من القائمة بتاعتك خالص لو حبيت ... الموقع سمح للزول البعرف يستخدموا فاما لو باريت ناس الصورة دي والفلم داك والحاجات الزي دي ما حتخلص لانو الحاجات دي متناسلة يومية يعني مثلا تقوم انت تعمل مجموعة وترسل لي قائمة اصدقائك افترض انهم 100 من المية ديل 30 رفضوهو 10 ما بخشو الحساب حقهم والـ60 الباقين قبلوا يعني بقوا اعضاء وقاموا عملوا انفايت لقوائم اصدقائهم اتخيل في كم زول ممكن ينضم للمجموعة في خلال فترة قصيرة وهكذا
.... من الاخر كدا الموضوع بتوقف علي نوع اصدقائك الانت بتضيفهم ومدي حجم الارضية المشتركة البيناتكم البتخليك ما تزهج لو رسلوا ليك انفايت لي اي حاجة لانها اكيد حتكون من اهتماماتك بنسبة كبيرة وكدا
نواصل
Post: #84 Title: Re: facebook ليكشر.. لوسمحت يا لؤى... Author: ابوعبيدة حسن محمد Date: 08-09-2008, 11:43 AM Parent: #72
تشكر يا سامي على توضيح ما فات على عن الموقع ، ويا ريت تقابل بهناك قريباً
تحياتي
Post: #73 Title: Re: facebook ليكشر.. لوسمحت يا لؤى... Author: sami Alzubair Date: 08-08-2008, 10:11 PM Parent: #1
Quote: اديني جيت والله على ملا وشي بس اول ما الاخ سامي اتصل انا سبت كل حاجة واريا وجيت ع طووول امال ايه مش درس خصوصي ومستعجل؟
شكرا يا صلاح للاستجابة السريعة وارجو انك تحاول تنزل بعض ما تعرف حتي بدون استفسارات محددة الاساسيات اعني
Post: #75 Title: Re: facebook ليكشر.. لوسمحت يا لؤى... Author: sami Alzubair Date: 08-08-2008, 10:47 PM Parent: #1
Quote: الخطوات الفوق حول فك الارتباط بين الايميل والفيس البوم..
يبدو انكم كشعبة فيس بوك ما متفقين عليها
اها اناحاولت اعملها فشلت لانو لسة بستقبل رسايل الفيس بوك فى نفس الايميل
طيب كويس .. انسي الكلام الفوق ده واعملي الاتي امشي للايميل بتاعك وافتحي واحدة من الرسائل الرسلوها ليك من الفيس بوك وكملي الرسالة للنهاية في اخر الرسالة بتلقي العبارة دي Want to control which emails you receive from Facebook? Go to: وتحتها لينك للموقع اضغطي علي اللينك ده بوديك الصفحة بتاعت ضبط الايميل بكل التفاصيل مباشرة اختاري الضبط البعجبك بتلقي كل الخيارات المتاحة بس ما تنسي في اخر الصفحة دي في كلمة save لازم تضغطي عليها عشان تغيير الضبط بتاعك يتحفظ .. والله يسهل عليك
طيب قول اتنكصل الاشتراك... معتاها اعمل حساب جديد وايميل جديد (فيس بوك)
Post: #78 Title: Re: facebook ليكشر.. لوسمحت يا لؤى... Author: Rawia Date: 08-09-2008, 00:08 AM Parent: #76
أميرة سلامات
ان شاء الله تنجحي وتطلعي البريمو ياخ محتاجين خبرات في المجال دا وايدي
_______________________ بالتوفيق حا ادعي ليك في صلاة الصبح
Post: #79 Title: Re: facebook ليكشر.. لوسمحت يا لؤى... Author: Amira Elsheikh Date: 08-09-2008, 00:14 AM Parent: #78
Quote: ياخ محتاجين خبرات في المجال دا
وانا محتاجة خبرات فيما يخص الهارت والدو..
والله ياراوية العباسية انا رسلت ليك وصية مع كيكى. جابة لى راجعة
وما تسالينى وتقولى لى شنو.. اوكى؟
اسى لوكنت شاطرة فى الفيس بوك كنتى استلمتيها من هناك
بس الله غالب.
انتى شكلك حريفة
محبات كتارات يا راوية..
Post: #80 Title: Re: facebook ليكشر.. لوسمحت يا لؤى... Author: Rawia Date: 08-09-2008, 00:40 AM Parent: #79
Quote: والله ياراوية العباسية انا رسلت ليك وصية مع كيكى. جابة لى راجعة
الليلة يا أميرة يوم أبيض زي اللبن كيكي ظهر لينا في الفيس بوك واضفناهو
لكن مابنشوفو الا في البورد هنا
عشان كدا وصيتك ماوصلت ولا بتوصل لو راجية كيكي يازولة انا اصلي من زمان بتحين في الفرص معلوماتي بتلقيها في ماسنجر داخلي
______________________________________ بالنسبة للعب اختك كيشة وبيطردوني من اول دور لاني بكون فقعت مرارة زميلي حتى اسم الدلع جايني من كياشتي في اللعب لكن الغتاتة حاصلة والشافتو عينك داك كله ميتافور(Metaphor)على قول الخواجات
Post: #81 Title: Re: facebook ليكشر.. لوسمحت يا لؤى... Author: sami Alzubair Date: 08-09-2008, 00:55 AM Parent: #1
Quote: انت زهجت بالسرعة دى ياخ..
طيب عملت دا كلو قول..
البيحصل شنو؟؟
بتكنصل الاشتراك فى الفيس بوك؟؟
ولا بتلقى استلام الرسايل..
طيب قول اتنكصل الاشتراك... معتاها اعمل حساب جديد وايميل جديد (فيس بوك)
انا بالي اطول من نهر النيل شيء واحد بزهجني مافي بس دي كلمة بستخدمها طوالي ... الشيء التاني والمهم لمن تعمل الخطوة الانا قلتها ليك فوق دي بتلقي فوق في شريط فيهو كم حاجة اخر الشريط ده من الناحية الشمال بتلقي setting اضغطي عليها بجيب ليك كم حاجة تحت بعض فتشي edit email واضغطي علي edit بجيب ليك الايميل بتاعك مظلل بالازرق اكتبي الايميل البعجبك انشاء الله تكتبي ايميلك في شتاريا العظمي بس لازم يكون شغال لانو ح يرسل ليك فيهو الرسائل المزعجة ديك كلها .. وقع ليك امي انا
_______________________
راوبة العباسي دي فايتاك بي سلم واحد ما تتفاصح عليك ساي عملت ليها اضافة لي شهر ما قبلتها الا امس وبروفايلها افضي من خشم حبوبتي
Post: #82 Title: Re: facebook ليكشر.. لوسمحت يا لؤى... Author: Rawia Date: 08-09-2008, 03:34 AM Parent: #81
Quote: راوبة العباسي دي فايتاك بي سلم واحد ما تتفاصح عليك ساي عملت ليها اضافة لي شهر ما قبلتها الا امس وبروفايلها افضي من خشم حبوبتي
اولا اهلا بيك انا هسة حتى لاحظت الصورة وعرفتك انك في البورد معانا انا مابقبل الناس طوالي الا زول اعرفه ولما اقبل بقبل نص (تدفع كم ونديك عضوية كاملة) بروفايلي على قدر ما اقدر مالياهو لكن مابيظهر ليك مابدخل كتير انا لكن قاعدة على عشم(بوريك السر لي قدام)
_______________________ معرفة خير ان شاء الله
Post: #83 Title: Re: facebook ليكشر.. لوسمحت يا لؤى... Author: naeem ali Date: 08-09-2008, 07:22 AM Parent: #1
مجموعة اطفال المايقومه (المابعمل كليك هنا بسكه كلب او مرفعين واحتمال تزلقه صابونه او اسكريم والبعمل كليك بسمع خبر يهمه في خلال عشره (ايام او سنه علي حسب سرعة الكليك) http://www.facebook.com/group.php?gid=26319249136
لانو لسة نحن فى الف باء تا (يعنى مسالة قروبات الاكياس دى ما وصلناها)
اخد راحتك ابوى انا
Post: #85 Title: Re: facebook ليكشر.. لوسمحت يا لؤى... Author: sami Alzubair Date: 08-09-2008, 11:49 AM Parent: #1
Quote: معرفة خير ان شاء الله
Post: #86 Title: Re: facebook ليكشر.. لوسمحت يا لؤى... Author: Salahaldeen Nadir Date: 08-09-2008, 01:23 PM Parent: #85
طايب
أول حاجة بجد واخدوها مني
الافضل لأي واحد فيكم انو يعمل حساب فيس بوك بإيميل خاص والايميل ده يستحسن مايعرفو اي زول ليه؟ الفيسبوك ضعيف قدام الاختراقات و ممكن لأي زول عااادي يخش حسابك و يدخلك ف مواقف بااايخة
انا قريب ده لغيت حسابي خالص وفتحت حساب جديد بإيميل جديد
الباسوورد يفضل تكون اكتر من 8 خانات ويفضل استعمال الارقام والحروف والمسافات
مثلا
asd3 5gfrt 87gjdk
صعبة عليك بس احسننننن من تلقى الود داك مرسل للبت ديك صورة مش تمام بأسمك!
امشي غير البرايفاسي وخللي عنوان الايميل بتاعك ما يظهر لأي انسان ولا حتى انت زاتك ما تشوفو
Quote: اميره انا بسببك ح اشجع بولندا تشجيع شديد خالص
بروف صلاح ..
بسببى ولا بسبب البت الحلوة برضو
Post: #87 Title: Re: facebook ليكشر.. لوسمحت يا لؤى... Author: اميمة مصطفى سند Date: 08-09-2008, 01:32 PM Parent: #85
بما إني رئيس مجلس إدارة الأميين التقنيين فأنا حاجزة الكنبة الجمب السبورة ولو سمحتو ما عايزة كلام عشان أركز لأنو الكلام الفوق ده كلو سمعتو قبل كده وللأسف الشديد ما فهمت منو أي حاجة
يا الأساتذة عليكم الله الشرح وحدة وحدة
يا أميرة وقعتي لي في جرح فتحت الفيس بوك بتاعي "العملتو لي صديقتي" وضغطت لي حاجة بالخطأ لقيت كمية من الناس ارسلوا لي إضافة بعدين عرفت إنهم لقوني بفتش على أصحاب وووووووووووووووووووووو
والحمد لله ربنا ستر
تحياتي يا زملاء الدراسة
أميرة:ــــــــــــــــــــــ سكينة وين؟؟ كلمتها قبل كم يوم قالت مشكلة النت عندهم اتحلت المشكلة بقت في نون..
Post: #88 Title: Re: facebook ليكشر.. لوسمحت يا لؤى... Author: Salahaldeen Nadir Date: 08-09-2008, 02:41 PM Parent: #87
بالمناسبة انتي اثرتي نقطة مهمة شديييييد
اولا
البيانات الخاصة انا لاحظت ف ناس كتار كاتبين ف خانة intrested in
انترستديد ان دي معناها بالعربي كده ميولك الجنسية فلما تكون راجل و انترستيد ان MEN فدي بصراحة بيفهموها الناس انك اللهم احفظنا وف ناس يقول ليك intrested in MEN and WOMEN برضووووو مش كويس
looking for برضو شايتة ف نفس المجال والاحسن تعملوها friendship اللهم الا اذا كان الواحد فيكم فعلا خاشي يفتش عن boyfriend/girlfriend
الفيسبوك ف حد ذاتو بسيط وساهل
التعقيد بيجي من ال applications ال بتنزلها وانت ماعارف هي بتعمل شنو؟؟
انا بصراحة رأيي انو الناس تخليها ف النظام الاساسي مع اضافة تطبيقات بسيطة زي FUNWALL SEND GIFT
لكن تقوم تعمل superfriends و معاه cutestfriends وكمان funnestfriends وتخت فيهم كلللل الناس كل مرة دي تبقى معطة منكم ساي
بعدين خد ف بالك انو ايييي تطبيق بيفرض عليك انت توافق انو معلوماتك الفي البروفايل تبقى accessable للمشتركين التانين
يعني لو نزلت تطبيق مثلا زي MOB WARS دي لعبة وانا مدمن عليها ربنا يحفظكم ممكن اي مشترك يعرف عني بعض المعلومات لاني لما نزلت اللعبة وافقت على كده
ف الاحسن دايما ما تكترو من التطبيقات لانها بتزحم الصفحة ساي وبتخليك اكثر عرضة للإختراق
استاذ صلاح الدين دا كلامو كتير خلاص لكن باين عليهو شاااطر
فى استاذ جديد بجى بعد شوية اسمو استاذ سامى...
اساذ لؤى سافر اجازة وما ادانا ولا محاضرة..
واستاذ ناجى الملك دا غيااااااااظ شديد خلاص..
Post: #89 Title: Re: facebook ليكشر.. لوسمحت يا لؤى... Author: sami Alzubair Date: 08-09-2008, 03:00 PM Parent: #1
Quote: البيانات الخاصة انا لاحظت ف ناس كتار كاتبين ف خانة intrested in
انترستديد ان دي معناها بالعربي كده ميولك الجنسية فلما تكون راجل و انترستيد ان MEN فدي بصراحة بيفهموها الناس انك اللهم احفظنا وف ناس يقول ليك intrested in MEN and WOMEN برضووووو مش كويس
كمان فترة يا ابو صلاح طلعت موضة ناس كتار عاملين Interesred in open relationship ساااااااااااااااي لقوها سمحة ومختلفة وما فاهمين معناها لمن نزلنا تعميم للناس بي شرح لنوع العلاقة دي open marriage. While "open relationship" is sometimes used as a synonym for "polyamory" or "polyamorous relationship", these terms are generally differentiated. The "open" in "open relationship" usually refers to the sexual aspect of a non-closed relationship, whereas "polyamory" refers to the extension of a relationship by allowing bonds to form (which may be sexual or otherwise) as additional long term relationships:
Some relationships place strict restrictions on partners (e.g. polyfidelity); such relationships are polyamorous, but not open. Some relationships permit sex outside the primary relationship, but not love (e.g. swinging); such relationships are open, but not polyamorous. Some polyamorists do not accept the dichotomies of "in a relationship/not in a relationship" and "partners/not partners"; without these divisions, it is meaningless to class a relationship as 'open' and 'closed'. Some polyamorists consider 'polyamory' to be their philosophical orientation — they believe themselves capable and desirous of multiple loves — whereas 'open relationship' is used as a logistical description: that is, it is how their polyamory is expressed or implemented. They would say of themselves, for instance, "I am polyamorous; my primary partner and I have an open relationship (with the following ground rules)...." However, there is enough overlap between the two concepts that 'open relationship' is sometimes used as a catch-all substitute when speaking to people who may not be familiar with 'polyamory' حتي بعد داك جماعتك غيرو الحكاية اوع يا اخوانا من الفخ ده الواحد/ة ما يحاول يعمل فيها منفتح علي الاخر بي حاجات ممكن تتفهم غلط من ثقافات تانية
بمناسبة الانجليزى الكبيتو دا.. فى زول فاتح بوست لتمبس (اظنو اسى البوست دا فى الصفحة الاولى)
الموضوع جوة باالانجليزى فتمبس قال مابعلق الا يجيبو ليهو محامية...
كمان اسى انا دايرة محامى حتى ارد..
هو بالعربى صعب الفيس بوك تجى تسوى لينا انجليزى..
راوية عليك الله ترجمى لينا..
Post: #96 Title: Re: facebook ليكشر.. لوسمحت يا لؤى... Author: sami Alzubair Date: 08-09-2008, 08:08 PM Parent: #1
رابطة أعضاء واصدقاء سودانيز اونلاين في الفيس بوك شفتي يا اميرة تضغطي علي الرابط الفوق ده تلقي اصحابك الاعضاء بتاعين سودانيز العندهم حساب في الفيس بوك وتكتبي البريحك وتلقي صور واخبار الموقع بس لازم في الاول تعملي Join group
وقع ليك امي انا
..... كل الشباب برضو الما مشتركين في المجموعة يا ريت يشرفونا بي هناك
Post: #98 Title: Re: facebook ليكشر.. لوسمحت يا لؤى... Author: sami Alzubair Date: 08-09-2008, 10:22 PM Parent: #1
Quote: يعنى خلاص الحصص انتهت ؟
البوست ده حيفضل مفتوح لمن بولندا تشيل كاس العالم او اميرة تبقي معلمةفي الفيس بوك ايهما اسرع امشي هنك وانضمي للمجموعة واسالي بي هنا وهناك وما تقولي ما بوروني الناس ديل مارقين في سبيل محو الامية التقنية
في انتظارك
Post: #99 Title: Re: facebook ليكشر.. لوسمحت يا لؤى... Author: Amira Elsheikh Date: 08-10-2008, 11:21 AM Parent: #98
Quote: اميرة تبقي معلمةفي الفيس بوك
غايتوهجمتنى هجيمة كبيرة يااستاذ..
دى صعبة صعبة ..
اسهل السودان يشيل كاس العالم..
Post: #100 Title: Re: facebook ليكشر.. لوسمحت يا لؤى... Author: sami Alzubair Date: 08-10-2008, 11:33 AM Parent: #1
Quote: غايتوهجمتنى هجيمة كبيرة يااستاذ..
والله يا اميرة انتي عاملة للموضوع ده دعاية ساي والله الفيس بوك ده اسهل شيء ... كدي النمسكها واحدة واحدة 1-موضوع الحساب بتاعك عرفتي تغيري الايميل بالاهتداء بالعربي الصرفناهو فوق ده 2-موضوع الانترست حددي حاجات بناء علي العربي والانجليزي الاتصرف فوق ده ... عشان ننتقل للمراحل المتقدمة ياخ وكمان نوريك حكاية الكتابة بالاختصارات والرموز وكدا ولا شنو؟؟
Post: #101 Title: Re: facebook ليكشر.. لوسمحت يا لؤى... Author: Amira Elsheikh Date: 08-10-2008, 11:36 AM Parent: #100
Quote: ولا شنو؟؟
ثمح...
________________________________________________
باختصار كدا قول بليدة يا استاذ وحاة ابوى ما بزعل
Post: #102 Title: Re: facebook ليكشر.. لوسمحت يا لؤى... Author: Salahaldeen Nadir Date: 08-10-2008, 01:41 PM Parent: #101
شوفي يااختي اول حاجة انا البوست ده كل يوم متشعلق فيهو ولامن احس باني فاهم حاجة اجي اطبقة ( الحق الكمبيوتر امات طه ) وفرمته بي 80 ريال.... اها نبقي في جنس ده ....؟ شوفي.... حصصك دي انا مافهمته فيها التكتح بعدين لؤي شمت عمل زغبير من البدائة وسافر السويد.... وكمان الاستاتذة ديل كلهم ماقدروا يفهموني كيف اسجل ظااااااتو في الفيس شنو ماعارف ده ( هو اسمو شنو ....؟) المهم .... يااما تغيري الاساتذة ديل او ... اخير ليك( كرسيني) ده تجيبي ليكي فوقوا زولا بفهم .
انا اكان لي علي قولة المصريين ( غلب ....!) سلااااااااااااااااااااااام
ياخ نحن نعمل حفل التكريم بتاع الاستاذة قبل اللكشر دا ما ينتهى
انشاءالله ما نفهم زاتو...
اها ابوعركى دا ايام الجامعة كان من ضمن بيئة العمل
يعنى عادى ممكن تدك اجعص لكشر وتمشى تحضر ابو عركى
وترجع زى الماحصل حاجة..
معا من اجل بيئة عمل سليمة ..
شكرا يا استاذ والنبى ما تسالنى تقول لى كنت وين ..
Post: #111 Title: Re: facebook ليكشر.. لوسمحت يا لؤى... Author: sami Alzubair Date: 08-12-2008, 10:41 PM Parent: #1
أها بالنسبة للناس الكرت كرتونة زي عمكم هاون ده التسجيل بكون بي إنك تملا المربعات دي زي ما موضح ليك باللون الأحمر بالخطوات الآتية:- 1-تكتب إسمك ويا حبذا لو ثلاثي أو إسم الشهرة أو أي إسم يعني في واحد تلقاهو كاتب اسمو عبد الفتاح احمد ابراهيم مصطفي وواحد تاني كاتب محسن خالد وواحد حاسي نفسو مشهور للطيش يقوم يكتب أمير. في واحدين بكتبو لقب أو اسم شهرة مثلا ابوطويلة ابو قصيرة المهم حنك زي ده واحدين كدا عامل فيها الود عندو نك نيم خاص وبتاع يقوم رايح كاتب ليك الليث الابيض الملاك الاخطبوط ومش عارف اية نصيحة:اكتب اسمك المعروف بيه وسط مجتمعك عشان اصحابك يقدرو يتعرفو عليك ويضيفوك لو قابلوك في قروب او اي حاجة تانية وده موضوع بنجيهو براهو. نصيحة مهمة جدا:كتابة الاسم بالحروف الانكليزية ما بالعربي
2-الايميل:تكتب ايميل صحيح وشغال بس ما مهم يكون ايميلك الرئيسي واحبذ انك تظبط ليك ايميل خاص بالفيس بوك وتكون مارقو للربا والتلاف تحسبا لاي اختراق ولا علي الاقل ما تنزعج من كمية الايميلات الممكن تصلك وانت جديد قبل ما تعرف كيف توقفها من البرايفسي وكدا.وده موضوع براهو بتاع الشغلانية دي لكن مهم جدا. طبعا اميرة الفاتحة البوست ده راكبة ماسورة بترول بي سبب انها منزلة ايميلها الرئيسي والجماعة شابكنها ليك ايميلات لمن كرهت الفيس بوك زاتو بعدين السيستم النورمال بتاع الموقع مصمم علي كده يعني كان جاء واحد كتب ليك في حيطتك بوروك وكان رسلو ليك هدية ولا غنية ولا شبط جديد برضو بوروك المهم اي شمار طاشي بخصك او بخص اصحابك برسلو ليك بيهو ايميل
3-الباسورد:شوف ليك باسورد ما بتنقر واعمل سبيس بين الكلمات لانو اغلب البرامج بتاعت الهكرز موضوع الاسبيس ده ما شايلاهو مكسب
4-الجندر وكدا:الجكس براهم والباقين براهم
5-تاريخ الميلاد:عشان الجماعة يظبطوا ليك عيد ميلاد خطير كدا وبعدين في ناس لو رسلت ليهم ركوست بشوفوا صفحتك ويعاينوا لي عمرك لو لقوهوا ما مناسب معاهم بعملوا ليك جحا طوالي وفي ناس طبعا بلعبوا ساااااااي كان قبولهم ولا ما قبولهم لمن يتسيكوا في زول من مواليد 90 بالنسبة للعجائز والداسين الحكاية وكدا ما تخافوا من شيل الحال في طريقة بعدين تقدر تدس بيها السنة وتخلي الشهر واليوم بس يظهروا للناس طبعا في ناس بعد قروا السطر الفات ده لمن استعدلوا
6-اخر واهم خطوة في ملي البيانات ده موضوع ساين اب لانو بتعلن بيها موافقتك علي البيانات السجلتها وكدا
Quote: بس ما مهم يكون ايميلك الرئيسي واحبذ انك تظبط ليك ايميل خاص بالفيس بوك وتكون مارقو للربا والتلاف تحسبا لاي اختراق ولا علي الاقل ما تنزعج من كمية الايميلات الممكن تصلك وانت جديد قبل ما تعرف كيف توقفها من البرايفسي
يعنى يا عمك ما تتمقلب زى واحدة صاحبتنا كدا
وتقعد تكوس للبحلك ما تلقى..
غايتو يا استاذ سامى يوم شكرك ما يجى ..
Post: #113 Title: Re: facebook ليكشر.. لوسمحت يا لؤى... Author: Ahmed musa Date: 08-12-2008, 10:52 PM Parent: #1
اميرة الشيخ انا أجي هنا ألقاك آخر لكشرة ........زززأمشي الفيس بوك القاك بح مافي .أفتش كل القروبات ........وحاتك بح ....
Quote: اميرة الشيخ انا أجي هنا ألقاك آخر لكشرة ........زززأمشي الفيس بوك القاك بح مافي .أفتش كل القروبات ........وحاتك بح ....
إنت مسجلة في الفيس بوك جناح وين ؟؟؟؟
وش خجلااااااااااااااااااااان....
Post: #114 Title: Re: facebook ليكشر.. لوسمحت يا لؤى... Author: sami Alzubair Date: 08-12-2008, 10:52 PM Parent: #1
Quote: ياسامي إنت ذوق,,,, ذوووق عدييييل كدا انا جيت استرق السمع.... ولقيت مفاجاة ذكرتني بأيام جميلة قضيتها مع ناس الفنون الجميلة شوووكرا
يا باشمهندس ياخ تسلم انت عارف ما بعرف اعمل شي بي مزاج الا بي مصاحية عركي ولا مصطفي وبعدين البوست ده لقيتوا ليك زي المعسكر ايام الامتحانات في الجامعة اي زول بسال اي زول من اي حاجة بدون ترتيب اها قلنا نظبط الحكاية بالمعلم ده عشان الواحد يفتح نفسو للشغلانية دي
المهم مكسب حضورك ومتابعتك وخليك اراوند وكدا
Post: #116 Title: Re: facebook ليكشر.. لوسمحت يا لؤى... Author: sami Alzubair Date: 08-13-2008, 05:33 PM Parent: #1
انتي برضو من ناس الدكوك والله طلعنا زملاء وكدا طبعا كنت رئيس جمعية دك المحاضرات من اجل الطرب وكدا
... تسلمي يا اميرة وتابعي الموضوع
Post: #117 Title: Re: facebook ليكشر.. لوسمحت يا لؤى... Author: sami Alzubair Date: 08-13-2008, 10:07 PM Parent: #1
بعد كده الجماعة ديل بقومو برسلو ليك إيميل فيهو تأكيد إشتراكك وبجيك علي نفس الأيميل الأنت كتبتو قبيل وفي الإيميل ده بتلقي لينك تقوم رايح ضاغط عليهو وهو اتوماتيكلي بنقلك للموقع وتلقي نفسك مسجل تقوم تعمل الآتي:- 1-في اقص اليسار بتلقي مربع بتاع الايميل تقوم رايح منزل الايميل بتاعك وكدا 2 تحتو مباشرة الباسورد 3-تحتهم الحتة بتاعت اتذكروني ما تنسوني دي طبعا للناس البتدخل من كمبوتر برايفت اما ناس الكمبيوترات الببلك فما بنصحهم يفعلوا الخاصية دي لانها بتديك ميزة انو تاني تخش حسابك مباشرة بدل كل مرة تدخل الايميل والباسورد ولكن من مساوئها انو بتنتهي من موضوع خصوصية الحساب بالنسبة للكمبيوتر البستخدمو اكثر من زول وكدا 3-الدخول وبي كدا يا منقا بتكون امتلكت حساب ظريف في كتاب الوش ده وتقدر تتجدع بيهو وتصاحب اي زول انشاء الله اوكامبو زي ما انا عامل المهم دي الصورة الفيها الحنك ده كلو
Post: #119 Title: Re: facebook ليكشر.. لوسمحت يا لؤى... Author: Amira Elsheikh Date: 08-22-2008, 11:58 AM Parent: #117
سلاااام للجميع..
الفترة الفاتت دى كنت بحاول اعمل تطبيقات..
اها باختصار حصل الاتى..
عملت ايميل جديد(للربا والتلاف) حسب توجيهات سعادتكم..
اتبعت نفس الخطوات لحدى ماوصلت مرحلة السيتينق غيرت الايميل القديم
بالجديد..
اها لمن جيت ادخل منو وجديد قالو لى لا فى غلط...\
برجع بتم ليكم باقى المحن دى
Post: #120 Title: Re: facebook ليكشر.. لوسمحت يا لؤى... Author: sami Alzubair Date: 08-23-2008, 08:39 PM Parent: #119
Quote: عملت ايميل جديد(للربا والتلاف) حسب توجيهات سعادتكم..
اتبعت نفس الخطوات لحدى ماوصلت مرحلة السيتينق غيرت الايميل القديم
بالجديد..
اها لمن جيت ادخل منو وجديد قالو لى لا فى غلط...\
برجع بتم ليكم باقى المحن دى
البرينسة وكدا الخبر شنو طيب عملتي ايميل جديد ودخلتي غيرتيهو في الضبط وكدا اتوماتيكلي ح يرسلو ليك رسالة في بريدك عشان يوروك الحاصل ده اذا اصلا عملتي حفظ في نفس صفحة التغيير .. في انتظار التفاصيل
Post: #123 Title: Re: facebook ليكشر.. لوسمحت يا لؤى... Author: sami Alzubair Date: 09-30-2008, 08:13 AM Parent: #1
ح نواصل في البوست حسب الطلب لانو الفيس بوك ده بحر .. الزول الداير حاجة يسال منها والله يقدرنا نوصل المعلومة من العارفنو والماعارفنو نفتش عليهو سوا حتي تعم الفائدة
_______ والله انا قايلو اتارشف
Post: #124 Title: Re: facebook ليكشر.. لوسمحت يا لؤى... Author: Amira Elsheikh Date: 09-30-2008, 08:34 AM Parent: #123
طيب يااستاذ مش كان تكلمنى انو عندك ابوين..
او ابوك عندى اسمين عشان ما ادقس جنس الدقسة..
غايتو فرجت فينى حمور زيادة
Post: #125 Title: Re: facebook ليكشر.. لوسمحت يا لؤى... Author: sami Alzubair Date: 09-30-2008, 03:00 PM Parent: #1
Quote: غايتو فرجت فينى حمور زيادة
ياخ ما كدا سامي الزبير ده اسم الشهرة والاسم التاني ده اسمي في القسيمة اها بعدين حمور ده كان ماهو كان لي هسي ما اتلاقينا اي نعم هو لو لقي في زول فرصة بشيهو العافية(واستاتيوس شذي يشهد) لكن برضو حبيـــــبنا
